ဖွဲစည်းပုံ ပြင်ဆင်ရေးကိစ္စ နိုင်ငံရေးပါတီ ၁၆ ခု ပူးပေါင်း ကြေညာချက်ထုတ်

၂ဝဝ၈ ဖွဲ့စည်းပုံ အခြေခံဥပဒေစာအုပ်ကို တွေ့ရစဉ် / Photo: RFA
အမျိုးသားဒီမိုကရေစီအဖွဲ့ချုပ်ပါတီက ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေး ပူးပေါင်းကော်မတီဖွဲ့ စည်းဖို့ဆိုတဲ့ အရေးကြီးအဆိုကို ပြည်ထောင်စုလွှတ်တော်က အတည်ပြုလိုက်တာဟာ ဖွဲ့စည်းပုံအခြေခံ ဥပဒေကို ကျော်လွန် ရာရောက်တယ်လို့ဆိုပြီး ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီအပါအဝင် နိုင်ငံရေးပါတီ ၁၆ ခုတို့က ကန့်ကွက်ကြောင်း မနေ့က ဖေဖော်ဝါရီလ ၁၄ ရက်နေ့က ကြေညာချက် ထုတ်ပြန်လိုက်ပါတယ်။

ပြီးခဲ့တဲ့ ဇန်နဝါရီလ ၂၉ ရက်နေ့က မကွေးတိုင်းမဲဆန္ဒနယ် အမှတ် ၄ က အမျိုးသားလွှတ်တော် ကိုယ်စားလှယ် NLD ပါတီဝင် ဦးအောင်ကြည်ညွန့်က အရေးကြီးအဆိုအနေနဲ့ တင်သွင်းခဲ့ပြီး ဖေဖော်ဝါရီလ ၆ ရက်နေ့က ပြည်ထောင်စု လွှတ်တော်ကနေ အတည်ပြုပေးလိုက်တာဖြစ်ပါတယ်။

လွှတ်တော်ထဲမှာရှိတဲ့ တပ်မတော်သား ကိုယ်စားလှယ်တွေနဲ့ ပြည်ခိုင်ဖြိုး ကိုယ်စားလှယ်တွေဟာ အခြေခံဥပဒေပြင် ဆင်ရေးကို ကန့်ကွက်နေတာမဟုတ်ဘဲ ဥပဒေလုပ်ထုံးလုပ်နည်းကို လေးစားလိုက်နာဖို့ ဦးတည်ဆွေးနွေးခဲ့တာလို့ ပြည်ခိုင်ဖြိုးပါတီ ပြောခွင့်ရသူ ဦးသိန်းထွန်းဦးက ပြောပါတယ်။

ပြီးခဲ့တဲ့ ဖေဖော်ဝါရီလ ၈ ရက်နေ့က နေပြည်တော် လွှတ်တော်ဝန်းအတွင်းမှာ ကျင်းပတဲ့ ဖွဲ့စည်းပုံအခြေခံဥပဒေ ပြင်ဆင်ရေး ကော်မတီဖွဲ့စည်းရေး အစည်းအဝေးမှာ တပ်မတော်နဲ့ ကြံ့ခိုင်ရေးပါတီ ကိုယ်စားလှယ်တွေက ကိုယ်စားလှယ်ရရှိမှုနည်းကြောင်း ကန့်ကွက်ခဲ့တာကြောင့် ကော်မတီဖွဲ့စည်းရေး မပြီးဘဲဖြစ်ခဲ့ပါတယ်။

ကော်မတီထဲမှာ ပြည်ခိုင်ဖြိုးပါတီ ကိုယ်စားလှယ်တွေ ပါဝင်မယ် မပါဝင်ဘူးဆိုတာကိုတော့ သူ့အနေနဲ့ ပြောလို့မရသေးကြောင်း ဦးသိန်းထွန်းက ပြောပါတယ်။

ဒီသတင်းကို RFA သတင်းထောက် ကိုကျော်သူ ပေးပို့တာပါ။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ