နိုင်ငံပိုင်မြေပေါ်မှာ ကတိက၀တ်နဲ့ မညီညွတ်တဲ့ စီမံကိန်းတွေကို ရပ်ဆိုင်းဖို့ အဆို ဆွေးနွေးမည်

ပုလဲမြို့နယ် ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင် ကို လွှတ်တော် အစည်းအဝေးမှာ တွေ့ရစဉ်/ Photo: Pyidaungsu Hluttaw
နိုင်ငံပိုင်မြေယာ၊ အဆောက်အအုံတွေပေါ်မှာ ခွင့်ပြုခဲ့တဲ့ စီမံကိန်းတွေထဲက ကတိက၀တ်နဲ့ မညီညွတ်တဲ့ စီမံကိန်းတွေကို ရပ်ဆိုင်းဖို့ အဆိုကို ပြည်သူ့လွှတ်တော်မှာ ဆွေးနွေးဖို့ ဒီနေ့ အတည်ပြုလိုက်ပါတယ်။

အင်န်အယ်လ်ဒီပါတီ ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင် တင်သွင်းတဲ့ အဆိုကို ပြည်သူ့လွှတ်တော်ကိုယ်စားလှယ် ဒေါ်ယဉ်မင်းလှိုင်က ထောက်ခံခဲ့တာပါ။

ဒေါ်ခင်စန်းလှိုင်က လုပ်ငန်းရှင်တွေက လုပ်ငန်းလုပ်ဖို့ထက် မြေနေရာဦးနေကြတယ်လို့မြင်ကြောင်း ၊ အခုအချိ်န်မှာ နိုင်ငံတကာရင်းနှီးမြှုပ်နှံမှုတွေ နှောင့်နှေးနေပြီး လမ်းပန်းနဲ့ လျှပ်စစ်မကောင်းတဲ့အပြင် မြေနေရာတွေလည်း မပေးနိုင်ကြောင်း၊ ရှိနေတဲ့မြေတွေကလည်း နေရာဦးထားကြပြီဖြစ်ကြောင်း ပြောပါတယ်။

နိုင်ငံ့အရင်းအမြစ်တွေဖြစ်တဲ့ မြေယာတွေကို အကြောင်းပြချက် အမျိုးမျိုး၊ စာချုပ်အမျိုးမျိုးနဲ့ ရောက်နေသလို လူတချို့ရဲ့ လက်ထဲမှာ တဧကကို ကျပ်ထောင်ဂဏန်းငှားရမ်းခနဲ့ ရယူထားတာတွေတောင်ရှိတယ်လို့ ပြောပါတယ်။

တဆက်တည်းမှာပဲ တချို့စာချုပ်တွေမှာ အစိုးရနဲ့ဌာနက စွက်ဖက်ခွင့်မရှိဆိုပြီး ပါဝင်သလို ဘယ်လုပ်ငန်းမဆို ပြောင်းလဲလုပ်ကိုင်ခွင့်တွေ၊ နှစ် ၃၀ ကနေ နှစ် ၇၀ အထိ ငှားရမ်းထားကြတာတွေရှိတယ်လို့ ဒေါ်ခင်စန်းလှိုင်က ပြောပါတယ်။

အဲဒီအဆိုကို ကန့်ကွက်မယ့်သူမရှိတဲ့အတွက် ပြည်သူ့လွှတ်တော် ဥက္ကဋ္ဌဦးတီခွန်မြတ်က လွှတ်တော်မှာ ဆွေးနွေးဖို့ ကြေညာခဲ့ပါတယ်။

ဒီသတင်းကို RFA သတင်းထောက် ကိုဝင်းကိုကိုလတ် ပေးပို့တာပါ။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ