ဖွဲ့စည်းပုံပြင်ဆင်ရေး ပူးပေါင်းကော်မတီဖွဲ့စည်းမှု ဒီကနေ့လွှတ်တော်မှာ ဆုံးဖြတ်မယ်


ပြည်ထောင်စုလွှတ်တော် နာယကက ဖွဲ့စည်းလိုက်တဲ့ ဖွဲ့စည်းပုံ အခြေခံ ပြင်ဆင်ရေး ပူးပေါင်း ကော်မတီ ဖွဲ့စည်းရေးနဲ့ ပတ်သက်ပြီး ဒီကနေ့ ပြည်ထောင်စုလွှတ်တော်မှာ အဆုံးအဖြတ်ရယူမှာ ဖြစ်ပါတယ်။

ပူးပေါင်းကော်မတီကို အဖွဲ့ဝင် ၄၅ ဦး နဲ့ ဖွဲ့စည်းလိုက်ကြောင်း ပြည်ထောင်စုလွှတ်တော်က မနေ့က ကြေညာချက် ထုတ်ပြန်ပါတယ်။

ကော်မတီအဖွဲ့ဝင် ၄၅ မှာ NLD ပါတီ ကိုယ်စားလှယ် ၁၈ ဦး၊ တပ်မတော်သား အစုအဖွဲ့ ကိုယ်စားလှယ် ၈ ဦး၊ ပြည်ထောင်စုကြံခိုင်ရေးနဲ့ ဖွံဖြိုးရေးပါတီက ၂ ဦးနဲ့ တိုင်းရင်းသားပါတီတွေက ကိုယ်စားလှယ် ၁ ဦး စီနဲ့ တစ်သီးပုဂ္ဂလ ၁ ဦးတို့ ပါဝင်ပါတယ်။

ကော်မတီဥက္ကဌအဖြစ် ပြည်ထောင်စုလွှတ်တော် ဒုတိယ နာယက ဦးထွန်းထွန်းဟိန်၊ ဒုတိယ ဥက္ကဌအဖြစ် ဦးအေးသာအောင်၊ အတွင်းရေးမှုးအဖြစ် ဒေါက်တာ မြတ်ဉာဏစိုးနဲ့ တွဲဖက်အတွင်းအရေးမှုးအဖြစ် ဦးပြုံးချို (ခေါ်) ဦးဌေးဝင်းအောင်တို့က တာဝန်ယူထားတယ်။

လွှတ်တော်ထဲမှာရှိတဲ့ နိုင်ငံရေးပါတီ ၁၄ ခု ထဲက ၁၂ ပါတီက ပူးပေါင်းကော်မတီထဲ ပါဝင်မယ့် ကိုယ်စားလှယ်ရဲ့ အမည်စာရင်း ပေးထားပြီး ဖြစ်ပေမယ့် ကြံ့ခိုင်ရေးပါတီ၊ ရခိုင်အမျိုးသားပါတီနဲ့ တပ်မတော်သား ကိုယ်စားလှယ်တွေရဲ့ ကိုယ်စားလှယ်အမည်စာရင်းကိုတော့ ပေးထားတာ မရှိသေးပါဘူး

ပူးပေါင်းကော်မတီရဲ့ တာဝန်တွေထဲမှာ ဒီမိုကရေစီ စံနှုန်းများနဲ့ မညီညွတ်တဲ့ ပြဌာန်းချက်တွေ၊ ရှေ့နောက် ညီညွတ်မှု မရှိတဲ့ ပြဌါန်းချက်တွေ၊ ဥပဒေပြုရေး အုပ်ချုပ်ရေး တရားစီရင်ရေး အာဏာသုံးရပ်ကို တဖက်စောင်းနင်းဖြစ်စေတဲ့ ပြဌာန်းချက်တွေကို လေ့လာသုံးသပ်ရမယ်လို့ ဖော်ပြပါရှိပါတယ်။

BBC Burmese
https://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ