ဖွဲ့စည်းပုံ ပြင်ဆင်ရေးကော်မတီ အစည်းအဝေးကျင်းပ

နေပြည်တော်က လွှတ်တော်ဝန်းအတွင်းမှာ ၂ဝ၁၉ ခုနှစ် ဖေဖော်ဝါရီလ ၁၅ ရက်နေ့က ပြုလုပ်တဲ့ ၂၀၀၈ ဖွဲ့စည်းပုံအခြေခံ ဥပဒေပြင်ဆင်ရေး ဒုတိယအကြိမ် အစည်းအဝေးကို တွေရစဉ် / Photo: Win Ko Ko Latt/RFA
၂၀၀၈ ဖွဲ့စည်းပုံအခြေခံ ဥပဒေပြင်ဆင်ရေး ကော်မတီအစည်းအဝေးကို နေပြည်တော်က လွှတ်တော်ဝန်းအတွင်းမှာ ဒီကနေ့ ဒုတိယအကြိမ် ကျင်းပခဲ့ပေမယ့် ကော်မတီဖွဲ့စည်းမှု မပြီးပြတ်ခဲ့ဘူးလို့ သိရပါတယ်။

ဒီနေ့ အစည်းအဝေးမှာ လွှတ်တော်နာယကက တင်ပြထားတဲ့ ကော်မတီရဲ့ လုပ်ပိုင်ခွင့်၊ သက်တမ်းနဲ့ ပါဝင်မယ့် လူပုဂ္ဂိုလ်စာရင်းတွေကို တက်ရောက်လာတဲ့ လွှတ်တော် ကိုယ်စားလှယ်တွေရဲ့ သဘောထားတွေကို တောင်းခံခဲ့ပြီး အဲဒီအကြံပြုချက်တွေကို ပြည်ထောင်စု လွှတ်တော် နာယကက ဦးတီခွန်မြတ်က ပြန်လည်သုံးသပ်မယ်လို့ ပြောပါတယ်။

ပါဝင်ခွင့်ရမယ့် လူဦးရေအချိုးနည်းပါးတာတွေ၊ မဲခွဲဆုံးဖြတ်ခွင့် ကိစ္စတွေကြောင့် တပ်မတော်၊ ကြံ့ခိုင်ဖွံ့ဖြိုးရေးပါတီနဲ့ ရခိုင်အမျိုးသားပါတီတို့က အမည်စာရင်း မတင်ပြခဲ့ဘူးလို့ သိရပါတယ်။

ပြည်ထောင်စု လွှတ်တော် နာယက ဦးတီခွန်းမြတ်ကတော့ တပ်မတော်သား ကိုယ်စားလှယ်တွေရဲ့ ဆွေးနွေးချက်တွေကို ပြန်လည်သုံးသပ်သွားမယ်လို့ ပြောခဲ့ပါတယ်။

ဒီသတင်းကို RFA သတင်းထောက် ကိုဝင်းကိုကိုလတ် ပေးပို့တာပါ။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ