"၀" ကိုယ်ပိုင်အုပ်ချုပ်ခွင့်ရဒေသ မိုင်းမောမှာ ပေါက်ကွဲမှုဖြစ်ပွားလို့ ထိခိုက်သေဆုံးမှုရှိ

"၀" ကိုယ်ပိုင်အုပ်ချုပ်ခွင့်ရဒေသ မိုင်းမောမြို့က ဆောက်လုပ်ရေးလုပ်ငန်းခွင်တစ်ခုမှာ ပေါက်ကွဲမှုဖြစ်ပွားစဉ် / Photo: Ye Htut Oo - WeChat
"၀" ကိုယ်ပိုင်အုပ်ချုပ်ခွင့်ရဒေသ မိုင်းမောမြို့က ဆောက်လုပ်ရေးလုပ်ငန်းခွင်တစ်ခုမှာ ပေါက်ကွဲမှုဖြစ်ပွားလို့ ထိခိုက်သေဆုံးသူတွေရှိတယ်လို့ UWSA ပြောရေးဆိုခွင့်ရှိသူ ဦးညီရန်းက RFA ကို ဒီနေ့ ပြောပါတယ်။ ဆောက်လုပ်ရေးလုပ်ငန်းသုံး ခဲယမ်းတွေသိုလှောင်တဲ့နေရာ မတော်တဆဖြစ်တယ်လို့သာ သိထားရပြီး အခြေအနေအသေးစိတ်ကို စုံစမ်းနေဆဲဖြစ်တယ်လို့ ဦးညီရန်းက ပြောပါတယ်။

ထိခိုက်ဒဏ်ရာရရှိသူ၊ သေဆုံးသူတွေရှိပေမယ့် အရေအတွက်အတိအကျ မသိရသေးဘူးလို့ ဆိုပါတယ်။ ဒီပေါက်ကွဲမှုနဲ့ပတ်သက်လို့ သတင်းထုတ်ပြန်ပေးသွားမယ်လို့လည်း ဦးညီရန်းက ပြောပါတယ်။

မိုင်းမောမြို့ဟာ “၀” ကိုယ်ပိုင်အုပ်ချုပ်ခွင့်ရဒေသဖြစ်တဲ့ ပန်ဆန်းမြို့နဲ့ ကီလိုမီတာ ၁၅၀ ခန့်ကွာဝေးတယ်လို့ သိရပါတယ်။

ဒီအခြေအနေနဲ့ပတ်သက်လို့ RFA က ရှမ်းပြည်နယ်အစိုးရအဖွဲ့ဝင် ၀န်ကြီး ဒေါက်တာ မျိုးထွန်း နဲ့ ၀န်ကြီး ဦးစိုင်းစွံဆိုင်း တို့ကို ဆက်သွယ်ပေမယ့် ဖုန်းလက်ခံဖြေကြားတာမရှိပါဘူး။ ထိခိုက်သေဆုံးသူတွေအခြေအနေနဲ့ပတ်သက်လို့ RFA က သီးခြားအတည်ပြုလို့မရသေးပါဘူး။

ပန်ဆန်းမြို့မှာ ဧပြီလ ၁၅ ရက်နေ့ကစပြီး ငြိမ်းချမ်းရေးနှစ် ၃၀ ပြည့် အခမ်းအနားကျင်းပဖို့ ရှိပြီး ဒီအခမ်းအနားအတွက် ပန်ဆန်းမြို့မှာတင်မက မိုင်းမောမြို့မှာလည်း ကြိုတင်ပြင်ဆင်မှုတွေ ရှိတယ်လို့ သိရပါတယ်။

ဒီသတင်းကို RFA သတင်းထောက် မဇင်မာဝင်း ပေးပို့လိုက်တာပါ။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ