လေးမြို့ချောင်း ဘုရားကြီးနှင့် မော်ရွာဟောင်းတွင် တိုက်ပွဲဖြစ်ပွား၍ ကျေးရွာသား နှစ်ထောင်နီးပါး အိုးအိမ်များကို စွန့်ခွာထွက်ပြေး

(ဓာတ်ပုံ- စင်ဘောကိုင်းရွာသို့ ထွက်ပြေးလာကြသည့် စစ်ဘေးရှောင်များကို ယနေ့ နံနက်က တွေ့ရစဉ်)
နိရဉ္စရာ၊ မတ် ၅

မတ်လ ၄ ရက် ညနေ ၇ နာရီကျော်က မြောက်ဦးမြို့နယ် ဘုရားကြီးနှင့် မော်ရွာဟောင်းအကြားတွင် မြန်မာ အစိုးရတပ်မတော်နှင့် ရက္ခိုင့်တပ်မတော် (AA) တို့ အကြား တိုက်ပွဲ ပြင်းထန်စွာ ဖြစ်ပွားခဲ့သဖြင့် ကျေးရွာသား ၂၀၀၀ ခန့်သည် နေအိမ်များကို စွန့်ခွာပြီး ဘေးလွတ်ရာကို ထွက်ပြေးသွားခဲ့ကြရသည်။

ထွက်ပြေးသွားသူများသည် မြောက်ဦးမြို့နယ် စင်းဘောကိုင်းကျေးရွာသို့ ရောက်ရှိနေကြပြီး ၎င်းတို့အထဲတွင် ဘုရားကြီးရွာမှ ၈၀၀၊ မော်ရွာဟောင်းမှ ၄၀၀ ကျော်နှင့် မော်ရွာသစ်မှ ၈၀၀ ခန့် ဖြစ်ကြောင်း ထွက်ပြေးလာသူ ဒေသခံ တစ်ဦးက ပြောကြားသည်။

ဘုရားကြီးကျေးရွာသား တစ်ဦးက “ တိုက်ပွဲက ည ၇ နာရီခွဲလောက်ကစပြီး ဖြစ်ပါတယ်။ နာရီခွဲ နီးပါးလောက် ကြာပါတယ်။ စစ်တပ်က ကျွန်တော်တို့ရွာ ဘုန်းကြီးကျောင်းကနေ ပစ်ပါတယ်။ အေအေက မော်ရွာဟောင်းကနေ ပစ်ပါတယ်။ လက်နက်ကြီး၊ လက်နက်ငယ်တွေနဲ့ အပြန်အလှန် ပစ်ကြပါတယ်” ဟု ပြောကြားသည်။

တိုက်ပွဲအတွင်း ရွာသားများမှာ ဘေးလွတ်ရာသို့ တိမ်းရှောင်ခဲ့ရပြီး ဘုရားကြီးရွာသားများ အနေဖြင့် ထိခိုက်မှု တစ်တစ်စုံတစ်ရာ မရှိဟု ၎င်းက ပြောဆိုသည်။

“ ကျွန်တော်တို့ ဘုရားကြီးမှာ မိသားစု ၁၀၀ ကျော်ရှိပါတယ်။ တစ်ရွာလုံးထွက်ပြေးလာကြပါတယ်။ လူပေါင်း ၈၀၀ ရှိပါတယ်။ အခု ကျွန်တော်တို့ စင်းဘောကိုင်းကို ရောက်နေပါတယ်။ အ၀တ်တစ်ထည် ကိုယ်တစ်ခုနဲ့ ထွက်ပြေးလာကြပါတယ်” ဟု ၎င်းဘုရားကြီး ကျေးရွားသားက ပြောဆိုသည်။

အလားတူ မော်ရွာဟောင်းမှ ရွာသား ၅၀၀ နီးပါးခန့်လည်း ထွက်ပြေးပြီး စင်ဘောကိုင်းကျေးရွာသို့ ရောက်ရှိနေကြောင်း ပြောကြားသည်။

“ အခု ကျွန်တော်တို့ စင်းဘောကိုင်းကို ရောက်နေကြပါတယ်။ မော်ရွာဟောင်းမှာ အိမ်ခြေ ၆၀ ကျော်ရှိပါတယ်။ ထွက်ပြေးလာကြတာက လူပေါင်း ၄၀၀ ကျော် ဖြစ်ပါတယ်။ ဘုရားကြီးရော၊ မော်ရွာသစ်၊ မော်ရွာဟောင်းပါ အားလုံး ရခိုင်လူမျိုးတွေ နေထိုင်တဲ့ ရွာတွေပါ” ဟု ပြောသည်။

ဘုရားကြီးနှင့် မော်ရွာဟောင်းမှာ လေးမြို့ချောင်းတစ်ချောင်းသာ ခြားပြီး ၎င်းချောင်းထဲတွင် မော်တော်ဘုတ် တစ်စီးလည်း တိုက်ပွဲအတွင်း နစ်မြုပ်သွားကြောင်း ဒေသခံများက ပြောကြားသည်။

မော်တော်ဘုတ်ပေါ်တွင် ပါလာသူ ဆင်အိုးချေ ကျေးရွာမှ မောင်ဖြူလှမှာ ခြေထောက်တွင် ဒဏ်ရာရသွားသူ ညဥ့် ၁၂ နာရီ အချိန်တွင် မြောက်ဦးဆေးရုံသို့ တင်ပို့ခဲ့ရသည်ဟု ဆင်အိုးရွာသား တစ်ဦးက ပြောသည်။

နစ်မြုပ်သွားသည့် မော်တော်ဘုတ်နှင့် ပတ်သက်ပြီး ဘုရားကြီးရွာသား တစ်ဦးက “ နစ်မြုပ်သွားတယ်လို့သာ သိရပါတယ်။ ဘယ်သူ့ဘုတ်လဲ။ ဘယ်သူတွေပါသလဲဆိုတာတော့ ကျွန်တော်တို့လည်း တိတိကျကျ မသိရပါ။ မြစ်ကြောင်းအတိုင်းအထက်ကို တက်တဲ့ ဘုတ်လို့ သိရပါတယ်” ဟု ပြောကြားသည်။

Narinjara
https://www.facebook.com/Narinjara

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ