တပ်မတော် ထိုးစစ်ဆင်တာတွေ ရပ်တန့်ဖို့ မြောက်ပိုင်း ၃ဖွဲ့ ထုတ်ပြန်

မြောက်ဦးမြို့ အနောက်မြေထဲစေတီပေါ်မှာ လက်နက်ကြီးကျရောက်တာကြောင့် ထိခိုက်ပျက်စီးခဲ့တဲ့နေရာကို ၂၀၁၉ မတ်လ ၁၆ ရက်နေ့ကတွေ့ရစဉ် / Photo: Min Thein Aung/RFA
ရခိုင်ပြည်နယ်အပါအဝင် တိုင်းရင်းသားဒေသတွေမှာ တပ်မတော်က ထိုးစစ်ဆင်တိုက်ခိုက်နေတာတွေကို ရပ်တန့်ပြီး တွေ့ဆုံဆွေးနွေးတာတွေ လုပ်ဆောင်ဖို့ ရခိုင့်တပ်မတော် AA အပါအ၀င် မြောက်ပိုင်းမဟာမိတ်အဖွဲ့ ၃ ဖွဲ့က ဒီနေ့ ပူးပေါင်းကြေညာချက်ထုတ်လိုက်ပါတယ်။

တိုင်းရင်းသား လက်နက်ကိုင်အဖွဲ့တွေနဲ့ တိုက်ပွဲပြင်းထန်တဲ့ အချိန်တွေမှာ တပ်မတော်အနေနဲ့ ဒေသခံတိုင်းရင်း သားတွေကို ဦးတည်တိုက်ခိုက်နေတာဟာ ပြည်ထောင်စုပြိုကွဲနိုင်တဲ့ လုပ်ရပ်ဖြစ်ကြောင်းလည်း ထုတ်ပြန်ချက်မှာ ဝေဖန်ထောက်ပြထားပါတယ်။

ဒ့ါအပြင် တပ်မတော်အနေနဲ့ ရခိုင်ပြည်နယ် မြောက်ဦးမြို့နယ်က ကျေးရွာတွေမှာ ရခိုင်ပြည်သူလူထုနဲ့ ရခိုင်ရှေးဟောင်း သမိုင်းအမွေအနှစ် စေတီပုထိုးတွေကို လက်နက်ကြီး၊ လက်နက်ငယ်တွေအပြင် တိုက်လေယာဉ် သုံး တိုက်ခိုက်တာတွေရှိနေတာကြောင့် စစ်ရာဇဝတ်မှုကျူးလွန်နေတဲ့ လုပ်ရပ်ဖြစ်တာကြောင့် အပြင်းအထန် ကန့်ကွက်ရှုတ်ချကြောင်းလည်း ကြေညာချက်မှာ ပါဝင်ပါတယ်။

မြောက်ပိုင်းမဟာမိတ်အဖွဲ့တွေရဲ့ ဒီနေ့ ထုတ်ပြန်ချက်နဲ့ ပတ်သက်ပြီး တပ်မတော် သတင်းမှန်ပြန်ကြားရေးအဖွဲ့ ပြောရေးဆိုခွင့်ရှိသူ ဗိုလ်မှူးချုပ် ဇော်မင်းထွန်းကို RFA က ဆက်သွယ်ပေမယ့် ဖုန်းလက်ခံဖြေကြားခြင်းမရှိပါဘူး။

အနောက်ပိုင်းတိုင်းစစ်ဌာနချုပ်တိုင်းဦးစီး ဗိုလ်မှူးကြီး ၀င်းဇော်ဦး ကတော့ ပြည်သူတွေကို အကြောင်းမဲ့ပစ်ခတ် တိုက်ခိုက်တာ မရှိကြောင်း နဲ့ AA အဖွဲ့က တိုက်ခိုက်တာကြောင့် ပြန်လည်ပစ်ခတ်ရတာလို့ RFA ကို ဒီနေ့ ပြောပါတယ်။

ဒါ့အပြင် AA အဖွဲ့ဟာ လူနေအိမ်တွေကြားကနေ တပ်မတော်ကို ပစ်ခတ်တိုက်ခိုက်တာတွေကြောင့် ပြန်လည်ပစ်ခတ်တာဖြစ်ကြောင်းနဲ့ ရှေးဟောင်းစေတီပုထိုးနေရာတွေမှာ AA အဖွဲ့က ပစ်ခတ်တိုက်ခိုက်ဖို့ ကျင်းတူးထားတာတွေရှိတာကြောင့် တပ်မတော်အနေနဲ့ ပြန်လည်ပစ်ခတ်ရတာဖြစ်ကြောင်းလည်း ပြောထားပါတယ်။

ဒီကြေညာချက်ကို ရခိုင့်တပ်မတော် AA၊ တအာင်းလွတ်မြောက်ရေးတပ်မတော် TNLAနဲ့ ကိုးကန့်တပ်မတော် MNDAA တို့က ပူးပေါင်းထုတ်ပြန်တာဖြစ်ပြီး လာမယ့် မတ်လ ၂၁၊ ၂၂ ရက်နေ့တို့မှာ ကျင်းပမယ့် ငြိမ်းချမ်းရေးဆွေးနွေးပွဲတွေကို မြောက်ပိုင်းမဟာမိတ်အဖွဲ့အားလုံး တက်ရောက်မယ်လို့လည်း ပါရှိပါတယ်။

ဒီသတင်းကို RFA သတင်းထောက် ကိုကျော်လွင်ဦး ပေးပို့တာပါ။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ