 |
| စစ်ဆေးရေးဂိတ်စခန်းတခုမှာ လူကုန်ကူးမှုတာဆီးနှိမ်နင်းရေးအဖွဲ့က ပညာပေးစစ်ဆေးနေစဉ် |
တရုတ်နိုင်ငံသား ဇနီးမယားအဖြစ် ရောင်းစားခဲ့တဲ့ ဒီအမှုမှာ မြန်မာနိုင်ငံသား ပွဲစား ၂ ဦးနဲ့ အတူ တရုတ်နိုင်ငံသား အမျိုးသမီးပွဲစား ၁ ဦး ကိုပါ စုံစမ်းဖော်ထုတ်နိုင်ခဲ့တယ်လို့ မူဆယ်မြို့ လူကုန်ကူးမှု တားဆီးနှိမ်နင်းရေး ရဲတပ်ဖွဲ့ရုံးက ရဲမှူးကျော်ညွှန့်က ပြောပါတယ်။
" တရားခံတွေက အားလုံးပေါင်း မြန်မာနိုင်ငံသား ၂ ဦး၊ တရုတ်နိုင်ငံသား ၁ ဦးပါ။ တရုတ်နိုင်ငံသားကိုတော့ သူတို့က လွှဲပေးတာ မရှိဘူး။ သူတို့ဥပဒေနဲ့ သူတို့အရေးယူတယ်ပေါ့။ မြန်မာအမျိုးသမီးကို ဝယ်ပေါင်းတဲ့ တရုတ် အမျိုးသားကို ဖမ်းတယ်ဆိုတဲ့ ဥပဒေလည်း သူတို့ဥပဒေမှာ မရှိဘူး" လို့ ရဲမှူးကျော်ညွှန့်က ပြောပါတယ်။
ဒီအမှုကို သတင်းပေးတာ ရှိတဲ့အတွက် တရုတ်နိုင်ငံ ရင်ကျန်းမြို့အထိ ကချင်ပြည်နယ် မြန်မာ - တရုတ် နယ်စပ်မှာ ရှိတဲ့ လွယ်ဂျယ် လူကုန်ကူးမှု တားဆီးနှိမ်နင်းရေးအဖွဲ့က တရုတ် ရဲတပ်ဖွဲ့နဲ့အတူ သွားရောက် စုံစမ်းဖော်ထုတ်ခဲ့လို့ ဖေဖော်ဝါရီ ၁၆ ရက်က ဖမ်းမိခဲ့တာ ဖြစ်ပါတယ်။
မြန်မာနိုင်ငံသား ပွဲစား ၂ ဦး ကိုတော့ လူကုန်ကူးမှု တားဆီးနှိမ်နင်းရေး ဥပဒေနဲ့ တရားစွဲဆိုထားပြီး ဖြစ်တယ်လို့ ရဲမှူးကျော်ညွှန့်က ပြောပါတယ်။
လူကုန်ကူးခံရတဲ့ အမျိုးသမီးတွေဟာ အသက် ၃၁ နှစ် ကနေ ၃၉ နှစ် ဝန်းကျင် အရွယ်တွေ ဖြစ်ပြီး ကချင်ပြည်နယ် လွယ်ဂျယ်မြို့နဲ့ ရှမ်းပြည်နယ် မူဆယ်မြို့တွေမှာ နေထိုင်ကြသူတွေ ဖြစ်တယ်လို့ သိရပါတယ်။
 |
| နယ်စပ်မြို့တွေက သတို့သမီး ခေါ်ယူတဲ့ ကြော်ငြာစာတခု |
တရုတ်နိုင်ငံဘက်က သတို့သမီး လိုအပ်ချက်အရ တရုတ် - မြန်မာ နယ်စပ်မြို့တွေမှာ သိန်းရာကျော် အထိ ပေးမယ်ဆိုတဲ့ ကြေငြာစာတွေ ကပ်ပြီး မြန်မာအမျိုးသမီးတွေကို အငှားကိုယ်ဝန်ဆောင်ဖို့ ခေါ်ဆိုတာတွေ ရှိနေပါတယ်။
တရုတ်အမျိုးသားတွေနဲ့ အတင်း အဓမ္မ မင်္ဂလာဆောင်ပြီး ကလေးမွေးပေးဖို့ လူကုန်ကူးရောင်းစားခံရတဲ့ မြန်မာအမျိုးသမီး ၇,၅၀၀ လောက် ရှိတယ်လို့လည်း ဂျွန်ဟော့ပ်ကင်းစ် ဘလွန်းဘတ်ကျောင်းက ပြည်သူ့ကျန်းမာရေးဌာနနဲ့ ထိုင်းနိုင်ငံ အခြေစိုက် ကချင်အမျိုးသမီးအဖွဲ့က ပြီးခဲ့တဲ့ ဒီဇင်ဘာလ ၇ ရက်မှာ သတင်းထုတ်ပြန် ကြေညာခဲ့ပါတယ်။
BBC Burmese
https://www.bbc.com/burmese
တရုတ်နိုင်ငံသား ဇနီးမယားအဖြစ် လူကုန်ကူး ရောင်းစားခံရသူတွေကို ကယ်တင်နိုင်ခဲ့
Reviewed by THITHTOOLWIN
on
06:41
Rating:
Reviewed by THITHTOOLWIN
on
06:41
Rating:
