 |
| ပိတ်မိနေသူတွေကို ရှာဖွေ ဆယ်ထုတ်နေတဲ့မြင်ကွင်း |
"အသက်ရှင်ရက် ၁ ယောက် ကယ်တင်နိုင်တယ်။ မန္တလေး ဆေးရုံကြီးကို ပို့ဆောင်လိုက်ပါပြီ။ သေဆုံးတဲ့သူ ၃ ယောက်ရဲ့ အလောင်းကိုလည်း ရှာတွေ့ ဆယ်တင်နေပါပြီ။ ၁ ယောက် ကျန်သေးတယ်လည်း ပြောနေတော့ ရှာဖွေနေကြဆဲပါ" လို့ ကယ်ဆယ်ရေးလုပ်ကိုင်နေတဲ့ မန္တလေး အခြေစိုက် Myanmar Rescue အဖွဲ့ဝင် ကိုစွမ်းပြည့်အောင်က ပြောပါတယ်။
ပြိုကျတဲ့ ကျောက်တွင်းဟာ စစ်ကိုင်းမြို့နဲ့ ၃ မိုင် အကွာမှာရှိတဲ့ တောင်ညိုရွာသစ် ရှင်သီဝလီတောရ တောင်ဘက်မှာ ရှိပြီး ကျောက်တောင်တွေကနေ လမ်းခင်းကျောက်အဖြစ် ဒေသခံတွေက တူးဖော်ထုတ် လုပ်ကြတာလို့ စစ်ကိုင်းမြို့ အရေးပေါ်ကယ်ဆယ်ရေးအဖွဲ့က ပြောပါတယ်။
 |
| ပိတ်မိနေသူတွေကို ရှာဖွေ ဆယ်ထုတ်နေတဲ့မြင်ကွင်း |
"လက်နဲ့ တူးထားတော့ အောက်မှာ ကလိုဏ်ပုံစံတွေ ဖြစ်နေတယ်။ အဲ ကလိုဏ်ကြီးတွေထဲ ထော်လာဂျီနဲ့ မောင်းဝင်ပြီး ကျောက်တင်နေတုန်း အပေါ်ကျောက်ပြားက ဝုန်းဆိုပြိုကျတာ လူတွေထွက်ပြေးချိန်တောင် မရဘူးလို့ အနားမှာ ကျောက်တူးနေတဲ့ သူတွေက ပြောတယ်။ အမျိုးသား ၃ ယောက်နဲ့ အမျိုးသမီး ၁ ယောက် ပါတယ် ကြားရတယ်" လို့ ကျောင်းတွင်းပြိုကျတဲ့ အခြေအနေကို ဦးစိုးမင်းဦးက ပြောပါတယ်။
ပိတ်မိနေသူတွေကို ခက်ခက်ခဲခဲ ဆယ်ထုတ်နေရပြီး ကယ်ဆယ်ရေး လုပ်ငန်းတွေကို စစ်ကိုင်း၊ မန္တလေး အခြေစိုက် လူမှုရေးအဖွဲ့၊ အစိုးရ ဌာနဆိုင်ရာ၊ မီးသတ် ကြက်ခြေနီ၊ ရဲတပ်ဖွဲ့နဲ့ စစ်တပ်ကပါ ကူညီ လုပ်ဆောင်နေတယ်လို့ ဆိုပါတယ်။
မနက် ၉ နာရီကျော် ကျောက်တွင်းပြိုကျချိန် ကတည်းက ကျောက်မြေစာ ပိနေပါတဲ့သူတွေကို ကယ်ဆယ်ထုတ်ရာမှာ နေ့လယ် ၂ နာရီ ကျော်မှာတော့ ကျောက်ပိသေဆုံးသူ ၃ ယောက်ရဲ့ အလောင်းတွေကို ဆယ်ထုတ်နိုင်ပြီ သေဆုံးသူတွေဟာ ကျောက်တွင်းပိ ပြင်းထန်ဒဏ်ရာတွေနဲ့ သေဆုံးရတာ ဖြစ်တယ်လို့ Myanmar Rescue အဖွဲ့က အတည်ပြု ပြောပါတယ်။
BBC Burmese
https://www.bbc.com/burmese
စစ်ကိုင်းမြို့ မှာ ကျောက်တွင်းပြိုလို့ လူ ၃ ယောက် သေဆုံး၊ ၁ ယောက် အသက်ရှင်လျက် ကယ်နိုင်
Reviewed by THITHTOOLWIN
on
17:28
Rating:
Reviewed by THITHTOOLWIN
on
17:28
Rating:
