ဘင်္ဂလားသံအမတ် မြန်မာနိုင်ငံခြားရေးရုံး ဆင့်ခေါ်

မြန်မာ-ဘင်္ဂလားဒှေ့ရှ် နှစ်နိုင်ငံကြား နယ်စပ်ခြံစည်းရိုး မြင်ကွင်းတနေရာ။
မြန်မာနိုင်ငံကနေ ဘင်္ဂလားဒေ့ရှ် ကိုထွက်ခွာသွားတဲ့သူတွေ ပြန်လည်လက်ခံရေးလုပ်ငန်းစဉ် စတင်ဖို့နဲ့ ဘင်္ဂလားဒေ့ရှ် ဘက်က ဖမ်းဆီးထားတဲ့ မြန်မာရဲ့တပ်သားကို မြန်မာနိုင်ငံဆီ ပြန်လွှဲပြောင်းပေးဖို့ ကိစ္စတွေနဲ့ ပတ်သက်ပြီး မြန်မာနိုင်ငံ ဆိုင်ရာ ဘင်္ဂလားဒေ့ရှ် သံအမတ်ကြီး Manjurul Karim Khan Chowdhury ကို မြန်မာနိုင်ငံခြားရေးဝန်ကြီးဌာနက ဆင့်ခေါ် ခဲ့ကြောင်း ဖေဖေါ်ဝါရီလ ၂၁ရက်နေ့စွဲ နဲ့ ထုတ်ပြန်တဲ့ နိုင်ငံခြားရေးဝန်ကြီးဌာနရဲ့ကြေညာချက်မှာဖေါ်ပြထား ပါတယ်။

နိုင်ငံရေးရာဦးစီးဌာန ညွန်ကြားရေးမှူးချုပ် ဦးစိုးဟန်နဲ့  ဘင်္ဂလားဒေ့ရ်ှသံအမတ်ကြီးတို့ နေပြည်တော်မှာ မနေ့က တွေ့ဆုံခဲ့ကြတာဖြစ်ပြီး နေရပ်စွန့်ခွာ သွားသူတွေကို ပြန်လည်လက်ခံရေးလုပ်ငန်းစဉ်တွေ ခပ်မြန်မြန်ပြန်စနိုင်ရေး ၂နိုင်ငံ ပူးတွဲလုပ်ငန်းအဖွဲ့ လေးကြိမ်မြောက် အစည်းအဝေးကို ဧပြီလအတွင်း နေပြည်တော်မှာ ကျင်းပဖို့ပြောဆိုခဲ့ကြတယ်လို့ ဆိုပါတယ်။

ဘင်္ဂလားဒေ့ရှ် ဘက်ကဖမ်းဆီးထားတဲ့ မြန်မာနယ်ခြားစောင့်ရဲတပ်သား အောင်ဘိုဘိုသိန်းကိုလည်း မြန်မာ ဘက်ကိုအမြန်ဆုံးပြန်ပြီးလွှဲပြောင်းပေးဖို့ ပြောဆိုခဲ့ပါတယ်။ ၂၀၁၅ခုနှစ်တုန်းက ဘင်္ဂလားဒေ့ရှ် နယ်ခြားစောင့်ရဲတပ်ဖွဲဝင် တဦး မြန်မာနိုင်ငံဘက်ကိုတရားမ၀င်ရောက်ရှိခဲ့တဲ့ကိစ္စမှာ ၈ ရက်အတွင်း မြန်မာဘက်ကပြန်လွှဲပြောင်းပေးခဲ့ကြောင်း ပြောဆိုခဲ့ပါတယ်။

ဖမ်းဆီးထားတဲ့မြန်မာရဲတပ်သားကို ဥပဒေအရအရေးယူမှုတွေကို ဘင်္ဂလားဒေ့ရှ် အာဏာပိုင်တွေက လုပ်မှာမဟုတ်ပဲ၊ ပြည်တွင်းလုပ်ငန်းစဉ်တွေအရဆောင်ရွက်ပြီး မြန်မာဘက်ကိုပြန်လွှဲပေးမယ်လို့ ဘင်္ဂလားဒေ့ရှ် သံအမတ် ကြီးကပြောဆိုခဲ့ကြောင်းလည်း မြန်မာနိုင်ငံခြားရေး ၀န်ကြီးဌာန ရဲ့မနေ့ကထုတ်ပြန်ချက်ထဲမှာဖေါ်ပြထားပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ