မေလးရွားဘုရင္ နန္းစြန္႔



Share/Bookmark
မေလးရွားဘုရင္ Sultan Muhammad (၅)
မေလးရွားဘုရင္ Sultan Muhammad (၅) က သူအေနနဲ႔ ထီးနန္းကို စြန္႔လိုက္ၿပီလို႔ တနဂၤေႏြေန႔တုန္းက ေၾကညာလုိက္ပါတယ္။ ဒါေပမဲ့ ဘာ့ေၾကာင့္ ဆိုတဲ့ အေၾကာင္းျပခ်က္ေတာ့ မေပးပါဘူး။

အသက္ ၄၉ ႏွစ္ရွိၿပီျဖစ္တဲ့ မေလးဘုရင္က တိုင္းသူျပည္သားေတြအေနနဲ႔ ဆက္ၿပီး ညီညြတ္ေရးကို ထိန္းသိမ္းၾကဖို႔၊ သည္းခံမႈေတြနဲ႔ အတူတကြပူးေပါင္း ေဆာင္ရြက္ၾကဖို႔ ဘုရင့္နန္းေတာ္က ထုတ္ျပန္တဲ့ ေၾကညာခ်က္မွာ တိုင္းျပည္ကို တိုက္တြန္းထားပါတယ္။ ၿပီးခဲ့တဲ့ ႏိုဝင္ဘာလဆန္းပိုင္းမွာ ေဆးကုသမႈ ခံယူဖို႔ အနားယူမယ္ဆိုၿပီး ေျပာခဲ့ခ်ိန္ ၊ ရုရွားႏိုင္ငံက အလွမယ္တဦးနဲ႔ ဘုရင္ႀကီး လက္ထပ္လိုက္ၿပီဆိုတဲ့ အတည္မျပဳႏိုင္တဲ့ ေကာလဟလေတြ ထြက္ေပၚ ခဲ့ခ်ိန္ကစလို႔ ဘုရင္ႀကီး အနားယူေတာ့ မလားဆိုတဲ့ ထင္ေၾကးေပးေျပာဆိုမႈေတြ ထြက္ေပၚလာခဲ့တာပါ။

မူဆလင္အမ်ားစုရွိတဲ့ မေလးရွားမွာ အဂၤလိပ္လက္ေအာက္ကေန လြတ္လပ္ေရးရခဲ့တဲ့ ၁၉၅၇ ခုႏွစ္ေနာက္ပိုင္း ဒီလို ထီးနန္းစြန္႔တဲ့လုပ္ရပ္ဟာ ပထမဆုံး အႀကိမ္လည္း ျဖစ္ပါတယ္။ မေလးရွားႏိုင္ငံမွာ ထီးနန္းအေမြ ဆက္ခံခြင့္ရွိတဲ့ ျပည္နယ္ ၉ခုက ေစာ္ဘြားေတြအေနနဲ႔ အလွည့္က်စီ စည္းမ်ည္းခံဘုရင္အျဖစ္ ထီးနန္းဆက္ခံခြင့္ရွိၿပီး ၅ ႏွစ္သက္တမ္း တာဝန္ယူရပါတယ္။ ဘုရင္ Sultan Muhammad(၅) ဟာ အေရွ႕ေျမာက္ဘက္ Kelantan ျပည္နယ္ကျဖစ္ျပီး အသက္အငယ္ဆုံး ဘုရင္လည္း ျဖစ္ပါတယ္။ ၂၀၁၆ ဒီဇင္ဘာကစလို႔ နန္းတက္ခဲ့တာပါ။

ဗြီအိုေအ (ျမန္မာပုိင္း)
https://burmese.voanews.com

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ