 |
| မူလတန်းသင်ရိုးညွန်းတမ်းပါ ဝံသာနုစိတ်ဓာတ်ကဗျာ။ / Photo: RFA |
အဲဒီ ကဗျာမှာ သွေးနှောတာ ငါတို့မုန်း လူမျိုးအညွန့်တုံး၊ သွေးနှောလျှင် လူမျိုး အညွန့်တုံးမည်၊ သွေးနှောတာကို ကျွန်ပ်တို့မုန်းတီးရပါသည် စတဲ့ ခွဲခြားဆက်ဆံမှုဆိုင်ရာ စာသားတွေပါရှိတဲ့အတွက် ခေတ်ကာလနဲ့ ကိုက်ညီခြင်း မရှိဘူးဆိုပြီး အရပ်ဘက်အဖွဲ့အစည်း ၁၆ဝ ကျော်နဲ့ တဦးချင်းပုဂ္ဂိုလ် ၁၂ ယောက်တို့က နိုင်ငံတော်သမ္မတ ဦးဝင်းမြင့်ထံ အိတ်ဖွင့်ပေးစာတစောင်ကို ပြီးခဲ့တဲ့ ဒီဇင်ဘာလမှာ ပေးပို့ခဲ့ပြီးနောက် ပညာရေးဝန်ကြီးဌာနက အခုလို ခေါ်ယူဆွေးနွေးခဲ့တာပါ။
ပညာရေးဝန်ကြီးဌာနက သုတေသနနဲ့ လေ့ကျင့်ရေး ညွှန်ကြားရေးမှူးချုပ် ဒေါက်တာ ဝင်းထွန်း နဲ့ ဒုတိယညွှန်ကြားရေးမှူးချုပ် ဒေါက်တာ ဇော်လတ်ထွန်း တို့က ပညာရေးဝန်ကြီးဌာနတွင်း အဆင့်ဆင့် ပြုပြင်ပြောင်းလဲနေပေမယ့် အဲဒီသင်ခန်းစာကို သူတို့ သတိမထားမိခဲ့ကြောင်း၊ အရပ်ဘက်အဖွဲ့အစည်းတွေက ခုလို အပြုသဘောဆောင် တင်ပြတာကို ကြိုဆိုကြောင်း စသဖြင့် ပြောကြားခဲ့တယ်လို့ သွားရောက် ဆွေးနွေးသူတွေဖြစ်ကြတဲ့ ဒေါ်ကက်သလင်းသိန်းနဲ့ ဒေါ်ဇာခြည်ဦး တို့က RFA ကို ပြောကြားပါတယ်။
အဲဒီ တွေ့ဆုံပွဲမှာ ခွဲခြားဆက်ဆံမှုနဲ့ အမုန်းစကား အားပေးတဲ့ သင်ခန်းစာတွေ ကို ပယ်ဖျက်ပေးဖို့နဲ့ ငြိမ်းချမ်းရေး၊လူမှုသဟဇာတဖြစ်ရေးကို အားပေးတဲ့ သင်ခန်းစာတွေ ထည့်သွင်းပေးဖို့အတွက် အရပ်ဘက် အဖွဲ့အစည်းတွေဘက်က တိုက်တွန်းခဲ့ပြီး ဖယ်ဒရယ်ဒီမိုကရေစီနိုင်ငံတော် တည်ဆောက်ရာမှာ အရပ်ဘက် အဖွဲ့အစည်းတွေနဲ့ အစိုးရဌာနတွေ အခုထက်ပိုမို ပူးပေါင်းလုပ်ဆောင်နိုင်ဖို့လည်း အပြန်အလှန် ဆွေးနွေးခဲ့ကြတယ်လို့ ဆိုပါတယ်။
RFA Burmese
https://www.rfa.org/burmese