သရက်မြို့ ပဋိပက္ခမှာ ပါဝင်သူတွေကို ပုဒ်မ ၃ ခုနဲ့ အမှုဖွင့်

မကွေးတိုင်း သရက်မြို့မှာ ဒေသခံတွေအကြားပဋိပက္ခဖြစ်ပွားပြီး ရဲတပ်ဖွဲ့က ရာဘာကျည်နဲ့ ပစ်ခတ်တဲ့အတွက် ဒဏ်ရာရသူ တစ်ဦးကို ၂ဝ၁၉ ဖေဖော်ဝါရီ ၁ ရက်နေ့ညက တွေ့ရစဉ် / ဓာတ်ပုံ - ပေါက်ကလေး (သရက်)
မကွေးတိုင်း သရက်မြို့မှာ မနေ့ညနေက ဒေသခံအချင်းချင်း ပဋိပက္ခဖြစ်ပွားခဲ့ရာမှာ ပါဝင်သူတွေကို သရက်မြို့နယ် အုပ်ချုပ်ရေးအဖွဲ့က ရဲတပ်ဖွဲ့ဝင်တွေကို နာကျင်စေမှုအပါအဝင် ပုဒ်မ ၃ ခုနဲ့ အမှုဖွင့်လိုက်ကြောင်း မကွေးတိုင်းဒေ သကြီးရဲတပ်ဖွဲ့က ပြောပါတယ်။

ရဲတပ်ဖွဲ့ဝင်တွေကို နာကျင်စေမှု ပုဒ်မ ၃၃၂၊ ခြိမ်းခြောက်မှု ပုဒ်မ ၂၉၄၊ ပူးပေါင်းကြံစည်မှု ပုဒ်မ ၁၁၄ တို့နဲ့ တရားစွဲဆိုထားတာလို့ မကွေးတိုင်းဒေသကြီး ရဲတပ်ဖွဲ့မှူး ရဲမှူးကြီး ခင်မောင်လတ်က RFA ကို ပြောပါတယ်။

ပဋိပက္ခဖြစ်ပွားချိန်မှာ လုံခြုံရေးယူနေတဲ့ ရဲတပ်ဖွဲ့ဝင်တွေကို ပြန်လည်တိုက်ခိုက်တာကြောင့် ရဲတပ်ဖွဲ့ဝင် ၃ ဦး ထိခိုက်ဒဏ်ရာရရှိခဲ့ကြောင်းလည်း ရဲမှူးကြီး ခင်မောင်လတ်က ပြောပါတယ်။

ဒေသခံတွေအချင်းချင်း မနေ့ကဖြစ်ပွားတဲ့ ပဋိပက္ခကြောင့် လူ ၁၀ ဦးကျော် ထိခိုက်ဒဏ်ရာရရှိခဲ့ပြီး ရဲတပ်ဖွဲ့က လူစုခွဲဖို့ကြိုးစားရာမှာ ရာဘာကျည်အသုံးပြုပြီး ပစ်ခတ်ခဲ့တာကြောင့် ဒေသခံ ၂ ဦး ထိခိုက်ဒဏ်ရာရရှိခဲ့ပါတယ်။

သေနတ်ဒဏ်ရာရရှိသူ ၂ ဦးဟာ သရက်ခရိုင်ဆေးရုံမှာ ဆေးကုသမှုခံယူနေတယ်လို့ သိရပါတယ်။

ဒီသတင်းကို RFA သတင်းထောက် ကိုကျော်ဇောဝင်းနဲ့ ကိုထက်အာကာတို့ ပေးပို့တာပါ။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ