ဆီးရီးယားက အမေရိကန် စတင်ဆုတ်ခွာ

ဆီးရီးယားနိုင်ငံ Al Rmelan ဒေသကနေ ဆုတ်ခွာသွားတဲ့ သံချပ်ကာကားများ
ဆီးရီးယားနိုင်ငံအတွင်းရောက်ရှိနေတဲ့ အမေရိကန်တပ်ဖွဲ့ဝင်တွေ ပြန်ရုပ်သိမ်းမှုကို စတင်နေပါပြီ။ ဒါပေမယ့် စစ်သားတွေကို ပြန်ရုပ်သိမ်းသေးတာမဟုတ်ဘဲ စစ်သုံးပစ္စည်းကိရိယာတွေကိုပဲ စပြီးရုပ်သိမ်းမှာဖြစ်ပါတယ်။

IS စစ်သွေးကြွတွေကိုတိုက်ခိုက်ဖို့ ဆီးရီးယားနိုင်ငံကိုစေလွှတ်ထားတဲ့ အမေရိကန်တပ်ဖွဲ့ဝင်တွေက ၂ ထောင် လောက်ရှိတာပါ။ ကြာသပတေးနေ့ နှောင်းပိုင်းကစပြီး စစ်သုံးပစ္စည်းကိရိယာတွေကိုရုပ်သိမ်းနေတာဖြစ်ကြောင်း ပင်တဂွန်စစ်ဌာနချုပ်ရဲ့ကြေညာချက်မှာ ဖေါ်ပြထားပါတယ်။

လုံခြုံရေးဆိုင်ရာလုပ်ဆောင်မှုအတွက် စိုးရိမ်စရာမရှိကြောင်း၊ အချိန်ဇယားအတိအကျ၊ နေရာ ဒါမဟုတ် တပ်ဖွဲ့ဝင်တွေရဲ့လုပ်ရှားမှုတွေနဲ့ပတ်သက်ပြီး ဆွေးနွေးသွားမှာဟုတ်ဘူးလို့လည်း ဆိုပါတယ်။ အမေရိကန် တပ်ဖွဲ့ဝင်တွေ အခြေစိုက်ထားတဲ့ ဆီးရီးယားနိုင်ငံ Al Rmelan ဒေသကနေ သံချပ်ကာကား ဆယ်စီးနဲ့ တခြား ပစ္စည်းကိရိယာတွေ ထုတ်ယူသွားတာကို မြင်ခဲ့ရကြောင်းဗြိတိန်အခြေစိုက် ဆီးရီးယား လူ့အခွင့်အရေးအဖွဲ့က ပြောပါတယ်။ ဒီသံချပ်ကာကားနဲ့ပစ္စည်းတွေဟာ ဆီးရီးယားနဲ့ကပ်ရက် အီရတ်နိုင်ငံဘက်ကို ဦးတည်ထွက်ခွါ သွားခဲ့တာလို့ဆိုပါတယ်။

ဗွီအိုအေ (မြန်မာဌာန)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ