မြန်မာက ခိုးသွင်းတဲ့ ရွှေချောင်းတွေအိန္ဒိယမှာဖမ်းမိ

အိန္ဒိယမှာဖမ်းဆီးရမိထားသော မြန်မာနိုင်ငံက ရွှေချောင်းများ (NDTV)
မြန်မာနိုင်ငံကနေ အိန္ဒိယနိုင်ငံထဲကို ကာလတန်ဖိုးအားဖြင့် အိန္ဒိယရူပီငွေ ၆. ၇၃ ကုဋေ တန်တဲ့ ရွှေချောင်း ကီလိုဂရမ် ၂၀ လောက် မှောင်ခိုသွင်းလာတာကို အနောက်ဘင်္ဂလား ပြည်နယ်က Kolkataနဲ့ သိပ်မဝေးတဲ့ Howrah မှာ ဖမ်းဆီးရမိတယ်လို့ အိန္ဒိယအစိုးရ ပြည်တွင်းဝင်ငွေဆိုင်ရာ စုံစမ်းစစ်ဆေးရေးအဖွဲ့ DRI က ဗုဒ္ဓဟူးနေ့မှာ ပြောပါတယ်။

ရွှေချောင်း ခိုးသွင်းမှုနဲ့ ပတ်သက်ပြီး ဖမ်းဆီးထားသူ ၂ ဦးရှိတယ်လို့လည်း ပြောပါတယ်။

မြန်မာနိုင်ငံကနေ အိန္ဒိယနယ်စပ်ကို ဖြတ်ပြီး မဏိပူပြည်နယ်ထဲကို ခိုးသွင်းလာတဲ့ ရွှေချောင်း အမြောက်အများကို အနောက်ဘင်္ဂလားပြည်နယ်ထဲ ပို့မယ်ဆိုတဲ့ သတင်းရခဲ့ကြောင်းလည်း DRI က ကြေညာချက်ထုတ်ပြန်လိုက်ပါတယ်။

ဖမ်းဆီးရမိတဲ့ ရွှေဟာ နိုင်ငံရပ်ခြားက ထွက်တဲ့ ရွှေဖြစ်ပြီး အလေးချိန် ၁၉.၉၂ ကီလိုဂရမ်လေး ပြီး ရူပီငွေ ၆ ကုဋေခွဲကျော်တန်တဲ့ ရွှေချောင်း ၁၂၀ ဖြစ်ပါတယ်။ ရွှေတွေကို အိတ်တွေ၊ ဖိနပ်တွေထဲ ထည့်ဖွက်ပြီး သယ်လာတာပါ။

အနောက်ဘင်္ဂလားပြည်နယ်နဲ့ အရှေ့မြောက်ပိုင်း ပြည်နယ်တလွှားမှာ ဖမ်းဆီးရမိတဲ့ မှောင်ခိုရွှေချောင်း တွေဟာ အခု ဘဏ္ဍာရေးနှစ် အတွင်းမှာပဲ ရူပီ ကုဋေပေါင်း ၁၃၀ လောက် ရှိနေပြီဖြစ်ပါတယ်။ ရွှေချောင်းတွေကို အိန္ဒိယနဲ့ နယ်မြေချင်း ထိစပ်နေတဲ့ ဘင်္ဂလားဒေ့ရှ်၊ မြန်မာ၊ နိပေါ၊ ဘူတန်နဲ့ တရုတ်နိုင်ငံတွေကနေ အိန္ဒိယထဲ မှောင်ခို ခိုးသွင်းမယ်လို့ ယုံကြည်ကြပါတယ်။

ဗွီအိုအေ (မြန်မာဌာန)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ