ဘူးသီးတောင် တပ်တွင်း ဗုံးပေါက်ကွဲ ၁ ဦးသေ

လုံခြုံရေးတပ်များနေရာယူနေစဉ်
လက်နက်ကိုင် တိုက်ပွဲတွေ ဖြစ်ပွားနေတဲ့ ရခိုင်ပြည်နယ်က ဘူးသီးတောင်မြို့နယ်က စစ်စခန်းတွင်း ဗုံးပေါက်ကွဲမှု တခုကြောင့် အရာရှိတဦးရဲ့ ဇနီးဖြစ်သူ သေဆုံးခဲ့ပြီး၊ တိုက်ခိုက်မှုဟာ ဘယ်သူ့လက်ချက်ဆိုတာတော့ ရှင်းရှင်းလင်းလင်း မသိရသေးပါဘူး။ တချိန်တည်းမှာပဲ ဘူးသီးတောင်မြို့နယ်ထဲမှာပဲ မြန်မာစစ်တပ်နဲ့ AA ရခိုင်လက်နက်ကိုင် အဖွဲ့တို့ကြား တိုက်ပွဲတွေ ဆက်လက် ဖြစ်ပွားနေပါတယ်။ စစ်ရေးတင်းမာနေတဲ့ ရခိုင်ပြည်နယ်တွင်းက နောက်ဆုံးအခြေအနေတွေကိုတော့ ဆက်သွယ်စုံစမ်းထားတဲ့ ဗွီအိုအေ မြန်မာပိုင်း သတင်းထောက် နိုင်ကွန်းအိန်က သတင်းပေးပို့ ထားပါတယ်။

ဒီကနေ့မနက်ဘူးသီးတောင်မြို့စစ်ဆင်ရေးကွပ်ကွဲမှု စစ်ဌာနချုပ်စကခ(၁၅)တပ်အတွင်း ဗုံးပေါက်ကွဲမှုဖြစ်ပွါးခဲ့ပြီး တပ်မတော်အရာရှိဇနီးသည်တဦးသေဆုံးမှုဖြစ်ပွါးခဲ့ပါတယ်။

စကခ(၁၅)တပ်အတွင်း ဗုံးပေါက်ကွဲမှုဖြစ်စဉ်နဲ့ပက်သက်ပြီး တပ်မတော် သတင်းမှန်ပြန်ကြားရေးအဖွဲ့ တွဲဘက် အတွင်းရေးမှူး ဗိုလ်မှူးချုပ်ဇော်မင်းထွန်း ကိုဆက်သွယ်မေးမြန်းရာမှာ အခုလိုပြောပါတယ်။

“စကခ(၁၅)က မနက်ပိုင်းမှာတော့ အရာရှိတယောက်အိမ်မှာ ဗုံးကွဲတယ်ပေါ့။ ဗုံးကွဲတယ်အဓိကတော့ အဲဒီအရာရှိက နေပြည်တော်မှာ အိမ်ထောင်ကျပြီးတော့ နေပြည်တော်ကနေပြီးတော့မှ အိမ်ထောင်ပြောင်းပစ္စည်းတွေ ပြောင်းလာ တယ်။ အရပ်ကားနဲ့ဘဲပြောင်းလာတယ်။ သူတို့ကတော့အဲဒီကားနဲ့ပါမလာဘူး။ အဲဒီကားက ရသေ့တောင် မရောက်ခင်မှာ ကျောက်တန်းကျေးရွာကျော်ကျော်လေးမှာ အဲဒီကားကို ဆိုင်ကယ်နဲ့အရပ်ဝတ်နဲ့လူနှစ်ယောက်က လိုက်တားတယ်။ အဲဒီကားကိုခေါ်သွားတယ်။ အရပ်ဝတ်နဲ့(၆)ယောက်ကလက်နက်တွေနဲ့ အဲဒီကားကို ရှာတယ် စစ်တယ်။ အဲဒီမှာဘဲမိုင်းတင်ပေးလိုက်တယ်လို့ကျွန်တော်တို့ယူဆတယ်။ အဲဒီကားက စကခ(၁၅)ရောက်ပြီး ဒီနေ့ မနက်မှာ ပစ္စည်းတွေချတယ်။ ပစ္စည်းတွေချတဲ့နေရာမှာ ပေါက်ကွဲမှုဖြစ်တယ်။ အိမ်ထဲမှာ ပေါက်ကွဲမှုဖြစ်တယ်။ ကျွန်တော်တို့ ဗိုလ်မှူးရဲ့ ဇနီးကတော့ ဆုံးပါတယ်။ ဗိုလ်မှူးကတော့ဘာမှမဖြစ်ဘူး။ သူကတော့ သူ့ရုံးသွားတက် နေတာပေါ့။”

အိမ်ထောင်ပြောင်း ပစ္စည်းတင်လာတဲ့ကားကို အရပ်ဝတ်လက်နက်အဖွဲ့ကနေ တားဆီးစစ်ဆေးပြီး ဗုံးထောင်ထားခဲ့ လို့ ပေါက်ကွဲတာဖြစ်တယ်လို့ ဗိုလ်မှူးချုပ်ဇော်မင်းထွန်း ကပြောဆိုပေမယ့် ဘယ်အဖွဲ့လက်ချက်ဆိုတာကိုတော့ ထုတ်ဖေါ်ပြောဆိုခြင်းမရှိခဲ့ပါဘူး။

စကခ(၁၅)တပ်အတွင်းဗုံးပေါက်ကွဲမှု နဲ့ပက်သက်လို့ ဘူးသီးတောင်မြို့ခံတဦးက အခုလိုပြောပါတယ်။

“ဗုံးပေါက်ကွဲသံကြားရတယ်။ စခန်း အတွင်းကကြားရတာပေါ့။ နောက်ထပ်ကြားတာ ကတော့ ဒီအထဲမှာဘဲ အချင်းချင်း ဖြစ်ကြတယ် ကြားရတယ်လို့ ပြောပါတယ်။ အမျိုးသမီးတယောက် ဆုံးတယ်ဆိုတာလေးဘဲ ဒီအနီးနားမှာပြောကြ တာပေါ့နော်။ အထဲမှာဆိုတော့ အရပ်သားတွေလဲဘာမှာလဲမသိရဘူးနော်။”

ဒီနေ့မနက်မှာဘူးသီးတောင်မြို့နယ် စံဂိုးထောင်ကျေးရွာအုပ်စုဖက်မှာ မြန်မာ့တပ်မတော် နဲ့ ရခိုင့်တပ်မတော်တို့ အကြားတိုက်ပွဲဖြစ်ပွါးခဲ့တယ်လို့ ပြည်သူ့လွှတ်တော် ကိုယ်စားလှယ် ဦးထွန်းအောင်သိန်းကပြောပါတယ်။

“ကျွန်တော်ကြားတာကတော့နော် စံဂိုးထောင်ကျေးရွာအုပ်စု ဆင်သေပြင်ရွာနဲ့ ဒီဂေါင်းတိုက် ဘင်္ဂလီကျေးရွာရဲ့ကြား ထဲမှာ ပေါ့နော်။ အဲဒီမှာ ထိတွေ့တိုက်ပွဲဖြစ် တယ်လို့သတင်းရပါတယ်။ တနာရီကျော်ကျော်လောက်ဖြစ်တယ်ဆိုပြီးမှ ဒေသခံတွေကပြောပါတယ်ခင်ဗျ။”

စံဂိုးထောင်ကျေးရွာသားတဦးကတော့ (၃၁)ဘုံဘုရားအရှေ့ဖက်မှာ လက်နက်ကြီးငယ်ပစ်ခတ်သံတွေ ကိုကြားနေ ရတယ်လို့ဆိုပါတယ်။

“(၃၁)ဘုံအရှေ့ဖက်တောင်တန်းနားမှာ လက်နက်ကြီးလက်နက်ငယ်တို့ကြားတယ်။”

အခုလိုတိုက်ပွဲဖြစ်ပွား နေမှုကြောင့် ဆင်သေပြင် ဂေါင်းတိုက်ရွာ ဥယျဉ်သာရွာ စံကိုးထောင်ရွာ သျှစ်သျှားတောင်ရွာ နရုံတောင်ရွာက ဒေသခံရွာသားတွေ စိုးရိမ်ကြောက်လန့်နေတယ်လို့သူကဆိုပါတယ်။

ဒီတိုက်ပွဲဖြစ်ပွါးမှုနဲ့ပက်သက်လို့တပ်မတော်သတင်းမှန်ပြန်ကြားရေးအဖွဲ့ တွဲဘက် အတွင်းရေးမှူး ဗိုလ်မှူးချုပ် ဇော်မင်းထွန်းက မသိရှိသေးဘူးလို့ပြောဆိုခဲ့သလို့ ရခိုင့်တပ်မတော်AAဘက်ကိုဆက်သွယ်ခဲ့ပေမဲ့ အဆက် သွယ်မရရှိခဲ့ပါဘူး။

၂၀၁၈ခုနှစ်နိုဝင်ဘာလကနေ ၂၀၁၉ ဖေဖေါ်ဝါရီလအထိ မြန်မာ့တပ်မတော်နဲ့ ရခိုင့်တပ်မတော်တို့ အကြားတိုက်ပွဲ တွေ ဆက်တိုက်ဖြစ်ပွါးခဲ့သလို ရခိုင်ပြည်နယ် (၅)မြို့နယ်နဲ့ချင်းပြည်နယ်အလက်ဝမြို့နယ်ဖက်မှာ ရွာသား(၇၀၀၀) ကျော် စစ်ဘေးတိမ်းရှောင် နေရသလို စစ်ရေးပဋိပက္ခကြောင့် ဒေသအတွင်း လူ့အခွင့်အရေးချိုးဖေါက်ခံရမှုဖြစ်စဉ် တွေလဲ ရှိနေပါတယ်။

နိုင်ကွန်းအိန်  / ဗွီအိုအေ (မြန်မာပိုင်း)
https://burmese.voanews.com

မြစ်ကြီးနားသတင်းထောက်နှစ်ဦးကို သခင်စစ်ကုမ္ပဏီ ဖမ်းဆီးရိုက်နှက်

မြစ်ကြီးနားသတင်းဂျာနယ်က သတင်းထောက် အိုက်ကျဲနဲ့ သတင်းထောက် မွန်းမွန်းပန် ပုံ / Photo: Ah Je & Moonmoon Pan's FB
ကချင်ပြည်နယ် မြစ်ကြီးနားအခြေစိုက် မြစ်ကြီးနားသတင်းဂျာနယ်က သတင်းထောက် ၂ဦးကို ငှက်ပျောခြံနဲ့ သတ္တုတူးဖော်ရေး လုပ်ကိုင်တဲ့ သခင်စစ် ကုမ္ပဏီ ၀န်ထမ်းတွေဟာ ဒီနေ့မနက်မှာ ကုမ္ပဏီရုံးခန်းကို ခေါ်ဆောင် သွားပြီး ခြိမ်းခြောက်ပြောဆိုတာတွေ ရှိတယ်လို့ ကာယကံရှင်သတင်းထောက်နှစ်ဦးက ပြောပါတယ်။

မနေ့ကထုတ်တဲ့ မြစ်ကြီးနားသတင်းဂျာနယ်မှာ ဖော်ပြခဲ့တဲ့ "မှန်ဒေါင်းကျေးရွာအုပ်တွင် တရုတ်တစ်သျှူး ငှက်ပျောစိုက်တဲ့ ကုမ္ပဏီ နှစ်ခု ၀င်ရောက်လုပ်ကိုင်နေ" ဆိုတဲ့သတင်းနဲ့ပတ်သက်ပြီး ကုမ္ပဏီ ဥက္ကဋ္ဌက ပြန်လည်ရှင်းပြစရာရှိတယ်လို့ဆိုကာ အဲဒီသတင်းထောက်နှစ်ဦးကို ဂျာနယ်တိုက်ကနေ ခေါ်သွားတာလို့ သိရပါတယ်။

အဲဒီသတင်းရေးသားခဲ့တဲ့ သတင်းထောက် မွန်းမွန်းပန်နဲ့အတူ သတင်းထောက် အိုက်ကျဲ တို့ဟာ ၀ိုင်းမော်မြို့မှာရှိတဲ့ ကုမ္ပဏီရုံးခန်းကို လိုက်ပါသွားတာလို့ သိရပါတယ်။ အဲဒီသတင်းထောက်နှစ်ဦးကို ချုပ်နှောင်ထားတဲ့အတွက် ဂျာနယ်တိုက်တာဝန်ရှိသူတွေနဲ့ ရဲတပ်ဖွဲ့ဝင်တချို့က ကုမ္ပဏီကို သွားရောက်ခေါ်ထုတ်ခဲ့တာဖြစ်ပါတယ်။

မဟုတ်မမှန်သတင်းရေးသားတဲ့အတွက် ခေါ်ယူရတာဖြစ်တယ်လို့ ကုမ္ပဏီတာဝန်ရှိသူတစ်ဦး က RFA ကို ပြောပါတယ်။ သတင်းထောက်နှစ်ဦးအပေါ် ခြိမ်းခြောက်ပြောဆိုတာတွေ၊ ကိုယ်ထိလက်ရောက် ကျူးလွန်တာတွေ အတွက် ကုမ္ပဏီ မန်နေဂျင်းဒါရိုက်တာ အပါအ၀င် ၆ဦးကို ဥပဒေအရ အရေးယူပေးဖို့ ၀ိုင်းမော်မြို့မရဲစခန်းမှာ မွန်းမွန်းပန်က တရားလိုလုပ်ပြီး အမှုဖွင့်ခဲ့တယ်လို့ သိရပါတယ်။ မွန်းမွန်းပန်ဟာ ယာဘက်နားအုံနာကျင်မှု ခံစားနေရပြီး အိုက်ကျဲက ခြေထောက်နာကျင်တဲ့ဝေဒနာ ခံစားခဲ့ရတယ်လို့လည်း သိရပါတယ်။

ကုမ္ပဏီက ကား၂စီးနဲ့ လူ ၅ ဦးက လာရောက်ခေါ်ဆောင်ရာမှာ မြစ်ကြီးနားသတင်းဂျာနယ်က သတင်းထောက် မွန်းမွန်းပန်နဲ့ အိုက်ကျဲ တို့နှစ်ဦး လိုက်သွားတာဖြစ်ပါတယ်။ အဲဒီလိုခေါ်ဆောင်သွားပြီးနောက် ချုပ်နှောင်ခံရတာတွေနဲ့ ပတ်သက်လို့ သတင်းထောက် မွန်းမွန်းပန်က အခုလိုပြောပါတယ်။

"ရုံးက ဆရာနဲ့ ဖုန်းပြောနေတဲ့အချိန်မှာ ကျွန်မကို လှမ်းဆွဲနေပြီးဆိုပြီး ကျွန်မကို ဒီလိုမျိုး လုပ်လို့မှမရတာလို့ ဘာဖြစ်လို့ အဲလိုမျိုး လှမ်းဆွဲလည်းမသိဘူးလို့ ပြောလိုက်တဲ့အချိန်ကျတော့ နင့်ကို ဘာမှမလုပ်ဘူးတဲ့၊ နင်ဒီမှာပဲ ထိုင်နေတဲ့ ဒီမှာပဲထိုင်ပြီးတော့ ပြောစရာပဲရှိတာလို့ ဒါဆိုရင် ကျွန်မထိုင်ပေးမယ်လို့ ကျွန်မကို ဒီလိုမျိုးမလုပ်နဲ့လို့ ပြောလိုက်တဲ့ အခါကျတော့ သတင်းစာကြီးကိုင်ပြီးတော့ ဒီမှာလေ နင်ဒီမှာရေးထားတာမတွေ့ဘူးလား ဆိုပြီးတော့ သတင်းစာကြီးကိုင်ပြီး ရိုက်ပြီးပေးတာ အဲမှာ ကျွန်မ နားတောင်အူသွားတယ်၊ ပါးတွေလည်း နာသွားတာလေ၊ ပြီးလို့ရှိရင် ကျွန်မကိုလေ ရစရာမရှိအောင်ဆဲပြီးတော့ သူတို့ကုမ္ပဏီဘက်က ငှက်ပျော တစ်ပင်တွေ့ရင် နင်တို့ကို လွှတ်ပေးမယ်တဲ့ ငှက်ပျောမတွေ့ရင်တဲ့ နင်တို့ကို ပြန်မလွှတ်ပေးဘူးတဲ့"

သတင်းထောက် အိုက်ကျဲကလည်း အခုလိုပြောပါတယ်။

"ကျွန်တော်ကို သတင်းဘယ်သူရေးတာလည်း ဆိုပြီးမေးတော့ ကျွန်တော်ရေးတာမဟုတ်ဘူး၊ မမွန်းမွန်းပန် ရေးတာဆိုပြီးပြောတော့ သူက အဲဒါဆိုဟုတ်ပြီတဲ့ ခင်ဗျားဒီကနေထွက်သွားတဲ့ အဲဒါနဲ့ သူဌေးကနေပြီး ကျွန်တော်ကို မျက်နှာခြင်းဆိုင်က ဟိုဘက်ခြံကို ခေါ်သွားလိုက်ဆိုပြီး သူ့လူတွေကို ပြောတယ်၊ အဲဒီမှာ ကျွန်တော်ကို ထွက်မပြေးသွားအောင် ခေါ်သွားပြီးတော့ တခြားခြံကိုခေါ်သွားတယ်၊ ကျွန်တော်နဲ့အတူ ခြံထဲမှာ ၂ ယောက်ရှိတယ်၊ ခြံအပြင်မှာလည်း ၂ ယောက်က စောင့်နေတယ်၊ ဒီလိုမျိုးဖြစ်တယ်ဆိုတဲ့အကြောင်းကို ဂျာနယ်က ဂရုချက်ထဲကို ပို့လိုက်တာ အဲဒီမှာ အယ်ဒီတာချုပ်ကလည်း တင်လိုက်တော့ တင်လိုက်တာကို သခင်စစ်ကုမ္ပဏီက လူတွေက မြင်သွားတဲ့အခါမှာ ဒါဘယ်သူတင်တာလည်းပေါ့ နင်ပဲဖြစ်မှာပါဆိုပြီးပြောတော့ ကျွန်တော်ကလည်းဟုတ်တယ်ပေါ့ ကျွန်တော်ပို့လိုက်တာပေါ့၊ အဲဒါဆို ထိုင်ထ အခါ ၁ သိန်းလုပ်ရမယ်ပေါ့၊ မလုပ်ရင် မပြန်ရဘူးလို့ပြောတယ် အဲဒါနဲ့ ကျွန်တော်လည်းလုပ်မယ်ပေါ့ ထိုင်ထ အခါ ၁ သိန်း မပြည့်ခင် သုံးရာလောက်မှာ ဟုတ်ပြီတဲ့ ထိုင်တော့တဲ့"

ဒီသတင်းကြောင့် ကုမ္ပဏီကို လိုက်သွားတဲ့ အိုက်ကျဲ ရဲ့ မိခင် ဒေါ်ဒေါင်နော က

"ကျွန်မသားက မဟုတ်မမှန်တဲ့ သတင်းတွေလွှင့်လို့ဆိုပြီး ကုမ္ပဏီဘက်က ပြောတယ်၊ အဲအတွက် ဂုဏ်သိက္ခာကို ဘယ်လိုဆယ်ပေးမလည်းဆိုပြီး မေးတယ်၊ အဲဒါနဲ့ ကျွန်မကပြောတာပေ့ါ ကျွန်မသားကတော့ မသိလို့ပေါ့၊ အခုမှသူက သတင်းလုပ်ခါစ ၂ လ၊ ၃ လလောက်ပဲရှိသေးတယ်၊ မသိလို့ ဒါမျိုးဖြစ်သွားတာပါပေ့ါ၊ နောက်နောင် ဒီလိုမဖြစ်အောင် ပြောပေးပါမယ်ပေါ့၊ တောင်းပန်ခဲ့ပါတယ်၊ လောပန်းကပြောခဲ့တယ် သူ့ရဲ့ လုပ်အားခ ၁ ရက်စာ သိန်း ၅၀ လျှော်ပေးမှ မင်းတို့သားကို လွှတ်မယ်ဆိုပြီး ပြောခဲ့တာဟုတ်တယ်၊ အဲနောက်မှ မြစ်ကြီနား သတင်းထောက်နဲ့ ရဲတွေ ဝင်လာခဲ့တာ သိရပါတယ်၊ ကျွန်မသား အိုက်ကျဲနဲ့ သတင်းထောက် အမျိုးသမီး မွန်းမွန်းပန် တို့ကို ရဲစခန်းကိုခေါ်သွားတာ သိရပါတယ်၊ အဲဒါနဲ့ ကျွန်မလည်း စိတ်ပူလို့ ရဲစခန်းထိ လိုက်ခဲ့တာပါ"

သခင်စစ် ကုမ္ပဏီဟာ တစ်သျူးဌက်ပျော စိုက်ပျိုးတယ်ဆိုတယ်ဆိုပြီး မဟုတ်မမှန်ရေးသားထားတဲ့အတွက် ခေါ်ယူရတာဖြစ်တယ်လို့ သခင်စစ် ကုမ္ပဏီ တာဝန်ရှိသူတစ်ဦးက RFA ကို ပြောပါတယ်။

"သတင်းရေတာနဲ့ ပတ်သက်ပြီး ကျွန်တော်တို့က ခေါ်တဲ့အခါမှာ သူတို့ကနေပြီးတော့ နားလည်မှုတွေ ပြန်လွဲ၊ အဲလိုမျိုးတွေ ဖြစ်ကုန်တာပေါ့၊ ကနဦးကတော့ သူတို့က ကျွန်တော်တို့ ကုမ္ပဏီကို သတင်းအမှားတွေ ရေးလိုက် တာပေါ့၊ ဘယ်အချက်ကလည်းဆို သတင်းခေါင်းစဉ်နဲ့ ကျွန်တော်တို့ ကုမ္ပဏီနဲ့ လုံးဝကို မကိုက်တာပေါ့၊ တစ်သျှူးငှက်ပျောစိုက်ထားတယ်ဆိုပြီး ရေးထားတာ ကျွန်တော်တို့ မန်နေဂျင်းဒါရိုက်တာကနေပြီးတော့ ငှက်ပျောတစ်ပင် တာဝန်ယူတယ်ပေါ့ အဲလိုမျိုးပြောတာ တစ်သျှူးငှက်ပျောမစိုက်ဘူး လုံးဝ မစိုက်ထားဘူး၊ ဘယ်သူ့ကိုဖြစ်ဖြစ် မေးလို့ရတယ်"

အဲဒီလို သတင်းထောက်နှစ်ဦးကို ချုပ်နှောင်ထားတာတွေနဲ့ ပတ်သက်ပြီး ဂျာနယ်တိုက် တာဝန်ရှိသူတွေက ဝိုင်းမော်ရဲစခန်းက ရဲတပ်ဖွဲ့ဝင်တွေနဲ့အတူ ကုမ္ပဏီရုံးခန်းကို သွားပြီး သတင်းထာက်နှစ်ဦးကို ပြန်လည်ခေါ်ယူခဲ့တာလို့သိရပါတယ်။

အဲဒီလို ခြိမ်းခြောက်မှု၊ ဆဲဆိုမှုတွေကြောင့် ၀ိုင်းမော်မြို့နယ်ရဲစခန်းမှာ သခင်စစ်ကုမ္ပဏီကို အရေးယူပေးဖို့ မြစ်ကြီးနား သတင်းဂျာနယ်တာဝန်ရှိသူတွေက အမှုဖွင့်ခဲ့တယ်လို့ သိရပါတယ်။

ဒီသတင်းကို RFA သတင်းထော်က မအဲလိဇဘက်ဂျန်မာ ပေးပို့တာပါ။

RFA Burmese
https://www.rfa.org/burmese
 

ဆယ်တန်းကျောင်းသား ရိုက်နှက်ခံရမှု ပါဝင်သူတွေကို အရေးယူပေးဖို့ အမှုဖွင့်

ရိုက်နှက်ခံရတဲ့ ကျောက်တော်မြို့က ဆယ်တန်းကျောင်းသား မောင်ဇော်နိုင်နိုင်ဌေး ကို တွေ့ရစဉ် / Photo: Saya U Than Tun
ရခိုင်ပြည်နယ် ကျောက်တော်မြို့က ဆယ်တန်းကျောင်းသားတစ်ဦးကို ဖမ်းဆီးရိုက်နှက်မှုမှာ ပါဝင်တဲ့ အမှတ် ၅၃၉ တပ်ရင်းက တပ်မတော်သားတွေကို အရေးယူပေးဖို့ ဖခင်ဖြစ်သူက ကျောက်တော်မြို့မရဲစခန်းမှာ မနေ့က အမှုဖွင့်တိုင်ကြားလိုက်ပါတယ်။

အသက် ၁၇ နှစ်အရွယ် ဆယ်တန်း ကျောင်းသား မောင်ဇော်နိုင်နိုင်ဌေးဟာ ပြီးခဲ့တဲ့ ဖေဖော်ဝါရီလ ၂၁ ရက်နေ့က ဆိုင်ကယ်ဆီဖြည့်ပြီး ပြန်လာစဉ် အမှတ်-၃၇၅ တပ်ရင်းရှေ့နားက ကားလမ်းမပေါ်မှာ ဖမ်းဆီးခေါ်ဆောင်ခံရပြီး အမှတ်- ၅၃၉ တပ်ရင်းမှာ ရိုက်နှက်ခံခဲ့ရတယ်လို့ ဖခင်ဖြစ်သူ ဦးရွှေစိန်ဦးက RFA ကို ပြောပါတယ်။
"ကောင်းကင်သစ်ဆီဆိုင်ကနေအပြန် နောက်က တပ်ကားတစ်စီးဟာ ရှေ့ကပိတ်ရပ်ပြီးတော့ စစ်သား သုံးယောက် ဆင်းလာပြီး ကျွန်တော့သားကို ယာဘက်နားထင်ကို တည့်လည်းတည့်တယ်၊ ထုလည်းထုတယ်၊ လက်သီးနဲ့လည်းတစ်ချက်ပိတ်ရိုက်တယ်တဲ့။ ပြီးတော့ ကျွန်တော့သားကိုခေါ်ပြီး ကားပေါ်တင်သွားတယ်တဲ့။ ကားပေါ်တင်ပြီး ၅၃၉ တပ်ရင်းကိုခေါ်သွားတယ်။ ၅၃၉ တပ်ထဲရောက်ပြန်တော့လည်း သူ့ကိုရိုက်သေးတယ်တဲ့"

တပ်မတော်သတင်းမှန်ပြန်ကြားရေးအဖွဲ့က ဗိုလ်မှူးချုပ်ဇော်မင်းထွန်းကတော့ မောင်ဇော်နိုင်နိုင်ဌေး ဖမ်းဆီး ရိုက်နှက်ခံရမှုဟာ AA အဖွဲ့ရဲ့ လက်ချက်လို့ပြောဆိုပြီး AA ရဲ့ပြောခွင့်ရသူ ခိုင်သုခကတော့ အစိုးရတပ်မတော် ဘက်က သူတို့ရဲ့လုပ်ရပ်အပေါ် တာဝန်မယူတာတွေ့ရတဲ့အတွက် စိတ်ပျက်မိကြောင်း ပြောပါတယ်။
ကျောက်တော်မြို့ ပြည်တော်သာရပ်ကွက်မှာနေထိုင်တဲ့ မောင်ဇော်နိုင်နိုင်ဌေး ဟာ "စစ်သားတွေလာတယ်၊ စစ်သားတွေလာတယ်" လို့ဂယောင်ချောက်ချား ကြောက်လန့်အော်ဟစ်ပြီး စိတ်မူမမှန်ဖြစ်နေတာကြောင့် ဖေဖော်ဝါရီလ ၂၃ ရက်နေ့ကနေ ဒီနေ့အထိ စစ်တွေပြည်သူ့ဆေးရုံကြီးမှာ ဆေးကုသမှုခံယူနေရတယ်လို့ မိသားစုဝင်တွေက ပြောပါတယ်။

ဒီကိစ္စနဲ့ပတ်သက်လို့ ရိုက်နှက်မှုကို ကျူးလွန်ခဲ့တဲ့ အမှတ်- ၅၃၉ တပ်ရင်းက တပ်မတော်သားတွေကို အရေးယူပေးဖို့ ကျောက်တော်မြို့မရဲစခန်းမှာ မနေ့က ကိုယ်တိုင်သွားရောက်အမှုဖွင့် တိုင်ကြားခဲ့ပြီး ရဲစခန်းကလည်း အမှုကိုလက်ခံ လိုက်တယ်လို့ ဦးရွှေစိန်ဦးက ပြောပါတယ်။

အမှုဖွင့်တာကို လက်ခံလိုက်တဲ့ ကျောက်တော်မြို့မရဲစခန်းမှူး ဒုရဲမှူးစိုးလွင်ကို RFA က အကြိမ်ကြိမ်ဆက်သွယ် ခဲ့ပေမယ့် လက်ခံဖြေကြားခြင်း မရှိပါဘူး။

မောင်ဇော်နိုင်နိုင်ဌေးဟာ ဖေဖော်ဝါရီလ ၂၁ ရက်နေ့ ည ၄ နာရီလောက်ကနေ ၇ နာရီလောက်ထိ ချုပ်နှောင်ခံခဲ့ရပြီး သူ့ရဲ့ဆယ်တန်းစာမေးပွဲဖြေဆိုခွင့်ကဒ်ပြားကို ထုတ်ပြပြီးနောက်မှာမှ တပ်မတော်က ပြန်လွှတ်ပေးလိုက်တာလို့ ဖခင်ဖြစ်သူ ဦးရွှေစိန်ဦးကပြောပါတယ်။

အဲဒီနောက် အမှတ်-၅၃၉ တပ်ရင်းကနေ ဆိုင်ကယ်နဲ့ပြန်လာပြီး အဲဒီနေ့ ည ၇ နာရီခွဲခန့်အချိန်မှာ မြို့ပေါ်ကို မရောက်ခင် သူငယ်ချင်းဖြစ်သူရဲ့ အိမ်မှာ ညအိပ်ရပ်နားခဲ့တာလို့ ဆိုပါတယ်။

ပုဏ္ဏားကျေးရွာအုပ်ချုပ်ရေးမှူး ဦးအောင်တင်ဝင်း က အခုလိုအတည်ပြုပါတယ်။

" ၅၃၉ တပ်ကလာတယ်လို့ပြောတယ်။ သူ့ကို ၅၃၉ က စစ်သားတွေက ပေါ်တာဖမ်းတဲ့ပုံစံမျိုးနဲ့ ခေါ်သွားတယ်လို့ ကျွန်တော့ကိုအဲလိုမျိုးပြောတယ်။ သူလွတ်လာတာကိုပြောတာက ဆယ်တန်းဖြေခွင့်ပြုထားတဲ့စာရွက်နဲ့ ပြန်လွတ်လာတာလို့ပြောတယ်"

နောက်တစ်နေ့မှာ သူ့ရဲ့မိဘတွေက သွားရောက်ခေါ်ယူခဲ့ပြီးနောက်မှ ဖြစ်စဉ်ကိုသိရှိခဲ့ရတာလို့ ဆိုပါတယ်။ ဖေဖော် ဝါရီလ ၂၂ ရက်နေ့ ညနေပိုင်းမှာ ကျောက်တော်မြို့ဆေးရုံကို တင်ခဲ့ရသလို အခြေအနေတိုးတက်မလာတာကြောင့် နောက်တစ်နေ့ ဖေဖော်ဝါရီလ ၂၃ ရက်နေ့မှာ စစ်တွေပြည်သူ့ဆေးရုံကြီးကို တင်ဆောင်ပြီး ဆေးကုသမှုခံ ယူနေရတာလို့လည်း ဖခင်ဖြစ်သူက ပြောပါတယ်။

ဖခင်ဖြစ်သူက တပ်မတော်သားတွေကို အမှုဖွင့်လိုက်တဲ့ မနေ့က တစ်နေ့တည်းမှာပဲ အမှတ်-၃၇၅ တပ်ရင်းက ဗိုလ်ကြီးတစ်ဦးက ဦးရွှေစိန်ဦးနဲ့ ဒီကိစ္စအပေါ် ဖေ့စ်ဘွတ်လူမှုကွန်ရက်စာမျက်နှာမှာ တင်ခဲ့တဲ့ ကျောက်တော်မြို့ခံ ဦးကျော်လှမြင့်ကို အသရေဖျက်မှု ရာဇသတ်ကြီးပုဒ်မ- ၅၀၅(ခ)နဲ့ ကျောက်တော်မြို့နယ် တရားရုံးမှာ အမှုဖွင့်လိုက် တယ်လို့ သိရပါတယ်။

အမှုဖွင့်ခံရတဲ့ ဦးကျော်လှမြင့် က အခုလိုပြောပါတယ်။

"သူ့သားက အဲဒီအချိန်တုန်းက စစ်တပ်လာတယ်၊ စစ်တပ်စစ်တပ်၊ စစ်သားလာတယ်၊ စစ်သားစစ်သား ဆိုပြီးတော့ အဲဒီလိုအော်နေတယ်။ အဲဒီလိုနဲ့သတိကမရတော့ဘူး။ စကားပြောဖို့မရတော့ဘူး။ သူ့ကို လူနှစ်ယောက်က ပွေ့ချီပြီးတော့ကိုင်ထားရတယ်။ အဲဒီအချိန်မှာ သူ့အဖေက သူ့သားပြောပြတာလေးတွေကို သူ့အဖေက ကျွန်တော့ကိုပြောပြတာပါ။ ကျွန်တော့မှာတော့ ဘာမှမှားယွင်းချက်ရှိတယ်မထင်ဘူးဗျ။ သူတို့ဘက်က တမင်သက်သက် ရည်ရွယ်ချက်အပြည့်နဲ့ လုပ်တယ်လို့ပဲ ကျွန်တော်က ယုံကြည်ပါတယ်"

RFA က သီးခြားအတည်ပြုချက်အရ မောင်ဇော်နိုင်နိုင်ဌေးကို အမှတ်- ၃၇၅ တပ်ရင်းရှေ့က ကားလမ်းပေါ်မှာ ဖမ်းဆီးခေါ်ဆောင်ခြင်းမရှိဘူးဆိုတဲ့ အကြောင်းပြချက်နဲ့ အသရေဖျက်မှု၊ ရာဇသတ်ကြီးပုဒ်မ- ၅၀၅(ခ)နဲ့ ဦးတိုက်လျှောက်ထားတာဖြစ်တယ်လို့ သိရပါတယ်။

တပ်မတော်သတင်းမှန်ပြန်ကြားရေးအဖွဲ့က ဗိုလ်မှူးချုပ်ဇော်မင်းထွန်းက ဒီကိစ္စဟာ တပ်မတော်ရဲ့ လက်ချက် မဟုတ်ဘဲ AA အဖွဲ့ရဲ့ လက်ချက်လို့ RFA ကို မနေ့ကပြောဆိုခဲ့ပါတယ်။

"အွန်လိုင်းပေါ်ကဟာကို စစ်ဆေးပြီးပြီ။ ကျွန်တော်တို့ဆီက ဆယ်တန်းကျောင်းသားတစ်ယောက်ကို ဖမ်းပြီး စစ်ဆေးတယ် ဘာညာဆိုပြီးတော့ ပြီးရင်စကားမပြောနိုင်တော့ဘူး ဘာညာလုပ်တယ်။ အမှန်တကယ်ကတော့ ခေါ်သွားတဲ့လူတွေကလည်း အေအေအဖွဲ့အစည်းကပဲ။ ပြီးတော့မှ တပ်ကိုပဲလွှဲချတာပေါ့။ တကယ်တေ့တေ့ ဆိုင်ဆိုင် စစ်ဆေးကြည့်တော့လည်း ဖမ်းဆီးခေါ်ဆောင်သွားတယ်ဆိုတာကို ရဲစခန်းမှာ စစ်ဆေးကြည့်တော့ လိမ်တာပေါ်လာတာပဲ"

တပ်မတော်ဘက်က ပြောဆိုမှုနဲ့ပတ်သက်လို့ AA ရဲ့ပြန်ကြားရေးတာဝန်ခံ ခိုင်သုခကို ဆက်သွယ်မေးမြန်းရာမှာ အခုလိုပြောပါတယ်။

"တော်တော်လေးကိုတာဝန်ယူမှုတာဝန်ခံမှုမရှိတဲ့ပြောဆိုချက်လို့ပဲ ကျွန်တော်က အဲလိုပဲပြောချင်တယ်။ အဲဒီကလေးကလည်း ဘယ်သူခေါ်သွားတယ်ဆိုတာကိုပြောပြီးသား၊ သူ့အဖေကလည်းပြောပြီးသား။ ဆိုတော့ အဲဒါကိုအကုန်သူသိနေတဲ့ကိစ္စကို ဗမာ့တပ်မတော်ဘက်က အဲဒီလိုမျိုး သိက္ခာမရှိပြောတယ်ဆိုတဲ့ဥစ္စာကတော့ ဒါတော်တော်လေးကို စိတ်ပျက်စရာကောင်းတဲ့ကိစ္စပဲဗျ"

စစ်တွေပြည်သူ့ဆေးရုံကြီးမှာ ဆေးကုသမှုခံယူနေရတဲ့ မောင်ဇော်နိုင်နိုင်ဌေးဟာ စိတ်ပိုင်းဆိုင်ရာ ပုံမှန်အနေ အထားမဟုတ်တဲ့အတွက် RFA က တွေ့ဆုံမေးမြန်းနိုင်ခဲ့ခြင်းမရှိပါဘူး။

စစ်တွေပြည်သူ့ဆေးရုံအုပ်ဖြစ်သူ ဒေါက်တာထွန်းထွန်းဝင်းက မောင်ဇော်နိုင်နိုင်ဌေး ဟာ အသက်အန္တရာယ် စိုးရိမ်စရာမရှိပေမယ့် လိုအပ်တဲ့ကုသမှုတွေ ဆက်လက်ဆောင်ရွက်နေတယ်လို့ RFA ကိုပြောပါတယ်။

ဒါ့အပြင် မောင်ဇော်နိုင်နိုင်ဌေးနဲ့ ပတ်သက်ပြီး ထူးခြားဖြစ်စဉ်တစ်ရပ်အနေနဲ့ ပြည်နယ်အဆင့်တာဝန်ရှိသူတွေထံ တင်ပြထားတယ်လို့လည်း ဒေါက်တာထွန်းထွန်းဝင်းက ပြောပါတယ်။

သူ့ရဲ့ထိခိုက်ဒဏ်ရာရရှိမှု အခြေအနေအသေးစိတ်ကိုတော့ အထက်တာဝန်ရှိသူတွေရဲ့ ခွင့်ပြုချက်ရရှိမှ ပြန်လည်ဖြေကြားနိုင်မယ်လို့ ပြောပါတယ်။

ဖခင်ဖြစ်သူ ဦးစိန်ရွှေဦး က သားဖြစ်သူနဲ့ပတ်သက်ပြီး အခုလိုပြောပါတယ်။

"ကျွန်တော့သားက ကျောင်းသားပဲလေ။ ကျွန်တော့သားကို မတော်မတရားရိုက်တာလေ။ ကျွန်တော့သားကို မတော်မတရားပြုမှုနဲ့ ဥပဒေအရအရေးယူပေးပါလို့ ဒီလိုပဲပြောချင်တယ်"

ရခိုင်ပြည်နယ်မှာ ရက္ခိုင့်တပ်မတော် AA နဲ့ အစိုးရတပ်မတော်တို့အကြား တိုက်ပွဲတွေကြောင့် မသင်္ကာ တဲ့ဒေသခံတွေကို အစိုးရတပ်ဘက်က ခေါ်ယူစစ်ဆေးတာတွေရှိနေတဲ့ အခြေအနေပါ။

ဒီတိုက်ပွဲတွေနဲ့ဆက်နွယ်ပြီး ဒီနေ့အထိ သေဆုံးသူ ၃ ဦးရှိနေသလို လက်နက်ကျည်နဲ့ လက်လုပ်မိုင်းထိမှန်တာ၊ ရိုက်နှက်ခံရတာတွေကြောင့် ဆေးကုသမှုခံယူရသူဟာ ၁၃ ဦးထက်မနည်းရှိနေပြီး ထွက်ပြေးနေရသူ ၈ထောင်ခန့်ရှိနေပြီဖြစ်ပါတယ်။

ဒီသတင်းကို RFA သတင်းထောက် ကိုမင်းသိန်းအောင် ပေးပို့တာပါ။

RFA Burmese
https://www.rfa.org/burmese

ကျောက်တော်မြို့နယ် သင်းအုပ်ဆရာပျောက်ဆုံးမှု သတင်းစုံစမ်းလို့မရ

ပျောက်ဆုံးနေတဲ့ သင်းအုပ်ဆရာ ထွန်းနုရဲ့ ကျန်ရစ်သူ ဇနီးနဲ့ ကလေးများ (Photo- Dr. KP Yohannan's Facebook)(Photo- Dr. KP Yohannan's Facebook)
မြန်မာစစ်တပ်နဲ့ AA ရက္ခိုင့် လက်နက်ကိုင် နှစ်ဖက် တိုက်ပွဲတွေကြား ဒေသခံရခိုင်ပြည်သူတွေ ဒါဇင်နဲ့ချီ ဖမ်းဆီးခေါ်ဆောင်ခံနေရပြီး ပျောက်ဆုံးမှုတွေရှိနေကြောင်း သက်ဆိုင်ရာ မိသားစုဝင်တွေက သတင်းဌာနတွေကို ပြောပြခဲ့ကြပါတယ်။ နှစ်ဖက်စလုံးကတော့ ဒီပျောက်ဆုံးမှုတွေ၊ အသတ်ခံရမှုတွေနဲ့ ပတ်သက်လို့ တာဝန်ရှိကြောင်း တရားဝင်ထုတ်ဖေါ်ပြောကြားခြင်းမရှိသေးပါဘူး။

ပြီးခဲ့တဲ့ ဇန်န၀ါရီလ (၁၉)ရက်နေ့ကလည်း ကျောက်တော်မြို့နယ် တောင်မင်းအုပ်ချုပ်ရေးမှူး သင်းအုပ်ဆရာ ထွန်းနု ကို နေအ်ိမ်ကနေ လက်နက်ကိုင်လူတစုက ဖမ်းဆီးခေါ်ဆောင် သွားပြီးတဲ့နောက် ဖေဖေါ်ဝါရီလ အစောပိုင်းမှာ သူ့ အသတ်ခံလိုက်ရပြီဖြစ်ကြောင်း အိန္ဒိယအခြေစိုက် Gospel For Asia ခရစ်ယာန်အသင်းတော်က ဖေဖေါ်ဝါရီလ (၅)ရက်နေ့က သတင်းထုတ်ပြန်ကြေညာခဲ့ပါတယ်။

သင်းအုပ်ဆရာ ထွန်းနု ရဲ့ရုပ်အလောင်းကို မတွေ့ရသေးပေမယ့် သူသေဆုံးခဲ့ပြီလို့ ယူဆရကြောင်း၊ လက်ရှိ တောင်မင်းရွာ အုပ်ချုပ်ရေးမှူးနေရာမှာ လူစားထိုး ခန့်အပ်တာမျိုးမရှိသေးကြောင်း သူနဲ့ ရင်းနှီးတဲ့ ကျောက်တော်ဒေသခံ တဦးက ဗွီအိုအေကို ပြောပါတယ်။ အခုလို သင်းအုပ်ဆရာ ထွန်းနုပျောက်ဆုံးနေတဲ့ နောက်ဆုံးအခြေအနေကို မအင်ကြင်းနိုင်က ဒေသခံကို ဆက်သွယ်မေးမြန်းရာမှာ သူက အခုလို စပြောပါတယ်။

“လက်ရှိသူ့နေရာမှာ အစားထိုးမရှိသေးဘူးခင်ဗျ။ နောက်တခု ဆက်လက်ရှာဖွေတာ ဆိုတာလည်းရှာလို့မှ မရတာ။ တောထဲကို ခေါ်သွားတာဆိုတော့။ ”

အင်ကြင်းနိုင်။ ။ ဘယ်သူတွေ ခေါ်သွားတယ်ဆိုတာကို သေချာမသိသေးဘူးပေါ့။

ဒေသခံ။ ။ သေချာတော့ မသိဘူးခင်ဗျ။ တခုတော့ ရှိတယ်။ AA တွေကရော၊ တပ်ဖက်ကရော ၀င်လိုက်ထွက်လိုက်ဗျ။ သူတို့ ဘယ်လို လုပ်ထည့်လိုက်သလဲဆိုတာ ကျနော်တို့လည်း နားမလည်ဘူး။ လက်နက်ကိုင်တပ်ဖွဲ့တွေက အလွယ်တကူ ၀င်လို့ရတယ်၊ ထွက်လို့ရတယ်။ ကျနော်တို့ကို အလွယ်တကူ ၀င်သတ်လို့ရတယ်ဆိုတဲ့ အထာမျိုးပဲ။ အဲဒီလိုဆိုတော့ ဒေသခံတွေက ကြောက်တာပေါ့။ ထွန်းနုကတော့ သင်းအုပ်ဆရာပါပဲ။ ဒါပေမဲ့ ဒီ နယ်မှာဆိုတော့ ကျနော်တို့က ယုံကြည်စိတ်ချလို့ပဲ သူ့ကို အုပ်ချုပ်ရေးမှူး လုပ်ပေးပါဆိုပြီးတော့မှ သူ့ကို မဲထည့်ခဲ့ကြတာလေ။ အတွေးအခေါ် အသိအမြင်နည်းနည်းကောင်းတယ်။ ဓမ္မဆရာလည်းဖြစ်တယ်၊လုပ်ရည်ကိုင်ရည်ကလည်း မဆိုးဘူးဆိုပြီးတော့မှ နိုင်ငံရေးလမ်းကြောင်းနဲ့ ဘာသာရေးလမ်းကြောင်း ဘာမှ မဆိုင်ပါဘူး။ သူကတော့ တကယ့်ကို စိတ်ထားဖြူစင်တဲ့အခါကျတော့ သူကတော့ လုပ်နိုင်ပါတယ်ဆိုပြီးတော့ သူ့ကိုမဲထဲကြတာလေ။ သူက အုပ်ချုပ်ရေးမှူး ရသွားတယ်။ သူ အုပ်ချုပ်ရေးမှူးရတာ တနှစ် လောက်ပဲရှိသေးတယ်။ စစ်ပွဲတွေကြောင့် လူတွေအများကြီး စစ်ရှောင်အနေနဲ့ တောင်မင်းရွာကို ရောက်လာတယ်။ အဲဒီအချိန်မှာသူကတော့ ကမကထ ဦးဆောင်ပြီးတော့ ခေါင်းဆောင်အနေနဲ့ ကယ်ဆယ်ရေး ကော်မတီဆိုပြီးတော့ဖွဲ့တယ်။ အဲမှာ သူ ဦးဆောင်ပြီးတော့ လုပ်ပေးတယ်။ အဲ့အချိန်မှာ တောင်မင်းမှာ တပ်တွေ ချထားတယ်လေ။ အ၀င်အထွက် ဂိတ်အနေနဲ့။ ရေကြောင်းဂိတ်အနေနဲ့ တောင်မင်းမှာ တပ်စွဲထားတဲ့အခါကျတော့ တောင်မင်းကျေးရွာအုပ်စု ဥက္ကဌအပေါ်မှာ အမြင်က နဲနဲစောင်းစရာတွေရှိနေမယ်လို့ ကျနော်ထင်ပါတယ်။

အင်ကြင်းနိုင်။ ။ သူ့အပေါ်ကို အမြင်စောင်းဖို့ နည်းနည်းရှိတယ်ဆိုတာက ဘာကိုဆိုလိုတာပါလဲရှင့်။

ဒေသခံ။ ။ AA ဘက်က အမြင်စောင်းစရာရှိတာပေါ့။ အဲဒီအချိန်တုန်းကဒုက္ခသည်စခန်း တခု နှစ်ခုရှိတယ်။ ချောင်းဖျားမှာပေါ့။ အဲဒီကို ဆန်တွေသွားပို့တဲ့အခါမှာ မရဘူးလေ။ တပ်က တားထားပြီး လုံးဝပို့ခွင့်မရှိဘူးဆိုပြီး။ ဒါပေမဲ့ အဲဒီဆန်တွေကို တောင်မင်းရွာကို ပေးလိုက်တယ်။ ဆိုတော့ သူတို့က တောင်မင်းအုပ်ချုပ်ရေးမှူးဘက်ကိုပဲ အပြစ်မြင်သလိုဖြစ်သွားတယ်။

အင်ကြင်းနိုင်။ ။ လက်ရှိ ကျောက်တော်မြို့နယ် တောင်မင်းဒေသဘက်မှာ စစ်ဘေးဒုက္ခသည် ဘယ်လောက်ရှိလဲရှင့်။

ဒေသခံ။ ။ စစ်ပြေးဒုက္ခသည်ကတော့ (၆၀၀) လောက်ရှိတယ်။ သူတို့က ပြည်နယ်ဝဆိုတဲ့ ရွာရှိတယ်။ ဘာရှည်ဆိုတဲ့ ရွာရှိတယ်။ အဲဒီရွာတွေကနေ ထွက်ပြေးလာတဲ့ လူပေါင်း (၆၀၀) လောက်ရှိပြီး အိမ်ထောင်စုပေါင်းကတော့ (၁၀၀) လောက်ရှိတယ်။

အင်ကြင်းနိုင်။ ။ ကျောက်တော်ဘက်မှာရော တိုက်ပွဲအရှိန်ကြောင့် ဒေသခံတွေရဲ့ အခြေအနေ ဘယ်လိုရှိလဲရှင့်။

ဒေသခံ။ ။ ကျောက်တော်ဘက်မှာ ဒေသခံတွေကတော့ ကြောက်နေကြတာပေါ့။ အတားအဆီးတွေရှိနေတယ်။ ဒီမှာက တောသူတောင်သားတွေများတယ်။ အထူးသဖြင့် တောစပ်မှာနေတဲ့သူတွေက မြိုတိုင်းရင်းသားတွေ များတယ်။ အဲဒီတော့ မြိုတိုင်းရင်းသားတွေက တောထဲဝင်မှာပဲ ထင်းခုတ်၊ ၀ါးခုတ်၊ အဲဒါပြီးမှပဲ ထင်းခုတ်၊ ၀ါးခုတ်ထားတဲ့ဟာတွေ ရောင်း၊ ရောင်းပြီးမှပဲ ထမင်းစားရတာလေ။ ဆိုတော့ အခု တောထဲလည်း မ၀င်ရဘူး။ နောက်တခုက တောထဲဝင်ရင်လည်း တချို့လက်နက်ကိုင်တွေက လုံးဝမ၀င်ပါနဲ့ဆိုပြီး ကျနော်တို့ကို ပြောတယ်။ ဒီအလှုရှင်တွေကလည်း စစ်ဘေးဒုက္ခသည်တွေကိုပဲ သွားလှူတာလေ။ တချို့ရွာတွေကိုတော့ မလှူကြဘူးလေ။ အဲတော့ ရွာတွေမှာ လုံခြုံရေးဆိုတာထက် စားဝတ်နေရေးက တော်တော်လေး အခက်အခဲဖြစ်နေတာ။

အင်ကြင်းနိုင် / ဗွီအိုအေ (မြန်မာပိုင်း)
https://burmese.voanews.com
 

ဘင်္ဂလားဒေ့ရှ် သံအမတ်ကို ဆင့်ခေါ်ပြီး မြန်မာ ဘာတွေ ပြောခဲ့လဲ

နယ်စပ်စည်းရိုးမှာ ကင်းလှည့်နေတဲ့ မြန်မာ နယ်ခြားစောင့် တပ်ဖွဲ့ဝင်တွေ
ဘင်္ဂလားဒေ့ရ်ှဘက် နယ်ကျွံဝင်လာလို့ ဆိုပြီး ဖမ်းခံထားရတဲ့ မြန်မာ နယ်ခြားစောင့် တပ်ဖွဲ့ဝင်အရေး ကောင်စစ်ဆိုင်ရာ စကားပြောခွင့်ရဖို့ ဒါကာမြို့ မြန်မာသံရုံးက လုပ်ဆောင်နေတယ်လို့ မြန်မာအစိုးရ နိုင်ငံခြားရေးရုံးက ပြောပါတယ်။

ရဲစခန်းအတွက် အကာအရံ လုပ်ဖို့ဆိုပြီး ဝါးခုတ်သွားကြတဲ့ တပ်ဖွဲ့ဝင် ၃ ယောက်ထဲက တစ်ယောက်ဖြစ်တဲ့ ရဲတပ်သား အောင်ဘိုဘိုသိန်း ပျောက်ဆုံး နေတာ ဖြစ်ပါတယ်။

ပြီးခဲ့တဲ့ သီတင်းပတ် ကြာသပတေးနေ့ ဖေဖေါ်ဝါရီ ၂၁ ရက်နေ့က မြန်မာနိုင်ငံ ဘင်္ဂလားဒေ့ရှ် သံအမတ် မန်ဂျုရူလ် ကာရင်ခန်း ချောင်ဒရီကို နိုင်ငံခြားရေး ဝန်ကြီးဌာနကို ခေါ်ယူ စကားပြောခဲ့တာမှာ ရဲတပ်သား အောင်ဘိုဘိုသိန်း ကိစ္စလည်း ထည့်သွင်းပြောခဲ့တယ်လို့ နိုင်ငံခြားရေးဝန်ကြီးဌာန၊ နိုင်ငံရေးရာဦးစီးဌာန ညွှန်ကြားရေးမှူးချုပ် ဦးစိုးဟန်က ဘီဘီစီကို ပြောပါတယ်။

တဘက်နိုင်ငံထဲ နယ်ခြားစောင့်ရဲတစ်ဦး ဝင်ရောက် ခိုလှုံသွားတယ်ဆိုတဲ့ သတင်းတွေကို ဦးစိုးဟန်က ပယ်ချပြီး၊ မျက်စိလည် လမ်းပျောက်သွားပုံရတယ်လို့ ဦးစိုးဟန်က ပြောပါတယ်။

ဘင်္ဂလားဒေ့ရ်ှဘက်ကလည်း နယ်ကျွံဝင်လာသူ တစ်ဦးကို ထိန်းသိမ်းထားကြောင်း တရားဝင် အကြောင်းကြား လာခဲ့တယ်လို့လည်း ဆိုပါတယ်။

၂ဝ၁၅ တုန်းက ဘင်္ဂလားဒေ့ရ်ှဘက်က ရဲတပ်ဖွဲ့ဝင်တစ်ယောက် မြန်မာဘက်ခြမ်း တရားမဝင် ရောက်လာခဲ့တုန်းက နှစ်နိုင်ငံ နယ်ခြားစောင့်တပ် အရာရှိတွေ အလံတင် အစည်းအဝေး လုပ်ပြီး ၈ ရက် အတွင်း ပြန်လွှဲပေးခဲ့တယ်လို့ မြန်မာဘက်က ဖေဖေါ်ဝါရီ ၂၁ ရက်နေ့ အစည်းအဝေးမှာ ထောက်ပြခဲ့ပါတယ်။

အဲဒီ အစဉ်အလာအတိုင်း ရဲတပ်သား အောင်ဘိုဘိုသိန်းကို အမြန်ဆုံး ပြန်လွှဲပေးဖို့ မြန်မာဘက်က တောင်းဆို နေတာ ဖြစ်ပါတယ်။

ဖေဖေါ်ဝါရီ ၂၁ ရက် ဘင်္ဂလားဒေ့ရှ် သံအမတ်ကို ဆင့်ခေါ် စကားပြောခဲ့ကြတဲ့ အကြောင်းအရာတွေထဲ နေရပ် စွန့်ခွာသူတွေ ပြန်လည် လက်ခံရေး လုပ်ငန်းစဉ် စတင်ဖို့လည်း ပါဝင်တယ်လို့ ဦးစိုးဟန်က ပြောပါတယ်။

ဒုက္ခသည် လွှဲပြောင်းရေးနဲ့ ပတ်သက်ပြီး နှစ်နိုင်ငံအကြား ပူးတွဲ လုပ်ငန်းအဖွဲ့ ရဲ့ စတုတ္တအကြိမ် အစည်းအဝေးကို လာမယ့် ဧပြီလထဲ နေပြည်တော်မှာ ကျင်းပဖို့ မြန်မာဘက်က အကြံပြု ထားတယ် လို့လည်းအစိုးရ ပြန်ကြားရေးက သတင်းထုတ်ပြန်ထားပါတယ်။
ဒုက္ခသည်စခန်းကနေ မလေးရှားကို သွားဖို့ ပယ်လယ်ထဲ လှေနဲ့ထွက်ခဲ့သူတွေကို ဘင်္ဂလားဒေ့ရှ် နယ်ခြားစောင့်တပ် ကယ်ထားရ။ ဖေဖေါ်ဝါရီ ၈ ရက်၊ ၂ဝ၁၉။
ဘင်္ဂလားဒေ့ရှ် သံအမတ်ကို မြန်မာဘက်က ဆင့်ခေါ်တာ ခုလပိုင်းတွေထဲ နှစ်ကြိမ်မြောက် ဖြစ်ပါတယ်။

ပြီးခဲ့တဲ့ ဇန်နဝါရီလတုန်းကလည်း နိုင်ငံခြားရေးဌာနရဲ့ အမြဲတမ်းအတွင်းဝန် ဦးမြင့်သူက ဘင်္ဂလားဒေ့ရှ် သံအမတ်ကို ခေါ်ယူပြီး ဒုက္ခသည် လွှဲပြောင်းရေး လုပ်ငန်း စတင်ဖို့ ပြောဆို ခဲ့တယ်လို့ ဆိုပါတယ်။

မြန်မာဘက်က လက်ခံနိုင်တယ်လို့ စိစစ် အတည်ပြုပြီး ဘင်္ဂလားဒေ့ရ်ှဘက်ကို နာမည်စာရင်း ပြန်လည် ပေးပို့ထားတဲ့ ဦးရေး နှစ်ထောင့်လေးရာကျော် ရှိနေပေမယ့် ဘင်္ဂလားဒေ့ရ်ှဘက်က လွှဲပြောင်းပေးတာမျိုး မရှိ ဖြစ်နေတယ်လို့ ဦးစိုးဟန်က ဆိုပါတယ်။

ဟိန္ဒူဘာသာဝင် ဒုက္ခသည် လေးရာကျော် ပြန်လာလိုကြောင်း မြန်မာဘက်က သိထားရပြီး လက်ခံဖို့ အဆင်သင့် ဖြစ်နေပေမယ့်၊ ဘင်္ဂလားဒေ့ရ်ှဘက်က နောက်ဆုံး ပြောလာတဲ့ စကားတွေအရ ဟိန္ဒူ ဘာသာဝင်တွေချည်း သီးသန့် စတင်ပို့မှာ မဟုတ်ဘူးလို့ နားလည် ရပါတယ်။

ကိုယ့် အစီအစဉ်နဲ့ကိုယ် ပြန်လာကြတဲ့ အစ္စလာမ်ဘာသာဝင်တွေ ရာဂဏန်းလောက် ရှိတယ်လို့လည်း ဦးစိုးဟန်က ပြောပါတယ်။

ဒုက္ခသည်တွေ ကိုယ့်သဘောနဲ့ကိုယ် ပြန်ဝင်လာနိုင်ဖို့ လုံခြုံ စိတ်ချရတဲ့ ဝန်းကျင် အခြေအနေမျိုး ရှိရမယ်လို့ ကုလသမဂ္ဂ အပါအဝင် နိုင်ငံတကာက ပြောနေသလို မြန်မာဘက်ကလည်း နေရပ်စွန့်ခွာသူတွေ ပြန်လည်လက်ခံရေး အတွက် အသင့်ဖြစ်နေပြီလို့ ပြောနေပါတယ်။
ရခိုင်ပြည်နယ်ထဲ ခြေကုပ်ယူဖို့ ကြိုးစာရာက အစိုးရတပ်နဲ့ တိုက်ပွဲ ပြင်းထန်နေတဲ့ အေအေ
ပြည်နယ်တွင်း လက်နက်ကိုင် ပဋိပက္ခ အခြေအနေ

ရခိုင်ပြည်နယ်တွင်း အခြေအနေကို ကြည့်ရင်တော့ အစိုးရစစ်တပ်နဲ့ ရခိုင်လက်နက်ကိုင် အေအေ အဖွဲ့ကြား တိုက်ပွဲတွေ ဆက်လက် ရှိနေပြီ ဖေဖေါ်ဝါရီ ၂၆ ရက်၊ အင်္ဂါနေ့ မနက်ပိုင်းမှာ ဘူးသီးတောင် မြို့နယ်ထဲ ပြင်းပြင်းထန်ထန် ဖြစ်ပွားခဲ့ပါတယ်။

ဒီတစ်ခေါက် တိုက်ပွဲဖြစ်ရာ နေရာဟာ မွတ်ဆလင်ရွာတွေဖြစ်တဲ့ ခေါင်းတိုက်နဲ့ ကာဒီပြင် ဆိုတဲ့ ကျေးရွာနှစ်ရွာကြားမှာ ဖြစ်တယ်လို့ တိုက်ပွဲဖြစ်ရာ အနီးမှာပဲ တည်ရှိတဲ့ ဥယျာဉ်သာရွာက ရွာခံတွေက ဘီဘီစီကို ပြောပါတယ်။

ဒီတိုက်ပွဲအတွင်း အကျအဆုံး အများအပြား ရှိတယ်လို့ သတင်းတွေ ထွက်နေပေမယ့် အသေးစိတ် အချက်အလက်တွေကို အတည်မပြု နိုင်သေးဘူးလို့ ရခိုင်ပြည်နယ်ထဲ ရှိနေတဲ့ ဘီဘီစီသတင်းထောက်က ပြောပါတယ်။
အရပ်သားတွေ ရာနဲ့ချီ ဆက်လက် ထွက်ပြေးနေရ။ နေပူခံရွာက ပြေးလာကြတဲ့ မြိုလူမျိုးတွေ။
အရပ်သားတွေ ပျောက်ဆုံးနေ

တိုက်ပွဲတွေ ဆက်တိုက် ဖြစ်နေတဲ့ ရခိုင် ပြည်နယ်ထဲ အရပ်သား ပျောက်ဆုံးမှု အရေအတွက်လည်း ဆက်လက် မြင့်တက် လာနေပါတယ်။

မြောက်ဦးနဲ့ ကျောက်တော် မြို့နယ်နှစ်ခုပေါင်းဆိုရင် သိရှိထားသမျှ ပျောက်ဆုံးသူ ၁၁ ဦးရှိနေပါတယ်။

ပြီးခဲ့တဲ့ သီတင်းပတ် တိုက်ပွဲတွေ အတွင်းမှာကို ၅ ဦး ပျောက်ဆုံး သွားခဲ့တာ ဖြစ်ပြီး ကျောက်တော်မြို့နယ်ထဲကဆိုရင် ကျနင်းကန်ရွာက သုံးဦး၊ သာစည်ရွာက တစ်ဦး၊ မြောက်ဦးမြို့နယ်ထဲ တောင်ဦးနဲ့ ရန်အောင်ပြင်က တစ်ဦး စုစုပေါင်း ၅ ဦး ပျောက်ဆုံးနေတယ်လို့ ဘီဘီစီသတင်းထောက်က ပြောပါတယ်။

ပျောက်ဆုံးနေသူတွေရဲ့ ဇနီးသည်တွေက အကြောင်းကြားလာတဲ့ အတွက် ကျောက်တော် နယ်ခံ ရဲစခန်းနဲ့ မြို့နယ် အထွေထွေ အုပ်ချုပ်ရေးရုံးတို့ကို ထူးခြားဖြစ်စဉ် အနေနဲ့ အကြောင်းကြားထားတယ်လို့ ကျနင်းကန် အုပ်ချုပ်ရေးမှူး ဦးကျော်မောင်ယေက ပြောပါတယ်။

တစ်ခြားဖြစ်စဉ်တစ်ခုမှာတော့ မြန်မာနိုင်ငံ အလယ်ပိုင်းက အထည်ပစ္စည်းတွေ လှည့်လည် ရောင်းချသူ ၅ ယောက်လည်း ပျောက်ဆုံးနေတယ်လို့ သိရပါတယ်။

ရခိုင်ပြည်နယ်အတွင်း တိုက်ပွဲတွေ နေ့စဉ်ရက်ဆက် ဖြစ်ပွားနေသလို တိုက်ပွဲတွေကြား အရပ်သားတွေ ပျောက်ဆုံးမှု၊ သေဆုံးမှုတွေရှိနေတဲ့ အတွက် စစ်ပွဲတွေ ပိုမိုကျယ်ပြန့်လာမှာကို လူအများကြား ထိတ်လန့်နေကြတယ်လို့ ဘီဘီစီသတင်းထောက်က ဆိုပါတယ်။

BBC Burmese
https://www.bbc.com/burmese

ပါကစ္စတန် ထဲက စစ်သွေးကြွေ အခြေစိုက် စခန်းတွေ ဆိုပြီး အိန္ဒိယ လေကြောင်းတိုက်ခိုက်

ပါကစ္စတန် ဆန့်ကျင်ရေး ဆန္ဒပြမှု တွေ လုပ်ဆောင်မှုတွေလည်း ရှိ
ကတ်ရ်ှမီးယား ဒေသ က ပါကစ္စတန် အခြေစိုက် စစ်သွေးကြွ တွေရဲ့ စခန်း ကို လေကြောင်း တိုက်ခိုက်မှုတွေ လုပ်ခဲ့တယ်လို့ အိန္ဒိယ ဘက်က ပြောဆို ခဲ့ တာကြောင့် ပါကစ္စတန် နဲ့ တင်းမာ မှု တွေ ဖြစ်ပေါ် ခဲ့ပါတယ်။

ဘာလာကော့ဒ် ဒေသက ဂျိတ်ရှ် မိုဟာမက် စစ်သွေးကြွတွေ ရဲ့ လေ့ကျင့်ရေး စခန်း ကို ဦးတည်ပြီး လေကြောင်း တိုက်ခိုက်မှု လုပ်ဆောင် ခဲ့ကြောင်း အိန္ဒိယ အစိုးရ ထိပ်တန်း ဝန်းကြီး တစ်ဦး က ပြောဆိုပါတယ်။

ဒီလို လေကြောင်း တိုက်ခိုက်မှု ကို တုန့်ပြန်တဲ့ အနေနဲ့ တိုက်ခိုက်ရေး စစ်လေ ယာဉ် တွေကို အဲဒီဒေသ ကို စေလွှတ်ခဲ့တာကြောင့် တင်းမာမှုတွေက ပိုမို ဆိုးရွား နေတာပါ။

နျူကလီးယား ကိုယ်စီ ပိုင်ဆိုင် ထားတဲ့ နှစ်နိုင်ငံ ကြားမှာ ဖေဖော်ဝါရီ လ အစောပိုင်း တုန်း က အိန္ဒိယ ပိုင် ကတ်ရ်ှမီးယား ဒေသမှာ ပါကစ္စတန် အခြေစိုက် စစ်သွေး ကြွ တွေက ကားဗုံး ခွဲ တိုက်ခိုက်မှု တွေ လုပ်ခဲ့တာ ကြောင့် တင်းမာ မှုတွေ ဖြစ်ပေါ် ခဲ့ရတာ ပါ။

အဲဒီ တိုက်ခိုက်မှု အတွင်းမှာ စစ်ရဲတပ်ဖွဲ့ဝင် ၄၀ ကျော် သေဆုံး ခဲ့ရပြီး နောက် ပြင်းပြင်းထန်ထန် လက်တုန့်ပြန်သွားမယ်လို့ အိန္ဒိယ ဘက် က ပြောဆို ထားပါတယ်။

ကားဗုံးခွဲ တိုက်ခိုက်မှု ကို ပါကစ္စတန်မှာ အခြေချ လှုပ်ရှားနေတဲ့ စစ်သွေးကြွ အဖွဲ့ ဂျိတ်ရှ် မိုဟာမက် အဖွဲ့ က သူတို့ လုပ်ဆောင် ခဲ့တာ ဖြစ်ကြောင်း ထုတ်ဖော် ပြောကြား ထာပါတယ်။

ဒါပေမယ့် ပါကစ္စတန် အနေနဲ့ အကြမ်းဖက် သမားတွေကို နိုင်ငံ အတွင်းမှာ လက်ခံ ထားပြီး တိုက်ခိုက်မှု ကို ပါကစ္စတန် ထောက်လှမ်းရေး အဖွဲ့ က စီစဉ် ခဲ့တာ ဖြစ်ကြောင်း အိန္ဒိယ စွပ်စွဲ ပြောကြားပါတယ်။ ဒါကိုတော့ ပါကစ္စတန် ဘက် က ငြင်းဆို ထားပါတယ်။

အိန္ဒိယ နိုင်ငံ ဘက် က လေကြောင်း တိုက်ခိုက်မှု တွေကို သူ့ ပိုင်နက် ကတ်ရ်ှမီးယား ဒေသ ကနေ ပြီးတော့ ပါကစ္စတန် ထိန်းချုပ်ရာ နယ်မြေ ထဲ ကို ပစ်ခတ်မှုတွေ လုပ်ခဲ့တာ ဖြစ်ပါတယ်။

ဘာလာကော့ဒ် ဒေသ ကို အိန္ဒိယ က လုပ်ခဲ့တဲ့ လေကြောင်း တိုက်ခိုက်မှု ဟာ ၂ နိုင်ငံ စစ်ပွဲ ဖြစ်ပွားခဲ့တဲ့ ၁၉၇၂ ခုနှစ် နောက်ပိုင်း ပထမဆုံး လေကြောင်း တိုက်ခိုက်မှုလည်း ဖြစ်ပါတယ်။

ဘာလာကော့ဒ် ဒေသ ဟာ ပါကစ္စတန် အနောက်မြောက်ပိုင်း က ခါဗျာ ပက်သွန်ခွာ ခရိုင်မှာ တည်ရှိပါတယ်။

လေကြောင်း တိုက်ခိုက်မှု အတွင်းမှာ စစ်သွေးကြွ အတော်များများ သေဆုံး ခဲ့ပေမယ့် အရပ်သား တွေ ထိခိုက်မှု မရှိအောင် ရှောင်ရှား တိုက်ခိုက် နိုင်ခဲ့ တယ်လို့ အိန္ဒိယ နိုင်ငံခြားရေး ဝန်ကြီး ဗီဂျေး ဂိုခဲလ် က သတင်းဌာနတွေ ကို ပြောဆို ပါတယ်။

အဆိုပါ လေကြောင်း တိုက်ခိုက်မှု တွင်းမှာ ဂျိတ်ရှ် မိုဟာမက် စစ်သွေးကြွ အဖွဲ့ ခေါင်းဆောင်လည်း သေဆုံး သွားခဲ့ ကြောင်း အိန္ဒိယ ဘက် က ထုတ်ဖော် ထားပါတယ်။

ဒါ့အပြင် ဂျိတ်ရှ် မိုဟာမက် အဖွဲ့ ဟာ အကြမ်း ဖက် တိုက်ခိုက်မှုတွေ ထပ်မံ လုပ်ဆောင် လာမယ် ဆိုတာ ကို အိန္ဒိယ အနေနဲ့ တိကျ ခိုင်မာ တဲ့ ထောက်လှမ်း ရေး သတင်းတွေ ရရှိထားတယ်လို့လည်း နိုင်ငံခြားရေး ဝန်ကြီး က ပြောပါတယ်။
ကတ်ရ်ှမီးယား မြေပုံ
ဒါပေမယ့် ပါကစ္စတန် ဘက်ကတော့ အိန္ဒိယရဲ့ လေကြောင်း တိုက်ခိုက်မှု အတွင်းမှာ ထိခိုက် သေဆုံးမှု တခုမှ မရှိခဲ့ဘူးလို့ ပြောပါတယ်။ ပါကစ္စတန် စစ်တပ် ပြောရေး ဆိုခွင့် ရှိသူ ဗိုလ်ချုပ် အာဆစ် ဂါဖော က အိန္ဒိယ ရဲ့ စစ်လေ ယာဉ် တွေဟာ ကတိုက်ကရိုက် ပြန်မဆုတ် ခွာ သွားခင် လူသူ ကင်းမဲ့ တဲ့ နေရာ တွေမှာ တိုက်ခိုက်မှုတွေ လုပ်သွား ခဲ့တာလို့ ပြောဆို ထားပါတယ်။

အိန္ဒိယ ဝန်ကြီးချုပ် နာရန်ဒရာ မိုဒီ ကလည်း မဲဆွယ် စည်းရုံးမှု တွေ လုပ်ဆောင် ဖို့ ရာဂျက်စတန် ဒေသ ကို ရောက်ရှိနေပြီး အဲဒီ မှာ အကြမ်းဖက် တိုက်ခိုက် ခံရမှု ကြောင့် သေဆုံး သွားခဲ့တဲ့ ရဲတပ်ဖွဲ့ ဝင်တွေကို ချီးကျူး ဂုဏ်ပြု ခဲ့ပေမယ့် လေကြောင်း တိုက်ခိုက်မှု အကြောင်း ကို တော့ ထုတ်ဖော် ပြောဆို ခဲ့ခြင်း မရှိပါဘူး။

ကတ်ရ်ှမီးယား ဒေသခံတွေ ကတော့ လေကြောင်း တိုက်ခိုက်မှု ကြောင့် ကြီးမား ပြင်းထန် တဲ့ ပေါက်ကွဲ သံတွေကို ကြားခဲ့ရကြောင်း ဘီဘီစီ ကို ပြောကြား ကြပါတယ်။

အစ္စလာမ် ဘာသာဝင် အများစု နေထိုင်တဲ့ ကတ်ရ်ှမီးယား ဒေသ ကို သူပိုင် ကိုယ် ပိုင် အဖြစ် အိန္ဒယ နဲ့ ပါကစ္စတန် ၂ နိုင်ငံလုံး က ပြောဆို နေကြတာပါ။ နောက်ပြီး အဲဒီက နယ်မြေ တွေကို ခွဲခြား ပြီး ထိန်းချုပ်မှုတွေ ကိုလည်း လုပ်ဆောင် နေပါတယ်။

၁၉၄၇ ခုနှစ်မှာ ဗြိတိသျှ ဆီကနေ လွတ်လပ်ရေး ရယူ ခဲ့ပြီးနောက် အိန္ဒိယ နဲ့ ပါကစ္စတန် နိုင်ငံကြား မှာ စစ်ပွဲ သုံးကြိမ် ဖြစ်ပွား ခဲ့ဖူးပြီး အဲဒီ အထဲက စစ်ပွဲ တစ်ပွဲ ကတော့ ကတ်ရ်ှမီးယား နယ်မြေ အငြင်းပွားမှုကြောင့် ဖြစ်ပွား ခဲ့တာပါ။

အိန္ဒိယ အနေနဲ့ ပါကစ္စတန် အပေါ်မှာ ငြိမ်းချမ်းရေး အခွင့်အရေး ပေးသင့် ကြောင်း ပါကစ္စတန် ဝန်ကြီးချုပ် အီမရန် ခန်း က ပြောဆို ထားသလို အိန္ဒိယ ဝန်ကြီး ချုပ် နာရန်ဒရာ မိုဒီ ကလည်း အဲဒီဒေသမှာ အိန္ဒိယ လုပ်ဆောင် နေတဲ့ ဆင်းရဲနွမ်းပါးမှု တိုက်ဖျက်ရေး နဲ့ စာတတ် မြောက်ရေး လှုပ်ရှားမှုမှာ ပါကစ္စတန် ပူးပေါင်း ပါဝင်ဖို့ ဖိတ်ခေါ် ထားပါတယ်။

BBC Burmese
https://www.bbc.com/burmese

ပါကစ္စတန်စစ်သွေးကြွ ပစ်မှတ်တွေ အိန္ဒိယ လေကြောင်းက တိုက်ခိုက်


ပြီးခဲ့တဲ့ ၂ ပတ်လောက်တုန်းက အိန္ဒိယနိုင်ငံ Kashmir ဒေသတွင်း စစ်သား အယောက် ၄၀ သေစေခဲ့တဲ့ အသေခံကားဗုံးဖောက်ခွဲမှုမှာ သူတို့လက်ချက်ဖြစ်တယ်လို့ ကြေညာခဲ့တဲ့ အစ္စလာမ်မစ်စစ်သွေးကြွအဖွဲ့ Jaish-e-Mohammad ရဲ့ ပါကစ္စတန်နိုင်ငံတွင်းက စခန်းကို ဒီကနေ့ အာရုဏ်မတက်ခင်မှာ လေကြောင်းကနေ ဗုံးကြဲခဲ့ကြောင်း အိန္ဒိယက ပြောဆိုလိုက်ပါတယ်။

ဒီလေကြောင်းတိုက်ခိုက်မှုကြောင့် စစ်သွေးကြွတွေအများအပြားသေဆုံးမယ်လို့ အိန္ဒိယက ပြောဆိုထားပြီး ဒီတိုက်ခိုက်မှုကြောင့် ပါကစ္စတန်နဲ့ အိန္ဒိယ ၂ နိုင်ငံကြား စစ်ရေးဆက်ဆံရေး ပိုတင်းမာလာပါလိမ့်မယ်။ အိန္ဒိယနိုင်ငံတွင်းမှာ စီစဉ်ထားတယ် Jaish-e-Mohammad အဖွဲ့က နောက်တခါ အသေခံဗုံးခွဲတိုက်ခိုက်ဖို့ စီစဉ်ထား တယ်ဆိုတဲ့ သတင်း ထောက်လှမ်းရထားတဲ့အကြောင်း အိန္ဒိယနိုင်ငံခြားရေးဝန်ကြီး Vijay Gokhale က ကြေညာချက်ထုတ်ပြန် ပြောဆိုထားပါတယ်။ Balakot မြို့မှာ ရှိတဲ့ Jaish-e-Mohammad အဖွဲ့ရဲ့ ပါကစ္စတန်နိုင်ငံတွင်းက အကြီးဆုံး လေ့ကျင့်ရေးစခန်းကို အိန္ဒိယက တိုက်ခိုက်နိုင်ခဲ့တယ်လို့ ဆိုပါတယ်။

အသေခံတိုက်ခိုက်ဖို့ လေ့ကျင့်ပေးထားတဲ့ အကြမ်းဖက်သမားတွေ၊ လေ့ကျင့်ပေးသူတွေ၊ အကြီးတန်းအရာရှိတွေနဲ့ ဂျီဟတ်အဖွဲ့ဝင်တွေ အများအပြားကို ဒီတိုက်ခိုက်မှုအတွင်း နှိမ်နင်းနိုင်ခဲ့ကြောင်း သူက ဆက်ပြောပါတယ်။ အရပ်သားတွေ သေဆုံးမယ့်အရေးကို ရှောင်ဖို့ အိန္ဒိယက ကြိုးစားထားတဲ့အကြောင်း Gokhale က ပြောပါတယ်။ ဒီစခန်းက တောထူပြီး လူသူဝေးလံတဲ့ တောင်ထိပ်မှာ ရှိတဲ့အကြောင်း သူက ပြောပါတယ်။

ဗွီအိုအေ (မြန်မာပိုင်း)
https://burmese.voanews.com

မြောက်ကိုရီးယားနဲ့ ထိပ်သီးဆွေးနွေးပွဲအတွက် သမ္မတ Trump ဗီယက်နမ်ရောက်ရှိ


မြောက်ကိုရီးယားရဲ့ နျူကလီးယားအစီအစဉ် ဖျက်သိမ်းရေးကို ဦးတည်စေမယ့် တိကျတဲ့ လမ်းကြောင်းပေါ် ရောက်လာရေး မျှော်လင့်ချက်နဲ့ ခေါင်းဆောင် Kim Jong Un နဲ့ ဒုတိယအကြိမ်မြောက် ထိပ်သီးစည်းဝေးပွဲ ကျင်းပဖို့ အမေရိကန်သမ္မတ Donald Trump ဟာ ဗီယက်နမ် နိုင်ငံကို မကြာသေးခင် အချိန်ပိုင်းအတွင်းကဘဲ ရောက်သွားပြီ ဖြစ်ပါတယ်။

သမ္မတ Trump ကို ဗီယက်နမ် အစိုးရ အရာရှိတွေ၊ ဗီယက်နမ်ဆိုင်ရာ အမေရိကန်သံအမတ်ကြီး Daniel Kristenbrink တို့နဲ့အတူ ၀တ်စုံ အဖြူရောင် ၀တ်ဆင်ထားကြတဲ့ ဂုဏ်ပြုတပ်ဖွဲ့တို့က ဟနွိုင်းမြို့ လေဆိပ်မှာ ကြိုဆိုခဲ့ကြပါတယ်။

ခေါင်းဆောင် ၂ ဦးဟာ ဗီယက်နမ်မြို့တော် ဟနွိုင်းမှာ မနက်ဖြန် ဗုဒ္ဓဟူးနေ့မှာ တွေ့ဆုံပြီး ကိုရီးယားကျွန်းဆွယ်မှာ နျူကလီးယား ကင်းမဲ့ရေးကိစ္စအပါအ၀င် အကြောင်းအရာ အတော်များများကို ဆွေးနွေးကြမှာ ဖြစ်ပါတယ်။

မြောက်ကိုရီးယားခေါင်းဆောင် Kim Jong Un ၃ ရက်ကြာ ခရီးစဉ်အတွက် သူစီးလာတဲ့ အစိမ်းရောင်ရထား တရုတ်နိုင်ငံကိုဖြတ်ပြီး ဒီကနေ့ အစောပိုင်းက မြို့တော် ဟနွိုင်း ဘူတာကို ဆိုက်ရောက်လာတဲ့ အချိန် ဗီယက်နမ် ဂုဏ်ပြုတပ်ဖွဲ့က ကြိုဆိုခဲ့ပါတယ်။ အဲဒီနောက်မှာတော့ သူတည်းမယ့် Melia ဟိုတယ် ရှိရာကို ကားနဲ့ ၂ နာရီကြာ သွားခဲ့ပါတယ်။ ဟိုတယ်မှာ နာရီအနည်းငယ် နားနေပြီးတဲ့နောက် Kim Jong Un ဟာ ဟနွိုင်းမြို့မှာရှိတဲ့ မြောက်ကိုရီးယား သံရုံးကို သွားရောက်ခဲ့ပါတယ်။

ဆွေးနွေးပွဲအတွင်း မြောက်ကိုရီးယားခေါင်းဆောင် ပေးထားတဲ့ ကတိအတိုင်း နျူကလီးယားလက်နက် ဖျက်သိမ်းရေး သဘောတူညီချက် ရနိုင်လိမ့်မယ်လို့ မျှော်လင့်ကြောင်း တနင်္လာနေ့က ၀ါရှင်တန် ဒီစီမြို့ကနေ မထွက်ခွာခင် သမ္မတ Trump က ပြောကြားခဲ့ပါတယ်။

နျူကလီးယားလက်နက် ဖျက်သိမ်းရေး သဘောတူညီချက် မရနိုင်ရင်တော့ ဆွေးနွေးပွဲတွေဟာ အရင်ကလိုဘဲ ရေရှည်ခံမှာ မဟုတ်ဘူးလို့ သမ္မတ Trump က Twitter လူမှုကွန်ယက်ကတဆင့် ပြောကြားခဲ့ပါတယ်။ ခေါင်းဆောင် Kim Jong Un အနေနဲ့ အမျှော်အမြင်ရှိစွာ ဆုံးဖြတ်လိမ့်မယ်လို့ သမ္မတ Trump ကြိုတင် ဟောကိန်းထုတ်ခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com

ပုဒ်မ ၂၆၁ ကိုပြင်ဖို့ တပ်မတော် ထောက်ခံမယ်ဆိုတာ ဘာကြောင့်လဲ

 ဖွဲ့စည်းပုံပြင်ရေး၊ အပစ်ရပ်ရေးတို့နဲ့ပတ်သက်ပြီး တပ်မတော်ရဲ့ သတင်းစာရှင်းလင်းပွဲပြုလုပ်
တိုင်းဒေသကြီးနဲ့ ပြည်နယ်ဝန်ကြီးချုပ်တွေကို သမ္မတက သူကြိုက်တဲ့လူကို တိုက်ရိုက်ရွေးချယ်ခန့်အပ်ခွင့်ရှိတဲ့ ဖွဲ့စည်းပုံအခြေခံဥပဒေထဲက ပုဒ်မ ၂၆၁ ကို ပြင်ဆင်ချင်ရင် တပ်မတော်ဖက်က သဘောတူနိုင်ကြောင်း ပြောပါတယ်။ ဒီပုဒ်မကို ပြင်ဆင်ဖို့ကိုလည်း ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီက ပြည်ထောင်စုလွှတ်တော်မှာ ဥပဒေ ကြမ်း တင်ထားပါတယ်။

တပ်မတော်ကာကွယ်ရေးဦးစီးချုပ်က ဝန်ကြီးချုပ် ခန့်အပ်တာနဲ့ ပတ်သက်လို့ ပြည်နယ်လွှတ်တော် တွေက ရွေးကောက်နိုင်ရင် ကောင်းတယ်လို့ ပြောထားပါတယ်၊ ဒါကြောင့်မို့လို့ သဘောတူဖို့ ရှိပါတယ် လို့ တပ်မတော် သတင်းမှန်ပြန်ကြားရေးအဖွဲ့က ဗိုလ်မှူးချုပ် ဇော်မင်းထွန်းက ဖေဖော်ဝါရီ ၂၃ ရက်နေ့ က ရန်ကုန်မှာပြုလုပ်တဲ့ သတင်းစာရှင်းလင်းပွဲမှာ ပြောခဲ့ပါတယ်။

တိုင်းနဲ့ပြည်နယ်ဝန်ကြီးချုပ်တွေကို သမ္မတက တိုက်ရိုက် ခန့်အပ်ခွင့်ရှိရာကနေ တိုင်း၊ပြည်နယ် ဝန်ကြီးချုပ်တွေကို သက်ဆိုင်ရာ ပြည်နယ်၊တိုင်းလွှတ်တော်တွေက ရွေးချယ်ခန့်အပ်မယ်ဆိုပြီး ပြင်လိုက်မယ်ဆိုရင် ပြည်နယ်တိုင်း လွှတ်တော်တွေ မှာရှိတဲ့ တပ်မတော်သား ကိုယ်စားလှယ်၂၅ ရာခိုင်နှုန်းရဲ့ ကဏ္ဍဏ္ဍဟာ အရေးပါလာမှာဖြစ်တယ်လို့ တိုင်းရင်းသား လွှတ်တော် ကိုယ်စားလှယ်အများစုကယူဆနေကြ ပါတယ်။

လက်ရှိ ပြည်ထောင်စုလွှတ်တော်မှာ တပ်မတော်သား ၂၅ ရာခိုင်နှုန်းရှိသလို ပြည်နယ်တိုင်း လွှတ်တော်တွေမှာ လည်း တပ်မတော်သား ၂၅ ရာခိုင်နှုန်းစီရှိကြပါတယ်။ ပြည်ထောင်စုလွှတ်တော် မှာရှိတဲ့ တပ်မတော်သား ၂၅ ရာခိုင်နှုန်းဟာ ဒုသမ္မတ တစ်ဦး တင်မြောက်ခွင့် ရှိသလို သမ္မတ ကိုလည်း မဲပေးရွေးချယ်ခွင့်ရှိပါတယ်။

အလားတူ ဖွဲ့စည်းပုံပြင်ဆင်ရေးမှာလည်း ၂၅ ရာခိုင်နှုန်းက မထောက်ခံရင် အရေးကြီးတဲ့ပုဒ်မ တချို့ပြင်လို့မရပါဘူး။ အဲဒီလိုလုပ်ပိုင်ခွင့်တွေရှိတဲ့အတွက်ပြည်ထောင်စုလွှတ်တော်မှာ တပ်မတော်သား ၂၅ ရာခိုင်နှုန်းက အရေး ပါနေတာ ဖြစ်ပါတယ်။

ဘယ်လိုပြင်ရင် ဘယ်လိုအရေးပါလာမလဲ

ဒါပေမယ့် ပြည်နယ်တိုင်းဒေသကြီး လွှတ်တော်တွေမှာရှိတဲ့ တပ်မတော်သားတွေမှာ လုပ်ပိုင်ခွင့် သိပ်မရှိပါဘူး။ တကယ်လို့ ပြည်နယ်တိုင်းလွှတ်တော်တွေက သက်ဆိုင်ရာတိုင်းဒေသကြီး ဒါမှမဟုတ် ပြည်နယ်ဝန်ကြီးချုပ်ကို ခန့်အပ်ရမယ်လို့သာ ပြင်လိုက်ရင် သူတို့တွေဟာလည်း အရေးပါလာတော့မယ့် သဘောရှိနေပါ တယ်။

"ရှမ်းပြည်နယ်လွှတ်တော်မှာ အများဆုံးရှိနေတာက တပ်မတော်သားကိုယ်စားလှယ်၊ ဒုတိယအများဆုံး က ကြံခိုင်ရေး၊ တတိယအများဆုံးက SNLD ဖြစ်ပါတယ်။ စတုတ္တအများဆုံးက NLD ဖြစ်ပါတယ်။ တကယ်လို့ဝန်ကြီး ချုပ်ကို များရာ ဆန္ဒမဲနဲ့ ရွေးကောက်မယ်ဆိုရင် ဘယ်သူရနိုင်မလဲ တွက်ကြည့် လိုက်ပါ။ အားလုံးကို မဲပေးခွင့် ပေးမယ်ဆိုရင် တပ်ကလိုလားတဲ့သူပဲ ဖြစ်မှာ အသေအချာ ပဲ" လို့SNLD ပါတီရဲ့မိုင်းရယ်မြို့နယ် ပြည်သူ့လွှတ်တော်ကိုယ်စားလှယ် ဦးစိုင်းသီဟကျော်က ပြောပါတယ်။

ပြီးခဲ့တဲ့ ၂၀၁၅ ရှမ်းပြည်နယ် ရွေးကောက်ပွဲမှာ ကြံ့ခိုင်ရေးပါတီ က ၃၃ ဦး၊ SNLD (ကျားခေါင်း) ၂၄ ဦး၊ NLD ၂၃ ဦး အနိုင်ရခဲ့ကြ ပါတယ်။ လွှတ်တော်ထဲမှာ ရွေးကောက်ခံမဟုတ်တဲ့ တပ်မတော်သား ကိုယ်စားလှယ် က ၃၄ ဦး ရှိတဲ့အတွက် မဲစနစ်နဲ့ရွေးချယ်ရတဲ့ ပြည်နယ်လွှတ်တော် ဥက္ကဋ္ဌကို ရွေးချယ်တဲ့အခါ ကြံ့ခိုင်ရေး ပါတီကိုယ်စားလှယ်က ဥက္ကဋ္ဌဖြစ်လာခဲ့ပါတယ်။ ကြံ့ခိုင်ရေး ၃၃ ဦးနဲ့ စစ်တပ်ကိုယ်စားလှယ် ၃၄ ဦးပေါင်းပြီး မဲပေးလိုက်ကြတာ ဖြစ်ပါတယ်။

လက်ရှိ မြန်မာနိုင်ငံရေးအခြေအနေအရ တိုင်းရင်းသားပါတီတွေ အခြေချတဲ့ ပြည်နယ်တွေမှာ တိုင်းရင်းသားပါ တီတွေအနေနဲ့ ၅၀ ရာခိုင်နှုန်းကျော် အနိုင်ရဖို့ မလွယ်ကူပါဘူး။ တိုင်းရင်းသားပါတီထဲမှာ အားအကောင်းဆုံး လို့ဆိုနိုင်တဲ့ ရခိုင်အမျိုးသားပါတီတောင်မှ ၂၀၁၅ ရွေးကောက်ပွဲမှာ ၂၂ ဦး အနိုင်ရရှိခဲ့ပြီး ရာခိုင်နှုန်းအားဖြင့် ၄၆.၈၁ ရာခိုင်နှုန်းသာရှိပါတယ်။

အဲဒီလိုအခြေအနေတွေရှိနေတဲ့အတွက် တကယ်လို့ တိုင်းရင်းသားပါတီတွေအနေနဲ့ သက်ဆိုင်ရာ ပြည်နယ်မှာ ဝန်ကြီးချုပ်ခန့်ချင်ရင် လွှတ်တော်ထဲမှာ ရှိတဲ့တခြားသော အင်အားစုတွေနဲ့ပူးပေါင်း ရမယ့် သဘောရှိပါတယ်။

တကယ်လို့ သက်ဆိုင်ရာ ပြည်နယ်၊ တိုင်းလွှတ်တော်တွေက သက်ဆိုင်ရာ ပြည်နယ်နဲ့ တိုင်းဝန်ကြီးချုပ်ကို ခန့်အပ်ရမယ်ဆိုတဲ့အချက်ကို ပြင်လိုက်မယ်ဆိုရင် နိုင်ငံရေးမှာ တပ်မတော်ရဲ့အခန်းကဏ္ဍ ပိုမို တွင်ကျယ်လာမှာ ဖြစ်တယ်လို့ မြန်မာနိုင်ငံရေး လေ့လာ သူတွေက သုံးသပ်ကြတာတွေ ရှိပါတယ်။
 ဖွဲ့စည်းပုံအခြေခံဥပဒေပြင်ဆင်ရေးသတင်းစာရှင်းလင်းပွဲမှာတွေ့ရတဲ့ ဗိုလ်ချုပ်စိုးနိုင်ဦး
ဒါ့အပြင် ပြည်ထောင်စုလွှတ်တော်ကရွေးချယ်ထားတဲ့ သမ္မတက ပြည်နယ် တိုင်းဝန်ကြီးချုပ်ခန့်အပ်ခွင့်ကို ဆုံးရှုံးသွားနိုင်ပြီး တပ်မတော်ကာကွယ်ရေးဦးစီးချုပ်က ဖွဲ့စည်းပုံအရ ရရှိထားတဲ့ ဒုတိယသမ္မတ တစ်ဦး ခန့်အပ်ခွင့်၊ ပြည်ထောင်စုဝန်ကြီး ၃ ဦးခန့်အပ်ခွင့်နဲ့ ပြည်နယ်တိုင်းဝန်ကြီးချုပ်တွေ ခန့်အပ်ရေး မှာလည်း ဝင်ရောက်စွက်ဖက်ခွင့် ရရှိသွားတော့မယ့် သဘောရှိနေပါတယ်။

တိုင်းရင်းသားတွေကို တန်းတူအခွင့်အရေး ဒါမှမဟုတ် ကိုယ်ပိုင်အုပ်ချုပ်ခွင့်ပေးမယ်ဆိုရင် ပုဒ်မ ၂၆၁ တစ်ခုတည်း ဦးစားပေးပြင်ဆင်လို့မရဘူးလို့ တိုင်းရင်းသားပါတီတွေကလည်း ထောက်ပြကြပါတယ်။ ကိုယ်စားလှယ်အင်အားများတဲ့ သက်ဆိုင်ရာပါတီတွေကသာ အသာစီးရမယ့် ပုဒ်မ၂၆၁ ပြင်ဆင်ရေးဟာ ဒီမိုကရေစီနည်းလမ်းမကျဘူးလို့ တိုင်းရင်းသားပါတီတွေက ဆိုပါတယ်။

ပါတီစုံဒီမိုကရေစီလမ်းကြောင်းကို သွားနေတဲ့အခါမှာ တိုင်းရင်းသားညီအစ်ကိုမောင်နှမတွေ တန်းတူအခွင့်အရေး ရရှိဖို့အတွက်ဆိုရင် ဗဟိုချုပ်ကိုင်မှုတွေ လျော့ကျတဲ့ အခြေအနေတွေ ဖန်တီး ပေးဖို့လိုတယ်လို့ ကြံ့ခိုင်ရေးပါတီရဲ့ ပျော်ဘွယ်မြို့နယ် ပြည်သူ့လွှတ်တော်ကိုယ်စားလှယ် ဦးသောင်းအေး က ပြောပါတယ်။

ပုဒ်မ ၂၆၁ ပြင်ဆင်ရာမှာ တိုင်းဒေသကြီးနဲ့ ပြည်နယ်လွှတ်တော်တွေမှာ ရွေးကောက်ခံလွှတ် တော်ကိုယ်စားလှယ်တွေက တိုင်းနဲ့ပြည်နယ်ဝန်ကြီးချုပ်တွေကို အမှန်တကယ်လွပ်လပ်စွာ ရွေးချယ် နိုင်ဖို့အထိ ပြင်ဆင်နိုင်မယ်ဆိုရင်တော့ အကောင်းဆုံးပဲလို့ နိုင်ငံရေးလေ့လာသုံးသပ်သူ ဒေါက်တာ ရန်မျိုးသိန်း က ပြောပါတယ်။

ဒါပေမယ့် ပုဒ်မ ၂၆၁ ပြင်ဆင်ရေးအတွက် ပြည်ထောင်စုလွှတ်တော်ကိုယ်စားလှယ် ၇၅ ရာခိုင်နှုန်း ကျော်ရဲ့ ထောက်ခံမှုလိုနေတာမို့ တပ်မတော်သားလွှတ်တော်ကိုယ်စားလှယ်တွေက ကန့်ကွက်ရင် မပြင်နိုင်တဲ့ အနေအထားကိုလည်း ထည့်သွင်းစဉ်းစားဖို့ လိုအပ်မယ်လို့ ဒေါက်တာရန်မျိုးသိန်း က ဆိုပါတယ်။

တကယ်လို့ တိုင်းနဲ့ပြည်ဝန်ကြီးချုပ်တွေကို သမ္မတက တိုက်ရိုက်ခန့်အပ်ခွင့်ကနေ တိုင်း၊ပြည်နယ် လွှတ်တော် ကိုယ်စားလှယ်က ရွေးချယ်ခန့်အပ်တယ်ဆိုရင် တိုင်းလွှတ်တော်အသီးသီးမှာ၂၅ ရာခိုင်နှုန်းနေရာရထားတဲ့ တပ်မတော်သား ကိုယ်စားလှယ်တဦးချင်းစီရဲ့ ဆုံးဖြတ်ပိုင်ခွင့်အာဏာဟာ အရေးကြီးလာနိုင်လို့ စိုးရိမ်မှုတွေလည်း ရှိနေကြတာဖြစ်ပါတယ်။

BBC Burmese
https://www.bbc.com/burmese

ဥပဒေကို ကျော်လွန်လုပ်ဆောင်မှာ မဟုတ်ကြောင်း ပူးပေါင်းကော်မတီ ဥက္ကဋ္ဌ ပြော

ဖွဲ့စည်းပုံပြင်ဆင်ရေး ပူးပေါင်းကော်မတီ ဥက္ကဋ္ဌ ဦးထွန်းထွန်းဟိန်ကို ၂၀၁၉၊ ဖေဖော်ဝါရီ ၂၅ ရက်နေ့က တွေ့ရစဉ် ။ Photo: Win Ko Ko Latt/ RFA
၂၀၀၈ ဖွဲ့စည်းပုံအခြေခံဥပဒေပြင်ဆင်ရေးနဲ့ပတ်သက်လို့ ဥပဒေကို ကျော်လွန်ပြီး ဆောင်ရွက်မှာမဟုတ်ဘူးလို့ ဖွဲ့စည်းပုံပြင်ဆင်ရေး ပူးပေါင်းကော်မတီ ဥက္ကဋ္ဌ ဦးထွန်းထွန်းဟိန် က ဒီနေ့ ပြောလိုက်ပါတယ်။

နေပြည်တော်က ပြည်ထောင်စုလွှတ်တော် အဆောက်အအုံမှာ ကျင်းပတဲ့ ပူးပေါင်းကော်မတီ ဒုတိယအကြိမ် အစည်းအဝေး အဖွင့်မိန့်ခွန်းမှာ ပြောခဲ့တာပါ။

ဒီအစည်းအဝေးကို ပထမအကြိမ်တုန်းက စာရင်းမပေးရသေးတဲ့ တပ်မတော်သား ကိုယ်စားလှယ်တွေနဲ့ ကြံ့ခိုင်ဖွံ့ဖြိုးရေးပါတီက ကိုယ်စားလှယ်တွေ တက်ရောက်ခဲ့ပါတယ်။

ဒီနေ့ အစည်းအဝေးမှာ ဖွဲ့စည်းပုံအခြေခံဥပဒေကို အခန်းလိုက်ပြင်ဆင်ဖို့နဲ့ ဘယ်အချိန်မှာ ဘယ်အခန်းတွေ ပြင်ဆင်မယ်ဆိုတာကို ဆွေးနွေးခဲ့ကြတယ်လို့ သိရပါတယ်။

ဒါ့အပြင် လာမယ့် မတ်လ ၅ရက်နေ့မှာ ကျင်းပမယ့် ပူးပေါင်းကော်မတီအစည်းအဝေးမှာ ဖွဲ့စည်းပုံအခြေခံဥပဒေပါ အခန်း ၁ နိုင်ငံတော်အခြေခံမူ ၄၈ ချက်နဲ့ပတ်သက်လို့ ဆွေးနွေးကြမယ်လို့လည်း သိရပါတယ်။ ဒီနေ့ အစည်းအဝေးနဲ့ပတ်သက်လို့ တပ်မတော်သားကိုယ်စားလှယ်တွေကို RFA က မေးမြန်းရာမှာတော့ ခေါင်းဆောင်ဖြစ်တဲ့ ဗိုလ်ချုပ် တင်ဆွေဝင်း ပြည်ပခရီးရောက်နေတာကြောင့် အစည်းအဝေး တက်ရောက်နိုင်ခြင်းမရှိလို့ ဖြေဆိုဖို့ ငြင်းဆန်ခဲ့ပါတယ်။ အလားတူ ကြံ့ခိုင်ဖံွ့ဖြိုးရေးပါတီ ကိုယ်စားလှယ်တွေကလည်း ဖြေကြားခြင်း မရှိခဲ့ပါဘူး။

ဒီပူးပေါင်းကော်မတီဟာ လာမယ့် ဇူလိုင်လ ၁၇ ရက်နေ့ မတိုင်ခင်မှာ ပြည်ထောင်စုလွှတ်တော်ထံ ဖွဲ့စည်းပုံအခြေခံဥပဒေ ပြင်ဆင်တဲ့ မူကြမ်းကို တင်သွင်းရမှာဖြစ်ပါတယ်။

တပ်မတော်သားကိုယ်စားလှယ်အစုအဖွဲ့နဲ့ ကြံ့ခိုင်ဖွံ့ဖြိုးရေးပါတီက ကိုယ်စားလှယ်တွေ ဒီနေ့ စတင်တက်ရောက်တဲ့ ဖွဲ့စည်းပုံပြင်ဆင်ရေး ပူးပေါင်းကော်မတီ ဒုတိယအကြိမ် အစည်းအဝေးမှာ ဆုံးဖြတ်ခဲ့တာဖြစ်တယ်လို့ အစည်းအဝေးတက်ရောက်သူတွေက ပြောပါတယ်။

"အဓိကတော့ ဘာလဲဆိုတော့ အခန်းအလိုက်သွားမယ့်ဟာတွေကို အခု ပါတီအလိ်ုက်၊ အစုအဖွဲ့ ပြင်ချင်တဲ့ အချက်အလက်တွေကို အကုန်လုံး ကန့်လန့်ဖြတ်ဇယားနဲ့ လုပ်ပြီးတော့ ပေးကြမယ်။ ပေးကြမယ်ဆိုတော့ ဒီတစ်ပတ်ဆိုရင် တနလာင်္နေ့ ၊ အခန်း ၁ နဲ့ ပတ်သက်ပြီးတော့ ပြင်ချင်တဲ့သူကလည်း ပြင်ချင်တဲ့အကြောင်း ၊ မပြင်ချင်ဘူးဆိုဆိုရင်လည်း မူလအတိုင်းထားမယ်ဆို ပေးချင်တဲ့ အကြံဥာဏ်တွေကို ဒီအစုအဖွဲ့တွေကနေပြီးတော့ အကြံပြုချက်တွေကို ကန့်လန့်ဖြတ်ဇယားနဲ့ တနလာင်္နေ့ကို ပြန်ပြီးတော့ပေးမယ်"

ဒါကတော့ အင်န်အယ်လ်ဒီပါတီက ကိုယ်စားလှယ် ဦးအောင်ကြည်ညွန့် ပြောသွားတာပါ။

ဖွဲ့စည်းပုံအခြေခံဥပဒေ အခန်း ၁ မှာ တပ်မတော်က အမျိုးသားနိုင်ငံရေးဦးဆောင်မှုကဏ္ဍမှာ ပါဝင်ရေး၊ ပြည်နယ်နဲ့ တိုင်းတွေ၊ ကိုယ်ပိုင်အုပ်ချုပ်ခွင့်ရဒေသတွေဟာ ပြည်ထောင်စုကနေ ခွဲမထွက်ရ ဆိုတဲ့ အချက်တွေ အပါအ၀င် ၄၈ ချက် ပြဌာန်းထားပါတယ်။

ရခိုင်အမျိုးသားပါတီက လွှတ်တော်ကိုယ်စားလှယ် ဦးအောင်ကျော်ဇံ က အခုလို ပြောပါတယ်။

"မန်းဒိတ်ဆိုတာတော့  မင်းဒီဟာအတွက် အစအဆုံး မင်းလုပ်လိုက်တော့ဆိုပြီး ပေးတာမျိုးမဟုတ်ဘူး၊ စီမံဖို့ ဆက်သွယ်ဖို့ ပေးတဲ့သဘောမျိုးပဲ။ ဖွဲ့စည်းပုံ အခြေခံမှုဆိုတာ ပိုဆိုးတာပေါ့၊ အခြေခံကျတဲ့ အချက်အလက်တွေကြိးပဲ၊ ဒီဟာကြီး ဒီမှာရှိတဲ့ ကော်မတီဝင် ၂ ယောက်နဲ့ အုပ်ထည့်လိုက်လို့ ကိုးယို့ကားယားဖြစ်မှာပေါ့၊ အဲဒါကြောင့် ဒီဟာကို ရက်တောင်းတဲ့အခါကျတော့ ပေးတယ်"

ဒီပူးပေါင်းကော်မတီဟာ လာမယ့် ဇူလိုင်လ ၁၇ ရက်နေ့ မတိုင်ခင်မှာ ပြည်ထောင်စုလွှတ်တော်ထံ ဖွဲ့စည်းပုံအခြေခံဥပဒေ ပြင်ဆင်တဲ့ မူကြမ်းကို တင်သွင်းရမှာဖြစ်ပါတယ်။

ဖွဲ့စည်းပုံအခြေခံဥပဒေပြင်ဆင်ရေးကို ဥပဒေနဲ့အညီ လုပ်ဆောင်မယ်လို့ ပူးပေါင်းကော်မတီ ဥက္ကဋ္ဌ ဦးထွန်းထွန်းဟိန်က အခုလိုပြောပါတယ်။

"အားလုံးကိုလည်း ကျွန်တော်တို့က လေးလေးစားစား မေတ္တာရပ်ခံထားပါတယ်။ အားလုံးဒီမှာ ကျွန်တော်တို့ ဆောင်ရွက်သွားတဲ့ အခါမှာလည်း လွှတ်တော်ကိုယ်စားလှယ်ကြီးများ သိရှိပြီးဖြစ်တဲ့အတိုင်းပါပဲ၊ နည်းဥပဒေမှာပါတဲ့ အတိုင်းပဲ ဆောင်ရွက်သွားမှာပါ။ အဲဒီအတွက်ကတော့ ဟိုဥစ္စာ မဖြစ်ပါနဲ့၊ ဒီကနေ ဥပဒေကနေ ကျော်လွန်ပြီး ဆောင်ရွက်သွားမယ်လို့ မထင်ပါနဲ့ ၊ ဥပဒေအတိုင်း ဆောင်ရွက်သွားမှာပါ။ ဒါလေးတစ်ခု ပြောလိုပါတယ်"

ပူးပေါင်းကော်မတီအစည်းအဝေးတွေကို အပတ်စဉ် တနင်္လာ၊ အင်္ဂါနဲ့ ကြာသပတေးနေ့တွေမှာ ပုံမှန်ကျင်းပမှာဖြစ်ပြီး လွှတ်တော်ပိတ်ရက်တွေမှာလည်း ကျင်းပသွားမယ်လို့ သိရပါတယ်။

အဖွဲ့ဝင် ၄၅ ပါ ပူးပေါင်းကော်မတီရဲ့ ဒုတိယအကြိမ် အစည်းအဝေးမှာ လွှတ်တော်တာဝန်နဲ့ ပြည်ပရောက်နေတဲ့ တပ်မတော်သား ကိုယ်စားလှယ် ၂ ဦး၊ ရခိုင်အမျိုးသားပါတီက ကိုယ်စားလှယ်တစ်ဦးကလွဲပြီး ကျန် ကိုယ်စားလှယ်တွေအားလုံး တက်ရောက်ခဲ့ကြပါတယ်ခင်ဗျာ။

ဒီသတင်းကို RFA သတင်းထောက် ကိုဝင်းကိုကိုလတ် ပေးပို့တာပါ။

RFA Burmese
https://www.rfa.org/burmese

၂ဝ၂ဝ ရွေးကောက်ပွဲအတွက် NLD ပြင်ဆင်

၂၀၁၇ ကြားဖြတ်ရွေးကောက်ပွဲအတွက် အာဏာရ အမျိုးသား ဒီမိုကရေစီ အဖွဲ့ချုပ် NLD ပါတီက စည်းရုံးရေးဆင်းနေစဉ်
လက်ရှိ အာဏာရ အမျိုးသား ဒီမိုကရေစီ အဖွဲ့ချုပ် NLD ပါတီက လာမယ့် ၂၀၂၀ ပြည့်နှစ် ရွေးကောက်ပွဲ အတွက် ပါတီဗဟိုကနေ ရန်ပုံငွေ ကျပ်သန်း ၂ ထောင် ထောက်ပံ့ဖို့ ရှိနေပါတယ်။ လာမယ့် ၂၀၂၀ ပြည့်နှစ် ဇန်န၀ါရီလက စလို့ စည်းရုံးရေး လုပ်ငန်းတွေ အတွက် ခရီးစာရိတ်နဲ့ နေ့တွက် စာရိတ်တွေ ပေးမှာ ဖြစ်တယ်လို့ ၂ ရက်ကြာ အစည်းအဝေး အပြီး ထုတ်ပြန်တဲ့ ပါတီ ကြေညာချက်မှာ ပြောဆိုထားပါတယ်။

NLD အဖွဲ့ဝင် အစိုးရ အဖွဲ့ဝင်တွေ၊ လွှတ်တော် အမတ်တွေထံက အချိုးကျ ကောက်ယူထားတဲ့ ငွေတွေနဲ့ စည်းရုံးရေးကို ထောက်ပံ့ဖို့ စီစဉ်ထားတာပါ။ ဒါ့အပြင် ပြီးခဲ့တဲ့ ၂၀၁၅ ခုနှစ် ရွေးကောက်ပွဲ တုန်းက ရှုံးနိမ့်ခဲ့တဲ့ တိုင်းရင်းသားဒေသတွေ အရေး ဆောင်ရွက်နိုင်ဖို့ အတွက်လည်း တိုင်းရင်းသား ရေးရာ လုပ်ငန်း အဖွဲ့ကိုလည်း NLD က ဖွဲ့စည်းပါတယ်။

ဒါ့အပြင် လယ်ယာမြေ သိမ်းဆည်းခံရမှုတွေကို အမြန် ဆောင်ရွက်နိုင်ရေး အတွက် တိုင်းနဲ့ ပြည်နယ် အစိုးရ အဖွဲ့တွေ၊ မြေသိမ်း၊ ယာသိမ်းမှုတွေနဲ့ သက်ဆိုင်တဲ့ လွှတ်တော် ကော်မတီတွေမှာ ပါဝင်ကြတဲ့ လွှတ်တော် ကိုယ်စားလှယ်တွေ ကိုလည်း တိုက်တွန်းဆောင်ရွက်မယ်လို့ ဒုတိယ ဗဟိုကော်မတီ အစည်းအဝေးအပြီး ထုတ်ပြန်တဲ့ ကြေညာချက်မှာ ဖော်ပြထားပါတယ်။

အာဏာရ NLD ပါတီက ပါတီရှေ့လုပ်ငန်းစဉ်တွေ ချမှတ်တဲ့ အထဲမှာတော့ ၂၀၂၀ ရွေးကောက်ပွဲ အောင်နိုင်ရေး၊ အခြေခံ ဥပဒေ ပြင်ဆင်ရေး၊ အမျိုးသား ပြန်လည်သင့်မြတ်ရေးနဲ့ ပြည်တွင်းစစ် ချုပ်ငြိမ်းရေး၊ ဖယ်ဒရယ် ပြည်ထောင်စု ပေါ်ထွန်းရေးတို့လည်း ပါဝင်ပါတယ်။ အမျိုးသားဒီမိုကရေစီအဖွဲ့ချုပ် NLD ပါတီရဲ့ ဒုတိယ ဗဟိုကော်မတီ ဒုတိယ အကြိမ် အစည်းအဝေးကို ရန်ကုန်မြို့မှာ ဖေဖော်ဝါရီလ ၂၃ ရက်နဲ့ ၂၄ ရက် နေ့ အထိ နှစ်ရက်ကြာကျင်းပခဲ့တာပါ။

ဗွီအိုအေ (မြန်မာပိုင်း)
https://burmese.voanews.com

ဘင်္ဂလားဒေ့ရှ် လေယာဉ် အပိုင်စီးသူ အသေဖမ်းမိ

Biman လေကြောင်းလိုင်း
တနင်္ဂနွေနေ့ ညနေပိုင်းက လေယာဉ်အပိုင်စီးအကြမ်းဖက်ဖို့ ကြိုးစားခဲ့တဲ့ လူတယောက်ကြောင့် ဘင်္ဂလားဒေ့ရှ် မြို့တော် ဒါကာကနေ ယူအေအီးနိုင်ငံ ဒူဘိုင်ကို ပျံသန်းနေတဲ့လေယာဉ်ဟာ စစ်တကောင်း လေယာဉ်ကွင်းမှာ အရေးပေါ် ဆင်းသက်ခဲ့ရကြောင်း ဘင်္ဂလားဒေ့ရှ် တာဝန်ရှိသူတွေ က ပြောပါတယ်။

လေယာဉ်အပိုင်စီးဖို့ ကြိုးစားခဲ့တယ်လို့ သံသယရှိသူ ဘင်္ဂလားဒေ့ရ်ှနိုင်ငံသားဟာ ဘင်္ဂလားဒေ့ရှ် ကွန်မန်ဒိုတပ်ဖွဲ့ဝင်တွေနဲ့ အပြန်အလှန်ပစ်ခတ်တဲ့ သေနတ်ဒဏ်ရာနဲ့ မသေဆုံးခင် ဘင်္ဂလားဒေ့ရှ် ၀န်ကြီးချုပ် ရှိတ်ခ်ဟာစီနာနဲ့ တိုက်ရိုက်စကားပြောဆိုဖို့ တောင်းဆိုခဲ့ကြောင်း လည်း အာဏာပိုင်တွေဘက်ကပြောပါတယ်။

Biman လေကြောင်းလိုင်း ခရီးသည်တင်လေယာဉ်ဟာ ဒူဘိုင် မြို့ကို သွားဖို့ ဒါကာမြို့ကနေ ဒေသစံတော်ချိန် ညနေ ၄နာရီ ၃၅ မိနစ်မှာ စတင်ထွက်ခွာခဲ့တာဖြစ်ပါတယ်။ မိနစ် ၄၀ ကြာ ပျံသန်းပြီးတဲ့နောက် လေယာဉ်ပေါ်မှာရှိနေတဲ့ လေယာဉ်အမှုထမ်းတဦးက လေယာဉ်မှူးကို လူတဦး လေယာဉ်အပိုင်းစီးဖို့ ကြိုးစားနေကြောင်း သတင်းပေးပို့ခဲ့ပြီးနောက် လေယာဉ်မှူးကနေ စစ်တကောင်းလေဆိပ်မှာ အရေးပေါ် ဆင်းသက်ခဲ့တာဖြစ်ပါတယ်။

ဘိုရင်းဂျက် ၇၃၇-၈၀၀ ပေါ်မှာ လိုက်ပါစီးနင်းလာတဲ့ ခရီးသည်စုစုပေါင်း ၁၄၃ ဦးလုံးနဲ့ လေယာဉ်အမှုထမ်း ၇ ဦးလုံးကတော့ လေယာဉ်ပေါ်ကနေ ဘေးကင်းစွာနဲ့ အောက်ကို ဆင်းလာနိုင်ခဲ့ပါတယ်။

လေယာဉ်အပိုင်စီးသူကို လက်နက်ချဖို့ ကွန်မန်ဒိုတပ်ဖွဲ့ဝင်တွေက အမိန့်ပေးချိန်မှာ သေနတ်နဲ့ ပြန်ပြီး ပစ်ခတ်တာကြောင့် ကွန်မန်ဒိုဘက်က အသေပစ်ခတ်ဖမ်းဆီးခဲ့ကြောင်း

ဘင်္ဂလားဒေ့ရ်ှစစ်တပ် တာဝန်ရှိသူတဦးကပြောပါတယ်။ ဒါပေမယ့်လို့ ဘယ်နေရာမှာ ပစ်ခတ်မှုတွေဖြစ်ခဲ့သလဲဆိုတာကိုတော့ အဲဒီစစ်အရာရှိက ပြောမသွားခဲ့ပါဘူး။

လေယာဉ်အပိုင်စီးသူလို့ သံသယဖြစ်ခံရသူ သေဆုံးသွားပြီလို့ တာဝန်ရှိသူတွေဘက်က မကြေညာခင် ဒီလူဟာ အကြမ်းဖက်သမားတဦးဖြစ်ပြီး သူဟာ စုံစမ်းစစ်ဆေးဖို့ ဖမ်းဆီးခံရဖူးတဲ့ နောက်ကြောင်းရှိခဲ့သူတဦးဖြစ်တယ်လို့ သတင်းဌာနတွေကို အာဏာပိုင်တွေက အတည်ပြုပြောဆိုခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com

သားဖြစ်သူက ဖခင်အရင်းအား ဓားမဖြင့် ခုတ်သတ်မှု ဆီဆိုင်မြို့နယ်တွင်ဖြစ်ပွား


ဆီဆိုင် ဖေဖော်ဝါရီ ၂၅

ရှမ်းပြည်နယ်(တောင်ပိုင်း) ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်တွင် ဖေဖော်ဝါရီ၂၃ရက် နံနက်ပိုင်းကသားဖြစ်သူက ဖခင်အရင်းအားဓါးမဖြင့်ခုတ်သတ်မှုဖြစ်ပွားခဲ့ကြောင်းသိရသည်။

ဖြစ်စဉ်မှာဖေဖော်ဝါရီ ၂၃ ရက် နံနက် ၁၁နာရီ၂၅မိနစ်ခန့်က အခင်းဖြစ်ပွားရာနောင်ခွန်ကျေးရွာဦးအေး၏ နေအိမ်သို့ ရောက်ရှိစစ်ဆေးရာသားဖြစ်သူမောင်ဇော်(၂၅)နှစ်၊ (ဘ)ဦးအေး၊ ကျဘမ်းလုပ်၊နောင်ခွန်ရွာ၊ ဘန်းယဉ်ကျေးရွာအုပ်စု၊ဆီဆိုင်မြို့နယ် နေသူသည် ဖခင်ဖြစ်သူဦးအေးနေအိမ်သို့ ရောက်ရှိပြီးတောတွင် ထင်းခုတ်ရန်အတွက် နွားလှည်းဌားရာအဆင်မပြေ၍ မောင်ဇော်မှာ စိတ်တိုပြီးအသင့်ပါလာသောဓါးမနှင့်ခုတ်သဖြင့် ဖခင်ဖြစ်သူ ဦးအေးမှာအခင်းဖြစ်နေရာ၌သေဆုံးခဲ့ကြောင်းသိရသည်။

အခင်းဖြစ်ပွားမှုနှင့်ပတ်သက်၍ ဓားမနှင့်ခုတ်သတ်သူမောင်ဇော် (၂၅)နှစ်အားအရေးယူပေးပါရန် ဦးစိုင်းစံထူး၊ ဘန်းယဉ်ကျေးရွာ အုပ်စုအုပ်ချုပ်ရေးမှူး၊ ဆီဆိုင်မြို့နယ်နေသူမှ တရားလိုပြုလုပ် တိုင်တန်းသဖြင့် ဘန်းယဉ်နယ်မြေရဲစခန်းမှအမှုဖွင့်အရေးယူ ဆောင်ရွက်လျှက်ရှိကြောင်းသိရသည်။

ခွန်ရဲထွေး(ဆီဆိုင်)
Myanmaalinn
https://www.facebook.com/MYANMAALINNNEWS/

တိုက်ပွဲကြောင့် တစ်ပတ်အတွင်း မြောက်ဦးမှာ ထွက်ပြေးသူ ၄၀၀ ကျော် ရှိနေ

ရက္ခိုင့်တပ်မတော် AA နဲ့ အစိုးရတပ်မတော်တို့ရဲ့ တိုက်ပွဲတွေကြောင့် ထွက်ပြေးနေရတဲ့ မြောက်ဦးဒေသခံတွေကို ၂ဝ၁၉ ခုနှစ် ဖေဖော်ဝါရီလ ၂၄ ရက်နေ့က တွေ့ရစဉ် / Photo: Min Thein Aung/RFA
ရခိုင်ပြည်နယ် မြောက်ဦးမြို့နယ်အတွင်းမှာ ရက္ခိုင့်တပ်မတော် AA နဲ့ အစိုးရတပ်မတော်တို့အကြား ပြီးခဲ့တဲ့တစ်ပတ်အတွင်း တိုက်ပွဲတွေကြောင့် ရွာ ၃ ရွာလောက်က ဒေသခံ ၄၀၀ ကျော် ထွက်ပြေးနေကြတယ်လို့ ကူညီကယ်ဆယ်ရေး ဆောင်ရွက်နေသူတွေက ပြောပါတယ်။

ဒီကျေးရွာတွေဘက်မှာ ပစ်ခတ်သံတွေကို ဒီနေ့အထိ ကြားနေရဆဲဖြစ်တယ်လို့လည်း ဒေသခံတွေက ပြောပါတယ်။ မြောက်ဦးမြို့နယ်က တိုက်ပွဲတွေနဲ့ပတ်သက်လို့ ရက္ခိုင့်တပ်မတော် AA နဲ့ တပ်မတော် ပြောရေးဆိုခွင့်ရှိသူတွေဆီ RFA က ဆက်သွယ်ပေမယ့် ဆက်သွယ်လို့မရခဲ့ပါဘူး။

မြောက်ဦးမြို့နယ် မြောက်ဘက်ပိုင်းမှာ ဖေဖော်ဝါရီလ ၁၉ ရက်နေ့လောက်ကစလို့ ရက္ခိုင့်တပ်မတော် AA နဲ့ အစိုးရတပ်မတော်တို့အကြား နှစ်ဖက်တိုက်ပွဲတွေ ပြင်းထန်ခဲ့တာပါ။

နောက်တစ်နေ့ဖြစ်တဲ့ ဖေဖော်ဝါရီလ ၂၀ ရက်နေ့မှာတော့ အစိုးရတပ်မတော်ဘက်က ရဟတ်ယာဉ်နှစ်စီးနဲ့ တိုက်ခိုက်တာတွေရှိခဲ့သလို ပစ်ခတ်သံတွေကို ဒီနေ့အထိ ကြားနေကြရဆဲ ဖြစ်တယ်လို့ ဒေသခံတွေက ပြောပါတယ်။

အဲဒီတိုက်ပွဲတွေကြောင့် ဆင်အိုးကျေးရွာက လူပေါင်း ၁၇၀ ကျော်ဟာ စေတီတောင်ကျေးရွာကို ထွက်ပြေးရောက်ရှိနေကြသလို နေပူခံကျေးရွာက လူပေါင်း ၁၈၀ ဟာလည်း အောက်သကန်ကျေးရွာကို ထွက်ပြေးရောက်ရှိနေကြပါတယ်။

အလားတူပဲ ခူလှိုင်ကျေးရွာက လူပေါင်း ၅၀ ကျော်ဟာ တိန်ညိုကျေးရွာကို မနေ့ကညနေပိုင်းမှာ ထွက်ပြေးရောက်ရှိလာကြပါတယ်။

ဆင်အိုးကျေးရွာကနေ စေတီတောင်ကျေးရွာကို ထွက်ပြေးရောက်ရှိနေတဲ့ ဦးသန်းလှိုင်က အခုလို ပြောပါတယ်။

"ကျွန်တော်တို့ အဲဒီမှာဆက်နေတဲ့အချိန် တိုက်ပွဲတွေပိုဖြစ်မယ်၊ စားနပ်ရိက္ခာတွေပြတ်မယ် အဲဒါတွေကို စိုးရိမ်လို့ ဒီကိုလာရတာပါ။ နောက်ပိုင်း ကျွန်တော်တို့အတွက် ဆန်တွေတင်လို့မရဘူး၊ အစားအစာတွေ ဘာတစ်ခုမှတင်လို့မရဘူးဆိုရင် ကျွန်တော်တို့လည်း အဲဒီမှာပဲ ဒုက္ခတွေအများကြီးရောက်မှာစိုးလို့ ဒီကိုထွက်ပြေးလာကြတာ"

ဆင်အိုးကျေးရွာနဲ့ တစ်မိုင်လောက်သာကွာဝေးတဲ့ နားလိတ်နဲ့ ဘာရီကျေးရွာအကြားမှာ ဖေဖော်ဝါရီလ ၁၉ ရက်နေ့က  တိုက်ပွဲဖြစ်ပွားခဲ့ပြီး လက်နက်ကျည်တွေဟာ ဆင်အိုးကျေးရွာအနီးကို ကျရောက်တာတွေကြောင့် နေအိမ်တွေမှာတူးထားတဲ့ ဗုံးခိုကျင်းတွေမှာ ဝင်ရောက်ပုန်းအောင်းနေခဲ့ရတယ်လို့ ရွာသားတွေက ပြောပါတယ်။

အစိုးရတပ်စစ်ကြောင်းက ဒေသခံတွေကို တားဆီးစစ်ဆေးတာတွေ ရှိနေတဲ့အတွက် စားနပ်ရိက္ခာ သယ်ယူတာတွေမှာ အခက်အခဲဖြစ်ရတယ်လို့လည်း ပြောကြပါတယ်။

တောင်ယာလုပ်ငန်း၊ သစ်ဝါးခုတ်လုပ်ငန်းနဲ့ အသက်မွေးနေကြရတဲ့ဒေသခံတွေအတွက် ဒေသတွင်း တိုက်ပွဲတွေနဲ့ စစ်ရေးလှုပ်ရှားမှုတွေကြောင့် အလုပ်အကိုင်တွေ အဆင်မပြေဖြစ်နေကြရတယ်လို့လည်း သိရပါတယ်။

"တိုက်ပွဲတွေမရှိတော့မှပဲ ကျွန်တော်တို့ ကိုယ့်နေရာကိုယ် ပြန်သွားပါမယ်။ အခုဒီနေရာမှာတော့ ရေရှည်မနေချင်ပါဘူး"

စေတီတောင်ကျေးရွာကို ထွက်ပြေးရောက်ရှိနေတဲ့ ဆင်အိုးကျေးရွာ တာဝန်ခံ ဦးသန်းဝင်းလှိုင်က ပြောသွားတာပါ။

ဆင်အိုးကျေးရွာကနေ ထွက်ပြေးလာတဲ့ လူပေါင်း ၁၇၀ ကျော်ဟာ စေတီတောင်ကျေးရွာ ဓမ္မာရုံမှာ ယာယီခိုလှုံနေကြပါတယ်။

ဒီစေတီတောင်ကျေးရွာနဲ့ကပ်လျက် ကျောက်ကျပ်ကျေးရွာအနီးမှာ ဖေဖော်ဝါရီလ ၁၉ ရက်နေ့ညက တိုက်ပွဲဖြစ်ပွားခဲ့တာကြောင့် စစ်မြေပြင်အဖြစ် သတ်မှတ်ထားတယ်လို့ ကျေးရွာတာဝန်ခံက ပြောပါတယ်။

ဒါကြောင့် စေတီတောင်ကျေးရွာကို ထွက်ပြေးလာသူတွေအတွက် ကျန်းမာရေးဆေးခန်းဖွင့်လှစ်နိုင်မှာ မဟုတ်တဲ့အကြောင်း တိုက်နယ်ဆရာဝန်က ပြောထားတယ်လို့ ကျေးရွာတာဝန်ခံ အုပ်ချုပ်ရေးမှူး ဦးမောင်ကျော်သာ က ပြောပါတယ်။

"ဒီနေရာမှာ ကယ်ဆယ်ရေးစခန်းဖွင့်လို့ မရဘူးလို့ပြောတယ်။ ဒါပေမဲ့ ကျန်းမာရေးနဲ့ ပတ်သက်ပြီးတော့ သူတို့ ကျန်းမာရေးအကူအညီတွေပေးမယ်ဆိုရင် လုံခြုံရေးရမှ ကျန်းမာရေးအကူအညီပေးမယ်လို့ ဆရာဝန်က ပြောတယ်။ ကျွန်တော်တို့နေရာကို စစ်မြေပြင်ဆိုပြီး သတ်မှတ်ထားပါတယ်။ ကျွန်တော်တို့နေရာနဲ့ နီးစပ်တဲ့နေရာတစ်ခုမှာ တိုက်ပွဲတွေဖြစ်သွားလို့ပါ"

လတ်တလော စားနပ်ရိက္ခာအတွက် အလှူရှင်တွေက ကူညီပံ့ပိုးပေးထားပြီး အစိုးရတာဝန်ရှိသူတွေ ဘက်ကတော့ အကူအညီပေးတာမရှိသေးဘူးလို့လည်း ဦးမောင်ကျော်သာ က ပြောပါတယ်။

ဒီအခြေအနေတွေနဲ့ပတ်သက်လို့ တပ်မတော် သတင်းမှန်ပြန်ကြားရေးအဖွဲ့က ဗိုလ်မှူးချုပ် ဇော်မင်းထွန်းနဲ့ အနောက်ပိုင်းတိုင်း စစ်ဌာနချုပ်က တိုင်းဦးစီး ဗိုလ်မှူးကြီး ဝင်းဇော်ဦးတို့ကို ဒီနေ့ညနေပိုင်းအထိ RFA ကဆက်သွယ်ပေမယ့် ဆက်သွယ်လို့ မရခဲ့ပါဘူး။

မြောက်ဦးမြို့နယ် စေတီတောင်၊ တိန်ညို၊ အောက်သကန် ကျေးရွာ ၃ ရွာမှာ ထွက်ပြေးရောက်ရှိနေတဲ့ လူပေါင်း ၄၀၀ ကျော်အပြင် နီးစပ်ရာဆွေမျိုးတွေဆီ ထွက်ပြေးတိမ်းရှောင်နေကြရသူ နောက်ထပ် ၁၂၀၀ လောက် ရှိနိုင်တယ်လို့ ရခိုင်တိုင်းရင်းသား မျိုးနွယ်များအစည်းအရုံးက ခန့်မှန်းထားပါတယ်။

ရခိုင်ပြည်နယ် ကျောက်တော်၊ ပုဏ္ဏားကျွန်း၊ ရသေ့တောင်၊ ဘူးသီးတောင် မြို့နယ်တွေမှာ တိုက်ပွဲကြောင့် လူပေါင်း ၇၀၀၀ ခန့် နေရပ်စွန့်ခွာ ထွက်ပြေးနေကြရတဲ့အပြင် အခုဆိုရင် မြောက်ဦးမြို့နယ်အတွင်းမှာ တိုက်ပွဲတွေကြောင့် ထွက်ပြေးတိမ်းရှောင်ရသူတွေ ထပ်တိုးလာတာလည်း ဖြစ်ပါတယ်။

ဒီသတင်းကို RFA သတင်းထောက် ကိုမင်းသိန်းအောင် ပေးပို့တာပါ။

RFA Burmese
https://www.rfa.org/burmese

အာသံမှာ အရက်ပုန်းကြောင့် သေဆုံးသူ အနည်းဆုံး ၁၄၀ ရှိပြီ


အိန္ဒိယ နိုင်ငံမှာ အရည်အသွေး မကောင်းတဲ့ အရက်ပုန်း သောက်မိတာကြောင့် သေဆုံးသူ အနည်းဆုံး ၁၄၀ ရှိပြီလို့ အိန္ဒိယ အရှေ့မြောက်ပိုင်း ဒေသ တာဝန်ရှိသူတွေက ပြောပါတယ်။

အရက်ပုန်း သောက်ထားသူ နောက်ထပ် လူပေါင်း ၂၀၀ လောက်ကိုလည်း ဆေးရုံတင်ထားရပြီး ဒီထဲက တချို့ စိုးရိမ်ရတဲ့ အခြေအနေမှာ ရှိတယ်လို့လည်း အာဏာပိုင်တို့က ပြောပါတယ်။ လူနာတွေက အော့အန်၊ မခံမရပ်နိုင်အောင် ရင်ဘတ်အောင့်တာနဲ့ အသက်ရှုမရတဲ့ အခြေအနေတွေနဲ့ ဆေးရုံကို ရောက်လာကြတာလို့ ဒေါက်တာ Ratul Bordoloi က AFP သတင်းအေဂျင်စီကို ပြောပါတယ်။

ဒေသတွင်းက ဆေးရုံတွေမှာလည်း အလုပ်များကုန်ပါတယ်။ အနီးအနား ဒေသတွေနဲ့ ဆေးကျောင်းက ဆရာဝန်တွေလည်း ဒီကျန်းမာရေး ပြသနာကို ကိုင်တွယ်နိုင်ဖို့ အပြေးအလွှာ ဆောင်ရွက်နေကြရတယ်လို့ Assam ပြည်နယ်ရဲ့ ကျန်းမာရေး ၀န်ကြီး Himanta Biswa Sarma က ရိုက်တာ သတင်းအေဂျင်စီကို ပြောပါတယ်။ အများအပြားက အမျိုးသမီးတွေ ဖြစ်ပြီး လက်ဖက်စိုက်တဲ့ အလုပ်သမားတွေ ဖြစ်တယ်လို့လည်း အရာရှိတွေက ပြောပါတယ်။ ရဲတပ်ဖွဲ့က စုံစမ်းစစ်ဆေးနေပြီး အများအပြားကိုလည်း ဖမ်းဆီးထားပါတယ်။

အိန္ဒိယမှာ ဈေးသက်သာတဲ့ တရားမ၀င် အရက်တွေ သောက်ပြီး သေဆုံးရသူက နှစ်စဉ် ရာနဲ့ချီ ရှိနေတာပါ။ ပြီးခဲ့တဲ့ သီတင်း ၂ပတ်လောက် တုန်းကလည်း အိန္ဒိယ နိုင်ငံ မြောက်ပိုင်း ဒေသတခုမှာ အရည်အသွေး မကောင်းတဲ့ အရက် သောက်မိတာကြောင့် လူပေါင်း ၁၀၀ ကျော် သေဆုံးခဲ့ရပါတယ်။

ဗွီအိုအေ (မြန်မာပိုင်း)
https://burmese.voanews.com

ရွှေမှောင်ခိုမှု ခြေရာကောက်ဖို့ အိန္ဒိယအကောက်ခွန် အခက်တွေ့

၂၀၀၈ တုန်းက Mumbai မြို့ တွင် ရွှေချိန်နေသည်ကို တွေ့ရစဉ်
အိန္ဒိယနိုင်ငံထဲကို မှောင်ခိုခိုးသွင်းလာတဲ့ ရွှေချောင်းတွေမှာ မူလရွှေထွက်တဲ့ နိုင်ငံရဲ့ အမှတ်တံဆိပ်တွေကို ဖျက်ဆီးထားတာ တွေ့ရတဲ့ အတွက် ဘယ်နိုင်ငံထွက်ရွှေဆိုတာ ခြေရာကောက်ဖို့ အခက်အခဲတွေနဲ့ ရင်ဆိုင်နေရတယ်လို့ အိန္ဒိယ အကောက်ခွန်အရာရှိတွေက ပြောပါတယ်။

အိန္ဒိယနိုင်ငံထဲ အဝင်မှာ ပေးရတဲ့အခွန်ကို ရှောင်ဖို့အတွက် အိန္ဒိယအရှေ့မြောက်ပိုင်းနဲ့ အနောက် ဘင်္ဂလား နယ်စပ်မှာ မြန်မာတွေက အမှတ်တံဆိပ်တွေ ကိုဖျက်ပေးတဲ့ ရွှေချွတ်တဲ့လုပ်ငန်းတွေ လုပ်နေကြတယ်လို့လည်း အိန္ဒိယအစိုးရ ပြည်တွင်းဝင်ငွေဆိုင်ရာ စုံစမ်းစစ်ဆေးရေးအဖွဲ့ DRI က တာဝန်ခံအရာရှိတွေက ပြောပါတယ်။

တရားမဝင်ခိုးသွင်းနိုင်အောင် ရွှေချွတ်တဲ့ လုပ်ငန်းတွေကို နိုင်ငံတကာအတိုင်းအတာနဲ့ တားဆီးနိုင်ရေးအတွက် အသေအချာ စုံစမ်းပေးဖို့ DRI အဖွဲ့က ကမ္ဘာ့ရွှေကောင်စီ WGC ကို တိုင်တန်းထားတယ်လို့လည်း DRI အကြီးတန်း အရာရှိ တဦးက အိန္ဒိယစီးပွါးရေး စာစောင်ကို ပြောပါတယ်။

အခုလို အိန္ဒိယနိုင်ငံထဲ ရွှေမှောင်ခို ခိုသွင်းမှုကို နောက်ကွယ်က ကြိုးကိုင်နေတဲ့ နိုင်ငံတကာ မှောင်ခိုဂိုဏ်း တခု ရှိနေနိုင်တယ် လို့လည်း DRI အရာရှိကပြောပါတယ်။ အိန္ဒိယ- မြန်မာ ၂ နိုင်ငံနယ်စပ်မှာ မဏီပူနယ်ထဲက ကီလိုမီတာ ၄၀၀ ကျော်နယ်နိမိတ်တလျှောက် အတားအဆီး သိပ်မရှိပဲ နယ်စပ်မိုရေးမြို့ကနေ လွတ်လပ်စွာ ဝင်ထွက်နိုင်တဲ့အတွက် မှောင်ခိုဂိုဏ်းက ဒီလမ်းကို ရွှေမှောင်ခိုလုပ်ဖို့ အသုံးချနိုင်တယ် လို့လည်း သံသယဖြစ်နေကြတာပါ။

အခုဘဏ္ဍာရေးနှစ်အတွင်း ဖမ်းဆီးရမိခဲ့တဲ့ မှောင်ခိုရွှေစုစုပေါင်း က တန်ချိန် ၃ တန်ခွဲလောက်နဲ့ ရွှေလက်ဝတ်ရတနာက ရူပီငွေ ကုဋေ တထောင်ကျော်ဖိုး လောက်ရှိနိုင်တယ်လို့လည်း အရာရှိတွေက ခန့်မှန်းကြပါတယ်။ ဖမ်းမိရွှေအားလုံးရဲ့ ၂၅ % ဟာ Kolkata, Siliguri, Guwahati နဲ့ အာသံ အပါအဝင် အရှေ့မြောက်ဒေသတွေက ဖြစ်ပါတယ်။ ရွှေချောင်းတွေကို အိန္ဒိယနဲ့ နယ်မြေချင်း ထိစပ်နေတဲ့ ဘင်္ဂလားဒေ့ရှ်၊ မြန်မာ၊ နီပေါ၊ ဘူတန်နဲ့ တရုတ်နိုင်ငံတွေကနေ အိန္ဒိယထဲ မှောင်ခို ခိုးသွင်းမယ်လို့ ယုံကြည်ကြပါတယ်။

ဗွီအိုအေ (မြန်မာပိုင်း)
https://burmese.voanews.com

ဖွဲ့စည်းပုံပြင်ဆင်ရေးနဲ့ပတ်သက်လို့ တပ်မတော်ကို NLD မေးခွန်းထုတ်

အမျိုးသားဒီမိုကရေစီအဖွဲ့ချုပ် ပါတီရဲ့ ဒုတိယဥက္ကဋ္ဌ ၂ ဒေါက်တာ ဇော်မြင့်မောင် ကို ၂ဝ၁၉ ခုနှစ် ဖေဖော်ဝါရီလ ၂၄ ရက်နေ့က ရန်ကုန်မြို့ NLD ရုံးချုပ်မှာ တွေ့ရစဉ် / Photo: Thant Zin Oo/RFA
ပြီးခဲ့တဲ့ လွှတ်တော်သက်တမ်းအတွင်း ဖွဲ့စည်းပုံအခြေခံဥပဒေ ပြင်ဆင်ရေးအတွက် ကြံ့ခိုင်ဖွံ့ဖြိုးရေးပါတီက ဦးဆောင်ပြီး ကော်မတီဖွဲ့စည်းဆောင်ရွက်စဉ်မှာ ဥပဒေလုပ်ထုံးလုပ်နည်းတွေနဲ့ မညီဘူးဆိုပြီး ဘာကြောင့်မကန့် ကွက်တာလဲလို့ အမျိုးသားဒီမိုကရေစီအဖွဲ့ချုပ် ပါတီရဲ့ ဒုတိယဥက္ကဋ္ဌ ၂ ဒေါက်တာ ဇော်မြင့်မောင် က တပ်မတော်ကို ဒီနေ့ မေးခွန်းထုတ်လိုက်ပါတယ်။

ရန်ကုန်မြို့မှာ နှစ်ရက်ကြာကျင်းပခဲ့တဲ့ NLD ပါတီ ဒုတိယအကြိမ် ပါတီညီလာခံအပြီး ကျင်းပတဲ့ သတင်းစာရှင်းလင်း ပွဲမှာ တပ်မတော်က လွှတ်တော်တွင်းမှာ NLD ပါတီရဲ့ ဖွဲ့စည်းပုံပြင်ဆင်ရေး ဆောင်ရွက်မှုအပေါ် ကန့်ကွက်နေ တာနဲ့ပတ်သက်လို့ သတင်းထောက်တစ်ဦးက မေးမြန်းရာမှာ ဒေါက်တာ ဇော်မြင့်မောင်က မေးခွန်းထုတ်လိုက် တာဖြစ်ပါတယ်။ ဒါနဲ့ပတ်သက်လို့ တပ်မတော်သား လွှတ်တော် ကိုယ်စားလှယ် အစုအဖွဲ့ခေါင်းဆောင် ဗိုလ်မှူးချုပ် မောင်မောင် ကို  RFA က ဆက်သွယ်ပေမယ့် ဆက်သွယ်လို့ မရခဲ့ပါဘူး။

ဒီညီလာခံအပြီးမှာ NLD က ထုတ်ပြန်တဲ့ ရှေ့လုပ်ငန်းစဉ် ၅ ရပ်ထဲမှာ ဖွဲ့စည်းပုံအခြေခံဥပဒေ ပြင်ဆင်ရေး၊ ၂၀၂၀ ရွေးကောက်ပွဲ အောင်နိုင်ရေး၊ ဒီမိုကရေစီဖက်ဒရယ်ပြည်ထောင်စု ပေါ်ထွန်းရေးတို့ကို ဆက်လက်ကြိုးစား လုပ်ဆောင်သွားမယ်လို့ ပါဝင်ပါတယ်။

အမျိုးသားဒီမိုကရေစီအဖွဲ့ချုပ် NLD ပါတီရဲ့ အမျိုးသားလွှတ်တော် ကိုယ်စားလှယ် ဦးအောင်ကြည်ညွန့်က ဖွဲ့စည်းပုံပြင်ဆင်ရေးအတွက် ပူးပေါင်းကော်မတီ ဖွဲ့စည်းဖို့ အဆိုတင်သွင်းခဲ့ပြီး အဆိုအောင်မြင်ခဲ့တာကြောင့် ကိုယ်စားလှယ်အချိုးကျနဲ့ ပူးပေါင်းကော်မတီဖွဲ့စည်းထားပြီးဖြစ်ပါတယ်။

ဒါပေမဲ့ အဆိုတင်သွင်းစဉ်ကတည်းက တပ်မတော်သား ကိုယ်စားလှယ်တွေက NLD ပါတီရဲ့အဆိုဟာ ဥပဒေ လုပ်ထုံးလုပ်နည်းနဲ့ မညီဘူးဆိုပြီး မတ်တပ်ရပ်ကန့်ကွက်တာတွေ ရှိခဲ့ပေမယ့် ထောက်ခံသူများတာကြောင့် အဆိုအတည်ဖြစ်ခဲ့တာပါ။

မနက်ဖြန်မှာဆိုရင် တပ်မတော်သား လွှတ်တော်ကိုယ်စားလှယ် ၈ ဦး ပါဝင်တက်ရောက်မယ့် ဖွဲ့စည်းပုံပြင်ဆင်ရေး ပူးပေါင်းကော်မတီ အစည်းအဝေးကို ကျင်းပဖို့ ရှိနေပါတယ်။

NLD ပါတီ ဗဟိုကော်မတီညီလာခံကို ရန်ကုန်မြို့ NLD ပါတီရုံးချုပ်မှာ နှစ်ရက်ကြာပြုလုပ်ခဲ့ပြီး ပါတီဗဟိုအလုပ် မှုဆောင်အဖွဲ့ဝင်တွေ တိုင်းနဲ့ ပြည်နယ်အသီးသီးက ဝန်ကြီးချုပ်တွေနဲ့ အစိုးရအဖွဲ့ဝင်တွေ၊ လွှတ်တော်ဥက္ကဋ္ဌ၊ ဒုတိယဥက္ကဋ္ဌတွေစတဲ့ ဗဟိုကော်မတီဝင်တွေ စုစုပေါင်း ၁၃၀ ကျော် တက်ရောက်ခဲ့ကြပါတယ်။

ဒီသတင်းကို RFA သတင်းထောက် ကိုကျော်လွင်ဦးနဲ့ ကိုသန့်ဇင်ဦး ပေးပို့တာပါ။

RFA Burmese
https://www.rfa.org/burmese

တိုက်ပွဲကြောင့် မြောက်ဦးမြို့ ဘူးခါးရွာက ရွာသားတွေ ထွက်ပြေးရ

ပုဏ္ဏားကျွန်းထဲ စစ်ဘေးရှောင် ယာယီစခန်းတွေ ဖွင့်ထား
ရခိုင်ပြည်နယ် မြောက်ဦးမြို့နယ်မှာ တိုက်ပွဲတွေ ဖြစ်နေတာဟာ အခုဆိုရင် နေ့စဉ်ရက်ဆက်ဆိုသလို ဖြစ်ပွားနေတာပါ။

ဖေဖော်ဝါရီ ၂၄ ရက်နေ့ကလည်း မြောက်ဦးမြို့နယ် ဘူးခါရွာက ရွာသား ၁၇၀ ကျော်ဟာ တိုက်ပွဲတွေကြောင့် ရွာတွေကို စွန့်ခွာပြီး ထွက်ပြေးလာရပါတယ်။

တိုက်ပွဲဖြစ်တဲ့နေရာတွေမှာ တချို့ရွာသားတွေက အိမ်အောက်မှာ အုတ်ခဲတွေကို နံရံလိုကာပြီး လုံခြုံအောင် နေရတယ်လို့ မြောက်ဦးမြို့နယ် ခူလှိုင်ရွာက စစ်ရှောင်ဒုက္ခသည် မနီနီဝင်းက ဆိုပါတယ်။

မနီနီဝင်းကတော့ ရွာနဲ့ နီးတဲ့ကယ်ဆယ်ရေးစခန်းမှာ လူငယ်တွေ ကလေးတွေက နေထိုင်ကြပြီး အသက်ကြီးသူတချို့ကတော့ ရွာထဲမှာ အိမ်တွေကို လုံခြုံအောင်ထားပြီး နေထိုင်စေခဲ့တယ်လို့ ပြောပါတယ်။

ရက္ခိုင့်တပ်မတော်အေအေနဲ့ အစိုးရတပ်တို့ကြား တိုက်ပွဲတွေ ပြင်းထန်တာကြောင့် ခူလှိုင်ရွာ ဆင်အိုးရွာနဲ့ နေပူခံရွာက ရွာသားတွေဟာ နီးစပ်ရာ ရွာတွေကို ထွက်ပြေးလာခဲ့ကြပါတယ်။

အခုလို တိုက်ပွဲတွေကြောင့် ဒေသခံရွာသူရွာသားတွေရဲ့ စားဝတ်နေရေးဟာ စိတ်ပူပန်နေရပြီး တိုက်ပွဲကြားမှာ ကျည်ဆန်ထိမှန်သေဆုံးတာတွေနဲ့ ပျောက်ဆုံးတာတွေက များပြားလာတယ်လို့ ဒေသခံတွေက ပြောခဲ့ပါတယ်။

BBC Burmese
https://www.bbc.com/burmese

ဖိလစ်ပိုင် မွတ်ဆလင်သူပုန်ခေါင်းဆောင်တွေ Bangsamoro အစိုးရထဲပါဝင်

ဖိလစ်ပိုင်သမ္မတ ဒူတာတေး နဲ့အတူတွေ့ရတဲ့ မွတ်ဆလင်သူပုန်ခေါင်းဆောင် Murad Ebrahim
ဖိလစ်ပိုင်နိုင်ငံတောင်ပိုင်းက မွတ်စလင် ကိုယ်ပိုင်အုပ်ချုပ်ခွင့်ရဒေသသစ်တခုရဲ့ အုပ်ချုပ်ရေးမှူးတွေအဖြစ် တချိန်က မွတ်စလင် သူပုန် တပ်မှူးအချို့ သောကြာနေ့က ကျမ်းသစ္စာကျိန်ဆိုကြပါတယ်။ ဒါဟာဖြင့် အာရှတိုက်ရဲ့ သက်တမ်းအရှည်ဆုံး လက်နက် ကိုင် ပုန်ကန်မှုတခု အဆုံးသတ်သွားဖို့ရာမှာ သိမ်မွေ့တဲ့ မှတ်တိုင်တခုပဲဖြစ်ပါတယ်။

မိုရို အစ္စလာမ်မစ် လွတ်မြောက်ရေးတပ်ဦး MILF ရဲ့ခေါင်းဆောင် Murad Ebrahim နဲ့ သူ့ရဲ့ ထိပ်တန်းတပ်မှူးတချို့ အုပ်ချုပ်ရေး မှူးအဖြစ် ကျမ်းသစ္စာကျိန်ဆိုတဲ့ပွဲကို သမ္မတ Rodrigo Duterte ကိုယ်တိုင် ကမကထပြု ဦးစီးကျင်းပတာပါ။ သူတို့တွေဟာ Bangsamoro လို့ခေါ်တဲ့ ပြည်နယ်ငါးခုပါဒေသအတွက် အသွင်ကူးပြောင်းရေးကာလ အစိုးရအဖွဲ့ထဲက အုပ်ချုပ်ရေးမှူး အယောက် ၈၀ ထဲမှာ အပါအဝင်ဖြစ်ပါတယ်။

လက်နက်ခဲယမ်း ထောင်ပေါင်းများစွာရှိထားတဲ့ လက်နက်ကိုင် ၁၂,၀၀၀ လောက်ကို ငြိမ်းချမ်းရေးသဘောတူညီချက်အရ ဒီနှစ် ကစပြီး လက်နက်ဖြုတ်သိမ်းသွားမှာပါ။ သဘောတူညီချက်မှာ ပါတဲ့အချက်တွေကို ဆက်ပြီး အကောင်အထည်ဖော်သွားမယ် ဆိုရင် နောက်ထပ် လက်နက်ကိုင် ထောင်ပေါင်းများစွာကိုလည်း လက်နက်ဖြုတ်သိမ်းသွားမှာဖြစ်ပါတယ်။ အဲဒီအချက်တွေထဲမှာ သူပုန်တပ်ဖွဲ့ဝင်တွေ ပုံမှန်ဘဝကို ပြန်ရောက်စေဖို့ အသက်မွေးဝမ်းကျောင်း အလုပ်အကိုင်တွေ ဖန်တီးပေးဖို့လည်း ပါဝင်ပါတယ်။

“တိုက်ခိုက်တာတွေ အဆုံးသတ်သွားတာကို ကျနော်တို့မြင်ချင်ပါတယ်၊ အဆုံးကျတော့ တိုက်ကြခိုက်ကြ၊ တယောက်နဲ့ တယောက် ပစ်ခတ်ကြနဲ့ ဒေသရဲ့ ဖွံ့ဖြိုးတိုးတက်မှုကိုကြည့်ပြီး အောင်မြင်မှုကို တိုင်းတာတာမဟုတ်ဘဲ နှစ်ပေါင်းများစွာအတွင်း သေဆုံးသူ အရေအတွက်နဲ့ တိုင်းတာခဲ့ကြပါတယ်” လို့ သမ္မတဒူတာတေးက ပြောပါတယ်။

ဖိလစ်ပိုင်နိုင်ငံမှာ သယံဇာတပေါကြွယ်ဝပေမယ့် အဆင်းရဲဆုံးဖြစ်နေတဲ့ တောင်ပိုင်းဒေသမှာ နှစ်ပေါင်းများစွာ လက်နက်ကိုင် ပဋိပက္ခဖြစ်ခဲ့တာကြောင့် လူပေါင်း ၁ သိန်းခွဲလောက် သေဆုံးခဲ့ရပါတယ်။

ဗွီအိုအေ (မြန်မာပိုင်း)
https://burmese.voanews.com

အာသံမှာ အဆိပ်အတောက်ဖြစ်တဲ့ အရက်သောက်မိလို့ အနည်းဆုံး ၉၉ ယောက်သေ

လူ ၂၀ဝကျော် ဆေးရုံမှာ ကုသခံနေရပါတယ်။
အိန္ဒိယနိုင်ငံ အရှေ့မြောက်ပိုင်း အာသံပြည်နယ်မှာ အဆိပ်အတောက်ဖြစ်စေတဲ့ အရက်ပုန်းကို သောက်မိလို့ အနည်းဆုံး ၉၉ ယောက် သေဆုံးပြီး လူ ၂၀ဝကျော် ဆေးရုံမှာ ကုသခံနေရပါတယ်။

တရားမဝင်တဲ့ အရက်ကို သောက်မိလို့ ဂိုလာဟတ်ခရိုင်ထဲက လူ ၅၈ ဦးသေဆုံးသွားတယ်လို့ ခရိုင်က ရဲမှူး ပွတ်ရ်ှကာဆင်းက ဘီဘီစီကို ပြောပါတယ်။ တခြားသတင်းအရင်းမြစ်တွေအဆိုအရ ဂျော်ဟတ်ခရိုင်မှာ လူ ၁၂ ဦး သေဆုံးသွားပါတယ်။ သေဆုံးသူအရေအတွက်က ထပ်မြင့်တက်လာနိုင်တယ်လို့ ဒေသခံ သတင်းတွေက ဆိုပါတယ်။

ဒီလိုသေဆုံးပြီး ဆေးကုသခံနေရတဲ့ အထဲမှာ အမျိုးသမီးတချို့ ပါဝင်နေသလို အဆိပ်သင့်တဲ့သူတွေ အားလုံးဟာ ဂိုလာဟတ်နဲ့ ဂျော်ဟတ် ခရိုင်က လက်ဖက် စိုက်ခင်းမှာ အလုပ်လုပ်ကြတဲ့သူတွေလည်း ဖြစ်ပါ တယ်။

ဂိုလာဟတ် ခရိုင် ကျန်းမာရေးဌာနက ဒုတိယ ညွှန်ကြားရေးမှူး ဒေါက်တာ ရာတူ ဘောဒိုလိုင်က လူတွေက ဆေးရုံကို ရောက်လာတဲ့အချိန်မှာ အန်နေကြပြီး ရင်ဘတ်တွေနာသလို တချို့ဆိုရင် အသက်တောင် မရှူနိုင်တဲ့ အခြေအနေ ရောက်နေတယ်လို့ ဆိုပါတယ်။
 သေဆုံးသူအရေအတွက်က ထပ်မြင့်တက်လာနိုင်တယ်လို့ ဒေသခံ သတင်းတွေက ဆိုပါတယ်။
အဆိပ်အတောက်မိတဲ့ အရက်ကို သောက်မိလို့ ဂိုလာဟတ်ဆေးရုံမှာ ဆေးကုသခံနေတဲ့ အလုပ်သမား တဦးက လီတာ တဝက်နီးပါးရှိတဲ့ အရက်ကို အစာမစားခင်သောက်လိုက်တယ်လို့ ပြောပါတယ်။

သောက်စမှာ အားလုံးက ပုံမှန်အတိုင်းဖြစ်နေပေမယ့် အချိန်အနည်းငယ်ကြာပြီးတဲ့နောက် ခေါင်းစကိုက်လာပြီး နောက်ဆုံး မအိပ်နိုင်မစားနိုင်တဲ့အထိ ခေါင်းကိုက်လာတယ်လို့ သူက ပြောပါတယ်။

ဒီလိုဖြစ်ပြီးတဲ့နောက် မသက်သာတဲ့အပြင် ရင်ဘတ်အောင့်လာလို့ ဇနီးဖြစ်သူက လက်ဖက်စိုက်ခင်း အနီးမှာ ရှိတဲ့ ဆေးရုံကို ခေါ်ဆောင်လာရာမှာ ဆေးရုံက ခရိုင် ဆေးရုံကို သွားရောက်ဖို့ လွှဲပေးလိုက်တာလို့ ဆိုပါ တယ်။
ကမ္ဘာပေါ်မှာ တောင်အာဖရိက နိုင်ငံဟာ အရက် သောက်သုံးမှု အများဆုံး ရှိတာကို တွေ့ရ

ဒီလိုသေဆုံးတာတွေကို စစ်ဆေးဖို့ စုံစမ်းရေး ကော်မရှင်လည်း ဖွဲ့ထားတယ်လို့ တာဝန်ရှိသူတွေက ပြောပါတယ်။

အရက်ရောင်းတဲ့ သူတဦးကို ဖမ်းဆီးထားတယ်လို့ ပြည်နယ် ရဲတပ်ဖွဲ့က ထုတ်ပြန်ထားပြီး အရက်ရောင်းတာနဲ့ ပတ်သက်ပြီး အရေးယူဖို့ ပျက်ကွက်ခဲ့တဲ့ အရာရှိတချို့ကိုလည်း တာဝန်က ရပ်ဆိုင်းထားတယ်လို့ တာဝန်ရှိသူတွေက ပြောပါတယ်။

အိန္ဒိယနိုင်ငံမှာ ဈေးပေါတဲ့ တရားမဝင် ချက်လုပ်တဲ့ အရက်တွေကို သောက်သုံးပြီး မကြာခဏဆိုသလို လူသေဆုံးမှုတွေ ဖြစ်ပွားခဲ့ပါတယ်။ပြီးခဲ့တဲ့ သီတင်းနှစ်ပတ်က အိန္ဒိယနိုင်ငံ မြောက်ပိုင်း ဥတ္တာပရာဒတ်ခ်ျနဲ့ ဥတ္တရာခန်း ပြည်နယ်မှာ အဆိပ်သင့်တဲ့ အရက်ကို သောက်မိလို့ လူ ၁၀ဝ ကျော်သေဆုံးခဲ့ပါတယ်။

BBC Burmese
https://www.bbc.com/burmese

ပုဂံ Road Race တာဝေးစက်ဘီးစီးပြိုင်ပွဲတွင် ဒိုင်ဖြစ်သူအား ယာဉ်တိုက်ခံရပြီးနောက် ပြိုင်ပွဲကို ရပ်ဆိုင်းလိုက်ရ


မန္တလေး - ၂၃ ဖေဖော်ဝါရီ

ပုဂံ Road Race တာဝေးစက်ဘီးစီးပြိုင်ပွဲတွင် ဒိုင်ဖြစ်သူအား ယာဉ်တိုက်ခံရပြီးနောက် ပြိုင်ပွဲကို ရပ်ဆိုင်းလိုက်ကြောင်း မြန်မာနိုင်ငံ စက်ဘီးစီးအားကစားအဖွဲ့ချုပ်မှ သိရသည်။

ပုဂံ Road Race တာဝေးစက်ဘီးစီးပြိုင်ပွဲကို ယနေ့စတင်ကျင်းပခြင်းဖြစ်ပြီး တာထွက်ပြီး ၁၄ မိုင်ခန့်အရောက်တွင် ဒိုင်​ဖြစ်​သူ ကို​အောင်​မျိုးနိုင်​ကိုယာဉ်တစ်စီးက အရှိန်မထိန်းနိုင်ပဲ ဝင်တိုက်မိ ကြောင်း သိရသည်။ ယာဉ်တိုက်မှု ကြောင့် ဒိုင်​ဖြစ်​သူ ကို​အောင်​မျိုးနိုင်​သည်
ပြင်းထန်​စွာ ဒါဏ်​ရာရရှိကာပခုက္ကူ ​ဆေးရုံအပို့တွင်​ လမ်း၌ ကွယ်​လွန်​ခဲ့ ကြောင်း သိရသည်။

"ပုဂံက အထွက် မြင်းခြံ လမ်းပေါ်မှာဖြစ်တာပါ။ကားက အရှိန်များပြီး ဝင်တိုက်မိတာပါ။ဒီမှာလည်း နာရေးကိစ္စနဲ့ဆိုတော့ ပြိုင်ပွဲကို ရပ်ဆိုင်းလိုက်ပါတယ်'' ဟု မြန်မာနိုင်ငံ စက်ဘီးစီးအားကစားအဖွဲ့ချုပ် ဘဏ္ဍာရေးမှူး ဦးအောင်နိုင်မိုးက ပြောသည်။

ယာဉ်တိုက်ခံရသူသည် အားကစားနှင့် ကာယပညာဦးစီးဌာန၏ ဦးစီးအရာရှိ တစ်ဦးဖြစ်ပြီး မြန်မာနိုင်ငံ စက်ဘီးအားကစား အဖွဲ့ချုပ်အဖွဲ့ဝင်လည်း ဖြစ်ကြောင်း သိရသည်။

မြန်မာနိုင်ငံ စက်ဘီးအားကစား အဖွဲ့ချုပ် (MCF) နှင့် ကျန်းမာရေးနှင့် အားကစား ဝန်ကြီးဌာနတို့ ပူးပေါင်းကာ ပထမဦးဆုံးအကြိမ်မြောက် ပုဂံ Road Race တာဝေးစက်ဘီးစီးပြိုင်ပွဲကြီးကို ဖေဖော်ဝါရီလ ၂၃ ရက်နှင့် ၂၄ ရက်တွင် ကျင်းပရန် စီစဉ်ထားပြီး ယခု အခါ ပြိုင်ပွဲ ကိုရပ်ဆိုင်းလိုက်ပြီ ဖြစ်သည် ။

ယာဉ်ကို အရှိန်မထိန်းနိုင်ပဲ မောင်းနှင်သည့် ယာဉ်မောင်းအား ညောင်ဦးရဲစခန်းမှ အရေးယူခြင်းများ ဆောင်ရွက်နေကြောင်း သိရသည်။

အိမို့မို့ခိုင်

Photo- Bicycle Network Myanmar
Myanmar Digital News
https://www.facebook.com/MyanmarDigitalNews

ပြည်သူလူထု ယုံကြည်မှု၊ လေးစားမှုမရှိရင် နုတ်ထွက်ဖို့ NLD ဗဟိုကော်မတီအစည်းအဝေးမှာ သတိပေး

၂၀၁၉၊ ဖေဖော်ဝါရီ ၂၃ ရက်နေ့ ကျင်းပတဲ့ အမျိုးသားဒီမိုကရေစီအဖွဲ့ချုပ် ဒုတိယအကြိမ်မြောက် ဗဟိုကော်မတီအစည်းအဝေးမှာ သဘာပတိ နိုင်သောင်းညွှန့် မိန့်ခွန်းပြောကြားစဉ် ။ Photo: National League for Democracy
NLD ပါတီ ကိုယ်စားပြုသူတွေအနေနဲ့ ပြည်သူလူထုတွေ၊ ပါတီဝင်တွေက ထောက်ခံမှု၊ ယုံကြည်မှု၊ လေးစားမှု၊ သဘောကျမှုမရှိတော့ရင် သတ္တိရှိရှိ နုတ်ထွက်ပေးဖို့ အမျိုးသားဒီမိုကရေစီအဖွဲ့ချုပ် ဒုတိယအကြိမ်မြောက် ဗဟိုကော်မတီအစည်းအဝေး အဖွင့်မိန့်ခွန်းမှာ သဘာပတိ နိုင်သောင်းညွှန့်က တိုက်တွန်းပြောကြားလိုက်ပါတယ်။

တိုင်းရင်းသားပြည်သူတွေ ကျေနပ်တဲ့ထိ အမျိုးသားဒီမိုကရေစီအဖွဲ့ချုပ်က တိုင်းပြည်တာဝန်တွေထမ်းဆောင်ရာမှာ သစ္စာစောင့်သိဖို့လိုအပ်ပြီး ရာထူး၊ အာဏာတည်မြဲရေးအတွက် တိုင်းရင်းသားပြည်သူလူထုအပေါ် သစ္စာဖောက်တဲ့ လုပ်ရပ်မျိုးတွေမလုပ်မိဖို့ကိုလည်း သဘာပတိမိန့်ခွန်းမှာ သတိပေးပြောကြားခဲ့ပါတယ်။

၂၀၂၀ ရွေးကောက်ပွဲဟာ ၂၀၁၅ ရွေးကောက်ပွဲလို့ လွယ်ကူမှာမဟုတ်ဘူးဆိုပြီး ဝေဖန်ထောက်ပြနေတာတွေကို လျစ်လျူရှူထားလို့မရဘဲ ဂရုတစိုက်နဲ့ ရှေ့ဆက်ဆောင်ရွက်သွားရမယ်လို့လည်း ထည့်သွင်းပြောကြားထားပါတယ်။

အမျိုးသားဒီမိုကရေအဖွဲ့ချုပ်ပါတီ ဒုတိယအကြိမ်ဗဟိုကော်မတီ ဒုတိယအကြိမ်အစည်းအဝေး ပထမနေ့ကို ရန်ကုန်မြို့ရွှေဂုံတိုင်မှာရှိတဲ့ ပါတီဌာနချုပ်မှာ ကျင်းပနေတာဖြစ်ပါတယ်။

ဗဟိုကော်မတီအစည်းအဝေးကို ပါတီဒုတိယဥက္ကဌ ဒေါက်တာဇော်မြင့်မောင်၊ ဗဟိုကော်မတီဝင်တွေဖြစ်တဲ့ ဒေါက်တာမျိုးညွှန်၊ ဒေါက်တာအောင်မိုးညို၊ ဦးဥာဏ်ဝင်းနဲ့ တိုင်းဒေသကြီးနဲ့ ပြညနယ် ဝန်ကြီးချုပ်တွေအပါအဝင် ၁၃၀ ခန့်တတ်ရောက်ခဲ့ပြီး နှစ်ရက်တာကျင်းပမှာဖြစ်ပါတယ်။

ဒီသတင်းကို RFA သတင်းထောက် ကိုကျော်လွင်ဦး ပေးပို့တာပါ။

RFA Burmese
https://www.rfa.org/burmese

မြန်မာပိုင်နက် မိုင်းလားမှာ တရုတ်က ဒစ်ဂျစ်တယ်စီးပွားရေးဇုန် လုပ်မယ်ဆိုတဲ့အပေါ် မြန်မာအစိုးရ သဘောတူထားတာမရှိ

နိုင်ငံတော် အတိုင်ပင် ခံ ပုဂ္ဂိုလ် ဒေါ်အောင်ဆန်းစုကြည်နဲ့ တရုတ် သမ္မတ ရှီကျင်းပင်
မြန်မာနိုင်ငံပိုင်နက် ရှမ်းပြည်နယ် မိုင်းလားဒေသမှာ ဒစ်ဂျစ်တယ် စီးပွားရေးဇုန်တစ်ခုကို တရုတ်ရင်းနှီးမြုပ်နှံသူတွေက တည်ဆောက်သွားမယ့်ဆိုတဲ့အပေါ် မြန်မာအစိုးရဘက်က သိရှိထားခြင်းမရှိသလို သဘောတူထားတာမျိုးလည်းမရှိဘူးလို့ အစိုးရပြောရေးဆိုခွင့်ရှိသူ ဦးဇော်ဌေးက ဘီဘီစီကိုပြောပါတယ်။

ပြီးခဲ့တဲ့ရက်ပိုင်းက နိုင်ငံတကာ သတင်း မီဒီယာတစ်ခုမှာ တရုတ်ကုမ္ပဏီ တစ်ခုဖြစ်တဲ့ ရှန်ဟိုင်းရှယ်လ်ပေး ကုမ္ပဏီက ရှမ်းပြည်နယ် မိုင်းလားဒေသမှာ ဟုန်ပန်း ဒစ်ဂျစ်တယ် စီးပွားရေးဇုန်တစ်ခုကို တရုတ်ရင်းနှီးမြုပ်နှံ သူတွေလုပ်ကိုင်သွားဖို့ ထူထောင်နေတယ်လို့ ဖော်ပြ သွားခဲ့တာဖြစ်ပါတယ်။

အဲဒီသတင်းထဲမှာ ဒီစီးပွားရေးဇုန်ကို ကိုယ်ပိုင်နိုင်ငံငယ်လေးတစ်ခုသဖွယ်လုပ်ဆောင်မှာဖြစ်ပြီး အုပ်ချုပ်ရေး တရားစီရင်ရေးနဲ့ ဥပဒေပြုရေးတို့ကို အဲဒီဒေသမှာသီးခြားလုပ်ဆောင်မှာဖြစ်ပြီး နိုင်ငံသားလျှောက်ထား သူတွေကိုလည်း အီလက်ထရောနစ် နိုင်ငံသားကတ်ပေးမှာဖြစ်တယ်လို့ ထည့်သွင်းဖော်ပြထားပါတယ်။

    မြန်မာနိုင်ငံ က တရုတ် ရင်းနှီးမြှုပ်နှံမှု ဆိပ်ကမ်း တွေက ဘယ်သူတွေကို အကျိုး ရှိစေမလဲ။

' ' ရှမ်းပြည်နယ် အစိုးရကလည်း မိုင်းလားကိုမေးတယ်။ ဒီဟာမျိုးလုပ်ထားတာရှိသလား ဟုတ်လားဆိုတာ။ မဟုတ်ဘူးလို့ မိုင်းလားဘက်က လည်းပြန်ဖြေတယ်။ ငြိမ်းချမ်းရေးကော်မရှင်ကလည်း မိုင်းလား လူကြီးတွေ ကိုလှမ်းမေးတော့လည်း သူတို့လုံးဝမသိဘူးပေါ့ပြောတယ်။ သူတို့ထုတ်ထားတာမရှိဘူးလို့လည်းပြောတယ်။ အစိုးရကနေပြီး ဒါကို တရုတ်သံအမတ်ကြီးကိုလည်း ဒါမျိုးတွေထိန်းသိမ်းပေးဖို့ ပြောထားပြီးသား ဖြစ် တယ် ''လို့ ဦးဇော်ဌေးက ဘီဘီစီကိုပြောပါတယ်။

တရုတ်က အထူးစီးပွားရေးဇုန်အဖြစ် အကောင်အထည်ဖော်မယ်လို့ ပြောခဲ့တဲ့မိုင်းလားဒေသဟာ ခရီးသွား လုပ်ငန်း အရောင်းအဝယ်လုပ်ငန်းတွေနဲ့ စီးပွားရေးကောင်းတဲ့ဒေသတစ်ခုလည်းဖြစ်ပါတယ်။

မိုင်းလားဒေသဟာ မိုင်းလားအဖွဲ့လို့ လူသိများတဲ့ MDAA က ထိန်းချုပ်ထားတဲ့နယ်မြေထဲမှာရှိပါတယ်။ မိုင်းလား အဖွဲ့ဟာ တနိုင်ငံလုံးအပစ်အခတ်ရပ်စဲရေးစာချုပ်(NCA) မှာလက်မှတ်ရေးထိုးထားခြင်းမရှိပေမယ့် အပစ်အခတ်ရပ်စဲရေးစာချုပ်ကိုတော့ လက်မှတ်ရေးထိုးထားတဲ့ အဖွဲ့တစ်ခုလည်းဖြစ်ပါတယ်။

BBC Burmese
https://www.bbc.com/burmese

ရက္ခိုင့်တပ်မတော် အမာခံနယ်မြေတည်ဆောက်တာကို မြန်မာ့တပ်မတော်လက်ခံမှာ မဟုတ်

ရန်ကုန်တိုင်းစစ်ဌာနချုပ်မှာ တပ်မတော်သတင်းမှန်ပြန်ကြားရေးအဖွဲ့ရဲ့ အပစ်ရပ် ၂ လ တာကာလ သတင်းစာရှင်းလင်းပွဲ။ ဝဲမှယာ - ဗိုလ်မှူးချုပ် ဇော်မင်းထွန်း၊ ဗိုလ်ချုပ်စိုးနိုင်ဦး၊ ဗိုလ်ချုပ် ထွန်းထွန်းညီ(ဖေဖေါ်ဝါရီ ၂၃၊ ၂၀၁၉)
တပ်မတော်က စစ်တိုင်းဌာနချုပ်နယ်မြေ ၅ ခုမှ အပစ်ရပ်ကာလသတ်မှတ်ပြီးနောက် ၂ လ တာကာလအတွင်းမှာ တပ်မတော်နဲ့ တိုင်းရင်းသားတပ်တွေ အကြားတိုက်ပွဲတွေ လျော့ကျ ခဲ့ကြောင်း နဲ့ AA ရက္ခိုင်တပ်မတော်အနေနဲ့ အမာခံနယ်မြေတည်ဆောက်တာကို လက်ခံ မှာ မဟုတ်ကြောင်း တပ်မတော် သတင်းမှန်ပြန်ကြားရေးအဖွဲ့က သတင်းထုတ်ပြန်လိုက် ပါတယ်။ တဆက်တည်းမှာပဲ စစ်ကိုင်းတိုင်းဒေသကြီးအထက်ပိုင်းမှာ NSCN-K နာဂတပ်ဖွဲ့ ဌာနချုပ် ဒေသမှာ စစ်ရေးဆောင်ရွက်တာတွေနဲ့ ဖွဲ့စည်းပုံအခြေခံ ဥပဒေပြင်ဆင်ရေး ကိစ္စတွေကို ထည့်သွင်းရှင်းလင်းပါတယ်။ ဒီသတင်းကိုတော့ ရန်ကုန်မြို့ အခြေစိုက် ဗွီအိုအေမြန်မာပိုင်း သတင်းထောက် ကိုမိုးဇော်က တင်ပြထားပါတယ်။

တပ်မတော်သတင်းမှန်ပြန်ကြားရေးအဖွဲ့က စနေ့နေ့ခင်း ၂ နာရီမှာ ရန်ကုန်တိုင်း စစ်ဌာန ချုပ် သတင်းစာရှင်းလင်းပွဲကျင်းပပြီး တပ်မတော်က စစ်တိုင်း ဌာနချုပ် နယ်မြေ ၅ ခုမှာ အပစ်ရပ်ထားတဲ့ကာလအတွင်းစစ်ရေးအခြေအနေ၊ စစ်ကိုင်းတိုင်းဒေသကြီးအထက်ပိုင်း နာဂအမျိုးသားဆိုရှယ်လစ်ကောင်စီ -ခပ်ပလန် NSCN-K နယ်မြေအတွင်း စစ်ရေးအခြေ အနေ၊ ရခိုင်ပြည်နယ်အတွင်းမှာ AA ရက္ခိုင် တပ်မတော်နဲ့ ပတ်သက်တဲ့အခြေအနေတွေနဲ့ လက်ရှိ လွှတ်တော်အတွင်း ဖွဲ့စည်းပုံ အခြေခံ ဥပဒေပြင်ဆင်ရေးမှာ တပ်မတော်ရဲ့ သဘောထားတွေကို အဓိက ရှင်းလင်းခဲ့တာဖြစ်ပါတယ်။

၂၀၁၈ ခုနှစ် ဒီဇင်ဘာလ ၂၁ ရက်နေ့မှာ ကချင်နဲ့ ရှမ်းပြည်နယ်က စစ်တိုင်းဒေသကြီး ၅ ခု မှာ ၄ လတာအပစ်အခတ်ရပ်စဲကြောင်း တပ်မတော်က ကြေညာခဲ့တဲ့နောက် ၂ လကြာ ကာလအတွင်း စစ်ရေးအခြေအနေကို တပ်မတော်သတင်းမှန်ပြန်ကြားရေးအဖွဲ့ ဥက္ကဋ္ဌ ဗိုလ်ချုပ်စိုးနိုင်ဦးက အခုလို ပြောပါတယ်။

“ဒီ ၂ လတာအတွင်းမှာ စုစုပေါင်း တပ်မတော်နဲ့ တိုက်ပွဲဖြစ်ပွားမှု တိုင်းရင်းသား လက်နက်ကိုင် အဖွဲ့အစည်း တိုင်းစစ်ဌာနချုပ် ၅ ခုမှာ ရှိတဲ့ အဖွဲ့ အစည်းတွေနဲ့ ဖြစ်တာ ၆ ကြိမ်ရှိပါတယ်။ တိုင်းရင်းသား လက်နက်ကိုင်အဖွဲ့အစည်းအချင်းချင်း တိုက်ပွဲဖြစ်ပွားတာ စုစုပေါင်း ၂၅ ကြိမ်ရှိပါတယ်။ နယ်မြေ ကျော်လွန်လှုပ်ရှားသွားလာတာ ၂၈၆ ကြိမ် ရှိပါတယ်။ ဆက်ကြေးကောက်ခံမှု ၂၂ ကြိမ်ရှိပါတယ်။ လူသစ်စုဆောင်းမှုအားလုံးပေါင်း ၃၀ ကြိမ်ရှိပါတယ်။ ဒီ ဟာကြောင့် ကျနော်တို့ ပထမ ၁ လပြည့်ရှင်းလင်းတဲ့ဇယားနဲ့ ဒီဟာနဲ့ နှိုင်းယှဉ်ကြည့်ရင် တချို့ကိစ္စတွေမှာ လျော့နည်းသွားတာတွေ့ရတယ်။ တချို့ ကိစ္စတွေမှာကျ ပိုမိုပြီးတော့ များပြားလာတာ တွေ့ရပါတယ်။ သို့သော်လည်းပဲ တိုက်ပွဲဖြစ်ပွားမှုတွေတော့ သိသိသာသာ လျော့ကျသွားတာ တွေ့ရှိရပါတယ်။”

စစ်ကိုင်းတိုင်းဒေသကြီးအထက်ပိုင်း NSCN-K ဌာနာချုပ်နယ်မြေကို ရှင်းလင်းခဲ့ရတာ ကတော့ ၂၀၁၂ ခုနှစ် တိုင်းဒေသကြီးအဆင့် ချုပ်ဆိုထားတဲ့ ငြိမ်းချမ်းရေး သဘောတူ ညီချက်ကို ချိုးဖောက်တာကြောင့်ဖြစ်ကြောင်းနဲ့ အိန္ဒိယနိုင်ငံက လက်နက်ကိုင်အဖွဲ့တွေ လက်ခံပြီး သင်တန်းပေးတဲ့အတွက် ဖြစ်ကြောင်း ရှင်းလင်းပါတယ်။ ဒီလို ရှင်းလင်းရာမှာ ဖမ်းဆီးရမိတဲ့ လူနဲ့ လက်နက်ခဲယမ်းစာရှင်းတွေကိုလည်း ထည့်သွင်းပြောဆိုပါတယ်။

ရခိုင်ပြည်နယ်အတွင်း AA ရက္ခိုင်တပ်မတော်နဲ့ လက်ရှိတိုက်ပွဲဖြစ်ပွားနေတဲ့ စစ်ရေး အခြေအနေတွေကို ဆက်လက်ရှင်းလင်းရာမှာတော့ AA တပ်ဖွဲ့တွေကို ရခိုင်ပြည်နယ်မှာ အမာခံနယ်မြေတည်ဆောက်တာကို တပ်မတော်အနေနဲ့ လက်ခံမှာမဟုတ်ကြောင်း ဗိုလ်ချုပ် စိုးနိုင်ဦးက ပြောဆိုပါတယ်။

“AA အနေနဲ့ ရခိုင်ပြည်နယ်ထဲမှာ အခြေခံနယ်မြေ၊ အမာခံနယ်မြေ၊ စည်းရုံးရေးနယ်မြေ တည်ဆောက်နိုင်ဖို့ ကြိုးပမ်းလာတာကို တွေ့ရပါတယ်။ တပ်မတော် အနေနဲ့ ဒီလို လုပ်ရပ်တွေကိုတော့ ထိထိရောက်ရောက် တားဆီးဆောင်ရွက်သွားမှာဖြစ်ပါတယ်။ AA နဲ့ပတ်သက်လို့ ပြောရရင်တော့ AA ဟာ ကျနော်တို့ KIA ရဲ့ မွေးစားသား ပါ။ သူတို့ဟာ လိုင်ဇာကနေပြီးတော့ ရခိုင်မှာနေရာယူဖို့အတွက် ရခိုင်ကို ရွှေ့ဖို့ ကြိုးစားနေပါတယ်။ ရခိုင်မှာ ခြေကုပ်ရဖို့ ကြိုးစားနေပါတယ်။ အဲတော့ ကျနော်တို့ AA ကြောင့် ရခိုင်ရဲ့ တည်ငြိမ်အေးချမ်းရေးတွေကို ပျက်ပြားအောင် ကျနော်တို့ လက်ခံမှာ မဟုတ်ပါဘူး။”

AA တပ်ဖွဲ့အပေါ် စစ်ရေးအရ အရေးယူဆောင်ရွက်နေတဲ့အပေါ်မှာတော့ အခုလို ဆက်လက် ရှင်းလင်းသွားပါတယ်။

“AA ရဲ့ ဒီမိုကရေစီကို လက်နက်ကိုင်တောင်းဆိုတဲ့လုပ်ရပ်မျိုးကို ကျနော်တို့အနေနဲ့ ခွင့် ပြုမှာ မဟုတ်ပါဘူး။ အဓိက ပြောချင်တာကတော့ AA အနေနဲ့ ကျနော်တို့ သည်းမခံ တဲ့အချက် ၃ ချက် ကျူးလွန်ပါတယ်။ နံပါတ် ၁ အုပ်ချုပ်မှုယန္တရားကို နှောင့်ယှက်ပါတယ်။ နံပါတ် ၂ - ပြည်သူလူထုကို ဝန်ထုပ်ဝန်ပိုး ဖြစ်အောင် လုပ်တယ်။ ထိခိုက်နာကျင်အောင် လုပ်တယ်။ နံပါတ် ၃ - လမ်းပန်းဆက်သွယ်ရေးကို နှောင့်ယှက်တာ ဆောင်ရွက်လာပါ တယ်။ ဒီ ၃မျိုးလုံး လုပ်ဆောင်တဲ့အတွက် ကျနော်တို့ ရခိုင်ပြည်ရဲ့ တည်ငြိမ်အေးချမ်းရေး အတွက် တပ်မတော်အနေနဲ့ AA နဲ့ ပတ်သက်ပြီးတော့ ဆောင်ရွက်နေရခြင်း ဖြစ်ကြောင်း ကျနော့်အနေနဲ့ ရှင်းလင်းပြောကြားလိုပါတယ်။”

AA နဲ့ အခုလို တိုက်ပွဲတွေဖြစ်ပွားနေပေမဲ့ ငြိမ်းချမ်းရေးဆွေးနွေးဖို့ကိုလည်း လမ်းဖွင့် ထားကြောင်း ဒီနေ့ သတင်းစာရှင်းလင်းပွဲမှာ ပြောကြားခဲ့သလို တပ်မတော်က စစ်တိုင်း ဌာနချုပ်နယ်မြေ ၅ ခုမှာ အပစ်ရပ်ထားတဲ့ အခြေအနေပေါ် မူတည်ပြီး အပစ်ရပ်ကာလကို ထပ်မံတိုးမြှင့်ရေး စဉ်းစားဖို့ရှိကြောင်း လည်း တပ်မတော်သတင်းမှန်ပြန်ကြားရေး ကော် မတီ အဖွဲ့ဝင်တွေက ထည့်သွင်းပြောကြားပါတယ်။

လွှတ်တော်အတွင်း ဖွဲ့စည်းပုံပြင်ဆင်ရေးနဲ့ပတ်သက်လို့ နိုင်ငံတော်နဲ့ နိုင်ငံသားများရဲ့ အမျိုးသားအကျိုးစီးပွားအတွက် မှန်ကန်တဲ့အတိုင်း ဆောင်ရွက်သွားမှာဖြစ်ကြောင်း ရှင်းလင်းခဲ့ပါတယ်။

ကိုမိုးဇော်  / ဗွီအိုအေ (မြန်မာပိုင်း)
https://burmese.voanews.com

ဖွဲ့စည်းပုံအနှစ်သာရပျက်အောင် ပြင်ဆင်မည်ဆိုပါက တပ်မတော် အပြင်းအထန်ကန့်ကွက်မည်

ဗိုလ်မှူးချူပ်သိန်းစိုး
တည်ဆဲဖွဲ့စည်းပုံ အခြေခံဥပဒေရဲ့ အနှစ်သာရကိုပျက်ယွင်းသွားမယ်ဆိုရင် တပ်မတော် ဘက်က ပြင်းပြင်းထန်ထန် ကန့်ကွက်သွားမယ်လို့ ပြောပါတယ်။ တပ်မတော်တာဝန်အရ အခြေခံဥပဒေရဲ့အနှစ်သာရမပျက်အောင် ကာကွယ်ခြင်းဖြစ်ပြီး လက်ရှိ အငြင်းပွားနေတဲ့ ၂၀၀၈ ဖွဲ့စည်းပုံ အခြေခံဥပဒေပြင်ဆင်ရေး ပူးပေါင်းကော်မတီမှာလည်း ဒါနဲ့ပတ်သက်လို့ ထိပါးလာရင် ကန့်ကွက်မယ်လို့ ဆိုပါတယ်။ ဒီသတင်းကို ဗွီအိုအေ သတင်းထောက် မေခက ပေးပို့ထားပါတယ်။

ဒီကနေ့ ရန်ကုန်တိုင်း စစ်ဌာနချုပ်ရုံးက တပ်မတော် သတင်းစာရှင်းလင်းပွဲမှာ တပ်မတော် ဘက်ကအခုလို ပြောဆိုလိုက်တာပါ။ ဖွဲ့စည်းပုံ အခြေခံ ဥပဒေပြင်ဆင်ရေးနဲ့ ပတ်သက်ပြီး ပြောဆိုရာမှာတော့ တပ်မတော်အနေနဲ့ အခြေခံဥပဒေကို အခြေခံရမယ့် မူ ၄၈ ချက်ကို ထိန်းသိမ်းဖို့တာဝန်ရှိပြီး ကျန်တဲ့အချက်တွေကို ပြင်ဆင်မယ်ဆိုရင် ဥပဒေနဲ့အညီ ဆောင်ရွက်ပါက ထောက်ခံသွားမယ်လို့ တပ်မတော်သား လွှတ်တော်ကိုယ်စားလှယ် ဗိုလ်မှူးချူပ်သိန်းစိုးက ပြောပါတယ်။

တည်ဆဲဖွဲ့စည်းပုံပြင်ရေးနဲ့ပတ်သက်ပြီး တပ်မတော်ရပ်တည်မှုအပေါ် သူက -

“ဒီအဖွဲ့ထဲမှာ ကျနော်တို့ ပူးပေါင်းပါဝင်….ဒါပေမဲ့ ဖွဲ့စည်းပုံအခြေခံဥပဒေရဲ့ အနှစ်သာရ ပျက်ယွင်းသွားမယ့်ကိစ္စမျိုးနဲ့ နောက် ကျနော်တို့ ငြိမ်းချမ်းရေး ညီလာခံ ၂၁ ရာစုပင်လုံမှာ အတည်ပြုထားတဲ့ ဒီမိုကရေစီနဲ့ဖွဲ့စည်းဖို့ အခြေခံတဲ့ ပြည်ထောင်စုဖွဲ့စည်းဖို့ လမ်းကြောင်း ကနေ သွေဖြည်ထား…… ငြိမ်းချမ်းရေး လုပ်ငန်းစဉ်တွေကို ပျက်ပြားစေမယ့် ကိစ္စမျိုးတွေ ကို လက်ခံမှာ မဟုတ်ပါဘူး။ ဥပဒေနဲ့မညီတဲ့ကိစ္စတွေကိုလည်း ကန့်ကွက်ပါမယ်။ ဥပဒေနဲ့ အညီ ဆောင်ရွက်တဲ့ကိစ္စတွေကို ကျနော်တို့က ထောက်ခံပြီး ပူးပေါင်းဆောင်ရွက်ဖို့ အသင့် ပါပဲ။ ဒါ ကျနော်တို့ရဲ့ တာဝန်ဖြစ်ပါတယ်။”

ဒါ့အပြင် ၂၀၀၈ ဖွဲ့စည်းပုံပြင်ဆင်ရေးနဲ့ပတ်သက်လို့ တိုင်းဒေသကြီးနဲ့ ပြည်နယ်ဝန်ကြီး ချုပ်တွေကို နိုင်ငံတော်သမ္မတက တိုက်ရိုက် ခန့်အပ်ခွင့်ရှိတဲ့ ပုဒ်မ ၂၆၁ ကို ပြင်ဆင်ဖို့ကို ထောက်ခံမယ်လို့ ပြောပေမဲ့ လက်ရှိလုပ်နေတဲ့ ပြင်ဆင်ရေးမှာ ဘယ်အချက်တွေ ပြင်ဖို့ လုပ်မလဲဆိုတာကို မပြောပါဘူး။ လက်ရှိမှာ အငြင်းပွားနေတဲ့ ၂၀၀၈ ဖွဲ့စည်းပုံ အခြေခံ ဥပဒေပြင်ဆင်ရေး ပူးပေါင်းကော်မတီဖွဲ့တာအပြင် ဖွဲ့စည်းပုံပြင်ရေးတွေမှာ လက်ရှိ် အာဏာရ ပါတီဘက်က ဥပဒေကို ကျော်လွန်လုပ်ဆောင်တာတွေရှိတယ်လို့ တပ်မတော်ဘက်ကစွပ်စွဲထားပါတယ်။

နောက်ပိုင်းမှာ ဒီထပ်ပိုပြီး ဥပဒေကိုကျော်လွန်လုပ်ဆောင်တာတွေရှိလာရင် တပ်မတော်ရဲ့ သဘောထားနဲ့ပတ်သက်လို့ တပ်မတော် သတင်းမှန် ပြန်ကြားရေးအဖွဲ့က ဗိုလ်ချုပ် ထွန်းထွန်းညီက

“အခုနတုန်းက ဒါ့ထက်ကျော်လွန်ပြီးတော့မှ လုပ်မယ်ဆိုတာ ကျနော်တို့ ဒီလို လုပ်လိမ့် မယ်လို့ မထင်ပါဘူး။ ဘာဖြစ်လို့လဲဆိုတော့ ပြည်သူ့လွှတ်တော်တို့၊ အမျိုးသားလွှတ်တော် တို့ဆိုတာ legislator တွေ၊ ဥပဒေပြုတဲ့လူတွေပါ။ ဥပဒေကို ထိန်းသိမ်းစောင့်ရှောက် ရတဲ့ လူတွေပါ။ ဥပဒေနဲ့ပတ်သက်ပြီးတော့မှ ဥပဒေပြု အာဏာ သူတို့လက်ထဲမှာရှိပါတယ်။ အဲဒီလူတွေက ဥပဒေကို မျက်ကွယ်ပြုတာသော်လည်းကောင်း၊ ဥပဒေကို ကျော်လွန် လုပ်ဆောင်တာ သော်လည်းကောင်း လုပ်နေမယ်ဆိုရင် ပြည်သူ ဆုံးဖြတ်ပါလိမ့်မယ်။ ”

လက်ရှိတပ်မတော်ရဲ့နိုင်ငံရေးပါဝင်မှုဟာ ဆက်လက်ရှိနေဦးမယ်လိ်ု့ တပ်မတော်ဘက်က ဆိုလိုက်ပြီး လက်နက်ကိုင်အဖွဲ့အစည်းတွေ မရှိတဲ့အချိန်မှသာ တပ်မတော်ဟာ နိုင်ငံရေး ကနေ ထွက်ခွာသွားမှာဖြစ်ကြောင်း တပ်မတော် သတင်းမှန်ပြန်ကြားရေးက ပြောလိုက်ပါ တယ်ရှင်။

မေခ  / ဗွီအိုအေ (မြန်မာပိုင်း)
https://burmese.voanews.com

လက်နက်ကိုင်အဖွဲ့တွေမရှိမှ တပ်မတော်က နိုင်ငံရေးကနေ ထွက်သွားမည်

တပ်မတော် သတင်းမှန်ပြန်ကြားရေးအဖွဲ့က ဗိုလ်ချုပ် စိုးနိုင်ဦး ကို ၂၀၁၉၊ ဖေဖော်ဝါရီ ၂၃ ရက်နေ့က ကျင်းပတဲ့ တပ်မတော် သတင်းစာရှင်းလင်းပွဲမှာ တွေ့ရစဉ် ။ Photo: Htet Arkar/ RFA
လက်နက်ကိုင်အဖွဲ့အစည်းတွေ မရှိတဲ့ အချိန်မှသာ တပ်မတော်ဟာ နိုင်ငံရေးကနေ ထွက်ခွာသွားမှာဖြစ်ကြောင်း တပ်မတော် သတင်းမှန်ပြန်ကြားရေးက ပြောလိုက်ပါတယ်။

ရန်ကုန်တိုင်း စစ်ဌာနချုပ်ရုံးက တပ်မတော် သတင်းစာရှင်းလင်းပွဲမှာ တပ်မတော်ဟာ နိုင်ငံရေးကနေ ဘယ်အချိန်မှာ ထွက်သွားမလည်းဆိုပြီး မေးမြန်းရာမှာ တပ်မတော် သတင်းမှန်ပြန်ကြားရေးအဖွဲ့က ဗိုလ်ချုပ် စိုးနိုင်ဦးက ပြန်လည်ဖြေကြားလိုက်တာဖြစ်ပါတယ်။

ဖွဲ့စည်းပုံ အခြေခံ ဥပဒေပြင်ဆင်ရေးနဲ့ ပတ်သက်ပြီး ပြောဆိုရာမှာတော့ တပ်မတော်အနေနဲ့ အခြေခံ ဥပဒေကို အခြေခံရမယ့် မူ ၄၈ ချက်ကို ထိန်းသိမ်းဖို့တာဝန်ရှိပြီး ကျန်တဲ့အချက်တွေကို ပြင်ဆင်မယ်ဆိုရင် ဥပဒေနဲ့ အညီဆောင်ရွက်ပါက ထောက်ခံသွားမယ်လို့လည်း သတင်းစာရှင်းလင်းပွဲမှာ ပါဝင်တဲ့ တပ်မတော် ပြောရေးဆိုခွင့်ရှိသူတွေက ပြောပါတယ်။

ဒ့ါအပြင် ဒီမိုကရေစီစနစ်မှာ လက်နက်ကိုင်ပြီး တောင်းဆိုလို့မရဘဲ ဆွေးနွေးညှိနှိုင်းတဲ့နည်းလမ်းနဲ့သာ အဖြေရှာရမှာဖြစ်ပြီး AA အဖွဲ့ရဲ့ ဆောင်ရွက်ချက်ဟာ အကြမ်းဖက်သောင်းကျန်းသူတွေရဲ့ လုပ်ရပ်ဖြစ်တာကြောင့် တိုက်ခိုက် ချေမှုန်းသွားမှာဖြစ်တယ်လို့လည်း ဗိုလ်ချုပ် ထွန်းထွန်းညီက ပြောပါတယ်။

တပ်မတော် အနေနဲ့ AA အဖွဲ့ကို အမြစ်ပြတ်ချေမှုန်းဖို့ အချိန်ကြာမြင့်တာဟာ AA အဖွဲ့ဟာ တိုင်းရင်းသားအဖွဲ့ဖြစ်တာအပါအဝင် ဒေသခံတွေကြားမှာ ရောနှောဝင်ရောက်နေထိုင်နေတာ တွေကြောင့် ဖြစ်တယ်လို့လည်း ဗိုလ်ချုပ် ထွန်းထွန်းညီက ပြောပါတယ်။

တပ်မတော်က စစ်တိုင်း ၅ ခုမှာ ဧပြီလကုန်အထိ အပစ်ရပ်ထားတဲ့ ကာလအတွင်း တိုင်းရင်းသား လက်နက်ကိုင်အဖွဲ့တွေအနေနဲ့ ငြိမ်းချမ်းရေး အမြန်ဆုံးလာရောက်ဆွေးနွေးဖို့ တပ်မတော် သတင်းမှန်ပြန်ကြားရေးအဖွဲ့က ထပ်မံဖိတ်ခေါ်လိုက်ပါတယ်။

ဒီသတင်းကို RFA သတင်းထောက် ကိုအောင်သိင်္ခနဲ့ ကိုထက်အာကာတို့ ပေးပို့တာပါ။

RFA Burmese
https://www.rfa.org/burmese
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ