ဟိုတယ်မှာတည်းတဲ့ အမျိုးသမီးတွေကို လျှို့ဝှက်ကင်မရာနဲ့ရိုက်ထားတဲ့ ရုပ်သံတွေ ညစ်ညမ်းဝက်ဆိုက်မှာ ရောင်းစားသူတွေကို ဖမ်းဆီး

ဟိုတယ်အခန်းပေါင်း ၁၆၀၀၀ လောက်မှာ လာတည်းတဲ့အမျိုးသမီးတွေကို လျှို့ဝှက်ကင်မရာတွေနဲ့ ရိုက်ကူးခဲ့
တောင်ကိုရီးယားနိုင်ငံမှာ ဟိုတယ်အခန်းပေါင်း ၁၆၀၀၀ လောက်မှာ လာတည်းတဲ့ အမျိုးသမီးတွေကို လျှို့ဝှက်ကင်မရာတွေနဲ့ ရိုက်ကူးပြီး ရုပ်သံတွေကို အင်တာနက်စာမျက်နှာကတဆင့် အခကြေးငွေယူပြီး ရောင်းစားမှုနဲ့ အမျိုးသား ၄ ဦးကို ရဲတပ်ဖွဲ့က ဖမ်းဆီးလိုက်ပါတယ်။

အဲဒီအမျိုးသားတွေဟာ တည်းခိုခန်းတွေထဲက တီဗီတွေ၊ ဆံပင်အခြောက်ခံစက်ထားတဲ့ နေရာတွေ၊ မီးခလုတ်တွေထဲမှာ ကင်မရာအသေးလေးတွေကိုထည့်ပြီး လျှို့ဝှက် ရိုက်ကူးခဲ့ကြတာလို့ ရဲက ပြောပါတယ်။

အပြစ်ရှိကြောင်း ထင်ရှားခဲ့မယ်ဆိုရင်တော့ ဒီပြစ်မှုအတွက်ထောင်ဒဏ် ၁၀ နှစ်နဲ့ အမေရိကန်ဒေါ်လာ နှစ်သောင်းခြောက်ထောင်ကျော် ဒဏ်ကြေးပေးဆောင်ရဖွယ် ရှိပါတယ်။
ညစ်ညမ်းဗီဒီယိုတွေ ထုတ်လုပ်ဖြန့်ချိတာဟာ တောင်ကိုရီးယားမှာ တရားမဝင်
နိုဝင်ဘာလမှာ ဒီဝက်ဆိုက်ကို ဖန်တီးခဲ့ပြီးနောက် စက္ကန့် ၃၀ စာရုပ်သံတွေကို အခမဲ့ကြည့်ရှုခွင့် ပေးပြီး ရုပ်သံအပြည့်အစုံကိုတော့ အခပေးပြီး ကြည့်ရှုရမယ့် စနစ်နဲ့ လုပ်ဆောင်ခဲ့တာပါ။

ပြည်ပမှာ အခြေစိုက်ထားတဲ့ ဝက်ဆိုက် ဆာဗာကတဆင့် ရုပ်သံပေါင်း ၈၀၃ ခုကို ဝဘ်ဆိုဒ်မှာ တင်ထားခဲ့တယ်လို့ လည်း ဆိုပါတယ်။

ဝက်ဆိုက်ကို ဖြုတ်မချခင် ဒီလထဲမှာ ကြည့်ရှုဖို့အတွက် စာရင်းပေးထားတဲ့ လူ ၉၇ ယောက် ဆီကနေ အခကြေးငွေရယူ ထားခဲ့တာကို တွေ့ရတယ်လို့လည်း ရဲတပ်ဖွဲ့ကပြောပါတယ်။

ဒီလို ခိုးရိုက် ဗီဒီယိုတွေဟာ အများအားဖြင့် အများသုံးအိမ်သာတွေ အဝတ်လဲခန်းတွေကနေ ရည်းစားဟောင်းတွေကနေ တုန့်ပြန်ဖို့ ဖြန့်ဝေတာကနေ အများဆုံး ထွက်ပေါ်လာတာ ဖြစ်ပါတယ်။

တောင်ကိုရီးယားမှာ ဒီလိုအမှုတွေ ဖြစ်ပွားတာ မြင့်တက်လာနေပြီး၂၀၁၂ မှာ အမှုပေါင်း ၂၄၀၀ ဝန်းကျင်ရှိရာက ၂၀၁၇ မှာတော့ ၆၀၀၀ ကျော်အထိ ရှိလာခဲ့ပြီး ဖမ်းဆီးထိန်းသိမ်းခံရသူကလည်း ၅၄၀၀ ကျော်အထိ ရှိလာပါတယ်။

BBC Burmese
https://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ