သရက်ပြင်ကျေးရွာအုပ်ချုပ်ရေးမှူးအပါအ၀င် ၁၅ ဦးကို တပ်မတော် ဖမ်းဆီး

အစိုးရတပ်မတော်သားတချို့ကို တွေ့ရစဉ် / Photo: RFA
ရခိုင်ပြည်နယ် ဘူးသီးတောင်မြို့နယ် သရက်ပြင်ကျေးရွာအုပ်ချုပ်ရေးမှူး အပါအဝင် လူ ၁၅ ဦးကို တပ်မတော်က မနေ့က ဖမ်းဆီးခေါ်ဆောင်သွားတယ်လို့ ဒေသခံတွေက ပြောပါတယ်။

ဖမ်းဆီးခေါ်ဆောင်သွားတဲ့ ၁၅ ဦးကို တပ်မတော်ရဲ့ ညွှန်ကြားချက်နဲ့ ဘူးသီးတောင်မြို့က အမှတ်(၃) နယ်ခြားစောင့်ရဲတပ်ဖွဲ့ခွဲမှာ ထိန်းသိမ်းထားပြီး ဘာအတွက်ဖမ်းဆီးခေါ်ဆောင်သွားတယ် ဆိုတာကို မသိရှိရသေးကြောင်း ဘူးသီးတောင်မြို့နယ် ပြည်နယ်လွှတ်တော် ကိုယ်စားလှယ် ဦးထွန်းအောင်သိန်းက ပြောပါတယ်။

ဘူးသီးတောင်မြို့နယ် သရက်ပြင် ကျေးရွာက အုပ်ချုပ်ရေးမှူး ဦးမောင်သန်းလိူင်နဲ့ မောင်ကျော်ဝင်း၊ ပြင်ချောင်းကျေးရွာက ၇ ဦး၊ ကျောက်တော်မြို့နယ် အပေါက်ဝကျေးရွာက ၂ ဦး၊ နေပူခံကျေးရွာက တစ်ဦးနဲ့ လမ်းသွားလမ်းလာ ၃ ဦး အပါအ၀င် ၁၅ ဦးကို ဖမ်းဆီးထားတာလို့ ဦးထွန်းအောင်သိန်းက ပြောပါတယ်။

ဖမ်းဆီးခေါ်ဆောင်သွားခံရသူတွေထဲက ပြင်ချောင်းရွာက လူငယ် ၇ ဦးဟာ ကြာညိုပြင် ဘုန်းကြီးကျောင်းမှာ ကယ်ဆယ်ရေးပစ္စည်းတွေ ကူညီချပေးနေစဉ် ဖမ်းဆီးခံရသလို၊ ကျောက်တော်မြို့နယ် အပေါက်ဝရွာသားနှစ်ဦးနဲ့ နေပူခံရွာသားတစ်ဦးဟာ နယ်မြေရဲစခန်းမှာ အကြောင်းကြားပြီး လှေနဲ့ စပါးအဝယ်လာစဉ်မှာ အဖမ်းခံရတာလို့ သိရပါတယ်။

အဲဒီ ၁၅ ဦးကို ဖမ်းဆီးထားတာနဲ့ပတ်သက်လို့ ကြာညိုပြင်ဆရာတော်နဲ့အတူ အမှတ်(၃)နယ်ခြားစောင့် ရဲတပ်ဖွဲ့ခွဲမှာ သွားရောက်မေးမြန်းတဲ့အခါ ဖမ်းခံထားရသူတွေနဲ့ တွေ့ခွင့်မပေးဘူးလို့ အမျိုးသားလွှတ်တော် ကိုယ်စားလှယ် ဦးမောင်ကျော်ဇံ က ပြောပါတယ်။

ရခိုင်ပြည်နယ်မှာ ရက္ခိုင့်တပ်မတော် AA နဲ့ အစိုးရတပ်တွေကြား တိုက်ပွဲတွေဖြစ်ပွားပြီး ဘူးသီးတောင် နဲ့ ရသေ့တောင်မြို့နယ်တွေမှာ တပ်မတော်က ဖမ်းဆီးခေါ်ဆောင်ထားတာ ၁၈ ဦးရှိပြီလို့ ဒေသခံတွေက ပြောကြပါတယ်။

ဒီသတင်းကို RFA သတင်းထောက် ကိုကျော်လွင်ဦး ပေးပို့တာပါ။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ