တပ်မတော်နဲ့ RCSS တိုက်ပွဲကြောင့် RCSS တပ်ဖွဲ့ဝင် ၂ ဦးသေဆုံး

ရှမ်းပြည်ပြန်လည်ထူထောင်ရေးကောင်စီ RCSS/SSA တပ်ဖွဲ့ဝင်တချို့ကို တွေ့ရစဉ် / Photo: Kan Thar/RFA
ရှမ်းပြည်နယ်မြောက်ပိုင်း ကျောက်မဲမြို့နယ် တံခွန်တိုင်ကျေးရွာ အနီးမှာ အစိုးရတပ်မတော်နဲ့ ရှမ်းပြည်ပြန်လည် ထူထောင်ရေးကောင်စီ RCSS တပ်တွေ ဒီနေ့မနက်က တိုက်ပွဲကြောင့်  RCSS အဖွဲ့က တပ်ဖွဲ့ဝင် ၂ ဦး သေဆုံးခဲ့ကြောင်း တပ်မတော် သတင်းမှန်ပြန်ကြားရေးအဖွဲ့က ပြောပါတယ်။

တံခွန်တိုင်ကျေးရွာအနီးမှာ အရပ်ဝတ်နဲ့ လက်နက်ကိုင်အဖွဲ့ဝင် ငါးဦးဟာ ဆက်ကြေး ကောက်နေတယ်ဆိုတဲ့ သတင်းအရ တပ်မတော်က ဝင်ရောက်ရှင်းလင်းရာမှာ အရပ်ဝတ်နဲ့အဖွဲ့က စတင်ပစ်ခတ်လို့ အချိန်အနည်းငယ် ပစ်ခတ်မှုတွေရှိခဲ့ပြီး အလောင်းနှစ်လောင်းနဲ့ လက်နက်အချို့ သိမ်းဆည်းရမိခဲ့တာဖြစ်ကြောင်း တပ်မတော် သတင်းမှန် ပြန်ကြားရေးအဖွဲ့က ဗိုလ်မှူးချုပ် ဇော်မင်းထွန်းက RFA ကို ပြောပါတယ်။

ဒါ့အပြင် RCSS တံဆိပ်ပါ ငွေကြေးတောင်းခံတဲ့စာရွက်တွေကိုပါ သိမ်းဆည်းရမိတယ်လို့လည်း ပြောပါတယ်။ တချို့ စာရွက်တွေမှာ ကျပ်သိန်းသုံးရာနဲ့ သိန်းတစ်ရာစီ ပေးဆောင်ဖို့ တောင်းခံထားတဲ့ စာရွက်တွေကို ပါဝင်တယ်လို့လည်း သိရပါတယ်။

ကျောက်မဲမြို့နယ်အတွင်းမှာ ပြီးခဲ့တဲ့တပတ်လောက်ကလည်း RCSS ဘက်က လူသစ်စုဆောင်းဖို့ လာရောက်ခဲ့ပြီး လူတွေကိုတော့ ခေါ်ဆောင်မသွားဘဲ ငွေကြေးကောက်ခံသွားတာရှိတယ်လို့ အမည်မဖော်လိုတဲ့ ကျောက်မဲမြို့ ဒေသခံတစ်ဦးက ပြောပါတယ်။

ဒီကနေ့ဖြစ်စဉ်နဲ့ ပတ်သက်ပြီး RCSS အဖွဲ့ကို ဆက်သွယ်ရာမှာတော့ ဆက်သွယ်လို့ မရသေးပါဘူး။

ရှမ်းပြည်နယ် မြောက်ပိုင်း သီပေါမြို့နယ် လွယ်ငင်းကျေးရွာတဝိုက်မှာလည်း SSPP နဲ့ RCSS တပ်တွေ ဒီနေ့ တိုက်ပွဲဖြစ်ခဲ့ပြီး အရပ်သားအမျိုးသားတစ်ဦး မိုင်းထိမှန် ဒဏ်ရာရခဲ့တယ်လို့ ရွာသားတွေက ဆက်သွယ်လာကြောင်း စစ်ဘေးဒုက္ခသည်တွေကို ကူညီနေသူတွေထံက သိရပါတယ်။

တိုက်ပွဲကြောင့် အရပ်သားတွေ ပိတ်မိနေတာရှိပြီး လမ်းပန်းဆက်သွယ်ရေး နယ်မြေလုံခြုံရေးနဲ့ ဖုန်းလိုင်း အခက်အခဲတွေကြောင့် ပရိဟတအဖွဲ့တွေ အကူအညီ မရောက်နိုင်သေးဘူးလို့လည်း ပရဟိတအဖွဲ့တွေကနေ သိရပါတယ်။

ဒီသတင်းကို RFA သတင်းထောက် ကိုကံသာ ပေးပို့တာပါ။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ