AA တိုက်ခိုက်ခံရသည့် နေရာတွေကို အတိုင်ပင်ခံရုံးဒုဝန်ကြီး တနင်္ဂနွေနေ့ သွားမည်

၎-၁-၂၀၁၉ ရက်နေ့တွင် AA သောင်းကျန်သူအဖွဲ့မှ ရဲကင်းစခန်း ၄ ခုအားအကြမ်းဖက်ဝင်ရောက်တိုက်ခိုက်ခဲ့သည့် မှတ်တမ်းဓာတ်ပုံ
ရခိုင်ပြည်နယ်၊ ဘူးသီးတောင်မြို့နယ်မှာရှိတဲ့ ရဲကင်းစခန်းလေးခုကို ရခိုင့်တပ်မတော် (AA) က ၀င်တိုက်ခဲ့တဲ့ ကိစ္စနဲ့ပတ်သက်ပြီး နိုင်ငံတော် အတိုင်ပင်ခံရုံးဝန်ကြီးဌာန၊ ဒုတိယ၀န်ကြီး ဦးခင်မောင်တင်နဲ့ အဖွဲ့ဟာ ဘူးသီးတောင်၊ မောင်တောကို ဒီကနေ့ ဇန်န၀ါရီ ၆ ရက်မှာ သွားရောက်မယ်လို့ ပြန်ကြားရေးဝန်ကြီးဌာနက သတင်းထုတ်ပြန်ပါတယ်။

အခင်းဖြစ်တဲ့နေရာတွေကို သွားရောက်စစ်ဆေးပြီး အကူအညီတွေပေးအပ်သွားမယ်လို့လည်း ထုတ်ပြန်ချက်မှာ ဖော်ပြထားပါတယ်။ အခြား အစိုးရတာဝန်ရှိသူတွေ၊ ရခိုင်ပြည်နယ်အစိုးရအဖွဲ့က ကိုယ်စားလှယ်တွေနဲ့ သတင်းထောက် ၁၅ ယောက်တို့လည်း ဒုဝန်ကြီးခရီးစဉ်မှာလိုက်ပါသွားကြမယ်လို့လည်း ဖော်ပြထားပါတယ်။

လွတ်လပ်ရေးနေ့ဖြစ်တဲ့ ဇန်န၀ါရီလ ၄ ရက်၊ မနက်စောစောမှာ AA အဖွဲ့က အင်အားအလုံးအရင်းနဲ့ မြန်မာကင်း စခန်းလေးခုကို တချိန်တည်းတပြိုင်တည်း ၀င်ရောက်တိုက်ခိုက်ခဲ့ကြတယ်လို့ဆိုပါတယ်။ ငမြင်း ဘော်၊ ကျောင်းတောင်၊ ဂုပ္ပိနဲ့ ကထီးလှ ရဲကင်းတွေကို AA အဖွဲ့ဝင်တွေ ၂၅၀ လောက်က သောကြာနေ့ မနက် ၆ နာရီ ကျော်မှာ တိုက်ခိုက်ခဲ့ကြောင်း၊ မြန်မာစစ်တပ်ကပြန်လည်တိုက်ခိုက်မှုတွေလုပ်ခဲ့တဲ့အထဲမှာ ရဟတ်ယာဉ် ၂ စီး နဲ့ လေကြောင်းကနေပြန်လည် တိုက်ခိုက်ခဲ့တယ်လို့ဆိုပါတယ်။

မနက် ၉ နာရီကျော်မှာတော့ AA အဖွဲ့တွေဆုတ်ခွါသွားခဲ့တယ်လို့လည်း ပြန်ကြားရေးဝန်ကြီးဌာနရဲ့ ကြေညာ ချက်မှာ ဖေါ်ပြထားပါတယ်။ အဲဒီတိုက်ခိုက်မှုကြောင့် ရဲတပ်ဖွဲ့ဝင် ၁၃ဦး၊ သေဆုံးပြီး ၉ ဦးဒဏ်ရာရခဲ့တယ်လို့ ပြန်ကြားရေးဝန်ကြီးဌာနက ဇန်န၀ါရီလ ၄ ရက်နေ့မှာ ကြေညာချက်ထုတ်ပြန်ထားပါတယ်။

ဗွီအိုအေ (မြန်မာဌာန)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ