ထောင်နဲ့ချီတဲ့ဆန္ဒပြသူတွေကို မျက်ရည်ယိုဗုံးနဲ့ ပြင်သစ်ရဲတပ်ဖွဲ့ လူစုခွဲ

ပြင်သစ်သမ္မတ Marcron ကို နုတ်ထွက်ဖို့တောင်းဆိုဆန္ဒပြသူ အဝါရောင် ရောင်ပြန် အင်္ကျီဝတ် ဆန္ဒပြသူများနဲ့ ဟန့်တားဖို့ ကြိုးပမ်းနေသော ရဲတပ်ဖွဲ့ဝင်များ။ (၀၁-၀၅-၁၉)
ပြင်သစ်နိုင်ငံ ပဲရစ်မြို့လယ်ခေါင်မှာ ချီတက်လာတဲ့ ဆန္ဒပြသူတွေကြားထဲကို မျက်ရည်ယိုဗုံးတွေ၊ လူတွေ ထိတ်လန့်သွားအောင်လုပ်တဲ့ မီးရှူးမီးပန်းတွေနဲ့ ပြင်သစ်လုံခြုံရေးတပ်တွေက ပစ်ခဲ့ပါတယ်။

ထောင်ပေါင်းများစွာသော အ၀ါရောင် ရောင်ပြန် စွပ်ကျယ်ဝတ် ဆန္ဒပြသူတွေက ပြင်သစ်သမ္မတ Macron ကို ဖိအားပေးဖို့ ချီတက်လာကြတာပါ။ စိန်းမြစ်ရဲ့ ဘယ်ဘက်ကမ်းက လှေစားသောက်ဆိုင်တခု မီးလောင်ခဲ့ရ ပါတယ်။ Orsay ပြတိုက်ပေါ်မှာလည်း မီးခိုးတွေ မျက်ရည်ယိုဗုံးက အငွေ့တွေနဲ့ ပြည့်နေပါတယ်။ ကြိုပြီး ခွင့်တောင်းထားတဲ့ လမ်းကြောင်းကနေ ဆန္ဒပြသူတွေ ခွဲထွက်သွားတဲ့အချိန်မှာတော့ ဘယ်ကနေ ထွက်လာမှန်း မသိတဲ့ ပြင်သစ်ရဲတွေ ထွက်လာပြီး အခြေအနေကို ထိန်းသိမ်းခဲ့ရပါတယ်။

စိန်းမြစ်ထဲမှာ ပြင်သစ်ရဲလှေတွေ ပတ်တရောင်လှည့်ခဲ့ပြီး Boulevard Saint Germain လမ်းပေါ်မှာတော့ ဆန္ဒပြသူတွေက မော်တော်ဆိုင်ကယ်နဲ့ ကားတွေကို မီးရှို့ခဲ့ကြပါတယ်။ ရဲတပ်သားတွေ မီးသတ်သမားတွေ ရောက်လာကြပြီး လမ်းတွေကို ပိတ်ဆို့ခဲ့ပါတယ်။ တလမ်းလုံးမှာလည်း အ၀ါရောင် မီးတောက်တွေ တွေ့နိုင်ပါတယ်။

သီတင်းပတ် ၈ ပတ်ကြာ စနေနေ့တိုင်း အ၀ါရောင် ရောင်ပြန်စွပ်ကျယ်ဝတ် ဆန္ဒပြသူတွေ ချီတက်မယ့် အကြောင်း ကြိုတင်ကြေညာထားပြီး ခွင့်ပြုချက်ရထားပေမယ့်လည်း ဖျက်ဆီးမှု၊ လုယက်မှုနဲ့ အဓိကရုဏ်းတွေ ဖြစ်လာစေတဲ့ ဆန္ဒပြမှုတွေ ဒီဇင်ဘာလထဲမှာ ကျင်းပခဲ့ပါတယ်။ ပြင်သစ်သမ္မတ Macron က လူချမ်းသာတွေ အတွက်ပဲ သမ္မတ လုပ်နေတယ်လို့ စွပ်စွဲထားပြီး သူ ရာထူးက ဆင်းပေးဖို့ တောင်းဆိုနေကြတာလည်း ဖြစ်ပါတယ်။

တချိန်တည်းမှာပဲ ဟန်ဂေရီနိုင်ငံက အလုပ်သမားဥပဒေတွေကို ပြင်ဆင်ဖို့ ရည်ရွယ်ချက်နဲ့ တနိုင်ငံ လုံးမှာ ဆန္ဒပြပွဲတွေကို ဇန်န၀ါရီလ ၁၉ ရက်မှာ ကျင်းပဖို့ အလုပ်သမားခေါင်းဆောင်တွေက တိုက်တွန်းစည်းရုံး လိုက်ပါတယ်။ Budapest မြို့ လွှတ်တော်အပြင်ဘက်မှာ လူ ၁ သောင်းထက် မနည်း စနေနေ့က စုဝေးခဲ့ကြပြီး ဒီဇင်ဘာလတုန်းက အတည်ပြုလိုက်တဲ့ အလုပ်သမားတွေ အိုဗာတိုင် အချိန်ပို တနှစ်ကို နာရီ ၄၀၀ ထိ ပိုဆင်းနိုင်တယ်ဆိုတဲ့ “ကျွန်ဥပဒေ” လို့ ခေါ်နေတဲ့ ဥပဒေကို အတည်ပြုလိုက်တာကြောင့် ဆန္ဒပြနေကြတာ ဖြစ်ပါတယ်။

ဗွီအိုအေ (မြန်မာဌာန)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ