ဒိုက်ဦးမြို့နယ်၌ ယာဉ်တိုက်မှုကြောင့် ၃ ဦး သေ၊ ၇ ဦး ဒဏ်ရာရရှိ


၂၀၁၉ခုနှစ်၊ မတ်လ ၂၈ ရက်နေ့ ၀၇း၁၀ အချိန်ခန့် က ဒိုက်ဦးမြို့နယ်၊ လက်ခုပ်ကွင်းကျေးရွာ ရန်ကုန်-မန္တလေးလမ်းဟောင်း မိုင်တိုင်(၇၄/၁-၂)ကြားမှာ ယာဉ်တိုက်မှုကြောင့် ၃ ဦး သေ၊ ၇ ဦး ဒဏ်ရာရရှိကြောင်း သိရပါသည်။

 ရန်ကုန်ဘက်မှ မန္တလေးဘက်သို့ နိုင်ထက်လင်း(၂၁)နှစ် (ဘ)ဦးဝင်းစိုး မဇင်းတိုးချဲ့(၂)ရပ်ကွက် ပဲခူးမြို့နေသူ မောင်းနှင်လာသည့် BGO 6M/×××× Suzuki Hijet အလှူခံယာဉ်သည် အရှိန်မထိန်းနိုင်ဘဲ တစ်ဖက်ယာဉ်ကြောသို့ ရောက်ရှိကာ မျက်နှာချင်းဆိုင်မှ ဦးဝင်းသိန်းဖေ (၅၈)နှစ် (ဘ)ဦးဘဖေ အောင်မင်္ဂလာရပ်ကွက်၊ ဝမ်းတွင်းမြို့နေသူမောင်းနှင်ပြီး Asia အချိုရည်များ တင်ဆောင် လာသော MDY 3M/×××× Nissan ၂၂ ဘီးတွဲယာဉ်အား ဝင်ရောက်တိုက်မိခဲ့ခြင်း ဖြစ်သည်။

 Suzuki Hijet ယာဉ်ပေါ်ပါ ၈ ဦးအနက် ဦးညွန့်လှိုင်(၄၉)နှစ် (ဘ)ဦးတွတ် ပုဏ္ဏားစုရပ်ကွက်၊ ပဲခူးမြို့နေသူ ပါ ၃ ဦး(ကျား ၁၊ မ ၂)တို့တွင် ဦးခေါင်းကြေမွ၊ ဝဲခြေသလုံးဖူးရောင်ဒဏ်ရာများဖြင့် အခင်းဖြစ်နေရာ၌ သေဆုံးခဲ့ပြီး နိုင်ထက်လင်းပါ ၃ ဦး(သံဃာ ၁၊ ကျား ၂)တို့တွင် ဦးခေါင်းပေါက်ပြဲ၊ နားသွေးထွက်ဒဏ်ရာများ (စိုးရိမ်ရ) ရရှိခဲ့ပြီး စန်းမျိုး(၁၉)နှစ် (ဘ)ဦးနေဝင်း ပုဏ္ဏားစုရပ်ကွက်၊ ပဲခူးမြို့နေသူပါ ၂ ဦး(ကျား ၁၊ မ ၁)နှင့် Nissan ယာဉ်ပေါ်ပါ ဦးဝင်းသိန်းဖေ ပါ ၂ ဦး(ကျား ၁၊ မ ၁)တို့တွင် ပွန်းပဲ့ပေါက်ပြဲဒဏ်ရာများ(မစိုးရိမ်ရ)ရရှိခဲ့ပါသည်။

 ၀၈း၀၀ အချိန်တွင် သေဆုံး/ဒဏ်ရာရရှိသူများအား ဒိုက်ဦးပြည်သူ့ဆေးရုံနှင့် ပဲခူးပြည်သူ့ဆေးရုံတို့သို့ ပို့ဆောင်ခဲ့ပြီး ၁၃း၄၅ အချိန်တွင် နိုင်ထက်လင်း(ဖမ်းမမိ)အား ဖောင်တော်သီနယ်မြေရဲစခန်း ယာဉ်(ပ)၁၂/၂၀၁၉၊ ရာဇသတ်ကြီး ပုဒ်မ ၃၀၄-က/၃၃၈/၃၃၇(ပေါ့လျော့မှုကြောင့် လူသေမှု/ပြင်းထန်/ သာမန် နာကျင်စေမှု)ဖြင့် အမှုဖွင့်စစ်ဆေးလျက် ရှိကြောင်း ပြည်ထဲရေးဝန်ကြီးဌာန၏ သတင်းထုတ်ပြန်ချက်အရ သိရပါသည်။

သစ်ထူးလွင်

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ