အီသီယိုးပီးယားခရီးသည်တင်လေယာဉ်ပျက်ကျ ၁၅၇ ဦး သေဆုံး


အီသီယိုးပီးယား နိုင်ငံ မြို့တော် Addis Ababa က နေ ကင်ညာနိုင်ငံ Nairobi ကို ပျံသန်းလာတဲ့ အီသီယိုးပီးယား လေကြောင်းလိုင်း လေယာဉ်တစီး ဒီကနေ့ တနင်္ဂနွေနေ့မနက်က ပျက်ကျခဲ့တဲ့ အတွက် လေယာဉ်ပေါ်လိုက်ပါသွားသူ ၁၅၇ ဦးစလုံးသေဆုံးခဲ့ပါတယ်။

နိုင်ငံပေါင်း ၃၃ နိုင်ငံက ခရီးသည်တွေ တင်ဆောင်လာတဲ့ Boeing 737လေယာဉ် အမှတ် ၃၀၂ ဟာ မြို့တော် Addis Ababa ကနေ အရှေ့တောင်ဘက် ၆၂ ကီလိုမီတာအကွာ Bishoftu မြို့အနီးမှာ ပျက်ကျခဲ့တာပါ။ ဒေသစံတော်ချိန် မနက် ၈ နာရီ ၃၈ က Bole နိုင်ငံတကာလေဆိပ်က ထွက်ခွါသွားခဲ့တဲ့ ဒီလေယာဉ်နဲ့ ၈ နာရီ ၄၄ မိနစ်မှာ အဆက်အသွယ်ပြတ်သွားခဲ့တယ်လို့ အီသီယိုးပီးယား အစိုးရ သတင်းဌာနက ကြေညာပါတယ်။ သေဆုံးသူတွေရဲ့ မိသားစုဝင်တွေနဲ့ ထပ်တူကြေကွဲရကြောင်းလည်း အစိုးရနဲ့ ပြည်သူတွေကိုယ်စား ၀န်ကြီးချုပ် Abiy Ahmed က တွစ်တာစာမျက်နှာမှာရေးသားခဲ့ပါတယ်။

Boeing 737 Max 8 ဂျက်လေယာဉ် အမျိုးအစား ဒီလေယာဉ်က ပြီးခဲ့တဲ့ နိုဝင်ဘာကစတင်ပြေးဆွဲခဲ့တာ ဖြစ်ပြီး လေယာဉ်ပျက်ကျမှုနဲ့ ပတ်သက်လို့ အခြေအနေတွေကို အနီးကပ်စောင့်ကြည့်နေပါကြောင်း Boeing ကုမ္မဏီက ပြောပါတယ်။

အခုပျက်ကျခဲ့တဲ့ Boeing 737 Max 8အမျိုးအစား လေယာဉ်က ပြီးခဲ့တဲ့ အောက်တိုဘာလ က အင်ဒိုနီးရှားနိုင်ငံ ဂျကာတာမြို့ကနေ ပျံတက်ပြီး မိနစ်အနည်းငယ်အကြာမှာ ဂျာဗားပင်လယ်ထဲ ပျက်ကျခဲ့တဲ့ လေယာဉ်နဲ့ အမျိုးအစားတူဖြစ်ပါတယ်။ အောက်တိုဘာလက ပျက်ကျခဲ့တဲ့ အင်ဒိုနီးရှားနိုင်ငံ Lion လေကြောင်းလိုင်း လေယာဉ်ပျက်ကျမှုမှာ လေယာဉ်ပေါ်လိုက်ပါသွားသူ ၁၈၉ ဦး စလုံးသေဆုံးခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ