FDA ညွှန်ကြားရေးမှူးချုပ်ကို အဂတိလိုက်စားမှုနဲ့ အမှုဖွင့်ဖို့ တိုင်းတရားလွှတ်တော် ဆုံးဖြတ်

FDA ညွန်ကြားရေးမှူးချုပ် ဒေါက်တာသန်းထွဋ် ကို မန္တလေးတိုင်းတရားလွှတ်တော်မှာ ၂၀၁၈ ခုနှစ် မေလ ၄ ရက်နေ့က ရုံးထုတ်ခဲ့စဉ် / Photo: Khaymani Win/RFA
အဂတိလိုက်စားမှု တိုက်ဖျက်ရေးဥပဒေနဲ့ တရားစွဲခံထားရတဲ့ အစားအသောက်နဲ့ ဆေးဝါးကွပ်ကဲရေး ဦးစီးဌာနက ညွန်ကြားရေးမှူးချုပ် ဒေါက်တာ သန်းထွဋ်ကို အဂတိလိုက်စားမှု ပုဒ်မ ၅၆ နဲ့ တရားစွဲဖို့ မန္တလေးတိုင်း တရား လွတ်တော်က ဒီနေ့ ဆုံးဖြတ်လိုက်ပါတယ်။

ဒီနေ့ တရားရုံးချိန်းမှာ ဒေါက်တာ သန်းထွဋ်က သူ့မှာအပြစ်မရှိကြောင်း တရားခွင်မှာထွက်ဆိုခဲ့ပြီး တရားလိုဖြစ်သူ အပါဝင် ပြန်ခေါ်သက်သေ ၁၁ ယောက်ကို ပြန်လည်စစ်ဆေးပေးဖို့ တောင်းဆိုခဲ့ပါတယ်။

ဒေါက်တာ သန်းထွဋ်ဟာ ကျန်းမာရေးနဲ့ အားကစားဝန်ကြီးဌာန စီမံကိန်းတွေကနေ ငွေကျပ်သိန်း ၁ ထောင့် ၅ ရာကျော် အလွဲသုံးစား လုပ်ခဲ့တယ်ဆိုပြီး အဂတိလိုက်စားမှု တိုက်ဖျက်ရေးကော်မရှင်ကို တိုင်ကြားမှုရှိတာကြောင့် ကော်မရှင်က အဂတိလိုက်စားမှု ပုဒ်မ ၅၆ နဲ့ နေပြည်တော် ဇမ္ဗူသီရိမြို့နယ် ရဲစခန်းမှာ ပြီးခဲ့တဲ့နှစ် ဧပြီလက အမှုဖွင့် တရားစွဲခဲ့တာဖြစ်ပါတယ်။

နောက်ပိုင်းမှာတော့ ဒီအမှုကို ဆက်လက်စစ်ဆေးဖို့ မန္တလေးတိုင်း တရားလွှတ်တော်ကို လွဲပြောင်းခဲ့တာဖြစ်ပြီး အမှုနဲ့ပတ်သက်ပြီး တရားလိုပြသက်သေ ၃၆ ဦးကို တင်သွင်းထားပြီး အမှုဖွင့်တရားစွဲဖို့ တရားရုံးက ဒီနေ့ ဆုံးဖြတ်လိုက်တာဖြစ်ပါတယ်။

ဒီအမှုကို စစ်ဆေးနေတာ ၁ နှစ် နီးပါးရှိနေပြီဖြစ်ပြီး နောက်တစ်ပတ်ရုံးချိန်းကိုတော့ မတ်လ ၈ ရက်နေ့ကို ပြန်လည် ချိန်းဆိုထားပါတယ်။

ဒီသတင်းကို RFA သတင်းထောက် မခေမဏီဝင်း ပေးပို့တာပါ။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ