ရခိုင် သရက်ပြင် ကျေးရွာ ဘက်မှာ တိုက်ပွဲ ဆက် ခမီ တိုင်းရင်းသား ၂၀၀ ကျော် ရွာလုံးကျွတ် ထွက်ပြေး

ရခိုင်ပြည်နယ် က စစ်ဘေးရှောင် မိသားစု
ရခိုင်ပြည်နယ် ဘူးသီးတောင်မြို့နယ် သရက်ပြင် ကျေးရွာ အုပ်စု အတွင်းမှာ အေအေ နဲ့ အစိုးရ တပ်တို့ အကြားမှာ တိုက်ပွဲ ဖြစ်ပွားခဲ့တဲ့ အတွက် ခမီတိုင်းရင်းသား ၂၀၀ ကျော် ထွက်ပြေးလာခဲ့ကြရပါတယ်။

တိုက်ပွဲဟာ ဘူးသီးတောင်မြို့နယ် သရက်ပြင် ကျေးရွာ အုပ်စု အလယ်ချောင်း ခမီရွာသစ် အနီး ဇန်နဝါရီလ ၁၃ ရက်နေ့ ဒီကနေ့ မနက် ၈ နာရီက စပြီး ဖြစ်ပွားခဲ့တဲ့ အတွက် ရွာသား ၂၀၀ ကျော်ဟာ အဝတ်တစ်ထည် ကိုယ်တစ်ခုနဲ့ သရက်ပြင်ကျေးရွာကို ထွက်ပြေးခဲ့ကြရကြောင်း ကျေးရွာ အုပ်ချုပ်ရေးမှူး ဦးသန်းလိူင်က ပြောပါတယ်။

လက်ရှိမှာ စစ်ပြေးရှောင်တွေဟာ သရက်ပြင် ဘုန်းကြီးကျောင်းမှာ အခြေချ နေထိုင် နေကြပြီး စုစုပေါင်း အမျိုးသား ၁၄၃ ဦး၊ အမျိုးသမီး ၁၂၀ ရောက်ရှိ နေတာပါ။

ရွာလုံးကျွတ် ထွက်ပြေး လာတဲ့ အတွက် တယောက်မှာ မကျန် ခဲ့ဘူးလို့လည်း သူက ပြောပါတယ်။ တိုက်ပွဲ ကြောင့် ထွက်ပြေးလာသူ ရွာသားတွေ ထိခိုက် ဒဏ်ရာ ရ တာမျိုး ရှိသား ဆိုတာကတော့ စစ်ဆေးမှုတွေ လုပ်နေဆဲ ဖြစ်တယ်လို့ သူက ဆိုပါတယ်။

ထွက်ပြေးလာသူတွေအထဲမှာ ကလေးငယ်တွေရော၊ မိန်းမတွေလည်း အများစု ပါဝင်တာကို တွေ့ရပြီး အထူးကြောက်လန့် နေပုံရတယ်လို့ သူက ပြောပါတယ်။

မနက် ၉ နာရီကျော်က တိုက်ပွဲ ဖြစ်ပွားနေစဉ်အတွင်း မှာ လက်နက်ကြီး လက်နက် ငယ် အသံတွေ ကြား ခဲ့ရကြောင်း ကျေးရွာ အုပ်ချုပ်ရေးမှူး ဖြစ်သူက ဘီဘီစီ ကို ပြောပါတယ်။
ဒုက္ခသည် စုစုပေါင်း ၅ ထောင်ကျော် ရှိနေပြီလို့ ကူညီ ကယ်ဆယ်ရေး အဖွဲ့တွေက ပြော
အခု လောလောဆယ်မှာတော့ ဒုက္ခသည်တွေကို ဘုန်းတော်ကြီးကျောင်းမှာ နေရာချ ပေးထားပြီး စားနပ်ရိက္ခာနဲ့ စောင်တွေ၊ ဖျာတွေ အရေးပေါ် လိုအပ်နေပါတယ်။

ရခိုင် မြောက်ပိုင်းမှာ တိုက်ပွဲတွေ ဖြစ်ပွားနေတာကြောင့် သွားရေး လာရေး ကိုလည်း ကန့်သတ် ထားပြီး ကူညီကယ်ဆယ်ရေး လုပ်ငန်း တွေဟာ အခက်အခဲ တွေ ကြုံတွေ့ နေရကြောင်း AGE အဖွဲ့က ဦးချစ်မြ က ပြောပါတယ်။

တိုက်ပွဲတွေ ရပ်တန့်ပြီး ငြိမ်းချမ်းစွာ အဖြေရှာ ကြဖို့ ကုလသမဂ္ဂ နဲ့ ဥရောပ သမဂ္ဂ တို့ ဘက် ကလည်း ကြေညာချက် ထုတ်ပြန်တောင်းဆို ထားပါတယ်။
ကမ္ဘာ့ ကြက်ခြေနီ အဖွဲ့နဲ့ ကမ္ဘာ့စားနပ်ရိက္ခာ အဖွဲ့ ၂ ဖွဲ့ပဲ ဒေသခံရွာတွေ အထိ သွားလာ ကူညီခွင့်ရ
မြန်မာ့ ငြိမ်းချမ်းရေး မှာ ပါဝင် နေတဲ့ အိမ်နီးချင်း တရုတ် အစိုးရ ရဲ့ အထူး ကိုယ်စားလှယ် ဆွန်ကော်ရှင်း ဟာလည်း လိုင်ဇာမှာ အေအေ အပါအဝင် တိုင်းရင်းသား လက်နက်ကိုင် အဖွဲ့တွေနဲ့ တွေ့ဆုံ ခဲ့ပြီး ရခိုင် ပြည်နယ် က တိုက်ပွဲ တွေကို ဘယ်လို ရပ်တန့်ကြမလဲ ဆိုတာ ကို ဆွေးနွေး ခဲ့ကြပါတယ်။

ရက္ခိုင့်တပ်မတော်လို့ နာမည်ယူထားတဲ့ အေအေ လက်နက်ကိုင် အဖွဲ့နဲ့ အစိုးရတပ်ကြား အခု လပိုင်းတွေ အတွင်း စစ်ရေး အရှိန်မြင့်လာပြီး ဘူးသီးတောင်၊ ကျောက်တော်၊ ပုဏ္ဏားကျွန်းနဲ့ ရသေ့တောင်မြို့နယ်တွေ ထဲမှာ အိုးအိမ်စွန့်ခွာ ထွက်ပြေး ခဲ့ကြရသူတွေ အယောက် လေးထောင် ကျော် ရှိနေပြီ ဖြစ်ပါတယ်။

BBC Burmese
https://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ