ကချင်ပြည်နယ်၊ ဗန်းမော်မြို့နယ်၌ ဆီဘောက်ဆာယာဉ် မီးလောင်ပေါက်ကွဲမှုကြောင့် အမျိုးသား ၃ ဦးသေဆုံး၍ ၂ ဦး ဒဏ်ရာရရှိ

ကချင်ပြည်နယ်၊ ဗန်းမော်မြို့နယ်၌ ဆီဘောက်ဆာယာဉ် မီးလောင်မှုအားငြှိမ်းသတ်နေစဉ် (ဓာတ်ပုံ-ပြည်ထဲရေးဝန်ကြီးဌာန)
 ရန်ကုန်၊ ဇန်နဝါရီ ၁၄ ရက် (ဆင်ဟွာ)

    ကချင်ပြည်နယ်၊ ဗန်းမော်မြို့နယ်၌ ဆီဘောက်ဆာယာဉ် မီးလောင်ပေါက်ကွဲမှုကြောင့် အမျိုးသား ၃ ဦးသေဆုံး၍ ၂ ဦး ဒဏ်ရာရရှိမှုဖြစ်ပွားခဲ့ကြောင်း ပြည်ထဲရေးဝန်ကြီးဌာနမှ ယနေ့သတင်းထုတ်ပြန်သည်။

ဖြစ်စဉ်မှာ ၂၀၁၉ခုနှစ်၊ ဇန်နဝါရီလ ၁၃ ရက်နေ့ ၀၉း၄၅ နာရီ  ဗန်းမော်မြို့နယ်၊ စင်းခန်းကျေးရွာအနီး ဘုန်းပင်ရပ်၊ ဧရာဝတီမြစ်ကမ်း၌ ဆိုက်ကပ်ထားသော ပုဂ္ဂလိကပိုင် အေးချမ်းခွန်အား(၃)သင်္ဘောပေါ်မှ DENKO ကုမ္ပဏီပိုင် ဒီဇယ်ဆီများအား ကမ်းပေါ်တွင်ရပ်ထားသော ယာဉ်မောင်း အောင်ထွန်းမြတ် (၄၅)နှစ်နှင့် ယာဉ်နောက်လိုက် သက်နောင်ဦး တို့၏ 8E/xxxx ၁၂ ဘီး ဂါလံ ၅၀၀၀ ဆံ့ ဆီဘောက်ဆာယာဉ်သို့ သန်းထိုက်အောင်(ခ) အောင်သန်းထိုက်(ခ)အာကာ (၂၃)နှစ်မှ ဆီထည့်စဉ် ဆီဂေါက်နှင့် ဆီထည့်သည့်အပေါက် ပွတ်တိုက်မိ၍ မီးလောင်ပေါက်ကွဲမှု ဖြစ်ပွားခဲ့ရာ ယာဉ် ၁ စီးနှင့် ဒီဇယ်ဆီ ၄၅၀ ဂါလံခန့် မီးလောင်ဆုံးရှုံးခဲ့ပြီး ၁၀း၁၀ နာရီတွင် မီးငြိမ်းသွားခဲ့ကြောင်း သိရသည်။

အဆိုပါမီးလောင်ပေါက်ကွဲမှုကြောင့် သန်းထိုက်အောင်(ခ) အောင်သန်းထိုက် နှင့်အမျိုးသား ၂ ဦးသည် အခင်းဖြစ်နေရာ၌ မီးလောင်ဒဏ်ရာများဖြင့် သေဆုံးခဲ့ကြောင်း၊ DENKO ကုမ္ပဏီဝန်ထမ်း ထွန်းထွန်းဝင်း(စိစစ်ဆဲ)နှင့် အမျိုးသား ၃ ဦးတွင် မီးလောင်ဒဏ်ရာများ(စိုးရိမ်ရ)ရရှိခဲ့ကြောင်း ၁၁း၃၀ နာရီတွင် သေဆုံး/ဒဏ်ရာ ရရှိသူများအား ဗန်းမော်ပြည်သူ့ဆေးရုံသို့ ပို့ဆောင်စဉ် ထွန်းထွန်းဝင်းမှာ လမ်း၌ ထပ်မံသေဆုံးသွားခဲ့ကြောင်း နှင့် သန်းထိုက်အောင်(ခ)အောင်သန်းထိုက်(ခ) အာကာ (သေဆုံး)အား စင်းခန်းနယ်မြေရဲစခန်း(ပ) ၅/၂၀၁၉၊ ရာဇသတ်ကြီးပုဒ်မ ၃၀၄-က/ ၃၃၈/ ၂၈၅ (ပေါ့လျော့မှုကြောင့် လူသေမှု/ ပြင်းထန်နာကျင်စေမှု/မီးပေါ့ဆမှု)ဖြင့် အမှုဖွင့်စစ်ဆေးလျက်ရှိကြောင်း သတင်းထုတ်ပြန်ချက်ထဲတွင်ပါရှိသည်။

(Xinhua)
http://www.xinhuamyanmar.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ