ေျမာက္ဦးၿမိဳ႕ေပၚ လက္နက္ငယ္ ပစ္ခတ္သံမ်ားေၾကာင့္ ေဒသခံေတြစိုးရိမ္



Share/Bookmark
ေျမာက္ဦးၿမိဳ႕နဲ႔ ရခိုင္ျပည္နယ္ရွိအျခားၿမိဳ႕ျပ ေျမပံု
ေျမာက္ဦးၿမိဳ႕မွာ အခု ဒီကေန႔ ညပိုင္းမွာ လက္နက္သံေတြ ၈မိနစ္ ၀န္းက်င္ေလာက္ ၾကားခဲ့ရတယ္လို႔ ေျမာက္ဦးေဒသခံေတြက ေျပာပါတယ္။

အခု ပိုင္း ၇နာရီခဲြေက်ာ္ ၈ နာရီေလာက္မွာ ေျမာက္ဦးၿမိဳ႕ေပၚကေန ၾကားေနရတဲ့ လက္နက္ပစ္ခတ္သံေတြျဖစ္ပါတယ္။ ဒီလို ပစ္ခတ္သံေတြေၾကာင့္ ၿမိဳ႕ခံေတြအၾကား စိုးရိမ္မႈေတြ တိုးေနပါတယ္။ သူပုန္ေတြက ပစ္တာလား၊ ၿမိဳ႕နားမွာ ျဖတ္သြားတဲ့ စစ္ကားေတြကေန ေျခာက္လွန္႔ပစ္ခတ္တာလား၊ ဒါမွမဟုတ္ တိုက္ပဲြျဖစ္တာလား ဆိုတာေတြကို အတည္ျပဳလို႔မရေသးပါဘူး။

ခ်င္းျပည္နယ္ ပလက္၀နဲ႔ ရခိုင္ေျမာက္ပိုင္းမွာျဖစ္ေနတဲ့ AA ရခိုင္လက္နက္ကိုင္အဖဲြ႔နဲ႔ အစိုးရတပ္တို႔အၾကား တိုက္ပဲြေတြဟာ အခုဆိုရင္ ေျမာက္ဦးၿမိဳ႕နယ္ထဲအထိ ကူးစက္ ေနပါတယ္။ ၿပီးခဲ့တဲ့ ေသာၾကာေန႔ညပိုင္းတုန္းကလဲ ႏွစ္ဖက္ အျပန္အလွန္လက္နက္ႀကီးေတြ ပစ္ခတ္တာဟာ ေျမာက္ဦးၿမိဳ႕ထဲအထိ လက္နက္ႀကီး ထိမွန္တာေတြရိွတယ္လို႔ ေဒသခံေတြက ေျပာပါတယ္။ ဒီေန႔ညပိုင္းမွာတာ့ လက္နက္ႀကီးမဟုတ္ပဲ လက္နက္ငယ္သံေတြကို ၅မိနစ္ေက်ာ္ၾကာ ဆက္တိုက္ဆိုသလို ၾကားလိုက္ရတာေၾကာင့္၊ ေျမာက္ဦးၿမိဳ႕ခံေတြ ထိတ္လန္႔ေနၾကပါတယ္။ ၿပီးခဲ့တဲ့ ေသာၾကာေန႕ညကစလို႔ အခု ည ျဖစ္တဲ့အေျခအေနအထိ ေျမာက္ဦးၿမိဳ႕အတြင္း ပစ္ခတ္မႈေတြနဲ႔ပတ္သက္လို႔ အာဏာပိုင္ေတြ နဲ႔ စစ္ဖက္က တစံုတရာ ထုတ္ျပန္တာမ်ိဳးမရိွေသးပါဘူး။

ဗြီအိုေအ (ျမန္မာပုိင္း)
https://burmese.voanews.com

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ