ေငြစကၠဴအတုကိုင္ေဆာင္မႈျဖင့္ ဖမ္းဆီးခံထားရေသာ ေနာ္ေသာသြဲ႔ထူးကို ဒိုက္ဦးတရားရံုးက အာမခံေပး၍ ျပန္လႊတ္



Share/Bookmark

ပဲခူး၊ ဇန္နဝါ ၃။

တစ္ေသာင္းတန္ေငြစကၠဴအတု ကိုင္ေဆာင္မႈနဲ ့ ဖမ္းဆီးခံထားရတဲ့ ေနာ္ေသာသြဲ႔ထူးကို ဒိုက္ဦးၿမိဳ႕နယ္တရားရံုးက ဇန္န၀ါရီလ ၃ ရက္ေန ့နံနက္ပိုင္းမွာ အာမခံေပးျပီး ျပန္လႊတ္ေပးခဲ့ေၾကာင္း သတင္းရရွိပါသည္။

အမႈရင္ဆိုင္ေနရေသာ ေနာ္ေသာသြဲ႔ထူးသည္ ၂၀၁၈ ခုႏွစ္ ဒီဇင္ဘာ ၂ ရက္တြင္ စင္ကာပူမွ ျပန္ေရာက္ၿပီးေနာက္ ဒိုက္ဦးၿမိဳ႕ေပၚရွိ သစ္ဆန္းထြန္းကုန္စံုဆိုင္၌ ဆန္သံုးအိတ္၊ ဖြဲႏွစ္အိတ္ ဝယ္ယူခဲ့ၿပီး ဒီဇင္ဘာ ၄ ရက္၌ Hello ဖုန္းဆိုင္သို႔ ေရာက္ေသာအခါ ေပးေခ်မည့္ေငြမွာ အတုျဖစ္ေနေၾကာင္း ဖုန္းဆိုင္က ေျပာျပသျဖင့္ ေက်း႐ြာလူႀကီးမ်ားထံ အကူအညီ ေတာင္းခံခဲ့သည္။


ထို႔ေနာက္ ဒီဇင္ဘာ ၆ နံနက္ပိုင္းတြင္ ဘဏ္သို႔သြားၾကစဥ္ ဆန္ေရာင္းခဲ့ဖူးသည့္ သစ္ဆန္းထြန္းကုန္စံုဆိုင္က ေနာ္ေသာသြဲ႔ထူးတို႔သားအမိကို ေခတၱေခၚထားၿပီး ၿမိဳ႕နယ္အုပ္ခ်ဳပ္ေရးမွဴး႐ံုးသို႔ အေၾကာင္းၾကားခဲ့ရာ ေနာ္ေသာသြဲ႔ထူးနွင့္ ၎၏မိခင္ကို ႐ံုးသို႔ေခၚယူ၍ ေငြစကၠဴမ်ားျဖန္႔ၿပီး ဓာတ္ပံုမွတ္တမ္းမ်ားရိုက္ယူၿပီး ဖမ္းဆီးခဲ့ျခင္းျဖစ္ေၾကာင္း ေနာ္ေသာသြဲ႔ထူး၏မိခင္က ေျပာသည္။

အထက္ပါျဖစ္စဥ္ေၾကာင့္ ေနာ္ေသာသြဲ႔ထူးကို ဒိုက္ဦးၿမိဳ႕မရဲစခန္းက တစ္ေသာင္းတန္ေငြစကၠဴတု ၁၅၄ ရြက္လက္ဝယ္ကိုင္ေဆာင္မႈျဖင့္ (ပ)၁၄၂၀/၂၀၁၈၊ ဗဟိုဘဏ္ဥပေဒပုဒ္မ ၁၀၅/၁၀၆ တို႔အရ အမႈေရးဖြင့္ကာ ဖမ္းဆီးခဲ့သည္။

ယေန႔ရံုးခ်ိန္သို႔ ပဲခူးတိုင္းေဒသႀကီးအစိုးရအဖြဲ႔ ကရင္တိုင္းရင္းသားေရးရာဝန္ႀကီး ေနာ္ပြယ္ေစးကလည္း သြားေရာက္ေတြ႔ဆံုအားေပးခဲ့ၿပီး ဝန္ႀကီးေနာ္ပြယ္ေစးသည္ အခ်ဳပ္က်ေနစဥ္အတြင္း ၌လည္း သြားေရာက္ေတြ႔ဆံုခဲ့သည္။

သတင္းႏွင့္ဓာတ္ပုံ- သန္းဝင္းႏိုင္
BagoWeeklyJournal
https://www.facebook.com/bagoweeklyjournal1212/

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ