ဆီးရီးယားက IS လက္က်န္ေခ်မႈန္းေရး တုိက္ပြဲျပင္းထန္


ဆီးရီးယားႏိုင္ငံက IS စစ္ေသြးၾကြေတြကို အေမရိကန္ ေက်ာေထာက္ေနာက္ခံ ေပးထား တဲ့ ဆီးရီးယား-ဒီမုိကရက္တစ္ SDF တပ္ေတြက ေနာက္ဆုံးအခ်ီအျဖစ္ ႏိုင္ငံရဲ႕ အေရွ႕ေျမာက္ဘက္ Baghuz ၿမဳိ့မွာ စစ္ဆင္ေရးႀကီးျပဳလုပ္ေနတာေၾကာင့္ တိုက္ပြဲေတြအျပင္းအထန္ ျဖစ္ပြားေန ပါတယ္။

Caliphate အုပ္ခ်ဳပ္ေရးေဒသ ထူေထာင္ဖို႔ႀကဳိးပမ္းေနတဲ့ ေနာက္ဆုံးလက္က်န္ IS စစ္ေသြးၾကြေတြကို ေဒသစံေတာ္ခ်ိန္ တနဂၤေႏြညေန ၆နာရီေလာက္မွာ ထိုးစစ္ဆင္တာျဖစ္ေၾကာင္း SDF တပ္ေျပာခြင့္ရက ေျပာပါတယ္။

IS ေတြ ကိုယ့္ဖာသာ လက္နက္ခ်ဖို႔ ေပးထားတဲ့အခ်ိန္ ေက်ာ္သြားၿပီလို႔SDF တပ္ေျပာခြင့္ရ Mustafa Bali က သူ႔တြစ္တာမွာေရးတာပါ။ အခုအခ်ိန္ဟာ IS ေတြထိန္းခ်ဳပ္ထားတဲ့ ေနာက္ဆုံးလက္က်န္ နယ္ေျမေတြကို SDF က ျပန္လည္ရယူဖို႔ အဆင္သင့္ျဖစ္ေနၿပီလို႔လည္း ေျပာပါတယ္။

ရြက္ဖ်င္တဲေတြနဲ႔ အေဆာက္အဦး အၿပဳိအပ်က္ေတြေရာေနတဲ့ Baghuz ၿမဳိ့မွာ စစ္ဆင္ေရးလုပ္ရတာ ခက္ခဲမယ္ဆိုတာ ေမွ်ာ္လင့္ထားေၾကာင္း SDF တပ္ေရာ အေမရိကန္ တာဝန္ရွိသူေတြက ေျပာပါတယ္။

IS ေတြဟာ တူးေျမာင္း၊ လႈိဏ္ေခါင္းနဲ႔ ဂူေတြကိုဆက္စပ္ထားတဲ့ လမ္းေၾကာင္းေတြ ကေန ပုံးကြယ္ၿပီး တန္ျပန္တိုက္ခို္က္မႈေတြ လုပ္ေန တာပါ။IS ေတြရဲ႕ လႈိဏ္ေခါင္း စနစ္ဟာ ၁ မုိင္ေက်ာ္ေလာက္ပဲရွိေပမဲ့ ၊ ရႈပ္ေထြးၿပီး ေထာင္ေခ်ာက္ဗုံးေတြလည္း တပ္ဆင္ထားတယ္လို႔ SDF ကေျပာပါတယ္။

ဗြီအိုေအ (ျမန္မာပုိင္း)
https://burmese.voanews.com

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ