သမ္မတ ဦးဝင်းမြင့် ပြောတဲ့ ဘာသာ၊ လူမျိုးနဲ့ နိုင်ငံရေး ပဋိပက္ခထောက်ချောက်ထဲ မဝင်မိဖို့ သတိပေးချက်က ဘာကို ရည်ညွှန်းသလဲ

အာရုံပြောင်းလမ်းကြောင်းလွှဲတဲ့ အဖြစ်အပျက်များကိုလည်း သတိပြုကြစေလို
မြန်မာပြည်သူတွေအနေနဲ့ ဘာသာရေး၊ လူမျိုးရေးနဲ့ နိုင်ငံရေး ပဋိပက္ခထောင်ချောက်ထဲကို မဝင်မိဖို့ သတိပြုကြပါလို့ သမ္မတဦးဝင်းမြင့်က သူရဲ့ ဧပြီလ ၁၇ ရက် ဒီကနေ့ မှာ ပြောကြားတဲ့ မြန်မာ့ နှစ်သစ်ကူး မိန့်ခွန်းမှာ သတိပေးလိုက်ပါတယ်။

အဲ့ဒါအပြင် အာရုံပြောင်းလမ်းကြောင်းလွှဲတဲ့ အဖြစ်အပျက်များကိုလည်း သတိပြုကြဖို့နဲ့ လှုံ့ဆော်ဖန်တီးမှု တွေကိုလည်း စိတ်ခံစားမှုနဲ့ မတုံ့ပြန်မိဖို့ သတိရှိကြစေလိုတယ်လို့ ထပ်ပေါင်း ပြောကြားခဲ့ပါသေးတယ်။

အစိုးရက အခု ရရှိပြီးတဲ့ အောင်မြင်မှုနဲ့ အောင်မြင်မှုလမ်းကြောင်းပေါ်ရောက်နေတာတွေကို ဆက်လုပ် သွားမယ့်အပြင် အချို့ကဏ္ဍတွေမှာ ပြည်သူတွေ ဖြစ်စေချင်တဲ့ ဆန္ဒတွေနဲ့ မျှော်လင့်သလောက် မဖြစ်သေးတာတွေ၊ အစိုးရလုပ်ရပ်တွေ အားမလိုအားမရဖြစ်နေတဲ့အရာတွေကို ပြန်သုံးသပ်ပြီးလုပ်ဆောင် မယ်လို့လည်း ပြောခဲ့ပါတယ်။

အဲဒီလိုလုပ်ဆောင်ရာမှာတော့ တည်ငြိမ်မှုကိုလည်းမထိခိုက်စေ၊ အပြောင်းအလဲတွေကိုလည်းဖြစ်ပေါ်စေဆို တဲ့နည်းလမ်းကိုပဲကျင့်သုံးပြီးပဲ ဆက်လုပ်သွားမှာလို့ သမ္မတဦးဝင်းမြင့်က ဆိုပါတယ်။

ပြီးခဲ့တဲ့ ဇန်နဝါရီလာက်ကစပြီး အမျိုးသားဒီမိုကရေစီအဖွဲ့ချုပ် NLD က သူ့ ပါတီဝင်အမတ်တွေအများစုစိုးမိုး ထားနိုင် တဲ့လွှတ်တော်ထဲကနေ အခြေခံဥပဒေကိုပြင်ဆင်ဖို့ လုပ်ခဲ့ပါတယ်။ အဲဒီအချိန်ကစပြီး အခြေခံ ဥပဒေအရ အခွင့်အာဏာ အများဆုံးရရှိနေတဲ့ တပ်မတော်ရဲ့ ကန့်ကွက်မှုတွေကို စတင်ရင်ဆိုင်ခဲ့ရ ပါတယ်။

အဲဒီအချက်တွေကြောင့် NLD ရဲ့လွှတ်တော်တွင်းက သွားမယ့်ဖွဲ့စည်းပုံပြင်ဆင်ရေးက တပ်နဲ့ထိပ်တိုက် ရင်ဆိုင်တွေ့တဲ့ အခြေအနေလို့ နိုင်ငံရေးလေ့လာသူတွေက သုံးသပ်ထားပါတယ်။
တပ်နဲ့ထိပ်တိုက်တွေ့တဲ့ဟာမျိုးကသိပ်မရှိဘူးလေ အဓိကကဖွဲ့စည်းပုံ ပြင်ဆင် ရေးလုပ်နေချိန်မှာ ဒါကိုအာရုံလွှဲသွားမှာကိုရည်ရွယ်တယ်
သမ္မတဦးဝင်းမြင့်ရဲ့ မိန်းခွန်းအရလည်း အာရုံပြောင်းလမ်းကြောင်းလွှဲတဲ့အဖြစ်အပျက်တွေကို သတိပြု ကြစေလိုတယ်လို့ ဆိုတာက NLD အစိုးရလုပ်နေတဲ့ လွှတ်တော်တွင်းဖွဲ့စည်းပုံပြင်ဆင်ရေးလုပ်ငန်းတွေကို ပြည်သူ့တွေ အာရုံလွှဲလမ်းကြောင်းလွှဲနိုင်တဲ့ အဖြစ်အပျက်တွေဖြစ်လာနိုင်လို့ သတိပြုစေချင်တာလို့ ရန်ကုန် နိုင်ငံရေးသိပ္ပံပညာကျောင်းရဲ့ ဥက္ကဋ္ဌ ဦးမြတ်သူက ယူဆပါတယ်။

"ရှင်းတော့ရှင်းတယ်၊ တခြား တပ်နဲ့ထိပ်တိုက်တွေ့တဲ့ဟာမျိုးကသိပ်မရှိဘူးလေ အဓိကကဖွဲ့စည်းပုံ ပြင်ဆင် ရေးလုပ်နေချိန်မှာ ဒါကိုအာရုံလွှဲသွားမှာကိုရည်ရွယ်တယ်လို့ ကျွန်တော်ကတော့ရှင်းရှင်းလင်းလင်း ပဲမြင်တယ်။ ဒါကိုအာရုံလွှဲနိုင်တယ်၊ အဲဒါကိုမပါကြဖို့ပြောတယ်လို့ပဲ မြင်တယ်" လို့ သူကဆိုပါတယ်။

လူမျိုးရေး၊ ဘာသာရေးနဲ့ နိုင်ငံရေးပဋိပက္ခထောင်ချောက်ထဲကို မဝင်မိဖို့တိုက်တွန်းချက်ကလည်း အရင် သမ္မတမိန့်ခွန်းတွေထဲမှာ ထည့်သွင်းပြီး ပြောကြားလေ့မရှိခဲ့လို့ အခုလိုစတင်ပြောကြားမှုက အဆိုပါကိစ္စတွေကို အစိုးရက ရှေ့တလမ်းတိုးလုပ်ဆောင်နိုင်ဖို့ ပြင်ဆင်တာမျိုးရှိလာနိုင်တယ် လို့ ဦးမြတ်သူက ပြောပါတယ်။

NLD အစိုးရအနေနဲ့ လူမျိုး၊ ဘာသာနဲ့ နိုင်ငံရေးပဋိပက္ခတွေကို ဖြေရှင်းဖို့ရာမှာလည်း အခုလိုကိစ္စတွေကို အမှန်တကယ် ဖြေရှင်းနိုင်မယ့် လက်နက်ကိုင်အဖွဲ့အစည်းတွေက အစိုးရရဲ့ ထိန်းချုပ်နိုင်မှုအောက်မှာ မရှိတဲ့အတွက် ဖြေရှင်းနိုင်ဖို့ကတော့ အခက်အခဲဆက်ရှိနေမယ်လို့ သူကသုံးသပ်ပါတယ်။

သမ္မတဦးဝင်းမြင့်ကတော့ ပြီးခဲ့တဲ့နှစ်အတွင်းမှာ အဂတိလိုက်စားမှုကိုတိုက်ဖျက်နိုင်ခဲ့တာ၊ အစိုးရက လျှပ်စစ်မီးတိုးမြှင့်ဖြန့်ဖြူးပေးနိုင်တာ၊ ရခိုင်ပြည်နယ်ကကိစ္စတွေမှာ အခက်အခဲအကျပ်အတည်းတွေနဲ့ လုပ်ဆောင်နေရတာတွေရှိပေမယ့် လူထုစုပေါင်းပါဝင်မှုတွေနဲ့အတူ ရင်ဆိုင်ဖြေရှင်းသွားပြီး ဒီမိုကရေစီ ဖက်ဒရယ် ပြည်ထောင်စုကိုအောင်မြင်အောင်အကောင်အထည်ဖော်မယ်ဆိုတဲ့ စတဲ့အကြောင်းအရာတွေ ကိုလည်း ထည့်သွင်းပြောကြားခဲ့ပါတယ်။

BBC Burmese
https://www.bbc.com/burmese

မြန်မာ သမ္မတ နှစ်သစ်လွတ်ငြိမ်းသက်သာခွင့် အကျဉ်းသား ၉၅၀၀ကျော် ပြန်လွတ်

မြန်မာနှစ်သစ် အတွက် သမ္မတ ဦးဝင်းမြင့် နှစ်သစ် ဆုတောင်းပေးပို့။ ဓာတ်ပုံ - နိုင်ငံတော်သမ္မတရုံး
မြန်မာ သက္ကရာဇ် ၁၃၈၁ ခုနှစ် နှစ်ဆန်း ၁ ရက်နေ့မှာ အကျဉ်းသား ၉၅၅၁ ဦးကို သမ္မတ ဦးဝင်းမြင့်က ပြစ်ဒဏ် လွတ်ငြိမ်းသက်သာခွင့် ပြုလိုက်ပါတယ်။ နိုင်ငံသား အကျဉ်းသား ၉၅၃၅ ဦး ပါဝင်ပြီး နိုင်ငံခြားသား အကျဉ်းသား ၁၆ ဦးပါဝင်တယ်လို့ နိုင်ငံတော် အတိုင်ပင်ခံရုံး ၀န်ကြီးဌာန ညွှန်ကြားရေးမှူးချုပ် ဦးဇော်ဌေးက သူ့ရဲ့ Facebook လူမှုကွန်ယက် စာမျက်နှာမှာ ရေးသားထားပါတယ်။

ဘယ်သူတွေ ပါဝင်သလဲ ဆိုတာတော့ မသိရသေးပါဘူး။ ဒီကနေ့ ကျရောက်တဲ့ မြန်မာနှစ်ဆန်း ၁ ရက်နေ့မှာဘဲ သမ္မတ ဦးဝင်းမြင့်၊ နောက် ဒုသမ္မတ ဦးမြင့်ဆွေ၊ ဒု သမ္မတ ဦးဟင်နရီ ဗန်ထီးယူတို့ကလည်း နှစ်သစ်ကူး နုတ်ခွန်းဆက်စကားတွေ အသီးသီး ပြောကြားကြပါတယ်။ သမ္မတ ဦးဝင်းမြင့်ကတော့ ပြီးခဲ့တဲ့ သုံးနှစ်တာ ကာလအတွင်း အစိုးရရဲ့ အောင်မြင်မှုတွေကို အလေးထား ပြောဆိုခဲ့တာမှာတော့ အဂတိတိုက်ဖျက်ရေး၊ မူးယစ်နှိမ်နှင်းရေး၊ နောက် အထွေထွေ အုပ်ချုပ်ရေး ဦးစီးဌာန အပြောင်းအလဲ၊ လယ်သမားတွေကို ချေးငွေတိုးပြီး ချထားပေးနိုင်မှု အပါအ၀င် ဖွံ့ဖြိုးမှု အနည်းဆုံး နိုင်ငံ အဖြစ် သတ်မှတ်ခံထားရတဲ့ မြန်မာနိုင်ငံကို ဒီစာရင်းကနေ လွတ်မြောက်ရေး ဆောင်ရွက်ချက်တွေမှာ တိုးတက်မှုတွေ ရှိနေကြောင်း ပြောဆိုသွားပါတယ်။

ရခိုင်ပြည်နယ်တွင်းက လက်ရှိ တိုက်ပွဲတွေကြောင့် အိုးအိမ်စွန့်ခွာ ထွက်ပြေးရသူတွေ အခြေအနေ ၊ နောက် ဌာနေပြန်ရေး လုပ်ငန်းစဉ်တို့ကို ဆောင်ရွက်နေရကြောင်း အသိအမှတ်ပြု ပြောပေမယ့် ဒီအခက်အခဲတွေက ပြည်သူတွေရဲ့ စုပေါင်းအင်အားကို ဖြစ်ထွန်းပေါ်ပေါက်စေတဲ့ အခွင့်အလမ်းကောင်း အဖြစ် မှတ်ယူကြောင်း ပြောဆိုသွားပါတယ်။ ရှေ့လာမယ့် ကာလတွေမှာတော့ အစိုးရ အပေါ် ပြည်သူတွေ မျှော်လင့်သလို ဖြစ်မလာသေးတာတွေ၊ အားမလို အားမရ ဖြစ်နေတာတွေကို အလေးထားပြီး ကြိုးစား ဆောင်ရွက်သွားမယ်လို့လည်း သမ္မတ ဦးဝင်းမြင့်က နှစ်သစ်ကူး နှုတ်ခွန်းဆက် စကားမှာ ကတိပေး ပြောဆိုသွားပါတယ်။

ဒုတိယ သမ္မတ ဦးမြင့်ဆွေကတော့ နိုင်ငံမှာ အမြန်ဆုံး ငြိမ်းချမ်းရေး ရပါစေကြောင်း နှစ်သစ်ကူး ဆုတောင်းထားပါတယ်။ ဒုတိယ သမ္မတ ဦးဟင်နရီ ဗန်ထီယူကလည်း ဒီမိုကရေစီ ခိုင်မာရေး၊ နိုင်ငံဖွံ့ဖြိုးတိုးတက်ရေးတို့မှာ စည်းလုံးညီညွတ်မှုက အရေးကြီးကြောင်း၊ တိုင်းရင်းသား ပြည်သူတွေကြား နားလည်မှု ယုံကြည်မှုကို တည်ဆောက် နိုင်ပါစေကြောင်း နှစ်သစ် ဆုတောင်းထားပါတယ်။

ဗွီအိုအေ (မြန်မာပိုင်း)
https://burmese.voanews.com
 

ပါရီမြို့တော် ရှေးဟောင်း Notre Dame ဘုရားကျောင်းမီးအပျက်အစီးကြီးမား

ပါရီမြို့လယ်က သမိုင်းဝင် Notre Dame Cathedral ဘုရားကျောင်းကြီး မီးလောင်နေစဉ် ၁၅ ဧပြီလ ၂၀၁၉
ပြင်သစ်နိုင်ငံ ပါရီမြို့လယ်ခေါင်မှာရှိတဲ့ အထင်ကရ Notre Dame Cathedral ဘုရားကျောင်းကြီးမှာ တနင်္လာနေ့က မီးအကြီးအကျယ် လောင်ကျွမ်းခဲ့တဲ့အတွက် အပျက်အစီးအတော်များ ခဲ့ပေမယ့် သမိုင်းဝင် မျှော်စင် ၂ ခုမပျက်စီးအောင်တော့ ကြိုးစားနိုင်ခဲ့တယ်လို့ မီးသတ်သမားတွေက ပြောပါတယ်။ ဒါ့အပြင် ဘုရားကျောင်းရဲ့ ပင်မ အဆောက်အဦး မပျက်စီးအောင်လည်း လုပ်ဆောင်နိုင်ခဲ့တယ်လို့ ပါရီ မီးသတ်တပ်ဖွဲ့အကြီးအကဲ Jean-Claude Gallet ကပြောပါတယ်။

၁၂ ရာစုနှစ်ကတည်းက တည်ဆောက်ခဲ့တဲ့ ဒီဘုရားကျောင်းကြီးမှာ ခေါင်မိုးကနေစတင်လောင်ကျွမ်းခဲ့တဲ့ မီးကြောင့် အမိုးတခုလုံး ပျက်စီးသွားပြီး အဆောက်အဦးရဲ့အမြင့်ဆုံးအပိုင်းဖြစ်တဲ့ စုလစ်မုချွန်း ပြိုကျသွားခဲ့တာပါ။ ဘုရားကျောင်းပြောခွင့်ရ Andre FInot ကတော့ ဘုရားကျောင်း အတွင်းပိုင်းက သစ်သားတွေ ပျက်စီးနိုင်ချေရှိတယ်လို့ ပြောပါတယ်။ ပါရီမြို့တော်ဝန် Anne Hidalgo ကတော့ ဘုရာကျောင်းထဲက ထူးခြားတဲ့ အနုပညာလက်ရာတွေနဲ့ ဘာသာရေးဆိုင်ရာ အထိန်းအမှတ် ပစ္စည်းတွေကို ပြန်ရပြီဖြစ်ကြောင်း ပြောပါတယ်။ မီးသတ်တပ်ဖွဲ့ဝင် ၄၀၀ လောက်ဝိုင်းဝန်းညှိမ်းသတ် ခဲ့ရတာ ဖြစ်ပါတယ်။

မီးဘယ်လိုစတင် လောင်ကျွမ်းရတယ် ဆိုတာကို အခုထိ ရှင်းရှင်းလင်းလင်း မသိရသေးပေမယ့် ပြင်သစ်သတင်းတွေမှာတော့ အခုမီးလောင်ကျွမ်းမှုဟာ ဘုရားကျောင်း အဆောက်အဦီး ပြန်လည်ပြုပြင်မွန်းမံမှုတွေနဲ့ ဆက်စပ်မှုရှိနေ နိုင်တယ်လို့ မီးသတ်သမားတွေက ပြောကြောင်း ဖေါ်ပြထားပါတယ်။ ဘုရားကျောင်းရဲ့ အစိတ်အပိုင်း အတော်များများမှာ ငြမ်းတွေ ဆင်ထားတာဖြစ်ပြီး အထဲက ကြေးရုပ်တုတွေကို ပြန်လည်မွန်းမံဖို့ ပြီးခဲ့တဲ့ သီတင်းပတ် တုန်းကပဲ ပြောင်းရွှေ့ထားကြောင်း တာဝန်ခံ အရာရှိတွေက ပြောပါတယ်။

ဒေသစံတော်ချိန် ည ၇ နာရီမတိုင်ခင်ကလေးမှာ စတင်လောင်ကျွမ်းခဲ့တဲ့ မီးကိုအမြန်ညှိမ်းသတ်နိုင်ဖို့ မီးသတ်ကားတွေ အလျှင်အမြန် သွားရောက်ခဲ့ကြတယ်လို့ မျက်မြင်သက်သေတွေက ပြောပါတယ်။ မီးလောင်တဲ့မြင်ကွင်းကို ကြည့်ရှုဖို့အတွက် Seine မြစ်ပေါ်က ပါရီတံတား တွေပေါ်မှာ ရာနဲ့ချီတဲ့ ပြည်သူတွေ စုဝေးကြည့်ရှုခဲ့ကြတာပါ။

အခုလို မီးလောင်ကျွမ်းမှုကို တွေ့မြင်ရတာ စိတ်မကောင်း ဖြစ်ရကြောင်း ပြင်သစ်သမ္မတ Emmanuel Macron က တွစ်တာကနေ ပြောခဲ့သလို ပြင်သစ်နိုင်ငံရဲ့ အမျိုးသားရေး မူဝါဒဆိုင်ရာ ရုပ်သံမိန့်ခွန်း ပြောကြားမယ့် အစီအစဉ်ကိုပါ ဆိုင်းငံ့လိုက်ပါတယ်။

အမေရိကန်သမ္မတ Donald Trump က ပါရီက Notre Dame Cathedral ဘုရားကျောင်း မီးအကြီးအကျယ် လောင်ကျွမ်းနေတာကို မြင်တွေ့ ရတဲ့အတွက် စိတ်မချမ်းမသာ ဖြစ်ရကြောင်းနဲ့ သူ့တွစ်တာ ကနေ ရေးသားပြောကြားခဲ့ပါတယ်။

အလယ်ခေတ်က ဆောက်လုပ်ခဲ့တဲ့ ဒီ ကက်သလစ်ဘုရားကျောင်းကြီးဟာ ဥရောပမှာ ကမ္ဘာလှည့်ခရီးသွား အများဆုံး သွားရောက်ကြည့်ရှုတဲ့ သမိုင်းဝင်အဆောက်အဦး တွေထဲက တခုဖြစ်ပြီး နှစ်စဉ်လူပေါင်း ၁၃ သန်းလောက် သွားရောက်ကြည့်ရှုတဲ့ နေရာလည်း ဖြစ်ပါတယ်။ ၁၂ ရာစုက စတင်တည်ဆောက်ခဲ့တဲ့ ဒီဘုရားကျောင်းကြီးဟာ နာမည်ကျော် စာရေးဆရာ Victor Hugo ရဲ့ ဂန္ဒဝင်မြောက် ဝတ္တုတပုဒ်ဖြစ်တဲ့ Hunchback of Notre-Dame ဇာတ်အိမ်တည်ရာ နေရာလည်း ဖြစ်ပါတယ်။

ဗွီအိုအေ (မြန်မာဌာန)
https://burmese.voanews.com

၁၂ ရာစုကတည်းက တည်ရှိခဲ့တဲ့ ပြင်သစ် Notre Dame ဝတ်ပြုကျောင်းကြီး မီးအကြီးအကျယ် လောင်နေ

ဘုရားကျောင်းကြီးရဲ့ ပင်မမျှော်စင်ကြီးဟာ မီးဒဏ်ကြောင့်ပြိုကျသွားပြီ ဖြစ်
ကမ္ဘာ့အထင်ကရ စာရင်းဝင် ပြင်သစ်နိုင်ငံ၊ ပဲရစ်မြို့တော်မှာရှိတဲ့ Notre Dame ဘုရားကျောင်းကြီးမှာ ဧပြီလ ၁၅ ရက်နေ့ ညနေပိုင်းကတည်းက မီးလောင်မှုဖြစ်ပွားခဲ့ပြီး ၁၂ ရာစုက စလို့ တည်ရှိခဲ့တဲ့ ဘုရားကျောင်းကြီးရဲ့ ပင်မမျှော်စင်ကြီးဟာ မီးဒဏ်ကြောင့်ပြိုကျသွားပြီ ဖြစ်ပါတယ်။

အထူးသဖြစ် ဘုရားရှိခိုးကျောင်းရဲ့ ခေါင်ပိုင်းဆောင် ပြိုကျခဲ့ပြီး ဘုရားကျောင်းထဲက အဖိုးမဖြတ်နိုင်တဲ့ အနုပညာလက်ရာတွေကို သယ်ထုတ်ထိန်းသိမ်းနိုင်ဖို့ မီးသတ်သမားတွေဟာ ညလုံးပေါက် အကြိတ်အနယ် ကြိုးစားငြှိမ်းသတ်နေကြပါတယ်။

ဝတ်ပြုကျောင်းအရှေ့ဘက်က မျှော်စင် ၂ ခုကိုတော့ မီးမကူးတော့ဘူးဆိုပေမယ့် လူအများကတော့ မီးလျှံတွေဟာ အတွင်းပိုင်းကို ကူးစက်ခဲ့ရင် အဖိုးမဖြတ်နိုင်တဲ့ ဗိသုကာလက်ရာတွေ ပျက်စီးကုန်မှာကို စိုးရိမ်နေကြပါတယ်။

မီးသတ်သမားတွေဟာ ကြိုးစားပမ်းစားငြိမ်းသတ်ဖို့ ကြိုးစားခဲ့ပေမယ့် မီးတောက်ကို မနိုင်ပဲ ဖြစ်နေခဲ့ပြီး မီးသတ်သမား တစ်ယောက်လည်း ပြင်းပြင်းထန်ထန် ဒဏ်ရာရသွားခဲ့ပါတယ်။

အခုတော့ နှစ်ပေါင်း ၈၀၀ ကျော် အဆောက်အအုံကြီးရဲ့ အဓိက ကျောက်ဆောင်ကျောက်ခဲ အုတ်မြစ်ကို ထိန်းသိမ်းနိုင်ခဲ့ပြီလို့ ဆိုပါတယ်။
မီးအကြီးအကျယ် လောင်နေတဲ့ ပြင်သစ် Notre Dame ဝတ်ပြုကျောင်းကြီး
လတ်တလောမှာ မီးလောင်ရတဲ့ အကြောင်းရင်းကို အတိအကျ မသိရသေးပေမယ့် ဘုရားကျောင်းထဲမှာ ပြုလုပ်နေတဲ့ ပြုပြင်မွမ်းမံရေးလုပ်ငန်းတွေနဲ့ ဆက်စပ်နေနိုင်လိမ့်မယ်လို့ ယူဆချက်တွေ ရှိနေပါတယ်။

မီးလောင်မှု မဖြစ်ခင် ရက်ပိုင်းက ဘုရားကျောင်းထဲက ရုပ်တုတွေကို ပြုပြင်မွမ်းမံမှုတွေ ပြုလုပ်နေခဲ့တာပါ။ အခု မီးကလည်း အဲဒီ ပြုပြင်ရေး လုပ်ငန်းတွေနဲ့ ဆက်စပ်နေနိုင်တယ်လို့ ပြင်သစ်အရာရှိတချို့က ပြောပါတယ်။

မီးလောင်နေတဲ့ ဘုရားကျောင်းကြီးနားမှာတော့ ပြင်သစ်ပြည်သူ အများအပြား လာရောက်စုဝေးကြည့်ရှုခဲ့ကြပြီး တော်တော်များများကလည်း ဝမ်းနည်းပက်လက် ငိုယိုနေခဲ့ကြပါတယ်။
မီးအကြီးအကျယ် လောင်နေတဲ့ ပြင်သစ် Notre Dame ဝတ်ပြုကျောင်းကြီး
ပြင်သစ်သမ္မတ အီမန်နျူရယ်မက်ခရွန်းကိုယ်တိုင် လာရောက်ကြည့်ရှုရင်း မီးလောင်နေတဲ့ အခင်းအကျင်းဟာ ပြင်သစ်ပြည်သူတွေကိုယ်တိုင် လောင်ကျွမ်းခံရသလို ဖြစ်တဲ့အကြောင်း ဝမ်းနည်းစကား ဆိုသွားပါတယ်။

'ပဲရစ်မှာ Notre Dame ဝတ်ကျောင်းတော်ကြီး မီးလောင်ခံရတာဟာ အင်မတန် ကြေကွဲစရာပါ၊ မီးသတ်သမား ၅၀၀ ကျော်ဟာ မီးငြှိမ်းသတ်နိုင်အောင် ကြိုးပမ်းခဲ့ကြတာကိုလည်း အင်မတန် ကျေးဇူးတင်ပါတယ်၊ ဒီမီးကို နောက်ထပ် နာရီပေါင်းများစွာ ငြှိမ်းသတ်ရဦးမှာပါ' လို့ သမ္မတ မက်ခရွန်းက ပြောပါတယ်။

သန်းနဲ့ချီတဲ့ ပြည်ပခရီးသွားတွေဟာ နှစ်စဉ်လို Notre Dame ဝတ်ကျောင်းတော်ကြီးကို လာရောက်ကြည့်ရှုလေ့လာရခြင်းကလည်း စာရေးဆရာကြီး Victor Hugo ရဲ့ နာမည်ကျော် The Hunchback of Notre-Dame ဝတ္တုကြီးနဲ့ အသွင်ပြောင်းရုပ်ရှင်ကို စွဲလမ်းနေဆဲမို့လည်း ဖြစ်ပါတယ်။
ညလုံးပေါက် အကြိတ်အနယ် ကြိုးစားငြှိမ်းသတ်ခဲ့ရ
အခုလို Notre-Dame ဝတ်ကျောင်းတော်ကြီး မီးလောင်တဲ့အတွက် ပုပ်ရဟန်းမင်းကြီးရဲ့ ဗာတီကန်နန်းတော်ကလည်း ဝမ်းနည်းကြေကွဲကြောင်း ပြောသလို ဗြိတိန်ဝန်ကြီးချုပ် ထရီဆာမေကလည်း ပြင်သစ်ပြည်သူတွေလည်း ထပ်တူခံစားရပါတယ် လို့ ပြောပါတယ်။

အမေရိကန်သမ္မတ ထရမ့်ကတော့ မီးလောင်နေတဲ့ မြင်ကွင်းဟာ မကြည့်ရက်စရာ လို့ ပြောပါတယ်။

ဂျာမန်ဝန်ကြီးချုပ် အန်ဂလာမာကယ်ကလည်း ပြင်သစ်ပြည်သူတွေနဲ့ အတူရပ်တည်ကြောင်းပြောပြီး Notre Dame ဘုရားကျောင်းကြီးဟာ ပြင်သစ်နဲ့ ဥရောပ ယဉ်ကျေးမှုရဲ့ သင်္ကေတပြယုဂ်ကြီးတစ်ခုပါပဲလို့ ပြောခဲ့ပါတယ်။

ကုလသမဂ္ဂ ယဉ်ကျေးမှုထိန်းသိမ်းရေး UNESCO ကတော့ Notre-Dame ဝတ်ကျောင်းတော်ကြီးကို ပြန်လည်ထိန်းသိမ်းဖို့နဲ့ ထိန်းသိမ်းပြုပြင်တဲ့အပိုင်းမှာ ပြင်သစ်နိုင်ငံနဲ့ ပူးပေါင်းမယ့် အကြောင်း ပြောပါတယ်။

BBC Burmese
https://www.bbc.com/burmese
 

သင်္ကြန်ပွဲတော်ကာလအတွင်း ရန်ကုန်ပြည်သူ့ဆေးရုံကြီးအရေးပေါ်ဌာနသို့ လူနာ၅၀၀ကျော် ရောက်ရှိ ၅ ဦးသေဆုံး

သင်္ကြန်တွင်း လုံခြုံရေးစစ်ဆေးနေမှုအားတွေ့ရစဉ်(ဓာတ်ပုံ-Yangon Police)
ရန်ကုန်၊ ဧပြီ ၁၆ ရက် (ဆင်ဟွာ)

    သင်္ကြန်ပွဲတော် အကြို၊ အကျနှင့် အကြတ်နေ့ သုံးရက်အတွင်း ရန်ကုန်ပြည်သူ့ဆေးရုံကြီးအရေးပေါ်ဌာနသို့ ထိခိုက်ဒဏ်ရာရရှိသူ ၅၅၅ဦးရောက်ရှိကာ သေဆုံးသူ ၅ဦးရှိကြောင်း အဆိုပါဆေးရုံကြီးက ထုတ်ပြန်သော သတင်းအရ သိရသည်။

ရန်ကုန်ပြည်သူ့ဆေးရုံကြီးအရေးပေါ်ဌာနသို့ ယာဉ်တိုက်မှု၊ ခိုက်ရန်ဖြစ်ပွားမှုများကြောင့် ထိခိုက်ဒဏ်ရာရရှိသူများ ဆေးကုသမှု ခံယူလျက်ရှိပြီး သေဆုံးရောက်ရှိသူ ၄ဦးနှင့် ဆေးရုံရောက် သေဆုံးသူ တစ်ဦးရှိခဲ့ကြောင်း သိရသည်။

သင်္ကြန်အကြတ်နေ့တွင် ရန်ကုန်ပြည်သူ့ဆေးရုံကြီးအရေးပေါ်ဌာနသို့ ပြင်ပလူနာ ၁၃၇ဦး၊ အတွင်းလူနာ ၆၇ဦး ရောက်ရှိပြီး တစ်ဦးသေဆုံးခဲ့ကြောင်း၊ သင်္ကြန်အကျနေ့တွင် ပြင်ပလူနာ ၁၃၃ဦး ၊အတွင်းလူနာ ၇၃ ဦးနှင့် သေဆုံးရောက်ရှိသော အလောင်း ၄လောင်းရှိပြီး သင်္ကြန် အကြိုနေ့တွင် ပြင်ပလူနာ ၁၀၁နှင့် အတွင်းလူနာ ၄၄ ဦးရောက်ရှိခဲ့ကြောင်း သိရသည်။

(Xinhua)
http://www.xinhuamyanmar.com

မြန်မာရွှေ့ပြောင်းလုပ်သား ၂ ဦး သောင်ရင်းမြစ်မှာ ရေကစားရင်းပျောက်ဆုံး

သင်္ကြန်ကာလ အိမ်ပြန်ကြတဲ့ မြန်မာနိုင်ငံသားတွေ ထိုင်းမြန်မာနယ်စပ် မိုးရေးမြစ် ကို လှေနဲ့  ကူးနေ (ဓါတ်ပုံ- Dice Thanie Jornjhun)
မြန်မာရွှေ့ပြောင်းအလုပ်သမား ၃၀၀၀ထက်မနည်းဟာ ထိုင်း-မြန်မာနယ်စပ်ကို ဖြတ်တဲ့ မိုးရေးမြစ်လို့ ခေါ်တဲ့ သောင်ရင်းမြစ်ရဲ့ ရေတိမ်တဲ့နေရာမှာ ရေကစားနေကြပေမဲ့ ရေနက်တဲ့ နေရာတွေကို မသွားလာဖို့ သတိပေးနေတဲ့ကြားက ရေကစားနေကြတဲ့ မြန်မာအလုပ်သမား ၂ဦးဟာ ဧပြီလ ၁၄ရက်နေ့ ကတည်းကနေ ပျောက်ဆုံးနေဆဲဖြစ်ပါတယ်။ သူတို့ ရဲ့ အလောင်းတွေလည်း ရှာဖွေလို့မတွေ့ သေးပါဘူး။ ထိုင်း- မြန်မာနယ်စပ် တရားဝင် ၀င်ပေါက် ၊ ထွက်ပေါက် ၄ခု အပါအ၀င် တရားမ၀င် လှေဂိတ်တွေကပါ နေရပ်ပြန်တဲ့ ရွှေ့ပြောင်းအလုပ်သမားတွေ ကတော့ တသိန်း ခွဲလောက်ရှိတယ်လို့ဆိုပါတယ်။ ထိုင်းအခြေစိုက် VOA သတင်းထောက် မအေးအေးမာက သတင်းပေးပို့ ထားပါတယ်။

မဟာသင်္ကြန်ကာလမှာ နေရပ်မပြန်ကြတဲ့ မြန်မာရွှေ့ပြောင်း အလုပ်သမား ၃၀၀၀ ထက် မနည်းဟာ ဧပြီလ ၁၃ရက်ကနေ ၁၅ရက်နေ့အထိ သောင်ရင်းမြစ်က ရေတိမ်တဲ့ နေရာတွေမှာ ရေကစားနေကြတာပါ။ ဒီထဲမှာ တားမြစ်နယ်မြေတွေရှိနေတဲ့ကြားကပဲမြန်မာ ၂ဦးဟာရေနစ်ပျောက်ဆုံးနေတယ်လို့ မြန်မာပြည်သားများ အရေး ပူးတွဲလှုပ်ရှားမူကော်မတီရဲ့ ဥက္ကဌ ဦးမိုးကြိုး က အခုလိုပြောပါတယ်။

“မြစ်ရေတိမ်တဲ့အပိုင်း ပေါ့။မြစ်ရေ ထဲမှာ ၀ဲ အသေးအမွားလေး ရှိတဲ့နေရာဘက်မှာတော့
ထိုင်းနယ်ခြားစောင့် တပ်ကော မြန်မာဘက်ကရော အစောင့်ချထားတယ်။ ဆိုင်းဘုတ်လည်းထောင်ထားတယ်။ အခုအထိတော့ ပျောက်နေတာပေါ့နော်။ မြစ်ကြောင်း အတိုင်း
ပျောက်နေတယ် ၂ယောက် ပျောက်နေတယ် မြန်မာတွေပဲ။”

ပျောက်ဆုံး မြန်မာတွေနဲ့ ပတ်သက်လို့ ဧပြီလ ၁၅ရက်နေထိ ရှာဖွေလို့မတွေ့ သေးပါဘူး။ ဒီနှစ်မှာတော့ ထိုင်းအစိုးရက နေရပ်ပြန်မြန်မာတွေအတွက် Re- entry တုံး လို့ခေါ်တဲ့ အ၀င်အထွက်တုံး ကို အခမဲ့ခွင့်ပြုပေးတဲ့အတွက် နေရပ်ပြန်သူ မြန်မာတသိန်းခွဲထက်မနည်း ပြန်ကြတယ်လို့ ဆိုပါတယ်။

“ထိုင်း သင်္ကြန်အကြို ၁၂ရက်နေ့ထိ တရားဝင်လမ်းပေါက် ၄ပေါက်ကနေ မဲဆောက်၊ မြ၀တီ၊ ကော့သောင်း၊ ရနောင်း၊ ထီးခီး၊ ထားဝယ်၊ မဲဆိုင်၊တာချီလိတ် လမ်းကြောင်းကနေ
တရားဝင်ပြန်တာ တသိန်းကျော်တယ်။ မဲဆောက်၊ မြ၀တီ သောင်းရင်းမြစ်ကိုဖြတ်တဲ့
စစ်လှေဂိတ် ကနေပြန်တာ ၆သောင်း ထက်မနည်းဘူး။ ဒီအတွက် တသိန်းခွဲလောက်ပြန်ကြတယ် ပြောလို့ရတယ်။ ဒါပေမဲ့ ဧပြီလ ၁၃ရက်နေ့ ကနေ ၁၅ ရက်အထိ ကတော့ ပြန်သူ တနေ့ကို ၅၀၀လောက်ပဲရှိတယ်။ အောက်လှေဂိတ်တွေကလည်း သိပ်မပြန်ကြတော့ဘူး။”

မဟာသင်္ကြန်ကာလဟာမြန်မာလူမျိုးအတွက် နှစ်သစ်အခါသမယဖြစ်တာကြောင့် မြန်မာပြည်တွင်း က မိသားစုတွေနဲ့ ပြန်ဆုံကြတာ ဘာသာရေးအရ ရဟန်းခံ ရှင်ပြု တာတွေလုပ်ကြတာ အလှူဒါနတွေလုပ်ကြတာကြောင့် ထိုင်းနိုင်ငံမှာ အလုပ်လုပ် နေကြတဲ့ မြန်မာရွှေ့ ပြောင်းအလုပ်သမားတွေဟာ နေရပ်ပြန်ကြတာ ဖြစ်ပါတယ်။

မအေးအေးမာ / ဗွီအိုအေ (မြန်မာပိုင်း)
https://burmese.voanews.com

ဝဒေသအပေါ် တိုင်းရင်းသား ခေါင်းဆောင်တချို့အမြင်

ပန်ဆန်းမြို့
ဝပြည်သွေးစည်း ညီညွတ်ရေးပါတီ UWSP/ UWSA ရဲ့ ငြိမ်းချမ်းရေးတည်ဆောက်မှု နှစ် ၃၀ ပြည့်ပွဲတော်ကို တက်ရောက်လာတဲ့ တိုင်းရင်းသား လက်နက်ကိုင်အဖွဲ့က ခေါင်းဆောင်တွေဟာ ၀ပြည်နယ်ဟာ များစွာ ပြောင်းလဲတိုးတက်လာခဲ့ကြောင်းနဲ့ ဒီတိုးတက်မှုဟာ လူ၊ လက်နက်အင်အားအပေါ် အခြေခံနေကြောင်း သုံးသပ်တာတွေ ရှိနေပါတယ်။ တဆက်တည်းမှာပဲ တိုးတက်မှုဟာ လူ၊ လက်နက်အင်အားအပေါ် အခြေခံနေတယ်ဆိုရင် ငြိမ်းချမ်းရေးအတွက် စိုးရိမ်စရာတွေဖြစ်လာမယ်လို့ တွက်ဆတာတွေလည်း ရှိနေပါတယ်။ လက်ရှိ ပန်ဆန်းမြို့ကို ရောက်ရှိနေတဲ့ တိုင်းရင်းသားခေါင်းဆောင်တွေရဲ့ အမြင်တွေကို ဗွီအိုအေသတင်းထောက် ကိုမိုးဇော်က ပန်ဆန်းမြို့နေ သတင်းပေးပို့ထားပါတယ်။

ဝပြည်သွေးစည်းညီညွတ်ရေးပါတီ (၀သပ) ဟာ ၁၉၈၉ ခုနှစ်က ဗမာပြည် ကွန်မြူနစ်ပါတီက ခွဲထွက် အစိုးရနဲ့ ငြိမ်းချမ်းရေးရယူခဲ့တဲ့ နှစ် ၃၀ ပြည့်ပွဲတော်ကို ဒီလ ၁၆ရက်နဲ့ ၁၇ ရက်နေ့တွေမှာ တရုတ်မြန်မာနယ်စပ် ပန်ဆန်းမြို့မှာ ကျင်းပမှာဖြစ်ပါတယ်။

ဒီအခမ်းအနားကို တိုင်းရင်းသားလက်နက်ကိုင်အဖွဲ့တွေက ခေါင်းဆောင်တွေ တက်ရောက်လာကြရာမှာ ကရင်အမျိုးသားအစည်းအရုံးရဲ့ ဗဟိုကော်မတီဝင် ပဒိုမန်းငြိမ်းမောင်က ပန်ဆန်းမြို့ရဲ့ လက်ရှိအခြေအနေအပေါ် အခုလို ပြောဆိုပါတယ်။

“ပန်ဆန်းက လွန်ခဲ့တဲ့ ၈၂ ခုနှစ်က ကျနော်ရောက်ခဲ့တယ်။ တဲစုတ်လေးတွေပဲ ရှိတယ်။ သခင်ဗသိန်းတင်တောင်မှ တဲစုတ်လေးနဲ့ နေရတာ။ အောက်စီဂျင်ဗူးနဲ့။ ကျနော် သခင်ဗသိန်းတင်ကို ကိုယ်တိုင်တွေ့ခဲ့တယ်။ KNU က လွှတ်လို့ မြေအောက်အနေနဲ့ လာတွေ့ခဲ့တာ။ အရင်တုံးက ဘာမှ မရှိဘူး။ ဒီဟာ တောကြီးတွေပဲ။ နှစ် ၃၀မှာ ဒီလိုဖြစ်လာတယ်ဆိုတာ ဗကပတွေလည်း ဒီမှာ အခြေမစိုက်နိုင်တယ်ဆိုတာ တိုင်းရင်းသားတွေအပေါ်မှာ မှန်ကန်တဲ့ ပေါ်လစီကို မကျင့်သုံးနိုင်လို့ ဗကပတွေ အခုပျောက်ဆုံးသွားတာ။ ဒီနေ့ ၀ အမျိုးသားတွေ ဒီလို ကိုယ့်ခြေထောက်ပေါ် ကိုယ်ရပ်ပြီး ဖွံ့ဖြိုးတိုးတက်တယ်ဆိုတာ သူတို့ရဲ့ မှန်ကန်တဲ့ ပေါ်လစီတစ်ရပ်ကို ချမှတ်နိုင်လို့ ဒီလိုတိုးတက်တာပဲ။ ဒီအပေါ်မှာ ကျနော် မုဒိတာ ဖြစ်တယ်။”

ချင်း အမျိုးသားတပ်ဦး CNF က ဗဟိုအလုပ်အမှုဆောင် ကော်မတီဝင် ဗိုလ်မှူးကြီး ဆော်လမွန်ကတော့ လက်ရှိ ပန်ဆန်းမြို့အပေါ် သူ့အမြင်ကို အခုလို ပြောပါတယ်။

“ကျနော် တိုင်းရင်းသားနယ်မြေတွေ တော်တော်ရောက်ခဲ့တယ်။ ဒီနယ်မြေရောက်တော့ ကျနော့်စိတ်မှာ တော်တော်လေးကို အားရ ကျေနပ်မိသွားတယ်။ သူတို့ဟာ သူတို့ လွတ်လွတ်လပ်လပ်ပေါ့နော်။ အုပ်ချုပ်တယ်။ စီမံခန့်ခွဲတယ်၊ ရှာဖွေတယ်။ စားသောက်တယ်။ အဲဒီနေရာမှာ ဒီနေရာ ရောက်လာတော့လည်း အဆောက်အဦးတွေက အစပေါ့။ ကျနော်တို့ မြန်မာနိုင်ငံတိုင်းရင်းသားတွေ ဒေသတွေထဲမှာတော့ သူဟာသူ လုပ်ခြင်းအားဖြင့် ဒီလို ရပါလားဆိုတဲ့ဟာပေါ့နော်။ အဲဒါလေးတွေ ကျနော့် စိတ်ထဲမှာ တော်တော်ခံစားရတယ်။”

ပန်ဆန်းမြို့ရဲ့ တိုးတက်တဲ့အခြေအနေအပေါ်မှာတော့ ဗိုလ်မှူးကြီးဆော်လမွန်က အခုလို ဆက်ပြောပါတယ်။

“ ကျနော့် အမြင်တော့ သူတို့ လူကြီးတွေနဲ့လည်း ဆွေးနွေးခြင်းအားဖြင့် ကျနော်တို့ တိုင်းရင်းသားခေါင်းဆောင် တခြားသူတွေနဲ့ ဆွေးနွေးခြင်းအားဖြင့် သူတို့က လက်နက်ပေါ့နော်.... လက်နက်အင်အား၊ လူအင်အား တည်ဆောက်နိုင်တဲ့အတွက်ကြောင့် ဒီလို အခြေအနေရသွားတယ်လို့ ကျနော်မြင်တယ်။ ”

မွန်ပြည်သစ်ပါတီ NMSP ရဲ့ ဒုဥက္ကဋ္ဌ နိုင်ဟံသာကတော့ တပ်အင်အားရှိမှ အခွင့်အရေးရှိမယ်ဆိုတဲ့ ပုံစံမျိုးဖြစ်သွားရင် ငြိမ်းချမ်းရေး လုပ်ငန်းစဉ်တွေဟာ ပိုမိုဝေးကွာသွားနိုင်ကြောင်း သုံးသပ်ပါတယ်။

“ကျနော်မြင်တာတော့ UWSA က တပ်အင်အားရှိတဲ့အပေါ်မှာ တစ်ဘက်က အစိုးရဘက်ကလည်း သူ့ကို လုံးဝ မထိဘူးနော်။ မထိတွေ့ဘူးပေါ့နော်။ သူတုိ့လွတ်လပ်ခွင့် အခွင့်အရေးတွေ အများကြီး ရထားတယ်။ အဲဒီ အယူအဆမျိုးက ကျနော်တို့ စိုးရိမ်တယ်။ တပ်အင်အားရှိမှ အခွင့်အရေးရှိမယ်ဆိုတဲ့ ပုံစံမျိုး တိုင်းရင်းသားတွေဘက်က ခံယူမိသွားရင် အားလုံးက လက်နက်အင်အားအပေါ်မှာပဲ။ တပ်အင်အားကြီးဖို့ ပေါ့နော် အဲဒါကိုပဲ ကြိုးပမ်းတည်ဆောက်ရင် ငြိမ်းချမ်းရေးကိစ္စက ပိုပြီး ရှည်ဝေးသွားနိုင်တယ်။ ”

မြန်မာနိုင်ငံက တိုင်းရင်းသားလက်နက်ကိုင်အဖွဲ့ ၂၂ မှာ ၀ပြည် သွေးစည်းညီညွတ်ရေး ပါတီ (UWSP/ UWSA) ဟာ အင်အားအတောင့်တင်းဆုံး လက်နက်ကိုင်တပ်ဖွဲ့ဖြစ်ပြီး ငြိမ်းချမ်းရေးရယူပြီးနောက်ပိုင်းမှာ အစိုးရတပ်မတော်နဲ့ တိုက်ပွဲကြီးကြီးမားမား ဖြစ်ပွားခဲ့တာ မရှိခဲ့ပါဘူး။

လက်ရှိ ကျင်းပမယ့် နှစ် ၃၀ပြည့် ပွဲတော်ကို အစိုးရ ကိုယ်စားလှယ်တွေ၊ တိုင်းရင်းသား လက်နက်ကိုင် အဖွဲ့က ကိုယ်စားလှယ်တွေ၊ ဒေသခံ တိုင်းရင်းသားပြည်သူတွေ ပါဝင်တက်ရောက်မှာ ဖြစ်ပါတယ်။ ပွဲတော် မစတင်မီ ရိုးရာအကနဲ့ စစ်ရေးပြ လေ့ကျင့်တဲ့အချိန်မှာ ပါဝင်သူတွေနဲ့ လာရောက်အားပေးကြည့်ရှုတဲ့ ဧည့်ပရိသတ်ဟာ သောင်းဂဏန်းအထိ ရှိနိုင်ကြောင်း ခန့်မှန်းကြပါတယ်။

ကိုမိုးဇော် / ဗွီအိုအေ (မြန်မာပိုင်း)
https://burmese.voanews.com

ချင်းတွင်းသင်္ကြန်လာတဲ့ စက်လှေနစ်မြုပ်လို့ သေဆုံးသူ ၉ ဦးအထိ ရှိလာ

စက်လှေနစ်မြုပ်ခဲ့တဲ့ နေရာတဝိုက် ရှာဖွေမှုတွေ ဆက်လုပ်နေ
စစ်ကိုင်းတိုင်း၊ မုံရွာမြို့က ချင်းတွင်းလမ်းလျှောက်သင်္ကြန်ကို လာရင်း နစ်မြုပ်ခဲ့တဲ့ စက်လှေကြောင့် အမျိုးသား ၄ ဦး၊ အမျိုးသမီး ၅ ဦးနဲ့ သေဆုံးသူဦးရေ ၉ ဦးအထိ ရှိသွားပြီဖြစ်တယ်လို့ မုံရွာမြို့လူမှုကူညီရေးအသင်းအဖွဲ့တွေက ပြောပါတယ်။

ကူးတို့စက်လှေဟာ ချင်းတွင်းသင်္ကြန် ကျင်းပပြုလုပ်နေတဲ့ သောင်ပြင်အနီး ဧပြီ ၁၅ ရက်နေ့က နစ်မြုပ်ခဲ့တာဖြစ်ပြီး ဒီကနေ့ ဧပြီ ၁၆ ရက်နေ့ သင်္ကြန်အတက်နေ့မှာ နောက်ထပ် အမျိုးသား ၃ ဦးနဲ့ အမျိုးသမီး ၄ ဦးရဲ့ အလောင်းတွေကို ရေထဲမှာ ထပ်မံရှာတွေ့ခဲ့တာပါ။

မနေ့က နစ်မြုပ်ခဲ့စဉ်မှာ အသက် ၅၅ နှစ်အရွယ် အမျိုးသမီး ၁ ဦးရဲ့ အလောင်းရှာတွေ့ခဲ့ပြီး နစ်မြုပ်စဉ် ခရီးသည်တွေကို ရေထဲဆင်းကယ်ခဲ့တဲ့ အမျိုးသား ၁ ဦးဟာလည်း ဆေးရုံပေါ်မှာ အရေးပေါ် လူနာအဖြစ် ကုသမှု ခံယူနေတုန်း သေဆုံးသွားခဲ့ပါတယ်။

လတ်တလောမှာ အသက် ၁၃ နှစ်အရွယ် ကောင်လေး ၁ ဦးနဲ့ အမျိုးသမီး ၅ ဦးကတော့ ဆေးရုံပေါ်မှာ အရေးပေါ်လူနာအဖြစ် ဆေးကုသမှု ခံယူနေရဆဲ ဖြစ်ပါတယ်။

စက်လှေ နစ်မြုပ်မှုမှာ ခရီးသည် ၂၉ ဦးကို အသက်ရှင်လျက် ကယ်ဆယ်နိုင်ခဲ့ပြီး စက်လှေမောင်းသူ ကတော့ ခုထိ ပျောက်ဆုံးနေဆဲ ဖြစ်တယ်လို့ မုံရွာမြို့လူမှုကူညီရေးအသင်းဖြစ်တဲ့ ခြင်္သေ့အားမာန်ကွန်ရက် ဒုဥက္ကဌ ကိုသန်းနိုင်ဦးက ပြောပါတယ်။
ချင်းတွင်းသင်္ကြန်လာတဲ့ စက်လှေနစ်မြုပ်လို့ သေဆုံးသူ ၉ ဦးအထိ ရှိလာ
နစ်မြုပ်ခဲ့တဲ့ စက်လှေဟာ လှေခွံအသေးကို စက်တပ်ပြီး သင်္ကြန်တွင်း ကြားလိုင်း ကူးတို့စက်လှေအဖြစ် ဝင်ရောက် ပြေးဆွဲခဲ့တာ ဖြစ်ပါတယ်။

စက်လှေပေါ်မှာ လူ ဆယ်ဂဏန်းလောက်ပဲ အများဆုံး တင်ဆောင်နိုင်တာကို အယောက် ၄၀ ကျော်တဲ့အထိ သတ်မှတ်ခံနိုင်ရည်ဝန်ထက် အဆမတန် ပိုမိုတင်ဆောင်လာခဲ့တာဖြစ်ပြီး စက်လှေမောင်းသူနဲ့ စက်လှေပိုင်ရှင်ကိုတော့ အခုထိ ရှာဖွေနေရဆဲ ဖြစ်တယ်လို့ ကိုသန်းနိုင်ဦးက ပြောပါတယ်။

ဆားလင်းကြီးကနေလာတဲ့ စက်လှေဟာ နစ်မြုပ်စဉ် ခရီးသည် ၃၆ ဦးလောက်ပဲ တင်ဆောင်လာနိုင်တယ်လို့ စစ်ကိုင်းတိုင်းလူမှုရေးဝန်ကြီး ဦးဇော်ဝင်းက အစောပိုင်းတုန်းက ဘီဘီစီကို ပြောထားပေမယ့် အခုရှာတွေ့ခဲ့တဲ့ အလောင်းတွေနဲ့ အသက်ရှင်ကျန်ရစ်သူတွေရဲ့ အချက်အလက်တွေအရ နစ်မြုပ်စဉ်စက်လှေပေါ်မှာ ခရီးသည် ၄၄ ဦးထက်မနည်း တင်ဆောင်လာဖွယ် ရှိပါတယ်။

BBC Burmese
https://www.bbc.com/burmese

မန္တလေးသင်္ကြန် အကြိုနဲ့အကျ ၂ ရက်အတွင်း လူ ၅ ဦးသေဆုံး

သင်္ကြန်အကျနေ့ လမ်းလျှောက်သင်္ကြန်ပွဲ
သင်္ကြန်အကြိုနဲ့အကျ နှစ်ရက်ပဲရှိပါသေးတယ်၊ အကျနေ့ ညနေပိုင်းလောက်မှာ ရတဲ့ သတင်းအရ မန္တလေးမှာ ဒီနှစ်ရက်ပဲရှိသေးတဲ့ ပွဲတော်အတွင်း လူ ၅ ယောက် အနည်းဆုံးသေဆုံးခဲ့ပါပြီ။

မန်းသင်္ကြန်မှာ ထိခိုက်ဒဏ်ရသူတွေကို ဆေးရုံမှာစောင့်ပြီး အရေးပေါ်ဌာနက ဆရာဝန်တွေဆီကို ပို့ဆောင်ပေးနေတဲ့အဖွဲ့တဖွဲ့ဖြစ်တဲ့ ပြည်သူ့ကူညီရေး ပရဟိတအဖွဲ့က ကိုဝမ်းက ဒီ နှစ်ရက်အတွင်း ခန့်မှန်းခြေ လူပေါင်း ၁၀၀ လောက်ဒဏ်ရာရကြောင်းနဲ့ အကြိုနေ့က လူ ၃ ယောက်၊ အကျနေ့မှာ လူ ၂ ယောက် သေဆုံးခဲ့ပြီးဖြစ်တယ်လို့ ဘီဘီစီကို ပြောပါတယ်။

သင်္ကြန်တွင်းသောက်စားမူးယစ်ကြတာ၊ ယာဉ်မတော်တဆမှုတွေ အထူးသဖြင့် ဆိုင်ကယ် မတော်တဆမှုတွေက အဓိက ထိခိုက်သေဆုံးရတဲ့ အကြောင်းရင်းတွေပဲလို့ သူ က ဆိုပါတယ်။

မနှစ် ၂၀၁၈ ခုနှစ်မှာ သင်္ကြန်ကာလအတွင်း လူ ၆၀၀ ကျော် မန္တလေးမှာ ထိခိုက်ဒဏ်ရာရခဲ့တယ်လို့ သူက ပြောပါတယ်။

၂၀၁၇ မန္တလေးသင်္ကြန်မှာ ထိခိုက်ဒဏ်ရာရမှုကြောင့် လူ ၈၀၀ ကျော် ထိခိုက်ဒဏ်ရာရခဲ့ကြတာမို့ နှိုင်းယှဉ်ချက်အရ ၂၀၁၈ မှာ ထိခိုက်နှုန်းလျော့ကျခဲ့ပါတယ်။
ဆိုင်ကယ်နဲ့ လည်တာများတဲ့ မန်းသင်္ကြန်
မြို့အနှံ့တီးဝိုင်းတွေ၊ မဏ္ဍပ်တွေနဲ့ ၂၀၁၇ သင်္ကြန်ကိုခင်းကျင်းခဲ့တာကြောင့် ယာဉ်နဲ့အသွားအလာတွေများပြီး အထိအခိုက်များတယ်၊ ခိုက်ရန်ဖြစ်ပွားတာတွေလည်းများခဲ့တယ်၊ ၂၀၁၈ မှာ သင်္ကြန်ပွဲဆင်နွဲသူတွေ ကားတွေ၊ ဆိုင်ကယ်တွေ အသုံးလျှော့အောင် လမ်းလျှောက်သင်္ကြန်ပွဲ မန္တလေးမှာစီစဉ်တာက အထိအခိုက်လျော့စေခဲ့တာလို့ သူမြင်တဲ့အကြောင်း ကိုဝမ်း က ပြောပါတယ်။

ဒီနှစ် မန်းသင်္ကြန်မှာ တီးဝိုင်းတွေ၊ မဏ္ဍပ်ကြီးတွေလည်းမရှိ၊ လမ်းလျှောက်သင်္ကြန်ချည်းသာ ရှိတာကြောင့် အထိအခိုက် အရင်နှစ်တွေထက် နည်းလိမ့်မယ်လို့ သူ က မျှော်လင့်နေပါတယ်။

BBC Burmese
https://www.bbc.com/burmese

တပ်ပစ်ခတ်မှု မဟုတ်ကြောင်း ငြင်းဆို

မြောက်ဦးမြို့နယ် ဘောင်းဒွတ်ကျေးရွာက သေနတ်ကျည်ဆံထိမှန်ခဲ့တဲ့ ဦးကျော်သိန်း စစ်တွေဆေးရုံကို ၂၀၁၉ ဧပြီ ၁၄ ရက်နေ့က ရောက်ရှိလာစဉ် / Photo: Photo: Sayar U Than Tun
ရခိုင်ပြည်နယ် မြောက်ဦးမြို့နယ် ဘောင်းဒုတ်ကျေးရွာမှာ နယ်မြေခံတပ်က လက်နက်ငယ်နဲ့ပစ်ခတ်လို့ အမျိုးသား ၁ ဦးသေဆုံးကာ ၁ ဦးဒဏ်ရာရခဲ့တယ်လို့ မမှန်မကန်စွပ်စွဲပြောဆိုခဲ့တဲ့ ကျေးရွာအုပ်ချုပ်ရေးမှူး ဦးတင်ထွန်း ကို အမှု ဖွင့်ထားပြီး ဖမ်းဆီးအရေးယူသွားမယ်လို့ တပ်မတော်က သတင်းထုတ်ပြန်ပါတယ်။

ရွာသားတစ်ဦး သေဆုံးပြီး တစ်ဦး ဒဏ်ရာရတာနဲ့ ပတ်သက်လို့ တပ်မတော်ဘက်က ပစ်ခတ်တာမဟုတ်ဘူးလို့ တပ်မတော်သတင်းမှန် ပြန်ကြားရေးတာဝန်ခံ ဗိုလ်မှူးချုပ် ဇော်မင်းထွန်းက RFA ကို ပြောပါတယ်။

ဧပြီလ ၁၄ ရက်နေ့ မနက် ၁ နာရီခွဲကျော်လောက်က နယ်မြေခံတပ်ကနေ ပစ်ခတ်တယ်ဆိုပြီး ဘောင်းဒုတ်ကျေးရွာ အုပ်ချုပ်ရေးမှုး ဦးတင်ထွန်းက နယ်မြေခံတပ်တာဝန်ရှိသူတွေဆီ ဖုန်းနဲ့ဆက်သွယ် သတင်းပို့တိုင်ကြားခဲ့တာလို့ ထုတ်ပြန်ထားပါတယ်။

သေဆုံးသွားသူဟာ ဘောင်းဒုတ်ရွာနေ အသက် ၆၂အရွယ် ဦးမောင်ကျော်စိန် ဖြစ်ပြီး လက္ကာကျေးရွာနေ အသက် ၆၁ နှစ်အရွယ် ဦးကျော်သိန်းကတော့ ဒဏ်ရာရရှိခဲ့တာကြောင့် စစ်တွေဆေးရုံမှာ ခွဲစိတ်ကုသခံယူနေရတယ်လို့ မိသားစုဝင်တွေကပြောပါတယ်။

ဧပြီ ၁၄ရက်နေ့မနက်က ဘောင်းဒုတ်ရွာ နယ်မြေခံတပ်ဌာနချုပ်ရှိ လူနေထိုင်ခြင်းမရှိတဲ့ အိမ်ထောင်သည် လိုင်းခန်းဘက်မှာ မသင်္ကာတဲ့လှုပ်ရှားမှု တွေ့ခဲ့ရတာကြောင့် ကင်းတာဝန်ကျသူက လက်နက်ငယ်နဲ့ အချက် ၂၀ ကျော် ပစ်ခတ်ခဲ့တယ်လို့ တပ်ထုတ်ပြန်ချက်မှာ ပါရှိပါတယ်။

အဲဒီနောက် ဘောင်းဒုတ်ရွာအတွင်း သေနတ်သံ ၆ချက်ခန့် ကြားခဲ့ရပြီးနောက် ဘောင်းဒုတ်ကျေးရွာ အုပ်ချုပ်ရေးမှူး ဦးတင်ထွန်းက တပ်ကပစ်ခတ်လို့ အမျိုးသားတစ်ဦး သေဆုံးပြီး တစ်ဦးဒဏ်ရာရရှိထားကြောင်း ဖုန်းနဲ့တိုင်ကြား လာတာလို့ သိရပါတယ်။

AA အဖွဲ့က ၀င်ရောက်တိုက်ခိုက်မယ့် အစီအစဉ်ကို တပ်လုံခြုံရေးကင်းက ပစ်ခတ်ခဲ့တာဖြစ်ပြီး ထိခိုက်ဒဏ်ရာရရှိမှု အပေါ် ယုတ်မာတဲ့အကြံနဲ့ တပ်ဘက်ကနေ ရွာထဲအကြောင်းမဲ့ ပစ်ခတ်တယ်ဆိုပြီး လုပ်ကြံဖန်တီးကာ ပြည်သူလူထု အထင်အမြင်လွဲမှားစေတဲ့ မဟုတ်မမှန်စွပ်စွဲ ပြောဆိုခဲ့တာလို့ သတင်းထုတ်ပြန်ချက်မှာပါရှိပါတယ်။

ဒဏ်ရာရထားတဲ့ ဦးကျော်သိန်းကို ခွဲစိတ်ကုသပြီးရင် စစ်ဆေးမေးမြန်းသွားမှာဖြစ်ကြောင်းနဲ့ ပြည်သူလူထု အထင်အမြင် လွဲမှားဖို့ မဟုတ်မမှန်လုပ်ကြံစွပ်စွဲ ပြောဆိုတိုင်ကြားပြီး ထွက်ပြေးနေတဲ့ ကျေးရွာအုပ်ချုပ်ရေးမှူး ဦးတင်ထွန်းကိုလည်း မြောက်ဦးမြို့နယ်ရဲတပ်ဖွဲ့မှာ အမှုဖွင့်ထားတယ်လို့လည်း ဗိုလ်မှူးချုပ်ဇော်မင်းထွန်းက ပြောပါတယ်။

ဒီသတင်းကို RFA သတင်းထောက် ကိုကျော်သူ ပေးပို့တာပါ။

RFA Burmese
https://www.rfa.org/burmese

သေနတ်ကျည်ထိမှန်တဲ့ အရပ်သားတစ်ဦး သေဆုံး၊ တစ်ဦးဒဏ်ရာရ

ရခိုင်ပြည်နယ် မြောက်ဦးမြို့နယ် ဘောင်းဒွတ်ရွာမှာ ကျောဖက်ကနေ သေနတ်ကျည်ဆံ ထိမှန်ခဲ့တဲ့ ဦးကျော်သိန်း ကို တွေ့ရစဉ် / Photo: Sayar U Than Tun
ရခိုင်ပြည်နယ် မြောက်ဦးမြို့နယ် ဘောင်းဒွတ်ရွာမှာ မနေ့ညပိုင်းက သေနတ်ပစ်ခတ်မှုရှိခဲ့တာကြောင့် အရပ်သားတစ်ဦး သေဆုံးပြီး တစ်ဦး ဒဏ်ရာရရှိခဲ့တယ်လို့ ဒေသခံတွေက ပြောပါတယ်။

သေနတ်ကျည်ဆံထိမှန်ခဲ့သူတွေဟာ မြောက်ဦးမြို့နယ် လက္ကာကျေးရွာကဖြစ်ပြီး အဲဒီရွာမှာ တိုက်ပွဲတွေကြောင့် ဘောင်းဒွတ်ရွာက ဆွေမျိုးတွေဆီမှာ ခိုလှုံနေကြတာဖြစ်ပါတယ်။

ည ၁၀ နာရီလောက်ဝန်းကျင်လောက်မှာ သေနတ်သံတွေကြားခဲ့ရပြီး အစိုးရတပ်မတော်နဲ့ AA တို့ အပြန်အလှန်ပစ်ခတ်တဲ့ တိုက်ပွဲသဘောမျိုးမဟုတ်ဘူးလို့ ဒေသခံရွာသားတွေက ပြောကြပါတယ်။ ဒီပြောဆိုချက်တွေနဲ့ပတ်သက်လို့ RFA က သီးခြားအတည်ပြုနိုင်ခြင်း မရှိပါဘူး။

ပစ်ခတ်သံတွေ ကြားပြီးနောက်မှာတော့ ဘောင်းဒွတ်ရွာသားအသက် ၆၁ နှစ်အရွယ် ဦးမောင်ကျော်စိန် ဟာ ဦးခေါင်းမှာ သေနတ်ကျည်ဆံထိမှန်ကာ သေဆုံးနေပြီး အသက် ၆၃ နှစ်အရွယ် ဦးကျော်သိန်း ဆို သူကတော့ ကျောဖက်ကနေ သေနတ်ကျည်ဆံ ထိမှန်ခဲ့တယ်လို့ မိသားစုဝင်တစ်ဦးက RFA ကို ပြော ပါတယ်။

ညတွင်းချင်း အရေးပေါ်ဆေးရုံပို့ဖို့ စီစဉ်ပေမယ့်လည်း မြောက်ဦးမြို့မှာ ပုဒ်မ ၁၄၄ ညမထွက်ရအမိန့် ထုတ်ပြန်ထားတာကြောင့် မနက်မိုးလင်းမှသာ မြောက်ဦးဆေးရုံကို ပို့ဆောင်ပေးနိုင်ခဲ့တယ်လို့ မြောက်ဦး ကရုဏာလှိုင်း သွေးအလှူရှင်များအဖွဲ့ တွဲဖက်အထွေထွေအတွင်းရေးမှူး ဦးကျော်သိန်းထွန်းက ပြောပါတယ်။

"သွားယူစဉ်တုန်းကတော့ သူနဲ့အတူအိပ်နေတဲ့သူကတော့ အဲ့မှာပဲ ပွဲချင်းပြီးသေတယ်၊ အဲဒါတော့ မြင်ခဲ့ရပါတယ်ခင်ဗျ၊ မြောက်ဦးဆေးရုံကို ပို့ပေးလိုက်တယ်၊ ဒီနေ့မနက် ၂ နာရီကျော်ကျော်လောက်မှာ ရှိတယ်လို့ သိရပါတယ်၊ မနက်မှသွားယူရတာပါ ကျွန်တော်တို့ မြို့နဲ့ဆို ၅ မိုင်နီးနီးလောက်တော့ လှမ်းတာပေါ့လေ"

လက်ရှိ ရခိုင်ပြည်နယ် မြို့နယ်အတော်များများမှာ အစိုးရတပ်မတော်နဲ့ ရခိုင့်တပ်မတော် AA တို့ တိုက်ပွဲပြင်းထန်နေတဲ့ ကာလဖြစ်တာကြောင့် မြောက်ဦးမြို့နယ်အပါအ၀င် ၅ မြို့နယ်မှာ ပုဒ်မ ၁၄၄ ညမထွက်ရ အမိန့်ထုတ်ပြန်ထားပါတယ်။

အသက် ၆၃ နှစ်အရွယ် ဦးကျော်သိန်းဟာ သေနတ်ကျည်ဆံထိမှန်ထားတဲ့ ဒဏ်ရာပြင်းထန်တာကြောင့် မြောက်ဦးဆေးရုံကနေ စစ်တွေဆေးရုံကို အရေးပေါ်လွှဲပြောင်းပေးလိုက်တယ်လို့ မြောက်ဦးမြို့နယ် ဆေးရုံအုပ်ကြီး ဒေါက်တာခင်မောင်ရီ က ပြောပါတယ်။

"လူနာအခြေအနေကတော့ စိုးရ်ိမ်ရတယ်၊ ဘယ်ဖက်နောက်ကျော ကျည်ဝင်တဲ့ဒဏ်ရာပါ၊ ကျည်တောင့် ဝင်သွားတာ၊ ကျွန်တော်တို့ ၉ နာရီခွဲလောက်မှာ စစ်တွေဆေးရုံကို လွှဲပေးလိုက်ပြီ၊ တစ်ယောက်က သေတယ်၊ တစ်ယောက်က စစ်တွေကို လွှဲလိုက်တဲ့လူနာ"

ဒဏ်ရာရထားတဲ့ ဦးကျော်သိန်းရဲ့ သားဖြစ်သူ ကိုကျော်ရွှေက အခုလို ပြောပါတယ်။

"ကျွန်တော့်အဖေက သူ့အမျိုးအ်ိမ်မှာ အိပ်နေတာ၊ သူ့ယောက်ဖနဲ့ အိပ်နေတာ၊ ကျွန်တော်က နောက်တစ်အိမ၊် ကျွန်တော့်အစ်ကို အိမ်မှာအိပ်နေတာ နည်းနည်းအလှမ်းတော့ ဝေးတယ်၊ ဖြစ်တာတော့ ကျွန်တော်လည်း ဘာမှမသိဘူး၊ ကျွန်တော် မနက်အိပ်ယာနိုးတော့ ဘောင်းဒွတ်ရွာမှာ အသုဘဖြစ်နေပြီ ကျွန်တော့်အဖေက ဆေးရုံရောက်သွားပြီ သေနတ်ဒဏ်ရာနဲ့ပေါ့၊ ကျောကုန်းမှာ ဝင်ပေါက်သွားတာ၊ ဘယ်သူတွေပစ်မှန်း လည်းမသိဘူး၊ ဟိုတစ်ယောက်ကတော့ အဲ့မှာပဲဆုံးသွားပြီ၊ ကျွန်တော့်အဖေက လူနာတင်ကားနဲ့ စစ်တွေကိုလိုက်လာတာ၊ မြောက်ဦးဆေးရုံရောက်ပြီးမှ အခုစစ်တွေဆေးရုံကိုပို့တာ အခုခဏလေးပဲရှိသေးတယ် ရောက်တာ၊ ဒဏ်ရာအခြေအနေကတော့ ကျွန်တော်လည်း မပြောတတ်ဘူး၊ ဆရာဝန်တွေကတော့ ဓာတ်မှန်တွေရိုက်နေပြီ အခုခွဲစိတ်ခန်းလုပ်နေလို့"

အဲဒီဖြစ်စဉ်နဲ့ပတ်သက်ပြီး မြောက်ဦးရဲတပ်ဖွဲ့က အမှုဖွင့်ထားတယ်လို့ ရဲစခန်းကဆင့်ခေါ်ခံထားရသူ အမည်မဖော်လိုတဲ့ ဒေသခံတစ်ဦးက ပြောပါတယ်။

မြောက်ဦးခရိုင်ရဲတပ်ဖွဲ့မှုးဒု-ရဲမှူးကြီး တင်မင်းဦးကို RFA က ဆက်သွယ်ခဲ့ပေမယ့်လည်း ဖုန်းလက်ခံ ဖြေကြားခြင်း မရှိခဲ့ပါဘူး။

အနောက်ပိုင်းတိုင်းစစ်ဌာနချုပ် တိုင်းဦးစီးမှူး ဗိုလ်မှူးကြီး ဝင်းဇော်ဦးကို ဆက်သွယ်မေးမြန်းရာမှာ ----

"မကြားမိဘူးခင်ဗျ၊ ဘောင်းဒွတ်မှာ မကြားမိဘူး၊ ကျွန်တော်တော့ မကြားမိဘူးခင်ဗျ၊ အဲဒီဘောင်းဒွတ်မှာလေ သြော် ဘောင်းဒွတ်မှာ မကြားမိပါဘူးခင်ဗျ"

မနေ့ညက ပစ်ခတ်မှုတွေနဲ့ပတ်သက်လို့ ရခိုင့်တပ်မတော် AA ပြောရေးဆိုခွင့်ရှိသူ ခိုင်သုခကို RFA က ဆက်သွယ်မေးမြန်းရာမှာ အခုလို ပြောပါတယ်။

"အဲဒီမှာ ဗမာစစ်တပ်က အသားလွတ်ပစ်သတ်တာလို့ ပြောတယ်၊ အဲဒီမှာ တိုက်ပွဲဖြစ်တာ လုံးဝမရှိဘူးတဲ့၊ တိုက်ပွဲဖြစ်တာတော့ လုံးဝမရှိဘူး"

ဒါကတော့ မြောက်ဦးမြို့နယ် ဘောင်းဒွတ်ရွာမှာအသက် ၆၀ ကျော်အရွယ် အရပ်သားနှစ်ဦး သေနတ် ကျည်ဆံထိမှန်ခဲ့တာနဲ့ ပတ်သက်ပြီး နားဆင်ခဲ့ရတာပါ။

ဒီသတင်းကို RFA သတင်းထောက် ကိုကျော်သူ ပေးပို့တာပါ။

RFA Burmese
https://www.rfa.org/burmese

The Masters ဂေါက်သီးရိုက်ပြိုင်ပွဲ Tiger Woods ချန်ပီယံပြန်ဖြစ်

The Masters ဂေါက်သီးရိုက်ပြိုင်ပွဲ Tiger Woods ချန်ပီယံ
အမေရိကန်နိုင်ငံမှာ ကျင်းပပြုလုပ်ခဲ့တဲ့ The Masters ဂေါက်သီးပြိုင်ပွဲမှာတော့ အမေရိကန်က နာမည်ကြီး Tiger Woods က အနိုင်ရပြီး ချန်ပီယံဖြစ်သွားပါတယ်။ Georgia ပြည်နယ် Augusta မှာ ကျင်းပတဲ့ ၂၀၁၉ မာစတာ ဂေါက်သီးပြိုင်ပွဲကို ပြီးခဲ့တဲ့ ကြာသပတေးနေ့ကနေ တနင်္ဂနွေနေ့ အထိကစားခဲ့ကြပြီး Tiger Woods က သတ်မှတ်ရိုက်ချက်ထက် ၁၃ ချက် လျှော့ရိုက်ပြီး ဒုတိယနေရာက Dustin Johnson, Brooks Koepka နဲ့ Xander Schauffele တို့ထက် ၁ ချက်အသာနဲ့ ဗိုလ်စွဲသွားခဲ့တာဖြစ်ပါတယ်။ ဒါဟာ Tiger Woods အတွက်တော့ The Masters ချန်ပီယံဆုကို ၅ ကြိမ် မြောက် ဆွတ်ခူးသွားခဲ့တာဖြစ်ပြီး ၊ သူ့ရဲ့ ၁၅ ခု မြောက် မေဂျာချန်ပီယံဆုဖလားဖြစ်ပါတယ်။

သူနောက်ဆုံးအကြိမ် မေဂျာဆုဖလားရခဲ့တာ ၂၀၀၈ ခုနှစ်က ဖြစ်ပြီး အခုဒီပြိုင်ပွဲကို အနိုင်ရလိုက်တဲ့အတွက် Tiger Woods ဟာ မေဂျာဆုဖလားတွေ နဲ့ ၁၁ နှစ် ကြာ လွဲနေတာကို အဆုံးသတ်နိုင်လိုက်ပါတယ်။ Tiger Woods ဟာ အမေရိကန်က Jack Nicklaus နောက်ပိုင်း မာစတာပြိုင်ပွဲကို အနိုင်ရသူတွေထဲမှာ အသက်အကြီးဆုံးဖြစ်ပါတယ်။ Jack Nicklaus ကလည်း Tiger Woods အနိုင်ရသွားတဲ့အတွက် သူ့အနေနဲ့ ၀မ်းမြောက် ဂုဏ်ယူတယ်လို့ တွစ်တာကနေ ပြောကြားလိုက်ပြီး၊ အမေရိကန် သမ္မတ ဒေါ်နယ်လ်ထရမ့်ကလည်း ဂုဏ်ယူတယ်လို့ တွစ်တာမှာ ရေးထားပါတယ်။

Tiger Woods ဟာ ၂၀၀၈ ခုနှစ်ကစတင်ပြီ ဒဏ်ရာ ပြဿနာတွေကြောင့် ခွဲစိတ်မှုတွေ အကြိမ်ကြိမ်လုပ်ခဲ့ရသလို၊ လူမှုရေးပြဿနာတွေကြောင့်လည်း သူရဲ့ ဇနီး နဲ့ ကွာရှင်းပြတ်စဲခဲ့တာဖြစ်ပါတယ်။ အဲဒီနောက်ပိုင်းကစပြီး Tiger Woods ဟာ ဆုဖလားတွေ လွှဲချော်နေခဲ့ပြီး၊ အခုမှ ပြန်ပြီး မေဂျာဆုဖလားကို ပြန်ရတာဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com

ကမ္ဘာ့အကြီးဆုံး လေယာဉ် စတင်ပျံသန်း

အာကာသထဲကို ဂြိုဟ်တုတွေ ပို့မယ့်လေယာဉ်
အတောင်ဖျားနှစ်ဘက်အစအဆုံး ၃၈၅ ပေ ရှိတဲ့ ကမ္ဘာ့ အကြီးဆုံးလေယာဉ်ဟာ အမေရိကန်နိုင်ငံမှာ ပထမဆုံး စတင်စမ်းသပ် ပျံသန်းခဲ့ပါတယ်။

အာကာသထဲ ဂြိုဟ်တုတွေ လွှတ်တင်ရာမှာ သုံးဖို့ အဓိက တည်ဆောက်ထားတဲ့ လေယာဉ်ဟာ ထိပ်ဖျားကနေ အမြီးထိဆိုရင်၂၃၈ ပေ ရှိပါတယ်။

ဒီလေယာဉ်ကို မိုက်ခရိုဆော့ဖ် ကုမ္ပဏီပူးတွဲတည်ထောင်သူ ကွယ်လွန်သွားပြီ ဖြစ်တဲ့ ပေါလ်အယ်လန်ရဲ့ Stratolaunch ကော်ပိုရေးရှင်းက တည်ဆောက်တာပါ။

ဂြိုဟ်တုတွေ အာကာသထဲလွှတ်တဲ့အခါ ဒီလေယာဉ်ဟာ အမြင့်ပေ သုံးသောင်းခွဲ လောက်ကို တက်သွားပြီး ဂြိုဟ်တုကို ကမ္ဘာပတ်လမ်းထဲ လွှတ်တင်လိုက်မှာ ဖြစ်ပါတယ်။

ဒီစီမံကိန်း အောင်မြင်သွားရင်တော့ ဂြိုဟ်တုနဲ့ အာကာသယာဉ် စတာတွေကို မြေပြင်ကနေ အာကာသထဲ ဒုံးပျံနဲ့တိုက်ရိုက်လွှတ်တင်တာထက် စရိတ်သက်သာသွားတော့မှာပါ။

ဒီလေယာဉ်ဟာ အရှည် ပေ ၅၀ နဲ့ ပေါင် ငါးသိန်းလောက်ထိ လေးတဲ့ ပစ္စည်းတွေကို သယ်ဆောင်နိုင်မှာ ဖြစ်ပါတယ်။

လေယာဉ်နှစ်စင်းဆက်ထားပြီး အင်ဂျင်ခြောက်လုံးပါတဲ့ ဒီလေယာဉ်ကြီးဟာ အခု စတင်ပျံသန်းခဲ့တဲ့အခါမှာ အမြင့်ပေ တစ်သောင်းခွဲနဲ့ အမြန်နှုန်း တစ်နာရီ မိုင် ၁၇၀ လောက်ထိ ရောက်ခဲ့ပါတယ်။

လေယာဉ်ဟာ ကြိုတွက်ထားတဲ့ပုံစံအတိုင်း အားလုံးနီးပါး ပျံသန်းနိုင်ခဲ့တယ်လို့ လေယာဉ်ကို စမ်းသပ်မောင်းနှင်ခဲ့တဲ့ လေယာဉ်မှူး အီဗန် တောမတ်စ်က ပြောပါတယ်။

ခရီးသည်တင်လေယာဉ်တွေ အခု ပျံသန်းနေသလိုမျိုး ကမ္ဘာပတ်လမ်းထဲကို သူတို့လေယာဉ်တွေသွားလာနိုင်အောင်လုပ်ဖို့ Stratolaunch ကုမ္ပဏီက ရည်မှန်းထားပါတယ်။

ဗြိတိန်က ဘီလျံနာသူဌေးကြီး ရစ်ချတ်ဘရန်ဆန်ရဲ့ Virgin Galactic ကုမ္ပဏီကလည်း ကမ္ဘာပတ်လမ်းကြောင်းထဲကို ဂြိုဟ်တုတွေ လွှတ်တင်ဖို့ တည်ဆောက်နေပါတယ်။

Stratolaunch ရဲ့ အခု လေယာဉ်ဟာ အတောင်ဖျားနှစ်ဘက် အရှည်အရ ကမ္ဘာ့အကြီးဆုံး လေယာဉ်ဖြစ်လာပေမဲ့ လောလောဆယ်မှာ ရုရှားရဲ့ အန်တိုနော့ဗ် An-225 လေယာဉ်ဟာ ကမ္ဘာ့ အကြီးဆုံး လေယာဉ်ဖြစ်ပါတယ်။ အဲဒီရုရှားလေယာဉ်ဟာ လေယာဉ်ထိပ်ကနေ အမြီးထိဆိုရင် Stratolaunch ရဲ့ လေယာဉ်ထက် ၃၇ ပေ ပိုရှည်ပါတယ်။ ဒါပေမဲ့ အတောင်ပံဖျားတွေ အရှည်ဆိုရင်တော့ Stratolaunch ရဲ့ လေယာဉ်က ၉၅ ပေ ပိုရှည်ပါတယ်။

BBC Burmese
https://www.bbc.com/burmese

ကသာခရိုင် ဇလုံတောင်တက်လမ်း၌ ယာဉ်တိမ်းမှောက်မှုကြောင့် လူ ၃ဦးသေ၊ ၁၇ ဦးဒဏ်ရာရရှိ

ဇလုံတောင်၌ တိမ်းမှောက်ခဲ့သော ယာဉ်အားတွေ့ရစဉ်(ဓာတ်ပုံ-အင်တာနက်)
ရန်ကုန်၊ ဧပြီ ၁၅ ရက် (ဆင်ဟွာ)

    ကသာခရိုင်၊ ဗန်းမောက်မြို့နယ် ဇလုံတောင်တက်လမ်း မျှော်တောင်၌ ဧပြီ ၁၄ ရက် ညနေ ၄နာရီခွဲအချိန်တွင် Hilux ယာဉ်သည် နောက်ပြန်လျှောကျ တိမ်းမှောက်မှုကြောင့် လူ ၃ဦးသေဆုံးကာ ၁၇ ဦး ဒဏ်ရာရရှိခဲ့ကြောင်း ပြည်ထဲရေးဝန်ကြီးဌာနက ထုတ်ပြန်သော သတင်းအရ သိရသည်။

အဆိုပါ ယာဉ်တိမ်းမှောက်မှုကြောင့် အမျိုးသား ၃ဦးသည် အခင်းဖြစ်ပွားရာနေရာတွင် သေဆုံးခဲ့ကြောင်း၊ဒဏ်ရာရရှိသူ ၁၇ ဦးအနက် ၁၀ဦးသည် အပြင်းအထန်ဒဏ်ရာရရှိထားပြီး ကျန် ၇ဦးသည် ဖူးရောင်ပေါက်ပြဲဒဏ်ရာများ(မစိုးရိမ်ရ) ရရှိခဲ့ကြောင်း သိရသည်။

ယင်း ဒဏ်ရာရရှိသူများကို ကသာ/မန္တလေးပြည်သူ့ဆေးရုံကြီးသို့ ပို့ဆောင်ကုသထားပြီး ယာဉ်မောင်းအား အမှုဖွင့်အရေးယူစစ်ဆေးလျက်ရှိကြောင်း သိရသည်။

(Xinhua)
http://www.xinhuamyanmar.com

တောမီးငြှိမ်းရင်း ရွာသားသုံးယောက်သေဆုံး

မကွေးတိုင်းဒေသကြီး၊ ငဖဲမြို့နယ်၊ လိုင်ကျေးရွာအနီးမှာ ၂ဝ၁၉ ခုနှစ် ဧပြီလ ၁၃ ၇က်နေ့က တောမီးလောင်တာကြောင့် ၀ိုင်းငြိမ်းရင်း သေဆုံးခဲ့သူတွေရဲ့ ရုပ်အလောင်းတွေကို တွေ့ရစဉ် / Photo credit - Citizen Journalist
မကွေးတိုင်းဒေသကြီး၊ ငဖဲမြို့နယ်၊ လိုင်ကျေးရွာအနီးမှာ မနေ့က တောမီးလောင်တာကြောင့် ရွာထဲကို တောမီးမကူးစက်အောင် ၀ိုင်းငြှိမ်းရင်း ရွာသားသုံးယောက် သေဆုံးခဲ့တယ်လို့ ကျေးရွာအုပ်ချုပ်ရေးမှူး ဦးလွှေ က RFA ကို ပြောပါတယ်။

မနေ့က တောမီးလောင်မှုများတဲ့အပြင် လေပြင်းတိုက်တာကြောင့်  ရွာထဲ မီးကူးမှာကို ကြိုတင်ကာကွယ်တဲ့အနေနဲ့ ၀ိုင်းငြှိမ်းကြရင်း လူ ၄ ယောက် တောမီးထဲ ပိတ်မိပြီး ၃ ယောက်ကတော့ မီးလောင်သေဆုံးခဲ့တာလို့ ပြောပါတယ်။

အသက်ရှင်ကျန်ခဲ့တဲ့ တစ်ယောက်ကိုလည်း ပဒါန်းမြို့နယ်ဆေးရုံကို လူမှုကူညီရေးအဖွဲ့တွေက ပို့ဆောင်ပေးထားတယ်လို့ သိရပါတယ်။

တောမီးကို လိုင်ရွာရဲ့ ပတ်ဝန်းကျင်ကျေးရွာတွေဖြစ်တဲ့ နောင်၊ ပစီ၊ ဂုတ်ကြီး စတဲ့ ကျေးရွာတွေအပါအ၀င် ဒေသခံ ၂၀၀ လောက်ကလည်း ကူညီငြိမ်းသတ်ပေးခဲ့ရတယ်လို့ ဆိုပါတယ်။

တောထဲမှာ ချက်ပြုတ်စားသောက်တဲ့ မီးကြွင်း၊ မီးကျန်တွေ၊ ဆေးလိပ်မီးတွေကနေတဆင့် တောမီးလောင်လေ့ရှိတယ်လို့လည်း ပြောပါတယ်။

ပြီးခဲ့တဲ့ မတ်လအတွင်း စစ်ကိုင်းတိုင်းဒေသကြီး ကနီမြို့နယ်၊ မဟူတောင်ပေါ်မှာ တောမီးကြောင့် ရွာသား ၃ ယောက် သေဆုံးခဲ့ပါတယ်။

ရာသီဥတုပူပြင်းမှု နောက်ဆက်တွဲအနေနဲ့ တောမီးလောင်တာကို သတိထားရမယ်လို့လည်း မိုးလေ၀သပညာရှင် ဒေါက်တာထွန်းလွင် က ပြောထားပါတယ်။

မြန်မာနိုင်ငံမှာ ပြီးခဲ့တဲ့ မတ်လအတွင်း တောမီးလောင်တာ၊ တောင်ယာမီးရှို့တာတွေကြောင့် မီးလောင်တဲ့နေရာပေါင်း ၃၂၀ လောက်ရှိပြီး အာဆီယံနိုင်ငံတွေထဲမှာ မီးလောင်ကျွမ်းမှု အများဆုံးဖြစ်တယ်လို့လည်း ဒေါက်တာထွန်းလွင် က ပြောပါတယ်။

ဒီသတင်းကို RFA သတင်းထောက် မဇာဏီထွဏ်း ပေးပို့တာပါ။

RFA Burmese
https://www.rfa.org/burmese

စက်လှေနစ်မြုပ်မှု တစ်ဦး သေဆုံး

မုံရွာမြို့ ချင်းတွင်းမြစ်မှာ နစ်မြုပ်နေတဲ့စက်လှေကို တွေ့ရစဉ်/ Photo - Myanmar Fire Services Department
ချင်းတွင်းမြစ်အတွင်း လူ ၄၀ ခန့် လိုက်ပါလာတဲ့ ကူးတို့စက်လှေတစ်စီး နစ်မြုပ်တာကြောင့် အမျိုးသမီး ၁ဦး သေဆုံးပြီး ၅ဦး ဆေးရုံတင်ထားရတယ်လို့ သိရပါတယ်။

စစ်ကိုင်းတိုင်းဒေသကြီး ဆားလင်းကြီးမြို့နယ်က ဒေသခံ ၄၀ ခန့်ဟာ ချင်းတွင်းမြစ်ကိုဖြတ်ပြီး မုံရွာမြို့ဘက်ကို စက်လှေနဲ့ ဒီနေ့မနက်က ကူးရာမှာ လှေနစ်မြုပ်ခဲ့တာလို့ မုံရွာခရိုင် မီးသတ်ဦးစီးမှူး ဦးညီညီဇော် က RFA ကို ပြောပါတယ်။

လိုက်ပါလာသူတွေဟာ ချင်းတွင်း သင်္ကြန်ကို လာရောက်လည်ပတ်ကြသူတွေဖြစ်ပြီး ၃၆ ဦးကို ကယ်ဆယ်နိုင်ခဲ့ တယ်လို့ ဦးညီညီဇော်က ပြောပါတယ်။

နစ်မြှုပ်သွားတဲ့ စက်လှေဟာ လူ ၂၀ ကျော်လောက်သာ တင်ဆောင်သွားလာသင့်တဲ့လှေဖြစ်ပြီး လူ ၄၀ လောက် အထိ တင်ခဲ့တာကြောင့် နစ်မြုပ်ခဲ့ရတာဖြစ်ကြောင်းလည်းဆိုပါတယ်။

စက်လှေပိုင်ရှင်က မောင်းလာတာဖြစ်ပြီး အခုချိန်ထိ ပျောက်ဆုံးနေဆဲဖြစ်ကြောင်း မြစ်အတွင်း ပျောက်ဆုံးနေသူတွေ ရှိနေသေးလားဆိုတာတွေကို မီးသတ်ဦးစီးဌာနက ဆက်လက်ရှာဖွေနေတယ်လို့ သိရပါတယ်။

မုံရွာမြို့အနီးမှာ စက်လှေနစ်မြုပ်တာကြောင့် လူသေဆုံးမှုဖြစ်တာဟာ ဆယ်စုနှစ် ၁ ခုအတွင်းမှာ ပထမဆုံးလို့ သိရပါတယ်။

ဒီသတင်းကို RFA သတင်းထောက် ကိုကျော်ထွန်းနိုင် ပေးပို့တာပါ။

RFA Burmese
https://www.rfa.org/burmese

ဆိုမာလီယာ IS ဒုခေါင်းဆောင် သေဆုံး

မှတ်တမ်းဓာတ်ပုံ - အာဖဂန် နိုင်ငံ ကန်ဒါဟာ အခြေစိုက် စခန်းမှာ တွေ့ရတဲ့ MQ-9 Reaper ဒရုန်းယာဉ်။
ဆိုမာလီယာက အစ္စလာမ္မစ် အစွန်းရောက် IS အဖွဲ့ရဲ့ ဒုတိယ ခေါင်းဆောင်ဟာ လေကြောင်းတိုက်ခိုက်မှု အတွင်း သေဆုံးခဲ့တယ်လို့ ဆိုမာလီယာ ဒေသဆိုင်ရာ ၀န်ကြီးတဦးက ဗွီအိုအေကို ပြောပါတယ်။

Hol Anod နဲ့ Hiriro ရွာကြား တနင်္ဂနွေနေ့က လေကြောင်းတိုက်ခိုက်မှု အတွင်း Dhoqob လို့ သိကြတဲ့ Abdihakim Mohamed Ibrahim သေဆုံးခဲ့တာလို့ Puntland ဒေသရဲ့ လုံခြုံရေး ၀န်ကြီး Abdisamad Mohamed Gallen က ဗွီအိုအေ ဆိုမာလီ ဌာနကို ပြောဆိုခဲ့တာ ဖြစ်ပါတယ်။

ခရီးထွက်လာတဲ့ Dhoqob နဲ့ တခြားသူတွေ လိုက်ပါလာတဲ့ ကားကို လေကြောင်းတိုက်ခိုက်မှု အတွင်း ထိမှန်ခဲ့တာလို့ ၀န်ကြီး Gallan က ပြောပါတယ်။ အမျိုးသား နှစ်ဦးစလုံး သေဆုံးခဲ့ပေမယ့် တခြားတဦးကိုတော့ ဘယ်သူလဲ ဆိုတာ မဖော်ထုတ်ရသေးကြောင်းလည်း ပြောပါတယ်။ ကားကတော့ မီးလောင် သွားကြောင်းလည်း အမည်မဖော်လိုတဲ့ မျက်မြင်တွေ့သူ တဦးက ပြောပါတယ်။

ဆိုမာလီယာ နိုင်ငံတွင်းက IS အဖွဲ့ကို အယ်လ်ရှာဘတ် အဖွဲ့ဝင်ဟောင်း တဦးဖြစ်တဲ့ Sheikh Abdulkadir Mumin က ဦးဆောင်တာပါ။ ၂၀၁၅ ခုနှစ် အောက်တိုဘာမှာ အဖွဲ့ကနေ နုတ်ထွက်ပြီး IS ခေါင်းဆောင် Abu Bakr Al-Baghdadi ကို သစ္စာခံခဲ့တာ ဖြစ်ပါတယ်။ Dhoqob က အဖွဲ့ခေါင်းဆောင် Mumin ရဲ့ ညာလက်ရုံး ဖြစ်ပြီး အဖွဲ့က ထုတ်တဲ့ ဗွီဒီယိုတွေထဲမှာ ပါသူလည်း ဖြစ်ပါတယ်။ အဖွဲ့ခေါင်းဆောင် Mumin ကတော့ ၂၀၁၇ ခုနှစ် နိုဝင်ဘာလ အတွင်း လေကြောင်းတိုက်ခိုက်မှုမှာ တောင်ထူထပ်တဲ့ Bari ဒေသထဲက သူခိုအောင်းရာ နေရာကနေ လွတ်မြောက်ခဲ့သူပါ။ သူတို့ အဖွဲ့ထဲက ထိပ်တန်း ခေါင်းဆောင် တဦးကို သုတ်သင်နိုင်ခဲ့တာဟာဆိုရင် အဖွဲ့ကို အပြုတ်တိုက်ရေး အရှိန်ကောင်းလာစေမယ်လို့လည်း ၀န်ကြီး Gallan က ပြောပါတယ်။

ဗွီအိုအေ (မြန်မာပိုင်း)
https://burmese.voanews.com

သင်္ကြန်တွင်း မြောက်ဦးပစ်ခတ်မှု ရွာသားတဦးသေဆုံး

ရခိုင်ပြည်နယ် မြောက်ဦးမြို့ရှိ ရှေးဟောင်းစေတီပုထိုးများ
စစ်ရေး ပဋိပက္ခပြင်းထန်ဆဲ ရခိုင်ပြည်နယ် မြောက်ဦးမြို့နယ်မှာ ပစ်ခတ်မှုတွေကြောင့် သင်္ကြန်အကျနေ့ မနက်ဘက်မှာ ဘောင်းဒွတ်ကျေးရွာသား တဦးသေဆုံးပြီး တဦးဒဏ်ရာ ရရှိခဲ့ပါတယ်။ ဒီပစ်ခတ်မှုဟာ နယ်မြေခံမြန်မာ့တပ်က ပစ်ခတ်တယ်လို့ ရွာသားတွေ ပြောနေပေမဲ့ တပ်မတော်ဘက်ကတော့ သူတို့ပစ်ခတ်တာ မဟုတ်ဘူးလို့ ပြောဆိုပါတယ်။ ဒီပစ်ခတ်သေဆုံးမှုအတွက် ကျေးရွာအုပ်ချုပ်ရေးမှူးတွေကို အမှုဖွင့်ထားတယ်လို့ တပ်မတော် တာဝန်ရှိသူတွေက ပြောပါတယ်။ ဗွီအိုအေမြန်မာပိုင်း သတင်းထောက် နိုင်ကွန်းအိန်ကနေ သတင်းပေးပို့ထားပါတယ်။

ရခိုင်ပြည်နယ် မြောက်ဦးမြို့နယ်အတွင်းက ဘောင်းဒွတ်ကျေးရွာမှာ သင်္ကြန်အကျနေ့ မနက်ပိုင်းက မြန်မာစစ်တပ်ရဲ့ ပစ်ခတ်မှုကြောင့် ရွာသားတဦး သေဆုံးခဲ့ရပြီး နောက်တဦးကတော့ ဒဏ်ရာရရှိခဲ့တယ်လို့ အကူညီပေးရေးအဖွဲ့ဝင် ကိုအောင်ထွန်းက ပြောပါတယ်။

“ဘောင်းဒွတ်ရွာဆိုတာက တပ်ရင်း (၃၇၇) နဲ့ (၃၇၈) တပ်ရင်း ၂ ခုကြားမှာ ရှိပါတယ်။ မြောက်ဦးမြို့ရဲ့ တောင်ဖက်ခြမ်းမှာ ရှိတာပါ။ ည (၉) နာရီလောက်မှာ ၄၊ ၅၊ ၆ ချက်လောက် ဖေါက်တယ်။ ပြီးရင်သူတို့က ကားတွေနဲ့ဘာလဲ လမ်းတလျှောက်ကို ထွက်လာကြတယ်နော်။ အနီးနားမှာရှိတဲ့ ရွာတလျှောက်လုံးကို လမ်းတလျှောက်လုံးကို ဖေါက်ပြီးသွားနေကြတာ။ အဲဒီ (၁၄) ရက်နေ့က ပစ်တာက ည (၂) နာရီလောက်ကတည်းက ဖြစ်တယ်။ ကျနော်ထင်တာက လူကို တိုက်၊ ရိုက်ပစ်တယ်။ ဟုတ်ချင်မှ ဟုတ်လိမ့်မယ်။ သူတို့က ဖေါက်နေကျအတိုင်းပစ်ရင်းနဲ့ မတော်တဆထိသွား တဲ့ပုံစံမျိုးပါ။ သေသွားတဲ့ လူနဲ့ဒဏ်ရာရတဲ့ လူကကျတော့ (၁) နာရီလောက်မှာထိတာ ကျည်က။ သေသွားတဲ့သူက တခါပဲ အော်နိုင်ခဲ့တယ် သူက။ အော်ပြီးတာနဲ့ သေရော။ နောက်တယောက်ကျတော့ သူကတညလုံး အော်နေတာ။ သွေးအိုင်ထဲမှာပေါ့။ အော်လည်း ဘယ်သူမှ လာမကြည့်ကြဘူး။ ဘာလို့လဲဆိုရင် သေနတ်သံတွေက တရွာလုံး ညံနေတာပေါ့။ မနက်မိုးလင်းမှပဲ သွေးလှူရှင်များအသင်း ကားနဲ့သွားနေပြီးမှ ဆေးရဲူ ရောက်ပါတယ်။ အဲဒီမှာ သူသတိ မေ့တာပေါ့နော်။”

ဒီပစ်ခတ်မှုအတွင်း ဘောင်းဒွတ်ကျေးရွာသား ဦးမောင်ကျော်စိန် သေဆုံးခဲ့ပြီး လက္ကာကျေးရွာက စစ်ပြေးရှောင်နေသူ ဦးကျော်သိန်း ဒဏ်ရာ ပြင်းထန်စွာ ရရှိခဲ့ပါတယ်။

ဒီလိုပစ်ခတ်မှု ဖြစ်ပွါးအပြီး ဘောင်းဒွတ်ကျေးရွာသား (၅၀၀) ကျော်ဟာလည်း ဒိုင်းကျီရပ်ကွက်ထဲ စစ်ဘေး တိမ်းရှောင်လာနေရတယ်လို့ ကိုအောင်ထွန်းက ပြောပါတယ်။

ဘောင်းဒွတ်ရွာအတွင်း ပစ်ခတ်မှုဟာ တပ်မတော်က ပစ်ခတ်တယ်လို့ ဒေသခံရွာသားတွေက ပြောဆိုနေပေမဲ့ တပ်မတော် သတင်းမှန် ထုတ်ပြန်ရေးအဖွဲ့ အတွင်းရေးမှူး ဗိုလ်မှူးချုပ် ဇော်မင်းထွန်းကတော့ မဟုတ်မှန်ကြောင်း အခုလို ပြောဆိုပါတယ်။

“ညဘက်မှာ အဲဒီဘက်မှာရှိတဲ့ တပ်ရဲ့ အနောက်ဘက်ပေါ့။ အဲဒီမှာ လူကပ်သံကြားလို့ ကျနော်တို့ ပစ်လိုက်တယ်။ အချက် (၂၀) လောက် ပစ်တယ်။ ပစ်ပြီးနောက်ပိုင်းမှာ ကျနော်တို့ပစ်တဲ့ ပစ်လမ်းကြောင်းနဲ့ ပစ်လမ်းကြောင်းက တခြား။ ဘောင်ဒွတ်ကျေးရွာက တခြားပါဗျ။ နောက်တခုအဲဒီ ဘောင်းဒွတ်ကျေးရွာထဲမှာ ကျနော်တို့ပစ်ပြီးတော့မှ သေနတ်သံ (၆) ချက်ကြားတယ်။ ကြားပြီးတဲ့နောက်ပိုင်းမှာ ရွာလူကြီးက ကျနော်တို့ဆီကို အုပ်ချုပ်ရေးမှူးက တပ်ကို ဖုန်းဆက်တယ်လို့ ပြောတယ်။ တယောက်ဒဏ်ရာရတယ်၊ တယောက်သေတယ်၊ ဖုန်းဆက်တယ်ပြောတယ်။ ဖုန်းဆက်တယ်... ပြောပြီးနောက်ပိုင်းမှာ ကျနော်တို့တပ်ကနေ သွားရောက်စစ်ဆေးတယ်။ စစ်ဆေးတဲ့အခါ ရွာလူကြီးလည်း မတွေ့တော့ဘူး။ ရွာအုပ်ချုပ်ရေးမှူးလည်း မတွေ့တော့ဘူး။”

ဘောင်းဒွတ်ကျေးရွာအတွင်း ပစ်ခတ်သေဆုံးမှုအတွက် တပ်မတော်ကနေ ကျေးရွာအုပ်ချုပ်ရေးမှူးကို အမှုဖွင့်ထားတယ်လို့ ဗိုလ်မှူးချုပ်ဇော်မင်းထွန်းက ဆက်ပြောပါတယ်။

“ကျနော်တို့ အမှုဖွင့်ထားတယ်ဆိုတာက အဲဒီရွာလူကြီးနဲ့ မတွေ့တဲ့ကြောင့်မို့လို့ ဒီရွာလူကြီးနဲ့ ပက်သက်ပြီးလည်း အုပ်ချုပ်ရေးမှူးနဲ့ ပက်သက်ပြီးလည်း ကျနော်တို့ အမှုဖွင့်ထားတယ်ပေါ့။”

ရခိုင်ပြည်နယ်အတွင်း စစ်ရေးတင်းမာနေဆဲ အခြေအနေကြောင့် စစ်တွေ မြောက်ဦး၊ ကျောက်တော်စတဲ့ မြို့နယ်တော်တော်များများမှာ သင်္ကြန်ရေကစားကြတဲ့ မဏ္ဍပ်ပျော်ပွဲတွေ မရှိတော့ဘဲ ဘုရားရေသပ္ပာယ်ပွဲကိုသာ ကျင်းပခဲ့ကြပါတယ်။

ရခိုင်ပြည်နယ် မြောက်ဦးမြို့နယ် အတွင်းမှာ မြန်မာ့တပ်မတော်နဲ့ ရခိုင့်တပ်တော် AA တို့အကြား တိုက်ပွဲတွေ ရက်ဆက်ဆိုသလို ဖြစ်ပွါးနေပြီး တိုက်ပွဲတွေအတွင်း အရပ်သားတွေအပေါ် ထိခိုက်မှုတွေ များပြားနေပါတယ်။

ပြီးခဲ့တဲ့ ဧပြီလ(၁၀)ရက်နေ့က မြောက်ဦးမြို့က ရဲတပ်ရင်း တိုက်ခိုက်ခံရအပြီး နယ်မြေရှင်းလင်းရေး ဆောင်ရွက်မှုအတွင်း လက္ကာရွာသား (၂၇)ဦးကို မြန်မာစစ်တပ်က ဖမ်းဆီးသွားခဲ့ပါတယ်။ ဒီအဖမ်းဆီးခံ ရွာသားတွေတွေရဲ့ နောက်ဆုံးအခြေအနေကို မကြားသိရသေးဘူးလို့ လက်ကာကျေးရွာ အုပ်ချုပ်ရေးမှူး ဦးအောင်သန်းမြင့်က ပြော ပါတယ်။

“သတင်းမကြားဘူး ခင်ဗျာ။ သူတို့ဘယ်မှာရှိတယ်၊ ဘယ်မှာချတယ်ဆို သတင်းမကြားရဘူး။ လိုင်းထဲမှာကြားတယ်။ ဒါပေမဲ့ တိတိကျကျတော့ မတွေ့ရသေးဘူး ခင်ဗျာ။”

တပ်မတော်သတင်းမှန်ထုတ်ပြန်ရေးအဖွဲ့အတွင်းရေးမှူး ဗိုလ်မှူးချုပ် ဇော်မင်းထွန်းကတော့ ဖမ်းဆီးထားတဲ့သူတွေ ကို စစ်ဆေးနေဆဲလို့ ပြောပါတယ်။

“သူတို့ကိုတော့ ကျနော်တို့ စစ်ဆေးတုန်းပဲ ရှိသေးတယ်။ တချို့ဆက်စပ် သတင်းတွေလည်း ကျနော်တို့ပြန်ပြီး ဖေါ်ထုတ်ရပါမယ်။ သူတို့ဆီက သတင်းအပြည့်စုံကို ကျနော်တို့ မထုတ်ပြန်နိုင်သေးဘူး။

လက်ရှိလက်ကာရွာသား (၁၀၀၀) ကျော်ဟာ အနီးနားဝန်းကျင်ဖြစ်တဲ့ တင်းထိန်ကန် ၀က်လှအစရှိတဲ့ ရွာတွေမှာ စစ်ဘေး တိမ်းရှောင်နေရပါတယ်။ လက်ရှိ ရခိုင်ပြည်နယ်အတွင်း တပ်မတော်နဲ့ AA တို့ဖြစ်ပွါးတဲ့ တိုက်ပွဲစဉ်တွေအတွင်း အရပ်သားတွေအပေါ် ပစ်မှတ်ထား တိုက်ခိုက်မှုတွေများလာနေလို့ ဒေသခံတွေ စိုးရိမ်စိတ်တွေ တိုးပွါးနေပါတယ်။

ဒီလိုစစ်ရေး တင်းမာနေမှုကြောင့် တိုက်ပွဲဖြစ်ပွါးရာ ဒေသက ရွာသား (၃၀၀၀၀) ခန့် စစ်ဘေးတိမ်းရှောင်နေရသလို အကူညီ ပေးဆောင်ရေးမှာလည်း ကန့်သတ် တားမြစ်ခံနေရတဲ့အတွက် နေထိုင်စားသောက်ရေးမှာ အခက်တွေ့နေတယ်လို့ စစ်ရှောင် အကူညီပေး အဖွဲ့တွေကပြောပါတယ်။

ကိုနိုင်ကွန်းအိန်/ ဗွီအိုအေ (မြန်မာပိုင်း)
https://burmese.voanews.com

မကွေးတိုင်းဒေသကြီးအတွင်း မီးလောင်မှုကြောင့် နေအိမ် ၂၈ လုံးဆုံးရှုံး

မကွေးမြို့တွင် မီးလောင်နေသော နေအိမ်များအား မီးငြှိမ်းသတ်နေစဉ်(ဓာတ်ပုံ- MOI)
ရန်ကုန်၊ ဧပြီ ၁၃ ရက် (ဆင်ဟွာ)

    မကွေးတိုင်းဒေသကြီး မကွေးမြို့နယ်၊ ကြာကန်ကျေးရွာအုပ်စု၊ ကြို့ပင်အင်းကျေးရွာရှိ ယနေ့ ဧပြီ ၁၃ ရက်၊ မွန်းလွဲ ၁ နာရီခန့်က မီးလောင်မှုဖြစ်ပွားခဲ့ရာ နေအိမ် ၂၈ လုံး မီးလောင် ဆုံးရှုံးခဲ့ကြောင်း ပြန်ကြားရေးဝန်ကြီးဌာနက ထုတ်ပြန်သော သတင်းအရ သိရသည်။

ကြို့ပင်အင်းကျေးရွာရှိ နေအိမ်တစ်လုံးမှစတင်၍ မီးလောင်ကျွမ်းခဲ့ရာ နေအိမ် ၂၈ လုံးထိမီးလောင်ခဲ့ကြောင်း၊ အဆိုပါ မီးလောင်ကျွမ်းမှုကို မီးသတ်တပ်ဖွဲ့နှင့် ပြည်သူများ စုပေါင်းမီးငြှိမ်းသတ်ရာ မွန်းလွဲ ၂ နာရီခွဲခန့်တွင် မီးညွန့်ကျိုးခဲ့ပြီး၊ ကျန်ရှိ မီးကြွင်းမီးကျန်များ ဆက်လက်ငြှိမ်းသတ် လျက်ရှိကြောင်း သိရသည်။

အဆိုပါ မီးလောင်ကျွမ်းမှုဖြစ်ပွားရာသို့ ခရိုင်အုပ်ချုပ်ရေးမှူး ၊ မြို့နယ်အုပ်ချုပ်ရေးမှူးနှင့် ဌာနဆိုင်ရာ တာဝန်ရှိ သူများက ကြီးကြပ်၍ မီးလောင်ကျွမ်းသည့်နေအိမ်များမှ ပြည်သူများအား ရွာဦးကျောင်းဓမ္မာရုံတွင် ယာယီနေရာ စီစဉ်ပေးခြင်းနှင့် လိုအပ်သည်များ စီစဉ်ဆောင်ရွက်ပေး လျက်ရှိကြောင်းသိရသည်။

(Xinhua)
http://www.xinhuamyanmar.com

မန္တလေးသင်္ကြန်မှာ လုံခြုံရေးအတွက် ပိတ်ဆို့ရှာဖွေ

လုံခြုံရေးအတွက် ဘယ်သတင်းကို မဆို အလေးထားဆောင်ရွှက်ပါတယ် လို့ မန္တလေးခရိုင်ရဲတပ်ဖွဲ့မှုးကပြောပါတယ်
မန္တလေးသင်္ကြန် ပွဲတော်လုံခြုံရေးအတွက် အညာဒေသအခေါ် ကျောက်လှည့် ဝက်အူလှည့်က အစ တုတ်ဓားလက်နက်တွေကိုမြို့အဝင် ၁၅ နေရာမှာ စစ်ဆေးပြီး သိမ်းဆည်းအရေးယူ နေတယ်လို့ ခရိုင်ရဲတပ်ဖွဲ့မှူး ရဲမှူးကြီး မျိုးအောင် က ဘီဘီစီ ကိုပြောပါတယ်။

ဒါ့ အပြင် မျက်နှာဖုံး တွေ ပြောက်ကျားဝတ်စုံတွေ သေနတ် အတု တွေကိုလည်း လုံခြုံရေးအရ စစ်ဆေးပြီးသိမ်းဆည်းနေတယ်လို့ လည်း ရဲမှူးကြီး မျိုးအောင်က ပြောပါတယ်။

ပြီးခဲ့တဲ့ရက်ပိုင်းကတော့ရန်ကုန် မန္တလေး နေပြည်တော်အပါဝင် မြန်မာနိုင်ငံက မြိုကြီးတွေမှာ သင်္ကြန်ရေမကစားကြဖို့နဲ့ အနီးတဝိုက်မှာမနေကြဖို့ ရခိုင် အေအေ အဖွဲ့ကဆိုပြီးထုတ်ပြန်ထားတာရှိပြီး မြန်မာနိုင်ငံ ဂျပန်သံရုံးကလည်း အဲဒီထုတ်ပြန်ချက် ကို သတိထားဖို့ ကိုလည်း မြန်မာနိုင်ငံရောက် ဂျပန်တွေကို သတိပေးထားပါတယ်။

မန္တလေး သင်္ကြန်အကြိုနေ့ ညနေပိုင်းအထိတော့ သင်္ကြန် ပွဲတော်လာသူ အချို့ဆီက ဓားအချို့ သိမ်းဆည်းရရှိပြီး လုံခြုံရေး ကို အရပ်ဝတ်တွေနဲ့ အပါဝင် ရဲဝန်ထမ်းထောင်ချီပြီးဆောင်ရွက်နေတယ်လို့ ရဲမှူးကြီး မျိုးအောင်ကပြောပါတယ်။
ရိုးရာအဝတ်အစားတွေကိုဝတ်ဆင်ပြီး မန္တလေးလမ်းလျှောက်သင်္ကြန်LGBT တွေအပေါ်ခွဲခြားမှုလျော့နည်းရေး အသိပေးတာကို ဒီကနေ့ ပြုလုပ်နေပါတယ်
မန္တလေးသင်္ကြန် အေအေ သတင်းရလား

လုံခြုံရေးအတွက် သတင်းတွေ ကတော့ အစုံရောက်လာလေ့ရှိပြီးဘယ်သတင်းကို မဆို အလေးထားဆောင်ရွက်ပါတယ် လို့ မန္တလေးခရိုင်ရဲတပ်ဖွဲ့မှူးကပြောပါတယ်။

မြန်မာနိုင်ငံက ဂျပန်သံရုံးက အေ အေသတင်း ထုတ်ပြန်ချက် ကို မှန်မမှန် အတည်မပြုနိုင်ပေမယ့် မြန်မာရောက် ဂျပန်များအတွက် အထူးသတိထားနေထိုင်ကြ ဖို့ ဂျပန်နိုင်ငံခြားရေးဝန်ကြီးဌာနက ဧပြီ ၁၂ ရက်နေ့က သတိပေးချက် ထုတ်ပြန် ထားပါတယ်။

အင်တာနက်လူမှုကွန်ရက်တွင် ရခိုင်လက်နက်ကိုင်အဖွဲ့ AA ၏ ကြေညာချက်ဟုဆိုသည့် ထုတ်ပြန်ချက် ပျံ့နှံ့နေပြီး အပြစ်မဲ့ရခိုင်ပြည်သူများ သတ်ဖြတ်ခံရသဖြင့် ပြန်ပေးဆပ်ရမည်ဟု ရေးသားထားကြောင်း ဂျပန်အစိုးရရဲ့ ထုတ်ပြန်ချက်မှာ ဖော်ပြထားပါတယ်။
မန္တလေး လမ်းလျှောက်သင်္ကြန်ကို နေရာတိုးချဲ့ ထားပြီး အညာဓလေ့ သင်္ကြန်အပြင်၊ ရပ်ကွက်အလိုက်ယိမ်းတွေ ထပ်မံထည့်သွင်းထားတယ်
သင်္ကြန်အစည်ဆုံးလား

အခုနှစ် မန္တလေးသင်္ကြန်ဟာ အကြိုနေ့မှာ ကိုပဲ အထူးစည်ကားတယ်လို့ မန္တလေးဒေသခံတွေက ပြောပါတယ်။

အထူးသဖြင့် မန္တလေး လမ်းလျှောက် သင်္ကြန်ဟာ မနှစ်ကထက်စည်ကားသလို့ ရန်ကုန်နေပြည်တော် စတဲ့မြို့တွေက မန္တလေးကိုလာတဲ့ သူတွေများတယ်လို့ မန္တလေးနေသူ မသင်းသင်းကြိုင်ကပြောပါတယ်။

အခုနှစ် မန္တလေးမှာ လမ်းလျှောက်သင်္ကြန်ကို နေရာတိုးချဲ့ ထားပြီး အညာဓလေ့ သင်္ကြန်အပြင်၊ ရပ်ကွက်အလိုက်ယိမ်းတွေ ထပ်မံထည့်သွင်းထားတယ်လို့ မန္တလေးသင်္ကြန် ကျင်းပရေးကော်မတီကပြောပါတယ်။

ဒါ့အပြင် မြန်မာနိုင်ငံမှာ အခြေစိုက်ရုံးဖွင့်ထားတဲ့ နိုင်ငံတကာသံရုံးတွေက သံတမန် တွေ၊ စစ်သံမှူးတွေအပါအဝင် ကုလသမဂ္ဂအဖွဲအစည်းတွေက သံတမန် တွေပါ ပထမဆုံးအကြိမ်အဖြစ် မန္တလေးမြို့ လမ်းလျှောက် မန္တလေးသင်္ကြန်ကို လာဖို့ရှိတယ်လို့လည်းသိရပါတယ်။

ဘာကြောင့်သိမ်းတာလဲ
အများပြည် သူရေကစားတဲ့ အခါမှာ အန္တရာယ် ဖြစ်မှာစိုးလို့ အခုလိုပိတ်ဆို့ရှာဖွေ စစ်ဆေးရတာဖြစ်တယ်လို့လည်းရဲမှုးကြီက ပြောပါတယ်။
အခုနှစ် သင်္ကြန် မှာ ရန်ကုန်၊ မန္တလေး၊ ပဲခူး၊ တောင်ငူ၊ မော်လမြိုင်၊ ထားဝယ်၊ မိတ္ထီလာ၊ ပုသိမ်၊ နေပြည်တော်၊ ပခုက္ကူ၊ မင်းဘူး၊ မကွေး စသည့် မြို့များတွင် ဧပြီလ ၁၂ ရက်နေ့မှ ၁၈ ရက်နေ့အထိ နေအိမ်တွင်သာ နေထိုင်ကြရန်ဆိုပြီး အေအေ အဖွဲ့သတိပေးထားကြောင်း ဂျပန်အစိုးရ၏ ထုတ်ပြန်ထားပြီး အေအေဖက် ကတော့ ဒီသတင်းကို ငြင်းထားပါတယ်။

အခုနှစ်ပါဆိုရင် မန္တလေးမှာ လမ်းလျှောက် သင်္ကြန်ကျင်းပလာတာ သုံးနှစ်ရှိပါပြီ။ မနှစ် ကစပြီး ကျောတ်လှည့် နဲ့ မျက်နှာဖုံး တုတ်ဓားတွေ သိမ်းဆည်းခဲ့ ပြီး အများပြည် သူရေကစားတဲ့ အခါမှာ အန္တရာယ် ဖြစ်မှာစိုးလို့ အခုလိုပိတ်ဆို့ရှာဖွေ စစ်ဆေးရတာဖြစ်တယ်လို့လည်း ရဲမှူးကြီး မျိုးအောင်က ပြောပါတယ်။

မနှစ် ကတော့ မန္တလေးမှာ အခုလို ပိတ်ဆို့ရှာဖွေရှာမှာ ကျောက်လှည့် ဝက်အူလှည့်ပေါင်း ၂၄၀ ကျော် သိမ်းဆည်းရရှိခဲ့ ပြီး တုတ် ၁၀၈ ချောင်း ဓား ၁၉ လက် မျက်နှာဖုံး ၃၀၀ ကျော် ရရှိခဲ့တယ်လို့လည်း ရဲမှုးကြီးကပြောပါတယ်။

မျက်နှာဖုံးစွပ် တွေသိမ်းရတာ ကတော့ မှုခင်းဖြစ်ရင် ဖော်ထုတ်ရတာ ခက်တဲ့အတွက်သိမ်းဆည်းရတာဖြစ်တယ် လို့လည်း ခရိုင်ရဲတပ်ဖွဲ့မှုးကပြောပါတယ်။

ရန်ကုန်နဲ့ နေပြည်တော်မှာတော့ မဏ္ဍပ် တွေအနီး မှာ လုံခြုံရေးတွေယူထားတာရှိပြီးတော့ မန္တလေးမှာလို ပိတ်ဆို့ရှာဖွေရှာတာတွေ မတွေ့ရဖူးလို့ လည်း ဒေသခံတွေက ဘီဘီစီ ကို ပြောပါတယ်။

ရခိုင်မြောက်ဦးမြို့အပါဝင် ရခိုင်ပြည်နယ်က မြို့အတော်များများမှာတော့ သင်္ကြန်ပွဲတော်ကို တိုက်ပွဲတွေကြောင့် စည်စည်ကားကားကျင်းပတာမတွေ့ရဘူး လို့မြောက်ဦးဒေသခံ ကိုအောင်စိုးမြင့်ကပြောပါတယ်။

BBC Burmese
https://www.bbc.com/burmese

ဆူဒန်အာဏာသိမ်းပွဲ၊ အရပ်သားအုပ်ချုပ်ရေးကို ချက်ချင်းပြောင်းဖို့ ဆန္ဒပြသူတွေတိုက်တွန်း

ခါတွမ်းမြို့မှာ လူတွေထပ်စုနေကြပြန်
စစ်အာဏာသိမ်းထားတာ နှစ်ရက်ရှိနေပေမယ့် ဆူဒန်နိုင်ငံ ခါတွမ်းမြို့တော်က ဆန္ဒပြသူတွေကို ခေါင်းဆောင်တွေက လမ်းတွေပေါ်မှာ ဆက်နေကြဖို့ တောင်းဆိုထားပါတယ်။

နှစ်ပေါင်းများစွာ နိုင်ငံကို အုပ်စိုးခဲ့တဲ့ အိုမာ အယ်လ် ဘရှားကို စစ်တပ်က ဖယ်ရှား ထိန်းသိမ်းလိုက်ပြီးနောက် အရပ်ဘက် အုပ်ချုပ်ရေး အမြန်စတင်ဖို့ ဆန္ဒပြနေကြတာ ဖြစ်ပါတယ်။

ဧပြီလ ၁၃ ရက်မှာပဲ ဆူဒန်စစ်တပ်က ညမထွက်ရအမိန့်ကို ရုပ်သိမ်းလိုက်ပြီး ဆန္ဒပြသူတွေ ဖမ်းထားတာကို ပြန်လွှတ်ပေးလိုက်တယ်လို့ အတည်ပြုပါတယ်။

ပြည်နယ်အစိုးရတွေကိုလည်း ဖျက်သိမ်းလိုက်ပါတယ်။

စစ်တပ်က ရွေးကောက်ပွဲ မလုပ်ခင် အာဏာကို နှစ်နှစ် ကိုင်ထားမယ်လို့ ကြေညာထားပါတယ်။

ဒီကာလအတွင်း နိုင်ငံတဝှမ်းမှာ စစ်တပ်က ငြိမ်းချမ်းရေး၊ ဥပဒေ စိုးမိုးရေးနဲ့ လုံခြုံရေးတွေ ဆောင်ရွက်မယ်လို့လည်း ကြားဖြတ် စစ်ကောင်စီ အစိုးရ အကြီးအကဲ ဒုတိယ ဗိုလ်ချုပ်ကြီး အဘ်ဒယ် ဖာတာ အဘ်ဒယ်ရာမန် ဘူရ်ဟန်က ရုပ်သံကနေ ကြေညာခဲ့ပါတယ်။

ဆန္ဒပြသူတွေကိုလည်း သူက အလေးပြုခဲ့ပြီး ပုံမှန်အခြေအနေ ပြန်ရောက်အောင် ကူညီကြဖို့ အတိုက်အခံတွေကို တောင်းဆိုခဲ့ပါတယ်။

ဆန္ဒပြသူတွေကို သတ်ဖြတ်သူတွေကို အရေးယူသွားမယ်၊ လူ့အခွင့်အရေးတွေကို လေးစားလိုက်နာမယ်လို့လည်း ပြောပါတယ်။

အစိုးရယန္တရားကို အမြစ်ကလှန်ပြီး ပြောင်းလဲပစ်မယ်၊ နိုင်ငံကို ပြန်တည်ဆောက်သွားမယ်လို့လည်း ဆိုပါတယ်။

ကာကွယ်ရေး ဝန်ကြီး အာဝါဒ် အီဘင် အုဖ်နဲ့ လုံခြုံရေး အကြီးအကဲ ဗိုလ်ချုပ်ကြီး ဆာလာ ဂေါ့ရ်ှတို့ ထွက်သွားပြီးနောက်မှာ ဒီလိုမိန့်ခွန်းပြောခဲ့တာ ဖြစ်ပါတယ်။

ဒီလိုထွက်ပေးတာနဲ့ ပတ်သက်ပြီး တရားဝင် ဖြေရှင်းချက်တော့ မရှိသေးပါဘူး။

အတိုက်အခံတွေ ဘက်က ဘာပြောလဲ

အတိုက်အခံ ခေါင်းဆောင်တွေနဲ့ စစ်တပ်တို့ အာဏာလွှဲပြောင်းရေး ကိစ္စတွေ ဆွေးနွေးနေတယ်လို့ ပုဂ္ဂလိကပိုင် ဆူဒန် ၃၆၅ သတင်းဌာနက ထုတ်ပြန်ပါတယ်။

ဆန္ဒပြပွဲတွေကို ခေါင်းဆောင်တဲ့ ဆူဒန် ပညာရှင်များ အစည်းအရုံးကတော့ သူတို့ရဲ့ စေ့စပ်ညှိနှိုင်းရေး အဖွဲ့အကြောင်းကို လူမှုကွန်ရက်ကနေ ထုတ်ပြန်ထားပါတယ်။

ကြားဖြတ် အရပ်သားအစိုးရဆီ အာဏာကို ချက်ချင်း လွှဲပေးဖို့လည်း သူတို့က စစ်တပ်ကို တောင်းဆိုထားပါတယ်။
ရက်တွေနဲ့ချီ ဆန္ဒပြနေကြတဲ့ ဆူဒန်ပြည်သားတွေ
စစ်တပ်ကချည်း အာဏာကို ထိန်းသိမ်းမထားသင့်ဘူးလို့ အတိုက်အခံ ဆူဒန် ကွန်ဂရက်ပါတီ ခေါင်းဆောင် Omar el-Digeir က ပြောပါတယ်။

ဆူဒန်မှာ စီးပွားရေး အကျပ်ဆိုက်နေလို့ ရေနံထွက်တဲ့ တောင်ပိုင်းက ၂ဝ၁၁ မှာ ခွဲထွက်သွားပါတယ်။ လူနေမှု စရိတ်ကြီးမြင့်လို့ လတွေနဲ့ချီပြီး မငြိမ်မသက်ဖြစ်နေခဲ့ပြီးနောက် ဧပြီလ ၁၁ရက်နေ့က အာဏာသိမ်းခဲ့တာပါ။

ဘယ်လိုဖြစ်ခဲ့သလဲ

မစ္စတာ ဘာရှားကို ဖယ်ရှားပြီးနောက် သူ့နေရာမှာ မစ္စတာ အီဘင်အုဖ်ရဲ့ စစ်အစိုးရ တက်လာပါတယ်။

ဒါပေမဲ့ ဆန္ဒပြသူတွေက ခါတွမ်းမြို့တော်က စစ်ဌာနချုပ်ရှေ့မှာ စခန်းချပြီး လူစုခွဲပေးဖို့ ငြင်းဆန်ခဲ့ကြပါတယ်။ အီဘင်အုဖ်ကို ဘာရှားရဲ့လူလို့ သတ်မှတ်ပြီး ကန့်ကွက်တာပါ။

၁၂ ရက်နေ့မှာတော့ ခေါင်းဆောင်သစ် နုတ်ထွက်ကြောင်း ကြေညာပြီး သူ့နေရာကို ဒုတိယဗိုလ်ချုပ်ကြီး ဘူရ်ဟန်နဲ့ အစားထိုးပါတယ်။ သူ့ကိုတော့ အငြင်းပွားစရာ နည်းတဲ့သူလို့ မြင်ကြပါတယ်။

ဒါပေမဲ့ မြို့တော်က သပိတ်သမားတွေကတော့ ဒါလောက်နဲ့ လက်မခံနိုင်ကြပါဘူး။
ဆန္ဒပြသူတွေနဲ့ စကားပြောနေတဲ့ ဒုဗိုလ်ချုပ်ကြီး ဘူရ်ဟန်
ပြည်သူကို ကိုယ်စားမပြုသူတွေက ဆုံးဖြတ်တာတွေကို ပယ်ဖျက်ပေးဖို့ သူတို့က တောင်းဆိုကြပြီး ပြည်သူတွေအပေါ် ရာဇဝတ်မှု ကျူးလွန်ခဲ့တဲ့ အရင်အစိုးရဟောင်းရဲ့ လူတွေကို ဖမ်းဆီးဖို့လည်း တောင်းဆိုကြပါတယ်။

သူတို့လိုလားချက်တွေ ရတဲ့အထိ စစ်ဌာနချုပ်ရှေ့မှာ ဆက်ပြီး ထိုင်သပိတ်ဆင်နွှဲသွားမယ်လို့ ဆူဒန် ပညာရှင်များ အစည်းအရုံးက ပြောပါတယ်။

မြို့တော်ထဲက အင်အားကြီးတဲ့ တပ်တွေကို ကိုင်ထားတဲ့ အမျိုးသား ထောက်လှမ်းရေးနဲ့ လုံခြုံရေး အကြီးအကဲ ဗိုလ်ချုပ်ကြီး ဂေါ့ရှ် ထွက်တဲ့သတင်းကို ဆူဒန်ရုပ်သံက ၁၃ ရက်မှာ ထုတ်ပြန်ခဲ့ပါတယ်။
ဗိုလ်ချုပ်ကြီး ဆာလာဂေါ့ရှ်
ဒီဗိုလ်ချုပ်ကြီးက ၁၉၉ဝ ကျော်ကတည်းက ဘာရှားရဲ့ အဓိက လူယုံဖြစ်ခဲ့ပါတယ်။ ဒါဖာဒေသမှာ ဖြစ်ခဲ့တဲ့ လူမျိုးတုံး သတ်ဖြတ်မှု၊ လူ့အခွင့်အရေး ချိုးဖောက်မှု၊ စစ်ရာဇဝတ်မှုတွေနဲ့ အိုင်စီစီ ရာဇဝတ်ခုံရုံးက ၂ဝဝ၉ ကတည်းက အလိုရှိတဲ့ ဆူဒန် အရာရှိကြီး ၁၇ ယောက်ထဲမှာ သူလည်း ပါပါတယ်။

သူ့လက်အောက်ကနေပြီး ပြည်သူ့စစ်လို အဖွဲ့တွေကို ကြီးကြပ်ထိန်းချုပ်ခဲ့တာ ဖြစ်ပါတယ်။

၁၁ ရက်နေ့ အာဏာသိမ်းပြီးနောက်ပိုင်း ဘယ်ကမှန်းမသိတဲ့ ကျည်ဆန်တွေ လက်ချက်နဲ့ ဆန္ဒပြပွဲတွေမှာ အနည်းဆုံး ၁၆ ယောက် သေဆုံးခဲ့ရကြောင်း ရဲက ထုတ်ပြန်ပါတယ်။

ဆန္ဒပြရေစီးအဟုန်

ကက်သရင်း ဘီရာရိုဟန်းဂါး၊ ဘီဘီစီသတင်းထောက်

ဆန္ဒပြသူတွေ အရှိန်တက်နေတာတော့ သေချာ မြင်နိုင်ပါတယ်။

ရက်ပိုင်းအတွင်း အာဏာပြင်းတဲ့ ဗိုလ်ချုပ်ကြီး နှစ်ယောက်ကို သူတို့ ဖယ်ရှားနိုင်ခဲ့ပြီး ကနေ့တော့ နောက်တယောက် ထွက်သွားရပါပြီ။ ဂေါ့ရ်ှဟာ ဘာရှား အစိုးရအောက်မှာ လက်နက်ကိုင်တွေရဲ့ ရက်စက်မှုတွေကို ဖော်ဆောင်ရတဲ့ စစ်ထောက်လှမ်းရေးနဲ့ လုံခြုံရေး အဖွဲ့ကို ကြိုးကိုင်ခဲ့သူ ဖြစ်ပါတယ်။

လူတွေ ဘယ်လောက် ဒေါသထွက်ထွက်၊ သူ့ကို လူ့အခွင့်အရေး ချိုးဖောက်မှုတွေနဲ့ ခုထိ မဖမ်းသေးပါဘူး။

ဆူဒန် ပညာရှင်များ အစည်းအရုံးက သူခေါင်းဆောင်ခဲ့တဲ့ ထောက်လှမ်းရေးနဲ့ လုံခြုံရေးတပ်ဖွဲ့ကို ဖျက်ဖို့ တောင်းဆိုနေပါတယ်။ သူထွက်ထွက်ချင်းမှာပဲ အစိုးရနဲ့ တရားဝင် ညှိနှိုင်းနေတဲ့ အဖွဲ့ဝင်စာရင်းကို အစည်းအရုံးဘက်က ထုတ်ပြန်ပါတယ်။ အရင်ကဆိုရင် ပစ်မှတ်ထားခံရမှာစိုးလို့ ဒါမျိုး ထုတ်ပြန်မှာ မဟုတ်ဘူးလို့လည်း ပြောပါတယ်။

ကြားဖြတ် စစ်ကောင်စီနဲ့ သူတို့ ဆက်ပြီး ဆွေးနွေးသွားကြမယ်လို့ ခန့်မှန်းရပါတယ်။

ဒါပေမဲ့ ပထမဆုံး မိန့်ခွန်းမှာတင် ဗိုလ်ချုပ်ကြီး ဘူရ်ဟန်က နိုင်ငံကို နှစ်နှစ် ဆက်အုပ်ချုပ်မယ်လို့ ပြောနေပါတယ်။ ဒါကို အရပ်သား အစိုးရဖွဲ့ဖို့ တောင်းဆိုနေတဲ့ အတိုက်အခံတွေက ပယ်ချပြီး ဖြစ်ပါတယ်။ သူတို့လိုတာ မရမချင်း ဆက်ပြီး ဆန္ဒပြမယ်လို့လည်း ဆိုပါတယ်။


ဘာရှား ဘာဖြစ်သွားမလဲ

သူ့ကိုလည်း ဒါဖာမှာ ဖြစ်ခဲ့တဲ့ စစ်ရာဇဝတ်မှုတွေ၊ လူမဆန်တဲ့ ရာဇဝတ်မှုတွေနဲ့ အိုင်စီစီက တရားစွဲထားပါတယ်။

ဒါပေမဲ့ သူ့ကို အိုင်စီစီမပို့ဘူးလို့ စစ်ကောင်စီက ပြောပါတယ်။

ဒါပေမဲ့ ဆူဒန်မှာပဲ ရုံးတင်တာတော့ ခံရနိုင်ပါတယ်။

မစ္စတာ အီဘင် အုဖ်ကတော့ ဒါဖာ ပဋိပက္ခအတွင်းမှာ စစ်ထောက်လှမ်းရေး အကြီးအကဲဖြစ်ခဲ့လို့ သူ့ကို အမေရိကန်က ၂ဝဝ၇ ခုနှစ်ကတည်းက ဒဏ်ခတ်ပိတ်ဆို့ထားပါတယ်။

BBC Burmese
https://www.bbc.com/burmese

မြန်မာ့စီးပွါးရေးအလားအလာ IMF အမြင်

နိုင်ငံတကာ ငွေကြေးရန်ပုံငွေ အဖွဲ့ (IMF) ဌာနချုပ်အဆောက်အဦး (ဧပြီ၊ ၀၈၊ ၂၀၁၉)
မြန်မာနိုင်ငံတွင်း တည်ငြိမ်မှုမှာ မရေမရာ အခြေအနေတွေ တိုးလာနေတာနဲ့ အတူ စီးပွားရေး အလားအလာလည်း အားလျော့လာတယ်လို့ နိုင်ငံတကာ ငွေကြေးရန်ပုံငွေ အဖွဲ့ IMF က ပြောဆိုလိုက်ပါတယ်။

၂၀၁၇ - ၂၀၁၈ ခုနှစ်အတွင်းမှာတော့ ပြည်ပပို့ကုန်နဲ့ စိုက်ပျိုးရေးပိုင်းမှာ ဦးမော့လာခဲ့တာကြောင့် ဖွံ့ဖြိုးမှုဘက် ဦးတည်ခဲ့ပေမယ့် အခုတော့ အရှိန်လျော့လာတဲ့ အနေအထားကို တွေ့နေရတယ်လို့ နိုင်ငံတကာ ငွေကြေးရန်ပုံငွေ အဖွဲ့ IMF ရဲ့ မြန်မာနိုင်ငံ အစီရင်ခံချက်မှာ ဖော်ပြထားပါတယ်။

ရခိုင်ပဋိပက္ခရဲ့ ဂယက်ကြောင့် နိုင်ငံခြား ရင်းနှီးမြှုပ်နှံသူတွေရဲ့ စိတ်ဝင်စားမှုနဲ့ အလှူရှင်တွေရဲ့ ငွေကြေးထောက်ပံ့မှုကို အားလျော့စေနိုင်ပြီး ဖွံ့ဖြိုးမှု အကျဘက်ကို ဦးတည်နိုင်ကြောင်းလည်း အစီရင်ခံစာက ထောက်ပြပါတယ်။

လက်ရှိ ဘဏ်လုပ်ငန်းကဏ္ဍ ပြုပြင်ပြောင်းလဲရေး လုပ်ငန်းစဉ်မှာလည်း ဘဏ်တွေဘက်က ငွေကြေးမတည်ဖို့ နှောင့်နှေးမယ်ဆိုရင်တော့ နိုင်ငံလုံးဆိုင်ရာ ငွေကြေးစီမံခန့်ခွဲမှု အပေါ် ထိခိုက်မှု ရှိနိုင်တယ်လို့လည်း ခန့်မှန်းထားပါတယ်။

မြန်မာနိုင်ငံမှာ အလုပ်လုပ်နိုင်တဲ့ လူဦးရေ ကြီးထွားလာနေပြီး အလုပ်သမား အင်အားနဲ့ မဟာဗျူဟာကျတဲ့ တည်နေရာတို့ကို ထောက်ပြပြီး မြန်မာနိုင်ငံရဲ့ ရေရှည် အလားအလာတွေ ကောင်းတယ်ဆိုတာကိုတော့ IMF ရဲ့ အမှုဆောင် ညွှန်ကြားရေးမှူးတွေက အသိအမှတ်ပြုပါတယ်။

ဒါပေမယ့်လည်း စီးပွားရေး လှုပ်ရှားမှု အရှိန်အဟုန် ယုတ်လျော့လာပြီး ဖွံ့ဖြိုးမှု ကျလာနိုင်တဲ့အလားအလာက များနေတယ်လို့ ထောက်ပြကြပါတယ်။ ရခိုင်ပြည်နယ်တွင်း လူသားချင်း စာနာထောက်ထားမှု ဆိုင်ရာ ပဋိပက္ခတွေ ရှည်ကြာလာတာကြောင့် ဖြစ်လာနိုင်ခြေ ရှိတဲ့သက်ရောက်မှုတွေနဲ့ ဘဏ်လုပ်ငန်း ကဏ္ဍ မတည်ငြိမ်တွေ အပေါ်မှာတော့ အထူးသဖြင့် စိုးရိမ်ကြောင်းလည်း ထောက်ပြထားပါတယ်။

ဗွီအိုအေ (မြန်မာပိုင်း)
https://burmese.voanews.com

ပါကစ္စတန်အမျိုးသမီးတွေ တရုတ်မှာ ရောင်းစားခံရ

ပါကစ္စတန်အမျိုးသမီးငယ်တဦးပုံ (ဒီဇင်ဘာ၊ ၁၂၊ ၂၀၁၃)
တရုတ် လူကုန်ကူးသူတွေက ပါကစ္စတန်နိုင်ငံတွင်းမှာ အိမ်ထောင်ဖက်ရှာတဲ့ လုပ်ငန်းတွေကို တရားမဝင် ဖွင့်လှစ်ပြီး ငွေကြေးမပြေလည်တဲ့ မိသားစုတွေက အမျိုးသမီးတွေကို အယောင်ဆောင် လက်ထပ်မှုတွေနဲ့ လှည့်ဖျားပြီး သူတို့ကို တရုတ်နိုင်ငံတွင်းမှာ ပြည့်တန်ဆာတွေ အဖြစ် အတင်းအကျပ် ခိုင်းစေတာမျိုး ဒါမှမဟုတ်လည်း ကိုယ်တွင်း အင်္ဂါတွေ ရောင်းချတာမျိုးတွေ လုပ်တယ်လို့ ပါကစ္စတန် မီဒီယာတခုက ဖော်ပြပါတယ်။

ပါကစ္စတန်နိုင်ငံဆိုင်ရာ တရုတ်သံရုံးက စနေနေ့မှာ တုံ့ပြန်ထားတာမှာတော့ ဒီလို စီးပွားရေး လုပ်ငန်းတွေကို တရုတ် ဥပဒေတွေ အရ တင်းတင်းကျပ်ကျပ် တားမြစ်ထားကြောင်းနဲ့ နိုင်ငံဖြတ်ကျော်ပြီး အိမ်ထောင်ဖက်ရှာတာကနေ တရားမဝင် အမြတ်ထုတ် ဆောင်ရွက်မှုတွေကို ပါကစ္စတန် အာဏာပိုင်တွေနဲ့ ပူးပေါင်း နှိမ်နင်းသွားမယ်လို့လည်း ကတိပြု ပြောဆိုထားပါတယ်။

ပြီးခဲ့တဲ့ ၅ နှစ်က စခဲ့တဲ့ ဒေါ်လာ သန်းထောင်နဲ့ချီ တန်ဖိုးရှိတဲ့ နှစ်နိုင်ငံ အကျိုးတူ တရုတ် ပါကစ္စတန် စီးပွားရေး စင်္ကြန် အစီအစဉ် စတင်ခဲ့ပြီးနောက် ပါကစ္စတန်ကို လာရောက်တဲ့ တရုတ် အရေအတွက်က သိသိသာသာ တိုးလာခဲ့တာပါ။

တရုတ် အမျိုးသားတွေနဲ့ ပါကစ္စတန် အမျိုးသမီးတွေ လိမ်ညာ လက်ထပ်မှုတွေကတော့ ဒေသတွင်း မီဒီယာတွေမှာ သတင်းတွေ ခပ်စိတ်စိတ် ပါလာပြီးနောက်မှာတော့ ဒီကိစ္စ အပေါ် လွှတ်တော် အမတ်တွေကြား ဆွေးနွေးငြင်းခုံမှုတွေ၊ နောက် ဒီတရားဥပဒေနဲ့ မညီတဲ့ လုပ်ရပ်တွေကို အာဏာပိုင်တွေဘက်က စုံစမ်းဖို့ တောင်းဆိုမှုတွေ ထွက်ပေါ်လာတာပါ။

ပါကစ္စတန် နိုင်ငံ အရှေ့ပိုင်း လာဟိုးမြို့က တရားမဝင် ဖွင့်ထားတဲ့ အိမ်ထောင်ဖက် ရှာတဲ့ လုပ်ငန်းတခုမှာ ပါကစ္စတန် ဆယ်ကျော်သက် မိန်းကလေး ၂ ဦး အပါအဝင် အမျိုးသမီး ၆ ဦးနဲ့ တရုတ် အမျိုးသားတွေရဲ့ ပုံတွေကို ပြီးခဲ့တဲ့ သောကြာနေ့တုန်းက ပါကစ္စတန် ထိပ်တန်း ပုဂ္ဂလိက ရုပ်သံလိုင်း တခုက ထုတ်လွှင့်ခဲ့ပြီးနောက် တရက်မှာ တရုတ် သံရုံးက အခုလို တုံ့ပြန်ချက် ထွက်ပေါ်လာတာ ဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com

စိုးရိမ်စရာ တောဆင်ရိုင်း အရေခွံ ကုန်သွယ်ရေး

၂ဝ၁၇-၁၈ ခုနှစ်မှာ မြန်မာတောရိုင်းဆင် ၅၉ ကောင်အထိ သတ်ဖြတ်ခံခဲ့ရပါတယ်
မြန်မာနိုင်ငံမှာ ခုနစ်ရက်ကို ဆင်တစ်ကောင် အသတ်ခံနေရပါတယ်၊ ဒါဟာ၂၀၁၈ ခုနှစ် ကအသတ်ခံရပြီးသား ဆင်တွေ ကို သစ်တောဝန်ထမ်းတွေ တွေ့ရတဲ့ အထောက်အထားတွေအရ ဖြစ်ပြီးတော့ အထောက်အထား မတွေ့ရဘဲ အသတ်ခံရတာတွေလည်း ရှိနိုင်တယ်လို့ မြန်မာနိုင်ငံအစိုးရနဲ့ ပူးပေါင်းပြီးဆင်ထိမ်းသိမ်းရေးလုပ်ငန်းတွေလုပ် ကိုင်နေတဲ့ ကမ္ဘာ့သဘာဝပတ်ဝန်းကျင်ဆိုင်ရာ ရန်ပုံငွေအဖွဲ့ မြန်မာက ကပြောပါတယ် ။

ဒီနှုန်းအတိုင်း အသတ်ခံနေရရင် မြန်မာနိုင်ငံက တောရိုင်းဆင်တွေ ဆယ်စုနှစ်အတွင်း ပျောက်သွားနိုင်တယ်လို့လည်း WWF အကြီးတန်း ဆက်သွယ်ဆက်ဆံရေးအရာရှိ ကိုရဲမင်းသွင်က ပြောပါတယ် ။

၂၀၁၁ ခုနှစ်က နောက်ဆုံးကောက်ခံ ထားတဲ့ စာရင်းတွေအရ မြန်မာနိုင်ငံမှာ တောဆင်ရိုင်းကောင် ရေ ၁၄၀၀ နဲ့ ၂၀၀၀ ကြားရှိနိုင်တယ်လို့ ခန့်မှန်းထားပြီး အခုနှစ်အတွင်း အသတ်ခံရမှုတွေ များလာတာကြောင့် အဲ့ဒီ အရေအတွက်ထက် အများကြီးနည်းနိုင်တယ်လို့လည်း ဆင်ထိမ်းသိမ်းရေးလုပ်ငန်းတွေလုပ်ကိုင်နေသူတွေက ပြောပါတယ်။

ဆင်တွေကို ဘာကြောင့်သတ်ကြတာလဲ
အစွယ်အပြင် အသား၊ အရေ၊ အရိုးစတဲ့ အစိတ်အပိုင်းအားလုံးကို တရားမဝင် ရောင်းဝယ်ဖို့ အတွက်ပါ သတ်ဖြတ်လာကြပါတယ်။
အရင်က တောဆင်ရိုင်းတွေကို အစွယ်အတွက် ဆင်ထီးတွေကို ရွေးချယ်သတ်ဖြတ်ခဲ့ရာမှ အခုအခါ ဆင်မတွေပါအသတ်ခံလာရတဲ့ အတွက် မျိုးပွားမှုကို ပါ တိုက်ရိုက်ထိခိုက်လာတာဖြစ်တယ်လို့လည်း ကမ္ဘာ့သဘာဝပတ်ဝန်းကျင်ဆိုင်ရာ ရန်ပုံငွေအဖွဲ့ (World Wide Fund for Nature-WWF) ကပြောပါတယ်။

သစ်တောဦးစီးဌာနက ထုတ်ပြန်တဲ့စာရင်းတွေအရ ၂ဝ၁၅ ခုနှစ်မှာ တောဆင်ရိုင်း ၃၅ ကောင်နဲ့ ၂ဝ၁၆ မှာ တောဆင်ရိုင်း ၂၆ ကောင်၊ ၂ဝ၁၇-၁၈ ခုနှစ်မှာ ၅၉ ကောင်အထိ သတ်ဖြတ်ခံရတယ် လို့ သိရပါတယ်။ဆင်မုဆိုးတွေ အမဲလိုက်သတ်ဖြတ်မှုက အမျာဆုံးဖြစ်ပြီးတော့ ဧရာဝတီ၊ ပဲခူးနှင့် ရန်ကုန်တိုင်းဒေသကြီး မှာ တောဆင်ရိုင်းတွေ အများဆုံးသတ်ဖြတ်ခံနေရတာဖြစ်ပါတယ်။

ဆင်ကောင်ရေ ဘယ်လောက်ကျန်သေးလဲ
တရုတ်နိုင်ငံဘက်က ဈေးကောင်းပေးဝယ်တဲ့အတွက် ဆင်တွေ အရေခွံ ဆုတ် အသတ်ခံရမှုဟာ တိုးလာတယ်လို့ စောင့်ကြည့်သူတွေကပြော
မြန်မာနိုင်ငံဟာ အိန္ဒိယနိုင်ငံပြီးရင် အာရှဆင်ကောင်ရေ အများဆုံး ပိုင်ဆိုင်ထားတဲ့ နိုင်ငံဖြစ်ပါတယ်။ အရင်က မြန်မာနိုင်ငံမှာ တောဆင်ရိုင်းကောင်ရေ ၁ဝဝဝဝ ခန့်အထိ ရှိခဲ့ ပြီးတော့ လက်ရှိ မြန်မာနိုင်ငံ တောဆင်ရိုင်းကောင်ရေဟာ ၂ဝဝဝ အောက် ရောက်ရှိနေပြီလို့ ကျွမ်းကျင်ပညာရှင်တွေက ခန့်မှန်းထားကြပါတယ်။

တောဆင်ရိုင်းကောင်ရေ လျော့နည်းကျဆင်းစေ တဲ့ အဓိက အကြောင်းအရင်းတွေကတော့ မုဆိုးတွေ သတ်ဖြတ်တာခံရတာနဲ့ ဆင်ကျက်စားနေထိုင်တဲ့ နေရင်းဒေသေတွေ ပျက်စီးလာတာတွေကြောင့်ဖြစ်တယ်လို့လည်း WWF ကပြောပါတယ်။

ဧရာဝတီတိုင်းဒေသကြီး ငပုတောမြို့နယ် မှာ ဧပြီလ ၈ ရက်နေ့က လူ သုံးဦးကို ဆင်ပစ်ရာ မှာ သုံးတဲ့ တူးမီး သေနတ်တစ်လက် အပါအဝင် ဆင်သတ်ရာမှာ သုံးတဲ့ လက်နက်တွေနဲ့အတူ ဖမ်းဆီးရမိတယ်လို့ ဒေသခံ ဆင်မိတ်ဆွေများ အသင်းကနေ သိရပါတယ်။

ဖမ်းဆီးရမိသူ သုံးဦးနဲ့အတူ တူမီးသေနတ် တစ်လက်၊ အရိုးအသွား ၁၅ လက်မခွဲခန့်ရှိ သစ်သားရိုးတပ် ဓား တစ်ချောင်း၊ ဆင်ဦးစီးကိုင်ဓား တစ်ချောင်း၊ သံမြှားချွန်၊ တံစည်း၊ ယမ်းအနက်၊ အဝါရောင်ကန့်မှုန့်၊ အဖြူရောင်ယမ်းစိမ်း၊ ဆင်ပစ်ရာမှာ သုံးတဲ့အဆိပ်တွေကိုလည်း သိမ်းဆည်း ရမိခဲ့ပါတယ်။

အခုလိုဖမ်းမိတာတွေ ရှိပေမဲ့ သစ်တောဘက်က စောင့်ကြည့်တဲ့ဝန်ထမ်းနည်းပါးမှုဟာ ဆင်သတ်တဲ့ ဖြစ်စဉ်တွေ ကို တားဆီးဖို့မလွယ် တဲ့ အကြောင်းရင်းလို့လည်း ဆင်ထိန်းသိမ်းရေးလုပ်ငန်းတွေ လုပ်ကိုင်နေသူတွေ ကပြောပါတယ်။

ဆင်အရေခွံအရောင်းဝယ်

၂၀၁၇ လောက်ကစပြီး ဈေးကွက်က ဆင်အရေခွံ ဝယ်လိုအားတိုးလာပြီး တရုတ်နိုင်ငံဘက် က ဈေးကောင်းပေးဝယ် တဲ့အတွက် ဆင်တွေ အရေခွံ ဆုတ် အသတ်ခံရမှုဟာ တိုးလာတယ် လို့စောင့်ကြည့်သူတွေက ပြောပါတယ်။

ဆင်အရေခွံ ကို လက်ဆောင်ပစ္စည်း အမှတ်တရ ပစ္စည်းတွေ ထုတ်လုပ် ရောင်းချ လာတာကြောင့် အရင်လို ဆင်ထီးကိုပဲ အစွယ် အတွက်သတ်တာ မဟုတ်ဘဲနဲ့ ဆင်မတွေပါ အသတ် ခံလာရတာ ဖြစ်တယ် လို့လည်း WWF ကပြောပါတယ်။

ဆင်အရေခွံ အရောင်းအဝယ် အများစုက နယ်စပ်ကနေ တရုတ်ဘက် ကို သွားတာများပြီး လာအို၊ဗီယက်နမ် ဘက်ကိုလည်းသွားတာတွေရှိတယ်လို့လည်း ဆင်အရေခွံအရောင်းဝယ် စောင့်ကြည့်သူတွေက ပြောပါတယ်။

ဒါ အပြင် ဆင်အရိုးကထုတ်တဲ့ ပစ္စည်းတွေကလည်း ဝယ်လိုအားရှိတယ် လို့လည်း သိရပါတယ်။

ဆင်အရေခွံ က ပုတီးလေးတွေ ထုတ်တာတွေ့ရပြီး ဆင်အရိုး ကတော့ ပန်းပုလို အမှတ်တရ ပစ္စည်းတွေထုတ်ကြတာလည်း တွေ့ရပါတယ်။

ဆင်နဲ့ မြန်မာ့သမိုင်း

ဆင်ဟာ မြန်မာ့သမိုင်း မှာ အရေးပါတဲ့ ကဏ္ဍက ပါဝင်နေခဲ့ပြီး ရှေးအခါက စစ်တိုက်ရာမှာ ဆင်ကို အသုံးပြု ကြပါတယ်။ ဆင်ဖြူကို မြင့်မြတ်တယ်လို့ယူဆယုံကြည်ကြပါတယ်။

ဆင်ဖြူကို ဘာသာရေးနှင့်နှီးနွှယ်ပြီး မြင့်မြတ်တဲ့ သတ္တဝါတစ်မျိုးအဖြစ် အထွတ်အမြတ်ထားကြတာကိုလည်း ရှေးစာပေကျမ်းဂန်တွေမှာ တွေ့ရှိရပါတယ်။ သယံဇာတ နှင့်သဘာဝပတ်ဝန်းကျင် ထိန်းသိမ်းရေးဝန်ကြီးဌာန ရဲ့ ထုတ်ပြန်ချက်အရ သစ်ထုတ်လုပ်ငန်း တောဆင်ရိုင်း ဖမ်းဆီးခြင်းကို ၂ဝ၁၄ ခုနှစ်မှ စတင်ရပ်ဆိုင်းခဲ့ တယ်လို့သိ ရပါတယ်။

မြန်မာ နိုင်ငံအစိုးရရဲ့၂ဝ၁၈ ခုနှစ် မေလ ၂၁ ရက်နေ့က အသစ်ပြဋ္ဌာန်းခဲ့ တဲ့ ဇီဝမျိုးစုံမျိုးကွဲနှင့် သဘာဝထိန်းသိမ်းရေး နယ်မြေများ ကာကွယ်စောင့်ရှောက်ခြင်း ဆိုင်ရာဥပဒေမှာ မျိုးသုဉ်းမယ့် အန္တရာယ်မှ လုံးဝကာကွယ်ထားတဲ့တောရိုင်း ဆင်မျိုးစိတ်တွေနဲ့စပ်လျဉ်းပြီး ကျူးလွန် ပြစ်မှုတွေအတွက် ပြစ်ဒဏ်တွေကို တိုးမြှင့်ထားပါတယ်။ သစ်တောဦးစီးဌာနအနေနဲ့ သားရဲတိရိစ္ဆာန်တွေ ရောင်းဝယ်တာ ပပျောက်ဖို့အတွက် ပညာပေးတာအပြင် ပြစ်ဒဏ်တွေကိုလည်း အမြင့်ဆုံးထောင်ဒဏ် ၁၀ နှစ်ကနေ ငွေဒဏ်တပ်နိုင်တဲ့ ဥပဒေတွေနဲ့ တားမြစ်နေတယ်လို့လည်း သစ်တောဦးစီးဌာန သဘာဝ ဝန်းကျင်နဲ့ သားငှက်တိရိစ္ဆာန် ထိန်းသိမ်းရေးဌာနခွဲရဲ့ ညွန်ကြားရေးမှူးဦးဝင်းနိုင်သော်က ပြောပါတယ်။

သားရဲတိရိစ္ဆာန်ထွက် ပစ္စည်းတွေနဲ့လုပ်တဲ့ အသုံးဆောင်တွေဟာ ပြည်တွင်းပြည်ပမှာ ဈေးကွက်ရှိနေတဲ့အပြင် ကမ္ဘာနဲ့အဝှမ်းမှာ သားရဲတိရိစ္ဆာန်ရောင်းဝယ်တာတွေကို ဖမ်ဆီးမှုတွေ တင်းတင်းကျပ်ကျပ် လုပ်ဆောင်လာတာကြောင့် ပစ္စည်းတွေရှားပါးလာပြီး မက်လောက်တဲ့ဈေးကွက် ရှိနေတာကလည်း သားရဲတိရိစ္ဆာန်ပစ္စည်းတွေကို မှောင်ခိုရောင်းဝယ်မှုတွေ ဖြစ်ပေါ်စေတယ်လို့ သူက ဆိုပါတယ်။

ဆင်အရေခွံအရောင်းဝယ် မဖြစ်အောင် ဘာတွေလုပ်ဖို့လိုမလဲ
သစ်တောဘက်က ထိန်းသိမ်းရေးဝန်ထမ်း နည်းတာကလည်း အခက်ခဲ ဖြစ်ပါတယ်
တောဆင်ရိုင်းတွေကို သတ်ဖြတ်ကြတဲ့ အဓိကအကြောင်းရင်းက ဆင်အရေခွံကြောင့်ဖြစ်သလို တောဆင်ရိုင်း စားကျက်တွေပျောက်ပြီး လူတွေနဲ့ ပဋိပက္ခကြောင့်လည်း ဖြစ်ပါတယ်။

၂၀၁၈ နောက်ပိုင်း WWF အပါဝင် အစိုးရဘက်ကပါ ကင်းလှည့်တာ ရဲတပ်ဖွဲ့နဲ့ ပေါင်းပြီး ဆင်မုဆိုးတွေကိုဖမ်းဆီးတာတွေ လုပ်လာတာကြောင့်၂၀၁၈ နှစ်ကုန်ပိုင်းက စလို့ တောဆင်ရိုင်းအသတ်ခံ ရမှုတွေ ကျဆင်းလာပါတယ် ။

ပဲခူးရိုးမဘက်မှာ နည်းသွားပေမဲ့ ဧရာဝတီဘက် မှာ ကျန်နေပါသေးတယ်။ သစ်တောဘက်က ထိမ်းသိမ်းရေးဝန်ထမ်းနည်းတာကြောင့် သစ်တောကြိုးဝိုင်း အပြင်ဘက် မှာ အသတ်ခံရတာတွေ ရှိနေပါသေးတယ် ။

သစ်တောကြိုးဝိုင်း အပြင်ဘက် တောဆင်ရိုင်းတွေ အသတ်ခံရမှု နည်းအောင် စောင့်ကြည့်မှုတွေကိုအစိုးရနဲ့ပေါင်းပြီး တိုးလုပ်သွားဖို့ရှိတယ်လို့လည်း WWF အကြီးတန်း ဆက်သွယ်ရေးအရာရှိ ကိုရဲမင်းသွင် ကပြောပါတယ်။

BBC Burmese
https://www.bbc.com/burmese

ဖီလစ်ပိုင်မှာ ဒီဂျစ်တယ်ငွေ သုံးစွဲမှုတွင်ကျယ်

Ripple၊ Bitcoin၊ Etherum နဲ့ Litecoin (ဖေဖော်ဝါရီ၊ ၁၃၊ ၂၀၁၈)
တကယ့် ငွေစက္ကူမဟုတ်ဘဲ အင်တာနက်အွန်လိုင်းမှာပဲ သုံးစွဲလို့ရတဲ့ ဒစ်ဂျစ်တယ်လ် ငွေကြေးစနစ်ကို Digital Currency ဒါမှမဟုတ် Cryptocurrency လို့ခေါ်ပါတယ်။ ဒီငွေကြေးစနစ်က ဖိလစ်ပိုင်နိုင်ငံမှာ အခုခေတ်စားနေပါပြီ။ ပြီးခဲ့တဲ့ နှစ်တုန်းက ဒီငွေကြေးဈေးကွက် အထိနာကျဆင်းခဲ့တယ်ဆိုပေမဲ့လည်း ဖိလစ်ပိုင်မှာတော့ လူကြိုက်များပြီး ဝယ်လို အားတွေတိုးနေတဲ့အကြောင်း Ralph Jennings ရဲ့ သတင်းကို ကိုကျော်အောင်လွင်ဆက်ပြောပါလိမ့်မယ်။

ဖိလစ်ပိုင်နိုင်ငံမှာ Cryptocurrency လို့ခေါ်တဲ့ ဒစ်ဂျစ်တယ်လ် ငွေကြေးအရောင်းအဝယ်လုပ်ငန်းတွေ ခပ်မြန်မြန် ထွန်းကားလာနေပါတယ်။ ဒစ်ဂျစ်တယ်လ် ငွေလွှဲလုပ်ငန်း ၃ ခုရှိခဲ့ပြီးနောက်ပိုင်း နောက်ထပ်ငွေလွှဲလုပ်ငန်း အနည်းဆုံး ၂၉ ခုကို အာဏာပိုင် တွေက အခုတပတ်ထဲမှာပဲ လုပ်ခွင့်ပေးခဲ့တယ်လို့ ဖိလစ်ပိုင်ဗဟိုဘဏ်ရဲ့ပြောဆိုချက်ကို ကိုးကားပြီး ဖိလစ်ပိုင်ပြည်တွင်း သတင်းတွေမှာ ဖေါ်ပြပါတယ်။ ဒီငွေလွှဲလုပ်ငန်းအရေအတွက်က အာရှအနေနဲ့ တော်တော်များတယ်လို့ ဆိုရမှာပါ။ ဗဟိုဘဏ်က ဒစ်ဂျစ်တယ်လ် ငွေလွှဲလုပ်ငန်းစုစုပေါင်း ဆယ်ခုလုပ်ခွင့်ချပေးပြီး Cagayan စီးပွါးရေးဇုန်ရဲ့ အာဏာပိုင်တွေက နောက်ထပ် ဒစ်ဂျစ်တယ်လ် ငွေလွှဲလုပ်ငန်း ၁၉ ခုကို ထပ်ချပေးခဲ့တာပါ။ အခုလို ဒစ်ဂျစ်တလ်ငွေကြေးလုပ်ငန်းတွေ ခပ်မြန်မြန် ထွန်းကားလာတာဟာ ဘဏ္ဍာရေးနဲ့ ဆိုင်တဲ့နည်းပညာတွေကို ဖိလစ်ပိုင်နိုင်ငံမှာ ခပ်မြန်မြန် တိုးတက်ဖွံ့ဖြိုးအောင်လုပ်ပေးနေတဲ့ သဘောပါပဲလို့ မြို့တော်မနီလာမှာရှိတဲ့ Banco de Oro UniBank ဘဏ်က ဈေးကွက်မဟာဗျူဟာဆိုင်ရာ အကြီး အကဲ Jonathan Ravelas ကပြောပါတယ်။

"ဖိလစ်ပိုင်မှာ ဘဏ္ဍာရေးဆိုင်ရာ နည်းပညာတွေ တော်တော်လေး ခေတ်ရှေ့ပြေးပြီး ထွန်းကားလာနေတဲ့ သဘောပါပဲ။ ငွေစက္ကူတွေလို သယ်ဆောင်သွားရတာမျိုးမဟုတ်ဘဲ အင်တာနက်ရှိရင် ငွေသုံးလို့ရတာကြောင့် ဒစ်ဂျစ်တယ်လ် ငွေကြေးသုံးစွဲသူတွေအတွက် အချိန်မရွေး၊ နေရာမရွေး သိပ်ပြီး အဆင်ပြေပါတယ်။"

ကျပ်တို့ ဒေါ်လာတို့လိုပဲ Cryptocurrency လို့ခေါ်တဲ့ Digital ငွေကြေးစနစ်မှာလည်း ငွေနာမည်တွေ အမျိုးမျိုးရှိပါတယ်။ အဲဒီအထဲမှာ အစောဆုံးနဲ့ နာမည်အကြီးဆုံးကတော့ Bitcoin ပါပဲ။ လူတော်တော်များများကလည်း Bitcoin တွေကိုရင်းနှီး မြှုပ်နှံတဲ့အနေနဲ့ ဝယ်ပြီး စုဆောင်းကြပါတယ်။ ဒါပေမဲ့လည်း Bitcoin ဈေးတွေက ပြီးခဲ့တဲ့နှစ်တုန်းက ၇၀ ရာခိုင်နှုန်းထိုးကျသွားခဲ့လို့ ဒစ်ဂျစ်တယ်လ်ငွေကြေးလောက တော်တော်အားနည်းသွားခဲ့ပါတယ်။

ဖိလစ်ပိုင်နိုင်ငံသားတွေက အစဉ်အလာအားဖြင့်ဆိုရင် ဘဏ်မှာငွေနဲ့ တခြားပိုင်ဆိုင်မှုတွေကို စုဆောင်းကြတာများပါ တယ်။ ဒါပေမဲ့လည်း ဖိလစ်ပိုင် ၁၀ဦးမှာ ၇ဦးက ဘဏ်စာရင်းမရှိကြပါဘူး။ အဲဒါကြောင့် အခုနောက်ပိုင်း အသစ်ပေါ်ပေါက် ကုမ္ပဏီတွေက ဒစ်ဂျစ်တယ်လ်ငွေကြေးစနစ်ကို စောင်းပေးလာကြပါတယ်။ ဒစ်ဂျစ်တလ်ငွေကြေးစနစ်က ဘဏ်စာရင်းရှိစရာမလိုပါဘူး။ ကိုယ့်မှာရှိတဲ့ငွေကို ဒစ်ဂျစ်တယ်လ်ငွေအဖြစ်ပြောင်းပြီး အွန်လိုင်းကဝယ်၊ ရောင်းချင်ရင်လည်း အွန်လိုင်းမှာရောင်း၊ သိမ်းထားချင်ရင်လည်း အွန်လိုင်းမှာသိမ်းထား၊ စုထား ငွေချေစရာရှိရင်လည်း အွန်လိုင်းကနေပဲ ပေးချေလို့ရတာမျိုးပါ။ ဖိလစ်ပိုင် ဗဟိုဘဏ်အနေနဲ့လည်း အင်တာနက်အွန်လိုင်းက ငွေပေးချေတဲ့ စနစ်တွေကို အခု ထက်ပိုပြီး ကျယ်ကျယ်ပြန့်ပြန့်လုပ်ဖို့ စီစဉ်ထားတာကြောင့် ဒစ်ဂျစ်တယ်လ်ငွေကြေး အရောင်းအဝယ်လုပ်ငန်းတွေကိုလည်း ဗဟိုဘဏ် စီမံကိန်းရဲ့ အစိတ်အပိုင်း တခုအနေနဲ့ မြင်လိမ့်မယ်လို့ လေ့လာသူတွေက သုံးသပ်ကြပါတယ်။ ဖိလစ်ပိုင်ပြည်သူတွေအတွက် ဒစ်ဂျစ်တယ်လ်ငွေကြေး သုံးစွဲမှုအဆင်ပြေရေး၊ လုံခြုံစိတ်ချရရေး စည်းမျဉ်းစည်းကမ်းတွေကိုလည်း ဗဟိုဘဏ်နဲ့ငွေကြေးလဲလှယ်မှုကော်မရှင်တို့က ရေးဆွဲဖို့ လုပ်ဆောင်နေကြပါတယ်။

အမေရိကန်ပြည်ထောင်စုက ဘဏ္ဍာရေးဆိုင်ရာအကဲခတ် Kenneth Ameduri ကတော့ ဖိလစ်ပိုင်နိုင်ငံရဲ့ ဘဏ္ဍာရေး လောက လက်ရှိအခြေအနေကတော့ ဦးတဲ့လူစားမယ့်သဘောပဲလို့ဆိုပါတယ်။

"ဒစ်ဂျစ်တယ်လ်ငွေကြေးစနစ်က တော်တော်ကြီးကြီးမားမားနဲ့ ထွန်းကားလာတော့မယ်။ တော်တော်များများ ပတ်သက်လာတော့မယ်ဆိုတာကို ဖိလစ်ပိုင်ပြည်သူတွေအနေနဲ့ သဘောပေါက်လိမ့်မယ်လို့ ကျနော်ထင်ပါတယ်။ ဘာကြောင့်လဲဆိုတော့ ဒီစနစ်က တကယ်ပဲ ဖြစ်လာတော့မှာပါ။ ဒီစနစ်ကိုသူတို့ သုံးစွဲလာပြီဆိုရင် တခြားဘဏ္ဍာရေးဆိုင်ရာ စနစ်တွေ ခေတ်နောက်ကျသွားနိုင်ပါတယ်။ အခွင့်ကောင်းကို လက်မလွှတ်အောင်လုပ်တဲ့သူက တွက်ချေကိုက်မယ့် သဘောပါ။"

ဒစ်ဂျစ်တယ်လ် ငွေကြေးစနစ်ဖိလစ်ပိုင်နိုင်ငံမှာ ကျယ်ကျယ်ပြန့်ပြန့် သုံးစွဲမယ်ဆိုရင် သေသေချာချာဂရုစိုက်ရမယ့် ကိစ္စတွေကတော့ အခွန်ပေးတဲ့ကိစ္စနဲ့ ဆရာဝန်ဆေးလက်မှတ်နဲ့ ၊ယ်ယူရမယ့် ဆေးဝါးကိစ္စတွေပါပဲ။ ဘာကြောင့်လဲဆိုတော့ ဖိလစ်ပိုင်မှာ ဒီကိစ္စ ၂ ခုက ဒစ်ဂျစ်တယ်လ် ငွေကြေးမသုံးခင်ကတည်းက တော်တော်ရှုပ်ရှုပ်ထွေးထွေးတက်နေတဲ့ ပြဿနာတွေဖြစ်လို့ပါပဲ။

ကျော်အောင်လွင် / ဗွီအိုအေ (မြန်မာပိုင်း)
https://burmese.voanews.com

ထပ်မံတွေ့ဆုံရေး Donald Trump ရဲ့ပြောကြားချက် ကင်ဂျုံအွန်းတုံ့ပြန်

အမေရိကန် သမ္မတ Donald Trump နဲ့ မြောက်ကိုရီးယားခေါင်းဆောင် ကင်ဂျုံအွန်း
အမေရိကန် သမ္မတ Donald Trump နဲ့ နောက်တကြိမ် ထပ်ပြီး တွေ့ဆုံဆွေးနွေးဖို့ ကိစ္စက အမေရိကန်ဘက်က မှန်ကန်တဲ့ သဘောထားနဲ့ လာမှပဲ စိတ်ဝင်စားတယ်လို့ မြောက်ကိုရီးယားခေါင်းဆောင် ကင်ဂျုံအွန်းက ပြောဆိုလိုက်တဲ့အကြောင်း နိုင်ငံပိုင် KCNA သတင်းရဲ့ ဒီကနေ့ ဖေါ်ပြချက်ကို ကိုးကားပြီး ရိုက်တာစ်သတင်းမှာ ရေးသားထားပါတယ်။

အမေရိကန် အစိုးရရဲ့ အဆုံးအဖြတ်ကို ဒီနှစ်ကုန်တဲ့အထိ စောင့်ဆိုင်းမယ်လို့လည်း ဆိုပါတယ်။ မြောက်ကိုရီးယားရဲ့ အဆင့် အမြင့်ဆုံးပြည်သူ့လွှတ်တော်မှာ သောကြာနေ့ မနေ့ တုန်းကပြောတဲ့ မိန့်ခွန်းထဲမှာ ကင်ဂျုံအွန်းကပြောခဲ့တာပါ။

အမေရိကန်အစိုးရအနေနဲ့ လက်ရှိတွက်ဆမှုမျိုးကို ရပ်ဆိုင်းပြီး ပုံစံသစ်နဲ့ စဉ်းစားဖို့လိုအပ်တယ်လို့ ဆိုပါတယ်။ ခေါင်းဆောင် ၂ဦးဟာ လောလောဆယ် ၂ ကြိမ်တွေ့ဆုံခဲ့ကြပြီး ချစ်ကြည်မှုကို တည်ဆောက်နိုင်ခဲ့ပေမဲ့ နျူကလီးယား ဖျက်သိမ်းရေး၊ ဒဏ်ခတ်ပိတ်ဆို့မှု ရုပ်သိမ်းရေးတွေနဲ့ ပတ်သက်ပြီး သဘောတူညီချက်တွေ မရနိုင်ခဲ့ကြပါဘူး။

ကင်ဂျုံအွန်းနဲ့ နောက်တကြိမ် ထပ်ပြီးတွေ့ဆုံဖို့ လမ်းဖွင့်ထားတယ်ဆိုတဲ့အကြောင်း သမ္မတထရမ့်က ကြာသပတေးနေ့တုန်းက ပြောကြားခဲ့တာပါ။

ဗွီအိုအေ (မြန်မာပိုင်း)
https://burmese.voanews.com

ပထမဆုံးမိခင်နို့ရည်ဘဏ် ဗီယက်နမ်နိုင်ငံတောင်ပိုင်းတွင်ဖွင့်လှစ်

 မိခင်နို့ရည်ဘဏ်၌ ပိုးသတ်သိမ်းဆည်းထားသော မိခင်နို့ရည်များကိုတွေ့ရစဉ် (ဓာတ်ပုံ--အင်တာနက်) 
ဟိုချီမင်းစီးတီး၊ ဧပြီ ၁၁ ရက် (ဆင်ဟွာ)

ဗီယက်နမ်နိုင်ငံတောင်ပိုင်း၊ ဟိုချီမင်းစီးတီး၊ Tu Du ဆေးရုံတွင် ပထမဆုံးမိခင်နို့ရည်ဘဏ် ကဧပြီလ ၁၀ရက်တွင် စတင်လည်ပတ်နေပြီဖြစ်ကြောင်း သိရသည်။

ရွေးချယ်ထားသည့် ကလေးနို့တိုက်မိခင်များမှ လှူဒါန်းထားသည့် နို့ရည်များ ကို တင်းကျပ်သည့် စစ်ဆေးမှုများဖြင့်ရယူထားပြီး အပူပေး ပိုးသတ်၍ ပိုးမွှားကင်းစင်သည့် နေရာတွင် သိုလှောင်ထားခဲ့ကာ နို့မထွက်သောမိခင် သို့မဟုတ် စိုးရိမ်ရသောရောဂါရှိသည့် မိခင်များမှမွေးဖွားသော မွေးကင်းစကလေးများအတွက် နို့ရည်ထောက်ပံ့ပေးကြောင်း Vietnam News သတင်းစာတွင် နိုဝင်ဘာလ ၁၁ ရက်တွင်ဖော်ပြခဲ့သည်။

နှစ်စဉ် Tu Du ဆေးရုံတွင် ဆေးရုံမှတ်တမ်းများအရ လမစေ့ပဲ ကလေးမွေးဖွားမှု ၆၀၀၀ မှ ၇၀၀၀ ကြားရှိကာ ၎င်းတို့၏ ကုသရေး နှင့် ပြန်လည်နလံထူစေရန် မိခင်နို့်ရည်လိုအပ်ကြောင်း Tu Duဆေးရုံမှ ဒါရိုက်တာ  Le Quang Thanh ကပြောသည်။

ရှေရှည်တွင်  ဗီယက်နမ်နိုင်ငံ ကျန်းမာရေးဝန်ကြီးဌာန အနေဖြင့်  နို့ဘဏ်များအားတစ်ခုနှစ်ခုမျှသာ ထူထောင်ခြင်းမဟုတ်ပဲ တစ်နိုင်ငံလုံးအတိုင်းအတာဖြင့်သားဖွား နှင့် ကလေးဆေးရုံများ တွင် မွေးကင်းစကလေးများ မိခင်နို့ရည်ရရှိနိုင်ရန် ထိုဆေးရုံကို စံပြအဖြစ်ထား၍ ဆောင်ရွက်ရန်စီစဉ်လျက်ရှိကြောင်း သိရသည်။

(Xinhua)
http://www.xinhuamyanmar.com
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ