မြောက်ဦးမှာ လက်နက်ကြီးလက်နက်ငယ်တွေနဲ့ပစ်ခတ်လို့ ဒေသခံတွေ ထိတ်လန့်

ရှေးဟောင်းယဉ်ကျေးမှုနယ်မြေအဖြစ်သတ်မှတ်ထားရာ မြောက်ဦးမြို့မှာပါ တိုက်ပွဲတွေဖြစ်ပွားလာ
ရခိုင်ပြည်နယ်က ရှေးဟောင်းယဉ်ကျေးမှု နယ်မြေဖြစ်တဲ့ မြောက်ဦးမြို့ထဲမှာ မတ်လ ၁၅ရက်နေ့ ည ၁၀ နာရီကျော်က လက်နက်ကြီး လက်နက်ငယ် ပစ်ခတ်သံတွေ ထွက်ပေါ်လာတဲ့ အတွက် မြောက်ဦးမြို့လူထု အကြား စိုးရိမ်မှုတွေ မြင့်တက်နေတယ်လို့ ဒေသခံတွေက ဘီဘီစီကိုပြောပါတယ်။

' ' မြောက်ဦးမြို့ အခြေစိုက် ခမရ ၅၄၀ ဘက်ကနေ သေနတ်တွေအတွဲလိုက် ပစ်သံကြားရပြီး လက်နက်ကြီးသံတွေကိုလည်း မြို့ပြင်ကနေ ကြားရတယ်'' လို့ မြောက်ဦး ဒေသခံ တစ်ဦးက ဘီဘီစီကို ပြောပြပါတယ်။

ဒါ့အပြင် တိုက်ပွဲတွေကြောင့် မြောက်ဦးမြို့မဟိန်ကျီရပ်နေ ဦးဘိုဖြူအောင်၊ ဒေါ်စန်းကြည်တို့ရဲ့ နေအိမ်မှာ အိပ်ခန်းတွေထဲထိ ကျည်ဆန်တွေကျရောက်ခဲ့ပြီး လူထိခိုက်ဒဏ်ရာရတာတော့ မရှိခဲ့ဘူးလို့ လည်းဆို ပါတယ်။

အလားတူ ကျောက်တော်မြို့နယ် ကန်စောက် ၅၃၉ တပ်ရင်းကလည်း အမြောက်တွေကို အဆက်မပြတ် ပစ်ခတ်နေတယ်လို့ အဲဒီ တပ်ရင်းအနီးမှာ ရှိတဲ့ ပန်းဘဲချောင်းရွာသားတစ်ဦးက ဘီဘီစီကိုပြောပါတယ်။

ရခိုင်ပြည်နယ် အတွင်း တိုက်ပွဲတွေဟာ နေ့စဉ်ရက်ဆက်ဆိုသလို ဖြစ်ပွားနေတဲ့ အတွက် စစ်တွေအပါ အဝင် မြို့အတော်တော်များမှာ လုံခြုံရေးတွေ တင်းကျပ်ထားသလို စစ်ဆေးမှု၊ ဖမ်းဆီးမှုတွေ လည်း မြင့်တက်နေတယ်လို့ဒေသခံတွေရဲ့ပြောကြားချက်အရသိရပါတယ်။

BBC Burmese
https://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ