ရခိုင်အစိုးရအဖွဲ့စီးလာသည့် ယာဉ်တန်း မိုင်းဆွဲခံရ ၊ လူထိခိုက်မှုမရှိ


ဇန်နဝါရီ ၁၊ စစ်တွေ

ရခိုင်ပြည်နယ်အစိုးရအဖွဲ့က ပြည်နယ်ဝန်ကြီးချုပ် ဦးညီပုနှင့် အဖွဲ့များ စီးနင်းလာသည့် ယာဉ်တန်းသည် ယနေ့(ဇန်နဝါရီလ ၁ ရက်နေ့)၊ ညနေ ၄ နာရီ ၂၅ မိနစ်အချိန်ခန့်က မြောက်ဦးမြို့နယ်၊ မြောင်းဘွေကျေးရွာအနီးတွင် မိုင်းဆွဲခံရသည်ဟု ရခိုင်ပြည်နယ်အစိုးရအဖွဲ့ သတင်းထုတ်ပြန်ရေးကော်မတီ အတွင်းရေးမှူး ဦးမောင်မောင်က DMG ကို အတည်ပြု ပြောကြားသည်။


ယင်းသို့ မိုင်းဆွဲခံရမှုကြောင့် ဒုတိယခရိုင်အုပ်ချုပ်ရေးမှူး စီးနင်းလာသည့်ကားမှာ ထိခိုက်မှု အနည်းငယ် ရှိခဲ့သည်။ သို့သော်လည်း လူတစ်စုံတစ်ရာ ထိခိုက်ဒဏ်ရာရရှိမှု မရှိဟု ဦးမောင်မောင်က ဆက်လက် ဆိုသည်။

“ အဆွဲခံရတယ်ဆိုတာ ဟုတ်ပါတယ်။ ဒါပေမယ့် ထိခိုက်မှုတော့မရှိပါဘူး။ ဝန်ကြီးချုပ်ကားလည်း ဘာမှ မဖြစ်ပါဘူး။ ကျန်တဲ့ ယာဉ်တန်းတွေလည်း ဘာမှ မဖြစ်ပါဘူး။(ဝန်ကြီးချုပ်)က အမ်းက လာတာ ”ဟု ဦးမောင်မောင်က ပြောသည်။

ပြီးခဲ့သည့် နိုဝင်ဘာလအတွင်းကလည်း ရခိုင်ပြည်နယ် ဝန်ကြီးချုပ် ဦးညီပု စီးနှင်းလာသည့် ယာဉ်သည် မြောက်ဦးမြို့၊ ဆင်ချဆိပ် ရပ်ကွက်အရောက်တွင် ချောင်းထဲသို့ ထိုးကျသွားခဲ့သည်။

Photo – Aung Thein Hlaing’ Facebook
နေရောင်မင်း(စစ်တွေ) / DMG
Development Media Group
https://www.facebook.com/dmgnewsagency/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ