တနင်္သာရီတိုင်း အစိုးရကို ဒေါ်အောင်ဆန်းစုကြည် သတိပေး

နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ကို ၂၀၁၉၊ ဖေဖော်ဝါရီ ၁၃ ရက်နေ့က မြိတ်မြို့ ပုလဲရတနာခန်းမမှာ ပြုလုပ်တဲ့ လူထုတွေဆုံပွဲမှာ တွေ့ရစဉ်/ Photo: Myanmar State Counsellor Office
တနင်္သာရီတိုင်းအစိုးရဟာ ပြည်သူလူထုကျေနပ်မှု အနည်းဆုံးဖြစ်ပြီး အမှန်တကယ် အလုပ်မလုပ်ရင် ပြင်းပြင်းထန်ထန် ကိုင်တွယ်သွားမယ်လို့ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က တိုင်းအစိုးရအဖွဲ့ကို မနေ့က သတိပေးပြောကြားခဲ့ပါတယ်။

အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ဟာ သူသွားရောက်တွေ့ဆုံခဲ့တဲ့ တိုင်းနဲ့ပြည်နယ်တွေထဲမှာ ပြည်သူလူထုရဲ့ တင်ပြပြောဆိုချက်တွေအရ ပြည်သူရဲ့ ကျေနပ်မှု အနည်းဆုံးအစိုးရဟာ တနင်္သာရီတိုင်းအစိုးရဖြစ်ကြောင်း၊ တိုင်းအစိုးရအဖွဲ့ဝင်တွေအနေနဲ့ ပြည်သူတွေနဲ့ ထိတွေ့မှုနည်းပါးတာကို တွေ့ရှိရကြောင်း မနေ့က ထားဝယ်လေဆိပ်မှာ တိုင်းအစိုးရအဖွဲ့ဝင်တွေကို ပြောကြားခဲ့တာဖြစ်ပါတယ်။

ဒေါ်အောင်ဆန်းစုကြည်ရဲ့ တနင်္သာရီတိုင်း ခရီးစဉ် ၃ရက်ကြာအပြီး အပြန်မှာ တိုင်းအစိုးရအဖွဲ့ဝင်တွေကို တွေဆုံပြီး အခုလိုပြောကြားခဲ့တာပါ။

ဒါ့အပြင် မြန်မာနိုင်ငံမြောက်ဖျား၊ အရှေ့ဖျား စတဲ့ဒေသတွေကို သွားရောက်ရာမှာ အစိုးရသက်တမ်း ၃နှစ်အတွင်း သိသိသာသာ တိုးတက်လာတာကို တွေ့ရကြောင်း၊ တနင်္သာရီတိုင်းအစိုးရအနေနဲ့ တိုးတက်မှုနှေးကွေးနေတာ မဖြစ်သင့်ကြောင်း၊ ဒါကို လေးလေးနက်နက် သတိပေးလိုကြောင်း သတိပေးခဲ့တယ်လို့ နိုင်င်ငံတော် အတိုင်ပင်ခံရုံးက ထုတ်ပြန်ထားပါတယ်။

ဒီသတင်းကို RFA သတင်းထောက် ကိုကျော်လွင်ဦး ပေးပို့တာပါ။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ