ဆူဒန်နိုင်ငံ စစ်တပ်အာဏာသိမ်းမှု နိုင်ငံတကာစောင့်ကြည့်

ဆန္ဒပြသူများ (ဧပြီ၊ ၁၁၊ ၂၀၁၉)
ဆူဒန်နိုင်ငံမှာ စစ်တပ်က အာဏာသိမ်းခဲ့တဲ့အပေါ် ဆန္ဒပြသူတွေနဲ့ နိုင်ငံတကာအသိုင်းအဝိုင်းက သတိထားစောင့်ကြည့်နေကြပြီး နိုင်ငံမှာ ဒီမိုကရေစီ ဖော်ဆောင်ရေးဆောင်ရွက်ဖို့ လိုလားနေကြပါတယ်။

နိုင်ငံကို နှစ်ပေါင်း ၃၀ ကြာ အာဏာရှင်လို အုပ်ချုပ်ခဲ့တဲ့ သမ္မတ Omar al-Bashir ရာထူးကနေ ဆင်းသွားတာကို ပျော်ရွှင် အောင်ပွဲခံခဲ့တဲ့ ဆန္ဒပြသူတွေက စစ်တပ်အာဏာသိမ်းတဲ့အပေါ် သိပ်ပြီး အယုံအကြည်မရှိကြပါဘူး။

ဆူဒန်ပြည်သူတွေကို ကိုယ်စားပြုတဲ့ အရပ်သားအစိုးရ ဖြစ်မလာဘူးဆိုရင် ဆန္ဒပြမှုတွေ ပြန်စမှာ ဖြစ်တယ်လို့ ဆန္ဒပြသူတွေက ပြောနေကြပါတယ်။ သမ္မတ al-Bashir ရဲ့အုပ်ချုပ်မှုအတွင်း လုံခြုံရေးနဲ့ စစ်ထောက်လှမ်းရေးတွေရဲ့ လုပ်ရပ်တွေကြောင့် စစ်တပ်အာဏာသိမ်းလိုက်တဲ့အပေါ် စိုးရိမ်မှုတွေလည်း ရှိနေကြပါတယ်။

ကာကွယ်ရေးဝန်ကြီး Awad Mohamed Ahmed Ibn Auf ဦးဆောင်တဲ့ အသွင်ကူးပြောင်းရေးစစ်ကောင်စီက နိုင်ငံကို ၂ နှစ် အုပ်ချုပ်မှာ ဖြစ်ပါတယ်။ နိုင်ငံဖွဲ့စည်းပုံဥပဒေကို ယာယီပယ်ဖျက်ထားသလို လွှတ်တော်ကိုလည်း ဖျက်သိမ်းထားပါတယ်။

နိုင်ငံတော် အရေးပေါ်အခြေအနေကိုလည်း ၃ လ ထုတ်ပြန်ထားပါတယ်။ အာဏာသိမ်းခံရတဲ့ သမ္မတ al-Bashir ကို နေအိမ် အကျယ်ချုပ်ချထားတယ်လို့ စစ်တပ်အသိုင်းအဝိုင်းက VOA ကိုပြောပါတယ်။

စီးပွားရေး စီမံခန့်ခွဲမှု ညံ့ဖျင်းတာ၊ စားသောက်ကုန်ဈေးတွေ ကြီးမြင့်နေတာနဲ့ လောင်စာဆီနဲ့ နိုင်ငံခြားငွေပြတ်လပ်နေမှုတို့ကြောင့် သမ္မတ Omar al-Bashir ရာထူးကနေ ဆင်းပေးဖို့ တောင်းဆိုဆန္ဒပြမှုတွေ လွန်ခဲ့တဲ့ ၄ လထဲက စတင်ခဲ့တာ ဖြစ်ပါတယ်။ လုံခြုံရေးတွေရဲ့ နှိမ်နှင်းမှုကြောင့် ဆန္ဒပြသူ ၃၀ ထက်မနည်း သေဆုံးခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ