အမေရိကန်လွှတ်တော်သစ် ခေါ်ယူ

အမေရိကန်လွှတ်တော်သစ်
အမေရိကန်ပြည်ထောင်စုမှာ လွှတ်တော်သစ်တွေကို ဒီကနေ့ စတင်မှာဖြစ်ပါတယ်။ အိမ်ဖြူတော်၊ အထက်လွှတ်တော်နဲ့ အောက်လွှတ်တော်တွေမှာ Republican တွေ ၂ နှစ်ကြာ လွှမ်းမိုးခဲ့ပေမဲ့ အခုတော့ အောက်လွှတ်တော်မှာ Democrat တွေကအများစု လွှမ်းမိုးတော့မှာဖြစ်ပါတယ်။

နိုဝင်ဘာလက ကျင်းပခဲ့တဲ့ရွေးကောက်ပွဲတုန်းက အောက်လွှတ်တော်အမတ်နေရာ ၄၃၅ နေရာမှာ Democrat အမတ်တွေက ၂၃၅ နေရာ အနိုင်ရခဲ့ပါတယ်။ အထက်လွှတ်တော်မှာတော့ Republican အမတ် ၂ ယောက်ထပ်နိုင်ခဲ့တာမို့ Republican က ၅၃ ယောက် Democrat က ၄၇ ယောက်နဲ့ Republican တွေက အများစုနေရာဆက်ဖြစ်နေပါတယ်။

California ပြည်နယ် Democrat အမတ် Nancy Pelosi ကအောက်လွှတ်တော်ဥက္ကဋ္ဌအဖြစ် ရွေးချယ်ခံရမယ်လို့ မျှော်လင့်ရပါတယ်။ ဖြစ်လာခဲ့ရင် သူဟာ ပထမဆုံးအမျိုးသမီး အောက်လွှတ်တော်ဥက္ကဋ္ဌဖြစ်မှာပါ။

အခုတခေါက်လွှတ်တော်မှာ ထူးထူးခြားခြားအဖြစ် ပထမဆုံး Muslim အမျိုးသမီးအမတ် ၂ ယောက်၊ ပထမဆုံး အမေရိကန် ဌာနေတိုင်းရင်းသား အမျိုးသမီးအမတ် ၂ ယောက်၊ အသက်အငယ်ဆုံး အမျိုးသမီးအမတ် ၁ ယောက်တို့ ပါဝင်လာပါတယ်။ ဒါ့အပြင် လိင်ဝိသေသကွဲပြားသူ LGBTQ ၁၀ ယောက်လည်း လွှတ်တော်ကိုယ်စားလှယ်တွေဖြစ်လာပါတယ်။ အမျိုးသမီးကိုယ်စားလှယ်တွေကတော့ အောက်လွှတ်တော်မှာ ၁၀၂ ယောက် အထက်လွှတ်တော်မှာ ၂၅ ယောက်ဖြစ်ပါတယ်။ ဒီကနေ့ပြန်လည်စတင်မယ့် လွှတ်တော်အတွက် အရေးတကြီးဖြေရှင်းစရာ စိန်ခေါ်မှုကတော့ အစိုးရလုပ်ငန်းတချို့ ရပ်ဆိုင်းထားရတာကို ပြန်ဖွင့်နိုင်အောင် ယာယီအသုံးစရိတ်ကိစ္စ ညှိုနှိုင်းအတည်ပြုဖို့ဖြစ်ပါတယ်။

 ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ