 |
| ဆူဒန်မှာ စစ်တပ်အာဏာသိမ်းတာကို ဆန့်ကျင်နေ |
ဆန္ဒပြနေကြတဲ့ ထောင်နဲ့ချီလူအုပ်ထဲက အမျိုးသမီးတစ်ယောက်က 'သိပ်စိတ်ပျက်စရာကောင်းတယ်၊ ဒါမျိုးဖြစ်လာမယ်လို့လည်း ထင်ထားခဲ့ပါတယ်၊ သူတို့ ညစ်ပတ်တဲ့နည်းတွေ သုံးကြဦးမယ်' လို့ ပြောပါတယ်။
သမ္မတဆီကနေ အာဏာသိမ်းယူခဲ့တဲ့ စစ်ကောင်စီက အသွင်ကူးပြောင်းရေးကာလ ၂ နှစ်ထားရှိပြီးတော့ တိုင်းပြည်ရဲ့တာဝန်တွေကို သူတို့ထမ်းဆောင်သွားမယ်လို့ အစောပိုင်းတုန်းက ကြေညာခဲ့တာပါ။
ဆူဒန်က အဓိက အတိုက်အခံပါတီဖြစ်တဲ့ ပြည်သူ့ကွန်ကရက်ပါတီက အထွေထွေအတွင်းရေးမှူး ခါလစ်အိုမာကတော့ 'ဆန္ဒပြသူတွေက စစ်အာဏာသိမ်းတာကို ဆန့်ကျင်ပါတယ်၊ ဒါဟာ ပြည်သူတွေရဲ့ တောင်းဆိုမှု၊ ပြည်သူတွေရဲ့တော်လှန်ရေးကို စစ်တပ်က ခိုးယူသွားတာပါ လို့ ပြောပါတယ်။
သမ္မတ အိုမာ အယ်လ်-ဘရှားဟာ တိုင်းပြည်ရဲ့ အာဏာကို အနှစ် ၃ဝ ချုပ်ကိုင်ထားသူဖြစ်ပြီး သူ့ကို စစ်တပ်က ရာထူးက ဖယ်ရှားပြီးတဲ့နောက် တိုင်းပြည်ကို ၃ လတာ အရေးပေါ်အခြေအနေအဖြစ် တပ်က ကြေညာခဲ့တာပါ။
မစ္စတာ ခါလစ်အိုမာကတော့ 'အစိုးရအဖွဲ့အစည်း တစ်ခုလုံးကို မပြောင်းလဲဘဲ သမ္မတ ဘာရှား တစ်ယောက်ထဲကိုပဲ လူစားလဲပြီးတော့ ပြောင်းလဲလိုက်တာမျိုး လိုချင်တာ မဟုတ်ဘူး၊ အရပ်သားအစိုးရတစ်ခုနဲ့ ပြောင်းလဲချင်တာပါ' လို့ ပြောခဲ့ပါတယ်။
BBC Burmese
https://www.bbc.com/burmese
ဆူဒန်မှာ စစ်တပ်အာဏာသိမ်းတာကို ထပ်ဆန့်ကျင်နေ
Reviewed by THITHTOOLWIN
on
20:47
Rating:
Reviewed by THITHTOOLWIN
on
20:47
Rating:
