အီတလီဆိုင်ရာ မြောက်ကိုရီယားသံအမတ် ခိုလှုံခွင့်ရဖို့ ကြိုးပမ်းနေ


အီတလီနိုင်ငံဆိုင်ရာ မြောက်ကိုရီးယား သံတမန်ဟာ ပုန်းအောင်းနေပြီး၊ အနောက်နိုင်ငံ တခုခုမှာ ခိုလှုံခွင့်ရဖို့ ကြိုးပမ်းနေကြောင်း တောင်ကိုရီးယား လွှတ်တော်အမတ် တယောက်က ပြောဆိုလိုက်ပါတယ်။

မြောက်ကိုရီးယား သံအမတ်ကြီး Jo Song Gil နဲ့ ဇနီးဖြစ်သူတို့ဟာ တစုံတရာ အကြောင်းကြားတာမရှိဘဲ နိုဝင်ဘာလကတည်းက ရောမမြို့က သံရုံးကနေ ထွက်သွားတဲ့အကြောင်း တောင်ကိုရီးယား အမျိုးသား ထောက်လှမ်းရေးဌာနက လွှတ်တော်ကိုယ်စားလှယ်တွေကို ပြောကြားခဲ့ကြောင်း တောင်ကိုရီးယား လွှတ်တော်အမတ် Kim Min-ki က ပြောဆိုလိုက်တာပါ။

မြောက်ကိုရီးယား သံတမန်ဟာ အနောက်နိုင်ငံ တနိုင်ငံမှာ ခိုလှုံခွင့်တောင်းခံထားပြီး၊ လတ်တလော အီတလီ အစိုးရရဲ့ အကာအကွယ်အောက်မှာ ရှိနေကြောင်းလည်း တောင်ကိုရီးယားသတင်းစာ JoongAng Ilbo ကဖော်ပြပါတယ်။ ပထ၀ီဝင် နိုင်ငံရေး အခင်းအကျင်းမှာ သြဇာအရှိန်အ၀ါ ကြီးမားသူ တဦးအဖြစ် ရပ်တည်နိုင်ဖို့ ကြိုးပမ်းနေတဲ့ မြောက်ကိုရီးယားခေါင်းဆောင် Kim Jong Un အတွက်တော့ မြောက်ကိုရီးယား သံတမန်ရဲ့ ဘက်ပြောင်းမှုကြောင့် အရှက်ရမယ့် အခြေအနေမှာ ရှိနေပါတယ်။

အသက် ၄၈ နှစ်အရွယ် မြောက်ကိုရီးယား သံတမန်ဟာ အီတလီနိုင်ငံဆိုင်ရာ သံအမတ်ကြီးအဖြစ် ၂၀၁၇ အောက်တိုဘာလကတည်းက တာဝန်ယူခဲ့တာပါ။ ကုလသမဂ္ဂရဲ့ ဆုံးဖြတ်ချက်တွေကို ချိုးဖောက်ပြီး မြောက်ကိုရီးယားက နျူကလီးယား စမ်းသပ်ခဲ့တဲ့အတွက် အီတလီနိုင်ငံက နှင်ထုတ်ခဲ့တဲ့ မြောက်ကိုရီးယား သံအမတ်ကြီး Mun Jong Nam နေရာမှာ အစားထိုး တာဝန်ယူခဲ့တာလည်း ဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ