အဂတိလိုက်စားမှုလျော့ကျမှုမရှိဟု လွှတ်တော်ထံ ကော်မရှင်တင်ပြ

အဂတိ တိုက်ဖျက်ရေး ကော်မရှင်ဥက္ကဌ ဦးအောင်ကြည် (Pyidaungsu hluttaw)
အဂတိလိုက်စားမှုတိုက်ဖျက်ရေးကော်မရှင်က မြန်မာတနိုင်ငံလုံးအတိုင်းအတာနဲ့ ကောက်ယူခဲ့တဲ့စစ်တမ်းအရ အဂတိလိုက်စားမှုဟာ ကျမသွားဘဲ အရင်အခြေအနေအတိုင်း ဆက်ရှိနေတယ်လို့ အဂတိ တိုက်ဖျက်ရေး ကော်မရှင်ဥက္ကဌက ပြောပါတယ်။ ဒါတွေလျော့ကျသွားဖို့ဆိုရင် အစိုးရဌာနဆိုင်ရာ ဗျူရိုကရေစီယန္တရား အဆင့်ဆင့်မှာ ပြင်ဖို့လိုနေသလို၊ အဂတိတိုက်ဖျက်ရေးကော်မတီရဲ့ စစ်ဆေးနိုင်ခွင့်တွေပိုရဖို့အတွက်လည်း ဖွဲ့စည်းပုံအခြေခံဥပဒေက အတားအဆီးဖြစ်နေတာမျိုး မဖြစ်သင့်ဘူးလို့ ဥပဒေပညာရှင် တချို့က ထောက်ပြထားပါတယ်။ ဗွီအိုအေ သတင်းထောက် ကိုဇော်ထက် ရန်ကုန်ကနေ မေးမြန်းပေးပို့ထားပါတယ်။

အဂတိလိုက်စားမှုတိုက်ဖျက်ရေးအကော်မရှင်ဟာ ဝန်ကြီးဌာနတချို့အတွင်းက အကျင့်ပျက်ချစားမှုတွေကို စုံစမ်းဖော်ထုတ်နိုင်ခဲ့ပေမဲ့ ကော်မတီက ၂၀၁၈နှစ်ကုန်ပိုင်း မြန်မာတနိုင်ငံလုံးအတိုင်းအတာနဲ့ ကောက်ယူခဲ့တဲ့ လူထုစစ်တမ်းအရဆိုရင် အဂတိလိုက်စားမှုအခြေအနေဟာ တရားဥပဒေစိုးမိုးမှုနဲ့ အရေးယူမှုအားနည်းတာကြောင့် အရင်လိုဆိုးရွားနေဆဲဖြစ်ကြောင်း ကော်မတီဥက္ကဋ္ဌ ဦးအောင်ကြည်က ဧပြီလ ၂၉ ရက် ပြည်ထောင်စုလွှတ်တော်မှာ အခုလို ပြောသွားတာပါ။

“အဆိုပါ စစ်တမ်းများအရ အဂတိလိုက်စားမှုဟာ ၂၀၁၈ ကုန်တဲ့အထိ သိသိသာသာကျ ဆင်းသွားခြင်း မရှိသေးဘဲနှင့် ယခင်အတိုင်းပဲဆက်လက် ရှိနေ ကြောင်းတွေ့ရပါတယ်။ အဂတိလိုက်စားမှုဖြစ်စေတဲ့ အဓိကအကြောင်းတရားများဟာ အများပြည်သူအကျိုးစီးပွားထက် မိမိကိုယ်ကျိုးကိုဦးစားပေးသူက များနေခြင်း၊ အစဉ်အလာအတိုင်းသာ ဆက်လက်လုပ်ဆောင် လိုကြသဖြင့် မပြောင်းလဲနိုင်ကြခြင်း၊ ထိရောက်စွာ အရေးယူမှုအားနည်းခြင်းနှင့် တချို့ နေရာများမှာ တရားဥပဒေစိုးမိုးမှု အားနည်းခြင်းတို့ကြောင့် ဖြစ်ရတယ်လို့ ပြည်သူများကရှုမြင်ကြောင်းကိုလည်း အဆိုပါစစ်တမ်းမှာ တွေ့ရှိရပါတယ်။”

ဒါကြောင့် ၂၀၁၉ ထဲမှာ အဂတိတိုက်ဖျက်ရေးကော်မတီအနေနဲ့ အရှိန်အဟုန်နဲ့လုပ်ဆောင်သွားဖို့လိုနေကြောင်း ဦးအောင်ကြည်ကပြောပါတယ်။ အဂတိတိုက်ဖျက်ရေးကော်မရှင်ရဲ့ လုပ်ဆောင်ချက်ကြောင့် ၂၀၁၈ ထဲမှာ သက်ဆိုင်ရာဝန်ကြီးဌာနတွေမှာ ဆုံးရှုံးနိုင်ခြေရှိတဲ့ ပြည်သူ့ဘဏ္ဍာ ကျပ်ငွေ ၃၀.၈၉ သန်းနဲ့ အမေရိကန်ဒေါ်လာ ၄.၀၀၃ သန်း ကို ပြည်သူ့ဘဏ္ဍာရန်ပုံငွေအနေနဲ့ ပြန်ပေးသွင်းစေခဲ့ကြောင်း ကော်မရှင်ဥက္ကဋ္ဌဦးအောင်ကြည်က ဧပြီလ ၂၉ ရက် ပြည်ထောင်စုလွှတ်တော်မှာ ရှင်းပြသွားတာပါ။

မြန်မာနိုင်ငံမှာ အစိုးရပြုပြင်ပြောင်းလဲရေးလုပ်ငန်း တစိတ်တပိုင်းအနေနဲ့ အဂတိလိုက်စားမှုတွေတိုက်ဖျက်ဖို့ ပိုပြီးကြိုးစားသွားမယ်လို့ သမ္မတဦးဝင်းမြင့် အာဏာရပြီးပြီးချင်း ၂၀၁၈ မြန်မာနှစ်သစ်ဆုတောင်းစကားမှာထည့်သွင်းပြောဆိုခဲ့ပြီး ရက်ပိုင်းအတွင်း FDA ညွှန်ကြားရေးမှူးချုပ်ကို စတင်အရေးယူခဲ့ ပါတယ်။ အဲဒီနောက် ပြည်သူတွေရဲ့တိုင်ကြားမှုနဲ့ တနင်္သာရီတိုင်း ဝန်ကြီးချုပ်ကိုလည်း အဂတိလိုက်စားမှုနဲ့ ဖော်ထုတ် အရေးယူခဲ့ပါတယ်။ လာဘ်ပေး၊ လာဘ်ယူမှု ကိစ္စမှာ လာဘ်ပေးတဲ့သူကိုလည်း ထိရောက်အောင်အရေးယူသင့်ကြောင်းနဲ့ ဌာနဆိုင်ရာအဆင့်ဆင့်မှာ စွဲမြဲနေတဲ့လာဘ်ပေးမှုတွေကို တိုက်ဖျက်ဖို့ လိုကြောင်း တနင်္သာရီတိုင်းဒေသကြီး တရားဥပဒေစိုးမိုးရေးဆိုင်ရာ ညှိနှိုင်းရေးအဖွဲ့ခေါင်းဆောင် ဦးအောင်နိုင်ဦးက ဗွီအိုအေကို ပြောပါတယ်။

“ပြည်သူတွေနဲ့ အဓိကဆက်ဆံနေရတဲ့ ဝန်ထမ်းတွေကို ကျနော်တို့ကဘယ်လို ကောင်းကောင်းမွန်မွန်ကိုင်တွယ်မလဲ၊ ကောင်းကောင်းမွန်မွန်စီမံနိုင်မလဲ ဆိုတာသိပ်အရေးကြီးတယ်။ ဥပမာ ပုံစံ(၇) လျှောက်တဲ့ကိစ္စတွေမှာပဲကြည့် ကျနော်တို့ သာမန်လူတွေသွားလျှောက်ရင် မလုပ်ပေးပေမဲ့ ပိုက်ဆံရှိတဲ့အသိုင်း အဝန်းက သွားလျှောက်ရင် ချက်ချင်းလုပ်ပေးလိုက်တဲ့ကိစ္စတွေဆိုရင်တော့ သူလည်းပိုက်ဆံပေးလို့ရရင် ငါလည်းပိုက်ဆံပေးရမယ်ဆိုတဲ့ စနစ်တခု ထွန်းကားသွားတယ်။ အဲဒီတော့ ဗျူရိုကရေစီယန္တရားကို ကောင်းကောင်းမွန်မွန်ကြပ်မတ်မယ်၊ ပိုက်ဆံပေးမှလုပ်ပေးမယ်ဆိုတာသိတာနဲ့ သေသေချာချာ စုံစမ်းပြီးတော့ အရေးယူမယ်ဆိုရင်တော့ အဂတိလိုက်စားမှုဟာ ပပျောက်သွားလိမ့်မယ်။”

၁၉၈၈ နောက်ပိုင်းကစလို့ မြန်မာနိုင်ငံရဲ့ အဂတိလိုက်စားမှုအခြေအနေဟာ တဖြည်းဖြည်းဆိုးရွားလာခဲ့တာပါ။ ဝန်ကြီးဌာနအတွင်းမှာ ပြည်ထောင်စု ဝန်ကြီးနဲ့ တိုင်းဒေကြီးဝန်ကြီးတွေကို NLD အရပ်သားအစိုးရလက်ထက်မှာ အပြောင်းအလဲ လုပ်ခဲ့ပေမဲ့လည်း ညွှန်ကြားရေးမှူး အဆင့်တွေမှာတော့ အရင် စစ်အစိုးရလည်ပတ်ခဲ့တဲ့ ယန္တရားထဲကသူတွေကများကြောင်း၊ အဂတိတိုက်ဖျက်ရေးကော်မတီရဲ့ လုပ်ပိုင်ခွင့်တွေဟာ ပြည်ထဲရေး၊ စစ်တပ်နဲ့၊ နယ်စပ် ရေးရာတွေမှာ ချဲ့ထွင်နိုင်ဖို့ကလည်း ဖွဲ့စည်းပုံအခြေခံဥပဒေက အတားအဆီးဖြစ်နေကြောင်း ပြည်ထောင်စုရှေ့နေများနှင့် ဥပဒေများအထောက်အကူပြုအဖွဲ့ ဥက္ကဋ္ဌ ဦးကြီးမြင့်က အခုလိုပြောပါတယ်။

“ဒီအစိုးရလက်ထက်မှာသိသိသာသာကြီးလုပ်လာတဲ့အခါကျတော့ ပြည်သူလူထုကအားတက်တာပေါ့နော်။ ဘာဖြစ်လို့အဲလောက်ကြီး မကျတာလဲဆိုတော့ အခုမှဖိစားနေလို့မဟုတ်ဘူးဗျ ဟိုတုန်းကအရှိန်နဲ့ဆက်စားလာတဲ့ဟာကြီးက ဘာမှမလုပ်ခဲ့တာချည်းကိုနောက်ဆုံးလူက တာဝန်ခံရတာ ဖြစ်နေတယ်။ စစ်ဗိုလ်ဟောင်းတွေက ဒီအတိုင်းပဲ အရင်အကျင့်အတိုင်းပဲ။ စစ်တပ်ကိုလည်း စစ်ဆေးခွင့်မရှိဘူးဗျာ၊ ရဲဆိုစစ်လို့မရဘူးဗျာ၊ နယ်စပ်ဒေသ စစ်ခွင့်မရဘူးဗျာ အဂတိက။ အဲဒီမှာတင် ဝန်ကြီးဌာနသုံးခုက သွားပြီအဲဒီမှာ။ စစ်တပ်ရဲ့ ၂၀၀၈ အခြေခံဥပဒေကိုပြင်ပြီးတော့၊ ပြင်တယ်ဆိုတာကလည်းချက်ချင်းကြီးပြင်လို့ မရဘူးဗျ၊ အဲဒီယန္တရားကြီးသုံးခုလည်း ပါအောင်လုပ်ပေါ့ဗျာ။ ဒီအဂတိလိုက်စားမှုကော်မရှင်ကိုယ်နှိုက်က မလွတ်လပ်ဘူး။”

အဂတိလိုက်စားမှုတိုက်ဖျက်ရေးကော်မရှင်ဟာ ၂၀၁၈ ထဲမှာ တိုင်ကြားစာပေါင်း တသောင်းခွဲကျော်ရရှိခဲ့တယ်လို့ ကော်မတီကပြောပါတယ်။ အဂတိ လိုက်စားမှုတိုက်ဖျက်ရေးဥပဒေကို စက်တင်ဘာ ၁၇ရက်၊ ၂၀၁၃ ခုနှစ်မှာ အတည်ပြုခဲ့ပြီး ရာထူးတာဝန်အလွဲသုံးစားလုပ်ပြီး လာဘ်ပေး၊ လာဘ်ယူ လုပ်တာတွေကို အရေးယူဖို့ပြဋ္ဌာန်းခဲ့တာပါ။ အဲဒီနောက် ၂၀၁၇ နိုဝင်ဘာ ၂၃ မှာ အဂတိလိုက်စားမှု တိုက်ဖျက်ရေးကော်မတီကို ဖွဲ့စည်းလိုက်ပါတယ်။ အဂတိလိုက်စားမှုတိုက်ဖျက်ရေးဥပဒေကို လေးကြိမ်မြောက်ပြင်ဆင်ပြဋ္ဌာန်းလိုက်တဲ့ ဇွန်လ ၂၁ရက်၊ ၂၀၁၈ နောက်ပိုင်းကစလို့ နိုင်ငံပိုင်ပစ္စည်းနဲ့ ဘဏ္ဍာငွေ ဆုံးရှုံးနစ်နာတဲ့ ကိစ္စတွေကို အဂတိ လိုက်စားမှုအဖြစ် ထည့်သွင်းသတ်မှတ်ပြီး ဝန်ကြီးဌာနရာထူးကြီးပိုင်းတွေထိ အရေးယူခဲ့တာဖြစ်ပါတယ်။

ဇော်ထက်/ ဗွီအိုအေ (မြန်မာပိုင်း)
https://burmese.voanews.com

မြန်မာနိုင်ငံတွင်း ဘာသာရေး ခွဲခြားဖိနှိပ်မှုရှိနေဆဲ


မြန်မာနိုင်ငံမှာ ဖွဲ့စည်းပုံအရ ဘာသာရေး လွတ်လပ်ခွင့်ကို အာမခံထားပေမယ့်လည်း ဘာသာရေးအရ ခွဲခြားဆက်ဆံမှုတွေ ရှိနေတုန်းပဲလို့ ဘာသာပေါင်းစုံ ချစ်ကြည်ရေး လှုပ်ရှားနေသူတွေက ရှုမြင်နေပါတယ်။ မြန်မာအပါအ၀င် နိုင်ငံပေါင်း ၁၆ နိုင်ငံကို ကမ္ဘာမှာ အဆိုးရွားဆုံး ဘာသာရေး လွတ်လပ်ခွင့် ချိုးဖောက်မှုနိုင်ငံတွေအဖြစ် တနင်္လာနေ့က ထုတ်ပြန်တဲ့ USCIRF နိုင်ငံတကာ ဘာသာရေး လွတ်လပ်ခွင့် စောင့်ကြည့်ရေး အမေရိကန်ကော်မရှင် ရဲ့ ၂၀၁၉ခုနှစ် အစီရင်ခံစာမှာ ဖေါ်ပြထားတာပါ။ မအိသန့်စင် တင်ဆက်ပေးပါလိမ့်မယ်။

USCIRF က ထုတ်တဲ့ အဲဒီ အစီရင်ခံစာထဲမှာ စိုးရိမ်စရာ အကောင်းဆုံး နိုင်ငံစာရင်းတွေထဲမှာ မြန်မာလည်းပါဝင်သလို မြန်မာအိမ်နီးချင်း တရုတ်နိုင်ငံကိုလည်း ထည့်သွင်းထားပါတယ်။ ၀ီဂါမူဆလင်ကို ထိန်းသိမ်းရေး စခန်းတွေမှာ ပိတ်ထားပြီး ညှင်းပန်းနှိပ်စက်မှုတွေ လုပ်ဆောင်နေတဲ့ တရုတ်နိုင်ငံဟာ ဘာသာရေး လွတ်လပ်ခွင့်ချိုးဖောက်မှု အဆိုးရွားဆုံးနိုင်ငံဖြစ်ကြောင်း နိုင်ငံတကာဘာသာရေး လွတ်လပ်ခွင့် စောင့်ကြည့်ရေး အမေရိကန်ကော်မရှင် USCIRF ကော်မရှင်နာ Gary Bauer က ပြောပါတယ်။

“၀ီဂါမူဆလင်တွေအပေါ်မှာသာမက တိဘက်ဗုဒ္ဓဘာသာဝင်တွေ၊ ဖလွန်ဂေါင်း (Falun Gong) လို အဖွဲ့မျိုးတွေ၊ တရားဝင်မှတ်ပုံတင်ထားတဲ့ ဘုရားကျောင်းတွေကအစ ဘာသာရေး လွတ်လပ်ခွင့်ချိုးဖောက်မှု ရှိနေတာပါ။ တရုတ်ကွန်မြူနစ် အစိုးရမဟုတ်တဲ့ တခြားတခုခုအပေါ် တရုတ်နိုင်ငံသားတယောက် သက်ဝင်ယုံကြည်တာကို တရုတ်အစိုးရက တွေ့ရင်တွေ့သလို ခြိမ်းခြောက်မှုတွေ လုပ်ဆောင်ပြီး ဒီလို တခြားယုံကြည်မှုပျောက်အောင် နည်းမျိုးစုံနဲ့ လုပ်ဆောင်ပါတယ်။”

USCIRF ရဲ့ ၂၀၁၉ခုနှစ်အစီရင်ခံစာမှာ ဖေါ်ပြထားတဲ့ Tier 1 အဆင့် CPCs အထူးစိုးရိမ်ဖွယ်ရာ နိုင်ငံစာရင်း တွေထဲမှာ- အမေရိကန်နိုင်ငံခြားရေးဌာနက ၂၀၁၈ခုနှစ်က CPCs အဖြစ် သတ်မှတ်ထားတဲ့ မြန်မာ၊ တရုတ်၊ အီရီထရီယာ၊ အီရန်၊ မြောက်ကိုရီးယား၊ ပါကစ္စတန်၊ ဆော်ဒီအာရေဗျ၊ ဆူဒန်၊ တာဂျစ်ကီစတန်၊ တာမီနီစတန် စတဲ့ နိုင်ငံပေါင်း ၁၀ နိုင်ငံအပါအ၀င် အရင် CPCs စာရင်းထဲ မပါဝင်သေးတဲ့ ဗဟိုအာဖရိက သမ္မတ နိုင်ငံ၊ နိုင်ဂျီးရီးယား၊ ရုရှား၊ ဆီရီးယား၊ ဥဘာကစ်စတန်နဲ့ ဗီယမ်နမ်တို့ ပါဝင်ပါတယ်။

၁၉၉၉ ခုနှစ်ထဲက အထူးစိုးရိမ်ဖွယ်ရာ နိုင်ငံစာရင်း CPCs မှာ ထည့်သွင်းခံရတဲ့ မြန်မာနိုင်ငံရဲ့ ဘာသာရေးလွတ်လပ်ခွင့်ဟာ အဆိုးဘက်လမ်းကြောင်းကို ဦးတည်နေတဲ့အတွက် ဒီစာရင်းမှာ ဆက်ပြီး ထည့်သွင်းသွားဦးမှာ ဖြစ်ကြောင်း USCIRF ကော်မရှင်နာ Gayle Manchin က VOA မြန်မာပိုင်းကို ပြောပါတယ်။

အထူးသဖြင့် ပြီးခဲ့တဲ့နှစ်က ရိုဟင်ဂျာ မူဆလင်တွေအပေါ် ရက်စက်ကြမ်းကြုတ်မှုတွေ ဖြစ်ခဲ့တာနဲ့ ပတ်သက်လို့ မြန်မာအစိုးရ၊ စစ်တပ်နဲ့ အခြားအဖွဲ့အစည်းတွေကနေ တာဝန်ခံမှု၊ တာဝန်ယူမှု လုံးဝမရှိတဲ့အပြင် ဒီလို မကျူးလွန်ခဲ့ပါဘူးလို့လည်း သူတို့က ငြင်းဆန်နေတာဖြစပြီး အထူးသဖြင့် ရိုဟင်ဂျာမွတ်စလင်တွေအပေါ် လူမျိုးစုအလိုက် ရှင်းလင်းဖယ်ရှားမှု အဆင့်ထိကျူးလွန်ခဲ့တဲ့ လုပ်ရပ်တွေကြောင့် မြန်မာနိုင်ငံကို CPCs စာရင်းထဲမှာ ဆက်လက်ထည့်သွင်းရတာလို့ Manchin က VOA ကို ပြောခဲ့ပါတယ်။ ရိုဟင်ဂျာဆိုတဲ့နာမည်ကို အသိအမှတ် ပြုမထားတဲ့ မြန်မာအစိုးရကတော့ ရခိုင်ပြည်နယ်က ထွက်ပြေးသွားရတဲ့ ဒုက္ခသည်တွေ နေရပ်ရင်းကို ပြန်နိုင်ရေး ဆောင်ရွက်နေတယ်လို့ ဆိုပါတယ်။

မြန်မာနိုင်ငံတွင်း ဘာသာပေါင်းစုံချစ်ကြည်ရေးမှာ ဦးဆောင်လှုပ်ရှားနေသူတဦးဖြစ်တဲ့ ဦးအေးလွင်ကတော့ မြန်မာနိုင်ငံဟာဖွဲ့စည်းပုံအရ ဘာသာရေးလွတ်လပ်ခွင့်ကို အာမခံထားပေမယ့် လက်တွေ့မှာ အခုအချိန်အထိ ဘာသာရေးအရ ခွဲခြားကန့်သတ်မှုတွေ ရှိနေတုန်းပဲလို့ ဗွီအိုအေကို ပြောပါတယ်။

"မြန်မာပြည်ရဲ့ ဖွဲ့စည်းပုံ အခြေခံဥပဒေတိုင်းမှာ ၇၄ ဥပဒေတောင်မှ ဒီအသိအမှတ်ပြုထားသော ဘာသာကြီး ၄ ရပ်စလုံးဟာ ဘာသာကို အကြောင်းပြု၍ မည်သူတဦးတယောက်ကိုမျှ ခွဲခြားဆက်ဆံမှု မရှိစေရဆိုတဲ့ဟာ ပါပါတယ်။ စာထဲမှာပါတဲ့ဟာကတော့ လက်တွေ့မှာ မဖြစ်သေးတာကတော့ အသေအချာပါ။ အခုထက်ထိလည်း မဖြစ်သေးပါဘူး။ အများကြီး လိုအပ်ချက်တွေ ရှိနေပါသေးတယ်။ အထူးသဖြင့် ကျနော်တို့ အစ္စလာမ်ဘာသာဝင်များ ဥပမာဆိုလို့ရှိရင် ကျနော်တို့ ကိုးကွယ်ဖို့အတွက်ဆိုရင် ဝတ်ပြုဖို့အတွက် လူဦးရေက တိုးပွားလာတယ်။

၁၉၆၂ ခုနှစ်က အစပြု၍ ဗလီတလုံးမှ အသစ်စတင်ပြီးတော့ ဆောက်လို့ မရသေးပါဘူး။ နောက်အရေးအခင်းတွေ ဖြစ်လိုက်ပြီဆိုလျှင်လည်းပဲ အဲ့ဒါ ဘာသာရေး အဆောက်အဦးတွေကို တိုက်ခိုက်ခံရတဲ့ အခါကျတော့ အဲ့ဒီဘာသာရေး အဆောက်အဦးတွေကို ပိတ်တယ်။ ပိတ်ပြီးရင် ပြန်ဖွင့်ဖို့ ကိစ္စရပ်တွေကိုလည်း မဖွင့်ရသေးဘူး။ နောက်တခါ ဒီဘာသာရေးအဆောက်အဦးတွေက တရားဝင်လုပ်တာ မဟုတ်ဘူး... စတဲ့ အကြောင်းပြချက်တွေ ပါတယ်။ လက်တွေ့ကတော့ ကိုးကွယ်တဲ့သူများရှိသော်လည်း ကိုးကွယ်စရာနေရာများ မရှိဘူး။ ဒီအခက်အခဲတွေ ရှိနေတယ်။ ပိတ်နေတာတွေလည်း မဖွင့်သေးပါဘူး။ ဒါက ဝတ်ပြုကိုးကွယ်မှုနဲ့ ပတ်သက်လို့ပါ။

နောက်တခါ ကျနော်တို့ နိုင်ငံသားဖြစ်ရေး ကိစ္စတွေမှာလည်းပဲ ပြည်မမှာရှိတဲ့ အစ္စလာမ်ဘာသာဝင်များဟာ ဘယ်လောက်ပဲ လူကြီးတွေနဲ့ တွေ့ဆုံတဲ့ နေရာမှာ ပြောပြော အစ္စလာမ် ဘာသာဝင်ဆိုတာနဲ့ သွေးနှောဆိုပြီးတော့ တခါမှ ကမ္ဘာမှာ မကြားဘူးတဲ့ နာမယ်တွေတပ်ပြီးတော့ အဲ့ဒါတွေနဲ့ ထုတ်ပေးတဲ့သူလည်း ထုတ်ပေးတယ်။ ထုတ်မပေးတဲ့လူလည်း ထုတ်မပေးဘူး။ အဲ့လို မှတ်ပုံတင်မရတဲ့ အခါကျတော့ ကလေးတွေ ပညာသင်ကြားရေးမှာလည်း အခက်အခဲရှိတယ်။ Passport တွေဘာတွေ လျှောက်တဲ့ နေရာမှာလည်း အခက်အခဲရှိတယ်။"

ဗုဒ္ဒဘာသာအများစုရှိတဲ့ မြန်မာနိုင်ငံမှာ ဗုဒ္ဓဘာသာကို အခြေခံတဲ့ အမျိုးသားရေး လှုပ်ရှားမှုတွေကလည်း အခုနှစ်ပိုင်းတွေအတွင်း အားကောင်းလာပါတယ်။ ဒါဟာ တဖက်မှာ အခြားဘာသာခြားတွေကို ဖိနှိပ်ကန့်သတ်ဖို့ တွန်းအားပေးသလိုလည်း ဖြစ်လာတယ်လို့ ဘာသာပေါင်းစုံ ချစ်ကြည်ရေး လှုပ်ရှားသူတွေက ယူဆကြပါတယ်။

အိသန့်စင်/ ဗွီအိုအေ (မြန်မာပိုင်း)
https://burmese.voanews.com
 

ပစ်ခတ်မှုတွေကြောင့် ရှေးဟောင်းအမွေအနှစ် ထိခိုက်ပျက်စီးမှု ဟန့်တားပေးဖို့ အဆိုတင်

မြောက်ဦးမြို့ အနောက်မြေထဲစေတီပေါ်မှာ လက်နက်ကြီးကျရောက်တာကြောင့် ထိခိုက်ပျက်စီးခဲ့တဲ့နေရာကို ၂၀၁၉ မတ်လ ၁၆ ရက်နေ့ကတွေ့ရစဉ် /Photo: Min Thein Aung/RFA
ရခိုင်ပြည်နယ် မြောက်ဦးမြို့မှာ လက်နက်ကြီး လက်နက်ငယ်တွေနဲ့ပစ်ခတ်မှုကြောင့် ဘုရားပုထိုး စေတီစတဲ့ ရှေးဟောင်းယဉ်ကျေးမှုအမွေအနှစ်တွေ ထိခိုက်ပျက်စီးမှုတွေရှိနေတဲ့အတွက် ထိရောက်တဲ့အစီအမံ အဟန့် အတားတွေပြုလုပ်ပေးဖို့ ရခိုင်ပြည်နယ်လွှတ်တော်ကနေ ရခိုင်ပြည်နယ်အစိုးရအဖွဲ့ကို တိုက်တွန်းတဲ့ အဆို ဒီနေ့ တင်သွင်းလိုက်ပါတယ်။

ဒီအဆိုကိုတင်သွင်းခဲ့တဲ့ မြောက်ဦးမြို့နယ်က ပြည်နယ်လွှတ်တော်ကိုယ်စားလှယ် ဦးကျော်ဝင်းက ရှေးဟောင်းဇုန်အတွင်းကနေ လက်နက်ကြီးပစ်ခတ်ရာကနေ ဖြစ်ပေါ်လာတဲ့တုန်ခါမှုကြောင့် ထင်ရှားတဲ့ရှေးဟောင်း ကိုးသောင်းပုထိုးတော်ကြီးမှာ အက်ကွဲကြောင်းတွေဖြစ်လာသလို ဘုရားဦးတော် ကျိုးပဲ့မှုတွေလည်းဖြစ်နေတယ်လို့ ပြောပါတယ်။ အဲဒီအဆိုကို ဆက်လက်ဆွေးနွေးဖို့ ဒီနေ့ကျင်းပတဲ့ ရခိုင်ပြည်နယ်လွှတ်တော် အစည်းအဝေးမှာ ဆုံးဖြတ်လိုက်ပါတယ်။

မြောက်ဦးမြို့မှာရှိတဲ့ တပ်ရင်းဌာနတွေဟာ ရှေးဟောင်းဇုန်အတွင်းမှာတည်ရှိတာဖြစ်ပြီး အဲဒီတပ်ရင်းတွေကအပြင် ရှေးဟောင်းဇုန်နယ်မြေအတွင်းက တောင်ကုန်းတွေပေါ်ကနေ လက်နက်ကြီးတွေနဲ့ ပစ်ခတ်မှုတွေဟာ ဒီနေ့အထိရှိနေဆဲဖြစ်တယ်လို့ဆိုပါတယ်။

ဒီနေ့တင်သွင်းတဲ့ အဆိုရဲ့ရည်ရွယ်ချက်က မြောက်ဦးရှေးဟောင်းယဉ်ကျေးမှုနယ်မြေကို စစ်မဲ့ဇုန်အဖြစ် အစိုးရက စီမံဆောင်ရွက်ပေးလိုတာဖြစ်တယ်လို့လည်း ပြည်နယ်လွှတ်တော်ကိုယ်စားလှယ် ဦးကျော်ဝင်းက ပြောပါတယ်။

အမြောက်ကြီးပစ်ခတ်မှုကြောင့် ကိုးသောင်းဘုရားက ရှေးဟောင်းလက်ရာတွေ အက်ကွဲလာတယ်ဆိုတဲ့ကိစ္စကို မြောက်ဦး ရှေးဟောင်းသုတေသနဌာန ညွှန်ကြားရေးမှူး ဒေါက်တာသိန်းထိုက်က ဧပြီလ ၁၂ ရက်နေ့က RFA ကိုထုတ်ဖော်ပြောဆိုထားပြီး ဒီအပေါ်မှာ အနောက်ပိုင်းတိုင်းစစ်ဌာနချုပ်တိုင်းဦးစီး ဗိုလ်မှူးကြီးဝင်းဇော်ဦးက အကြောင်းမရှိအကြောင်းရှာတဲ့ကိစ္စသာဖြစ်တယ်လို့ တုံ့ပြန်ထားပါတယ်။

ဒါ့အပြင် ရှေးဟောင်းဇုန်နယ်မြေအတွင်းက စက်ရုံတောင်၊ နိပူဇာတောင်တန်း၊ အမြင့်တောင်၊ ခံတပ်တောင်၊ ရွှေတောင်စေတီတည်ရှိရာတောင်တန်း၊ ရတနာ့မာန်အောင်စေတီအနီးရှိတောင်တွေမှာ ကတုတ်ကျင်းတွေ တူးတာ၊ ရှေးဟောင်းကျောက်တွေနဲ့ ဘန်ကာတွေပြုလုပ်တာ၊ အဲဒီနေရာတွေကနေ လက်နက်ကြီးတွေနဲ့ အဝေးကိုလှမ်းပစ်နေ တာတွေ လုပ်ဆောင်နေကြောင်း ပြည်နယ်လွှတ်တော်ကိုယ်စားလှယ် ဦးကျော်ဝင်းက ဒီနေ့လွှတ်တော်မှာ တင်ပြခဲ့ပြီး ဗိုလ်မှူးကြီးဝင်းဇော်ဦးကတော့ အဲဒီနေရာတွေမှာ လက်နက်ကြီးစခန်းတွေ ချထားတာမရှိဘူးလို့ ဧပြီလ ၁၂ ရက်နေ့က ငြင်းဆိုထားပါတယ်။

ဒီနေ့အဆိုကို လွှတ်တော်ကိုယ်စားလှယ်တစ်ဦးက ထောက်ခံဆွေးနွေးပြီးနောက် ဆက်လက်ဆွေးနွေးဖို့ လွှတ်တော်က ဆုံးဖြတ်ခဲ့တာလည်းဖြစ်ပါတယ်။

ဒီသတင်းကို RFA သတင်းထောက် ကိုမင်းသိန်းအောင် ပေးပို့တာပါ။

RFA Burmese
https://www.rfa.org/burmese

တပ်ဂုဏ်သိက္ခာထိခိုက်လာရင် ထိုက်သင့်တဲ့ အရေးယူတာတွေ လုပ်သွားမယ်လို့ ပြော

တပ်မတော်သတင်းမှန် ပြန်ကြားရေးအဖွဲ့ အတွင်းရေးမှူး ဗိုလ်မှူးချုပ်ဇော်မင်းထွန်း ကို ၂၀၁၉ ဧပြီ ၃၀ ရက်နေ့ကတွေ့ရစဉ် / Photo: Win Ko Ko Latt/RFA
တပ်မတော်ရဲ့ ဂုဏ်သိက္ခာကို ထိခိုက်လာရင် အတိုင်းအတာတခုထိ သည်းခံပေမယ့် အလွန်အကျွံဖြစ်လာရင် နစ်နာမှုအတွက် ထိုက်သင့်တဲ့ အရေးယူတာတွေ လုပ်ဆောင်သွားမယ်လို့ တပ်မတော်သတင်းမှန် ပြန်ကြားရေးအဖွဲ့ အတွင်းရေးမှူး ဗိုလ်မှူးချုပ်ဇော်မင်းထွန်း က ဒီနေ့ ပြောလိုက်ပါတယ်။

နေပြည်တော်က ပြန်ကြားရေးဝန်ကြီးဌာနရုံးမှာ ဒီနေ့ကျင်းပတဲ့ မဏ္ဍိုင်လေးရပ် တွေ့ဆုံပွဲမှာ တပ်မတော် သတင်း မှန်ပြန်ကြားရေးအဖွဲ့ အတွင်းရေးမှူး ဗိုလ်မှူးချုပ် ဇော်မင်းထွန်းက သတင်းမီဒီယာသမားတွေကို တရားစွဲဆိုတဲ့ ကိစ္စတွေနဲ့ ပတ်သက်လို့ သတင်းထောက်တွေရဲ့ မေးမြန်းမှုတွေကို ပြန်လည်ဖြေကြားရာမှာ ပြောဆိုလိုက်တာပါ။

အစိုးရ၊ တပ်မတော်နဲ့ အခြားအဖွဲ့အစည်းတွေက ဆက်သွယ်ရေးဥပဒေပုဒ်မ ၆၆ (ဃ)၊ ရာဇတ်သတ်ကြီးပုဒ်မ ၄၉၉၊ ၅၀၀၊ ၅၀၅ စတဲ့ ပုဒ်မတွေနဲ့ သတင်းမီဒီယာသမားတွေကို တရားစွဲဆိုတာ အမှုပေါင်း ၃၁ မှုရှိတဲ့အထဲက တပ်မတော် က စွဲဆိုထားတဲ့အမှု ၄ မှုသာ ပါဝင်တယ်လို့ ဗိုလ်မှူးချုပ် ဇော်မင်းထွန်း ပြောကြားချက်အရ သိရပါတယ်။

မဏ္ဍိုင်လေးရပ်တွေ့ဆုံပွဲကို ပြန်ကြားရေးဝန်ကြီးနဲ့ အစိုးရဌာနဆိုင်ရာ အရာရှိတချို့၊ ပြည်သူ့လွှတ်တော် ကိုယ်စားလှယ်တွေ တက်ရောက်ခဲ့ကြတာဖြစ်ပါတယ်။

ဒီသတင်းကို RFA သတင်းထောက် ကိုဝင်းကိုကိုလတ် ပေးပို့တာပါ။

RFA Burmese
https://www.rfa.org
 

အပစ်ရပ်ကာလ နှစ်လထပ်တိုးလိုက်ပြီလို့ တပ်မတော်ပြော

 အေအေနဲ့ တိုက်ပွဲ ဖြစ်နေတဲ့ ရခိုင်ဒေသကိုတော့ ဆက်ချန်ထားခဲ့
ကချင်နဲ့ ရှမ်းပြည်နယ်အခြေစိုက် စစ်တိုင်းဌာနချုပ်နယ်မြေ ၅ ခုမှာ တပ်မတော်က ကြေညာထားတဲ့ ၄ လ တာ အပစ်ရပ်ကာလဟာ ဒီကနေ့ ဧပြီလ ၃၀ ရက်နေ့မှာ သက်တမ်းကုန်ဆုံးသွားပြီးနောက် ဇွန်လ ၃၀ ရက်အထိ သက်တမ်းနှစ်လ ထပ်တိုးလိုက်ပါတယ်။

အဲဒီလို သက်တမ်းတိုးတာနဲ့ပတ်သက်ပြီး ဘီဘီစီရဲ့ မေးမြန်းချက်ကို တပ်မတော်သတင်းမှန်ပြန်ကြားရေးအဖွဲ့က ဗိုလ်မှူးချုပ်ဇော်မင်းထွန်းက အတည်ပြုပါတယ်။

မြောက်ပိုင်းတိုင်း၊ အရှေ့မြောက်၊ အရှေ့ပိုင်း၊ အရှေ့အလယ်ပိုင်းတိုင်းနဲ့ တြိဂံဒေသတိုင်း စစ်ဌာနချုပ် နယ်မြေတွေမှာ ၄ လ ကြာ စစ်ရေးဆိုင်ရာလှုပ်ရှားမှုတွေကို မလုပ်တော့ဘူးဆိုပြီး ပြီးခဲ့တဲ့ ဒီဇင်ဘာလမှာ တပ်မတော်က ကြေညာချက်ထုတ်ပြန်ထားခဲ့တာပါ။ အခုသက်တမ်းတိုးရာမှာ အေအေနဲ့ တိုက်ပွဲ ဖြစ်နေတဲ့ ရခိုင်ဒေသကိုတော့ ဆက်ချန်ထားခဲ့ပါတယ်။

ဒီလို သက်တမ်းတိုးနိုင်ဖို့ အစိုးရငြိမ်းချမ်းရေးကော်မရှင်နဲ့ မြောက်ပိုင်းမဟာမိတ် ၄ ဖွဲ့ တို့ဟာ ဧပြီလ ၃၀ ရက်နေ့မှာပဲ မူဆယ်မှာ ဆွေးနွေးခဲ့ကြပါတယ်။ အဲဒီ ဆွေးနွေးပွဲရလဒ်အပေါ် မူတည်ပြီး အပစ်ရပ်ကာလ ထပ်တိုးသင့်မသင့် ဆုံးဖြတ်မယ်လို့ ဗိုလ်မှူးချုပ်ဇော်မင်းထွန်းက အစောပိုင်းက ဘီဘီစီကို ပြောခဲ့ပါတယ်။

မူဆယ်ဆွေးနွေးပွဲကို အစိုးရဘက်က ငြိမ်းချမ်းရေးကော်မရှင် ဒုဥက္ကဋ္ဌ ဦးသိန်းဇော်၊ ကော်မရှင်အတွင်းရေးမှူး ဒုတိယဗိုလ်ချုပ်ကြီး ခင်ဇော်ဦး (ငြိမ်း)၊ သမ္မတရုံးပြောခွင့်ရသူ ဦးဇော်ဌေး၊ ကော်မရှင်အဖွဲ့ဝင် ဦးလှမောင်ရွှေတို့ တက်ရောက်ခဲ့ပြီး ကချင် KIO၊ တအောင်း TNLA၊ ရခိုင် AA နဲ့ ကိုးကန့် MNDAA တို့က ကိုယ်စားလှယ်တွေ တက်ရောက်ခဲ့ကြပြီး လာမယ့် မေလမှာ ထပ်မံတွေ့ဆုံပြီး ဆွေးနွေးကြဖို့တွေလည်း သဘောတူခဲ့ကြပါတယ်။

တပ်မတော်က တိုက်ပွဲတွေလျှော့ချဖို့ ငြိမ်းချမ်းရေး ဆွေးနွေးတဲ့ လမ်းစဉ်နဲ့လည်း သွားနေပြီး လာမယ့် ၂၀၂၀ မှာ ငြိမ်းချမ်းရေးလုပ်ငန်းစဉ်တွေ အောင်မြင်နိုင်ဖို့ သန္နိဋ္ဌာန်ချထားတယ်လို့ ပြောထားပါတယ်။

 ပလက်ဝ အပါအဝင် ချင်းပြည်နယ်က နေရာ တချို့မှာ AA အဖွဲ့ လှုပ်ရှား
ဒါပေမဲ့ အပစ်ရပ်စစ်တိုင်းတွေထဲမပါတဲ့ ရခိုင်မှာတော့ တပ်မတော်နဲ့ ရက္ခိုင့်တပ်မတော် AA အကြား တိုက်ပွဲတွေဟာ အပြင်းအထန်ဖြစ်ပွားနေပြီး တိုက်ပွဲတွေမှာ တပ်မတော်ဘက်က Multiple Rocket Launcher System (MRLS) လို့ ခေါ်တဲ့ ပေါက်ကွဲအားပြင်းထန်တဲ့ အတွဲလိုက်ဒုံးတွေ သုံးပြီး ပစ်ခတ်တိုက်ခိုက်တဲ့အထိ ရှိခဲ့ပါတယ်။

'ကျွန်တော်တို့ ၁ ကြိမ် သုံးခဲ့ဖူးပါတယ်၊ ဘူးသီးတောင်နဲ့ ရသေ့တောင်ကြား ရေဆိုးချောင်း ကျေးရွာအရှေ့ဘက် ဘူးသီးတောင်နဲ့ ၁၀ ခန့်အကွာက လောရမတောင်တန်းတွေအနီး ဖြစ်ခဲ့တဲ့ တိုက်ပွဲမှာပါ၊ အကြောင်းက AA က အဲ့ဒီဒေသတဝိုက်မှာ တပ်စခန်းတွေ လာချနေလို့ပါ' လို့ တပ်မတော်သတင်းမှန်ပြန်ကြားရေးအဖွဲ့က ဗိုလ်မှူးချုပ်ဇော်မင်းထွန်းက ပြောပါတယ်။

AA ကတော့ လတ်တလောမှာ တပ်မတော်ဘက်ကနေ ရခိုင်ပြည်နယ်မှာသာမက ချင်းပြည်နယ်၊ မတူပီကနေ ပလက်ဝအထိ တပ်အင်အားတွေ တိုးချလာနေတဲ့အတွက် တိုက်ပွဲတွေ ပိုမိုပြင်းထန်လာနိုင်တယ်လို့ ပြောထားပါတယ်။

ငြိမ်းချမ်းရေးနဲ့ ပတ်သက်လို့ အခု မူဆယ်အစည်းအဝေးမှာတော့ အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာန NRPC က ကိုယ်စားလှယ်တွေက မြောက်ပိုင်းမဟာမိတ် ၄ ဖွဲ့ကို တနိုင်ငံလုံးအပစ်ရပ်စာချုပ် NCA လက်မှတ်ထိုးဖို့ တိုက်တွန်းခဲ့ပြီး မြောက်ပိုင်းအဖွဲ့တွေကတော့ တစ်ဖွဲ့ချင်းစီနဲ့ နှစ်ဘက်နားလည်မှု သဘောတူစာချုပ် လက်မှတ်ထိုးဖို့ အဆိုပြုခဲ့တယ်လို့ NRPC အဖွဲ့က အကြံပေး ဦးလှမောင်ရွှေက ပြောပါတယ်။

ဒါ့အပြင် ဧပြီ ၃၀ ရက်နေ့မှာ ကုန်ဆုံးသွားပြီဖြစ်တဲ့ တပ်မတော်ရဲ့ ၄ လတာ အပစ်ရပ်ကာလကိုလည်း သက်တမ်းထပ်တိုးဖို့ မြောက်ပိုင်းအဖွဲ့တွေက တောင်းဆိုခဲ့ပြီး နောက်ထပ် ညှိနှိုင်းဆွေးနွေးဖို့ မေလ ပထမပတ်မှာ ပြန်တွေ့ကြဖို့လည်း သဘောတူခဲ့ကြပါတယ်။

BBC Burmese
https://www.bbc.com

တပ်မတော် အပေါ် လက်နက်နဲ့ အခြားဆက်စပ်ပစ္စည်း ဝယ်ယူခွင့် အီးယူ ပိတ်ပင်မှု သက်တမ်းတိုး

 မြန်မာ့တပ်မတော်အနေနဲ့ ပြည်တွင်းထုတ် လက်နက်ခဲယမ်းအများစု ကို အသုံးပြု၊ နိုင်ငံခြားကဝယ်တဲ့လက်နက်အများစုကလည်း တရုတ်နဲ့ ရုရှားက များ
မြန်မာ့ တပ်မတော်နဲ့ နယ်ခြားစောင့်တပ်တွေ အပေါ် ဥရောပသမဂ္ဂအဖွဲ့ဝင် EU နိုင်ငံတွေကနေ လက်နက်အပြင် အခြား ဆက်စပ် စစ်ရေးဆိုင်ရာ ပစ္စည်းတွေဝယ်ယူခွင့် ပိတ်ပင်ထားတာကို ဧပြီလ ၂၉ရက်နေ့က ထပ်မံ သက်တမ်းတိုးလိုက် ပါတယ်။

အရေးယူမှု သက်တမ်းကို ၂၀၂၀ ခုနှစ်၊ ဧပြီလ ၃၀ရက်အထိ၊ ထပ်မံတိုးမြှင့်လိုက်တာဖြစ်ပါတယ်။

ဒါ့အပြင် တပ်မတော်နဲ့ နယ်ခြားစောင့်တပ်ရဲ့ အဆင့်မြင့်အရာရှိ ၁၄ဦး တို့ အပေါ် တစ်ဦးချင်းစီ ပစ်မှတ်ထား ပိတ်ပင်တာတွေလည်းပါရှိပါတယ်။

ဥရောပသမဂ္ဂအဖွဲ့ဝင်နိုင်ငံတွေက တပ်တွေနဲ့ မြန်မာတပ်တို့ စစ်ရေးလေ့ကျင့်မှုတွေ၊ ပူးပေါင်း ဆောင်ရွက်မှုတွေလုပ်ဆောင်မှုကိုလည်း တားမြစ်ချက်မှာ ထည့်သွင်းထားပါတယ်။

ပိတ်ဆို့ အရေးယူမှု သက်တမ်း တိုးခံရတာ အပေါ် တပ်မတော်သတင်းမှန်ပြန်ကြားရေး အတွင်းရေးမှူး ဗိုလ်မှူးချုပ် ဇော်မင်းထွန်းက အခုလို တုံ့ပြန်ပါတယ်။

"အကျိုးသက်ရောက်မှုကြီးကြီးမားမားမရှိပါဘူး၊ မြန်မာ့တပ်မတော်အနေနဲ့ ပြည်တွင်းထုတ် လက်နက်ခဲယမ်းအများစု ကို အသုံးပြုနေတာပါ၊ နိုင်ငံခြားကဝယ်တဲ့လက်နက်အများစုကလည်း တရုတ်နဲ့ ရုရှားရှားက များ တယ်" လို့ ဗိုလ်မှူးချုပ်ဇော်မင်းထွန်းက ဘီဘီစီကို ပြောပါတယ်။

ရေတိုမှာ ပိတ်ဆို့မှုက အကျိုးသက်ရောက်မှု နည်းပါးတယ်ဆိုပေမယ့် ရေရှည်အားဖြင့် လက်နက်ခဲယမ်းနဲ့ပက်သက်တဲ့ နည်းပညာတွေကို ကိုယ်တိုင်တည်ဆောက်ခြင်း အတွက် အနောက်နိုင်ငံတွေနဲ့ ပူးပေါင်းဆောင်ရွက်ဖို့တွေလိုအပ်နေတယ်လို့ မြန်မာ့ငြိမ်းချမ်းရေးနဲ့ လုံခြုံရေးဆိုင်ရာအဖွဲ့ အမှုဆောင်ဒါရိုက်တာ ဒေါက်တာမင်းဇော်ဦးက သုံးသပ်ပါတယ်။
 မြန်မာ့တပ်မတော်ကအရှေ့တောင်အာရှနိုင်ငံတွေမှာ ကိုယ်ပိုင်လက်နက်ခဲယမ်းထုတ်လုပ်နိုင်စွမ်း အမြင့်ဆုံး နိုင်ငံအဖြစ်သတ်မှတ်နိုင်တယ်

"နိုင်ငံတကာမှာ အခုသုံးနေတာက ပဲ့ထိန်းစနစ်တွေကိုသွားနေကြပြီ၊ ဒီစနစ်ကိုသွားမယ်၊ ကိုယ့် တိုင်းပြည်မှာ ဒီစနစ်ကိုထုတ်လုပ်နိုင်တဲ့ စနစ်အထိသွားမယ်ဆိုရင်တော့ နည်းပညာပိုင်းမှာ အရှေ့ အုပ်စု တစ်ခုတည်းမဟုတ်ဘဲ အနောက်အုပ်စုနည်းပညာတွေလည်းလိုလာမှာရှိတယ်၊ ရေရှည်ဆိုရင် တော့ တပ်မတော်ဖွံ့ဖြိုးဖို့အတွက် အနောက်က ပိတ်ဆို့တာတွေက အဟန့်အတားရှိတယ်" လို့ ဒေါက်တာမင်းဇော်ဦးက ဘီဘီစီကို ပြောပါတယ်။

မြန်မာ့တပ်မတော်က အသုံးပြုနေတဲ့ လက်နက်ခဲယမ်းတွေက ကိုယ်ပိုင်ထုတ်လုပ်တဲ့အရာတွေ အများစုဖြစ်ပြီး အရှေ့တောင်အာရှနိုင်ငံတွေမှာ ကိုယ်ပိုင်လက်နက်ခဲယမ်းထုတ်လုပ်နိုင်စွမ်း အမြင့်ဆုံး နိုင်ငံအဖြစ်သတ်မှတ်နိုင်တယ်လို့လည်း သူကဆိုပါတယ်။

ဒါပေမယ့် ထိုင်းလိုနိုင်ငံတွေမှာတော့ အခုလိုပိတ်ဆို့မှုတွေမရှိလို့ အမေရိကန်နဲ့ အနောက်နိုင်ငံက လက်နက်ပစ္စည်းတွေကို တပ်ဆင်အသုံးပြုနိုင်တာ၊ ဘင်္ဂလားဒေ့ရ်ှနိုင်ငံမှာဆိုရင်လည်း အမေရိကန်နဲ့ အခြားအနောက်နိုင်ငံတွေကနေ ဘင်္ဂလားဒေ့ရ်ှစစ်တပ်အပေါ် လေ့ကျင့်သင်ကြား ပေးတာတွေရရှိတဲ့အတွက် မြန်မာနိုင်ငံထက်အကျိုးအမြတ်တွေရှိနေတယ်လို့ ဒေါက်တာမင်းဇော်ဦး က ဆိုပါတယ်။

အခုလိုပိတ်ပင်မှုတွေကို သက်တမ်းတိုးမြှင့်ရတာကလည်း ရခိုင်ဒေသက ရိုဟင်ဂျာတွေအပေါ် ကျူးလွန်မှု၊ ရခိုင်၊ ကချင်နဲ့ ရှမ်းပြည်နယ်အတွင်းက တိုင်းရင်းသား တွေအပေါ် လူ့အခွင့်အရေးချိုး ဖောက်မှုတွေကြောင့် အခုလို သက်တမ်းထပ်တိုးပိတ်ပင်တားမြစ်တာခဲ့တယ်လို့ ဥရောပသမဂ္ဂက ထုတ်ပြန်ထားပါတယ်။

 စစ်တပ်တွေအချင်းချင်း စစ်ရေးလေ့ကျင့် မှုတွေ၊ ပူးပေါင်းဆောင်ရွက်မှုတွေလုပ်ဆောင်တာတွေကို တားမြစ်တဲ့ဆုံးဖြတ်ချက်ကို ထပ်မံ သက်တမ်းတိုးတာဖြစ်
ဖြစ်ပေါ်နေတဲ့ လူ့အခွင့်အရေးချိုးဖောက်မှုတွေကို မြန်မာအစိုးရအနေနဲ့ နှောင့်နှေးမှုမရှိဘဲ ပြန်လည်ပြုပြင်ဆောင်ရွက်မှုတွေ အမြန်ဆုံး လုပ်ဆောင်ဖို့လိုအပ်တယ်လို့ ထုတ်ပြန်ချက်မှာ ထောက်ပြထားပါတယ်။

အခုသက်တမ်းတိုးတာ အီးယူက ၂၀၁၈ခုနှစ် ဒီဇင်ဘာတုန်းက ချမှတ်ခဲ့တဲ့ လက်နက်အပြင် ယင်းနဲ့ဆက်စပ်တဲ့ ပစ္စည်းတွေဝယ်ယူခွင့်ပိတ်ပင်တာ၊ စစ်တပ်တွေအချင်းချင်း စစ်ရေးလေ့ကျင့် မှုတွေ၊ ပူးပေါင်းဆောင်ရွက်မှုတွေလုပ်ဆောင်တာတွေကို တားမြစ်တဲ့ဆုံးဖြတ်ချက်ကို ထပ်မံ သက်တမ်းတိုးတာဖြစ်ပါတယ်။

BBC Burmese
https://www.bbc.com/burmese/burma-48101816

မြန်မာ နိုင်ငံတော်အတိုင်ပင်ခံ Cambodia ဆိုက်ရောက်


တရုတ်နိုင်ငံကအပြန် ကမ္ဘောဒီးယားနိုင်ငံကို တနင်္လာနေ့က သုံးရက်ကြာခရီးစဉ်နဲ့ရောက် လာတဲ့ ဒေါ်အောင်ဆန်းစုကြည်ဟာ NLD အစိုးရ တက်လာပြီးကတည်းက နိုင်ငံတော်အတိုင်ပင်ခံပုဂ္ဂိုလ် အနေနဲ့ ကမ္ဘောဒီးယားကို ပထမဆုံးရောက်လာတဲ့ တရားဝင်ခရီးစဉ်လည်းဖြစ်ပါတယ်။ ကမ္ဘာကျော် ရှေးဟောင်း Angkor Wat ဘုရားကျောင်းကို မသွားခင်မှာ ၀န်ကြီးချုပ် ဟွန်ဆန်၊ ဘုရင် Norodom Sihamoni နဲ့ တခြား ကမ္ဘောဒီးယားအရာရှိတွေနဲ့  ဒေါ်အောင်ဆန်းစုကြည် တွေ့ဆုံဖို့ရှိတယ်လို့ ကမ္ဘောဒီးယားနိုင်ငံခြားရေးဝန်ကြီးဌာရဲ့ပြောဆိုချက်ကို ကိုးကားပြီး အေပီသတင်းမှာ မနေ့ကဖေါ်ပြထားပါတယ်။

လူ့အခွင့်အရေးချိုးဖေါက်မှုကိစ္စတွေနဲ့ ပတ်သက်ပြီး အနောက်နိုင်ငံတွေက ဖိအားပေးမှုတွေကြောင့် မြန်မာရော၊ ကမ္ဘောဒီးယား၂နိုင်ငံလုံးက တရုတ်အစိုးရနဲ့ပိုပြီးနီး နီးကပ်ကပ်ရှိလာခဲ့ကြပါတယ်။ ရခိုင်ပြည်နယ်ထဲကနေ ရိုဟင်ဂျာမူဆ လင်တွေကို သိန်းနဲ့ချီမောင်းထုတ်ခဲ့တဲ့ကိစ္စနဲ့မြန်မာကို အနောက်နိုင်ငံတွေက ဖိအားပေးနေကြသလို ကမ္ဘောဒီးယားမှာ တော့ တိုက်အခံနိုင်ငံရေးအင်အားစုတွေကို လှုပ်လို့မရ အောင်ဖိနှိပ်ထားမှုနဲ့ ဖိအားတွေပေးခံနေရပါတယ်။

မြန်မာပြည် က လူ့အခွင့်အရေးပြဿနာတွေကို မြန်မာနိုင်ငံကပဲဖြေရှင်း ခွင့်ရှိသင့်တယ်၊ မြန်မာနိုင်ငံရဲ့ပြဿနာတွေကို တခြားနိုင်ငံ တွေက နားမလည်ကြဘူးဆိုပြီး ကမ္ဘောဒီးယားဝန်ကြီးချုပ်ဟွန် ဆန်က ပြီးခဲ့တဲ့စက်တင်ဘာလအတွင်း ဗီယက်နမ်နိုင်ငံမှာ ကျင်းပခဲ့တဲ့ ကမ္ဘာ့စီးပွါးရေးညီလာခံမှာ မြန်မာဘက်က အပြင်း အထန် ကာကွယ်ပြီးပြောဆိုခဲ့တာပါ။ မြန်မာနဲ့ကမ္ဘောဒီး ယား၂နိုင်ငံအကြား သံတမန်ဆက်ဆံရေးကို ၁၉၅၅ ခုနှစ်ကစတင် ထူထောင်ခဲ့ကြတာဖြစ်ပြီး အဲဒီနှစ်မှာပဲ ၂နိုင်ငံလုံးက ဘက်မလိုက်ကြားနေ နိုင်ငံတွေ အဖြစ်ရပ်တည်ခဲ့ကြပါတယ်။

ဗွီအိုအေ (မြန်မာပိုင်း)
https://burmese.voanews.com

ISစစ်သွေးကြွ ခေါင်းဆောင်လှုံ့ဆော်တဲ့ ဗွီဒီယိုထုတ်ပြန်

ISစစ်သွေးကြွ ခေါင်းဆောင်လှုံ့ဆော်တဲ့ ဗွီဒီယို
IS စစ်သွေးကြွတွေက ဘာသာရေးအရ ပိုင်ဆိုင်တဲ့နယ်မြေလို့ ကြေညာထားတဲ့ ဆီးရီးယားနဲ့ အီရတ်နိုင်ငံက နယ်မြေတွေ အရေးနိမ့်ကျဆုံးခဲ့တာနဲ့ပတ်သက်ပြီး ကလဲ့စားချေကြဖို့ IS အဖွဲ့ခေါင်းဆောင်က သူ့အဖွဲ့ဝင်တွေကို သတင်းစကား ပြောထားတဲ့ ဗွီဒီယိုတခု မနေ့က ထွက်လာပါတယ်။

အချိန် ၁၈မိနစ်ကျော်ရှိတဲ့ အဲဒီဗွီဒီယိုကို IS အဖွဲ့ရဲ့ al-Furqan မီဒီယာဌာနက တဆင့် အင်တာနက်မှာ တင်ခဲ့တာပါ။ ဗွီဒီယိုထဲမှာ ပြင်ပကမ္ဘာနဲ့ အဆက်အစပ်ကင်းဝေးတဲ့ IS အဖွဲ့ခေါင်း ဆောင် Abu Bakr al- Baghdadi က တင်ပလင်ခွေထိုင်ပြီး အဖြူရောင်နောက်ခံ နဲ့ စက်သေနတ် တလက်လည်းထောင်ထားပါတယ်။

တခြားIS အဖွဲ့သားတွေနဲ့ စကားပြောနေပုံဖြစ်ပြီး အဲဒီအဖွဲ့သားတွေရဲ့မျက်နှာကတော့ သဲသဲကွဲကွဲမမြင်ရပါဘူး။ သူ့ရဲ့ပြောဆိုမှုထဲမှာ ဆီးရီးယားနိုင်ငံအတွင်းက IS အဖွဲ့ ရဲ့ နောက်ဆုံးခြေကုတ်စခန်း ဖြစ်တဲ့ Baghuz မကြာခင်က ကျဆုံးခဲ့တာကို အသိအမှတ်ပြု ပြောဆိုခဲ့သလို၊ သီရိလင်္ကာ နိုင်ငံမှာ အီစတာ တနင်္ဂနွေနေ့တုန်းက လူ၂၅၀ကျော်သေဆုံးခဲ့ တဲ့ ဗုံးခွဲတိုက်ခိုက်မှု ကိုလည်း သူက ချီးမွန်းထားပါတယ်။

IS အကြမ်းဖက်အုပ်စုရဲ့ အခုတိုက်ပွဲဟာ ရန်သူကို တဖြေးဖြေးနဲ့ အားနည်းလာအောင် လုပ်ရမယ့် တိုက်ပွဲဖြစ်တယ်၊ အဖမ်းခံခဲ့ရတဲ့ IS တိုက်ခိုက်ရေးသမားတွေနဲ့ သေဆုံးခဲ့သူတွေ အတွက် IS အဖွဲ့က လက်စားချေမှာဖြစ်တယ်လို့လည်း ကတိပေးခဲ့ပြီး ဘုရားသခင်ရဲ့စီရင်ရာနေ့ဖြစ်တဲ့ ကမ္ဘာကြီး အဆုံး သတ်မယ့်နေ့ကို ရောက်တဲ့အထိ Jihad တိုက်ပွဲကို ဆင်နွှဲသွားမယ်လို့လည်း IS အဖွဲ့ခေါင်းဆောင် al- Baghdadiက သတိပေးထားပါတယ်။

အမေရိကန် ကာကွယ်ရေးဆိုင်ရာအရာရှိတွေကတော့ ဒီဗီဒီယိုထွက်လာတာကို သိတယ်ဆိုပေမဲ့ အဲဒီအထဲမှာ ပါတဲ့သူဟာ IS စစ်သွေးကြွခေါင်းဆောင်အစစ် ဟုတ်မဟုတ်ကိုတော့ အတည်မပြုနိုင်သေးဘူး လို့ဆိုပါတယ်။ တကယ်လို့ ဒီလူဟာ al- Baghdadi အစစ်ဖြစ်တယ်ဆိုရင်တော့ ၂၀၁၄ ခုနှစ်နောက်ပိုင်းမှာ ငါးနှစ်လောက်အကြာမှာ ပထမဆုံး ပြန်မြင်ရတာပဲဖြစ်ပါလိမ့်မယ်။

ဗွီအိုအေ (မြန်မာပိုင်း)
https://burmese.voanews.com/a/4896548.html

ဗိုလ်ကြီးဟောင်း နေမျိုးဇင် ရုံးထုတ်

ဗိုလ်ကြီးဟောင်း နေမျိုးဇင် ကို ရန်ကုန်တိုင်း တိုက်ကြီးမြို့နယ်တရားရုံးမှာ ၂၀၁၉ ဧပြီ ၃၀ ရက်နေ့က ရုံးထုတ်စဉ် /Photo: Aung Thain Kha/RFA
ဗိုလ်ကြီးဟောင်း နေမျိုးဇင်ကို တပ်မတော်က တရားစွဲဆိုတာဟာ ဥပဒေနဲ့ မညီဘူးလို့ ရှေ့နေအဖြစ် လိုက်ပါ ကူညီဆောင်ရွက်ပေးနေတဲ့ တရားလွှတ်တော်ရှေ့နေ ဦးရောဘတ်စန်းအောင် က ဒီကနေ့ တရားရုံးထုတ်မှာ ပြောလိုက်ပါတယ်။

တပ်မတော်က နိုင်ငံတော် အကြည်ညိုပျက်စေမှု ပုဒ်မ ၅၀၅ (က) (ခ) တို့နဲ့ တရားစွဲထားတာကို ရန်ကုန်တိုင်း တိုက်ကြီးမြို့နယ် တရားရုံးမှာ ဒီကနေ့ တရားရုံးထုတ်ခဲ့တာ တရားလွှတ်တော် ရှေ့နေ့ ဦးရောဘတ်စန်းအောင်က သတင်းမီဒီယာတွေကို ပြောလိုက်တာ ဖြစ်ပါတယ်။

ဧရာဝတီတိုင်းဒေသကြီး အဖျောက်မြို့မှာ ဧပြီလ ၁ ရက်နေ့က ကျင်းပတဲ့ ၂ဝဝ၈ ဖွဲ့စည်းပုံပြင်ဆင်ရေး ဟောပြောပွဲမှာ ဗိုလ်ကြီးဟောင်း နေမျိုးဇင်က တပ်မတော်နဲ့ ပတ်သက်ပြီး ဝေဖန်ပြောဆိုခဲ့တာတွေကြောင့် ရန်ကုန်တိုင်းစစ်ဌာနချုပ် က ဒုတိယဗိုလ်မှူးကြီး တိုးလင်းက ဧပြီ ၃ ရက်နေ့က တရားလိုပြုလုပ် တရားစွဲထားတာပါ။

ဦးနေမျိုးဇင်အမှုမှာ တရားလိုပြသက်သေ ၅ ဦးတင်ထားပြီး တပ်မတော် အရာရှိတွေသာ ဖြစ်ပါတယ်။ တရားခံပြ သက်သေအဖြစ်တင်ဖို့ ဆောင်ရွက်ထားတာ မရှိသေးဘူးလို့ သိရပါတယ်။

ဗိုလ်ကြီးဟောင်းနေမျိုးဇင်ရဲ့ တတိယအကြိမ်မြောက် ရုံးထုတ်ကိုလာမယ့် မေလ ၁၀ ရက်နေ့မှာ တိုက်ကြီးမြို့နယ် တရားရုံးမှာ ထပ်မံချိန်းဆိုထားပါတယ်။

အလားတူ လူ့အခွင့်အရေး လူ့ဂုဏ်သိက္ခာရုပ်ရှင်ပွဲတော် ဦးဆောင်ကျင်းပနေတဲ့ ဒါရိုက်တာ မင်းထင်ကိုကိုကြီး ကိုလည်း တပ်မတော်ကို Facebook လူမှုကွန်ရက်စာမျက်နှာပေါ်မှာ ဝေဖန်ရေးသားခဲ့တာကြောင့် ဆက်သွယ်ရေး ဥပဒေ ပုဒ်မ ၆၆(ဃ) နဲ့ ပုဒ်မ ၅၀၅ (က) တို့နဲ့ တပ်မတော်က အင်းစိန်မြို့နယ် တရားရုံးမှာ တရားစွဲထားပြီး ဒေါင်းတို့မျိုးဆက် သံချပ်အဖွဲ့ကိုလည်း ပုဒ်မ ၅၀၅ (က)တို့နဲ့ တရားစွဲဆိုထားပါတယ်။

ဒီသတင်းကို RFA သတင်းထောက် ကိုအောင်သိင်္ခ ပေးပို့တာပါ။

RFA Burmese
https://www.rfa.org

Heat Stroke ကြောင့် ပဲခူးမှာ သေဆုံးသူ ၄ဦး ရှိ

ပဲခူးအထွေထွေရောဂါကုဆေးရုံကြီးကို တွေ့ရစဉ် /Photo: Bago General Hospital
ပဲခူးတိုင်းမှာ နေ့အပူချိန် စံချိန်တင် မြင့်တက်ခဲ့ပြီးနောက် ပဲခူးပြည်သူ့ဆေးရုံကြီးမှာ Heat Stroke ကြောင့် ဆေးရုံရောက်လာပြီး သေဆုံးတဲ့ လူနာ ၄ ဦးရှိသွားပြီလို့ ပဲခူးဆေးရုံအုပ်ကြီး ဒေါက်တာရန်နိုင်မောင်က RFA ကို ပြောပါတယ်။

ဧပြီ ၂၀ ရက်နေ့ကစပြီး ဒီနေ့ထိ ပဲခူးဆေးရုံကြီးကို Heat Stroke လူနာ ၁၀ ယောက် ရောက်ရှိလာတဲ့ထဲက တစ်ယောက်ကတော့ သေဆုံးပြီးမှ ရောက်လာတာဖြစ်ပြီး ကျန်တဲ့ ၃ ယောက်ကတော့ ဆေးရုံမှာ ဆေးကုသမှု ခံယူရင်း သေဆုံးသွားတာလို့ ဒေါက်တာရန်နိုင်မောင်က ပြောပါတယ်။

သေဆုံးသွားတဲ့ အမျိုးသား လေးယောက်က အသက် နှစ်ဆယ်ကျော်ကနေ ၅၀ ကျော်အရွယ်ထိဖြစ်ပြီး အများစုက အရက်သောက်တာကြောင့် သေဆုံးတာကို တွေ့ရကြောင်း ဒေါက်တာရန်နိုင်မောင်ရဲ့ ပြောပြချက်အရ သိရပါတယ်။

ပဲခူးဆေးရုံကြီးကို မနှစ်က ဒီလိုအချိန်မှာ Heat Stroke ဖြစ်ပြီး ရောက်လာတဲ့လူနာမရှိခဲ့ဘဲ ဒီနှစ်မှသာ Heat Stroke ဖြစ်ပြီး ရောက်လာတဲ့ လူနာတွေ များလာတာဖြစ်ပြီး အဲဒီလို လူနာတွေကို ကုသပေးဖို့ အခန်းတစ်ခန်း ကြိုတင်ပြင် ဆင်ထားပြီး ကုသမှုတွေ ဆောင်ရွက်ပေးနေတယ်လို့ ဒေါက်တာရန်နိုင်မောင်က ပြောပါတယ်။

မိုးလေ၀သနှင့် ဇလဗေဒ ညွှန်ကြားမှု ဦးစီးဌာနက ဧပြီ ၂၇ ရက်နေ့က ရန်ကုန်တိုင်း၊ ပဲခူးတိုင်း၊ မွန်ပြည်နယ်၊ ဧရာဝတီတိုင်းတို့မှာ နေ့အပူအချိန်တွေ စံချိန်တင် မြင့်တက်နေတယ်လို့ ထုတ်ပြန်ကြေညာခဲ့ပြီး ပဲခူးတိုင်းရဲ့ နေ့အပူချိန်ဟာ ၄၃ ဒီဂရီ စင်တီဂရိတ်ကျော် ရှိခဲ့တာဖြစ်ပါတယ်။

ဒီသတင်းကို RFA သတင်းထောက် မသက်စုအောင် ပေးပို့တာပါ။

RFA Burmese
https://www.rfa.org

အင်ဒိုနီးရှားရွေးကောက်ပွဲ အမှုထမ်း ၃၀၀ ကျော်လက်ပန်းကျသေဆုံး

အင်ဒိုနီးရှားရွေးကောက်ပွဲ
ဧပြီလ အစောပိုင်းက ကျင်းပခဲ့တဲ့ အင်ဒိုနီးရှား ရွေးကောက်ပွဲအတွင်း ပင်ပန်းဖျားနာမှုဒဏ်ကြောင့် သေဆုံးခဲ့ရတဲ့ မဲရုံ ၀န်ထမ်းပေါင်း ၃၀၀ ကျော်ရှိခဲ့ပါတယ်။

မဲဆန္ဒရှင် သန်းပေါင်း ၁၉၀ ကျော်ရှိပြီး ကျွန်းပေါင်း ၁၇,၀၀၀ မှာ မဲရုံးပေါင်း ၈၀၀,၀၀၀ ကျော်မကရှိခဲ့တဲ့ အင်ဒိုနီးရှားနိုင်ငံမှာ ဧပြီလ ၁၇ ရက်နေ့က သမ္မတနဲ့ လွှတ်တော်ကိုယ်စားလှယ် ရွေးကောက်ပွဲတွေကိုကျင်းပခဲ့တာဖြစ်ပါတယ်။

KPU နိုင်ငံလုံးဆိုင်ရာ ရွေးကောက်ပွဲ ကော်မရှင်ရဲ့ တနင်္လာနေ့ ထုတ်ပြန်တဲ့ စာရင်းအရ မဲရုံးဝန်ထမ်းအရာရှိပေါင်း ၃၁၁ ဦးသေဆုံးခဲ့ပြီး နောက်ထပ် ၀န်ထမ်းပေါင်း ၂,၂၃၂ ဦးဟာ ရွေးကောက်ပွဲ မဲအရေအတွက်မှာ ပါဝင်ကူညီခဲ့ပြီးနောက် အလုပ်ဖိစီးတဲ့ ပင်ပန်းဖျားနာမှု ဒဏ်ကို ခံစားခဲ့ကြရပါတယ်။

သေဆုံးရမှုအကြောင်းအရင်းတွေထဲမှာ ၀န်ထမ်းတွေ ခြေကုန်လက်ပမ်းကျပြီး နှလုံးရောဂါ ဝေဒနာခံစားခဲ့ရတာကြောင့်ဖြစ်တယ်လို့ KPU ကော်မရှင်နာမင်းကြီး Evi Novida Ginting က သတင်းဌာနတွေကိုပြောပြခဲ့ပါတယ်။

သေဆုံးသူတဦးချင်းစီရဲ့ ကျန်ရစ်တဲ့ ဆွေမျိုးသားချင်းတွေအတွက် လျော်ကြေးငွေ အမေရိကန် ဒေါ်လာ ၂,၁၀၀ စီပေးကြောင်းလည်း ကော်မရှင်နာမင်းကြီးက ဗွီအိုအေကိုပြောပါတယ်။ ဒါအပြင် ဆေးရုံးတွေနဲ့ အခြား ကျန်းမားရေးစောင့်ရှောက်ကုသပေးတဲ့နေရာတွေမှာ နာမကျန်းဖြစ်တဲ့ မဲရုံဝန်ထမ်းတွေကို အထူးဂရုစိုက် စောင့်ရှောက်ဖို့ အင်ဒိုနီးရှား ကျန်းမာရေးဝန်ကြီးဌာနကနေ ဧပြီလ ၂၃ ရက်နေ့ ရက်စွဲနဲ့ ထုတ်ပြန်ထားပါတယ်။

အင်ဒိုနီးရှား ရွေးကောက်ပွဲအနိင်အရှုံးစာရင်းတွေကို မေ လ ၂၂ ရက်နေ့မှာ ထုတ်ပြန်မှာဖြစ်ပါတယ်။ မဲရုံအထွက်ကောက်ခံခဲ့တဲ့ စစ်တမ်းတွေအရ လက်ရှိသမ္မတ"Jokowi" Widodo ဟာ ဒုတိယသက်တမ်းပြန်လည်ရွေးချယ်ခံရဖို့ ရှိနေပါတယ်။ Jokowi က မဲတွေရဲ့ ၅၅ % နဲ့ သူ့ပြိုင်ဖက် Prabowo က ၄၄ % ရရှိကြောင်း ဖေါ်ပြနေပါတယ်။ ဒီအကြိုစစ်တမ်းတွေကို ရွေးကောက်ပွဲစောင့်ကြည့်ရေးအဖွဲ့တွေက ကောက်ခံခဲ့ကြတာဖြစ်ပြီး၊ အရင်တုန်းကလည်း အလားတူကောက်ခံချက်တွေ ခိုင်လုံမှုရှိတာတွေ့ရပါတယ်။

ဗွီအိုအေ (မြန်မာပိုင်း)
https://burmese.voanews.com

ရိုဟင်ဂျာ ၃ ဦး ဖေါက်ခွဲ ပစ္စည်းလက်ဝယ်တွေ့ရှိမှု Bangladesh ထောင်ဒဏ် ၁၀ နှစ်စီချမှတ်

Burdwan မြို့မှာ ၂၀၁၄ခုနှစ်တုန်းက ဖြစ်ပွါးခဲ့တဲ့ ပေါက်ကွဲမှု
အိန္ဒိယနိုင်ငံအနောက် ဘင်္ဂလားပြည်နယ်က Burdwan မြို့မှာ ၂၀၁၄ခုနှစ်တုန်းက ဖြစ်ပွါးခဲ့တဲ့ ပေါက်ကွဲမှုတခုနဲ့ပတ် သက် ပြီးဆက်နွယ်မှုရှိတဲ့ မြန်မာနိုင်ငံက ရိုဟင်ဂျာသုံးဦးကို ဘင်္ဂလားဒေ့ရ်ှနိုင်ငံ မြို့တော်ဒါကာ မှာရှိတဲ့အထူးတရားရုံးက ထောင်ဒဏ် ဆယ်နှစ်ဆီချမှတ်လိုက်ကြောင်း AFP သတင်းမှာ မနေ့က ဖေါ်ပြထားပါတယ်။

သူတို့သုံးဦးကိုဖေါက်ခွဲရေး ပစ္စည်းတွေသယ် ဆောင်မှုနဲ့ ဒါကာမြို့မှာ ၂၀၁၄ာခုနှစ် ဒီဇင်ဘာလတုန်းက စွဲချက်တင်ခဲ့တာပါ။အဲဒီသုံးဦးကတော့ Md Nur Hossain အသက်၃၀၊ Yeasir Arafat ၂၆နှစ်နဲ့ Omar Karim ၂၉ နှစ်တို့ဖြစ်ကြပါတယ်။ အဲဒီအထဲက Omar Karimက တော့ တရားခံပြေးဖြစ်နေပါတယ်။ သူတို့သုံးဦးကို ဘင်္ဂလားဒေ့ရှ် ငွေ တသောင်းဆီပေးဆောင်ဖို့လည်း ဒဏ်ငွေချမှတ် ခဲ့ပါတယ်။ သူတို့တွေဟာ RSO လို့ခေါ်တဲ့ ရိုဟင်ဂျာသွေးစည်းညီညွှတ်ရေးအဖွဲ့အပါအ၀င် နိုင်ငံတကာက စစ်သွေးကြွ အုပ်စုတွေနဲ့လည်း ပတ်သက်ဆက်နွယ်နေသူတွေ ဖြစ်ကြပြီး ဖေါက်ခွဲရေးဆိုင်ရာဥပဒေနဲ့သူတို့ကိုအရေးယူ ထားတာလို့ ဘင်္ဂလားဒေ့ရှ် အစိုးရရှေ့နေကပြောပါတယ်။

RSO အဖွဲ့ဟာ ရခိုင်ပြည်နယ်အတွင်း ၁၉၈၀နဲ့၉၀ပြည့်နှစ်တွေ မှာ လှုပ်ရှားခဲ့တဲ့ စစ်သွေးကြွအဖွဲ့တခုဖြစ်ပါတယ်။ အိန္ဒိယနိုင်ငံ အနောက် ဘင်္ဂလားပြည်နယ်က Burdwan မြို့မှာ ၂၀၁၄ခု နှစ်တုန်းက ဖြစ်ပွား ခဲ့တဲ့ဖေါက်ခွဲတိုက်ခိုက်မှုကြောင့် လူအနည်းဆုံး၂ဦးသေဆုံးပြီး ဒဏ်ရာရသူတွေတော်တော်များများရှိခဲ့ တာပါ။

ဗွီအိုအေ (မြန်မာပိုင်း)
https://burmese.voanews.com

မျက်နှာဖုံးတဲ့အဝတ်တွေ ဝတ်ဆင်တာမျိုး သီရိလင်္ကာနိုင်ငံမှာ တားမြစ်ချက်ထုတ်

မျက်နှာဖုံးတဲ့အဝတ်တွေ ဝတ်ဆင်တာမျိုး သီရိလင်္ကာနိုင်ငံမှာ တားမြစ်
သီရိလင်္ကာနိုင်ငံမှာတော့ နိုင်ငံသားတွေ အနေနဲ့ မျက်နှာဖုံးတဲ့ အဝတ်တွေ ဝတ်ဆင်တာမျိုးကို တားမြစ်တဲ့ အရေးပေါ် စီမံချက်ဟာ ဒီကနေ့ ဧပြီလ ၂၉ ရက် မှာ စတင် အသက်ဝင်ပြီ ဖြစ်ပါတယ်။

လူပေါင်း ၂၅၀ နီးပါး အသက်ဆုံးရှုံးခဲ့တဲ့ အီစတာပွဲတော် တနင်္ဂနွေနေ့ (ဧပြီ ၂၁ ရက်) ဗုံးခွဲ တိုက်ခိုက်မှုတွေ အပြီး အမျိုးသား လုံခြုံရေး လိုအပ်ချက်တွေကြောင့် အခုလို တားမြစ်တာ ဖြစ်တယ်လို့ သီရိလင်္ကာ သမ္မတက ပြောပါတယ်။

တားမြစ်ချက်မှာ ပြည်သူတွေ အနေနဲ့ ဘယ်သူဘယ်ဝါကို သိနိုင်ဖို့ မျက်နှာကို မဖုံးကွယ်ဘဲ ရှင်းရှင်းလင်းလင်း မြင်သာအောင် ထားရမယ်လို့ ဆိုပါတယ်။

ဒါပေမယ့် မွတ်ဆလင် အမျိုးသမီးတွေ ဝတ်ဆင်နေတဲ့ မျက်လုံးနှစ်ပေါက်သာ ဖော်ထားတဲ့ နီခတ် ဝတ်ရုံနဲ့ ဘာခါ ဝတ်ရုံတွေကိုလည်း တားမြစ်တယ် ဆိုတာမျိုးကိုတော့ တိတိကျကျ ဖော်ပြ ကြေညာထားတာမျိုး မရှိပါဘူး။

အီစတာ တနင်္ဂနွေနေ့တုန်းက ဖြစ်ခဲ့တဲ့ တိုက်ခိုက်မှုတွေကို သီရိလင်္ကာ အစ္စလာမ္မစ် အစွန်းရောက်တွေက ပြုလုပ်ခဲ့တာလို့ ဆိုပါတယ်။

BBC Burmese
https://www.bbc.com/burmese

ပုဏ္ဏားကျွန်းမြို့နယ် ဗုဒ္ဓေါကျေးရွာတွင် လူတစ်ဦးမိုင်းထိ ဒဏ်ရာရ


နိရဉ္စရာ၊ဧပြီ ၂၉/ ၂၀၁၉

လွန်ခဲ့သည့် ဖေဖော်ဝါရီလ အတွင်းက တိုက်ပွဲ ပြင်းထန်စွာဖြစ်ပွားခဲ့သည့် နေရာအနီးရှိ ပုဏ္ဏားကျွန်းမြို့နယ်၊ ဗုဒ္ဓေါကျေးရွာတွင် လူတစ်ဦးသည် ယနေ့နံနက်က မိုင်းထိပြီး ဒဏ်ရာ ရရှိသွားကြောင်း သတင်းရရှိသည်။

အဆိုပါမိုင်းထိခံရသူမှာ ဗုဒ္ဓေါကျေးရွာမှ ဦးကျော်ဝင်း အသက်( ၅၁)နှစ်ဖြစ်ပြီး ယနေ့ နံနက်ပိုင်းအချိန်က ၄င်း၏ကွမ်းခင်းသို့ သွားစဉ် ကျေးရွာအနီးရှိ တောင်ကုန်ပေါ်အရောက်တွင်မိုင်းထိသွားခဲ့ခြင်း ဖြစ်သည်ဟု သိရသည်။

မိုင်းထိပြီး ခြေထောက်၊ ဝမ်းဗိုက်၊ မျက်လုံးများတွင် ထိခိုက်မှုများ ရှိခဲ့သဖြင့် လက်ရှိ ယိုးတရုပ် ဆေးရုံတွင်
ဆေးကုသမှု ခံယူနေကြောင်း ကာယကံရှင် ဦးကျော်ဝင်းကပြောသည်။

“မနေ့က ကျနော့်ကွမ်းခင်းရှိတဲ့ တောင်ကုန်းမီးလောင်ပါတယ်။ မီးလောင်လို့ ကျနော်က မနေ့ကလည်း တစ်ခေါက် ကွမ်းခင်းကို မီးမကူးရအောင် ဘေးနားက အမိူက်တွေကို သွားရှင်း ပေးခဲ့ပါသေးတယ်။ နောက်ပြီး ဒီနေ့ မနက်က ထပ်ပြီးတော့ သွားကြည့်တဲ့အချိန်မှာ ပေါက်ကွဲပြီးထိသွားတာပါ။ ခြေထောက်မှာ ထိတယ်။ ဝမ်းဗိုက်နဲ့ မျက်လုံးမှာလည်း ထိသွားပါတယ်။ အခုဘယ်ဖက် မျက်လုံး တစ်လုံးလည်း သေချာ မဖွင့်နိုင်ဘူး။ မြင်လည်းသိပ်မမြင်ရဘူးဖြစ်နေတယ်”ဟု မိုင်းထိပြီးဒဏ်ရာရရှိသွားသူ ဦးကျော်ဝင်းက နိရဉ္စရာသို့ပြောသည်။

ဗုဒ္ဓေါကျေးရွာ အုပ်ချုပ်ရေးမှူး ဦးမောင်ကျော်လှိုင်က “ဟုတ်ပါတယ်။ မနက် ၇နာရီလောက်မှာ ရွာအနောက်ဖက် ရှိတဲ့ကွမ်းခင်းကို သွားတာပါ။ တောင်ကုန်းပေါ်က နေသွားတာ အဲ့ဒီမှာ မိုင်းကြိုးကို ခြေထောက်နဲ့ ထိမိလို့ ပေါက်ကွဲသွားတာ လို့ ပြောပါတယ်။ ဒဏ်ရာကတော့ မစိုးရိမ်ရဘူးလို့ သိရပါတယ်”ဟု ပြောဆိုသည်။

ရခိုင်ပြည်နယ် ရသေ့တောင်မြို့နယ် ခရုချောင်းကျေးရွာတွင်လည်း ယမန်နေ့ ပေါက်ကွဲမှု တစ်ခု ဖြစ်ပွား၍ အသက် (၁၅)နှစ်အရွယ် ၈တန်းကျောင်းသားတစ်ဦး သေဆုံးခဲ့ရပြီး (၁၃)နှစ်အရွယ်ကလေးတစ်ဦးနှင့် (၄) နှစ် အရွယ် မိန်းကလေးတစ်ဦးလည်းဒဏ်ရာများ ရရှိသွားကာ ရသေ့တောင်ဆေးရုံမှ တဆင့် စစ်တွေ ဆေးရုံသို့ ပို့ဆောင်ကာ ဆေးကုသမှုခံယူနေရကြောင်းသိရသည်။

သိန်းဇော်(မောင်တော)
Narinjara
https://www.facebook.com/Narinjara

စစ်တိုင်း ၅ တိုင်း တပ်မတော်စစ်ဆင်ရေးရပ်ဆိုင်းမှု အချိန်တိုးဖွယ်ရှိ

NRPC နဲ့NCA ကိုယ်စားလှယ်တွေ နေပြည်တော်မှာတွေ့ဆုံဆွေးနွေးစဉ်။ (ဖေဖေါ်ဝါရီ၊ ၂၂၊ ၂၀၁၉။ ဓာတ်ပုံ MOI)
စစ်တိုင်းဒေသကြီး (၅) ခုမှာ စစ်ဆင်ရေးတွေ (၄) လကြာ ရပ်တန့်ထားဖို့ မြန်မာ့တပ်မတော်ဘက်က ကြေညာချက် ထုတ်ပြန်ထားတာ သက်တမ်း ပြည့်တော့မှာ ဖြစ်တဲ့အတွက် ဒါကို နောက်ထပ် သက်တမ်း တိုးလိမ့်မယ်လို့ မျှော်လင့်ကြောင်း နိုင်ငံရေး လေ့လာသုံးသပ်သူတွေက ပြောပါတယ်။ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ရဲ့ တရုတ်ပြည်ခရီးစဉ် အတွင်း တပ်မတော်ဘက်က စစ်ဆင်ရေး ဆိုင်းငံ့ထားတာတွေကို သက်တမ်းတိုးပေးဖို့ တောင်းဆိုခဲ့တယ်ဆိုတဲ့ သတင်းတွေ ထွက်လာတာကြောင့် အခုလို ပြောဆိုလာတာလည်း ဖြစ်ပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြပေးပါမယ်။

NCA တနိုင်ငံလုံးဆိုင်ရာ အပစ်အခတ်ရပ်စဲရေး သဘောတူညီချက်မှာ လက်မှတ်မထိုးရသေးတဲ့ KIO/KIA ကချင်၊ MNTJP/ MNDAA ကိုးကန့်၊ PSLF/TNLA တအန်း (ပလောင်) နဲ့ ULA/AA ရခိုင် လက်နက်ကိုင်အဖွဲ့ စတဲ့ မြောက်ပိုင်းမဟာမိတ် (၄) ဖွဲ့နဲ့ သဘောတူညီချက် ရနိုင်ရေး အတွက် ရည်ရွယ်ပြီး စစ်တိုင်း (၅) ခုမှာ စစ်ဆင်ရေးတွေ ရပ်တန့်ဖို့ တပ်မတော်ဘက်က တဘက်သတ် ကြေညာထားတာ မနက်ဖြန် ဧပြီလ (၃၀) ရက်နေ့မှာ ၄ လပြည့်တော့မှာ ဖြစ်ပါတယ်။

လက်ရှိအနေအထားမှာ NCA လက်မှတ်ထိုးဖို့ သဘောတူညီချက် မရသေးပေမယ့် အပစ်ရပ်ထားခြင်းဟာ ငြိမ်းချမ်းရေးအတွက် လက်မှတ် ထိုးနိုင်ဖို့ အခွင့်အလန်းကောင်း ဖြစ်တာကြောင့် ဒါကို သက်တမ်းတိုးဖို့ လိုလားကြောင်း နိုင်ငံရေး လေ့လာသုံးသပ်သူ ဦးသန်းစိုးနိုင်က ပြောပါတယ်။

ဦးသန်းစိုးနိုင်။ ။ “ကျနော်တို့ဘက်က သဘောထားကတော့ ဒီဟာကိုဆက်ပြီးတော့ ကျနော်တို့ တိုးချဲ့သင့်တယ်ပေါ့လေ။ တိုးချဲ့သင့်တယ်ဆိုတာက အခုကဘာပဲဖြစ်ဖြစ် NCA ထိုးသည်ဖြစ်စေ၊ မထိုးသည်ဖြစ်စေ ကျနော်တို့ ၂ ဘက် အပစ်ရပ်ထားမယ်ဆိုရင်တော့ ကောင်းတယ်လို့ ကျနော်တို့ မြင်ပါတယ်။ အဲ့ဒါကြောင့်မို့ ကျနော်တို့ဘက်ကတော့ ဒီငြိမ်းချမ်းရေး ကျနော်တို့ စာချုပ် တရပ် မချုပ်ဆိုနိုင်မှီအတွင်း အပစ်အခတ်ရပ်စဲမှုကို တပ်မတော်ဘက်က ဆက်လက်ပြီး ရပ်ဆိုင်းပေးဖို့ ကျနော်တို့တော့ မေတ္တာရပ်ခံမှုတွေ၊ တောင်းဆိုမှုတွေ ကျနော်တို့ လုပ်စေချင်ပါတယ်။”

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ရဲ့ အခု နောက်ဆုံး တရုတ်ပြည် ခရီးစဉ်အတွင်းမှာ တပ်မတော်ဘက်က ထိုးစစ်ဆင် တိုက်ခိုက်မှုတွေ ရပ်တန့်တာကို ဆက်လက် ထားရှိဖို့ တရုတ်အစိုးရ ခေါင်းဆောင်တွေပိုင်း တိုက်တွန်း ပြောဆိုခဲ့တယ်ဆိုတာကို ကြားသိရတဲ့အတွက် သက်တမ်းတိုးဖို့ အလားအလာရှိတယ်လို့ ယူဆကြောင်း ဦးသန်းစိုးနိုင်က ပြောပါတယ်။

ဦးသန်းစိုးနိုင်။ ။ “အခု တရုတ်ပြည်က အဲ့ဒီကိစ္စနဲ့ ပတ်သက်လို့လည်း ဗိုလ်ချုပ်မှူးကြီး မင်းအောင်လှိုင်ရဲ့ တွေ့ဆုံပွဲမှာ တိုက်တွန်းတယ်လို့ ပြောတယ်။ တိုက်တွန်းတယ်လို့ ပြောတဲ့အတွက် အခုကတော့ အချိန်ကန့်သတ်မဲ့တော့ သူတို့လုပ်မှာတော့ မဟုတ်ဘူး။ ဒါပေမဲ့ ၂လ သို့မဟုတ် ၃လ တခုခုတော့ ဆက်လက်ပြီး တိုးချဲ့မှု လုပ်ကောင်းလုပ်နိုင်မယ်ဆိုတဲ့ သတင်းတွေရပါတယ်ဗျ။ ကျနော်တို့ ကြားရတာတော့ မြောက်ပိုင်းတိုင်း သတင်းဌာနချုပ်က ၂ လ ဆက်တိုးဖို့ဆိုတဲ့ သတင်းတော့ ကြားတယ်။ ဒါပေမဲ့ တကယ်လက်တွေ့တော့ မနက်ဖြန်လောက်မှာ နည်းနည်းသေချာပေါက် သိရမယ်လို့ ထင်ပါတယ်။”

တကယ်သက်တမ်းတိုးမယ် မတိုးဘူးဆိုတာကတော့ မနက်ဖြန် ဧပြီလ ၃၀ ရက်နေ့မှာ မြောက်ပိုင်းမဟာမိတ်အဖွဲ့နဲ့ အစိုးရ ငြိမ်းချမ်းရေး အဖွဲ့ဖြစ်တဲ့ အမျိုးသားပြန်လည် သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) က ကိုယ်စားလှယ်တွေ မူဆယ်မြို့မှာ တွေ့ဆုံ ဆွေးနွေး ပြီးတော့မှ အဖြေထွက်လာမယ်လို့ ယူဆကြောင်းလည်း ဦးသန်းစိုးနိုင်က ပြောပါတယ်။

အစိုးရ ငြိမ်းချမ်းရေးအဖွဲ့နဲ့ တွေ့ဆုံကြမယ့် မြောက်ပိုင်း မဟာမိတ် ၄ ဖွဲ့နဲ့ ကျန်တဲ့ တိုင်းရင်းသား လက်နက်ကိုင်အဖွဲ့တွေ လာမယ့် မေလ ၃ ရက်နေ့မှာ သီးခြား တွေ့ဆုံကြဖို့ စီစဉ်ထားကြောင်းလည်း ဦးသိန်းစိုးနိုင်က ပြောပါတယ်။

အပစ်ရပ်ထားတဲ့ ၄ လတာ ကာလအတွင်း အစိုးရနဲ့ NCA လက်မှတ်မထိုးကြသေးတဲ့ အဖွဲ့တွေအကြား ၃ ကြိမ်လောက် တွေ့ဆုံ ဆွေးနွေးတာတွေ ရှိခဲ့ပေမယ့် သိသာတဲ့ တိုးတက်မှု တစုံတရာ မရှိဘူးတဲ့အပြင် ရခိုင်ပြည်နယ်အတွင်း AA ရခိုင့်တပ်မတော်နဲ့ မြန်မာ့တပ်မတော်အကြား တိုက်ပွဲတွေသာ ပိုပြင်းထန်လာနေတာကို တွေ့ရကြောင်း ANC အတွင်းရေးမှူးလည်းဖြစ်၊ UNFC ရဲ့ ပြောခွင့်ရ ပုဂ္ဂိုလ်လည်းဖြစ်တဲ့ ဦးထွန်းဇော်က ပြောပါတယ်။

ဦးထွန်းဇော်။ ။ “တပ်မတော်ရဲ့ စစ်တိုင်း ၅ ခုမှာ ၄ လတာ စစ်ဆင်ရေး ရပ်ဆိုင်းမှုရဲ့ရလဒ်က ကျနော်တို့ ရခိုင်ပြည်ဘက်မှာ ဒုက္ခသည် ၃၀,၀၀၀ကျော် ဖြစ်လာတယ်။ နောက်ပြီးတော့မှ ရခိုင်ပြည် မြောက်ပိုင်းတခွင်မှာရှိတဲ့ မြို့နယ် ၅ မြို့နယ်ပေါ့နော်… နဂို ရှိနေပြီးသား မြို့နယ်တွေ အပါအဝင်ဆိုလို့ရှိရင် ရခိုင်ပြည်မြောက်ပိုင်း တခွင်လုံးဟာ ညမထွက်ရအမိန့်ကို ထုတ်ပြန်ကြေငြာခြင်းကို ခံရတယ်။ နောက်ပြီးတော့မှ လူတွေထိခိုက်၊ ဒဏ်ရာရတာတွေ၊ သေဆုံးတာတွေ၊ လူအခွင့်အရေး ချိုးဖောက်မှုတွေဆိုလို့ရှိရင် နေ့စဉ်ရက်ဆက်ဆိုသလို ဖြစ်နေတယ်ပေါ့။ ရခိုင်ပြည်ရဲ့ အနေအထားကတော့ စစ်ဆင်ရေး ၄ လတာ ရပ်ဆိုင်းမှုရဲ့ ရလဒ်လို့ ကျနော်တို့က ပြောလို့ရတာပေါ့။”

UPDJC ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မီတီရဲ့ အတွင်းရေးမှူး ဦးလှမောင်ရွှေကတော့ မူဆယ်မြို့မှာ မနက်ဖြန် ဧပြီလ ၃၀ ရက်နေ့ ပြုလုမယ့် ဆွေးနွေးပွဲ အခြေအနေကို အခုလို ရှင်းပြပါတယ်။

ဦးလှမောင်ရွှေ။ ။ “ကျနော်တို့ NRPC ကနေပြီးတော့ စုဖွဲ့ပေးလိုက်တဲ့ အစိုးရကိုယ်စားလှယ် အဖွဲ့ကတော့ မူဆယ်ကို ရောက်ပါပြီ။ ကျနော်တို့နဲ့ ဆွေးနွေးမယ့် တိုင်းရင်းသား လက်နက်ကိုင် ၄ ဖွဲ့၊ နောက် KIO၊ TNLA၊ MNDAA နဲ့ AA ၄ ဖွဲ့ကတော့ မနက်ဖြန် မနက်ကို လာတက်မယ်လို့ သိရပါတယ်။ ဒီ၎ ဖွဲ့နဲ့ ကျနော်တို့ မနက်ဖြန်မနက်မှာ မူဆယ်မှာ ဆွေးနွေးဖို့ ရှိပါတယ်။ အဓိကကတော့ အစိုးရတပ်မတော်ကတော့ NCA လက်မှတ်မထိုးရသေးတဲ့ တိုင်းရင်းသားအဖွဲ့တွေ လက်မှတ်ရေးထိုးပြီးတော့ နိုင်ငံရေးဆွေးနွေးပွဲ စကားဝိုင်းမှာ ပါဝင်ဖို့တော့ အဓိကပဲပေါ့လေ။ အဲ့ဒါတွက် လိုအပ်တဲ့ ညှိနှိုင်းမှုတွေတော့ စဉ်းစားပြီးတော့ ဆောင်ရွက်ကြည့်ရမှာပေါ့။”

မူဆယ်မြို့မှာ မနက်ဖြန် ကျင်းပမယ့် ဆွေးနွေးပွဲကိုတော့ အမျိုးသားပြန်လည် သင့်မြတ်ရေးနှင့် ငြိမ်းချမ်းရေး ဗဟိုဌာန(NRPC) က ဦးသိန်းဇော်၊ ဦးခင်ဇော်ဦး၊ ဦးဇော်ဌေးနဲ့ ဦးလှမောင်ရွှေတို့ တက်ရောက်မှာ ဖြစ်တယ်လို့ သိရပါတယ်။ မြောက်ပိုင်း(၄) ဖွဲ့ထဲက အဖွဲ့ဝင်တွေ ဖြစ်ကြတဲ့ (KIO) အဖွဲ့ကတော့ အတွင်းရေးမှူး ဦးထိန်နန် ဦးဆောင်တဲ့ ကိုယ်စားလှယ် (၅) ဦး၊ (AA) အဖွဲ့ကတော့ ဒေါက်တာ ညိုထွန်းအောင် ဦးဆောင်တဲ့ ကိုယ်စားလှယ် (၃)ဦး၊ (TNLA) အဖွဲ့ကတော့ ဗိုလ်မှူး တာအိုက်ကျော် ဦးဆောင်တဲ့ ကိုယ်စားလှယ် (၃)ဦးနဲ့ (MNDAA) ကတော့ ဦးဝင်းနိုင် ဦးဆောင်တဲ့ ကိုယ်စားလှယ်(၂) ဦး တက်ရောက်မှာ ဖြစ်တယ်လို့ သိရပါတယ်။

ကိုဇော်ဝင်းလှိုင်  / ဗွီအိုအေ (မြန်မာပိုင်း)
https://burmese.voanews.com

လီဆူနဲ့ ရှမ်းတိုင်းရင်းသားတွေကို KIA က ဖမ်းဆီး သတ်ဖြတ်နေကြောင်း ဒူးလေးပါတီပြော

လီဆူအမျိုးသားဖွံ့ဖြိုးတိုးတက်ရေးပါတီ (ဒူးလေးပါတီ) က မြစ်ကြီးနားမြို့မှာ ၂၀၁၉၊ ဧပြီ ၂၉ ရက်နေ့က သတင်းစာရှင်းလင်းပွဲ ကျင်းပစဉ် / Photo: Citizen Journalist
ကချင်လွတ်မြောက်ရေးတပ်မတော် KIA က လီဆူတိုင်းရင်းသားတွေနဲ့ ရှမ်းတိုင်းရင်းသားတွေကို ဖမ်းဆီးနှိပ်စက်တာတွေရှိနေကြောင်း လီဆူအမျိုးသားဖွံ့ဖြိုးတိုးတက်ရေးပါတီ (ဒူးလေးပါတီ) က မြစ်ကြီးနားမြို့မှာ ဒီနေ့ သတင်းစာရှင်းလင်းပွဲ ကျင်းပခဲ့ပါတယ်။

ကချင်ပြည်နယ် ဖားကန့်မြို့နယ် ဘန်ကောက်ကျေးရွာမှာ ရွှေတူးဖော်နေတဲ့ လီဆူတိုင်းရင်းသား ဦးဂွါတီးအပါအဝင် လေးဦးကို ကချင်လွတ်မြောက်ရေးတပ်မတော် KIA တပ်ဖွဲ့ဝင်တွေက မတ်လ ၁၁ ရက်နေ့မှာ ဖမ်းဆီးသွားခဲ့ကြောင်း ဒူးလေးပါတီက ပြောပါတယ်။

ဖမ်းဆီးသွားသူတွေထဲက သုံးဦးကို မတ်လ ၁၇ ရက်နေ့မှာ KIA အဖွဲ့က သတ်လိုက်တယ်ဆိုတဲ့ သတင်းတွေ ဒီရက်ပိုင်းမှာ ကြားနေရတာကြောင်းနဲ့ ဖမ်းဆီးခံရသူတွေ အသက်ရှင်လျက်ရှိတယ်ဆိုရင် အမြန်ဆုံးပြန်လွှတ်ပေးဖို့ ဒူးလေးပါတီ ဥက္ကဋ္ဌ ဦးရွှေမင်းက သတင်းစာရှင်းလင်းပွဲမှာ ပြောပါတယ်။

KIA ပြောရေးဆိုခွင့်ရှိသူ ဗိုလ်မှူးကြီး နော်ဘူကတော့ အဲဒီ လေးဦးကို KIA က ဖမ်းဆီးခဲ့တာမရှိကြောင်း RFA ကို ဧပြီလ ၄ ရက်နေ့က ပြောဆိုထားပါတယ်။

ဒါ့အပြင် ဒူးလေးပါတီရဲ့ သဘောထားကြေညာချက်တစ်ခုကိုလည်း ဒီနေ့ထုတ်ပြန်ရာမှာ KIA အဖွဲ့က ဖမ်းဆီးနှိပ်စက် သတ်ဖြတ်တာတွေမခံရအောင် လီဆူတိုင်းရင်းသားတွေကို ကာကွယ်ပေးဖို့ နိုင်ငံတော် အစိုးရနဲ့ တပ်မတော် ကာကွယ်ရေး ဦးစီးချုပ်အပါအဝင် သက်ဆိုင်ရာအဖွဲ့အစည်းတွေကို တောင်းဆိုထားပါတယ်။

KIA အနေနဲ့ မတရားညှင်းပမ်းနှိပ်စက်သတ်ဖြတ်တာတွေ၊ မုဒိန်းကျင့်သတ်ဖြတ်တာတွေနဲ့ အဓမ္မ ဆပ်ကြေးကောက်ခံတာတွေ မလုပ်ဖို့ကို လီဆူတိုင်းရင်းသားတွေ စုပေါင်းပြီး ၂၀၁၇ ခုနှစ် မေလက မြစ်ကြီးနားမြို့မှာ စီတန်းလှည့်လည် လမ်းလျှောက် ဆန္ဒပြတာတွေ ရှိခဲ့ပါတယ်။

ဒီသတင်းကို RFA သတင်းထောက် မအဲလိဇဘက်ဂျန်မာ ပေးပို့တာပါ။

RFA Burmese
https://www.rfa.org/burmese

စဥ့်ကူမှာ ရွှေအင်းပြိုလို့ တရုတ်နိုင်ငံသား သတ္တုတူးဖော်ရေး ပညာရှင် အပါအဝင် ၂ ဦးသေဆုံ


မန္တလေးတိုင်း၊ စဥ့်ကူးမြို့နယ်ထဲက ကံတောင်ကျေးရွာမှာ ရှိတဲ့ ရွှေအင်းတစ်ခုမှာ ဧပြီ ၂၇ ရက် က ရုတ်တရက် မြေစာပြိုကျလို့ တရုတ်နိုင်ငံသား သတ္တုတူးဖော်ရေး ပညာရှင်တစ်ယောက် အပါအဝင် လူ ၂ ဦး သေဆုံးပြီး တစ်ဦး ဒဏ်ရာရ သွားပါတယ်။

အဲဒီ ရွှေအင်းဟာ ထက်ရည်လင်းကုမ္ပဏီ အုပ်စုပိုင် ဖြစ်ပြီး လုပ်ငန်းလုပ်ဖို့ ရွှေအင်းထဲကို ဆင်းနေချိန် ပေ ၅၀ ကျော် အရောက်မှာ ရုတ်တရက် ကျောက်သားနဲ့ မြေစာတွေ ပြိုကျလာလို့ လူသေဆုံးခဲ့ရတယ်ဆိုပြီး ကံတောင်ကျေးရွာ အုပ်ချုပ်ရေးမှူး ဦးစန်းဦးက ပြောပါတယ်။

မြေစာပိတဲ့အတွက် ကုမ္ပဏီဝန်ထမ်း အင်းလုပ်သားတစ်ဦးနဲ့ အတူ တရုတ်နိုင်ငံသား ပညာရှင်ပါ သေဆုံးသွားခဲ့ပြီး တရုတ်နိုင်ငံသားရဲ့ စကားပြန် ဖြစ်သူကတော့ ဒဏ်ရာအနည်းငယ် ရရှိသွားခဲ့တယ်လို့ သူက ပြောပါတယ်။

လူသေဆုံးမှု ဖြစ်ခဲ့တဲ့ ရွှေအင်း တည်ရှိရာ ကံတောင်ကျေးရွာဟာ တစ်ရွာလုံးနီးပါး ရွှေတူးဖော်ရေး အလုပ်ကိုသာ အဓိက လုပ်ကိုင်တဲ့ တောင်ပေါ်ဒေသ တစ်ခု ဖြစ်ပါတယ်။

အဲဒီမှာ ရွှေအင်းတွေကို လုပ်ကိုင်ခွင့်ရ ကုမ္ပဏီတွေက တိုက်ရိုက်လုပ်ကိုင်တာတွေ ရှိသလို ဒေသခံတွေက လုပ်ကိုင်ခွင့်ရ ကုမ္ပဏီက တဆင့် ပြန်လည်ရယူပြီး တပိုင်တနိုင် လုပ်ကိုင်တာတွေလည်း ရှိပါတယ်။

ဒီဖြစ်ရပ်နဲ့ ပတ်သက်ပြီး လက်ပန်လှ နယ်မြေရဲစခန်းမှာ သေမှုသေခင်း ဖွင့်ထားပြီး ရဲလုပ်ငန်းစဉ်အတိုင်း သက်သေတွေကို စစ်ဆေးဆောင်ရွက်သွားမှာ ဖြစ်တယ်လို့ စခန်းမှူး ရဲအုပ်ကျော်ခိုင်မိုးက ပြောပါတယ်။

BBC Burmese
https://www.bbc.com/burmese

အင်ဒိုနီးရှား မြို့တော် ဂျာကာတာ ကနေ တခြား နေရာကို ပြောင်းဖို့ သမ္မတ ဂျိုကို ဝီဒိုဒို လမ်းညွှန်

ဂျာကာတာ မြို့တော် ရဲ့ ညအလှ
အင်ဒိုနီးရှား နိုင်ငံ ရဲ့ မြို့တော် ကို ပြောင်းရွှေ့ မယ်လို့ သမ္မတ ဂျိုကို ဝီဒိုဒို က ဆုံးဖြတ် ထားတယ်လို့ သိရပါတယ်။ လက်ရှိ မြို့တော် ဂျာကာတာ က ကမ္ဘာ မှာ စတုတ္ထ မြောက် လူဦးရေ အထူထပ် ဆုံး မြို့တော် ဖြစ်ပါတယ်။

အင်ဒိုနီးရှားဟာ ဂျားဗား ကျွန်းစု တွေ ထဲက ပင်မ ကျွန်း ကြီး ကို မြို့တော် အဖြစ် သတ်မှတ် ထားပေမယ့် မြို့တော် အသစ် ကိုတော့ ဘယ်နေရာ ကို ပြောင်းရွှေ့ မှာလဲ ဆိုတာ ကိုတမသတ်မှတ်ရ သေးဘူးလို့ စီမံကိန်း ဝန်ကြီး က ဧပြီလ ၂၉ ရက်နေ့မှာ ပြောဆို လိုက်ပါတယ်။

အင်ဒိုနီးရှား နိုင်ငံမှာ လွန်ခဲ့တဲ့ နှစ်ပတ်လောက် က ရွေးကောက်ပွဲ ကျင်းပ ခဲ့ရာမှာ လက်ရှိ သမ္မတ ထပ်မံ အနိုင် ရရှိတယ်လို့ သတင်းတွေ ထွက်ပေါ် နေပေမယ့် တရားဝင် မဲရလဒ်တွေကို မေလ ၂၂ ရက်နေ့ကျမှ ထုတ်ပြန် မှာပါ။

သမ္မတ ဂျိုကို ဝီဒိုဒို ဟာ ရာထူး တာဝန် ပြန်လည် ထမ်းဆောင် တဲ့ အခါမှာ မြို့တော် ပြောင်းရွှေ့ ရေး ကို အဓိကထား လုပ်ဆောင် သွားမှာ ဖြစ်ပေမယ့် ၁၀ နှစ် လောက် အချိန် ယူရနိုင်တယ်လို့ စီမံကိန်း ဝန်ကြီး က ဆိုပါ တယ်။
 မြို့တော် ကို ပြောင်းမယ်လို့ သမ္မတ ဂျိုကို ဝီဒိုဒို က ကတိပေးထား
မြို့တော် ကို ဂျားဗား နဲ့ ဝေးတဲ့ နေရာ ကို ပြောင်းရွှေ့ဖို့ သမ္မတ က ဆုံးဖြတ် ခဲ့ပြီး ဒါက အရေးပါတဲ့ ဆုံးဖြတ်ချက် ဖြစ်တယ်လို့ စီမံကိန်း ဝန်ကြီး ဘန်ဘန်း ဘရိုဂျိုနီဂိုရို က အစိုးရ အဖွဲ့ အစည်းအဝေး အပြီး သတင်းမီဒီယာတွေကို ပြောဆို ခဲ့တာ ဖြစ်ပါတယ်။

အစိုးရ အနေနဲ့ နေရာသစ် ကို မရွေးချယ် ရသေးဘူး ဆိုပေမယ့် အင်ဒိုနီးရှား အရှေ့ပိုင်း က ကျွန်းစု တခုခု ဖြစ်ဖို့များ တယ်လို့ လေ့လာသူတွေက သုံးသပ် ကြပါတယ်။ အနာဂတ်မှာ ပြီးပြည့်စုံတဲ့ မြို့တော် ဖြစ်လာ စေဖို့ အမြော်အမြင် ရှိရှိ စဉ်းစား ပြီး ပြင်ဆင် ဆောင်ရွက် သွားမယ်လို့လည်း စီမံကိန်း ဝန်ကြီး က ပြောပါတယ်။

လက်ရှိ မြို့တော် ဂျာကာတာ ဟာ လူ ဦးရေ ၁၀ သန်း ကျော် နေထိုင်ပြီး မော်တော်ယာဉ် ပိတ်ဆို့မှုတွေ နဲ့ ရင်ဆိုင် ကြုံတွေ့ နေရတာ ဖြစ်ပါတယ်။ ဂျာကာတာ မှာ မော်တော်ယာဉ် ပိတ်ဆို့မှုတွေ ကြောင့် ဒေါ်လာ ၇.၀၄ ဘီလီယံလောက် နှစ်စဉ် ဆုံးရှုံး နေရတယ်လို့လည်း စီမံကိန်း ဝန်ကြီး က ဆို ပါတယ်။

ဒါ့အပြင် ဂျာကာတာ ဟာ ကုန်းမြေ အနိမ့်ပိုင်းမှာ တည်ရှိနေမှု၊ မြေအောက်ရေ ကို အလွန်အကျွံ ထုတ်ယူ သုံးစွဲ မှုတွေကြောင့် မြေပြို ကျမှု နဲ့ နှစ်စဉ် ရေကြီးမယ့် အန္တရာယ် ကိုလည်း ရင်ဆိုင် နေရ ပါတယ်။

နောက်ပြီး အင်ဒိုနီးရှား နိုင်ငံ ရဲ့ ၆၀ ရာခိုင်နှုန်းသော လူဦးရေ သန်း ၂၆၀ ဟာ ဂျားဗား ဒေသမှာ နေထိုင်ကြပြီး သူတို့ တွေရဲ့လူမှု ဘဝ တိုးတက် ကောင်းမွန် ဖို့ အတွက် မြို့တော် ကို ရွှေ့ပြောင်းဖို့ စဉ်းစား ရတာလို့ အစိုးရ အဖွဲ့ တာဝန် ရှိသူ က ဆိုပါတယ်။
ယာဉ်ကျော ပိတ်ဆို့မှု ပြဿနာ ကို အကြီးအကျယ် ရင်ဆိုင်နေရ
ပြီးခဲ့တဲ့ ရွေးကောက်ပွဲ ကတိကဝတ် အဖြစ် ကျေးလက် တောရွာ တွေမှာ ပါ စီးပွားရေး ဖွံ့ဖြိုး တိုးတက်အောင် ဆောင်ရွက် မယ်လို့ သမ္မတ က ပြောဆို မဲဆွယ် ခဲ့တာပါ။ သူ့ရဲ့ ရွေးကောက်ပွဲ ကတိကဝတ် ကြောင့် မြို့တော် ကို ပြောင်းရွှေ့ဖို့ ဆုံးဖြတ် ရတာ ဖြစ်တယ်လို့ နိုင်ငံရေး လေ့လာသူတွေက ပြောဆိုပါတယ်။

မြို့တော် ပြောင်းရွှေ့မယ့် ကုန်ကျ စားရိတ် ကို တော့ စီမံကိန်း ဝန်ကြီး က ထုတ်ဖော် ပြောကြားခြင်း မရှိပါဘူး။ ဒါပေမယ့် ၁၀ နှစ်လောက် အချိန် ယူ ရနိုင်တယ်လို့ ပြောပါတယ်။ ဘရာဇီး နဲ့ ကာဇက်စတန် နိုင်ငံ တွေ ရဲ့ မြို့တော် တွေပြောင်းရွှေ့ ခဲ့မှု ကိုလည်း အင်ဒိုနီးရှား က လေ့လာ ထား တယ်လို့ အစိုးရ အဖွဲ့ က ထုတ်ပြန် ထားပါတယ်။

နောက်ပြီး ဘော်နီယို ကျွန်းစု တွေ ထဲက ပလန်ကာရာယား ဒေသမှာ မြေ ဧက သုံးသိန်း လောက် ကို ပြင်ဆင်မှုတွေ လုပ် ထားတဲ့ အတွက် အဲဒီ ဒေသဟာ အင်ဒိုနီးရှား ရဲ့ မြို့တော် ဖြစ်လာ နိုင်တယ်လို့ နိုင်ငံရေး လေ့လာသူတွေက ခန့်မှန်း နေကြပါတယ်။

BBC Burmese
https://www.bbc.com/burmese

AA ဖမ်းဆီးထားတဲ့ ခူမီးတိုင်းရင်းသား ၅၂ ဦးကို ပြန်လွှတ်ပေးဖို့ တောင်းဆို

ရက္ခိုင့်တပ်မတော် AA ရဲ့ အမှတ်တံဆိပ်ကို တွေ့ရစဉ် / Photo: Tin Aung Khaing/ RFA
ချင်းပြည်နယ် ပလက်ဝမြို့နယ် ကင်းတလင်းကျေးရွာက ခူမီးတိုင်းရင်းသား ၅၂ ဦးကို ရက္ခိုင့် တပ်မတော် AA က ဖမ်းဆီးခေါ်ဆောင်သွားတာကို ပြန်လွှတ်ပေးဖို့ ခူမီးချင်းမျိုးနွယ်စုများရေးရာ ပေါင်းစပ်ညှိနှိုင်းရေးကောင်စီ (KACC) က မနေ့က ဧပြီလ ၂၈ ရက်နေ့စွဲနဲ့ ကြေညာချက်ထုတ်ပြန်ပြီး တောင်းဆိုလိုက်ပါတယ်။

ပြီးခဲ့တဲ့ ဖေဖော်ဝါရီလ ၂ ရက်နေ့က အစိုးရတပ်မတော်နဲ့ AA တို့ ကင်းတလင်းရွာနားမှာ တိုက်ပွဲဖြစ် ပွားရာကနေ မိသားစု ၁၂ စု က လူဦးရေ ၅၄ ဦးတို့ကို AA က ဖမ်းဆီးခေါ်ဆောင်သွားခြင်းခံလိုက်ရ တာလို့ KACC ဥက္ကဋ္ဌ ဦးကျော်ငြိမ်းက RFA ကို ပြောပါတယ်။

အားလုံးဖမ်းဆီးခေါ်ဆောင်ခြင်းခံရသူ ၅၄ ဦးထဲက နှစ်ဦးမှာ ပြန်လည်လွတ်မြောက်လာခဲ့ပြီး ကျန် တဲ့သူတွေဟာ AA စခန်းချနေရာတွေမှာ နေထိုင်နေရဆဲဖြစ်ပြီး အစာရေစာ မလုံမလောက်ဖြစ်နေကြရ တယ်လို့ ပြောပါတယ်။

ပြန်လွတ်လာသူ နှစ်ဦးရဲ့ပြောပြချက်အရ မြန်မာ-အိန္ဒိယ-ဘင်္ဂလားဒေ့ရှ် နယ်နိမိတ် ထိစပ်တဲ့နေရာမှာ တပ်စခန်းချထားတာလို့ပြောကြောင်း ဦးကျော်ငြိမ်း က ပြောပါတယ်။

တိုက်ပွဲတွေကြောင့် တောထဲထွက်ပြေးနေရတဲ့ ခူမီးလူမျိုးတွေကို စစ်ဘေးလွတ်ရာ ဘင်္ဂလားဒေ့ရ်ှနယ်စပ် တစ်နေရာဆီ AA က ပို့ဆောင်ပေးခဲ့တယ်လို့ AA ပြောခွင့်ရသူ ခိုင်သုခ က ပြန်လည်တုံ့ပြန်ထားပါတယ်။

AA ရက္ခိုင့်တပ်မတော်ဟာ ၂၀၁၅ ခုနှစ်ကတည်းက ပလက်ဝမြို့နယ်ထဲ အခြေချနေထိုင်ပြီး သူတို့ရဲ့နိုင်ငံရေးရည်မှန်းချက်ကို စစ်ရေးနည်းနဲ့ပုံဖော်နေကြပြီး ဇန်နဝါရီလဆန်းပိုင်းကတည်းက တိုက်ပွဲတွေဖြစ်ပွားနေပါတယ်။

ချင်းပြည်နယ်က ဒေသခံတွေဟာ တိုက်ပွဲတွေကြောင့် ဒေသဖွံ့ဖြိုးရေးပိုင်းကို ထိခိုက်နေကြရပြီး ဒေသ တွင်းတည်ငြိမ်မှုမရှိတာတွေကြောင့် စိုးရိမ်စိတ်တွေနဲ့ နေထိုင်လာကြရတယ်လို့ Chin Civil Society Network က ဧပြီလ ၂၅ ရက်နေ့က ကြေညာချက် ထုတ်ပြန်ထားပါတယ်။

"ဒီအခုတော့ တိုက်ပွဲတော့မဖြစ်ပေမယ့် ဒီလိုမျိုး ဖွံ့ဖြိုးရေးစီမံကိန်းတွေ အဟန့်အတားဖြစ်စေတာကို တွေ့ရတာကို၊ တိုက်ပွဲဖြစ်လာရင်တော့ လုံးဝရပ်တန့်သွားမှာပေါ့၊ စစ်ဘေးရှောင်ပြည်သူတွေလည်း ခု ချိန်ထိ ကြောက်စိတ်တွေ မပြေသေးဘူး၊ တိုက်ပွဲရှောင်ပြည်သူတွေလည်း ပိုများလာတာကို၊ ချင်းပြည် နယ်တည်ငြိမ်အေးချမ်းရေး၊ ဖွံ့ဖြိုးရေး ပြည်သူတွေရဲ့ ကြောက်စိတ်တွေမရှိအောင် အဟန့်အတားပေး နေတဲ့ဟာတွေမလုပ်ဖို့ကို တောင်းဆိုတာကို"

Chin Civil Society Network က ဆလိုင်း ဇကုတ်ထန်း က ပြောသွားတာဖြစ်ပါတယ်။

အလားတူ ဧပြီလ ၂၁ ရက်နေ့ကလည်း မတူပီမြို့နယ်ကနေ တပ်မတော်စစ်ကား အစီး ၁၀၀ လောက် ရောက်လာပြီး ပလက်ဝမြို့နယ်ဖက်ကို ချီတက်သွားကြတာကို ဒေသခံတွေက တိုက်ပွဲတွေဖြစ်လာမှာ ကို စိုးရိမ်နေကြတယ်လို့ ချင်းလူ့အခွင့်အရေးအဖွဲ့ကလည်း ဧပြီလ ၂၇ ရက်နေ့က ကြေညာချက်ထုတ် ပြန်ထားပါတယ်။

ချင်းလူ့အခွင့်အရေးအဖွဲ့က ဆလိုင်းတေရ က အခုလိုပြောပါတယ်။

"၂၁ ရက်နေ့ညနေပိုင်းမှာပဲ စစ်ကားရေ တစ်ရာလောက်နဲ့ တပ်မ ၇၇ လက်အောက်ခံတပ်တွေက မတူပီမှာရောက်လာကြတယ်၊ ပြီးတော့ အဖွဲံ့နှစ်ခုခွဲပြီးတော့ မတူပီမြောက်ဖက်ကို စစ်ကားအစီး ၅၀ လောက်နဲ့ စစ်သား တစ်ထောင်လောက်ရှိမယ် တက်သွားကြတာပေါ့နော်၊ နောက် ၄၀ ကျော်ကား တွေနဲ့ မတူပီတောင်ဖက်ကို ပလက်ဝလမ်းအတိုင်းသွားပြီး ပေါက်စိမ်းကျေးရွာမှာ ကား သုံးစီးက နား ထားတယ်တဲ့ ခြေကျင်နဲ့ ပလက်ဝနယ်ဖက်သွားပြီးတော့ ပါဆောင်းပေါ်ဆိုတဲ့သူနဲ့ သူ့ သူငယ်ချင်း နှစ်ယောက် ပေါင်း သုံးယောက်ကို လမ်းပြအဖြစ်နဲ့ ခေါ်သွားတယ်၊ သုံးယောက်စလုံးတော့ ပြန်လွှတ်ထားလိုက်တယ်လို့ သိရတယ်"

မတူပီကနေ ပလက်ဝမြို့နယ်ဖက်ကို တပ်မတော်က စစ်ယာဉ်တန်းတွေ သွားတယ်ဆိုတာကိုတော့ မသိရသေးကြောင်း ကုလားတန်မြစ်ဝှမ်း ဘက်စုံစီမံကိန်းလုပ်ငန်းတွေအတွက် ပလက်ဝမြို့နယ် တစ် ဝိုက်မှာ လုံခြုံရေးအရတာဝန်ယူထားပြီး တပ်ပြောင်းရွှေ့တာတွေတော့ရှိတယ်လို့ တပ်မတော် သတင်း မှန်ပြန်ကြားရေးအဖွဲ့က ဗိုလ်မှူးချုပ် ဇော်မင်းထွန်းက ပြောပါတယ်။

"မီဇိုရမ်နဲ့ ပလက်ဝ ကုလားတန်မြစ်စီမံကိန်းပေါ့ ၂၀၁၈ လောက်ကစပြီး ကျွန်တော်တို့ လုံခြုံရေးဆောင် ရွက်နေတာရှိပါတယ်၊ ကြောက်လန့်နေတယ်ဆိုတာ မဖြစ်နုိင်ဘူး၊ တချို့ရွာတွေဆို စစ်ကြောင်းကို သူ တို့ဆီမှာ လုံခြုံရေးဆောင်ရွက်ပေးဖို့ အကူအညီတောင်းနေတာတောင်ရှိတယ်၊ ကျွန်တော်တို့ လုံခြုံရေး အင်အားတိုးတာတို့ သွားချတာတို့တော့ မရှိပါဘူး၊ ကျွန်တော်တို့ဆီမှာတော့ စစ်ဆင်ရေးမှာလုပ်အား ပေးစေခိုင်းတာကိုတော့ အပြင်းအထန် ကန့်သတ်ထားတာရှိတယ်၊ သို့သော် အောက်ခြေတပ်တွေက တော့ရှိကောင်းရှိနိုင်ပါတယ်၊ ဒါတွေနဲ့ပတ်သက်ပြီး ကာယကံရှင်တွေ ကျေနပ်တဲ့အနေအထားရှိပါလိမ့် မယ်၊ ဒီ ချင်းလူ့အခွင့်အရေးအဖွဲ့ဆိုတာလည်း ဘယ်ကအဖွဲ့မှန်းတော့မသိဘူး"

ဒါ့အပြင် ပလက်ဝမြို့နယ် ကင်းတလင်းကျေးရွာက ခူမီးတိုင်းရင်းသား ၅၂ ဦးတို့ကို ဖေဖော်ဝါရီလ ၂ ရက်နေ့က အစိုးရတပ်မတော်နဲ့ AA တို့ တိုက်ပွဲဖြစ်ပွားခဲ့ပြီး ကင်းတလင်းရွာက ၅၄ ဦးတို့ကို AA က ဖမ်းဆီးခေါ်ဆောင်သွားတာ ပြန်လွှတ်ပေးဖို့အတွက် ခူမီးချင်းမျိုးနွယ်စုများရေးရာ ပေါင်းစပ်ညှိနှိုင်းရေး ကောင်စီ (KACC) က မနေ့က ဧပြီလ ၂၈ ရက်နေ့စွဲနဲ့ ကြေညာချက်ထုတ်ပြန်ပြီး တောင်းဆိုထားပါ တယ်။

အဲဒီထဲက နှစ်ဦးဟာပြန်လည်လွတ်မြောက်လာခဲ့ပြီး သူတို့ကို မြန်မာ-အိန္ဒိယ-ဘင်္ဂလားဒေ့ရှ် သုံးနိုင်ငံ နယ်နိမိတ်နေရာက AA စခန်းတစ်ခုကို ခေါ်ဆောင်သွားခဲ့တာလို့ ပြောကြောင်း KACC ဥက္ကဋ္ဌ ဦးကျော်ငြိမ်းက ပြောပါတယ်။

"ဘင်္ဂလားဒေ့ရ်ှရယ် အိန္ဒိယရယ် မြန်မာရယ် သုံးပွင့်ဆိုင်နေရာက အဲဒီမှာ သူတို့စခန်းရှိတယ် သူတို့နှစ် ဦးက မီးဇာရွာမှာပဲ စခန်းချတယ်၊ ကျန်တဲ့ ၅၂ ဦးက ဟိုမှာပဲကျန်သေးတာ၊ ဌာနချုပ်တော့ မဖြစ်နိုင်ဘူး ပြောလို့မရဘူး၊ အခုစစ်ရှောင်ဒုက္ခသည်က အများကြီးရှိတယ်၊ သက်ဆိုင်ရာပြည်နယ်အစိုးရကို တောင်း ဆိုတာ လောလောဆယ် ကူညီဆောင်ရွက်ပေးပါရန်ဆိုပြီး"

AA ပြောခွင့်ရသူ ခိုင်သုခ ကတော့ အဲဒီကြေညာချက်ပါ အချက်အလက်တွေကို အခုလိုငြင်းဆိုထားပါ တယ်။

"ခူမီးလူမျိုးတွေက လွန်ခဲ့တဲ့ ဖေဖော်ဝါရီလလောက်က သူတို့ရွာတွေကို ဗမာစစ်တပ်က လက်နက်ကြီး တွေနဲ့ ပစ်ပြီးဖြိုလိုက်တာတွေရှိတယ်၊ ရွာသားတွေက ကြောက်ပြီးထွက်ပြေးကာ တောထဲမှာခိုအောင်း နေကြတယ်၊ ကျွန်တော်တို့ စစ်ကြောင်းတွေနဲ့တွေ့ပြီးတော့မှ ဘေးလွတ်တဲ့နေရာပေါ့ နယ်စပ်ဖက်ကို ကူညီပို့ဆောင်ပေးခဲ့တာ၊ ဘင်္ဂလားဒေ့ရ်ှနယ်စပ်ဖက်ရောက်ပြီး ပထမပိုင်းမှာ ဘင်္ဂလားဒေ့ရ်ှအစိုးရဖက် က ကူညီထောက်ပံ့ခဲ့တာရှိတယ်၊ သူတို့ အခုအဲဒီမှာပဲ လုပ်ကိုင်စားသောက်တာရှိတယ်၊ ကျွန်တော်တို့ က အတင်းအကြပ်ခေါ်ထားတာမဟုတ်ဘူး၊ ခူမီးတွေက သူတို့ကော်မတီက ထုတ်ပြန်တာ လုံးဝတစ် ဖက်သတ်ဆန်တယ်၊ သူတို့လည်းသွားပြီးတော့ သူတို့လူတွေကို မေးကြည့်လို့ရတယ်"

ပလက်ဝမြို့နယ်ထဲမှာ အစိုးရတပ်မတော်နဲ့ AA တို့ ဇန်နဝါရီလဆန်းပိုင်းကတည်းက တိုက်ပွဲတွေဖြစ် ပွားနေရာ လက်ရှိ စစ်ဘေးဒုက္ခသည် ၂၀၀၀ ကျော်တို့ဟာ ဒုက္ခသည်စခန်း ၄ ခု တို့မှာ ခိုလှုံနေကြရ တယ်လို့ သိရပါတယ်ခင်ဗျာ။

ဒီသတင်းကို RFA သတင်းထောက် ကိုကျော်သူ ပေးပို့တာပါ။

RFA Burmese
https://www.rfa.org/burmese

ISIS အန္တရာယ်ကို ပြည်သူတွေ သတိရှိဖို့ တပ်မတော်ပြော

(၇၄)နှစ်မြောက်တပ်မတော်နေ့ စစ်ရေးပြအခမ်းအနား
မြန်မာနိုင်ငံကို ISIS အကြမ်းဖက်အဖွဲရဲ့ ခြိမ်းခြောက်မှုတွေရှိလာနိုင်ကြောင်း ပြောဆိုသံတွေ ထွက်လာတာကြောင့် ပြည်သူလူထုအနေနဲ့ လုံခြုံရေးသတိရှိဖို့ တပ်မတော်က သတိပေးပြောဆိုလိုက်ပါတယ်။

တပ်မတော်သတင်းမှန်ပြန်ကြားရေအဖွဲ့ ဒုတိယ ဥက္ကဋ္ဌ ဗိုလ်ချုပ် ထွန်းထွန်းညီကို RFA က ဆက်သွယ်မေးမြန်းရာမှာ ပြည်သူလူထုအနေနဲ့ လုံခြုံရေးသတိရှိဖို့နဲ့ ထူးခြားတဲ့ လှုပ်ရှားမှုမျိုးတွေ့ရှိရင် နီးစပ်ရာ လုံခြုံရေးဌာနတွေကို သတင်းပေးကြပါလို့ ပြောပါတယ်။

ဒါ့အပြင် ISIS အကြမ်းဖက်အဖွဲ့တွေ ၀င်မလာနိုင်ဖို့ကို ကြိုတင်ဆောင်ရွက်နေကြောင်း သတင်းတွေကြိုတင်ရရှိဖို့ နည်းလမ်းပေါင်းစုံနဲ့ ဆောင်ရွက်နေကြောင်း ဗိုလ်ချုပ် ထွန်းထွန်းညီက ဆက်ပြောပါတယ်။

အကြမ်းဖက်အဖွဲ့တွေကို နှိမ်နှင်းရေးအတွက်လည်း အာဆီယံနိုင်ငံတွေအပါအ၀င် နိုင်ငံတကာနဲ့ပါ ပူးပေါင်းဆောင်ရွက်နေကြောင်းလည်း ဗိုလ်ချုပ် ထွန်းထွန်းညီက ပြောပါတယ်။

အိုင်အက်စ် စစ်သွေးကြွ အကြမ်းဖက်အဖွဲ့ဟာ ဖိလစ်ပိုင်တောင်ပိုင်းနဲ့ မြန်မာနိုင်ငံ ရခိုင်ပြည်နယ်ကို အခုအခါမှာ ထိုးဖောက် ဝင်ရောက်ဖို့အတွက် မလေးရှားနိုင်ငံ Sabah ပြည်နယ်က Tawau နဲ့ Sandakan ဒေသတွေကို စုရပ်အဖြစ် ရွေးချယ်ထားတယ်လို့ မလေးရှား ရဲမင်းကြီးTan Sri Mohamad Fuzi Harun က ပြီးခဲ့တဲ့ ကြာသပတေးနေ့ သတင်းမီဒီယာတွေကို မလေးရှားနိုင်ငံမှာ ပြောကြားထားပါတယ်။

ဒီသတင်းကို RFA သတင်းထောက် ကိုထက်အာကာ ပေးပို့တာပါ။

RFA Burmese
https://www.rfa.org

အဂတိ ကော်မရှင်ကြောင့် ဘဏ္ဍာငွေ ကန်ဒေါ်လာ လေးသန်းကျော် ပြန်လည်ရရှိ

အဂတိ လိုက်စားမှု တိုက်ဖျက်ရေး ကော်မရှင်ဥက္ကဋ္ဌ ဦးအောင်ကြည်အားတွေ့ရစဉ် (ဆင်ဟွာ)
 နေပြည်တော်၊ ဧပြီ ၂၉ ရက်(ဆင်ဟွာ)

    အဂတိ လိုက်စားမှု တိုက်ဖျက်ရေး ကော်မရှင်၏ စုံစမ်း စစ်ဆေးမှုကြောင့် မြန်မာငွေ ၃၀ ဒသမ ၈၉ သန်းနှင့် အမေရိကန်ဒေါ်လာ ၄ ဒသမ ၀၀၃ သန်းတို့ အား ပြည်သူ့ ဘဏ္ဍာငွေအဖြစ် ပြန်လည် ပေးသွင်းနိုင်ခဲ့ကြောင်း အဂတိ လိုက်စားမှု တိုက်ဖျက်ရေး ကော်မရှင် ဥက္ကဌ ဦးအောင်ကြည်က ယနေ့  ပြည်ထောင်စု လွှတ်တော် အစည်းအဝေးတွင် ရှင်းလင်း တင်ပြခဲ့သည်။

“ကော်မရှင်ရဲ့ စုံစမ်း စစ်ဆေးမှုကြောင့် ၂၀၁၈ ခုနှစ်အတွင်း သက်ဆိုင်ရာဌာနများတွင် ဆုံးရှုံးမှု ဖြစ်နိုင်ဖွယ်ရှိသော မြန်မာငွေ ၃၀ ဒသမ ၈၉ သန်းနှင့် အမေရိကန်ဒေါ်လာ ၄ ဒသမ ၀၀၃ သန်းတို့  အား ပြည်သူ့ ဘဏ္ဍာငွေအဖြစ် ပြန်လည် ပေးသွင်းနိုင်ခဲ့ကြောင်း တင်ပြအပ်ပါတယ်” ဟု ကော်မရှင် ဥက္ကဌက ပြောခဲ့သည်။

၂၀၁၇ နိုဝင်ဘာ ၂၃ ရက်နေ့ တွင် စတင်ဖွဲ့ စည်းခဲ့သော အဂတိလိုက်စားမှု တိုက်ဖျက်ရေး ကော်မရှင် သည် ၂၀၁၈ ခုနှစ်အတွက် လုပ်ငန်းစီမံချက် ခုနစ်ရပ်ကို ရေးဆွဲ ချမှတ်ပြီး မဟာဗျူဟာ စီမံချက် ကာလတို (၂၀၁၈ - ၂၀၂၁ )ဆောင်ရွက်ခဲ့ရာ ၂၀၁၈ ခုနှစ်အတွင်း တိုင်ကြားစာပေါင်း ၁၀,၅၄၃ စောင် ရရှိခဲ့သည်။ အဆိုပါ အရေအတွက်မှာ ယမန်နှစ်ကထက် ငါးဆမျှ ရှိကြောင်း၊ အဂတိလိုက်စားမှု တိုက်ဖျက် ရေး ဥပဒေနှင့်အညီ စုံစမ်း စစ်ဆေးသည့် တိုင်ကြားစာ ၄၆ စောင် ရှိပြီး နိုင်ငံ့ဝန်ထမ်း ဥပဒေအရ အရေးယူသင့်သည်ဟု စိစစ်တွေ့ ရှိသဖြင့် သက်ဆိုင်ရာ ပြည်ထောင်စု ၀န်ကြီးဌာနနှင့် တိုင်းဒေသကြီး ပြည်နယ် အစိုးရအဖွဲ့ များသို့  လွှဲပြောင်း ပေးပို့ သော တိုင်ကြားစာ ၁,၇၉၅ စောင် ရှိကြောင်း၊ ဥပဒေ အရ အရေးယူ ဆောင်ရွက်နိုင်ရန်အတွက် လိုအပ်ချက်များကို ဆွေးနွေး အကြံပြုခဲ့ သော တိုင်ကြားစာ ၅,၂၈၆ စောင်နှင့် အဂတိလိုက်စားမှု တိုက်ဖျက်ရေး ဥပဒေနှင့် အကျုံးမ၀င်သော တိုင်ကြားစာ ၂,၈၂၄ စောင်တို့အား ပြည်သူ တစ်ဦးချင်းထံ ပြန်ကြားပေးနိုင်ခဲ့ကြောင်း၊ သက်ဆိုင်ရာ ပြည်ထောင်စု ၀န်ကြီး ဌာနနှင့်အစိုးရအဖွဲ့ အစည်းများသို့ လွှဲပြောင်း ပေးပို့ ခဲ့သော တိုင်ကြားစာများနှင့် ပတ်သက်၍ နိုင်ငံ့ ၀န်ထမ်း ဥပဒေအရ အရေးယူ ဆောင်ရွက်ခဲ့ကြောင်း ပြန်ကြားသည့် အရေအတွက်မှာ ၅၃၈ စောင် ဖြစ်ကြောင်းလည်း ကော်မရှင် ဥက္ကဌက လွှတ်တော်သို့  ရှင်းလင်း တင်ပြခဲ့သည်။

“ကော်မရှင်အနနဲ့ တစ်နိုင်ငံလုံး အဂတိလိုက်စားမှုများကို မပြတ် စောင့်ကြည့်ရေးနဲ့  သုံးသပ် အကဲဖြတ်နိုင်ရေးအတွက် တတိယ အဖွဲ့ အစည်းတစ်ခုကို လုပ်ငန်းအပ်နှံပြီး ၂၀၁၈ အောက်တိုဘာ လမှ ဒီဇင်ဘာလကုန်အထိ ချင်းပြည်နယ်မှအပ မြန်မာတစ်နိုင်ငံလုံးမှာ စစ်တမ်း ကောက်ယူခဲ့ပါ တယ်၊ စစ်တမ်းအရ အဂတိလိုက်စားမှုဟာ ၂၀၁၈ ခုနှစ် နှစ်ကုန်အထိ သိသိသာသာ ကျမသွားဘဲ အရင်အတိုင်း ဆက်ရှိနေတာကို တွေ့ ရပါတယ်” ဟုလည်း ကော်မရှင် ဥက္ကဌက ပြောခဲ့သည်။

ထိုသို ဖြစ်ရခြင်းမှာ အများပြည်သူအကျိုးထက် မိမိကိုယ်ကျိုး အတွက်သာ ဦးစားပေးသူက များနေခြင်း၊ အစဉ်အလာအတိုင်းသာ ဆက်လက် လုပ်ဆောင်လိုကြပြီး မပြောင်းလဲနိုင်ကြခြင်း၊ ထိရောက်စွာ အရေးယူမှု အားနည်းခြင်းနှင့် အချို့  နေရာများတွင် တရားဥပဒေ စိုးမိုးမှု အားနည်းနေခြင်းတို့ ကြောင့် ဖြစ်ရသည်ဟု ပြည်သူများက ရှုမြင်ကြသည်ကို တွေ့ ရကြောင်း၊ အဆိုပါ စစ်တမ်းအရလည်းကောင်း၊ ကော်မရှင်၏ ၂၀၁၈ ခုနှစ်အတွင်း လုပ်ငန်း ဆောင်ရွက်ချက်အပေါ် ပြန်လည် သုံးသပ်ချက်အရ လည်းကောင်း ကော်မရှင်သည်အဂတိလိုက်စားမှု တိုက်ဖျက်ရေးနှင့် ကာကွယ်တားဆီးရေး လုပ်ငန်းများကို ၂၀၁၉ ခုနှစ်တွင် ပိုမို အရှိန်အဟုန် မြှင့်တင် ဆောင်ရွက်သွားနိုင်ရန် လိုအပ်လျက် ရှိပါကြောင်းလည်း ကော်မရှင် ဥက္ကဌက ပြည်ထောင်စု လွှတ်တော်သို့  တင်ပြခဲ့သည်။

(Xinhua)
http://www.xinhuamyanmar.com

Huawei က ကမ္ဘာ့ အမြန်ဆုံး 5G Foldable ဖုန်းဖြစ်သော Mate X အား မြန်မာနိုင်ငံ၌ ပထမဆုံး အကြိမ် ထုတ်ဖော် ပြသ

Huawei Mate X အား ထုတ်ဖော် ပြသမှုအား တွေ့ ရစဉ်(ဆင်ဟွာ)

    ရန်ကုန် ၊ ဧပြီ ၂၉ ရက်(ဆင်ဟွာ)

    Huawei က “အပြည့်အ၀ ချိတ်ဆက်ပြီး အသိဥာဏ် ရှိသော မြန်မာနိုင်ငံ တည်ဆောက်ရေး” ခေါင်းစဉ်ဖြင့် Huawei Myanmar ICT Congress 2019 အား ယနေ့ တွင် ရန်ကုန်မြို့ ၌ ပြုလုပ်ခဲ့ရာ ကမ္ဘာ့ အမြန်ဆုံး 5G Foldable ဖုန်းဖြစ်သော Mate X အား မြန်မာနိုင်ငံ၌ ပထမဆုံး အကြိမ် ထုတ်ဖော် ပြသခဲ့သည်။

Huawei Mate X သည် ခေါက်ထားသည့် အချိန်တွင် ၆.၆ လက်မ အရွယ် ရှိသည့် စမတ်ဖုန်း အဖြစ် အသုံးပြုနိုင်မည် ဖြစ်ပြီး ဖြန့် ချလိုက်သည့် အခါတွင် ၈ လက်မ အရွယ် ရှိသည့် ပါးလွှာသော တတ်ဘလက် အဖြစ်သို့ ပြောင်းလဲ အသုံးပြုနိုင်မည် ဖြစ်ကြောင်း သိရသည်။မြန်မာနိုင်ငံ၌ ပြုလုပ်သော Huawei Myanmar ICT Congress 2019 တွင် Huawei က ကမ္ဘာ့ အမြန်ဆုံး 5G Foldable ဖုန်းဖြစ်သော Mate X အပါအ၀င် ၄င်း၏ နောက်ဆုံးပေါ် ထုတ်ကုန် နှင့် ဆန်းသစ်သည့် ICT solutions များကို အဆိုပါ ကွန်ဂရက်တွင် မိတ်ဆက်ပေးခဲ့ကြောင်း သိရသည်။

Huawei က ဆက်သွယ်ရေး လုပ်ငန်းများ ပိုပြီး အောင်မြင်လာအောင် နှင့် အောင်မြင်ရေး နည်းလမ်းသစ်များကို ကူညီ ရှာဖွေပေးရန် ကတိက၀တ် ပြုထားကြောင်း ၊ အဆိုပါ အခွင့်အလမ်း အသစ်များကို အတူရှာဖွေနိုင်ကြရန် Huawei Myanmar ICT Congress 2019 ကို ကျင်းပခြင်း ဖြစ်ကြောင်း Huawei Myanmar ၏ Chief Technology Officer(CTO)ဖြစ်သူ Mr.Jim He က ပြောကြားခဲ့သည်။
 Huawei Myanmar ICT Congress 2019 ကျင်းပစဉ်(ဆင်ဟွာ)
Huawei Mate X ကို မြန်မာနိုင်ငံသို့  ယခု ၂၀၁၉ ခုနှစ် နှစ်ကုန်ပိုင်းတွင် သွင်းရန် လျာထားကြောင်း ၊ အသေးစိတ် အချက်အလက်များအား ပြန်လည် ကြေညာပေးသွားမည် ဖြစ်ကြောင်း Huawei Device Myanmar  ၏ Training Manager ဖြစ်သူ ကိုသက်နိုင်မြင့်က ပြောကြားခဲ့သည်။စပိန်နိုင်ငံ ဘာစီလိုနာမြို့ ၌ ဖေဖော်ဝါရီလတွင် ကျင်းပခဲ့သော ကမ္ဘာ့ မိုဘိုင်း ကွန်ဂရက်(MWC) တွင် ကမ္ဘာ့  အမြန်ဆုံး 5G Foldable ဖုန်းဖြစ်သော Mate X အား ထုတ်ဖော် ပြသခဲ့ပြီး ကမ္ဘာတစ်လွှားရှိ လူအများ အပြား၏ စိတ်ဝင်စားမှုကို ရရှိခဲ့ကြောင်း သိရသည်။Huawei Mate X သည် 4G နှင့် 5G နှစ်မျိုးစလုံးအား ထောက်ပံ့နိုင်မည့် Dual SIM လုပ်ဆောင်ချက် ပါဝင်ကြောင်း သိရသည်။အဆိုပါ Mate X တွင် ပါးလွှာသည့် စမတ်ဖုန်း ကိုယ်ထည်ထဲတွင် နောက်ဆုံးပေါ် Leica ကင်မရာများ ပါဝင်လာပြီး အဆင့်မြင့် ပုံရိပ်ပိုင်း ဆိုင်ရာ လုပ်ဆောင်ချက်များအား ပံ့ပိုးပေးနိုင်မည် ဖြစ်ကြောင်း ၊ Foldable ဒီဇိုင်းကြောင့် ပါဝင်သည့် ကင်မရာ စနစ်အား အရှေ့ နှင့် အနောက် ကင်မရာ နှစ်မျိုးစလုံး အဖြစ် အသုံးပြုနိုင် စေမည် ဖြစ်ကြောင်း သိရသည်။

 Huawei Myanmar ၏ Chief Technology Officer(CTO)ဖြစ်သူ Mr.Jim He က ပြောကြားစဉ်(ဆင်ဟွာ)
Huawei Mate X တွင် ခေါက်ထားသည့် အခါ မျက်နှာပြင် နှစ်ဖက်နှစ်ချပ်လုံးတွင် ရိုက်ကူးနေသည့် ပုံရိပ်အား ပြသနိုင်မည် ဖြစ်ပြီး ရိုက်ကူးခံနေသည့်သူမှလည်း ရိုက်ကူးနေသူ နှင့် အတူတကွ ဓာတ်ပုံ ရိုက်ကူး ဖန်တီးခွင့် ရရှိမည် ဖြစ်ကြောင်း သိရသည်။Huawei Myanmar ICT Congress 2019 အား ကျင်းပခြင်းအားဖြင့် Huawei ၏ ဆန်းသစ် တီထွင်သည့် နည်းပညာသစ်များအား တွေ့ ရှိရမည် ဖြစ်ကြောင်း ၊ မြန်မာနိုင်ငံ၌ 5G နည်းပညာကို သုံးစွဲနိုင်ရန် နည်းပညာပိုင်း အများကြီး ဆက်လက် ရင်းနှီးမြှုပ်နှံသွားမည် ဖြစ်ကြောင်း Huawei Myanmar ၏ Chief Technology Officer(CTO)ဖြစ်သူ Mr.Jim He က သတင်းထောက်များအား ပြောကြားခဲ့သည်။
Huawei Mate X အား ထုတ်ဖော် ပြသမှုအား တွေ့ ရစဉ်(ဆင်ဟွာ)
လက်ရှိတွင် ကမ္ဘာ့ နိုင်ငံ အများအပြားက 5G ကို စတင် တပ်ဆင် အသုံးပြုရန် ကြိုးစား နေကြပြီး ၂၀၂၀-၂၀၂၁ ခုနှစ်ပိုင်းတွင် မြန်မာနိုင်ငံ၌ 5G ကို စီးပွားရေး အရ အသုံးပြုလာလိမ့်မည်ဟု ခန့် မှန်းရကြောင်း Huawei က ယနေ့ ပြုလုပ်သော ကွန်ဂရက် နှင့် စပ်လျဉ်း၍ သတင်း ထုတ်ပြန်ချက်တွင် ဖော်ပြထားသည်။

စပိန်နိုင်ငံ ဘာစီလိုနာမြို့ ၌ ဖေဖော်ဝါရီလတွင် ကျင်းပခဲ့သော ကမ္ဘာ့ မိုဘိုင်း ကွန်ဂရက်(MWC) တွင် ပြသခဲ့သည့် တီထွင်ဖန်တီးမှုများကို နိုင်ငံတွင်းရှိ မိုဘိုင်း နယ်ပယ် နှင့် ဆက်စပ် အဖွဲ့ အစည်း အားလုံးက ပိုမို နားလည် သိရှိ လေ့လာနိုင်စေရန် ရည်ရွယ်သည့် အဆိုပါ ကွန်ဂရက်ကို Huawei က ၂၀၁၇ ခုနှစ်မှ စတင်၍ ကျင်းပခဲ့ကြောင်း သိရသည်။

(Xinhua)
http://www.xinhuamyanmar.com

ထိုင်းဘုရင်သစ် နန်းတက်ပွဲအတွက် အပြီးသတ်ပြင်ဆင်

ထိုင်းဘုရင် Maha Vajiralongkorn နန်းတက် ဘိသိတ်ခံပွဲအတွက် ဝတ်စုံပြည့် ချီတက် အစမ်း လေ့ကျင့်နေကြတဲ့ တော်ဝင်လုံခြုံရေးတပ်ဖွဲ့ဝင်များ (ဧပြီ၊ ၂၉၊ ၂၀၁၉)
မေလ ၄ ရက်နေ့ကနေ ၆ ရက်နေ့အထိ ကျင်းပမယ့် ထိုင်းဘုရင် Maha Vajiralongkorn နန်းတက် ဘိသိတ်ခံပွဲအတွက် ထိုင်းနိုင်ငံ ဘန်ကောက်မြို့မှာ အပြီးသတ် ပြင်ဆင်မှုတွေ လုပ်နေပါတယ်။

ထိုင်းမှာ နှစ်ပေါင်း ၇၀ နီးပါးအတွင်း ပထမဆုံး နန်းတက်ပွဲအတွက် တနင်္ဂနွေနေ့ကတော့ ဘုရင့်နန်းတော်ရှေ့မှာ တော်ဝင်လုံခြုံရေးတပ်ဖွဲ့ဝင်တွေ ဝတ်စုံပြည့် ချီတက် အစမ်းလေ့ကျင့်ခဲ့ကြပါတယ်။

ထိုင်းဘုရင်ကြီး Bhumibol Adulyadej ၂၀၁၆ အောက်တိုဘာလမှာ နတ်ရွာစံသွားပြီးတဲ့နောက်မှာ Rama မင်းဆက်ရဲ့ ၁၀ ယောက်မြောက် ဘုရင်အဖြစ် သားတော် Vajiralongkorn က စည်းမျဉ်းခံ ဘုရင်စနစ်အရ ထီးနန်း အရိုက်အရာကို ဆက်ခံမှာ ဖြစ်ပါတယ်။

မေလ ၄ ရက်ကနေ ၆ ရက်နေ့အထိ ကျင်းပမယ့် နန်းတက်ပွဲ အခမ်းအနားတွေအတွက် ထိုင်းအစိုးရက ဒေါ်လာ ၃၁ သန်းလောက် ကုန်ကျခံဖို့ သတ်မှတ်ထားပြီး ဒါဟာ ဘုရင်ကြီး Bhumibol ဈာပနပွဲ အခမ်းအနားအတွက် ကုန်ကျစားရိတ်ရဲ့ ၃ ပုံ ၁ ပုံပဲ ရှိပါတယ်။

နန်းတက်ပွဲကို ဗုဒ္ဓဘာသာ ထုံးတမ်းအပြင် ဟိန္ဒူ ဗြာဟ္မဏ ထုံးတမ်းစဉ်လာအရပါ ကျင်းပသွားမှာ ဖြစ်ပါတယ်။ နန်းတက် ဘိသိတ်ခံပွဲ ကို မေလ ၄ ရက်နေ့မှာ ကျင်းပမှာ ဖြစ်ပြီး ဘုရင်အသစ်က အများပြည်သူနဲ့ နိုင်ငံခြားဧည့်သည်တော်တွေကို မေလ ၆ ရက်နေ့မှာ တွေ့ဆုံမှာ ဖြစ်ပါတယ်။ အဲဒီနေ့ကို တနိုင်ငံလုံး ရုံးပ်ိတ်ရက်အဖြစ် သတ်မှတ်ထားပါတယ်။

စည်းမျဉ်းခံ ဘုရင်စနစ်ကို ၁၉၃၂ ခုနှစ်ထဲက စတင်ကျင့်သုံးလာခဲ့တဲ့ ထိုင်းနိုင်ငံမှာ ဘုရင်ဟာ ပြည်သူ နဲ့ ယဉ်ကျေးမှုကို စောင့်ရှောက်ကာကွယ်ပေးသူအဖြစ် ပြည်သူလူထုက လက်ခံထားကြပါတယ်။

ထိုင်းဘုရင်ကို ထောက်ခံတဲ့ အနေနဲ့ ထိုင်းနိုင်ငံမှာ အခု ဧပြီလ ကနေ ဘုရင် Vajiralongkorn ရဲ့ မွေးလ ဇူလိုင်လကုန်တဲ့အထိ ထိုင်းပြည်သူတွေကို တော်ဝင် အရောင်ဖြစ်တဲ့ အ၀ါရောင်ကို ၀တ်ဆင်ကြဖို့ နှိုးဆော်ထားပါတယ်။

ဗွီအိုအေ (မြန်မာပိုင်း)
https://burmese.voanews.com

အစိုးရနဲ့ မြောက်ပိုင်းမဟာမိတ်အကြား နှစ်ဖက်အပစ်ရပ်ဆွေးနွေးမည်

မြောက်ပိုင်းမဟာမိတ်အဖွဲ့ဝင် KIA တပ်ဖွဲ့ဝင်များ
အစိုးရရဲ့ အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာန NRPC နဲ့ မြောက်ပိုင်းမဟာမိတ်အဖွဲ့ ၄ဖွဲ့က ကိုယ်စားလှယ်တွေဟာ ဒီလ ၃၀ ရက်နေ့မှာ မူဆယ်မြို့ ဒီတွေ့ဆုံဖို့ ရှိပြီးအဓိက Bilateral နှစ်ဘက်အပစ်ရပ်ရေးဆွေးနွေးဖို့ ရှိနေပါတယ်။ NRPC ဘက်ကတော့ Bilateral နှစ်ဘက်အပစ်ရပ်ရေးကို သဘောတူညီပြီးရင် NCA အပစ်ရပ်စာချုပ်ကို ပါဝင်လက်မှတ်ရေးထိုးဖို့ ဆွေးနွေးဖွယ်ရှိပြီး မြောက်ပိုင်းမဟာမိတ်တွေဘက်ကတော့ တိုက်ပွဲတွေ ရပ်စဲရေးကို ဦးစားပေး ဆွေးနွေးဖွယ်ရှိနေပါတယ်။ ဒီသတင်းကိုတော့ ဗီအိုအေမြန်မာပိုင်းရဲ့သတင်းထောက်က ကိုမိုးဇော်က ရန်ကုန်မြို့ကနေ သတင်းပေးပို့ထားပါတယ်။

ဟုတ်ကဲ့။ တပ်မတော်က ကချင်နဲ့ ရှမ်းပြည်နယ်က စစ်တိုင်းဌာနချုပ်နယ်မြေ ၅ခုမှာ ၄လတာ အပစ်ရပ်စဲကြောင်းကြေညာထားတဲ့ရက် ပြည့်မြောက်တဲ့နေ့မှာပဲအစိုးရရဲ့ အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာန NRPC နဲ့ မြောက်ပိုင်းမဟာမိတ်အဖွဲ့ ၄ဖွဲ့က ရှမ်းပြည်နယ်မြောက်ပိုင်း မူဆယ်မြို့မှာ တွေ့ဆုံကြမှာဖြစ်ပါတယ်။

ဒီတွေ့ဆုံပွဲမှာ မြောက်ပိုင်းမဟာမိတ် ၄ဖွဲ့က အဓိက ဆွေးနွေးမယ့်အချက်တွေကိုတော့ ပလောင်ပြည်နယ်လွတ်မြောက်ရေးတပ်ဦး PSLF/TNLA ရဲ့ အထွေထွေအတွင်းရေးမှုး တားဘုန်းကျော်က အခုလို ပြောပါတယ်။

“ ကျနော်တို့ဘက်က အဓိက ပြင်ဆင်ထားတာကတော့ အခုဖြစ်နေတဲ့ တိုက်ပွဲတွေကို တကယ် လက်တွေ့ကျကျ ဘယ်လို ရပ်မလဲ။ အပစ်အခတ်ရပ်စဲေး ဘယ်လို့ လုပ်မလဲပေါ့။ အထူးသဖြင့် ကျနော်တို့ ဒီ ၄ဖွဲ့က တခြားအဖွဲ့နဲ့ မတူဘူး။ ကျနော်တို့ bilateral အပစ်အခတ် ရပ်စဲရေး သဘောတူညီချက်တွေ မရသေးဘူး။ အဲဒါကြောင့်မို့ ကျနော်တို့ ၄ဖွဲ့ကတော့ အဓိကကတော့ ဒီ တိုက်ပွဲတွေ ဘယ်လိုရပ်မလဲ။ bilateral သဘောတူညီချက် စာချုပ်ရအောင်ဘယ်လို လုပ်ကြမလဲ ဆိုတာ အဓိက ဆွေးနွေးဖို့ ဖြစ်ပါတယ်။ ”

မြောက်ပိုင်းမဟာမိတ် ၄ဖွဲ့မှာ KIO/KIA ကချင်၊ MNTJP/ MNDAA ကိုးကန့်၊ PSLF/TNLA တအန်း(ပလောင်)၊ ULA/AA ရခိုင် လက်နက်ကိုင်အဖွဲ့တွေပါဝင်ပြီး ဒီနှစ်ပိုင်းတွေအတွင်းမှာ ရခိုင်ပြည်နယ်ဘက်မှာ တိုက်ပွဲတွေ ပြင်းထန်ခဲ့ပါတယ်။

KIO အနေနဲ့ကတော့ လာမယ့် ဆွေးနွေးပွဲမှာ IDP ခေါ် စစ်ရှောင်တွေ နေရပ်ပြန်ရေးကို ထည့်သွင်းဆွေးနွေးဖွယ်ရှိကြောင်း ကချင်နှစ်ခြင်းခရစ်ယာန်အဖွဲ့ချုပ် KBC ရဲ့ ဥက္ကဌ ဒေါက်တာ ခလပ်ဆမ်ဆွန်က ပြောပါတယ်။

“ အဓိကကတော့ ဒီ ဒုက္ခသည် IDP ပြန်ရေးကို focus လုပ်ပြီးမှ အပစ်အခတ်ရပ်စဲရေးကို ဆွေးနွေးမယ်လို့ သိရပါတယ်။ ”

ဒေါက်တာ ခလပ်ဆမ်ဆွန်ခေါင်းဆောင်တဲ့ ကချင် စစ်ရှောင်များ ကူညီရေးကော်မတီ KHCC ဟာ ဒီလ ၂၆ရက်နေ့က NRPC နဲ့ ရန်ကုန်မှာ တွေ့ဆုံပြီး စစ်ရှောင်တွေ နေရပ်ပြန်ရေးကို ဆွေးနွေးခဲ့သလို ဒီလို ပြန်နိုင်ဖို့အတွက်လည်း KIO နဲ့ ညှိနှိုင်းသွားဖို့ ရှိကြောင်း ပြောဆိုထားပါတယ်။

နိုင်ငံရေးလေ့လာသုံးသပ်သူ ဦးမောင်မောင်စိုးကတော့ အဓိက ညှိနှိုင်းရမယ့် အချက်တွေနဲ့ပတ်သက်ပြီး သူ့အမြင်ကို အခုလို ပြောပါတယ်။

“ Bilateral ထိုးဖို့ ဆိုရင် အချိန်အကန့်အသတ်အတွင်းမှာ NCA ထိုးမှသာ Bilateral ထိုးတာကို လက်ခံမယ်ဆိုတဲ့ သတင်းတွေလည်း ထွက်နေတယ်။ ဒါက NRPC ဘက်က သဘောထားပေါ့။ bilateral ထိုးပြီး NCA မထိုးဘဲ အချိန်ဆွဲမှာကို စိုးရိမ်တဲ့ သဘောဖြစ်တယ်။ တိုင်းရင်းသားလက်နက်ကိုင်အဖွဲ့တွေကလည်း NCA နဲ့ ပတ်သက်လို့ သူတို့ ပြောချင်တာ ရှိတာကို ပြောဖို့ လိုအပ်တယ်လို့ ယူဆထားပုံရတယ်။ အဲဒီတစ်ခုက ကွဲလွဲချက်ဖြစ်ပါတယ်။”

ရခိုင်ပြည်နယ်အတွင်း တပ်မတော်နဲ့ AA အကြား တိုက်ပွဲဟာလည်း ဆွေးနွေးပွဲရဲ့ အဓိက အချက်ဖြစ်နိုင်ကြောင်းလည်း သုံးသပ်ပါတယ်။

“ နောက်တစ်ခုက AA နဲ့ ပတ်သက်ပါလိမ့်မယ်။ လက်ရှိ ရခိုင်ပြည်နယ်ကို ရောက်ရှိနေတဲ့ AA အဖွဲ့တွေနဲ့ ပတ်သက်လို့ တပ်မတော်ရဲ့ သဘောထားက ဘယ်လိုသဘောထားမလဲ။ အဲဒါတွေကို တည်ရှိခွင့် မပေးနိုင်ဘူးဆိုရင်တော့ AA အပါအ၀င် မြောက်ပိုင်းအဖွဲ့တွေနဲ့ Bilateral ထိုးနိုင်ဖို့က ခက်ခဲနေအုံးမယ်ထင်ပါတယ်။ ”

NRPC နဲ့ ကချင် စစ်ရှောင်များ ကူညီရေးကော်မတီ KHCCတို့ တွေ့ဆုံပြီး စစ်ရှောင်တွေ နေရပ်ပြန်ရေးကိုဆွေးနွေးတာနဲ့ ဒီအရေးအတွက် KHCCက KIO နဲ့ ညှိနှိုင်းမယ်ဆိုတဲ့အချက်၊ ကိုးကန့်၊ ပလောင်နဲ့ ရခိုင် ၃ဖွဲ့ရဲ့ အရေးပေါ် အစည်းအဝေး ထုတ်ပြန်ချက်တွေကြောင့် KIO ကို bilateral ထိုးဖို့ သီးသန့်ဆွဲဆောင်တာမျိုးလည်း ဖြစ်လာနိုင်ကြောင်း လည်း ပြောပါတယ်။

ပြီးခဲ့တဲ့လ အတွင်းက NCA ခေါ် တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်ကို လက်မှတ်မရေးထိုးသေးတဲ့ အဖွဲ့ ၈ဖွဲ့နဲ့ NRPC တို့ နေပြည်တော်မှာ တွေ့ဆုံဆွေးနွေးစဉ်ကတော့ တိုက်ပွဲတွေလျော့ချရေးအပါအ၀င် အချက် ၅ချက်ကို သဘောတူခဲ့ကြပါတယ်။

ဒီဆွေးနွေးပွဲပြီးနောက်ပိုင်းမှာ ရခိုင်ပြည်နယ်အတွင်း တိုက်ပွဲတွေ ဆက်လက် ပြင်းထန်ခဲ့သလို ရှမ်းပြည်နယ် မြောက်ပိုင်းမှာလည်း တိုက်ပွဲတွေ ထပ်မံဖြစ်ပွားခဲ့ပါတယ်။

ကိုမိုးဇော်/ ဗွီအိုအေ (မြန်မာပိုင်း)
https://burmese.voanews.com

မဒေါက်မြို့၌ ချဉ်ပေါင်ခင်း ရေလောင်းရန် အဝီစိတွင်းတူးရာမှ ဂက် (စ်) ငွေ့ထွက်ရှိ


မဒေါက် ဧပြီ ၂၉

ပဲခူးတိုင်းဒေသကြီး ညောင်လေးပင်မြို့နယ် မဒေါက်မြို့ မြို့မ (၁) ရပ်ကွက် ဘုရားပိုင်း၌ အဝီစိတွင်း တူးရာမှ ဂက်(စ်)ငွေ့ဟု ယူဆရသည့် အငွေ့များ ထွက်ရှိနေသဖြင့် ဆက်လက်တူးဖော်ခြင်း ရပ်ဆိုင်း ထားကြောင်း မဒေါက်မြို့ အုပ်ချုပ်ရေးမှူးရုံးက သိရသည်။

"တွင်းတူးနေရင်း ရေမလိုက်ဘဲနဲ့ လေကြီးပဲလိုက်လာလို့ တော်ပြီဆိုပြီး ထားလိုက်တဲ့အချိန်မှာ ကျွန်တော့်အစ်ကိုက အဝေးကနေ လှမ်းကြည့်တဲ့အခါကျတော့ အငွေ့လေးတွေ ထွက်နေတယ်၊ ဒါဂက်(စ်) ငွေ့ပဲဖြစ်မယ်ဆိုပြီး မီးခြစ်နဲ့ မီးရှို့ကြည့်တဲ့အခါကျတော့ မီးထတောက်တာကို တွေ့ရတယ်" ဟု အဝီစိတွင်းတူးရာတွင် ပါဝင်သူ ဦးမျိုးမင်းဦးက ပြောသည်။


ဖြစ်စဉ်မှာ ဘုရားပိုင်းနေ ဦးစိုးနိုင်မှ စိုက်ပျိုးထားသော ချဉ်‌‌ပေါင်ခင်း ရေလောင်းရန် ဦးမျိုးမင်းဦး၊ ဦးကျော်လွင်စိုး၊ ဦးသန်းဦးတို့နှင့်အတူ ချဉ်ပေါင်ခင်းအနီး ရေသန်အင်းအတွင်း ဧပြီလ ၂၆ ရက်နေ့က အဝီစိတွင်း တူးဖော်ရာ အနက် ၂၃ ပေအရောက်တွင် ပုံမှန်ရေရရှိမည့် အနေအထား၌ ရေမရရှိဘဲ တူးထားသည့် ပိုက်အတွင်းနှင့် အနီးအနား ရွှံနွံအတွင်းမှ ဂက်(စ်)ငွေ့ဟု ယူဆရသည့် အငွေ့များ အများအပြား ထွက်ရှိလာသဖြင့် မီးခြစ်ကြည့်ရာ မီးတောက်ကြောင်း သိရသည်။

အဆိုပါအဝီစိတွင်းမှ အငွေ့ထွက်ရှိနေခြင်းနှင့် ပတ်သက်၍ အဖြေသိရှိနိုင်ရန် ပညာရှင်များနှင့် သက်ဆိုင်ရာမှ အမြန်ဆုံး လာရောက်ကြည့်ရှု စစ်ဆေးပေးရန် ဒေသခံများက လိုလားနေကြကြောင်း သိရသည်။

ရဲမြန်မာ(ညောင်လေးပင်)
MOI Webportal Myanmar
https://www.facebook.com/MOIWebportalMyanmar

အင်ဒိုနီးရှားမှာ ရေကြီးလို့ လူ ၁၀ ယောက်သေပြီး ထောင်ချီဘေးလွတ်ရာရွှေ့ပြောင်းပေးထား

Photo-AFP

ဆူမတြား၊ ဧပြီ ၂၈

အင်ဒိုနီးရှားနိုင်ငံ၊ ဆူမတြားကျွန်းပေါ်မှာ ရက်ပိုင်းလောက် မိုးကြီးခဲ့လို့ ရေကြီးပြီး မြေပြိုမှုတွေဖြစ်တဲ့အတွက် အနည်းဆုံး လူ ၁၀ ယောက်သေဆုံးပြီး ၈ ယောက်ပျောက်ဆုံးနေတယ်လို့ အာဏာပိုင်တွေက တနင်္ဂနွေနေ့မှာ ပြောပါတယ်။

လူ ၁၂၀၀၀ လောက်ကို ဘေးလွတ်ရာရွှေ့ပြောင်းပေးထားတယ်လို့လည်း သိရပါတယ်။

တချို့နေရာတွေမှာ ရေပြန်ကျနေပေမဲ့ အပျက်အစီးအတိအကျကို မသိရသေးသလို တချို့နေရာတွေနဲ့ အဆက်အသွယ်ပြတ်နေတုန်းပဲလို့ အင်ဒိုနီးရှား သဘာဝဘေးဆိုင်ရာအေဂျင်စီပြောခွင့်ရသူ ဆူတိုပို ပါဝို နူဂရိုဟို ကပြောပြီး မိုးထပ်ကြီးဦးမယ်ဆိုရင် ရေကြီးမြေပြိုနိုင်ချေပိုများတယ်လို့လည်း သတိပေးပါတယ်။
Photo-AFP
ကျန်းမာရေးနဲ့မညီတာနဲ့ သန့်ရှင်းတဲ့ရေမရနိုင်တာတို့ကြောင့် အရေပြားရောဂါတွေနဲ့ အဆုတ်ရောဂါတွေ ဖြစ်နိုင်တယ်လို့လည်း သတိပေးပါတယ်။

ရေကြီးမြေပြိုတာကြောင့် လမ်းတွေပျက်စီးပြီး အကူအညီပေးရေးလုပ်ငန်းတွေနှောင့်နှေးနေတယ်လို့ နူဂရိုဟိုကပြောပါတယ်။

အောက်တိုဘာနဲ့ဧပြီကြား မုတ်သုံရာသီဖြစ်တဲ့အင်ဒိုနီးရှားနိုင်ငံဟာ ရေကြီးမြေပြိုတဲ့ဒဏ် မကြာခဏခံရလေ့ ရှိပါတယ်။

Source-Bangkok Post
ရွှေတြိဂံဒေသသတင်းလွှာ
https://www.facebook.com/GoldenTriangleRegionalNews

ဆိုင်ကလုန်း ဖာနီ အန္တရာယ်ကနေ မြန်မာနိုင်ငံစိတ်မချရသေးတာကြောင့် သတိထားဖို့ နှိုးဆော်ထား

ဓာတ်ပုံ - Tun Lwin’s FB

တာချီလိတ်၊ ဧပြီ ၂၉

ဘင်္ဂလားပင်လယ်အော် အရှေ့တောင်ပိုင်းမှာ ဖြစ်ပေါ်နေတဲ့ ဆိုင်ကလုန်းမုန်တိုင်း ဖာနီဟာ လာမယ့် (၉၆) နာရီအတွင်း အားအလွန်ကောင်းတဲ့ ဆိုင်ကလုန်းမုန်တိုင်းကြီး အဆင့်ကို ရောက်ရှိလာနိုင်ပြီး မြန်မာနိုင်ငံအတွက် မုန်တိုင်းအန္တရာယ် လုံးဝစိတ်ချရတဲ့ အခြေအနေမဟုတ်သေးဘူးလို့ မိုးလေဝသနဲ့ ဇလဗေဒ ပညာရှင် ဒေါက်တာထွန်းလွင်က ဧပြီလ ၂၉ရက် ညနေ (၅)နာရီခန့်က တိုက်တွန်းထားပါတယ်။

ဆိုင်ကလုန်းမုန်တိုင်း ဖာနီဟာ အားကောင်းသော ဆိုင်ကလုန်းမုန်တိုင်းကြီး (Severe Cyclonic Storm) အဖြစ် ရောက်ရှိလာပြီး အိန္ဒိယနိုင်ငံ Chennai မြို့ရဲ့ အ ရှေ့တောင် ယွန်းယွန်း (၄၅၀) ကီလိုမီတာအကွာ ရေပြင်ပေါ်မှာ ဗဟိုပြုနေတယ်လို့ ဒေါက်တာထွန်းလွင်က ဆိုပါတယ်။
ဓာတ်ပုံ - Tun Lwin’s FB
နောက်(၉၆)နာရီအကြာမှာ လေတိုက်နှုန်း 110 knots ခန့်ရှိလာနိုင်ပြီး အားအလွန် ကောင်းတဲ့ ဆိုင်ကလုန်းမုန်တိုင်းကြီး အဖြစ်ကိုရောက်ရှိလာနိုင်ပြီး နောက် နာရီ (၁၂၀)အကြာမှာ အိန္ဒိယအရှေ့မြောက် ကမ်းခြေကို ဖြတ်ကျော်ဝင်ရောက်မယ်လို့ ဒေါက်တာထွန်းလွင်က ခန့်မှန်းထားပါတယ်။

မုန်တိုင်းကြီးဟာ အလွန်အားကောင်းတဲ့ အဆင့်ကို ရောက်လာနိုင်တဲ့အပြင် လတ္တီကျုဒ်အားဖြင့် 10°N အောက် နိမ့်နေသေးတာကြောင့် မြန်မာနိုင်ငံအတွက် မုန်တိုင်းအန္တရာယ်ကနေ လုံးဝစိတ်ချရတဲ့ အနေအထားမဟုတ်သေးဘူးလို့ ဒေါက်တာထွန်းလွင်က သတိပေးထားပါတယ်။

မုန်တိုင်းဟာ ခန့်မှန်းချက်အတိုင်း ရွေ့လျားခဲ့မယ်ဆိုရင် မြန်မာနိုင်ငံအနေနဲ့ မုတ်တိုင်းအန္တရာယ်ကနေ လုံးဝကင်းရှင်းနိုင်ပေမယ့် အချိန်နဲ့အမျှ ပြောင်းလဲနိုင်တဲ့ သဘာဝဖြစ်စဉ် ဖြစ်တာကြောင့် မုန်တိုင်းသတင်းကို အချိန်နဲ့ တပြေးညီ စောင့်ကြည့်ကြဖို့ ဒေါက်တာထွန်းလွင်က နှိုးဆော်ထားပါတယ်။

သတင်း - ရွှေတြိဂံဒေသသတင်း
https://www.facebook.com/GoldenTriangleRegionalNews

ရိုက်တာသတင်းထောက်တွေ အပါအဝင် နိုင်ငံရေးအကျဉ်းသားတွေ လွှတ်ပေးဖို့ ဆက်တောင်းဆိုမယ်

NLD အစိုးရသစ်အနေနဲ့ ဖြေရှင်းရမယ့် ကိစ္စတစ်ခုဖြစ်
နိုင်ငံတော်သမ္မတ ဦးဝင်းမြင့်ရဲ့ လွတ်ငြိမ်းချမ်းသာခွင့်နဲ့ မြန်မာနှစ်သစ်ကူး နှစ်ဆန်း ၁ ရက်နေ့က နိုင်ငံတစ်ဝန်းက အကျဉ်းထောင်တွေနဲ့ အကျဉ်းစခန်း အသီးသီးမှာ ပြစ်ဒဏ်ကျခံနေရတဲ့ အကျဉ်းသူ အကျဉ်းသား ၉၅၃၅ ဦးကိုလွှတ်ပေးခဲ့သလို နိုင်ငံခြားသား အကျဉ်းသား ၁၆ ဦးကို လွှတ်ပေးခဲ့ပါတယ်။

ဒါ့အပြင် ဒုတိယအကြိမ် သမ္မတရဲ့ လွတ်ငြိမ်းချမ်းသာခွင့်ကိုတော့ ဧပြီလ ၂၆ ရက်နေ့မှာ အကျဉ်းသား ၆၀၀၀ ကျော်ကို လွှတ်ပေးခဲ့ပါတယ်။

အခုလို သမ္မတအမိန့်နဲ့ လွတ်ငြိမ်းချမ်းသာခွင့် နှစ်ကြိမ်တိုင်တိုင် လွှတ်ပေးခဲ့ပေမယ့် နိုင်ငံရေးအမှုနဲ့ အကျဉ်းကျခံနေရတဲ့ နိုင်ငံရေး အကျဉ်းသား ၅ ယောက်သာ ပါဝင်သေးတယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (အေအေပီပီ) က ထုတ်ပြန်ထားပါတယ်။

မြန်မာနိုင်ငံမှာ နိုင်ငံရေးပုဒ်မနဲ့ ပြစ်ဒဏ်ကျခံနေရတဲ့ အကျဉ်းသား ၄၅ ဦး ကျန်ရှိနေပြီး နိုင်ငံရေး ပုဒ်မနဲ့ အမှုရင်ဆိုင်နေရသူ လက်ရှိမှာ ၃၀၀ ကျော် ရှိနေတယ်လို့ အေအေပီပီရဲ့ အထွေထွေ အတွင်းရေးမှူး ဦးတိတ်နိုင်က ပြောပါတယ်။

ဧပြီလကုန်မှာ သမ္မတလွတ်ငြိမ်းချမ်းသာနဲ့ မြစ်ကြီးနားထောင်ကနေ နိုင်ငံရေးအကျဉ်းသားတချို့ လွတ်မြောက်ခဲ့ပါတယ်။

နိုင်ငံရေးအကျဉ်းသား ဆိုတာဘာလဲ

အေအေပီပီရဲက အဓိပ္ပာယ်ဖွင့်ဆိုချက်အရတော့ ''မည်သူမဆို ၊ မည်သည့် အကြောင်းကြောင့်ဖြစ်စေ လွတ်လပ်မှု၊ တရားမျှတမှု၊ တန်းတူညီမျှမှု ၊ လူ့အခွင့်အရေးနဲ့ တိုင်းရင်းသားအားလုံး ပါဝင်တဲ့ နိုင်ငံသား အခွင့်အရေးအတွက် လှုပ်ရှားဆောင်ရွက်ခြင်းတို့ကြောင့် နိုင်ငံရေးရည်ရွယ်ချက်နဲ့ ပြစ်မှုကြောင်းအရဖြစ်ဖြစ်၊ တရားမကြောင်းအရ ဖြစ်ဖြစ် ဖမ်းဆီးထိန်းသိမ်း ပြစ်ဒဏ်ချမှတ်ခံရသူ အားလုံးကို နိုင်ငံရေး အကျဉ်းသားအဖြစ် သတ်မှတ်'' ထားပါတယ်။

ဒါ့အပြင် ဖွဲ့စည်းပုံ အခြေခံဥပဒေအရ ဖြစ်စေ၊ ဥပဒေ တစ်ရပ်ရပ်အရ ဖြစ်စေ၊ ဖွဲ့စည်းပေါ်ပေါက်လာတဲ့ မဏ္ဍိုင် (၃)ရပ်နဲ့ လုပ်ငန်းအဖွဲ့တွေရဲ့ ရပ်တည်ချက် ဆောင်ရွက်ချက်တွေအပေါ် နည်းလမ်း အမျိုးမျိုးနဲ့ ကန့်ကွက်၊ ဟောပြော၊ ပုံနှိပ် ရေးသားဆန္ဒဖော်ထုတ်တဲ့ သူ ဒါမှမဟုတ် အသင်းအဖွဲ့တွေကို ပြစ်မှုနဲ့ တရားမ ကြောင်းအရ ဖမ်းဆီးထိန်းသိမ်း ခံရရင်လည်း နိုင်ငံရေး အကျဉ်းသားလို့ သတ်မှတ်ပါတယ်။

အခုလက်ရှိ အနေအထားအရ နိုင်ငံရေးလှုပ်ရှားဆောင်ရွက်သူတွေနဲ့ သတင်းမီဒီယာတွေ အများဆုံး ရင်ဆိုင်နေရတဲ့ ပုဒ်မတွေကတော့ ၆၆(ဃ)၊ မတရားအသင်းဥပဒေ၊ နိုင်ငံတော်လျှို့ဝှက်ချက် အက်ဥပဒေ၊ ရာဇသတ်ကြီးမှာရှိတဲ့ အသေရေဖျက်မှုဆိုင်ရာ ပုဒ်မ ၅၀၀၊ နိုင်ငံတော်အကြည်ညိုပျက်စေမှုနဲ့ဆိုင်တဲ့ ပုဒ်မ ၅၀၅ (က)၊ (ခ) တို့ဖြစ်ပါတယ်။

ဒါကြောင့် အခု ရင်ဆိုင်နေရတဲ့ ဥပဒေပုဒ်မတွေကို ပြင်ဆင်ပေးဖို့နဲ့ စာနယ်ဇင်းတာဝန်တွေလုပ်ရင်း အကျဉ်းကျခံနေရတဲ့ ကိုဝလုံးနဲ့ ကိုကျော်စိုးဦး အပါအဝင် နိုင်ငံရေး အကျဉ်းသား (၄၅) ဦးကို အမြန်လွှတ်ပေးဖို့ တောင်းဆိုသွားမယ်လို့ Action Committee for Democracy Development (ACDD) က စည်းရုံးလှုံ့ဆော်ရေးမှူး မသဉ္စာရွှန်းလဲ့ရည်က ဘီဘီစီကို ပြောပါတယ်။

" အကျဉ်းဦးစီးဌာနဘက်ကတော့ သူတို့ဖမ်းထားတဲ့အထဲမှာ နိုင်ငံရေး အကျဉ်းသားမရှိပါလို့ ငြင်းချက်ထုတ်ထားတယ်။ ဒီလိုမျိုး ငြင်းချက်ထုတ်ထားတာကတော့ အရင်က အစိုးရလက်ထက်ကလည်း ငြင်းချက်ထုတ်ထားတာလေ။ အရပ်ဘက်အဖွဲ့အစည်းတွေကော အန်အယ်လ်ဒီကိုယ်တိုင်ကော နိုင်ငံရေးအကျဉ်းသားရှိတယ်ဆိုတာ တစိုက်မတ်မတ် အငြင်းခုန်ဖြစ်လာရတာ အခုမှ မဟုတ်ပါဘူး" မသဉ္စာရွှန်းလဲ့ရည်က ပြောပါတယ်။

ဒါပေမယ့် ခုထပ်ပြီး အကျဉ်းဦးစီးဘက်က နိုင်ငံရေး အကျဉ်းသား မရှိဘူးလို့ ထုတ်ပြန်ခဲ့တာဟာ အကျဉ်းဦးစီးဌာန အပါအဝင် ပြည်ထဲရေးဝန်ကြီးဌာနရဲ့ ရပ်တည်ချက်တွေ၊ အမြင်တွေက ဒီမိုကရေစီနိုင်ငံနဲ့ အံဝင်ဂွင်ကျ မဖြစ်ဘူးလို့ သတ်မှတ်ရမယ်လို့ သူက ဆိုပါတယ်။

အကျဉ်းဦးစီးဘက်က အခုလို ထုတ်ပြန်ပေမယ့် လက်ရှိအစိုးရကိုယ်တိုင် သူတို့ကိုယ်တိုင် နိုင်ငံရေး အကျဉ်းသားဖြစ်ခဲ့တော့ အစိုးရကို ချဉ်းကပ်တောင်းဆိုရင် ပိုပြီး သက်ရောက်မှုရှိမယ် ယုံကြည်တာကြောင့် သမ္မတကြီးနဲ့ သက်ဆိုင်ရာအဖွဲ့အစည်းတွေကို ဆက်လက် တောင်းဆိုသွားကြဖို့ ရှိတယ်လို့ မသဉ္စာရွှန်းလဲ့ရည်က သူ့အမြင်ကို ပြောပြပါတယ်။

ရိုက်တာ သတင်းထောက် အင်းစိန် တရားရုံးမှာ ရုံးထုတ်လာစဉ်
NLD အစိုးရနဲ့ နိုင်ငံရေးအကျဉ်းသား

သမ္မတ ပြစ်ဒဏ်လွတ်ငြိမ်းခွင့်ထဲ ပါမလာတဲ့ နိုင်ငံရေးအကျဉ်းသားတွေထဲမှာ နိုင်ငံတော် လျှို့ဝှက်အက်ဥပဒေနဲ့ ထောင်ဒဏ် ၇ နှစ် ကျခံနေရတဲ့ ရိုက်တာသတင်းထောက် ကိုဝလုံးနဲ့ ကိုကျော်စိုးဦး၊ နိုင်ငံတော် ပုန်ကန်မှု၊ နိုင်ငံတော် အကြည်ညိုပျက်စေမှုနဲ့ ထောင်ဒဏ် အနှစ် ၂၀ ချမှတ်ခံထားရတဲ့ ဒေါက်တာအေးမောင်နဲ့ စာရေးဆရာ ဝေဟင်အောင်တို့ ပါဝင်ပါတယ်။

အရင်စစ်အစိုးရခေတ်ကလည်း အခုလို နိုင်ငံရေးပုဒ်မတွေနဲ့ ထောင်သွင်းအကျဉ်းချထားတာနဲ့ ပတ်သက်လို့ နိုင်ငံတကာရဲ့ ပြင်းပြင်းထန်ထန်ဝေဖန်မှုတွေကို ခံခဲ့ရပါတယ်။

သမ္မတ ဦးသိန်းစိန်အစိုးရလက်ထက်မှာ နာမည်ကြီး နိုင်ငံရေး အကျဉ်းသားတွေနဲ့ နိုင်ငံရေးပုဒ်မ နဲ့ ပြစ်ဒဏ် ကျခံသူတွေကို လွှတ်ပေးခဲ့တဲ့အတွက် နိုင်ငံတကာရဲ့ ဖိအားတွေ လျော့ကျခဲ့ပါတယ်။

ရိုက်တာသတင်းထောက် ကိုဝလုံးနဲ့ ကိုကျော်စိုးဦးတို့ကို ပြစ်ဒဏ်ချမှတ်တာနဲ့ ပတ်သက်လို့ NHK ဂျပန်သတင်းဌာနနဲ့ ဒေါ်အောင်ဆန်းစုကြည်တို့ အင်တာဗျူးမှာ ရိုက်တာသတင်းထောက် နှစ်ဦးဟာ ရခိုင်ပြည်နယ် သတင်းလိုက်လို့ အဖမ်းခံရတာ မဟုတ်ပဲ နိုင်ငံတော်လျှို့ဝှက်ချက် အက်ဥပဒေ ချိုးဖောက်ခဲ့လို့ အဖမ်းခံရတာ ဖြစ်တယ်လို့ ပြောခဲ့ပါတယ်။
ရိုက်တာသတင်းထောက်တွေ အယူခံ အမြင့်ဆုံးတရားရုံးက ပယ်ချ

ကိုဝလုံးနဲ့ ကိုကျော်စိုးဦးတို့ရဲ့ အမှုဟာ ကမ္ဘာတစ်ဝန်းလုံးက စိတ်ဝင်စားနေတဲ့ နိုင်ငံရေး အမှုတစ်ခုဖြစ်ပြီး မီဒီယာလွတ်လပ်ခွင့်နဲ့ ပတ်သက်လို့ နိုင်ငံတကာက NLD အစိုးရအပေါ် ပြင်းပြင်းထန်ထန် ဝေဖန်နေတဲ့ အမှု တစ်ခုလည်း ဖြစ်ပါတယ်။

အာဏာပိုင်တွေအနေနဲ့ လွတ်လပ်စွာထုတ်ဖော်ပြောဆိုရေးသားခွင့်နဲ့ တခြားအခြေခံလူ့အခွင့်အရေးတွေကို နိုင်ငံတကာစံချိန်စံနှုန်းနဲ့အညီ ကျင့်သုံးဖို့နဲ့ ဒီအခွင့်အရေးတွေ တောင်းဆိုလို့ ပြစ်ဒဏ်ပေးခံထားရတဲ့ နိုင်ငံရေးအကျဉ်းသားတွေကိုလည်း အမြန်ဆုံးလွှတ်ပေးဖို့ နိုင်ငံရေး အကျဉ်းသား လွတ်မြောက်ရေး လှုပ်ရှားဆောင်ရွက်နေသူတွေက ပြောပါတယ်။

ရိုက်တာအမှုအပါအဝင် နိုင်ငံရေး အကျဉ်းသားတွေ အကျဉ်းထောင်တွေထဲမှာ ရှိနေသေးတာဟာ NLD အစိုးရဘက်က အရေးတယူ ဖြေရှင်းရမယ့် ကိစ္စတစ်ခုဖြစ်တယ်လို့ နိုင်ငံရေး လေ့လာသုံးသပ်သူတွေက ပြောပါတယ်။

BBC Burmese
https://www.bbc.com
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ