မူဆယ်မြို့နယ် မူလတန်းကျောင်း ဖောက်ထွင်းခံရ


ဧပြီလ ၂၃ ရက် ၂၀၁၉

သျှမ်းပြည်နယ် မြောက်ပိုင်း မူဆယ်မြို့နယ် တာတွေ ကျေးရွာ မူလတန်းကျောင်းတွင် ယခုရက်ပိုင်း အတွင်း ဖောက်ထွင်း မွှေနှောက် ခံရကြောင်း စုံစမ်းသိရသည်။

မူဆယ်မြို့ နှင့် မိုင် ၅၀ ဝေးသည့် တာတွေကျေးရွာ တွင် မူလတန်းကျောင်းရှိ ဆရာမများ သင်္ကြန်ပိတ်ရက် နေ့ရပ်ပြန်ချိန်တွင် ဆရာမများနေထိုင်သည့် ယာယီ အဆောက်အဦး နှင့် ရုံးခန်းကို သူခိုးမှဝင်ရောက်မွှေနှောက် သွားကြောင်း၊ ဆရာမများ၏ အစားအသောက်များကိုလည်း ယူဆောင်သွားကြောင်း တာတွေကျေးရွာ တွင် တာဝန်ထမ်းဆောင်သည့် ဆရာမ ဒေါ်သဲသဲ က သျှမ်းသံတော်ဆင့်ကို ပြောသည်။

“ မနေ့က (ဧပြီ ၂၂) ရက်က ကျမ မူဆယ်ကနေ ရွာကို ပြန်ပြီး အောင်စာရင်းသွားကပ်တာ။ အဲ့မှာ တွေ့တွေ့ချင်း ဒေါသတွေထွက်တယ်။ သူက အခန်းတံခါးတွေ ရိုက်ချိုးထားတယ်။ ကျောင်းခန်းထဲမှာလည်း မီးတွေမွှေးပြီး ဘီယာတွေ သောက်ထားတယ်” ဟု ဆရာမ ဒေါ်သဲသဲ ကဆိုသည်။

အဆိုပါ ဖြစ်ရပ်ကို မြင်သည့်အခါ ကျေးရွာ မှ တာဝန်ရှိသူကို မေးမြန်းသော်လည်း မသိရှိကြောင်း၊ မည်သည့် အဖွဲ့မှ လာရောက်မွှေသွားသည်ကိုလည်း မသိကြောင်းသာ ဖြေသည် ဟု ဆရာမ က ပြန်ပြောသည်။

“ ကျောင်းက ပစ္စည်းတွေ ဘာမှ မယူပေမယ့်။ ရှိသမျှမွှေသွားတာ ကြည့်ရဆိုးတယ်။ နောက် ကျမတို့ ဆရာမနေတဲ့ ဝန်ထမ်းအိမ်တွေလည်း ပျက်စီးသွားတယ်။ ကျမတို့ စားစရာတွေလည်း ယူသွားတယ်” ဟု ၎င်းက ထပ်လောင်းပြောသည်။

ထိုကဲ့သို့ ဖြစ်စဉ်မျိုး တကြိမ်တခါမျှ မရှိခဲ့ဖူးကြောင်း၊ကလေးများ စာသင်ကျောင်းဝန်း အတွင်းသို့ ဝင်ရောက်မွှေနှောက်ပြီး ဘီယာများ လာရောက်သောက်သုံးခြင်းသည် ရုပ်ဆိုးသည့် ဖြစ်ရပ်ဖြစ်ကြောင်း လည်း ဆရာမ များက ပြောဆိုသည်။

“ ဒီလို ဖြစ်တော့ကျမတို့ဆရာမတွေ အတွက် လုံခြုံမှု စိုးရိမ်ရတယ်” ဟုလည်း ဒေါ်သဲသဲ ကဆိုပြန်သည်။

အဆိုပါ မူလတန်းကျောင်းဖောက်ထွင်း မွှေနှောက်ခံရသည့် သတင်းနှင့် ပတ်သက်ပြီး မူဆယ်မြို့ ရဲစခန်းကို ဆက်သွယ် မေးမြန်းသော်လည်း မသိရှိသေးကြောင်း ပြန်လည် ဖြေကြားသည်။

ယခုရက်ပိုင်း မူဆယ်မြို့နယ် အနီးတ၀ိုက်တွင်လည်း မြန်မာ့တပ်မတော် နှင့် ကချင်လွတ်မြောက်ရေး တပ်မတော် (KIA) တို့ တိုက်ပွဲများဖြစ်ပွားပြီး နမ့်ခမ်းမြို့နယ် တွင်လည်း မြန်မာ့ တပ်မတော် နှင့် တအာင်း(ပလောင်) လွတ်မြောက်ရေး တပ်မတော် (TNLA )တို့ တိုက်ပွဲများပြန်လည်ဖြစ်ပွားနေသည် ဟု သိရသည်။

သျှမ်းသံတော်ဆင့်၊ နန်းဆိုင်နွမ်
Panglong(Burmese)
https://www.facebook.com/ShanNewsBurmese/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ