ရခိုင်မှာ အစိုးရတပ်မတော်နဲ့ အေအေတို့ရဲ့ တိုက်ပွဲတွေ ဆက်လက်ဆိုးရွားနေပြီး ဖမ်းဆီးမှုတွေရှိနေ

ရခိုင်စစ်မျက်နှာက အစိုးရကင်းစခန်း
မတ်လ ၁၄ ရက်က မြောက်ဦးမြို့နယ် ရန်ကုန်-စစ်တွေကားလမ်းပေါ်မှာ စစ်ကားတန်းကို အေအေက မိုင်းခွဲ တိုက်ခိုက်ရာကနေ တပ်က ပြန်ပစ်လို့ အနားက ရွာသုံးရွာထဲ လက်နက်ကြီး ကျည်ဆံတွေ ထိမှန်ပျက်စီးခဲ့ပါတယ်။

အမြောက်ဆန်တွေကျလို့ နေအိမ်နဲ့ ကျောင်း ခေါင်မိုးတွေ လန်ထွက်နေတာ တွေ့ခဲ့ရတယ်လို့ ပျက်စီးတာကို ကိုယ်တိုင်သွားရောက်စစ်ဆေးခဲ့တဲ့ မြောက်ဦးမြို့နယ် ပြည်နယ် လွှတ်တော်ကိုယ်စားလှယ် ဦးထွန်းသာစိန်က ပြောပါတယ်။
စစ်ဘေးက ပြေးရတဲ့ အမျိုးသမီးနဲ့ ကလေးတွေ
အခုတိုက်ခိုက်မှုအတွင်း တပ်ဘက်က တစုံတရာ အထိအခိုက်တွေတော့ မရှိခဲ့ဘူးလို့ ဒေသခံတွေက ပြောပါတယ်။

အရပ်သားတွေထိမှန်

တိုက်ပွဲ ဖြစ်ပွားရာက နှစ် ဖာလုံလောက် အကွာမှာရှိတဲ့ ဘုရားကြီးကျေးရွာထဲကို လက်နက်ကြီးကျည် လေးလုံးလောက် ကျပေါက်ကွဲခဲ့ပြီး အမျိုးသမီးကြီးတဦးကို အမြောက်ဆန်စ ရှပ်ထိမှန်ခဲ့ပါတယ်။

ရွာပြင်မှာ ငါးရှာ ဟင်းခူးနေတဲ့ အသက် ၆၄ နှစ်အရွယ်ရှိ လူကြီးတဦးလည်း ပျောက်ဆုံးနေပါတယ်။
တိုက်ပွဲကြားက မြေစာပင်ဖြစ်သူတွေ
အနီးအနားက ဘူးရွက်မညိုးကျေးရွာက ဝပ်ရှော့ဆရာ မောင်စိုးဝင်းမှာဆိုရင် တင်ပါးမှာ ကျည်ဆံထိမှန်ပြီး ဒဏ်ရာပြင်းထန်ပြီး စစ်တွေဆေးရုံကို တင်ပို့ ကုသနေရပါတယ်။

မောင်စိုးဝင်း ဒဏ်ရာရတာဟာ စစ်တပ်ကနေ ခြောက်လှန့်ပစ်ခတ်ရာမှာ ထိမှန်ခဲ့တာလို့ ဖခင်ဖြစ်သူ ဦးဘစောက ပြောပါတယ်။

ဒီဖြစ်စဉ်နဲ့ပတ်သက်ပြီး အနောက်ပိုင်းတိုင်း စစ်ဌာနချုပ် ပြောခွင့်ရသူ ဗိုလ်မှူးကြီး ဝင်းဇော်ဦးကို ဆက်သွယ်ပေမယ့် အစည်းအဝေးထဲ ရောက်နေတယ်လို့ ပြောဆိုလာတဲ့ အတွက် မေးမြန်းတင်ပြနိုင်ခြင်း မရှိပါဘူး ။

လူနာကို ဖမ်းစစ်

တခါ မြောက်ဦးမြို့ ဆေးရုံကြီးကို ပန်းမြောင်း သပေါ့စာတဲစုကနေ ငှက်ဖျားဖြစ်ပြီး သတိမေ့နေတဲ့ ကိုလှမောင်ဝင်းနဲ့ လူနာလာပို့သူ ခြောက်ဦး၊ ကားသမား သုံးဦးတို့ကို စစ်တပ်က မသင်္ကာတဲ့ အတွက် ဖမ်းဆီး စစ်ဆေးရာမှာ ကိုလှမောင်ဝင်း မတ်လ ၁၄ ရက်က ကွယ်လွန်သွားခဲ့ပါတယ်။

ကျန်တဲ့ လူငယ် ကိုးဦးကိုလည်း ရမန်ယူပြီး မြောက်ဦးမြို့မရဲစခန်းမှာ စစ်ဆေးနေတယ်လို့ သိရပါတယ်။

BBC Burmese
https://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ