 |
| Photo : Google Map/ ထိုင် –းမြန်မာနယ်စပ် ရှိ လတ်တိုင်ရွာ ပြမြေပုံ ။ ပစ်ခတ်ခံရသော RCSS လွယ်လမ်တပ်စခန်းမှာ လတ်တိုင်ရွာနှင့်မျက်နှာချင်းဆိုင် နယ်စပ်မျဉ်းတဖက်ခြမ်း သျှမ်းပြည်နယ်အတွင်းတွင်တည်ရှိသည်။ |
ဖေဖေါ်ဝါရီ ၁၃ ရက် ညနေ ၅ ခွဲကျော်အချိန် ခန့်တွင် သျှမ်းပြည်အရှေ့ပိုင်း မိုင်းဆတ်ခရိုင် မိုင်းတုံ မြို့နယ် မိုင်းထားမြို့နယ်ခွဲအတွင်းမှ – ထိုင်းနယ်စပ်ရှိ သျှမ်းပြည်ပြန်လည်ထူထောင်ရေးကောင်စီ သျှမ်းပြည်တပ်မတော် RCSS/SSA ၏ အမှတ် ၁၁ ကင်းစခန်းတခုအား ဒေသအတွင်း လက်နက်ကိုင်တပ်တခုက လက်နက်ကြီးဖြင့် ၄ ကြိမ်ပစ်ခတ်သည်ဟု မိုင်းတုံမြို့နယ်အတွင်းရှိ RCSS တပ်မှူးတဦးကပြောသည်။
“ညနေ ၆ နာရီလောက်ကပစ်ခံရတာ။ အခုကျနော်တို့လဲ စစ်ဆေးနေတယ်။ မိုင်းတော့ဘက်ကနေပစ်လာတာ။ အဲဒီမှာက အစိုးရတပ် ကော ၊ ၀ တပ်ကော ရှိတယ်။ ၆ ကြိမ်ပစ်တယ်။ ၄ ကြိမ်က တပ်အနီး လာကျတယ်။ ဘာမှ တော့မထိဘူး ။ ဘယ်သူပစ်တယ်ဆိုတာလဲမသိရသေးဘူး။”- ဟု ပြောသည်။
RCSS/SSA ၏ ပစ်ခတ်ခံရသော လွယ်လမ် တပ်စခန်းသည် ထိုင်းနိုင်ငံချင်းမိုင်မြို့ ၀ိန်းဟိုင်မြို့နယ် ပိန်းလုံအုပ်စု ထိုင်း-မြန်မာနယ်စပ် လတ်တိုင်ရွာနှင့်မျက်နှာချင်းဆိုင် သျှမ်းပြည်ဘက်ခြမ်းတွင်ရှိပါသည်။ လတ်တိုင်ရွာ မှ နာရီဝက်ခန့် ဆိုင်ကယ်စီးသွားရသော ခရီးတွင်ရှိပါသည်။
သျှမ်းပြည်တပ်မတော် RCSS/SSA သည် အစိုးရ နှင့် တနိုင်ငံလုံးအပစ်အခတ်ရပ်စဲရေးစာချုပ် လက်မှတ်ရေးထိုးထားသည့် သျှမ်းလက်နက်ကိုင်တပ်တခုဖြစ်သည်။
အစိုးရတပ်မတော်၏ ဇန်နဝါရီလ ၂၅ ရက်နေ့ ထုတ်ပြန်ချက်တွင် သျှမ်းပြည်တပ်မတော် RCSS/SSA အပါ အဝင် လက်နက်ကိုင်တပ်ဖွဲ့များအားလုံးကျူးကျော်လှုပ်ရှားနေသည့်နေရာမှ တပ်များလုံး ဖေဖေါ်ဝါရီ ၁၂ ရက်နေ့ နောက်ဆုံးထားပြီး တပ်ဆုတ်ရုပ်သိမ်းပေးရန် အသိပေးထားသည်။ သို့သော် သျှမ်းပြည်တပ်မတော် RCSS/SSA ကမူ အစိုးရတပ်မတော် စွပ်စွဲသကဲ့သို့ သဘောတူညီချက် ချိုးဖေါက်ခြင်း တစုံတရာ မရှိဟု ထုတ်ပြန်ထားသည်။
သျှမ်းသံတော်ဆင့် - ဟွမ်ဟိန်း
https://burmese.shannews.org
ထိုင်းနယ်စပ်ရှိ RCSS တပ်စခန်း လက်နက်ကြီးဖြင့်ပစ်ခတ်ခံရ
Reviewed by THITHTOOLWIN
on
08:57
Rating:
Reviewed by THITHTOOLWIN
on
08:57
Rating:
