ကျောက်တောင်ကမ်းပါး ပြိုကျမှု ၆ ဦး သေဆုံး

ကချင်ပြည်နယ် ဖားကန့်မြို့နယ်က အမြင့်ပေ ၁၅၀ ကျော်ရှိတဲ့ ကျောက်တောင်ကမ်းပါး ပြိုကျမှုကြောင့် သေဆုံးခဲ့သူတွေရဲ့ ရုပ်အလောင်းကို သယ်ယူနေစဉ် / ဓါတ်ပုံ - ဇော်မိုးထက်(ဖားကန့်)
ကချင်ပြည်နယ် ဖားကန့်မြို့နယ် ဆိပ်မူကျေးရွာအုပ်စု စပေါ့ကျေးရွာအနီးက အမြင့်ပေ ၁၅၀ ကျော်ရှိတဲ့ ကျောက်တောင်ကမ်းပါး မနေ့က နေ့လယ်မှာ ပြိုကျခဲ့တာကြောင့် ကျောက်စိမ်းတူးနေသူ ၆ ဦး သေဆုံးခဲ့ပါတယ်။

ကျောက်စိမ်းတူးဖော်ခွင့် သက်တမ်းကုန်ဆုံးသွားတဲ့ ကုမ္ပဏီ ၂ ခုအကြားမှာ ကျန်ရှိတဲ့ ကျောက်တောင်နံရံအောက်မှာ တစ်ပိုင်တစ်နိုင် ကျောက်စိမ်းတူးဖော်သူ ၉ ဦး ဝင်ရောက်တူးဖော်နေချိန်မှာ တောင်ကမ်းပါးပြိုကျပြီး အဲဒီထဲက ၆ ဦး သေဆုံးခဲ့တာဖြစ်ကြောင်း ဖားကန့်မြို့နယ် အုပ်ချုပ်ရေးမှူး ဦးကျော်စွာအောင်က RFA ကို အတည်ပြုပြောပါတယ်။

သေဆုံးသွားသူတွေရဲ့ ရုပ်အလောင်းကို မနေ့က ညနေပိုင်းမှာ ရှာဖွေတွေ့ရှိထားပြီဖြစ်ပြီး ဖားကန့်မြို့နယ်ဆေးရုံကို ပို့ဆောင်ထားတယ်လို့လည်း ဦးကျော်စွာအောင်က ပြောပါတယ်။

သေဆုံးသွားသူတွေဟာ ရှမ်းပြည်မြောက်ပိုင်း သိန္နီမြို့နယ်၊ ရှမ်းပြည်တောင်ပိုင်း ဟိုပင်မြို့နယ်နဲ့ မန္တလေးတိုင်း သပိတ်ကျင်းမြို့နယ်တွေကနေ လာရောက် ကျောက်တူးကြသူတွေဖြစ်တယ်လို့ သိရပါတယ်။

ပြီးခဲ့တဲ့ ဖေဖော်ဝါရီလ ၄ ရက်နေ့ကလည်း ဖားကန့်မြို့နယ် လုံးခင်းကျေးရွာအုပ်စု မှော်စီစာ ကျေးရွာမှာ မြေစာပုံ ပြိုကျပြီး ရေမဆေးကျောက်ရှာသူ ၂ ဦးသေဆုံးခဲ့ပါတယ်။

ဒီနှစ်အတွင်း အခုချိန်ထိ ဖားကန့်မြို့နယ်မှာ မြေစာပုံ ပြိုကျမှု၊ ကျောက်တောင်ကမ်းပါး ပြိုကျမှုတွေကြောင့် ကျောက်စိမ်းတူးဖော်သူ ၁၀ ဦးခန့် သေဆုံးခဲ့ရကြောင်းလည်း ဖားကန့်မြို့နယ် အုပ်ချုပ်ရေးအဖွဲ့ရဲ့ စာရင်းတွေအရ သိရပါတယ်။

ဒီသတင်းကို RFA သတင်းထောက် ကိုကျော်ထွန်းနိုင် ပေးပို့တာပါ။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ