ပြည်ပသို့  ဒေါ်လာ တစ်သောင်းထက် ငွေပိုလွှဲလျှင် ဗဟိုဘဏ်မှ ခွင့်ပြုချက် ယူရမည်ဟုဆို

မြန်မာနိုင်ငံတော်ဗဟိုဘဏ်၏ ညွှန်ကြားချက်အားတွေ့ရစဉ် (ဓာတ်ပုံ-- မြန်မာနိုင်ငံတော်ဗဟိုဘဏ်)
   နေပြည်တော်၊ ဖေဖော်ဝါရီ ၄ ရက်(ဆင်ဟွာ)

    ပြည်ပသို့  ကုန်သွယ်မှု အတွက် မဟုတ်သော ငွေလွှဲပေးပို့ ခြင်းများအတွက် တစ်ကြိမ်လျှင် အများဆုံး အမေရိကန်ဒေါ်လာ တစ်သောင်းအထိ သတ်မှတ်ထားရှိရာ ၎င်းထက်ပိုများသော ငွေပမာဏကို လွှဲပြောင်း ပေးချေလိုပါက ဗဟိုဘဏ်၏ ခွင့်ပြုချက်ကို ရယူရမည်ဟု မြန်မာနိုင်ငံတော် ဗဟိုဘဏ် ဒုတိယ ဥက္ကဌ ဦးဘိုဘိုငယ်က ယနေ့  ပြည်သူ့ လွှတ်တော် အစည်းအဝေးတွင် ဖြေကြားခဲ့သည်။

“ပြည်ပ ခရီးစဉ်များ၊ ဆေးကုသမှု၊ ပညာသင်စရိတ်နှင့် စာမေးပွဲကြေးများ၊ ညီလာခံနှင့် ဆွေးနွေးပွဲ တက်ရောက်ခြင်း၊ ပြည်ပတွင် နေနထိုင်သည့် မိသားစုဝင်များ၏ နေထိုင်စားသောက်မှု ကုန်ကျစရိတ် တို့ အတွက် အများဆုံး အမေရိကန် ဒေါ်လာ တစ်သောင်းအထိ ပမာဏကို သတ်မှတ်ထားသည့် အထောက်အထားများ တင်ပြလာပါက စိစစ်ပြီး လွှဲပို့ နိုင်ပါတယ်၊ အမေရိကန် ဒေါ်လာ တစ်သောင်း၊ သို့ မဟုတ် ယင်းနှင့်ညီမျှသော နိုင်ငံခြားငွေထက် ပိုများသော ပမာဏကို လွှဲပြောင်းပေးချေလိုပါက ဗဟိုဘဏ်သို့  တင်ပြပြီး ခွင့်ပြုချက်ရယူရမှာ ဖြစ်ပါတယ်” ဟု ရှမ်းပြည်နယ် ပလောင်အုပ်ချုပ်ခွင့်ရ ဒေသ မန်တုံမဲဆန္ဒနယ် ပြည်သူ့  လွှတ်တော် ကိုယ်စားလှယ် ဒေါ်နန်းမိုး၏ အမေးကို ဖြေကြားရာတွင် ၎င်းက ပြောခဲ့ခြင်းဖြစ်သည်။

နိုင်ငံခြားသုံးငွေ စီမံခန့် ခွဲမှု ဥပဒေ၏ စည်းမျဉ်း အပိုဒ် (၂၉)အရ ထိုကဲ့သို့  ဆောင်ရွက်ရမည် ဖြစ် ကြောင်း လည်း ဗဟိုဘဏ် ဒုတိယ ဥက္ကဌက ပြောခဲ့သည်။ ထိုဥပဒေအရ ကုန်သွယ်မှုအတွက် ငွေလွှဲ ပေးပို့ ခြင်းများကိုမူ ငွေကြေးပမာဏ ကန့် သတ်ထားခြင်း မရှိကြောင်း၊ နိုင်ငံခြား သုံးငွေ စီမံခန့် ခွဲမှု အပိုဒ် (၂၇) အရ နိုင်ငံခြား သုံးငွေများ ရောင်းဝယ်ဖောက်ကားသည့် လုပ်ငန်း လိုင်စင်ရ ဘဏ် ၃၅ ခုရှိကြောင်း၊ ၎င်းတို့ မှာ မြန်မာနိုင်ငံတော် ဗဟိုဘဏ်က ဘဏ်လုပ်ငန်း လုပ်ကိုင်ခွင့် လိုင်စင် ထုတ်ပေးထားသော နိုင်ငံပိုင် ဘဏ် သုံးခု၊ ပြည်တွင်း ပုဂ္ဂလိက ဘဏ် ၁၉ ခု၊ နိုင်ငံခြားဘဏ် ဘဏ်ခွဲ ၁၃ ဘဏ်တို့  ဖြစ်ကြကြောင်း၊ နိုင်ငံခြားသို့  ငွေလွှဲလိုပါက အဆိုပါ ဘဏ်များနှင့် ဆက်သွယ် ဆောင်ရွက်ရမည်ဖြစ်ကြောင်းလည်း ၎င်းက ရှင်းလင်း ဖြေကြားခဲ့သည်။

ထို့ အပြင် တရားမ၀င် ငွေလွှဲပေးပို့  ခြင်းများအား ထိန်းကျောင်းရန် စင်ကာပူနှင့် ထိုင်းနိုင်ငံတို့ ၏ အတွေ့ အကြုံများအား ရယူလျက် စည်းမျဉ်းတစ်ရပ် မူကြမ်း ပြုစု ရေးဆွဲထားပြီး ဖြစ်ကြောင်း၊ ထိုမူကြမ်းအပေါ် သက်ဆိုင်ရာ အဖွဲ့ အစည်းအသီးသီးနှင့် ကော်မတီ အဆင့်ဆင့်တို့ မှ တစ်ဆင့် ပြည်ထောင်စု အစိုးရအဖွဲ့ ၏ အတည်ပြုချက်ကို ရယူကာ ၂၀၁၉ ခုနှစ်အတွင်း ပြီးစီးရေး ဆောင်ရွက် သွားမည် ဖြစ်ကြောင်း၊ စည်းမျဉ်းများ ထုတ်ပြန်ပြီးပါက နိုင်ငံခြားငွေ လွှဲပြောင်း လက်ခံခြင်း လုပ်ငန်း လိုင်စင် ထုတ်ပေးခြင်း၊ အဆိုပါ လိုင်စင်ရရှိသည့် ကုမ္ပဏီများမှတာဝန်ရှိသူများကို ပြည်ထဲရေး ၀န်ကြီးဌာန FIU (Financial Intelligence Unit) က ပို့ ချသည့် ငွေကြေး ခ၀ါချမှုနှင့် အကြမ်းဖက် ငွေကြေးထောက်ပံ့မှု ကာကွယ်ရေး ဆိုင်ရာ သင်တန်းများသို့  တက်ရောက်စေခြင်းတို့ ကို ဆောင်ရွက်သွားမည် ဖြစ်ကြောင်းလည်း ဗဟိုဘဏ် ဒုတိယ ဥက္ကဌက ပြောခဲ့သည်။

(Xinhua)
http://www.xinhuamyanmar.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ