ဘင်္ဂလားဒေ့ရှ် တိုက်ခန်းမီးလောင်မှု ၇၀ ထက်မနည်း သေဆုံး


ဘင်္ဂလားဒေ့ရှ် နိုင်ငံမြို့တော် Dhaka မြို့တော်ထဲက လူနေတိုက်ခန်း တော်တော်များများ မီးလောင်ကျွမ်းခဲ့လို့ ၇၀ ထက်မနည်း သေဆုံးခဲ့ပါတယ်။ သမိုင်းဝင် Chawkbazar ရပ်ကွက်မှာ ဗုဒ္ဓဟူးနေ့ညက အထပ်မြင့်အဆောက်အဦးတခုကနေ စတင်လောင်ကျွမ်းတဲ့မီးဟာ အချိန်တိုအတွင် အနည်းဆုံး အဆောက်အဦး ၄ ခုကို ကူးစက်လောင်ကျွမ်းခဲ့ပါတယ်။

သေဆုံးသူတော်တော်များများက အချိန်မှီ မီးလွတ်ရာမပြေးနိုင်ဘဲ အဆောက်အဦးတွေထဲ ပိတ်မိပြီးသေဆုံးခဲ့ကြတာလို့ မီးသတ်တာဝန်ရှိသတွေက ပြောပါတယ်။ ထိခိုက်ဒဏ်ရာရခဲ့သူပေါင်းကလည်း ၅၀ ထက်မနည်းရှိပါတယ်။ ဘာကြောင့် မီးလောင်ခဲ့သလဲဆိုတာကို စုံစမ်းစစ်ဆေးနေကြပါတယ်။

အထပ်မြင့် အဆောက်အဦးတွေမှာ လူနေအိမ်တွေအပြင် ဓါတုပစ္စည်းတွေ၊ Plastic တွေနဲ့ တခြားမီးလောင်လွယ်တဲ့ ပစ္စည်းတွေကို သိုလှောင်တဲ့ ဂိုဒေါင်တွေအဖြစ်လည်း အသုံးပြုကြပါတယ်။ လူအများအိပ်ပျော်နေကြချိန်မှာ မီးလောင်ကျွမ်းခဲ့တာဖြစ်လို့ သေဆုံးသူအရေအတွက် တိုးလာနိုင်သေးတယ်လို့ တာဝန်ရှိသူတွေက မျှော်လင့်ထားကြပါတယ်။

မီးဘေးလုံခြုံရေးအတွက် စည်းမျဉ်းစည်းကမ်း လိုက်နာမှုအားနည်းတဲ့ Dhaka မြို့တော်မှာ ခုလိုလူနေအဆောက်အဦးတွေ မီးလောင်ကျွမ်းမှုက ဖြစ်လေ့ဖြစ်ထရှိပါတယ်။ ၂၀၁၀ တုန်းက အလားတူမီးလောင်ကျွမ်းမှုကြောင့် လူပေါင်း ၁၂၀ ထက်မနည်းသေဆုံးခဲ့ပြီး မြို့မှာ မီးကြောင့်သေဆုံးသူအများဆုံး အဖြစ်အပျက်တခုဖြစ်ခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ