အောက်သကန်နှင့် ကြပ်စင်ကျေးရွာအကြား ယမန်နေ့က တိုက်ပွဲနှစ်ကြိမ်ဖြစ်ပွားခဲ့


နိရဉ္စရာ၊ ဖေဖော်ဝါရီ ၂၂

ရခိုင်ပြည်နယ်၊ မြောက်ဦးမြို့နယ်၊ စစ်တွေ- ရန်ကုန်ကားလမ်း အရှေ့ဘက် အောက်သကန်ကျေးရွာနှင့် ကြပ်စင်ကျေးရွာ အကြားတွင် ယမန်နေ့ ဖေဖော်ဝါရီ ၂၁ ရက်နေ့ ညနေ ၆ နာရီကျော်က တစ်ကြိမ်၊ ညဥ့် ၉ နာရီကျော်တွင်တစ်ကြိမ် တိုက်ပွဲ ဖြစ်ပွားခဲ့သည်ဟု သတင်းရရှိသည်။

“ ညဉ့်မှာလည်း တစ်ကြိမ်ဖြစ်တယ်။ ညဥ့် ၉ နာရီ ၄၀ လောက်မှာ တစ်ကြိမ်ဖြစ်တယ်။ ၅ မိနစ်လောက်ဘဲ အသံကြားရပါတယ်။ ပထမတစ်ကြိမ် ဖြစ်တာကတော့ မိနစ် ၂၀ လောက်ကြာပါတယ်။ ၆ နာရီ ၁၀ မိနစ်လောက်က နေ ဖြစ်တာ မိနစ် ၂၀ လောက် ကြာပါတယ်” ဟု ကြပ်စင်ကျေးရွာနေ (မကျားချေ အုပ်ချုပ်ရေးမှူး)က ယနေ့ နံနက်က နိရဉ္စရာသို့ ပြောဆိုသည်။

တိုက်ပွဲဖြစ်ပွားရာမှ လက်နက်ကြီး လက်နက်ငယ် ပစ်ခတ်သံများကို အဆက်မပြတ် ကြားခဲ့ရသည်ဟု ဆိုသာ်။

“ ဖြစ်တာက အောက်သကန်ရွာနဲ့ ကြပ်စင်ရွာ တောင်ကျော်လမ်းမှာ ဖြစ်တယ်လို့ ထင်ပါတယ်။ ဒေသခံတွေက ငှက်ပျောတောတောင်လို့ ခေါ်ပါတယ်။ အဲဒီမှာဖြစ်တာပါ။ အဲဒီနေရာ အနီးတ၀ိုက်မှာ ဖြစ်တယ်လို့ ခန့်မှန်းလို့ရပါတယ်” ဟု ကြပ်စင် ကျေးရွာ အုပ်ချုပ်ရေးမှူးက ပြောကြားသည်။

အောက်သကန်ကျေးရွာ အုပ်ချုပ်ရေးမှူးသို့ ဆက်သွယ်ရာ ဖုန်းပိတ်ထားသဖြင့် မေးမြန်းတင်ပြနိုင်ခြင်း မရှိပါ။

အဆိုပါ ကျေးရွာနှစ်ရွာ အပါအ၀င် ပေါက်ပင်ကွင်း၊ ရန်အောင်ပြင်၊ ကျောက်ကြတ်၊ အနီးတ၀ိုက်တို့တွင် ဖေဖော်ဝါရီ ၁၉ ရက်နေ့က စတင်ပြီး မြန်မာအစိုးရ တပ်မတော်နှင့် ရက္ခိုင့်တပ်မတော် (AA) တို့အကြား တိုက်ပွဲများ ပြင်းပြင်းထန်ထန် ဖြစ်ပွားနေပြီး နှစ်ဖက် အကျအဆုံးများလည်း ရှိနေကြောင်း သတင်းရရှိသည်။

Narinjara
https://www.facebook.com/Narinjara

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ