အင်းတော်မြို့နယ်တွင် သေနတ်ဖြင့်ပစ်ခတ်မှု ဖြစ်ပွား လူတစ်ဦးသေဆုံး


အင်းတော်မြို့နယ် အောင်မေတ္တာရပ်ကွက်၊ ဝင်ဒါမီယာလမ်း၊ အိမ်အမှတ် မတ/ ၁၈၃ နေအိမ်မှာ ဒီကနေ့ 7.1.2019 ရက်နေ့ မနက်ပိုင်း အချိန် က သေနတ်သမားတစ်ဦးမှ နေအိမ်အတွင်းသို့ ဝင်ရောက် ပစ်ခတ်၍ ရွှေထည်ပစ္စည်းတွေ ယူဆောင်သွားမှု ဖြစ်ပွားခဲ့ပါတယ် ။

အခင်းဖြစ်ပွားခဲ့တဲ့အချိန်မှာ နေအိမ်အတွင်း သေဆုံးသွားခဲ့သူ ကိုဖိုးလုံး (ခ) စိုးနိုင်ဦး ရှိနေခဲ့တာဖြစ်ပြီး သေဆုံးသွားခဲ့သူရဲ့ ဇနှီးဖြစ်သူ မမြင့်ရီက အင်းတော်မြို့မဈေးကို အောင်ဘာလေထီရောင်းဖို့သွားနေခဲ့တယ် လို ရဲမှတ်တမ်းအရ သိရပါတယ် ။

အိမ်နီးချင်းမှ ဖုန်းဆက် အကြောင်းကြားတဲ့အတွက် အခင်းဖြစ်စဉ်ကို သိရှိခဲ့ပြီး နေအိမ်သို့ ပြန်လာကြည့်ရာ နေအိမ်အိပ်ခန်း ကြမ်းပြင်ပေါ်မှာ လည်မျိုထိုးသွင်း ဒါဏ်ရာ ၂ ချက်၊ ပြတ်ရှ ဒဏ်ရာ ၂ ချက်၊ ဝဲဘက် နုို့အုံအောက် ပေါက်ပြဲဒါဏ်ရာ ၁ ချက်၊ ဝဲဘက်ခါးအောက် ပေါက်ပြဲ ဒဏ်ရာ ၁ ချက်၊ ယာခါးစောင်း ပေါက်ပြဲ ဒါဏ်ရာ ၂ ချက် ဒါဏ်ရာများရရှိပြီး သေဆုံးနေတဲ့အတွက် အင်းတော် မြို့မရဲစခန်းကို သွားရောက် တိုင်တန်းခဲ့တယ် လို့ သိရပါတယ် ။

ကသာခရိုင်ရဲမှူး ယာယီဒုရဲမှုးကြီး စိန်ရွှင် ဦးဆောင်ပြီး တာဝန်ရှိသူများ က အခင်းဖြစ်နေရာကို သွားရောက် ကြည့်ရှုစစ်ဆေးကြရာ သေဆုံးသွားခဲ့သူ ဖိုးလုံး ဟာ နေအိမ်အိပ်ခန်း တမံတလင်းပေါ်မှာ ပက်လက်အနေအထားနဲ့ သေဆုံးနေခဲ့တာဖြစ်ပြီး လေ သေနတ်နဲ့ ပစ်ခတ်ခံရသည် ဟု ယူဆရတဲ့ အရှည် ၀.၇ လက္မ အချင်း ၀.၃ လက်မခန့် ခဲဗူး ၂ တောင့်နဲ့ လွင့်စင်ထွက်လာတဲ့ ကျည်ဖူး ၁ တောင့်တို့ကို တွေ့ရှိခဲ့တယ် သိရပါတယ် ။

ဒါ့အပြင် သေဆုံးသွားခဲ့သူ ဝတ်ဆင်ထားတဲ့ ၅ ကျပ်သားခန့် သံကြိုးဆက် ရွှေဆွဲကြိုး ၁ ကုံးနဲ့ ၃ မတ်သား ခန့် လက်စွပ် ၁ ကွင်း ခန့်မှန်းတန်ဘိုး ငွေကျပ် သိန်း ၆၀တန်ဘိုးခန့် ရွှေထည်ပစ္စည်းတွေ ပျောက်ဆုံးနေခဲ့တယ် လို့ သိရပါတယ် ။

အခင်းဖြစ်စဉ်နဲ့ ပါတ်သက်ပြီး သေဆုံးသွားခဲ့သူရဲ့ ဇနီးဖြစ်သူ မမြင့်ရီ ပြောပြချက်အရ မသင်္ကာ တရားခံမှာ နေအိမ်သို့ မကြာခဏ ဝင်ထွက်တည်းခိုဘူးသည့် အောင်အောင် အသက် ၅၀ နှစ်ခန့် မြစ်ကြီးနား (နေရပ်လိပ်စာ အတိကျစုံစမ်းဆဲ) ဖြစ်နိုင်ကြောင်း၊ လက်ရှိတွင် ၄င်း မသင်္ကာ တရားခံမှာ လွတ်မြောက်နေတဲ့အတွက် ရဲတပ်ဖွဲ့အနေနဲ့ လိုက်လံရှာဖွေ ပိတ်ဆို့ ဖမ်းဆီးမှုတွေ ပြုလုပ်နေတယ် လို့ သိရပါတယ် ။

(သီဟဆွေ - ကသာ)
https://www.facebook.com/thiha.s.katha

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ