တိုက်ပွဲကြောင့်ထွက်ပြေးလာတဲ့ ပအိုဝ်းတိုင်းရင်းသားတွေကို "ဝ" ဒေသမှာ ခိုလှုံခွင့်ပေးထား

PNLO နဲ့ RCSS တို့ တိုက်ပွဲကြောင့် ထွက်ပြေးလာတဲ့ ပအိုဝ်းတိုင်းရင်းသားတွေကို ၂ဝ၁၈ ခုနှစ် ဇန်နဝါရီလ ၃ ရက်နေ့က တွေ့ရစဉ် ။ Photo: Nyi Rang
ရှမ်းပြည်တောင်ပိုင်း မိုင်းပန်မြို့နယ်မှာ PNLO ပအိုဝ်းအမျိုးသား လွတ်မြောက်ရေးအဖွဲ့ချုပ်နဲ့ RCSS ရှမ်းပြည် ပြန်လည်ထူထောင်ရေးကောင်စီ အကြားက တိုက်ပွဲတွေကြောင့် ထွက်ပြေးလာတဲ့ ပအိုဝ်းဒုက္ခသည် ၂၃၁ ယောက်ကို "ဝ" ပြည်နယ် တောင်ပိုင်းမှာ နေရာချထားပေးတယ်လို့ UWSA က ပြောလိုက်ပါတယ်။

အဲဒီထဲမှာ ၁၂ နှစ်အောက် ကလေး ၉၄ ဦးပါဝင်ပြီး ဒီဇင်ဘာလ ၂၄ ရက်နဲ့ ၂၅ ရက်နေ့တွေက တာဆွင်းညိ ကူးတို့ဆိပ်ကနေ သံလွင်မြစ်ကိုဖြတ်ပြီး ခိုလှုံဝင်ရောက်လာကြတာလို့ UWSA ပြင်ပဆက်ဆံရေးရုံးတာဝန်ခံ ဦးညီရမ်းရဲ့ Facebook စာမျက်နှာမှာ ဖော်ပြထားပါတယ်။

အဲဒီဒုက္ခသည်တွေကို "ဝ" ပြည်နယ်တောင်ပိုင်း ၁၇၁ စစ်ဒေသ ခိုက်လုံရွာမှာ နေရာချထားပေးပြီး နေမကောင်းဖြစ် သူတွေနဲ့ ဖျားနာသူတွေကို ဆေးဝါးကုသပေးပြီး အစားအသောက်တွေ ထောက်ပံ့ထားတယ်လို့လည်း ထုတ်ပြန်ချက် အရ သိရပါတယ်။

တချိန်တည်းမှာလည်း မိုင်းပန်မြို့နယ်အတွင်းက နောင်ချိုရွာ၊ မိုက်ပုတ်ရွာ၊ ပန်ပိရွာတွေက ဒေသခံတွေကို ရှမ်းပြည်ပြန်လည်ထူထောင်ရေးကောင်စီ RCSS အဖွဲ့က နေရပ်တွေကနေစွန့်ခွာဖို့ ဖိအားပေးခြိမ်းခြောက်နေကြောင်း အခုလို အတင်းအဓမ္မ နေရပ်စွန့်ခွာဖို့ ဖိအားပေးတာကိုလည်း PNLO က ပြင်းပြင်းထန်ထန် ကန့်ကွက်ရှုတ်ချကြောင်း PNLO အဖွဲ့က ဒီနေ့ရက်စွဲနဲ့ ကြေညာချက် ထုတ်ပြန်လိုက်ပါတယ်။

RCSS အဖွဲ့က ဗိုလ်မှူးကြီး စိုင်းဦးကတော့ ဒီစွပ်စွဲချက်နဲ့ ပတ်သက်ပြီး ရွာသားတွေကို နေရပ်စွန့်ခွာဖို့ ဖိအားပေးတာ မရှိကြောင်းနဲ့ ပန်မိကျေးရွာအနီးဝန်းကျင်မှာ PNLO အဖွဲ့က နေရာဝင်ယူထားတာကြောင့် ဒေသခံရွာသားတွေက မနေရဲတော့ဘဲ နေရပ်စွန့်ခွာထွက်ပြေးဖို့ ကြိုးစားတာတွေဖြစ်ကြောင်း RFA ကို ပြောပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ