စရဖ တပ်ကြပ် အသတ်ခံရမှု လူငယ် ၄ ဦးကို တရားစွဲတင်

သေနတ်နဲ့ ပစ်ခတ်ခံရလို့ သေဆုံးခဲ့ရတဲ့ အမှတ်(၁) စစ်ဘက်ရေးရာ လုံခြုံရေးအကူတပ်ဖွဲ့က တပ်ကြပ် ဝင်းထိုက် ကို တွေ့ရစဉ် / Photo: Moe MIn
ရခိုင်ပြည်နယ် စစ်တွေမြို့မှာ စစ်ဘက်ဆိုင်ရာ လုံခြုံရေးတပ်ဖွဲ့က တပ်ကြပ် ဝင်းထိုက် (ခေါ်) ကိုဖိုးလုံး သေနတ်နဲ့ ပစ်ခတ်သတ်ဖြတ်ခံခဲ့ရတဲ့ကိစ္စနဲ့ ပတ်သက်လို့ ဖမ်းဆီးစစ်ဆေးခံရပြီးနောက် ရဲအာမခံနဲ့ လွှတ်ပေးထားတဲ့ လူငယ် ၃ ဦးအပါအ၀င် ၄ ဦးကို လူသတ်မှု ပုဒ်မ ၃၀၂/၃၄ နဲ့ တရားစွဲတင်ပြီး စစ်တွေအကျဉ်းထောင်ကို ဒီနေ့ ပို့ဆောင်လိုက်တယ်လို့ သိရပါတယ်။

ရဲအာမခံနဲ့ လွှတ်ပေးထားတဲ့ လူငယ် ၃ ဦးကို မနေ့ညနေက စစ်တွေမြို့မ ရဲစခန်းက ပြန်လည်ဖမ်းဆီးလိုက်တာဖြစ်ပါတယ်။

အဲဒီလူငယ် ၃ ဦး အပါအ၀င် ရခိုင်ပြည်နယ်နေ့က ရန်ကုန်မြို့မှာ ထပ်မံဖမ်းဆီးလိုက်တဲ့ ရခိုင်လူငယ်တစ်ဦး၊ စုစုပေါင်း ၄ ဦးကို စစ်တွေအကျဉ်းထောင်ကို ပို့ဆောင်လိုက်တာပါ။

ရန်ကုန်မြို့မှာ ဖမ်းဆီးလိုက်တဲ့ ကိုရဲကျော်(ခ) ကိုနီအောင် ကို စစ်ဆေးတဲ့အခါမှာ ဥပဒေအကြံပေးက အဲဒီလူငယ် ၃ ဦးပါ ပါဝင်ပတ်သက်မှုရှိတယ်လို့ အကြံပေးတာကြောင့် အခုလိုပြန်လည် ဖမ်းဆီးတာဖြစ်တယ်လို့ ဒီလူငယ် ၃ ဦးရဲ့ ရှေ့နေ ဒေါ်အေးနုစိန် က ပြောပါတယ်။

တပ်ကြပ် ၀င်းထိုက်ဟာ စက်တင်ဘာလ ၂၅ရက်နေ့ညက စစ်တွေမြို့လယ်မှာရှိတဲ့ ဝင်္ကဘာကွင်းက ပွဲဈေးတန်းမှာ မိသားစုနဲ့ လည်ပတ်နေစဉ် သေနတ်နဲ့ ပစ်ခတ်လုပ်ကြံခံရတာဖြစ်ပါတယ်။

ဒီသတင်းကို RFA သတင်းထောက် ကိုမင်းသိန်းအောင် ပေးပို့တာပါ။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ