 |
| နာမည်ကြီး မင်းသမီး ဝတ်မှုန်ရွေရည်က လက်ရှိ မင်းသမီးတွေထဲမှာ အနုပညာကြေး အများဆုံးလို့ ပြောကြပါတယ်။ |
ခေတ်အဆက်ဆက် မင်းသမီးတွေရတဲ့ အနုပညာကြေးထက် မင်းသားတွေက ပိုရခဲ့ကြတာပါ။
အခုခေတ်မှာဆိုရင် အရင်ခေတ်တွေထက်တောင် မင်းသားက မင်းသမီးထက် ကားရိုက်ခ ပိုရကြပါတယ်။
ရုပ်ရှင် သရုပ်ဆောင် အကယ်ဒမီ ဒေါ်ဆွေဇင်ထိုက်က သူ့ခေတ်သူ့အခါကဆိုရင် နာမည်ကြီးသရုပ်ဆောင်ချင်း အတူတူ မင်းသားက မင်းသမီးထက် ၃၀ ရာခိုင်နှုန်း ပိုရပြီး အခုခေတ်မှာ အဲဒီထက်တောင် မင်းသားက ပိုရတယ်လို့ သိရကြောင်း ပြောပါတယ်။
 |
| ၂၀၁၈ ခုနှစ်က အကယ်ဒမီရတဲ့ မင်းသား မြင့်မြတ်က လက်ရှိ မင်းသားဈေးကွက်မှာ ဦးဆောင်နေပါတယ်။ |
ခေတ်အလိုက် မင်းသားရော မင်းသမီးပါ သရုပ်ဆောင်ခတွေ တိုးလာပေမဲ့ ပရိသတ် အကြိုက်ဆုံး နာမည်အကြီးဆုံး မင်းသားနဲ့ မင်းသမီးရဲ့ ဝင်ငွေတွေက အခုချိန်ထိ တန်းတူ မရကြသေးပါဘူး။
ဒီနေ့ခေတ်မှာ ရုပ်ရှင်ဇာတ်ကားကြီးတစ်ကား ရိုက်ဖို့ ကုန်ကျစရိတ်က သိန်း ၁၅၀၀ ကနေ သိန်း ၂၀၀၀ အထိ ရှိတတ်ပြီး ထိပ်တန်း မင်းသားတစ်ယောက်ရဲ့ ကားရိုက်ခက တစ်ကားကို ကျပ်သိန်း ၄၀၀ ကနေ သိန်း ၆၀၀ လောက် အထိရှိတယ်လို့ ကြားရကြောင်း ဒေါ်ဆွေဇင်ထိုက်က ပြောပါတယ်။
မင်းသမီး ကျတော့ သိန်း ၂၀၀ ကနေ သိန်း ၃၀၀ ကျော်လောက် အထိပဲရတယ်လို့ သူက ပြောပါတယ်။
လက်ရှိ အများဆုံးရတဲ့ မင်းသား မင်းသမီးတွေထဲမှာ မြင့်မြတ်၊ ဝတ်မှုန်ရွှေရည်နဲ့ ဖွေးဖွေးတို့ ပါဝင်ပါတယ်။
ရုပ်ရှင်လောကသားတွေရဲ့ အပြောအရ ဝတ်မှုန်ရွှေရည်က ဇာတ်ကားတစ်ကားကို သိန်း ၃၅၀ ကျော် ရတဲ့အချိန်မှာ မြင့်မြတ်က သိန်း ၈၀၀ ကနေ ၁၀၀၀ လောက်အထိ ရတယ်လို့ ဆိုပါတယ်။
 |
| နာမည်ကြီးတာချင်း၊ ပါဝင်သရုပ်ဆောင်ရတဲ့ အနေအထားချင်း တူရင် မင်းသား မင်းသမီး အတူတူရသင့်တယ်လို့ အကယ်ဒမီဆွေဇင်ထိုက်က ယူဆပါတယ်။ |
https://www.bbc.com/burmese
မြန်မာ့ရုပ်ရှင် - မင်းသား သိန်း ၆၀၀၊ မင်းသမီး သိန်း ၃၀၀၊ မင်းသမီးတွေ ဘာကြောင့် အရနည်းသလဲ
Reviewed by THITHTOOLWIN
on
07:02
Rating:
Reviewed by THITHTOOLWIN
on
07:02
Rating:
