ပြင်သစ်စွမ်းအင်ကုမ္ပဏီ အထက်ရဲရွာ ရေကာတာစီမံကိန်းမှ ရုပ်သိမ်း


ရှမ်းပြည်နယ်က အထက်ရဲရွာ ရေအားလျှပ်စစ်စီမံကိန်းမှာ ပါဝင်လုပ်ဆောင်နေတဲ့ နိုင်ငံခြားကုမ္ပဏီတွေထဲက ပြင်သစ်အခြေစိုက် ENGIE စွမ်းအင်ကုမ္ပဏီ နုတ်ထွက်တော့မယ်ဆိုတဲ့သတင်း ထွက်လာပါတယ်။ ဒီလို ကုမ္ပဏီတခု နုတ်ထွက်သွားပေမယ့်လည်း လူထု လျှပ်စစ်မီးလုံလောက်ရေးအတွက် အကောင်အထည်ဖော်နေတဲ့ စီမံကိန်းဖြစ်တာကြောင့် ဆက်လုပ်သွားမှာဖြစ်တယ်လို့ လျှပ်စစ်နဲ့ စွမ်းအင်ဝန်ကြီးဌာန အဆင့်မြင့်တာဝန်ရှိသူတဦးက ဗွီအိုအေကိုပြောပါတယ်။ ဒီအကြောင်း ဗွီအိုအေ မြန်မာပိုင်း သတင်းထောက် ကိုဇော်ထက်က ရန်ကုန်မြို့ကနေ သတင်းပေးပို့ထားပါတယ်။

အထက်ရဲရွာ ရေအားလျှပ်စစ်စီမံကိန်းမှာ ပါဝင်လုပ်ဆောင်နေတဲ့ နိုင်ငံခြားကုမ္ပဏီတွေထဲက Engie ကုမ္ပဏီလက်အောက်ခံ ကုမ္ပဏီခွဲတခုဖြစ်တဲ့ Lahmeyer International ကုမ္ပဏီရဲ့ ပါဝင်မှုကို ရပ်ဆိုင်းလိုက်ပြီလို့ ၂၀၁၉ ခုနှစ်၊ ဇန်နဝါရီလ ၂၁ ရက် နေ့စွဲနဲ့ ကုမ္ပဏီက အကြောင်းကြားလာတဲ့အကြောင်း ဗြိတိန်နိုင်ငံအခြေစိုက် လူ့အခွင့်အရေးလှုပ်ရှားမှုအဖွဲ့ဖြစ်တဲ့ Burma Campaign UK ရဲ့ ဇန်နဝါရီလ ၃၀ ရက်နေ့စွဲနဲ့ ထုတ်ပြန်ချက်တခုမှာ ဖော်ပြထားတာပါ။

ENGIE ကုမ္ပဏီက ကျင့်ဝတ်သိက္ခာပိုင်း လိုက်နာမှုဆိုင်ရာ ဒါရိုက်တာ Xavier Hubert က Burma Campaign UK ကိုပေးပို့တဲ့ အကြောင်းကြားစာထဲမှာ “ဒီစီမံကိန်းနဲ့ပတ်သက်ပြီး ကျနော်တို့ အကြောင်းကြားထားတာအရ ကျနော်တို့ရဲ့ ကုမ္ပဏီခွဲဖြစ်တဲ့ Lahmeyer International ကို ENGIE ကုမ္ပဏီက မဝယ်ယူခင် အချိန်အတော်ကြာကတည်းကိုက Lahmeyer နဲ့ Stuck SA ကုမ္ပဏီတို့ ပူးပေါင်း ဖွဲ့စည်းထားတာတခု ရှိခဲ့ပါတယ်။ ၂၀၁၉ ခုနှစ် ဇန်နဝါရီလ အစကတည်းက Stucky နဲ့ ကန်ထရိုက်ချုပ်ဆို ထားတာကို ရပ်ဆိုင်းလိုက်ပြီးဖြစ်ပါတယ်။ ဒါကြောင့် Lahmeyer International သော်လည်းကောင်း၊ ENGIE ကုမ္ပဏီအုပ်စုရဲ့ ကုမ္ပဏီခွဲတခုခုသော်လည်းကောင်း ဒီစီမံကိန်းမှာ ဆက်ပြီးပါဝင်ပတ်သက်မှု မရှိတော့ပါဘူး” လို့ ဖော်ပြထားပါတယ်။ ဒီလို အကြောင်းကြားတဲ့ထဲမှာ အထက်ရဲရွာ ရေအားလျှပ်စစ်စီမံကိန်းကို နာမည်နဲ့တကွ ထည့်သွင်းဖော်ပြထားတာတော့ မရှိပါဘူး။

Stuck SA ဆိုတာကတော့ စီမံကိန်းမှာပါဝင်လုပ်ဆောင်နေတဲ့ကုမ္ပဏီတွေထဲက ဆွစ်ဇာလန်အခြေစိုက် အင်ဂျင်နီယာကုမ္ပဏီတခု ပါ။

စီမံကိန်းက ၃၀ ရာခိုင်နှုန်းကျော် ပြီးစီးနေပြီဖြစ်ပြီး အခုလို Engie ကုမ္ပဏီဘက်က ပါဝင်မှု ရပ်ဆိုင်းလိုက်ပြီ ဖြစ်ပေမဲ့လည်း ဆက်ပြီး လုပ်ဆောင်သွားမယ့် သဘောထားမျိုး လျှပ်စစ်နဲ့စွမ်းအင်ဝန်ကြီးဌာန ဒုတိယ အမြဲတမ်းအတွင်းဝန် ဦးစိုးမြင့်က ဗွီအိုအေကို အခုလိုပြောပါတယ်။

“လက်ရှိ ကျနော်တို့ကတော့ ကျနော်တို့တိုးတက်သွားမယ့် demand ကိုအခြေခံပြီးတော့ ကျနော်တို့ကတော့ လက်ရှိ လျှပ်စစ် ဓာတ်အား ပြည်သူသုံးစွဲမှုရှိအောင် ကျနော်တို့အစီအမံဆွဲထားတယ်လေ။ အဲဒီထဲမှာ ကျနော်တို့ အထက်ရဲရွာ ပါပြီးသားဗျ။ သူတို့ တကယ်လို့ နုတ်ထွက်တယ်ဆိုလည်း သူတို့နဲ့ ကျနော်တို့ တိုက်ရိုက်ပြောတာမဟုတ်ဘူး၊ ကျနော်တို့က မြန်မာကုမ္ပဏီတွေနဲ့ပဲ ပြောထားတာလေ။ ကျနော်တို့နဲ့လုပ်နေတာ မြန်မာကုမ္ပဏီပဲရှိတယ်။ သူတို့နောက်က ဘယ်သူတွေ ဘယ်လို ရပ်တည်ထားတယ် ဆိုတာ ကျနော်တို့မသိဘူးဗျ။ ဘာဖြစ်လို့လဲဆိုတော့ ကျနော်တို့က အဲဒီမှာ ၃၄% လောက်ပြီးနေပြီးသားလေ။ လက်ရှိလိုအပ်ချက် ကို ဖြည့်ဆည်းပေးနိုင်အောင် စီစဉ်နေတုန်းလေ။ ပိုလာရင်တော့ ရောင်းမှာပေါ့ နောက်ပိုင်းသွားနေတဲ့အစီအမံတွေက အဲဒီလိုမျိုး။”

ပြင်သစ်စွမ်းအင်ကုမ္ပဏီ နုတ်ထွက်လိုက်ပြီဆိုတာနဲ့ ပတ်သက်လို့ အချက်အလက်တွေ တောင်းခံထားပြီး စောင့်ကြည့်နေတယ်လို့

ရှမ်းပြည်နယ်၊ သီပေါမြို့နယ်၊ ပြည်နယ်လွှတ်တော်ကိုယ်စားလှယ် နန်းစမ်းစမ်းအေးက ဗွီအိုအေကိုပြောပါတယ်။

“အဲဒီကုမ္ပဏီက နုတ်ထွက်မယ်လို့တော့ အကြောင်းကြားလာတယ် အခုလောလောဆယ်တော့ သတင်းအချက်အလက်တွေ ပြန်တောင်းထားတယ်၊ သူတို့ထုတ်ပြန်တဲ့အချက်အလက်တွေပေါ့နော်။ လက်ရှိတော့ စောင့်ကြည့်နေတုန်းပေါ့နော် အခြေအနေကို အခုတော့ ကုမ္ပဏီတစ်ခုက ရုပ်သိမ်းသွားပြီ ဆိုတော့ တခြားကုမ္ပဏီတွေရော ရုပ်သိမ်းနိုင်မလားပေါ့ တကယ်လို့ တခြားနိုင်ငံက ကုမ္ပဏီတွေရော ရုပ်သိမ်းမယ်ဆိုရင် ဖြစ်နိုင်ခြေ များတယ်ပေါ့နော်။ ရပ်တန့်မှုဖြစ်နိုင်ခြေများတယ်ပေါ့။ လောလောဆယ်တော့ ကျမတို့ကစောင့်ကြည့်နေတဲ့ အခြေအနေရှိတယ်။ သူတို့တုံ့ပြန်တဲ့ အခြေအနေပေါ်မူတည်ပြီး ကျမတို့ကလည်း လှုပ်ရှားဖို့ရှိပါ တယ်။”

ရှမ်းပြည်မြောက်ပိုင်း၊ ကျောက်မဲမြို့တောင်ဘက် မိုင် ၂၀ အကွာ နမ္မတူမြစ်ပေါ်မှာ ဆောက်လုပ်နေတဲ့ ဒီရေအားလျှပ်စစ်စီမံကိန်း ကို ဒေသခံတွေကရော၊ Burma Campaign လို လူ့အခွင့်အရေးအဖွဲ့တွေကပါ တောက်လျှောက် ကန့်ကွက်လာကြတာပါ။

ကန့်ကွက်ကြတဲ့ အဓိကအချက်တွေထဲမှာ ရေကာတာကို စစ်ရေးပဋိပက္ခဖြစ်နေတဲ့ဒေသမှာ ဆောက်လုပ်နေတာ၊ ဒေသခံတွေကို စနစ်တကျ ရွှေ့ပြောင်းပေးဖို့၊ မြေယာလျော်ကြေးပေးဖို့ အခုချိန်ထိ ညှိနှိုင်းမှုမရှိတာ၊ စီမံကိန်းပြီးလို့ ရေသိုလှောင်တဲ့အခါ တာလုံ မြို့အရှေ့နဲ့အနောက်က ကျေးရွာနှစ်ရွာ ရေနစ်မြုပ်မှာဖြစ်သလို စိုက်ဧက ၈၀၀ ကျော်၊ သစ်တောဧက ၈၀၀၀ ကျော်၊ လူဦးရေ ၈၀၀ ကျော် ထိခိုက်နိုင်ခြေရှိတာ စတဲ့အချက်တွေကို ထောက်ပြထားကြတာဖြစ်ပါတယ်။

မြန်မာနိုင်ငံက လူ့အခွင့်အရေးချိုးဖောက်မှုတွေနဲ့ ဆက်စပ်နေတယ်ဆိုပြီး ၂၀၁၈ ခုနှစ်၊ ဒီဇင်ဘာလ ၁၁ ရက်နေ့မှာ Burma Campaign UK အဖွဲ့က ပြည်တွင်းပြည်ပကုမ္ပဏီ ၄၉ ခုထဲမှာကို နာမည်ပျက်စာရင်း သွင်းလိုက်တဲ့ထဲမှာ ENGIE ကုမ္ပဏီလည်း ပါဝင်ပါတယ်။

ဒီရေကာတာစီမံကိန်းကို တောက်လျှောက်ကန့်ကွက်လာခဲ့တဲ့ ရှမ်းလူ့အခွင့်အရေးမဏ္ဍိုင်အဖွဲ့ SHRF ပြန်ကြားရေးတာဝန်ခံ စိုင်းရွက်လွင်က အချက်အလက်တွေ ဆက်စုဆောင်းပြီး လွှတ်တော်ကို တင်ပြသွားမှာဖြစ်တယ်လို့ ပြောပါတယ်။

“လောလောဆယ်ပေါ့ သူတို့ (ပြင်သစ်စွမ်းအင်ကုမ္ပဏီ) ထွက်တော့မယ်ဆိုတာလည်း သေချာသလောက်ပေါ့နော်။ ရွာသားတွေက ဘယ်လိုထိခိုက်တယ် ဘယ်လိုနစ်နာတယ်ဆိုတာ ကျနော်တို့က အချက်အလက် ဒေတာတွေစုစောင်းပြီးတော့ ကျနော်တို့က တင်ပြမှာပေါ့နော်။ လွှတ်တော်ထဲမှာ၊ လွှတ်တော် ကိုယ်စားလှယ်တွေနဲ့ ဆွေးနွေးပြီးတော့ ရင်ဆိုင်မှာဖြစ်ပါတယ်။ ဘယ်လိုဖြစ်ဖြစ်ပေါ့နော် နည်းအမျိုးမျိုးနဲ့ ကျနော်တို့က ရပ်တည်ပေးမှာ ဖြစ်ပါတယ်။”

ဒေသခံလူထုကန့်ကွက်တဲ့ကြားမှာပဲ စီမံကိန်းကိုအကောင်အထည်ဖော်ဖို့ ကျပ်ငွေ ၃ ဘီလီယံ သုံးစွဲမယ်ဆိုပြီး ၂၀၁၈ ခုနှစ်မှာ အစိုးရက အတည်ပြုခဲ့တာကြောင့် ပြီးခဲ့တဲ့ အောက်တိုဘာလ ၁၂ ရက်နေ့ကပဲ လွှတ်တော်ကိုယ်စားလှယ်တွေနဲ့ ဒေသခံတွေ သီပေါမြို့မှာ စုဝေးဆန္ဒပြပြီး ကန့်ကွက်ခဲ့ကြပါသေးတယ်။

မြစ်အောက်ပိုင်းမှာ မြစ်ငယ်မြစ် (ဒုဋ္ဌဝတီမြစ်) လို့ခေါ်ပြီး ရှမ်းပြည်တွင်းမှာတော့ နမ္မတူမြစ်လို့ခေါ်တဲ့ မြစ်ပေါ်မှာ တည်ဆောက်နေ တာဖြစ်တဲ့ အထက်ရဲရွာ ရေအားလျှပ်စစ် စီမံကိန်းကနေ လျှပ်စစ်ဓာတ်အား ၂၈၀ မဂ္ဂါဝတ် ထုတ်လုပ်နိုင်ဖို့ အစိုးရက ရည်ရွယ် ထားပါတယ်။ ဒါဟာ ရန်ကုန်နဲ့ မန္တလေးမြို့တွေကို လျှပ်စစ်ဓာတ်အား လုံလောက်အောင်ပေးနိုင်တဲ့ပမာဏ ရှိသလို လျှပ်စစ် ဓာတ်အား တစိတ်တပိုင်းကို ပြည်ပကိုရောင်းချဖို့ တာဝန်ရှိသူတွေက ရည်ရွယ်ထားတယ်လို့လည်း ပြည်တွင်းသတင်းမီဒီယာ တွေမှာ ဖော်ပြထားဖူးပါတယ်။ ENGIE ကုမ္ပဏီကို နာမည်ပျက်စာရင်း သွင်းထားတာ ပယ်ဖျက်လိုက်ပြီဖြစ်တဲ့အကြောင်း Burma Campaign UK ရဲ့ ထုတ်ပြန်ချက်မှာ ဖော်ပြထားပါတယ်။

ဇော်ထက်  / ဗွီအိုအေ (မြန်မာပိုင်း)
https://burmese.voanews.com

ပလက်ဝတိုက်ပွဲ ဒေသခံလူငယ်တွေ စိုးရိမ် ထွက်ပြေး

ရခိုင်ဒုက္ခသည်များ (International Committee of the Red Cross Myanmar)
တပ်မတော်နဲ့ AA အကြား ချင်းပြည်နယ်၊ ပလက်ဝမြို့နယ်မှာ နောက်ဆုံးဖြစ်ထားတဲ့ တိုက်ပွဲအတွင်း နှစ်ဘက် ထိခိုက်ကျဆုံး တယ်လို့ AA အဖွဲ့ကပြောပါတယ်။ တိုက်ပွဲဖြစ်တဲ့ဒေသတွေ၊ အနီးအနားတွေက လူငယ်တွေကို AA အဖွဲ့နဲ့ ဆက်စပ်တယ် ဆိုတဲ့သံသယနဲ့ တပ်မတော်က ဖမ်းဆီး ထိန်းသိမ်းတာတွေ ပိုများလာတာကြောင့် လူငယ်တွေ နေရပ်စွန့်ခွာ တိမ်းရှောင်နေရ တယ်လို့လည်း ဒေသခံတွေက ပြောပါတယ်။ ဒီအကြောင်း ဗွီအိုအေ ထိုင်းအခြေစိုက်သတင်းထောက် နိုင်ကွန်းအိန်က သတင်းပေးပို့ထားပါတယ်။

မြန်မာ့တပ်မတော်နဲ့ ရခိုင်တပ်မတော် AA တို့အကြားချင်းပြည်နယ်ပလက်ဝမြို့နယ်ဘက်မှာ မနေ့ကဗုဒ္ဓဟူးနေ့မှာ တိုက်ပွဲဖြစ်ပွါးခဲ့တယ်လို့ရခိုင့်တပ်မတော်ပြန်ကြားရေးတာဝန်ခံခိုင်သုခကဗွီအိုအေကိုပြောပါတယ်။

“ဇန္နာဝါရီ(၃၀)ရက်နေ့မှာတော့ ပလက်ဝမြို့နယ် ဒလက်ချောင်းအတွင်းမှာရှိတဲ့အဲဒီပကာဝရွာရဲ့တောင်ဖက် တကီလို လောက်အကွာမှာမနက်(၁၀)နာရီ(၅၀)ကစပြီးတော့မွန်းလွှဲပိုင်း(၂)နာရီ(၅၀)လောက်အထိပေါ့လေ။တောက်လျှောက် တိုက်ပွဲတွေပြင်းထန်ခဲ့တယ်ဗျ။ ရန်သူဖက်ကတော့(၅)ယောက်ထက်မနဲ ကျဆုံးပြီးတော့ သူတို့အများအပြားဒဏ်ရာ ရခဲ့တာရှိတယ်။ ကျွန်တော်တို့ရခိုင့်တပ်မတော်ဖက်ကတော့ တဦးကျဆုံးပြီးတဦးဒဏ်ရာရခဲ့တာရှိတယ်ဗျ။ ဒေသခံရွာ သားတွေထိခိုက်တာတော့မရှိဘူးဗျ။”

အဲဒီတိုက်ပွဲမှာ နှစ်ဖက်ထိခိုက်ကျဆုံးမှုရှိတယ်ဆိုပေမဲ့ သီးခြားအတည်မပြုနိုင်သေး သလို တပ်မတော်ဖက်ကလဲသတင်းထုတ်ပြန်တာမျိုးမတွေ့ရသေးပါဘူး။

တိုက်ပွဲဖြစ်ပွါးမှုနဲ့ပတ်သက်တဲ့ အခြေအနေကိုသိရဖို့ တပ်မတော်သတင်းမှန်ပြန်ကြားရေးအဖွဲ့ တွဲဘက် အတွင်း ရေးမှူးကိုအကြိမ်ကြိမ်ဆက်သွယ်ခဲ့ပေမဲ့ဆက်သွယ်လို့မရခဲ့သလို အနောက်ပိုင်းတိုင်းစစ်ဌာနချုပ်တပ်မတော် ပြောရေးဆိုခွင့်ရှိသူကို ဆက်သွယ်တာမှာလည်း ခရီးလွန်နေကြောင်းပြောဆိုခဲ့ပါတယ်။

ပြီးခဲ့တဲ့စနေနေ့က ပလက်ဝမြို့နယ် ရှင်းလက်ဝကျေးရွာအထက် ခုံရွာနဲ့ကောက်ကြီးဝရွာဘက်မှာ မြန်မာ့တပ်မတော်နဲ့ ရခိုင်တပ်မတော်AAတို့တိုက်ပွဲဖြစ်ပွါးခဲ့အပြီး တပ်မတော်ကနေ ရှင်းလက်ဝဒေသကရခိုင်လူငယ်တွေကို ဖမ်းဆီးစစ်ဆေးမှုတွေ တင်းကြပ်လာတာကြောင့် နေရပ်ကနေတိမ်းရှောင်နေရတယ်လို့ ပလက်ဝမြို့နယ်ဒေသခံ ခိုင်ကျော်နိုင်ကပြောပါတယ်။

“ကောက်ကြီးဝရွာနဲ့ ခုံရွာအကြားမှာ တိုက်ပွဲဖြစ်ခဲ့တဲ့နေရာမှာ အခုချင်းလက်ဝကျေးရွာက တပ်မတော်လူတွေက သံသယနဲ့ လူငယ်တွေကိုဖမ်းဆီးနေတဲ့အတွက် ရှင်းလက်ဝလူငယ်တွေကအခုထွက်ပြေးတိမ်းရှောင်နေရတယ်။ ရွာမှာလဲမနေရဲကြဘူး။ AAနဲ့ဆက်နွယ်နေတယ်ဆိုပြီးတော့ သူတို့က ဘာမှမေးမြန်းခြင်းမရှိဘဲနဲ့ ဖမ်းဆီးခေါ်ဆောင်သွား တဲ့အတွက် လူငယ်တွေကဒီလိုထွက်ပြေးတိမ်းရှောင်နေရတယ်။ အခုဒီပလက်ဝနဲ့ကျောက်တော်မြို့နယ်ဖက်တွေမှာဘဲ ဆင်းသွားတယ်။”

ဒီရက်ပိုင်းအတွင်း ရှင်းလက်ဝကျေးရွာေ ဒသခံတွေကို တပ်မတော်ကနေဖမ်းဆီးထားတာနဲ့ ပတ်သက်လို့လည်း ကောက်ကြီးဝ ရွာသားတဦးက ပြောပါတယ်။

“(၃)ယောက်ရှိနေပြီးအခု။ အကုန်လုံးဆွဲပြီးတင်ထားတာ(၃)ယောက်ရှိနေပြီး။ တယောက်မှတော့ပြန်မထွက်လာသေးဘူး။ အဲတာကြောင့်အခုကြောက်လို့ အခုကျောက်တော်ပိုင်းကို ခနလေးရှောင်နေလာရတာ။”

ဖမ်းဆီးခံရတဲ့လူငယ်တွေဟာ မိဘဆွေမျိုးသားချင်းတွေနဲ့တွေ့ဆုံခွင့်မရဘူးလို့လည်း သူကဆိုပါတယ်။

ရခိုင်ပြည်နယ်အတွင်း ဘူးသီးတောင် ရသေ့တောင်မြို့နယ်တွေဘက်မှာလဲ AA နဲ့ဆက်စပ်မှုရှိနေတယ်ဆိုပြီး ကျေးရွာအုပ်ချုပ် ရေးမှူးတွေ ရွာသားတွေကို တပ်မတော်ကနေ စစ်ဆေးဖမ်းဆီးပြီး မတရားအသင်း ဆက်သွယ်မှုပုဒ်မနဲ့ တရားစွဲဆိုတာတွေ ရှိနေပါတယ်။

ဒီအတောအတွင်းမှာပဲ ရခိုင်ပြည်နယ် ကျောက်တော် ပုဏ္ဏားကျွန်း ရသေ့တောင် ဘူးသီးတောင် မောင်တော မြောက်ဦး
မြေပုံမြို့နယ်တွေမှာရှိတဲ့ ကျေးရွာတွေမှာ AA အဖွဲ့တွေ ရောနှောဝင်ရောက်နေတာကြောင့် မသင်္ကာတဲ့ လူနေအိမ်တွေကို စစ်ဆေးသွားဖို့ ရခိုင်ပြည်နယ် အစိုးရအဖွဲ့ကနေ ဇန္န၀ါရီလ ၂၈ ရက်စွဲနဲ့ ညွှန်ကြားချက်ထုတ်ပြန်ထား ပါတယ်။

နိုင်ကွန်းအိန်  / ဗွီအိုအေ (မြန်မာပိုင်း)
https://burmese.voanews.com

 

ဖွဲ့စည်းပုံပြင်ဆင်ရေး ကေ်ာမတီကိစ္စ တပ်ကိုယ်စားလှယ်တွေ ဆွေးနွေးမှာမဟုတ်

တပ်မတော်သားကိုယ်စားလှယ် ဗိုလ်မှူးချုပ်မောင်မောင် ကို ၂၀၁၉ ဇန်နဝါရီ ၃၁ ရက်နေ့ကတွေ့ရစဉ်/ Photo: Win Ko Ko Latt/RFA
၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေး ပူးပေါင်းကေ်ာမတီဖွဲ့စည်းဖို့ NLD ပါတီက တင်သွင်းတဲ့ အရေးကြီးအဆိုကို တပ်မတော်သားကိုယ်စားလှယ်တွေ ၀င်ရောက်ဆွေးနွေးမှာ မဟုတ်တော့ဘူးလို့ တပ်မတော်သားကိုယ်စားလှယ်ခေါင်းဆောင် ဗိုလ်မှူးချုပ်မောင်မောင် က  RFA ကို ဒီနေ့ ပြောပါတယ်။

အဲဒီအဆိုနဲ့ ပတ်သတ်ပြီး ကန့်ကွက်ကြောင်းကိုလည်း ပြည်ထောင်စုလွှတ်တော်နာယက ဦးတီခွန်မြတ်ထံကို ပေးပို့ထားတယ်လို့လည်း ဗိုလ်မှူးချုပ်မောင်မောင်က ပြောပါတယ်။

အဲဒီအရေးကြီးအဆိုဟာ လုပ်ထုံးလုပ်ထုံးနည်းမညီသလို ဖွဲ့စည်းပုံပြင်ဆင်ရေး အခန်း ၁၂ ပါ ပြဌာန်းချက်တွေနဲ့ မညီဘူးဆိုပြီး တပ်မတော်သားတွေက ကန့်ကွက်ခဲ့တဲ့အပြင် မဲမပေးပဲ ဆန္ဒပြခဲ့ကြပါတယ်။

ဒါပေမဲ့ အဲဒီအဆိုနဲ့ ပတ်သက်လို့ နောက်ထပ်ဘာတွေ ဆက်လက်လုပ်ဆောင်မယ်ဆိုတာကတော့ မပြောနိုင်သေးဘူးလို့လည်းပြောပါတယ်။

အဲဒီအဆိုကို ဒီကနေ့ညနေ ၄ နာရီ နောက်ဆုံးထားစာရင်းပေးရမှာကို ကိုယ်စားလှယ် ၆၀ ကျော် စာရင်းပေးထားပေမယ့် တပ်မတော်သားကိုယ်စားလှယ်တွေ ပါဝင်ခြင်းမရှိတော့သလို ကြံ့ခိုင်ဖွံ့ဖြိုးရေးပါတီ ကိုယ်စားလှယ်အချို့ကတော့ ကန့်ကွက်ဆွေးနွေးကြမှာဖြစ်ပါတယ်။

ဒီသတင်းကို RFA သတင်းထောက် ကိုဝင်းကိုကိုလတ် ပေးပို့တာပါ။

RFA Burmese
https://www.rfa.org/burmese

ဖွဲ့စည်းပုံအခြေခံဥပဒေ ပြင်ဆင်ရမယ်လို့ တပ်ချုပ်လက်ခံ

ဗိုလ်ချုပ်မှူးကြီး မင်းအောင်လှိုင် တပ်မတော်(ကြည်း)(လေ)၊ အမြောက်နှင့် သံချပ်ကာ ပူးပေါင်းစစ်ဆင်ရေးလေ့ကျင့်ခန်းကို တက်ရောက်ခဲ့စဉ်/ Photo: http://cincds.gov.mm
တပ်မတော်ကာကွယ်ရေးဦးစီးချုပ် ဗိုလ်ချူပ်မှူးကြီး မင်းအောင်လှိုင်က ၂၀၀၈ ဖွဲ့စည်းပုံအခြေခံဥပဒေကို ပြင်သင့်ပြင်ထိုက်တဲ့အချိန်မှာပြင်ဖို့  အရင်အစိုးရ လက်ထက်ကတည်းက သဘောတူထားပြီးဖြစ်တယ်လို့ ဒီကနေ့ ပြောကြားလိုက်ပါတယ်။

ဗိုလ်ချုပ်မှူးကြီး မင်းအောင်လှိုင်က ၂၀၀၈ ဖွဲ့စည်းပုံအခြေခံဥပဒေကို ပြင်ဆင်ဖို့ အရင်အစိုးရလက်ထက်ကတည်းက သဘောတူထားပြီးဖြစ်ကြောင်း၊ အခြေခံဥပဒေ မပြင်ရဘူးလို့ တခါမှ မပြောခဲ့ကြောင်းနဲ့ စနစ်တကျပြင်ဖို့ပဲလိုကြောင်း ဒီနေ့ မန္တလေးတိုင်း မိတ္ထီလာမြို့နယ် မုံတိုင်ဒေသမှာ ပြုလုပ်တဲ့ တပ်မတော် ကြည်း၊ လေ၊ အမြောက်နဲ့ သံချပ်ကာ ပူးပေါင်းစစ်ဆင်ရေးအပြီးမှာ သတင်းမီဒီယာတွေကို ပြောခဲ့တာဖြစ်ပါတယ်။

ဇန်န၀ါရီလ ၂၉ ရက်နေ့က NLD ပါတီက အမျိုးသားလွှတ်တော်ကိုယ်စားလှယ် ဦးအောင်ကြည်ညွန့်က ၂၀၀၈ ဖွဲ့စည်းပုံအခြေခံ ဥပဒေပြင်ဆင်ရေးလုပ်ငန်းတွေကို ဆောလျင်စွာဆောင်ရွက်နိုင်ရေးအတွက် ကော်မတီတစ်ရပ် ဖွဲ့စည်းဖို့ ပြည်ထောင်စုလွှတ်တော်မှာ တင်သွင်းထားပြီး အဲ့ဒီတင်သွင်းထားတဲ့အဆိုကို ပြည်ထောင်စုလွှတ်တော်မှာ မနက်ဖြန်ဆွေးနွေးမှာဖြစ်ပါတယ်။

ဒီသတင်းကို RFA သတင်းထောက် ကိုထက်အာကာ ပေးပို့လိုက်တာပါ။

RFA Burmese
https://www.rfa.org/burmese
 

ရခိုင်မှာ ကျည်ဆံထိမှန်လို့ သေဆုံးခဲ့ရတဲ့ ကလေးငယ် အသုဘကို လူသောင်းနဲ့ချီ လိုက်ပါပို့ဆောင်ခဲ့

ရခိုင်မှာ ကျည်ဆံထိမှန်လို့ သေဆုံးခဲ့ရတဲ့ ကလေးငယ် အသုဘကို လူသောင်းနဲ့ချီ လိုက်ပါပို့ဆောင်ခဲ့
ရခိုင်ပြည်နယ် ရသေ့တောင်မြို့နယ်က ကျည်ဆံ ထိမှန်ပြီး သေဆုံးသွားခဲ့တဲ့မောင်နိုင်စိုး အသက် (၇) နှစ်ကို အသုဘကို သူ့ရဲ့ မွေးရပ်ရွာ သမီးလှရွာသစ်မှာ ဇန်နဝါရီ ၃၀ရက်နေ့က ပြုလုပ်ရာမှာ ရွာပေါင်း ၅၀ ကျော်က လူ သောင်းနဲ့ချီ လိုက်ပါပို့ဆောင်ခဲ့ကြပါတယ်။

' ' သူ့အနေနဲ့ သူခံစားနေရတာကို မပြောပြတတ်တော့ဘူးလို့'' သေဆုံးသူကလေးငယ်ရဲ့ဖခင်က ဘီဘီစီကိုပြောပါတယ်။

ဒေသခံ ပြည်သူတွေ ထောင်ပေါင်းများစွာဟာ တိုက်ပွဲတွေကြောင့် အခုလို ကလေးငယ်တွေ သေဆုံးမှုတွေ ရှိနေတဲ့ အတွက် တိုက်ပွဲတွေ ရပ်တန့်ရေးကိုလည်း အသုဘအခမ်းအနားမှာ တောင်းဆိုခဲ့ကြပါတယ်။

မောင်နိုင်စိုးဟာ ဒီလ ၂၆ ရက်နေ့က သူနေထိုင်ရာ သမီးလှရွာသစ် အနီးမှာ တိုက်ပွဲ ဖြစ်ပွားခဲ့စဉ် အတွင်း ဦးခေါင်းကို ကျည်ဆံထိမှန်ခဲ့တာဖြစ်ပါတယ်။

သူ့ကို စစ်တွေကနေ ရန်ကုန်ဆေးရုံကြီးထိ ပို့ဆောင်ခဲ့ပေမယ့် ကျောက်တော် အရောက်မှာ ကွယ်လွန်ခဲ့ တာ ဖြစ်ပါတယ်။

BBC Burmese
https://www.bbc.com/burmese

စစ်ကိုင်းတံတားဟောင်းပေါ်မှ ခုန်ချခဲ့သည့် သားအဖနှစ်ဦးအနက် ဖခင်ဖြစ်သူ၏ အလောင်းအား တွေ့ရှိ


စစ်ကိုင်း ၃၀ ဇန်နဝါရီ

ဇန်နဝါရီ ၂၇ ရက်နေ့ နံနက်ပိုင်းက စစ်ကိုင်း တံတားဟောင်းပေါ်မှ ဖခင်ဖြစ်သူနှင့် လေးနှစ်သမီးတို့ ခုန်ချမှုဖြစ်ပွားခဲ့ရာ ယနေ့နံနက် ၈ နာရီခွဲတွင် ဖခင်ဖြစ်သူ၏ အလောင်းအား ရှာဖွေတွေရှိခဲ့ပြီး သမီးဖြစ်သူကို ဆက်လက်ရှာဖွေလျှက်ရှိကြောင်း စစ်ကိုင်း (SERT) အရေးပေါ် ကယ်ဆယ်ရေးအဖွဲ့ထံမှ သိရသည်။

ဖခင်ဖြစ်သူမှာ ဦးစိုးမင်းသိန်းဖြစ်ပြီး သမီးမှာ မဖြူစင်သွယ် ဖြစ်ကြောင်းနှင့် သမီးဖြစ်သူအား မျက်လုံးကင်ဆာ ရောဂါခွဲစိတ်ရန် ဇန်နဝါရီ ၂၇ ရက် မနက်ပိုင်းက နေအိမ်မှထွက်ခွာသွားခဲ့ပြီး စစ်ကိုင်းတံတားဟောင်းပေါ်မှ ခုန်ချခဲ့ခြင်းဖြစ်ကြောင်း သိရသည်။

အသက် ၄ နှစ်သမီးငယ်မှာ မျက်လုံးကင်ဆာဝေဒနာရှင်တစ်ဦးဖြစ်ပြီး ရောဂါခွဲစိတ်ရန် တစ်ရက်အလိုတွင် ပျောက်ဆုံးနေကြောင်း မိသားစုဝင်များက ကြေညာခဲ့ခြင်း ဖြစ်သည်။ ယင်းနောက်ပိုင်းတွင် စစ်ကိုင်းအခြေစိုက် သတင်းမီဒီယာသမားများ၏ လူမှုကွန်ရက်ပေါ်၌ ဇန်နဝါရီ ၂၇ ရက်တွင် စစ်ကိုင်းတံတားဟောင်းပေါ်မှ သားအဖနှစ်ဦး ခုန်ချသွားကြောင်းရေးသား သတင်းများ ပေါ်ထွက် လာခဲ့သည်။

အရေးပေါ်ကယ်ဆယ်ရေးအဖွဲ့ စစ်ကိုင်း SERT အဖွဲ့မှ ကိုစိုးမင်းဦးက “ကျွန်တော်တို့ဒီနေ့ လှေ ၂ စီးနဲ့ လူ ၁၁ ယောက်ပေါ့၊ နောက်မှန်ဘီလူးနဲ့ ရေပြင်မှာ ရှာဖွေပါတယ်။ ရေငုပ်တာတော့ မဟုတ်တော့ဘူးခင်ဗျာ။ လှေနဲ့ပဲဧရာဝတီမြစ် စစ်ကိုင်းမြစ်ကြောင်းကို စုန်ဆန်ရှာနေပါတယ်။ ဒီနေ့ မနက်ကမှ အဖေဖြစ်သူကို ရှာဖွေတွေရှိခဲ့တာပါ။ သမီးဖြစ်သူကို ဆက်လက်ရှာဖွေနေပါတယ်” ဟု ပြောသည်။

အဆိုပါ သားအဖနှစ်ဦးသည် မန္တလေးမြို့ ကန်ပတ်လမ်း ဝါဆိုကျောင်းတိုက် အနီးတွင် နေထိုင်ကြပြီး သားအဖ နှစ်ဦးပျောက်ဆုံးမှုနှင့်ပတ်သက်၍ မန္တလေး အရမပူရ ရဲစခန်းတွင် သေမှုသေခင်း အမှုဖွင့်ထားကြောင်းသိရသည်။

ခိုင်ဇေယျ
Myanmar Digital News
https://www.facebook.com/MyanmarDigitalNews

အရည်အသွေး မမီလို့ ရပ်ထားခဲ့ရတဲ့ ညောင်တုန်းဆေးရုံကို အသစ်ပြန်ဆောက်ဖို့ တင်ပြမယ်လို့ တိုင်းအစိုးရပြော

 ဆောက်လုပ်ရေး လုပ်ငန်းတွေ ရပ်နားထားခဲ့ရတဲ့ ညောင်တုန်းဆေးရုံ
ဧရာဝတီတိုင်း ညောင်တုန်းမြို့က တိုးချဲ့ ၃ ထပ်ဆောင် ပြည်သူ့ဆေးရုံကြီး ဆောက်လုပ်ရေးလုပ်ငန်းခွင်ဟာ ၈ လကြာ ဆောက်လုပ်ရေးလုပ်ငန်းတွေ ရပ်နားထားခဲ့ရပြီးတဲ့နောက် အခုတော့ အဆောက်အဦ တစ်ခုလုံးကို ဖြိုချပြီး အသစ်ပြန်ဆောက်ဖို့ ဧရာဝတီတိုင်းဒေသကြီး အစိုးရကို ညောင်တုန်းမြို့ခံ အများစုက တောင်းဆိုနေကြတာ ဖြစ်ပါတယ်။

ညောင်တုန်းဆေးရုံ ဆောက်လုပ်ဖို့ကို ပြည်ထောင်စု အစိုးရအဖွဲ့က ငွေကျပ်သိန်း ၆ ထောင်ကျော် ဘတ်ဂျက် ချပေးခဲ့ပြီး ဆောက်လုပ်ခွင့် တင်ဒါကို တော်ဝင်အောင်မြေ ကုမ္ပဏီက ရခဲ့ပါတယ်။

ဆောက်လုပ်မှု ၅၀ % လောက် ပြီးသွားချိန်ကျမှ ဒီအဆောက်အဦဟာ တိုင်နေရာ မှားစိုက်တာ၊ အရွယ်အစား သေးတဲ့ သံချောင်းတွေ ထည့်သွင်းဆောက်လုပ်တာ၊ အဆောက်အဦ ခံနိုင်ရည်ဝန် မပြည့်မီတာတွေကို ဆောက်လုပ်ရေး လုပ်ငန်းခွင် အလုပ်သမားတွေက သတင်းစာ ရှင်းလင်းပွဲလုပ် ပြောကြားခဲ့ပြီးတဲ့နောက် တိုင်းအစိုးရအဖွဲ့က လာရောက် စစ်ဆေးခဲ့ပြီး ပြီးခဲ့တဲ့နှစ် မေလကတည်းက ဆောက်လုပ်ရေး လုပ်ငန်းခွင်ကို ရပ်ထားခဲ့ရပါတယ်။

ဒီနောက်တော့ ဆောက်လုပ်ဆဲ ၃ ထပ်ဆောင် ဆေးရုံ ကြံ့ခိုင်မှုနဲ့ ပတ်သက်လို့ တိုင်းဒေသကြီး အစိုးရရဲ့ စိစစ်ရေးကော်မတီနဲ့ ပြင်ပပညာရှင် အဖွဲ့တွေက စစ်ဆေးခဲ့ပါတယ်။

ပြင်ပ ပညာရှင်တွေနဲ့ ဖွဲ့စည်းထားတဲ့ စိစစ်ရေးအဖွဲ့ အမှုဆောင် ဒါရိုက်တာ ကိုလင်းလင်းက 'ဆေးရုံအဆောက်အဦမှာ ဆောက်လုပ်ရေးပိုင်းနဲ့ ဒီဇိုင်းပိုင်းဆိုင်ရာ ချို့ယွင်းချက် အချက် ၂၀ ထက်မနည်း တွေ့ရတယ်၊ မြေကြီး အရည်အသွေးကို စစ်တဲ့အခါမှာလည်း ဒီအဆောက်အဦရဲ့ ဖောင်ဒေးရှင်း ခံနိုင်ရည်က အရည်အသွေး လုံးဝ မပြည့်မီပါဘူး၊ ဆက်ဆောက်မယ်ဆိုရင် မြေကြီးထဲ ကျွံဝင်သွားလိမ့်မယ်' လို့ ပြောပါတယ်။
သတ်မှတ်အရည်အသွေး မပြည့်မီဘဲ ဆောက်လုပ်ထားတဲ့ ဆေးရုံအဆောက်အဦကို မြင်ရစဉ်
'ပွင့်ပွင့်လင်းလင်း ပြောရရင် ဒီကုမ္ပဏီက စဆောက်ကတည်းက အရည်အသွေး မမီတာ၊ သတ်မှတ် ဒီဇိုင်းအတိုင်း မဆောက်တဲ့ ကိစ္စတွေကို စစ်ဆေးခဲ့တာ ၂ ကြိမ်ရှိပါပြီ၊ ပထမအကြိမ် ဒုတိယအကြိမ် ပြင်ဆင်ဖို့ ကြိုးစားခဲ့တယ်၊ အလုပ် မဖြစ်ခဲ့ပါဘူး၊ ချို့ယွင်းချက်တွေ အများကြီးကိုပဲ တွေ့ခဲ့ရတယ်၊ ကုမ္ပဏီအနေနဲ့ တာဝန်ရှိပါတယ်၊ အစအဆုံး ပြန်ဆောက်ပေးရမှာပါ၊ တကယ်လို့ အဲ့လိုမလုပ်ဘူး ဆိုရင်တော့ စာချုပ်ထဲမှာ ပါတဲ့ စည်းမျဉ်းဥပဒေ အတိုင်း လုပ်ရမှာပါ' လို့ ဧရာဝတီတိုင်း လူမှုရေးဝန်ကြီး ဒေါက်တာလှမြတ်သွေးက ပြောပါတယ်။

ဇန်နဝါရီ ၂၅ ရက်နေ့ ပြည်သူ့လွှတ်တော် အစည်းအဝေးမှာတုန်းကလည်း ရပ်ထားတဲ့ ညောင်တုန်းဆေးရုံနဲ့ ပတ်သက်လို့ ကျန်းမာရေးနဲ့ အားကစား ဝန်ကြီး ဒေါက်တာမြင့်ထွေးက ဒီအဆောက်အဦဟာ အရည်အသွေး မမီလို့ ဖြိုဖျက်ရဖွယ်ရှိတယ်လို့ ပြောပါတယ်။

'လူနာတွေ တင်ပြီးမှ ဆေးရုံမှာ လူနာတွေသေတယ်ဆိုရင် ဘယ်လိုမှ ရှင်းမရတဲ့ကိစ္စ ဖြစ်သွားပါလိမ့်မယ်' လို့ ဝန်ကြီးဒေါက်တာမြင့်ထွေးက ပြောခဲ့ပါတယ်။
လုပ်ငန်းခွင် ရပ်နားထားရတဲ့ ဆေးရုံအဆောက်အဦ
ဧရာဝတီတိုင်း လူမှုရေးဝန်ကြီး ဒေါက်တာလှမြတ်သွေး ကတော့ 'ဆေးရုံနဲ့ ပတ်သက်လို့ တိုင်းဒေသကြီးရဲ့ သုံးသပ်ချက်ကို ပြည်ထောင်စုအစိုးရကို အမြန်ဆုံး တင်ပြသွားမယ်' လို့ ပြောပါတယ်။

ညောင်တုန်း မြို့ခံတွေကတော့ အရည်အသွေး မမီဘဲ ဆောက်လုပ်ခဲ့တဲ့ ဆေးရုံကို ဖြိုဖျက်ပြီး အသစ်ပြန်ဆောက်ဖို့ ထောက်ခံလက်မှတ်တွေ စုဆောင်းပြီး တိုင်းအစိုးရ နဲ့ ပြည်ထောင်စုကို တင်ပြသွားမယ်လို့ ဘီဘီစီကို ပြောပါတယ်။

BBC Burmese
https://www.bbc.com/burmese

အုန်းချောင်းရွာသားတွေ ထွက်ပြေး

ရသေ့တောင်မြို့ကို တွေ့ရစဉ် Photo: RFA
ရခိုင်ပြည်နယ်မြောက်ပိုင်း ရသေ့တောင်မြို့နယ် အုန်းချောင်းကျေးရွာက ဒေသခံရွာသားတွေကို အစိုးရတပ်မတော်က ဖမ်းဆီးစစ်ဆေးတာတွေ ရှိနေတာကြောင့် ရွာမှာရှိတဲ့ ရွာသားအားလုံးနီးပါး ထွက်ပြေးနေကြတယ်လို့ ဒေသခံတွေက ပြောပါတယ်။

မနေ့က ဖမ်းဆီးသွားတဲ့ ရွာသား ၃ဦးကိုတော့ ဒီနေ့မနက်ပိုင်းမှာ ပြန်လွှတ်ပေးလိုက်တယ်လို့လည်း သိရပါတယ်။

လက်ရှိတပ်မတော်ဟာ အုန်းချောင်းရွာအနီးမှာ ရှိနေဆဲဖြစ်တာကြောင့် ဒေသခံတွေဟာ ကြောက်လန့်နေကြပြီး ရွာပြင်ကို မထွက်ရဲကြဘူးလို့လည်း ပြောကြပါတယ်။

အဲဒီလိုကျေးရွာသားတွေကို ဖမ်းဆီးစစ်ဆေးတာတွေနဲ့ ပတ်သက်ပြီး အနောက်ပိုင်းတိုင်းစစ်ဌာနချုပ် တိုင်းဦးစီးမှူး ဗိုလ်မှူးကြီး ဝင်းဇော်ဦး နဲ့ တပ်မတော်သတင်းမှန်ပြန်ကြားရေးအဖွဲ့က ဗိုလ်မှူးချုပ် ဇော်မင်းထွန်းကို RFA က ဒီညနေပိုင်းမှာ အကြိမ်ကြိမ်ဆက်သွယ်မေးမြန်းပေမယ့် ဆက်သွယ်လို့မရပါဘူး။

အိမ်ခြေ ၁၈၀ ကျော်ရှိတဲ့ အုန်းချောင်းရွာမှာ မနေ့ကတိုက်ပွဲအတွင်း လက်နက်ကြီးကျည် ထိမှန်တာတွေကြောင့် လူနေအိမ်တချို့နဲ့ ဘုန်းတော်ကြီးကျောင်းက ဓမ္မာရုံလည်း ပျက်စီးသွားတယ်လို့ သိရပါတယ်။

ရခိုင်ပြည်နယ်မြောက်ပိုင်း ရသေ့တောင်မြို့နယ်က ကျေးရွာတွေမှာ ဇန်န၀ါရီလ ၂၆ရက်နေ့ကစပြီး ရခိုင့်တပ်မတော်AA နဲ့ အစိုးရတပ်မတော်ကြား တိုက်ပွဲတွေဆက်တိုက်ဆိုသလို ဖြစ်ပွားနေပါတယ်။

ဒီလိုတိုက်ပွဲတွေဖြစ်ပွားပြီးနောက် ကျေးရွာသားတွေကို တပ်မတော်က ဖမ်းဆီးစစ်ဆေးတာတွေရှိတယ်လို့ ပြောကြပါတယ်။

မနေ့က အုန်းချောင်းကျေးရွာအနီးမှာ တိုက်ပွဲတွေဖြစ်ပွားခဲ့ပြီးနောက် တပ်မတော်နဲ့ နယ်ခြားစောင့်တပ်တွေက နေအိမ်တွေထဲ ရှာဖွေစစ်ဆေးသလို ရွာသားတချို့ကိုလည်း စစ်ဆေးတာတွေ ပြုလုပ်ခဲ့ပါတယ်။

"ရွာသားတွေကတော့ ကြောက်တာပေါ့ အိမ်ခြေ ၁၈၀ ရှိတဲ့ရွာမှာ ယောက်ျားတွေ ဘယ်သူမှမရှိတော့ဘူး၊ ဖမ်းမှာကြောက်လို့ အကုန်လုံးထွက်ပြေးသွားကြတယ်၊ စစ်တပ်ကရှိသေးတော့ သူတို့ရွာပြန်မလာရဲကြဘူး"

အမည်မဖော်လိုတဲ့ ကျေးရွာသားတစ်ဦး ပြောသွားတာပါ။

ဒီလိုစစ်ဆေးမေးမြန်းတာတွေနဲ့ ပတ်သက်ပြီး RFA က တပ်မတော်သတင်းမှန်ပြန်ကြားရေးအဖွဲ့နဲ့ အနောက်ပိုင်း တိုင်းစစ်ဌာနချုပ်ကို ဆက်သွယ်မေးမြန်းပေမယ့် ဆက်သွယ်လို့မရခဲ့ပါဘူး။

သမီးလှကျေးရွာအနီးမှာ ဇန်န၀ါရီလ ၂၆ရက်နေ့က ဖြစ်ပွားခဲ့တဲ့တိုက်ပွဲတွေမှာတော့ ရွာထဲကိုလက်နက်ကြီးကျတာ၊ သေနတ်ကျည်တွေကျတာကြောင့် ကလေးတစ်ဦးအပါအဝင် ဒေသခံ ၃ဦး ထိမှန်ခဲ့ပါတယ်။

လက်နက်ကြီးကျည် ဦးခေါင်းကို ထိမှန်ခဲ့တဲ့ အသက် ၇နှစ်အရွယ် ကလေးဟာ မနေ့က သေဆုံးခဲ့ပါတယ်။

တပ်မတော်နဲ့ ရခိုင့်တပ်မတော် AA တို့ နှစ်ဘက်စလုံးကတော့ တိုက်ပွဲတွေဖြစ်ပွားတဲ့ကျေးရွာတွေမှာ အရပ်သားတွေကို အကာအကွယ်ယူ တိုက်ခိုက်တာတွေ ရှိတယ်လို့ တဖက်နဲ့ တဖက် စွပ်စွဲပြောဆို တာတွေရှိပါတယ်။

AA အဖွဲ့ဟာ လက်နက်ကိုင်တွေ လိုက်နာရမယ့် တိုက်ပွဲစည်းမျဉ်းစည်းကမ်းကို ချိုးဖောက်ကာ အရပ်သားတွေကို အသုံးချတိုက်ခိုက်နေတယ်လို့ တပ်မတော်သတင်းမှန်ပြန်ကြားရေးအဖွဲ့ ဗိုလ်မှူးချုပ် ဇော်မင်းထွန်း က ပြောပါတယ်။

"ရွာထဲကပစ်သွားတာ ရွာထဲမှာ AA ဝင်နေတာလည်းသေချာတယ်၊ AA ယောင်ဆောင်တယ်ဆိုတာလည်း သေချာတယ်၊ တပ်တွေအနေနဲ့ တိုက်ပွဲတွေတိုက်တဲ့အခါမှာ လိုက်နာရမယ့် အခြေခံစည်းမျဉ်းတွေရှိတယ်၊ ဘယ်သူဘဲဖြစ်ဖြစ် အရပ်သားပြည်သူကို အသုံးချတိုက်ခိုက်လို့မရဘူး၊ ရွာထဲကပစ်ခတ်တယ်ဆိုတော့ အရပ်သားကို အသုံးချတိုက်ခိုက်သွားတာပဲ ဝင်ရှင်းတဲ့အခါကျတော့ စွပ်စွဲချက်တွေ ထွက်လာတယ်၊ တမင်သက်သက် လုပ်ကြံဖန်တီးတဲ့သဘောဖြစ်နေတယ်"

သမီးလှကျေးရွာမှာဖြစ်တဲ့တိုက်ပွဲမှာ ရခိုင့်တပ်မတော် AA က ရွာသားယောင်ဆောင်ကာ ရွာထဲကနေ အဝေးထိန်းမိုင်းနဲ့ တိုက်ခိုက်ခဲ့တဲ့အထောက်အထားတွေ ရှိတယ်လို့ ဗိုလ်မှူးချုပ် ဇော်မင်းထွန်းက RFA ကို ဒီနေ့မနက်က ပြောခဲ့ပါတယ်။

ဒါနဲ့ပတ်သက်လို့ ရခိုင့်တပ်မတော် AA က ပြောရေးဆိုခွင့်ရှိသူ ခိုင်သုခကတော့ ငြင်းဆိုပါတယ်။

"အဲတာက ဗမာစစ်တပ်ဘက်ကနေပြီးတော့ သူတို့လုပ်တာတွေကို ဖုန်းကွယ်ဖို့ တမင်သက်သက် လုပ်ဇတ်ခင်းပြီး ပြောတာ ကျနော်တို့ပြည်သူလူထုကို ဘယ်တော့မှ ခုတုန်းလုပ်ပြီးတော့ ပြည်သူလူထုကို လူသားဒိုင်းကာ လုပ်ပြီးတော့ ဘယ်တော့မှ အဲလိုမျိုး သရဲဘောကြောင့်တဲ့အလုပ်မျိုးမလုပ်ဘူး ကျနော်တို့တိုက်ပွဲဖြစ်တာက ရွာနှစ်ရွာကြားမှာဖြစ်တာ ဗမာစစ်တပ်ဘက်ကနေပြီးတော့ သူတို့အကျအဆုံးများတဲ့အခါကျတော့ အရပ်သားတွေ ကို ဦးတည်လာတာ အဲတာကြောင့် ဘာမှမဆိုင်တဲ့ ရွာထဲကို ပစ်တာ"

သမီးလှကျေးရွာကို ဝင်ရောက်ရှာဖွေရာမှာ ရွှေငွေနဲ့ အဖိုးတန်ပစ္စည်းတွေကို တပ်မတော်က ယူဆောင်သွားတယ်ဆိုပြီး ရွာသားတွေကပြောဆိုတာတွေ၊ ဝေဖန်တာတွေကြောင့် မနေ့က အုန်းချောကျေးရွာက နေအိမ်တွေကို စစ်ဆေးရာမှာ တပ်မတော်က နယ်ခြားစောင့်တပ်နဲ့အတူ ရပ်မိရပ်ဖတွေကို သက်သေအဖြစ် ခေါ်ဆောင်စစ်ဆေးခဲ့တယ်လို့ ဒေသခံတွေက ပြောပါတယ်။

လတ်တလောတိုက်ပွဲဖြစ်နေတဲ့ အုန်းချောင်းရွာမှာတော့ တပ်မတော်က ခေါ်ယူစစ်ဆေးမေးမြန်းတာတွေ ရှိလို့ ရွာထဲက အမျိုးသားအားလုံးနီးပါး ထွက်ပြေးတိမ်းရှောင်နေကြတယ်လို့ သိရပါတယ်။

ဒီသတင်းကို  RFA သတင်းထောက် ကိုကျော်လွင်ဦး ပေးပို့တာပါ။

RFA Burmese
https://www.rfa.org/burmese

ဦးရွှေမန်းပါတီ အန်အယ်လ်ဒီ နဲ့ လက်တွဲမလား၊ တပ်မတော်ကရော ထောက်ခံမှာလား

ဦးရွှေမန်းပါတီ အန်အယ်လ်ဒီ နဲ့ လက်တွဲမလား၊ တပ်မတော်ကရော ထောက်ခံမှာလား
ပြည်သူ့လွှတ်တော် ဥက္ကဋ္ဌ ဟောင်း သူရ ဦးရွှေမန်းဟာ နိုင်ငံနဲ့ နိုင်ငံသားတွေ အတွက် လိုအပ် လာမယ် ထင်လို့ ပါတီသစ် ထောင်ဖို့ ဆုံးဖြတ်ခဲ့တာ ဖြစ်ကြောင်း အဖွဲ့ဝင် အဖြစ် ပါဝင်မယ့် လွှတ်တော် ကိုယ်စားလှယ်ဟောင်း ဦးဝင်းဦး က ပြောပါတယ်။

ပါတီ နာမည် နဲ့ ပတ်သက်လို့ ရွေးကောက်ပွဲ ကော်မရှင် ကို တင်ပြဖို့ နာမည် ၃ မျိုး ကနေ ၄ မျိုး အထိ ရွေးချယ် ထားတယ်လို့ ဆိုပါတယ်။

အဲဒီအထဲမှာ ပြည်ထောင်စု ပါတီ၊ ပြည်သူ့အရေး ပါတီ၊ အမျိုးသား အကျိုးစီးပွား အရေး ပါတီ၊ နိုင်ငံသား အရေး ပါတီ စသည်ဖြင့် ပါဝင်တယ်လို့ ဦးဝင်းဦး က ဘီဘီစီကို ပြောပါတယ်။

အဲဒီ နာမည်တွေ ထဲကမှ ကော်မရှင်ကနေ ကန့်ကွက်ရန် ရှိမရှိ ကြေညာ ပြီးမှ တခုကို ရွေးချယ် မယ်လို့ သိရပါတယ်။

ပါတီ ကို အဖွဲ့ဝင် ၁၉ ယောက်နဲ့ စတင်ဖွဲ့စည်းမှာ ဖြစ်ပြီးတော့ အဲဒီအထဲမှာ ပြည်ထောင်စု ကြံ့ခိုင်ရေး နဲ့ ဖွံ့ဖြိုးရေး ပါတီက လွှတ်တော် ကိုယ်စားလှယ် ဟောင်း ၄ဦး ပါဝင်ပါတယ်။ အဲဒီလူတွေ အပါအဝင် တပ်မတော် သား ဟောင်း ၇ ဦး ပါဝင် မှာပါ။

အရပ်ဘက်က လူပုဂ္ဂိုလ် ၁၂ ဦး ပါဝင်မှာ ဖြစ်ပြီး အဲဒီလူတွေ ထဲမှာ ကြံ့ခိုင်ရေး ပါတီဝင်ဟောင်း ၁၀ ဦး ပါဝင်ပါတယ်။ လောလောဆယ် အချိန်အထိ ဘယ်သူ ဘယ်ဝါတွေဖြစ်တယ် ဆိုတဲ့ အမည်စာရင်း ထွက်ပေါ်လာ တာတော့ မရှိသေးပါဘူး။
၂၀၁၅ ရွေးကောက်ပွဲ အတွက် ဖြူးမှာ မဲဆွယ်စည်းရုံးနေတဲ့ သူရ ဉီးရွှေမန်
ကြံ့ခိုင်ရေး ပါတီဝင်ဟောင်းတွေ ပါဝင်ပေမယ့် ကြံ့ခိုင်ရေး ပါတီရဲ့ မူဝါဒ တွေနဲ့ လုံးဝ မတူညီတဲ့ မူဝါဒတွေ ချမှတ် လုပ်ဆောင် သွားမှာ ဖြစ်တယ်လို့ ဦးဝင်းဦး က ဆိုပါတယ်။

ပြည်သူတွေ အတွက် လိုအပ်ချက်တွေ ဖြစ်တဲ့ စီးပွားရေး အခန်းကဏ္ဍ၊ အလုပ်သမား နဲ့ တောင်သူလယ်သမား အရေး အခန်း ကဏ္ဍ တွေမှာ အဓိက လုပ်ဆောင် သွားမှာ ဖြစ်တယ်လို့ ဦးဝင်းဦး က ပြောပါတယ်။

သူရ ဦးရွှေမန်း ပါတီသစ် ထူထောင်မယ့် ကိစ္စ နဲ့ ပတ်သက်လို့လည်း နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် နဲ့လည်း နေပြည်တော်မှာ တိုင်ပင်ပြီး လုပ်ဆောင် ခဲ့တယ်လို့ သိရပါတယ်။

ပြည်သူ့လွှတ်တော် ဥက္ကဋ္ဌဟောင်းလည်း ဖြစ်၊ တပ်မတော် ရဲ့ ထိပ်တန်း ခေါင်းဆောင် ဗိုလ်ချုပ်ကြီးဟောင်း သူရ ဦးရွှေမန်း အနေနဲ့ ပါတီ ထူထောင်ဖို့ လုပ်ဆောင် လာတာဟာ နိုင်ငံရေး အာဏာ အတွက် အလုပ်လုပ်ချင်တဲ့ အခြေခံ အကြောင်းတရားကြောင့် ဖြစ်တယ်လို့ ရန်ကုန် နိုင်ငံရေး သိပ္ပံ ကျောင်းအုပ်ကြီး ဦးမြတ်သူ က သုံးသပ်ပါတယ်။

''သူ့အနေနဲ့ ရှိပြီးသား ပါတီ တွေနဲ့ ပူးပေါင်းပြီး လုပ်ဆောင်လို့ မရတဲ့ အတွက် သီးခြား ပါတီ ထောင်လာတာပါ။ လက်ရှိ အာဏာရ NLD ပါတီ အပြင် ပြည်ခိုင်ဖြိုး ပါတီ ကလည်း လက်မခံနိုင်တော့တဲ့ အတွက် သီးခြား တစ်စင်ထောင် ဖို့ ဆုံးဖြတ် လိုက်ပုံ ရပါတယ်။ တပ်နဲ့ အလယ်အလတ် အမြင် ရှိတဲ့ တချို့လူတွေရဲ့ အားနဲ့ ပါတီ ထူထောင်လိုက်တယ်လို့ မြင်ပါတယ်'' လို့ဦးမြတ်သူက ပြောပါတယ်။
၂၀၁၅ ရွေးကောက်ပွဲ ပြီးနောက် ပြည်သူ့လွှတ်တော် ဥက္ကဋ္ဌ သူရ ဦးရွှေမန်း ၊ ဒေါ်အောင်ဆန်းစုကြည်နဲ့ ဉီးဝင်းမြင့်တို့ကို တွေ့ရစဉ်
NLD ပါတီနဲ့ မဟာမိတ် ဖြစ်နိုင်မလား။

လက်ရှိ ပြည်ထောင်စု လွှတ်တော် ဥပဒေရေးရာနဲ့ အထူး ကိစ္စ ရပ်များ လေ့လာ ဆန်းစစ် သုံးသပ်ရေး ကော်မရှင် ဥက္ကဋ္ဌ အဖြစ် သူရ ဦးရွှေမန်း ကို ဒေါ်အောင်ဆန်းစုကြည် ကိုယ်တိုင် တာဝန်ပေးထားတာ ဖြစ်ပါတယ်။

၂၀၁၂ ခုနှစ် လွှတ်တော် နိုင်ငံရေး မှာ ဒေါ်အောင်ဆန်းစုကြည် ဝင်ရောက် လှုပ်ရှားတဲ့ အခါမှာ ဦးရွှေမန်း က အကူအညီ ပေးခဲ့ဖူးတာကြောင့် ပြည်ထောင်စု အဆင့် ကော်မရှင်မှာ တာဝန် ပေးအပ် ခဲ့တာ ဖြစ်တယ် ဆိုတဲ့ ထုတ်ဖော် ဝန်ခံချက်တွေလည်း ရှိခဲ့ပါတယ်။

ဒေါ်အောင်ဆန်းစုကြည်နဲ့ ကောင်းမွန်တဲ့ ဆက်ဆံရေး ရှိတဲ့ အတွက် သူရ ဦးရွှေမန်း ပါတီသစ် ထောင်တဲ့ အခါမှာလည်း NLD ပါတီနဲ့ မဟာမိတ် ဖြစ်နိုင် တယ် ဆိုတဲ့ မှန်းဆ ပြောဆိုမှုတွေလည်း ရှိပါတယ်။

ရန်ကုန် နိုင်ငံရေး သိပ္ပံ ကျောင်းအုပ်ကြီး ဦးမြတ်သူ က သူရ ဦးရွှေမန်း အနေနဲ့ ပြည်ခိုင်ဖြိုးပါတီ ထက် NLD ကိုသာ မဟာမိတ် အဖြစ် ရွေးချယ် နိုင်တယ်လို့ သူ့ အနေနဲ့ ထင်မြင်မိကြောင်း ဘီဘီစီကို ပြောပါတယ်။

ဒါပေမယ့် ဒေါ်အောင်ဆန်းစုကြည်နဲ့ မိတ်ဆွေ အဆင့် ဆက်ဆံရေး မျိုးသာ ရှိပြီး မဟာမိတ် သဘောမျိုး ပူးပေါင်း လုပ်ဆောင် တာ မရှိတဲ့ အတွက် မိတ်ဖက် ပါတီ ဖြစ်ဖို့ ခဲယဉ်း တယ်လို့ သတင်းစာဆရာ ကိုသီဟသွေး က သုံးသပ်ပါတယ်။

အကယ်၍ ဒေါ်အောင်ဆန်းစုကြည် အနေနဲ့ သူရဦးရွှေမန်း ရဲ့ ပါတီ ကို မဟာမိတ်ပါတီ အဖြစ် ရွေးချယ်မယ် ဆိုရင် တခြား SNLD ပါတီလို၊ ၈၈ တုန်း က အတူ လှုပ်ရှား ခဲ့သူတွေ ကို ဘယ်လို စဉ်းစားမလဲ ဆိုတဲ့ တွေးတော ချက် ရှိနိုင်ပါတယ်။

ဒေါ်အောင်ဆန်းစုကြည် က မဟာမိတ် ပါတီ နိုင်ငံရေး ကိုစဉ်းစား မယ်ဆိုရင်တော့ တခြား ပါတီ တွေကိုပါ ထည့်သွင်း စဉ်းစားရမှာ ဖြစ်တဲ့ အတွက် ဦးရွှေမန်း ရဲ့ ပါတီသစ် နဲ့ မဟာမိတ် အဖြစ်ပူးပေါင်း ဖို့ မဖြစ် နိုင်ဘူး ဆိုပြီးတော့လည်း ကိုသီဟသွေး က ဆိုပါတယ်။
၂၀၁၅ ခုနှစ် ရွေးကောက်ပွဲမှာတော့ NLD ပါတီက ကိုယ်စားလှယ် ကို ရှုံးနိမ့်ခဲ့
ရွေးကောက်ပွဲ နိုင်ခြေ။

သူရ ဦးရွှေမန်းဟာ ၂၀၁၀ ခုနှစ် အထွေထွေ ရွေးကောက်ပွဲ တုန်း က ဇာတိ ဖြစ်တဲ့ ဖြူးမြို့နယ် ကနေ ဝင်ရောက် ယှဉ်ပြိုင် ခဲ့ပြီး ရွေးချယ် ခံခဲ့ရကာ ပြည်သူ့လွှတ်တော် ဥက္ကဋ္ဌ အဖြစ် တာဝန်ယူ ဆောင်ရွက် ခဲ့သူပါ။

ဒါပေမယ့် ၂၀၁၅ ခုနှစ် ရွေးကောက်ပွဲမှာတော့ NLD ပါတီက ကိုယ်စားလှယ် ကို ရှုံးနိမ့်ခဲ့ပါတယ်။

ဒါကလည်း သမ္မတ ရုံးက ညွှန်ကြားရေးမှူး တယောက်က အဲဒီ ဒေသမှာ တသီး ပုဂ္ဂလ အဖြစ် ဝင်ရောက် ယှဉ်ပြိုင် ခဲ့တာ အပြင် ကြံ့ခိုင်ရေး ပါတီ ကိုယ်စား လှယ် ကလည်း ဝင်ရောက်ယှဉ်ပြိုင် ခဲ့ပြီး မဲ အကွဲအကွဲ အပြားပြား ဖြစ်မှုကြောင့် ရှုံးနိမ့် ခဲ့ရတာ ဖြစ်တယ်လို့ သူရ ဦးရွှေမန်း က ပြောခဲ့ဖူးပါတယ်။

၂၀၂၀ ခုနှစ် ရွေးကောက်ပွဲမှာတော့ ဦးရွှေမန်း အနေနဲ့ ဘယ်ဒေသ ကို ကိုယ်စားပြု ပြီး ဝင်ရောက် ယှဉ်ပြိုင်မလဲ ဆိုတဲ့ အပေါ်မူတည်ပြီး ရွေးချယ် ခံရနိုင်ပါတယ်။ သူ့ရဲ့ ဇာတိမြေက ထောက်ခံအားပေးမှု ကို ယုံကြည်ပြီးတော့ ဖြူးဒေသ ကနေပဲ နောက်တကြိမ် ရွေးကောက်ပွဲကို ဝင်ရောက် ယှဉ်ပြိုင်မှု လုပ်မယ်လို့ ယူဆရပါတယ်။

ဒါပေမယ့် ဦးရွှေမန်း ရဲ့ ပါတီသစ် ထူထောင်ပြီးနောက်ပိုင်းမှာ NLD နဲ့ ဘယ်လောက် ပူးပေါင်း ဆောင်ရွက်မှု ရှိသလဲ ဆိုတဲ့ အပေါ်မှာ မူတည်ပြီးတော့ လည်း ရွေးကောက်ပွဲ နိုင်ခြေ ကို ခန့်မှန်းရမှာပါ။

NLD နဲ့ပါတီချင်း ဆက်ဆံရေး မှာ ဘယ်လောက် အထိ နားလည်မှု ယူထား သလဲ၊ ဘယ်လောက် အထိ ယုံကြည်မှု ရှိသလဲ ဆိုတဲ့ အချက် တွေကို ကြည့်ပြီး အကယ်၍ အန်အယ်လ်ဒီဘက်က အဲဒီ ဒေသကို မယှဉ်ပြိုင်ဘဲ ချန်လှပ်ထားခဲ့မယ် ဆိုရင် သူဟာ နောက်တကြိမ် ရွေးချယ် ခံရနိုင်တယ်လို့ သတင်းစာဆရာ ကိုသီဟသွေးက သုံးသပ် ပါတယ်။


တပ်မတော် နဲ့ ဆက်ဆံရေး။

သူရဦးရွှေမန်း အပေါ် တပ်မတော် ရဲ့ အမြင်ဟာ NLD ဘက်ကို ယိမ်းယိုင် သွားသူ၊ ကြံ့ခိုင်ရေး ပါတီကို ထိခိုက်မှုတွေ ရှိအောင် လုပ်ခဲ့သူ ဆိုတဲ့ အမြင် မျိုး ရှိကြောင်း အငြိမ်းစား တပ်မတော် အရာရှိကြီးတွေက ပြောဆို ကြပါတယ်။

လွှတ်တော်ထဲမှာ ဆိုရင်လည်း သူရ ဦးရွှေမန်း ဦးဆောင်တဲ့ ကော်မရှင် ကို တပ်မတော် သား ကိုယ်စားလှယ်တွေ ဘက်က တစိုက်မတ်မတ် ကန့်ကွက်မှုတွေ လုပ်ခဲ့တဲ့ သာဓက တွေလည်း ရှိခဲ့ပါတယ်။

ပြည်ခိုင်ဖြိုး နဲ့ တပ်မတော် အကြားမှာ ဆက်ဆံရေး က တချို့ အရာရှိကြီးတွေ ပါတီ အတွက် တပ်မတော် ကနေ နုတ်ထွက်ပြီး ပါတီ ကိုယ်စားလှယ်လောင်း အဖြစ် ဝင်ရောက် ယှဉ်ပြိုင်တာ၊ တချို့ တပ်မတော် အခြေစိုက် စခန်းတွေမှာ ပြည်ခိုင်ဖြိုး ပါတီက မဲ အသာရ တာတွေ စတဲ့ ဆက်ဆံရေး မျိုး ရှိခဲ့တာ ဖြစ်ပါတယ်။

သူရဦးရွှေမန်း ဟာ တပ်မတော် ထိပ်တန်း ခေါင်းဆောင် တဦး ဖြစ်ခဲ့ပြီး တပ်မတော်သား တချို့ရဲ့ ထောက်ခံမှု ရှိကောင်း ရှိနိုင်ပါတယ်။ ဒါပေမယ့် ပါတီသစ် ထူထောင် ပြီးတဲ့နောက် တပ်မတော်နဲ့ ပြည်ခိုင်ဖြိုး ပါတီ တို့ရဲ့ နီးစပ်မှု ပုံစံမျိုးတော့ မရရှိ နိုင်ပါဘူး။

ဦးရွှေမန်း ဟာ ပြည်ခိုင်ဖြိုးနဲ့ ပဋိပက္ခ ဖြစ်ပြီး လမ်းခွဲ ရတဲ့ အပေါ်မှာ တပ်မတော် ခေါင်းဆောင်တွေ ဘက် က ခြံခုန် သွားတဲ့ လူတယောက်လိုမျိုး သုံးသပ် ပြောကြားမှုတွေ ရှိခဲ့လို့ ဖြစ်ပါတယ်။

ဒါပေမယ့် ၂၀၂၀ ရွေးကောက် ပွဲမှာ ဦးရွှေမန်းသာ အနိုင်ရခဲ့မယ် ဆိုရင် တပ်မတော် အနေနဲ့ ထူးထူး ခြားခြား တုံ့ပြန်မှု တွေ လုပ်လာမှာ မဟုတ်ဘူး ဆိုပြီးတော့ နိုင်ငံရေး လေ့လာသူတွေက သုံးသပ်ကြပါတယ်။
လွှတ်တော် ကော်မရှင် ရေးရာများဆွေးနွေး
အခြေခံဥပဒေ ပြင်ဆင်ရေး ဆောင်ရွက်လာနိုင်

သူရ ဦးရွှေမန်းဟာ နိုင်ငံရေး ပါတီ မထူထောင်ခင်မှာကတည်း က လက်ရှိ ၂၀၀၈ အခြေခံဥပဒေ ကို ပြင်ဆင် ဖို့ လိုအပ်ကြောင်း ထုတ်ဖော် ပြောကြား ခဲ့သူ တယောက်ပါ။ သူရ ဦးရွှေမန်း အနေနဲ့ အခြေခံဥပဒေ ပြင်ဆင်ရေးမှာ ပိုပြီး သဘောထား ပျော့ပြောင်းတဲ့ အမြင်မျိုး ရှိသူလည်း ဖြစ်ပါတယ်။

ပါတီသစ် ကို မှတ်ပုံတင်ပြီးတဲ့ အခါမှာလည်း ရွေးကောက်ပွဲ အောင်နိုင်ရေး ကြွေးကြော်သံ အဖြစ် အခြေခံဥပဒေ ပြင်ဆင်ရေး ဆိုတာ ကို ထည့်သွင်း လာနိုင်ပါတယ်။ LD ရဲ့ ရွေးကောက်ပွဲ ကြွေးကြော်သံ ဖြစ်တဲ့ အခြေခံဥပဒေ ပြင်ဆင်ရေးမှာ အားကိုးခဲ့ရသူ တဦး လည်း ဖြစ်ပါတယ်။

အခြေခံဥပဒေ ကို ပြင်ဆင်ရေး ဆိုတာကို နိုင်ငံရေး ပါတီ အားလုံး က လက်ခံ ထားတာပါ။ ဥပမာ အားဖြင့်၂၀၁၅ ခုနှစ်တုန်း က ပြည်ခိုင်ဖြိုး ပါတီကလည်း ငြိမ်းချမ်းရေး ရရှိဖို့ အတွက် လက်ရှိ အခြေခံ ဥပဒေ ကို ပြင်ဆင် ဖို့ လိုအပ် ကြောင်း ရွေးကောက်ပွဲမူ အဖြစ် ပြောဆို ထားတွေ့ရပါတယ်။

ဇန်နဝါရီလ ၂၉ ရက်နေ့မှာ ကျင်းပမယ့် ပြည်ထောင်စု လွတ်တော် အစည်း အဝေးမှာ အခြေခံဥပဒေ ပြင်ဆင်ရေး ကို NLD ပါတီ အနေနဲ့ အဆို တင်သွင်း တော့မယ် ဆိုပြီး ပြောဆို မှုတွေ ရှိလာပါပြီ။ ဒါပေမယ့် လွှတ်တော် အစည်းအဝေး အစီအစဉ် ထဲမှာ မပါတဲ့ အတွက် အရေးကြီး အဆို အဖြစ် တင်မယ်လို့ ယူဆရပါတယ်။

ဒီအဆို ကို တပ်မတော် ဘက် က ထောက်ခံမှု လုပ်ဖို့ ထက် ပုဒ်မ ၄၃၆ ကို အကြောင်းပြပြီး ကန့်ကွက်ဖို့ များတာကြောင့် ၂၀၂၀ ခုနှစ် ရွေးကောက်ပွဲ ပြီးတဲ့ အထိ အခြေခံ ဥပဒေ ပြင်ဆင်ရေးဟာ ကြန့်ကြာ နိုင်တယ်လို့ နိုင်ငံရေး လေ့လာသူတွေက သုံးသပ် ထားပါတယ်။

ပုဒ်မ ၄၃၆ ဆိုတာ အကြမ်း အားဖြင့် ဖွဲ့စည်းပုံ အခြေခံဥပဒေရဲ့ ပြဌာန်းချက်တွေကို ပြင်ချင်ရင် ပြည်ထောင်စုလွှတ်တော် ကိုယ်စားလှယ်အားလုံးရဲ့ ၇၅ ရာခိုင်နှုန်းကျော်က သဘောတူ လက်ခံပြီးနောက် ပြည်လုံးကျွတ် ဆန္ဒခံယူပွဲ ကျင်းပပြီး ဆန္ဒမဲ ပေးပိုင်ခွင့် ရှိသူ အားလုံးရဲ့ ထက်ဝက်ကျော် ဆန္ဒမဲနဲ့သာ ပြင်ဆင်ရမယ် ဆိုပြီး တော့ ပြဋ္ဌာန်း ထားတာပါ။

အကယ်၍ သူရဦးရွှေမန်းသာ ၂၀၂၀ ရွေးကောက်ပွဲမှာ အနိုင်ရရှိခဲ့မယ် ဆိုရင်တော့ အခြေခံ ဥပဒေပြင်ဆင်ရေး ကို NLD နဲ့ အတူ ပူးပေါင်း လုပ်ဆောင် လာမယ်လို့ ယူဆ ရကြောင်း ရန်ကုန် နိုင်ငံရေး သိပ္ပံ ကျောင်းအုပ် ဦးမြတ်သူ က သုံးသပ် ထားပါတယ်။

BBC Burmese
https://www.bbc.com/burmese

ဖွဲ့စည်းပုံပြင်ဆင်ရေး ပူးပေါင်းကော်မတီ ဖွဲ့စည်းမယ့်အဆိုကို လက်ခံဆွေးနွေးမည်

ဖွဲ့စည်းပုံပြင်ဆင်ရေး ပူးပေါင်းကော်မတီ ဖွဲ့စည်းမယ့်အဆိုကို ပြည်ထောင်စုလွှတ်တော်မှာ တပ်မတော်သား လွှတ်တော်ကိုယ်စားလှယ်တွေ ထကန့်ကွက်စဉ် Credit: Pyidaungsu Hluttaw FB
၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေး ပူးပေါင်းကော်မတီတစ်ရပ်ကို သင့်တော်တဲ့ ကိုယ်စားလှယ်တွေနဲ့ ဖွဲ့စည်းဖို့ တိုက်တွန်းကြောင်း အရေးကြီးအဆိုကို တပ်မတော်သား လွှတ်တော်ကိုယ်စားလှယ်အားလုံး မတ်တပ်ရပ် ကန့်ကွက်ပေမယ့် မဲခွဲပြီး ဆက်လက်ဆွေးနွေးဖို့ ဒီနေ့ ပြည်ထောင်စုလွှတ်တော်မှာ အတည်ပြုလိုက်ပါတယ်။

NLD ပါတီက အမျိုးသားလွှတ်တော်ကိုယ်စားလှယ် ဦးအောင်ကြည်ညွန့်က ၂၀၀၈ ဖွဲ့စည်းပုံအခြေခံ ဥပဒေပြင်ဆင်ရေးလုပ်ငန်းတွေကို ဆောလျင်စွာဆောင်ရွက်နိုင်ရေးအတွက် ကော်မတီတစ်ရပ်ဖွဲ့စည်းဖို့ ပြည်ထောင်စုလွှတ်တော်မှာ တင်သွင်းလိုက်တာဖြစ်ပါတယ်။

တပ်မတော်သားကိုယ်စားလှယ် ဗိုလ်မှူးချုပ်မောင်မောင်က ဖွဲ့စည်းပုံပြင်ဆင်ရေးကို ကန့်ကွက်တာမဟုတ်ဘဲ ပြင်ဆင်ဖို့အတွက် အရေးကြီးအဆို တင်သွင်းလာတာဟာ ပြည်ထောင်စုလွှတ်တော်ဥပဒေ၊ နည်းဥပဒေ၊ လုပ်ထုံးလုပ်နည်းတွေနဲ့ မညီဘဲ လက်တလုံးခြားလုပ်တယ်လို့ ယူဆကြောင်း ပြောပြီး ကန့်ကွက်တာပါ။

ဒါကြောင့် လွှတ်တော်မှာ မဲခွဲဆုံးဖြတ်ရာ မဲပေးခွင့်ရှိသူ ၆၀၁ ဦးမှာ ထောက်ခံသူ ၄၀၀ နီးပါးနဲ့ ကန့်ကွက်သူ ၁၇ ဦးသာရှိပြီး ကိုယ်စားလှယ် ၂၀၀ နီးပါး မဲမပေးတာကို တွေ့ရပါတယ်။

ဦးအောင်ကြည်ညွန့်ရဲ့အဆိုအရ ပြင်ဆင်ရေး ပူးပေါင်းကော်မတီမှာ ပါတီပေါင်းစုံက လွှတ်တော်ကိုယ်စားလှယ်တွေ ပါဝင်နိုင်မှာဖြစ်ပါတယ်။
တပ်မတော်သားတွေရဲ့ သဘောထားကို တပ်မတော်သားကိုယ်စားလှယ် အစုအဖွဲ့ခေါင်းဆောင် ဗိုလ်မှူးချုပ် မောင်မောင်က အခုလိုပြောပါတယ်။

"ဒီအဆိုနဲ့ ပတ်သက်ပြီးတော့ ကျနော်တို့က သဘောမတူဘူးလေ။ သဘောမတူတော့ ကျနော်တို့က ဒီအဆိုကို ဆက်လုပ် မလုပ်လည်း စဉ်းစားရမှာပေါ့၊ ပြန်ပီးတော့ စဉ်းစားဆွေးနွေးရဦးမှာပေါ့ ၊ ကျနော်တို့ တပ်မတော်သား ကိုယ်စားလှယ်တွေ၊ အဲဒီအတွက်ကို ဒီဟာကို ပါဝင်ဆွေးနွေးဖို့ ပါဝင်လုပ်ဆောင်ဖို့ ၀ိုင်းဝန်းစဉ်းစား အဖြေရှာရဦးမှာပေါ့။"

အခုလိုဖွဲ့စည်းပုံပြင်ဆင်ရေး လုပ်ဆောင်ရင် တိုင်းပြည် အကျပ်အတည်းဖြစ်လာနိုင်လားဆိုတဲ့ သတင်းထောက်တဦးရဲ့ မေးမြန်းမှုကိုတော့ အဲဒီလောက်အထိ မခန့်မှန်းနိုင်သေးဘူးလို့ ဗိုလ်မှူးချုပ်မောင်မောင်က ပြောပါတယ်။

လက်ရှိ ကျင်းပနေတဲ့ ၂၁ ပင်လုံညီလာမှာ ချမှတ်ထားတဲ့ ဒီမိုကရေစီနဲ့ ဖယ်ဒရယ်ပြည်ထောင်စုတည်ဆောက်နိုင်ရေး၊ မကြာသေးခင်က မြို့နယ်အချို့မှာ ပေါ်ပေါက်လာတဲ့ ဖွဲ့စည်းပုံပြင်ဆင်ရေးလှုပ်ရှားမှုတွေကြောင့် အခုလို အဆိုတင်သွင်းတာလို့ အမျိုးသားလွှတ်တော်ကိုယ်စားလှယ် ဦးအောင်ကြည်ညွန့် က ပြောပါတယ်။

ဒါ့အပြင် ဒီမိုကရေစီစံနှုန်းနဲ့ မကိုက်ညီတဲ့ ပြဌာန်းချက်တွေ၊ မဏ္ဍိုင်သုံးရပ်အကြား တဖက်စောင်းနင်းဖြစ်စေတဲ့ ပြဌာန်းချက်တွေလည်း ရှိနေတာကြောင့် ပြန်လည်ပြင်ဆင်နိုင်ဖို့ ရည်ရွယ်တယ်လို့လည်း ရှင်းလင်းတင်ပြခဲ့ပါတယ်။

"ကျနော် ဒီကနေ့တင်ပြတဲ့ ဥပဒေဟာ ဖွဲ့စည်းပုံအခြေခံဥပဒေ ပြင်ဆင်ရေးအတွက် ဖွဲ့စည်းပုံ အခြေခံဥပဒေ ပြင်ဆင်တဲ့ ဥပဒေကြမ်းကို တင်သွင်းနေတာ မဟုတ်ပါဘူး ။ ဒီလိုဖွဲ့စည်းပုံ အခြေခံ ဥပဒေကြမ်းကို စနစ်တကျနဲ့ လျင်လျင်မြန်မြန် စောလျင်စွာ အကောင်အထည်ဖော်နိုင်ဖို့ အင်မတန်မှ စနစ်ကျပြီးတော့ ပွင့်လင်းမြင်သာစွာနဲ့ တာဝန်ကျေပွန်အောင် ထမ်းဆောင်နိုင်မယ့် ကော်မတီ တစ်ရပ်ကို တော့ ဖြင့် ကျနော်တို့ ပြည်ထောင်စု လွှတ်တော်ကြီးက အရေးတကြီးဖွဲ့စည်းဖို့ လိုအပ်နေပြီဖြစ်တဲ့အတွက် တင်ပြရခြင်းဖြစ်ပါတယ်။"

ဦးအောင်ကြည်ညွန့် တင်ပြခဲ့တာကိုကြားခဲ့ရတာပါ။

သူရဲ့အဆိုဟာ ဖွဲ့စည်းပုံအခြေခံဥပဒေပြင်ဆင်ခြင်း အခန်း ၁၂ ပါ ပုဒ်မတွေနဲ့ သက်ဆိုင်ခြင်းမရှိဘူးလို့လည်း ပြောပါတယ်။

ဖွဲ့စည်းပုံအခြေခံဥပဒေပြင်ဆင်ခြင်း အခန်း ၁၂ မှာ ဖွဲ့စည်းပုံကိုပြင်ဆင်လိုတဲ့ ကိုယ်စားလှယ်ဟာ ကိုယ်စားလှယ် ၂၀ ရာခိုင်နှုန်းရဲ့ အတည်ပြုချက်နဲ့ ပြင်ဆင်တဲ့အဆိုကို အခြားအဆိုတွေမပါဝင်ဘဲ ပြည်ထောင်စုလွှတ်တော်ကို ဥပဒေကြမ်းအဖြစ်တင်သွင်းရမယ်လို့ ဖော်ပြထားတာပါ။

ဦးအောင်ကြည်ညွန့်ရဲ့ အဆိုကို အမျိုးသားဒီမိုကရေစီအဖွဲ့ချုပ် ကိုယ်စားလှယ်တဦးက ထောက်ခံဆွေးနွေးအပြီးမှာ တပ်မတော်သားကိုယ်စားလှယ် ဗိုလ်မှူးချုပ်မောင်မောင်က အခုလိုဆောင်ရွက်တာဟာ ဥပဒေကို လက်တလုံးခြားလုပ်တယ်ဆိုပြီး ကန့်ကွက်ခဲ့ပါတယ်။

"နိုင်ငံတော် ရဲ့ ဥပဒေပြုရေး တာဝန်ကို အဓိက လုပ်ဆောင်နေတဲ့ လွှတ်တော် ကိုယ်စားလှယ်တွေဟာ မိမ်ိရဲ့ လုပ်ဆောင်ချက်တွေကို ဥပဒေနဲ့အညီ ဆောင်ရွက်နိုင်ဖို့ အတွက်ကို များစွာ အရေးကြီးပါတယ်။ ဥပဒေကို ကျော်လွန်လုပ်ဆောင်တာ ဥပဒေကို လက်တစ်လုံးခြား လုပ်ပြီးတော့မှ လုပ်ဆာင်နေတယ်ဆိုလို့ရှိရင် ( နိဂုံးချုပ်ပါ ၊ နိဂုံးချုပ်ပါ လို့ ပြည်ထောင်စု လွှတ်တော် နာယက က ကြားဖြတ် သတိပေး ) ပေါ်ထွက်လာမယ့် အကျိုး ရလဒ်တွေဟာလဲ မှန်ကန်ကောင်းမွန်မှာ မဟုတ်တဲ့အတွက် အဂတိတရားတွေနဲ့ မကင်းတဲ့ အကျိုး ရလဒ်တွေဖြစ်မှာပါ။ ဒါကြောင့် ကျနော်တို့ကတော့ လုပ်ထုံး လုပ်နည်းနဲ့ အညီသာ ဆောင်ရွက်သင့်ပါတယ်။ လုပ်ထုံးလုပ်နည်းကို ကျော်လွန်ပြီး မလုပ်သင့်ပါကြောင်း တင်ပြအပ်ပါတယ်။"

ဒါ့အပြင် တပ်မတော်အနေနဲ့ ဖွဲ့စည်းပုံပြင်ဆင်ရေးကို ကန့်ကွက်နေတာမဟုတ်ကြောင်း၊ လုပ်ထုံးလုပ်နည်းတွေနဲ့ မညီလို့ ကန့်ကွက်တာဖြစ်ကြောင်း ပြောခဲ့ပါတယ်။

လက်တလုံးခြားလုပ်တယ် ဆိုတဲ့ စကားကို လေးလေးနက်နက်ကန့်ကွက်တယ်ဆိုပြီး ပြည်ထောင်စုလွှတ်တော် နာယက ဦးတီခွန်မြတ်က ပြောကြားခဲ့ပေမယ့် တပ်မတော်သားကိုယ်စားလှယ်တွေက မဲမပေးဘဲ မတ်တပ်ရပ်ဆန္ဒပြခဲ့ပါတယ်။

အဲဒီနောက် အဆိုကို မဲခွဲဆုံးဖြတ်ရာမှာ မဲပေးခွင့်ရှိသူ ၆၀၁ ဦးအနက်၊ ထောက်ခံမဲ ၃၉၄ မဲ၊ ကန့်ကွက်မဲ ၁၇ မဲနဲ့ ထောက်ခံသူဟာ ကိုယ်စားလှယ် သုံးပုံတပုံထက် ကျော်လွန်နေတဲ့အတွက် အဆိုကို အတည်ပြုလိုက်ပါတယ်။

မဲမပေးသူ ၁၈၇ ဦးရှိတဲ့အတွက် တပ်မတော်သားကိုယ်စားလှယ် ၁၆၆ ဦးနဲ့ အခြားကိုယ်စားလှယ် ၂၁ ဦး မဲမပေးခဲ့တာတွေ့ရပါတယ်။

ဖွဲ့စည်းပုံပြင်ဆင်ရေးရှေ့ဆက်လို့ရပါ့မလားဆိုတဲ့ သတင်းထောက်တဦးရဲ့မေးခွန်းကို ရခိုင်အမျိုးသားပါတီက မြောက်ဦးမြို့နယ်၊ ပြည်သူ့လွှတ်တော်ကိုယ်စားလှယ် ဦးဦးလှစောက အခုလိုပြောပါတယ်။

"ကျနော်ကတော့ ရနိုင်တယ်လို့မြင်ပါတယ်၊ ခုနကပြောသလို တစ်ခုလုံးပြင်မှာမဟုတ်ဘူးလေ အခုက ပြဿနာက ဘယ်ဥပဒေပုဒ်မကို ပြင်မလည်း ဥပမာ ကာချုပ်ရဲ့မိန့်ခွန်းမှာလည်းပါတယ် ၂၆၁ ပြင်ဖို့ဆိုတာ သူက လမ်းကြောင်းပေးထားတာပဲ အဓိကက အညှာကိုကိုင်ပြီးပြင်မှာလား အသေးအမွှားလေးတွေ နှစ်ဦးနှစ်ဖက် လက်ခံနိုင်တာကို ပြင်မှာလားဆိုတာ မရေရာဘူးဖြစ်နေတယ်လေ၊ အဲဒါပြေလည်သွားရင်တော့ ဒါက အသေးအမွှားကိစ္စပါ"

ပြီးခဲ့တဲ့အစိုးရလက်ထက်မှာ ဖွဲ့စည်းပုံ ပြင်ဆင်ရေးကို ကြိုးစားခဲ့ပေမယ့် ပြည်နယ်နဲ့ တိုင်းဒေသကြီးတွေရဲ့ ဥပဒေပြုခွင့်နဲ့ပတ်သက်တဲ့ ပြဌာန်းချက်အချို့သာ ပြင်ဆင်ခွင့်ရရှိခဲ့တာဖြစ်ပါတယ်။

ငြိမ်းချမ်းရေး၊ တရားဥပဒေစိုးမိုးရေးနဲ့ ဖွဲ့စည်းပုံပြင်ဆင်ရေးလုပ်ဆောင်မယ်လို့ ကြွေးကြော်ထားတဲ့ အမျိုးသား ဒီမိုကရေစီအဖွဲ့ချုပ်အစိုးရလက်ထက်မှာ ကျန်တဲ့လွှတ်တော်သက်တမ်းအတွင်း ဘယ်လောက်ပြင်ဆင်နိုင်မလဲဆိုတာ စောင့်ကြည့်ရမှာဖြစ်ပါတယ်။

ဒီသတင်းကို RFA သတင်းထောက် ကိုဝင်းကိုကိုလတ် ပေးပို့တာပါ။

RFA Burmese
https://www.rfa.org/burmese

စစ်ကိုင်းမြို့ မှာ ကျောက်တွင်းပြိုလို့ လူ ၃ ယောက် သေဆုံး၊ ၁ ယောက် အသက်ရှင်လျက် ကယ်နိုင်

ပိတ်မိနေသူတွေကို ရှာဖွေ ဆယ်ထုတ်နေတဲ့မြင်ကွင်း
စစ်ကိုင်းမြို့၊ စစ်ကိုင်တောင်ရိုး တောင်ညိုအရှေ့ရွာ အနီးမှာရှိတဲ့ ကျောက်ထုတ်တဲ့ လုပ်ငန်းခွင်မှာ ဒီနေ့ မနက်ပိုင်းက ကျောက်တူးဖော်ရာကနေ ကျောက်တောင်ပြိုကျလို့ လူ ၃ ယောက် သေဆုံးပြီး ၁ ယောက် ဒဏ်ရာ ရရှိခဲ့ပါတယ်။

"အသက်ရှင်ရက် ၁ ယောက် ကယ်တင်နိုင်တယ်။ မန္တလေး ဆေးရုံကြီးကို ပို့ဆောင်လိုက်ပါပြီ။ သေဆုံးတဲ့သူ ၃ ယောက်ရဲ့ အလောင်းကိုလည်း ရှာတွေ့ ဆယ်တင်နေပါပြီ။ ၁ ယောက် ကျန်သေးတယ်လည်း ပြောနေတော့ ရှာဖွေနေကြဆဲပါ" လို့ ကယ်ဆယ်ရေးလုပ်ကိုင်နေတဲ့ မန္တလေး အခြေစိုက် Myanmar Rescue အဖွဲ့ဝင် ကိုစွမ်းပြည့်အောင်က ပြောပါတယ်။

ပြိုကျတဲ့ ကျောက်တွင်းဟာ စစ်ကိုင်းမြို့နဲ့ ၃ မိုင် အကွာမှာရှိတဲ့ တောင်ညိုရွာသစ် ရှင်သီဝလီတောရ တောင်ဘက်မှာ ရှိပြီး ကျောက်တောင်တွေကနေ လမ်းခင်းကျောက်အဖြစ် ဒေသခံတွေက တူးဖော်ထုတ် လုပ်ကြတာလို့ စစ်ကိုင်းမြို့ အရေးပေါ်ကယ်ဆယ်ရေးအဖွဲ့က ပြောပါတယ်။
ပိတ်မိနေသူတွေကို ရှာဖွေ ဆယ်ထုတ်နေတဲ့မြင်ကွင်း
အဲဒီကျောက်တောင်ကို အနီးမှာရှိတဲ့ ဒေသခံကျေးရွာသားတွေက တနိုင်တပိုင် လက်နဲ့တူးဖော် ထုတ်လုပ် နေကြတာ ဖြစ်ပြီး၊ ကျောက်တွင်းပြိုကျချိန်မှာ ပိတ်မိနေတဲ့ လူအရေအတွက်ကို အနီးနားရှိသူတွေက အမှတ်မဲ့ဖြစ်ပြီး သေချာပြောပေးနိုင်သူ မရှိဘူးလို့ စစ်ကိုင်း အရေးပေါ်ကယ်ဆယ်ရေးအဖွဲ့ အတွင်းရေးမှုး ဦးစိုးမင်းဦးက ပြောပါတယ်။

"လက်နဲ့ တူးထားတော့ အောက်မှာ ကလိုဏ်ပုံစံတွေ ဖြစ်နေတယ်။ အဲ ကလိုဏ်ကြီးတွေထဲ ထော်လာဂျီနဲ့ မောင်းဝင်ပြီး ကျောက်တင်နေတုန်း အပေါ်ကျောက်ပြားက ဝုန်းဆိုပြိုကျတာ လူတွေထွက်ပြေးချိန်တောင် မရဘူးလို့ အနားမှာ ကျောက်တူးနေတဲ့ သူတွေက ပြောတယ်။ အမျိုးသား ၃ ယောက်နဲ့ အမျိုးသမီး ၁ ယောက် ပါတယ် ကြားရတယ်" လို့ ကျောင်းတွင်းပြိုကျတဲ့ အခြေအနေကို ဦးစိုးမင်းဦးက ပြောပါတယ်။

ပိတ်မိနေသူတွေကို ခက်ခက်ခဲခဲ ဆယ်ထုတ်နေရပြီး ကယ်ဆယ်ရေး လုပ်ငန်းတွေကို စစ်ကိုင်း၊ မန္တလေး အခြေစိုက် လူမှုရေးအဖွဲ့၊ အစိုးရ ဌာနဆိုင်ရာ၊ မီးသတ် ကြက်ခြေနီ၊ ရဲတပ်ဖွဲ့နဲ့ စစ်တပ်ကပါ ကူညီ လုပ်ဆောင်နေတယ်လို့ ဆိုပါတယ်။

မနက် ၉ နာရီကျော် ကျောက်တွင်းပြိုကျချိန် ကတည်းက ကျောက်မြေစာ ပိနေပါတဲ့သူတွေကို ကယ်ဆယ်ထုတ်ရာမှာ နေ့လယ် ၂ နာရီ ကျော်မှာတော့ ကျောက်ပိသေဆုံးသူ ၃ ယောက်ရဲ့ အလောင်းတွေကို ဆယ်ထုတ်နိုင်ပြီ သေဆုံးသူတွေဟာ ကျောက်တွင်းပိ ပြင်းထန်ဒဏ်ရာတွေနဲ့ သေဆုံးရတာ ဖြစ်တယ်လို့ Myanmar Rescue အဖွဲ့က အတည်ပြု ပြောပါတယ်။

BBC Burmese
https://www.bbc.com/burmese

မြန်မာပြည်မှာ လာရောက်ရင်းနှီးမြှုပ်နှံဖို့ အတိုင်ပင်ခံ ဖိတ်ခေါ်

နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ကို ၂၀၁၉၊ ဇန်နဝါရီ ၂၈ က နေပြည်တော်မှာကျင်းပတဲ့ "Invest Myanmar Summit 2019" မှာ တွေ့ရစဉ် Photo: UMFCCI-Union of Myanmar Federation of Chambers of Commerce and Industry
မြန်မာနိုင်ငံက ပြည်သူတွေထံမှာ စီးပွားရေး ရင်းနှီးမြှုပ်နှံကြဖို့နဲ့ စီးပွားရေး အလားအလာ အခွင့်အလမ်းတွေကို ရှာဖွေကြဖို့ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ပြည်တွင်းပြည်ပ လုပ်ငန်းရှင်တွေကို ဒီနေ့ တိုက်တွန်းလိုက်ပါတယ်။

နေပြည်တော်မှာ မြန်မာနိုင်ငံ ကုန်သည်များနဲ့ စက်မှုလက်မှု လုပ်ငန်းရှင်များအသင်းချုပ် UMFCCI က ဦးဆောင်ကျင်းပတဲ့ "Invest  Myanmar Summit 2019" မှာ ဒေါ်အောင်ဆန်းစုကြည် က ပြောကြားခဲ့တာဖြစ်ပါတယ်။

မြန်မာနိုင်ငံဟာ တရုတ်၊ အိန္ဒိယ၊ ဘင်္ဂလားဒေ့ရှ်၊ လာအို၊ ထိုင်းနိုင်ငံတို့နဲ့ လမ်းဆုံအဖြစ် တည်ရှိပြီး မဟာဗျူဟာမြောက် ဈေးကွက်စီးပွားရေးတစ်ခုကို ဖန်တီးပေးနိုင်တာကြောင့် လာရောက်ရင်းနှီးမြှုပ်နှံကြဖို့ ဖိတ်ခေါ်ရတာဖြစ်ကြောင်းလည်း ဒေါ်အောင်ဆန်းစုကြည်က ပြောခဲ့ပါတယ်။

ဒီဆွေးနွေးပွဲဟာ ပြည်တွင်းပြည်ပ ရင်းနှီးမြှုပ်နှံသူတွေအနေနဲ့ မြန်မာနိုင်ငံမှာ စီးပွားရေး လုပ်ကိုင်နိုင်မယ့် အခွင့်အလမ်းတွေ  ရှာဖွေတွေ့ရှိနိုင်စေဖို့ ရည်ရွယ်ပြီး ၂ ရက်ကြာ ကျင်းပမှာဖြစ်ပါတယ်။

ဒီနေ့ ဖွင့်ပွဲအခမ်းအနား နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်၊ ရင်းနှီးမြှုပ်နှံမှုနဲ့ နိုင်ငံခြား စီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး၊ မြန်မာနိုင်ငံ ရင်းနှီးမြှုပ်နှံမှုကော်မရှင် ဥက္ကဋ္ဌ ဦးသောင်းထွန်း နဲ့  စီမံကိန်းနဲ့ ဘဏ္ဍာရေးဝန်ကြီးဌာန ဒုတိယဝန်ကြီး ဦးဆက်အောင်တို့က  အမှာ စကားပြောခဲ့ပါတယ်။

ဒီပွဲကို တိုင်းနဲ့ ပြည်နယ် ၁၀ ခုက ၀န်ကြီးချုပ်တွေ တက်ရောက်ပြီး သူတို့ ဒေသအတွင်း ရင်းနှီးမြှုပ်နှံနိုင်မယ့် စီမံကိန်းတွေ၊ အခွင့်အလမ်းတွေကို ရှင်းလင်းဆွဲဆောင်ကြမှာဖြစ်သလို နိုင်ငံခြားသား လုပ်ငန်းရှင် ၅၀၀ ကျော်နဲ့ ပြည်တွင်း စီးပွားရေး လုပ်ငန်းရှင် ၄၀၀ ကျော် တက်ရောက်တယ်လို့ သိရပါတယ်။

မန္တလေးတိုင်း ၀န်ကြီးချုပ် ဒေါက်တာ ဇော်မြင့်မောင်က စီးပွားရေး တည်ငြိမ်ဖွံ့ဖြိုးတိုးတက်ရေးအတွက် ငြိမ်းချမ်းရေး နဲ့ တရားဥပဒေစိုးမိုးမှု မရှိဘဲ ဆောင်ရွက်လို့ မရကြောင်း၊ NLD အစိုးရတာဝန်ယူပြီးနောက် ၃ နှစ်တာ သက်တမ်းအတွင်းမှာ ငြိမ်းချမ်းရေးကို ဦးစားပေးဖော်ဆောင်နေပေမယ့် စီးပွားရေးကိုလည်း နောက်ချန်မထားခဲ့ကြောင်း ပြောခဲ့ပါတယ်။

အလားတူ မန္တလေးတိုင်းအတွင်း စိုက်ပျိုးရေးကဏ္ဍမှာ လာရောက်ရင်းနှီးမြှုပ်နှံဖို့နဲ့ ယဉ်ကျေးမူအပေါ် အခြေခံတဲ့ ခရီးသွားလုပ်ငန်းတွေမှာလည်း ရင်းနှီးမြှုပ်နှံဖို့ ဖိတ်ခေါ်ခဲ့ပါတယ်။

ဒီသတင်းကို RFA သတင်းထောက် ကိုသီဟထွန်း ပေးပို့တာပါ။

RFA Burmese
https://www.rfa.org/burmese

ကျောက်တွင်းပြိုကျမှု ၃ဦးသေ

ပြိုကျခဲ့တဲ့ စစ်ကိုင်းမြို့ တောင်ညိုရွာသစ်က ကျောက်တွင်းကို ၂၀၁၉ ဇန်နဝါရီ ၂၈ ရက်နေ့က တွေ့ရစဉ် Photo: Khaymani Win/RFA
စစ်ကိုင်းတိုင်းဒေသကြီး စစ်ကိုင်းမြို့ တောင်ညိုရွာသစ်မှာ ဒီနေ့မနက် ၉ နာရီခွဲလောက်က ကျောက်တွင်း ပြိုကျတာကြောင့် ၃ ဦးသေဆုံးပြီး တစ်ဦးက ထိခိုက်ဒဏ်ရာရရှိခဲ့တယ်လို့ သိရပါတယ်။

ထိခိုက်ဒဏ်ရာရရှိထားသူ တစ်ဦးကိုတော့ ဆေးရုံပို့ဆောင်ထားပြီး ကျောက်ပုံတွေထဲ ပိနေသူ နှစ်ဦးကိုတော့ ကယ်ထုတ်နိုင်ရေး ကြိုးစားနေဆဲဖြစ်တယ်လို့ သိရပါတယ်။ သေဆုံးသူ ၃ဦးကတော့ အမျိုးသမီး တစ်ဦး နဲ့ အမျိုးသား နှစ်ဦး ဖြစ်ပါတယ်။

ပြိုကျတဲ့ကျောက်တွင်းဟာ လမ်းခင်းကျောက်တွေကို တရားမ၀င်ထုတ်ယူနေတဲ့နေရာဖြစ်တယ်လို့ သိရပါတယ်။
ဒီသတင်းကို RFA သတင်းထောက် မခေမဏီဝင်း ပေးပို့တာပါ။

RFA Burmese
https://www.rfa.org/burmese

ကော့ကရိတ်မြို့ နယ် တောနော်ရေတံခွန်တောင်ထိပ်၌ ဓာတ်ပုံရိုက်သည့် အမျိုးသမီးနှစ်ဦးပြုတ်ကျ သေဆုံး

 တောနော်ရေတံခွန်
ကော့ကရိတ် ဇန်န၀ါရီ ၂၇

ကရင်ပြည်နယ် ကော့ကရိတ်မြို့နယ်ရှိ တောနော်ရေတံခွန်တွင် ဇန်န၀ါရီလ ၂၇ ရက်နေ့ နံနက်ပိုင်းက အမျိုးသမီးငယ်နှစ်ဦး ဓာတ်ပုံရိုက်စဉ်တစ်ဦးမှာ ခြေချော်ကျသွား၍ နောက်တစ်ဦးက လှမ်းဆွဲလိုက်စဉ် နှစ်ဦးစလုံး အမြင့်ပေ ၂၀၀ ခန့်ရှိသော တောင်အောက်သို့ ပြုတ်ကျ သေဆုံးသွားကြောင်း သိရသည်။


ဖြစ်စဉ်မှာ ယနေ့ နံနက် ၁၁ နာရီခွဲက ကော့ကရိတ်မြို့နယ် တောနော်ရေတံခွန်သို့ မြ၀တီမြို့နယ် ဖလူးကျေးရွာနေ စုမြတ်ဝေ(၁၉ နှစ်) သည် သူငယ်ချင်းဖြစ်သူ ပဲခူးတိုင်းဒေသကြီးနေသူ မျိုးနန်္ဒာကျော် (၁၉ နှစ်) နှင့်အတူ တောနော်ရေတံခွန်၏ အပေါ်ဆုံးထိပ်သို့ တက်ရောက်၍ ဓာတ်ပုံရိုက်စဉ် မျိုးနန်္ဒာကျော်မှာ ခြေချော်သွား သဖြင့် သူငယ်ချင်းဖြစ်သူ စုမြတ်ဝေက လှမ်းဆွဲလိုက်စဉ် နှစ်ဦးစလုံး ပေ ၂၀၀ ခန့် ရှိသော တောင်အောက်သို့ ပြုတ်ကျသွားပြီး ဒဏ်ရာများရရှိကာ သေဆုံးသွားကြောင်း သိရသည်။

 ၎င်းတို့နှစ်ဦး သေဆုံးမှုနှင့်ပတ်သက်၍ ကော့ကရိတ်မြို့မရဲစခန်းက စစ်ဆေးလျက်ရှိကြောင်း သိရသည်။

မင်းသူ(ဘားအံ)
Myanmaalinn
https://www.facebook.com/MYANMAALINNNEWS/

တရုတ်နဲ့ တည်ဆောက်မယ့် ရထားလမ်း စီမံကိန်း မလေးရှား ဖျက်သိမ်

China Communication Construction ကုမ္ပဏီ လီမိတက်နဲ့ ဆောင်ရွက်ဖို့ စာချုပ်ထားတဲ့ မလေးရှားရဲ့ ဒေါ်လာ ၂၀ ဘီလျံတန် East Coast Rail Link ပုံကြမ်း
တရုတ် လုပ်ငန်း China Communication Construction ကုမ္ပဏီလီမိတက်နဲ့ ဆောင်ရွက်ဖို့ စာချုပ်ထားတဲ့ မလေးရှားရဲ့ ဒေါ်လာ ၂၀ ဘီလျံတန် East Coast Rail Link ရထားလမ်းတည်ဆောက်ရေး စီမံကိန်းကို ဖျက်သိမ်းမယ့် အကြောင်း မလေးရှား စီးပွားရေးဆိုင်ရာ ၀န်ကြီးက စနေနေ့မှာ ပြောဆိုပါတယ်။ စီမံကိန်း ကုန်ကျစာရိတ်က များလွန်းတာကြောင့် ဖြစ်တယ်လို့ ၀န်ကြီး Mohamed Azmin Ali က ပြောပါတယ်။

ဒါပေမယ့် မလေးရှား အနေနဲ့ တရုတ်ရဲ့ ရင်းနှီးမြှုပ်နှံမှုတွေကို ကြိုဆိုမှာဖြစ်ကြောင်းလည်း အာမခံ ပြောဆိုပါတယ်။ ရထားလမ်း တည်ဆောက်ရေး အတွက် ကုန်ကျစာရိတ်က များလွန်းလှပြီး အစိုးရဘက်က ငွေကြေး မတတ်နိုင်လို့ အခုလို ဖျက်သိမ်းဖို့ ဆုံးဖြတ်တာလို့လည်း ၀န်ကြီး Azmin က ပြောပါတယ်။

စီမံကိန်း ဖျက်သိမ်းတဲ့ အတွက် စာချုပ်ထားတဲ့ တရုတ် ကုမ္ပဏီကို ဘယ်လောက် ပေးလျော် မလဲ ဆိုတာကို အစိုးရဘက်က စဉ်းစား ချင့်ချိန်နေကြောင်းလည်း သူက ပြောပါတယ်။ စီမံကိန်း အတွက် တနှစ်အတွက် အတိုးနှုန်းတခုတည်းတင် ဒေါ်လာ သန်း ၁၂၀ ကုန်ကျမှာ ဖြစ်ပါတယ်။ မလေးရှား ၀န်ကြီးချုပ် မဟာသီယာ မိုဟာမက်ကလည်း ပြီးခဲ့တဲ့နှစ် သြဂုတ်လတုန်းက အစိုးရ အနေနဲ့ ဒီစီမံကိန်း တည်ဆောက်ရေး အတွက် မတတ်နိုင်တာကြောင့် တရုတ်နဲ့ နှစ်နိုင်ငံ ဆက်ဆံရေးကို မထိခိုက်စေဘဲ စီမံကိန်းကို ဖျက်ဖို့ လိုအပ်တယ်လို့ ပြောဆိုခဲ့တာပါ။

ဗွီအိုအေ (မြန်မာပိုင်း)
https://burmese.voanews.com

မြန်မာကိုဖြတ်မယ့် ရထားလမ်း ဘင်္ဂလားဒေ့ရှ် ကြေညာ


Cox’s bazar ခရိုင်ကနေ မြန်မာနိုင်ငံကိုဖြတ်ပြီး တရုတ်၊ ထိုင်းနဲ့ မလေးရှားနိုင်ငံကို ရထားလမ်းဖောက်လုပ်မယ့် အစီအစဉ်ကို ဘင်္ဂလားဒေ့ရှ် ရထားဝန်ကြီး Nurul Islam Sujon က မနေ့က ကြေညာလိုက်ပါတယ်။
နိုင်ငံအရှေ့တောင် ကမ်းရိုးတန်း Chattogram ဆိပ်ကမ်းမြို့ကနေ Cox’s bazaar ခရိုင်ကို ဆက်သွယ်မယ့် ရထားလမ်းလုပ်ငန်းစတင်နေပြီလို့ ရထားဌာနတာဝန်ရှိသူတွေနဲ့ သတင်းထောက်တွေနဲ့ တွေ့ဆုံချိန်မှာ ပြောပါတယ်။

ဒါတင်မက Cox’s bazar မှာရှိတဲ့ Ghumdhum နဲ့ မြန်မာနိုင်ငံကို ဆက်သွယ်ပြီးရင် နောက်ပိုင်းမှာ တရုတ်၊ မလေးရှားနဲ့ ထိုင်းနိုင်ငံကိုပါ ဆက်သွယ်မယ့် အစီအစဉ်ရှိတယ်လို့ ပြောပါတယ်။

ရထားလမ်းစီမံချက်ဟာ ၂၀၂၂ ခုနှစ်မှာ အပြီးသတ်မယ်လို့ မျှော်လင့်ထားပါတယ်။

RFA Burmese
https://www.facebook.com/rfaburmese

ရသေ့တောင်မြို့နယ် အုန်းချောင်းရွာအနီးတွင် တိုက်ပွဲဆက်ဖြစ်


နိရဉ္စရာ၊ ဇန်န၀ါရီ ၂၈

ရခိုင်ပြည်နယ် ရသေ့တောင်မြို့နယ် မြောက်ပိုင်း အုန်းချောင်းကျေးရွာအနီးတွင် ယနေ့ နံနက် ၈နာရီမှ စပြီး တိုက်ပွဲ ဖြစ်ပွားနေသည်ဟု ဒေသခံများက ပြောကြားသည်။

“ ဖြစ်တာက နံနက် ၈ နာရီလောက်စပါတယ်။ အခုထိ လက်နက်ငယ် ပစ်ခတ်နေပါတယ်။ သိပ်မကြာခင်ကတော့ တပ်မတော်ဘက်က လက်နက်ကြီးတွေ အကြီးအကျယ် ပစ်ပါတယ်။ အခုလက်နက်ငယ်သံတွေဘဲ ကြားရပါ” ဟု ယနေ့ နံနက် ၁၁ နာရီ အချိန်က ဒေသခံ တစ်ဦးကို နိရဉ္စရာက ဆက်သွယ်စဉ် ယင်းသို့ ပြောကြားသည်။

တိုက်ပွဲမှာ တပ်မတော်စစ်ကြောင်းတစ်ခုနှင့် ရက္ခိုင့်တပ်မတော် (AA) တပ်ဖွဲ့ တစ်ခုတို့ အကြားဖြစ်ပွားနေပြီး တိုက်ပွဲမှာ အုန်းချောင်း ရွာအထွက် တောင်ကုန်းအနီး လယ်ကွင်းထဲတွင် ဖြစ်နေသည်ဟု ၎င်းက ပြောဆိုသည်။

လောလောဆယ်တွင် အခြေအနေ အသေးစိတ်ကို မသိရသေးကြောင်၊ အုန်းချောင်း ရွာထဲတွင် ရွာသားများပိတ်မိနေကြောင်း ပြောကြားသည်။

RFA Burmese
https://www.facebook.com/Narinjara

ပါတီက ထုတ်ပယ်ခံထားရတဲ့ ဧရာဝတီတိုင်းလွှတ်တော်ဒုဥက္ကဌ ရာထူးက နုတ်ထွက်မယ်

ဧရာဝတီတိုင်းလွှတ်တော်ဒုဥက္ကဋ္ဌ ဦးစံမင်းအောင်
နိုင်ငံတော်ဘဏ္ဍာငွေနဲ့ လွှတ်တော်အတွက် ကား ၅ စီးဝယ်ယူရာမှာ အလွဲသုံးစားမှု သံသယနဲ့ NLD ပါတီက ထုတ်ပယ်ခံထားရတဲ့ ဧရာဝတီတိုင်းလွှတ်တော်ဒုဥက္ကဋ္ဌ ဦးစံမင်းအောင်ဟာ အခုတော့ လွှတ်တော်မှာ တရားဝင်နုတ်ထွက်စာ တင်လိုက်ပြီ ဖြစ်ပါတယ်။

သူဟာ တိုင်းဒေသကြီးလွှတ်တော်ရုံးမှာ အသုံးပြုမယ့် ငွေကျပ်သိန်း ၁၅၀၀ ကျော်နဲ့ ကား ၅ စီးဝယ်ယူတဲ့ကိစ္စမှာ ငွေကြေးကွာဟချက်တွေ ရှိတယ်ဆိုပြီး NLD ပါတီဗဟိုကို တိုင်ကြားခံခဲ့ရသူပါ။

စစ်ဆေးပြီး အပြစ်ရှိကြောင်းတွေ့ရှိလို့ ပါတီက ရာသက်ပယ်ထုတ်ပယ်အပြီးမှာတော့ သူဟာ လွှတ်တော်ဒုဥက္ကဌရာထူးကပါ နုတ်ထွက်မယ်ဆိုပြီး လာရောက်အကြောင်းကြားခဲ့တယ်လို့ ဧရာဝတီတိုင်းလွှတ်တော်ဥက္ကဌ ဦးအောင်ကျော်ခိုင်က ပြောပါတယ်။

တိုင်းလွှတ်တော်ဒုဥက္ကဌအဖြစ်ကနေ နုတ်ထွက်စာတင်ပြီးဖြစ်ပေမယ့်လည်း ဦးစံမင်းအောင်ဟာ လွှတ်တော်ကိုယ်စားလှယ်အဖြစ်တော့ ဆက်ရှိနေဦးမှာပါ။

ကားဝယ်ယူရေးကိစ္စမှာ ငွေကျပ်သိန်းထောင်နဲ့ချီပြီး အလွဲသုံးစားမှု ရှိခဲ့တယ်ဆိုတဲ့ သံသယနဲ့ ပတ်သက်လို့တော့ ဦးစံမင်းအောင်ကို အဂတိလိုက်စားမှုတိုက်ဖျက်ရေးကော်မရှင်ကို တိုင်ကြားထားတယ်လို့ သတင်းတွေထွက်နေပေမယ့် အတည်ပြုလို့တော့ မရသေးပါဘူး။

BBC Burmese
https://www.bbc.com/burmese

မှောင်ခိုမူးယစ်ဆေး ရေကူးပြီး သယ်သူ ထိုင်းရဲဖမ်

၂၀၁၃ ခုနှစ် ဖေဖော်ဝါရီလက ထိုင်းနိုင်ငံတွင် ဖမ်းမိသည့် စိတ်ကြွဆေးထုတ်များ။
မြန်မာနဲ့ နယ်ချင်းထိစပ်နေတဲ့ ထိုင်းနိုင်ငံမြောက်ပိုင်း မဲဆိုင်မြို့နယ်ထဲမှာ မြန်မာနိုင်ငံသားတယောက်ကို စိတ်ကြွဆေးပြားပေါင်း ၂ သိန်း နဲ့အတူ ထိုင်းနယ်ခြားစောင့်တပ်က ဖမ်းဆီးလိုက်ပါတယ်။ မြန်မာနိုင်ငံဘက်ကနေ ကားတာယာကွင်းထဲမှာ စိတ်ကြွဆေးပြားတွေထည့်ပြီး ရေကူးသယ်လာချိန်မှာ လက်ရဖမ်းဆီးရမိတာဖြစ်ကြောင်းနဲ့ အခုအခါမှာ နယ်စပ်လုံခြုံရေး တိုးမြှင့်ထားကြောင်း ထိုင်းအာဏာပိုင်တွေက ပြောပါတယ်။ အပြည့်အစုံကို မအေးအေးမာက ဆက်ပြီး ပြောပြပေးမှာပါ။

ထိုင်း- မြန်မာနယ်စပ် ထိုင်းမြောက်ပိုင်း ချင်းရိုင်ခရိုင်အတွင်းကို စိတ်ကြွဆေး အလုံးရေ သန်းရာနဲ့ ချီဝင်ရောက်လာနေတာကြောင့် ပြီးခဲ့နှစ်ကစလို့ ထိုင်းမြောက်ပိုင်းမှာ မူးယစ်နှိမ်နင်းရေးကို ထိုင်းအာဏာပိုင်တွေက အပြင်းအထန်လုပ်လာခဲ့ကြတာပါ။ ဇန်န၀ါရီလ ၂၅ရက်နေ့ ကတော့ထိုင်းမြောက်ပိုင်း ချင်းရိုင်ခရိုင် မယ်ဆိုင်မြို့နယ် အတွင်းမှာပဲ မဲဆိုင်မြစ်ကိုဖြတ်ပြီး စိတ်ကြွဆေး တွေသယ်လာတဲ့ မြန်မာနိုင်ငံသားတဦးကို ဖမ်းမိခဲ့တယ်လို့ ထိုင်းအာဏာပိုင်တွေက ဆိုပါတယ်။

ချင်းရိုင် အမှတ်၅ဒေသက ဗိုလ်ချုပ်ကြီးဝီချစ်ဝုန်ဆန်က တော့ မူယစ်ဆေးဝါးနဲ့ပတ်သက်လို့ မသင်္ကာစရာတွေ တွေ့ရင် နယ်စပ်နေကျေးရွာသားတွေက သတင်းပေးကြဖို့နဲ့ စစ်တပ်တွေ ကလည်း ထိုင်းမြန်မာနယ်ခြားမှာကင်းလှည့်တပ်တွေကို အရင်ကထက် ပိုပြိးတိုးချဲ့ ချထားပါတယ် ဆိုပြီးပြောသွားပါတယ်။

ကားတာယာကို ဘောကွင်းလုပ်ပြီး မဲဆိုင်မြစ်ကို ဖြတ်ကာ ကာလတန်ဖိုး ဘတ်ငွေ သိန်း ၄၀၀လောက် တန်ဖိုးရှိတဲ့ စိတ်ကြွဆေး၂သိန်း ကို မြန်မာနိုင်ငံသားတဦးက သယ်ဆောင်လာတာကို အမှတ် (၂) ဒေသ နယ်ခြားစောင့်တပ်တွေက မြင်တွေသွားပြီး ဖမ်းဆီးစစ်ဆေးခဲ့တာဖြစ်ပါတယ်။

လက်ရှိမှာတော့ စစ်ဆေးဂိတ်တွေတိုးချဲ့ ချထားမူတွေနဲ့ နယ်စပ်တလျောက်မှာ ထိုင်းစစ်တပ်က ကင်းလှည်နေတာတွေ ခပ်စိတ်စိတ်လုပ်လာတဲ့အတွက် မူးယစ်မှောင်ခိုသမား တွေဟာ လူတဦးချင်းကို သုံးပြီး ထိုင်းဖက်ကို လာပို့ ကြပါတယ်။

သတ်မှတ်ထားတဲ့နေရာ ကမ်းနားအရောက်ပို့ ပြီး မြန်မာနိုင်ငံဖက် ပြန်ကူးသွားကြတာပါ ။ မြစ်ကမ်းနားက နေ မူးယစ်ဆေးအထုတ်တွေကို နောက်ထပ်အသင့်စောင့်နေတဲ့ မူးယစ်ဂိုဏ်းတွေက ကားနဲ့ ဆက်သယ်နေကြတယ်လို့ လည်း ဆိုပါတယ်။

အမှတ်(၃) စစ်ဒေသ မူးယစ်ထိန်းချုပ်ရေး ဒေသ မှူး ချလောင်ချိုင်းကတော့ ဒီဒေသမှာ နယ်ခြားစောင့် တပ်အင်အားတွေပိုမိုတိုးချထားရန် ထပ်မံညွှန်ကြားထားပြီလို့  လည်း စနေနေ့မှာ ထုတ်ဖော်ပြောဆိုခဲ့ပါတယ်။

ပြီးခဲ့တဲ့ နှစ်ကတော့ ထိုင်းမြောက်ပိုင်းတခုထဲကပဲ စိတ်ကြွဆေး အလုံးရေ သန်း ၂၈၀ကျော်လောက် ဖမ်းဆီးနိုင်ခဲ့တယ်လို့ ထိုင်းအာဏာပိုင်တွေက ပြောဆိုခဲ့ပြီး ၂၀၁၉ခုနှစ်ထဲမှာတော့ စိတ်ကြွဆေးတွေ ဒီထက်ပိုဝင်လာနိုင်မယ်လို့ သတင်းရထားကြောင်းကိုလည်း ထိုင်းအာဏာပိုင်က ဆိုပါတယ် ။

ထိုင်းမြောက်ပိုင်းမှာတော့ လွန်ခဲ့တဲ့ ၂နှစ်အတွင်းမှာ သန်းနဲ့ချီရှိတဲ့ စိတ်ကြွဆေးတွေအများအပြား ဖမ်းဆီးနိုင်ခဲ့တာကြောင့် ထိုင်းအစိုးရက မူယစ်ဆေးဝါးကင်းစင်တဲ့ ဒေသဖြစ်ဖို့ အတွက် ကြိုးစားလုပ်ဆောင်နေတယ်လို့လည်း ပြောဆိုခဲ့ပါတယ်။

မအေးအေးမာ  / ဗွီအိုအေ (မြန်မာပိုင်း)
https://burmese.voanews.com

ဆက်ကြေးကောက်တယ်ဆိုတဲ့ တပ်မတော်ထုတ်ပြန်ချက်ကို KNU ကန့်ကွက်

ကရင်အမျိုးသား အစည်းအရုံး KNU အထွေထွေအတွင်းရေးမှူးချုပ် ပဒိုစောတာဒိုမူးကို တွေ့ရစဉ် / Photo: Karen National Union Headquarters
ကရင်အမျိုးသားအစည်းအရုံး KNU ကို ဆက်ကြေးကောက်တာတွေ ဆောင်ရွက်နေတယ်ဆိုပြီး တပ်မတော်ဘက်က ပြောကြားချက်ဟာ တနိုင်ငံလုံးအပစ်အခတ်ရပ်စဲရေး သဘောတူစာချုပ်ကို ချိုးဖောက်တာဖြစ်တယ်လို့ KNU က မနေ့က ရက်စွဲနဲ့ ကြေညာချက်ထုတ်လိုက်ပါတယ်။

အမျိုးသားတန်တူရေးနဲ့ ကိုယ်ပိုင်ပြဌာန်းခွင့်ရှိတဲ့ ဒီမိုကရေစီနဲ့ ဖက်ဒရယ်ပြည်ထောင်စုကို တည်ထောင်ရာမှာ KNU ဟာ ကရင်ပြည်သူလူထုရဲ့ ထောက်ခံမှုနဲ့ ရပ်တည်နေတဲ့အဖွဲ့အစည်းဖြစ်ပြီး ဖွံ့ဖြိုးရေးနဲ့ လုံခြုံရေးဆိုင်ရာကိစ္စတွေ စီမံခန့်ခွဲနိုင်ဖို့ ပြည်သူလူထုဆီက သတ်မှတ်ချက်နဲ့အညီ အကူအညီရယူတာသာ ဖြစ်တယ်လို့ ထုတ်ပြန်ချက်မှာ ရှင်းလင်းထားပါတယ်။

တဖက်အဖွဲ့အစည်းရဲ့ ဂုဏ်သိက္ခာညှိုးနွမ်းစေတဲ့ အပြောအဆို၊ အပြုအမှုတွေကို နှစ်ဖက်လုံးက ရှောင်ရှားရမယ်လို့ NCA စာချုပ် အခန်း ၃ (ခ)နဲ့ (စ)မှာပြဌာန်းထားကြောင်းလည်း KNU အထွေထွေအတွင်းရေးမှူး ပဒိုစော တာဒိုမူးက KNU ရဲ့ လူမှုကွန်ယက်စာမျက်နှာက တဆင့်ပြောခဲ့ပါတယ်။

တပ်မတော်က အပစ်ရပ်ထားတဲ့ ၁ လကျော်ကာလအတွင်း တိုင်းရင်းသား လက်နက်ကိုင်အဖွဲ့တွေရဲ့ ဆောင်ရွက် ချက်တွေနဲ့ ပတ်သက်လို့ ဇန်နဝါရီလ ၂၅ ရက်နေ့က ကြေညာချက်ထုတ်ပြန်ခဲ့ရာမှာ KNU ဟာ လှိုင်းဘွဲ့မြို့နယ် အတွင်း ဆက်ကြေးကောက်မှု ၁ ကြိမ်ရှိခဲ့တယ်လို့ ဖော်ပြခဲ့တာပါ။

ဒါ့အပြင် ကရင်ပြည်နယ်၊ ဖာပွန်ခရိုင်အတွင်းအခြေစိုက်တဲ့ KNU တပ်မဟာ ၅ ဟာ အစိုးရစစ်ကြောင်းတွေကို ချောင်းမြောင်းပစ်ခတ်မှု ၉ ကြိမ်ရှိခဲ့တယ်လို့လည်း တပ်မတော်က ဆိုပါတယ်။

KNU ရဲ့ အထွေထွေအတွင်းရေးမှူး ပဒိုစောတာဒိုမူးက NCA စာချုပ်၊ အခန်း (၃) မှာပါရှိတဲ့ နှစ်ဖက်တပ်များ ထိပ်တိုက်တွေ့ဆုံမှု ရှောင်ရှားနိုင်ရေးအတွက် တပ်နေရာ ပြန်လည်ချထားရေးဆိုတဲ့ကိစ္စနဲ့ ပတ်သက်ပြီး စည်းမျဉ်း စည်းကမ်းတွေချမှတ်ဖို့ လက်ရှိအချိန်အထိ မဆွေးနွေးနိုင်သေးတာကြောင့် ဒီလိုအဖွဲ့အစည်း တစ်ခုနဲ့တစ်ခုကြား အထင်အမြင်လွဲမှားမှုတွေရှိနေတာလို့ ပြောပါတယ်။

ကိုယ်ပိုင်သတ်မှတ်ချက်တွေအရ နယ်မြေကျူးကျော်မှုတွေရှိလာတယ်လို့ ယူဆရင် နယ်မြေခံတပ်တွေက စိုးရိမ်မှု လွန်ကဲပြီး တိုက်ပွဲတွေဖြစ်နိုင်လို့ နှစ်ဖက်ဆွေးနွေးဖို့လိုကြောင်းနဲ့ လာမယ့် ဖေဖော်ဝါရီလအတွင်း KNU ဟာ NRPCအပြင် တပ်မတော် ညှိနှိုင်းဆွေးနွေးရေးအဖွဲ့တွေနဲ့လည်း တွေ့ဆုံသွားမှာဖြစ်တယ်လို့ ပြောပါတယ်။

ဒီသတင်းကို RFA သတင်းထောက် မဝေမာထွန်း ပေးပို့တာပါ။

RFA Burmese
https://www.rfa.org/burmese

လူ့အခွင့်အရေးချိုးဖောက်တာတွေ ရှိတယ်ဆိုတဲ့ စွပ်စွဲချက်ကို တပ်မတော်ငြင်းဆို

တပ်မတော် သတင်းမှန်ပြန်ကြားရေးအဖွဲ့ ပြောရေးဆိုခွင့်ရှိသူ ဗိုလ်မှူးချုပ် ဇေ်ာမင်းထွန်း ကို တွေ့ရစဉ် / Photo: Win Ko Ko Latt/RFA
အစိုးရတပ်မတော်ဟာ ရခိုင်ပြည်နယ်မှာ ရက္ခိုင့်တပ်မတော် AA နဲ့ တိုက်ပွဲတွေဖြစ်ပွားနေတဲ့ ကာလအတွင်း စစ် ရာဇဝတ်ကျူးလွန်မှုတာတွေ၊ လူ့အခွင့်အရေး ချိုးဖောက်တာတွေရှိတယ်ဆိုတဲ့ AA ရဲ့ စွပ်စွဲချက်တွေကို တပ်မတော် က ငြင်းဆိုလိုက်ပါတယ်။

ဒီလအတွင်း တပ်မတော်က ရဟတ်ယာဉ်အသုံးပြုပြီး ဗုံးကြဲတိုက်ခိုက်တာတွေ၊ လက်နက်ကြီးနဲ့ ပစ်ခတ်တာတွေ၊ ကျေးရွာတွေထဲ ၀င်ရောက်ပြီး ဒေသခံတွေကို ဖမ်းဆီးရိုက်နှက်တာတွေ၊ ရွှေငွေတွေ ယူဆောင်တာတွေ၊ ရှိခဲ့တယ်လို့ AA ရဲ့ မနေ့က ထုတ်ပြန်ချက်မှာ ပါရှိပါတယ်။

တပ်မတော် သတင်းမှန်ပြန်ကြားရေးအဖွဲ့ ပြောရေးဆိုခွင့်ရှိသူ ဗိုလ်မှူးချုပ် ဇေ်ာမင်းထွန်း က တပ်မတော်ဟာ ကျေးရွာတွေထဲကို ဝင်ရောက်ရှင်းလင်းတာတွေ မလုပ်ဘဲ နယ်ခြားစောင့် ရဲတပ်ဖွဲ့ဝင်တွေကသာ ကျေးရွာတွေထဲ ဝင်ရောက် ရှင်းလင်းတာတွေပြုလုပ်လေ့ရှိတယ်လို့ RFA ကို ပြောပါတယ်။

ဒါ့အပြင် AA တပ်ဖွဲ့ဝင်တွေက ကျေးရွာတွေထဲမှာ အရပ်သားယောင်ဆောင်ပြီး တပ်မတော်ကို ပစ်ခတ်တာတွေ ပြုလုပ်လေ့ရှိကြောင်းလည်း ဗိုလ်မှူးချုပ် ဇော်မင်းထွန်းက ပြောပါတယ်။

ရခိုင့်တပ်မတော် AA နဲ့ တပ်မတော်တို့ မနေ့က ရသေ့တောင်မြို့နယ် သမီးလှ (ရွာသစ်)ကျေးရွာအနီးမှာ တိုက်ပွဲဖြစ်ပွားခဲ့ရာ ကလေးတစ်ဦးအပါအ၀င် ဒေသခံ ၃ ဦး ထိခိုက်ဒဏ်ရာရရှိခဲ့တယ်လို့ သိရပါတယ်။

AA ကတော့ တပ်မတော်ရဲ့ လူ့အခွင့်အရေးချိုးဖောက်မှုတွေ၊ စစ်ရာဇ၀တ်မှုကျူးလွန်တာတွေကို လာမယ့် ဧပြီလအတွင်း နိုင်ငံတကာ စစ်ခုံရုံးကို ပေးပို့သွားမယ်လို့ ထုတ်ြပန်ထားပါတယ်။

ဒါကြောင့် တပ်မတော်ရဲ့ စစ်ရာဇဝတ်ကျူးလွန်မှုတွေ၊ မတရားနှိပ်စက်မှုတွေနဲ့ပတ်သက်တဲ့ ထွက်ဆိုချက်တွေ၊ သက်သေတွေကို ရက္ခိုင့်တပ်မတော် AA ထံ ပေးပို့ကြဖို့လည်း ထုတ်ပြန်ချက်မှာ ပါရှိပါတယ်။

မနေ့က ရသေ့တောင်မြို့နယ် သမီးလှကျေးရွာအနီးမှာ အစိုးရတပ်တွေနဲ့ ရက္ခိုင့်တပ်မတော် AA ကြား တိုက်ပွဲတွေကြောင့် ဒေသခံ ကလေးတစ်ဦးအပါအ၀င် ၃ ဦးဟာ လက်နက်ကြီးကျည်ထိမှန်တာ၊ သေနတ်ကျည်ထိမှန်တာတွေ ရှိခဲ့တယ်လို့ သိရပါတယ်။

အဲဒီတိုက်ပွဲဖြစ်ပွားပြီးနောက် သမီးလှကျေးရွာမှာရှိတဲ့ ဒေသခံရွာသားတွေကို စာသင်ကျောင်းမှာပဲနေထိုင်ဖို့ အစိုးရတပ်ဘက်က ခေါ်ယူခဲ့ပြီး နေအိမ်တွေထဲ ဝင်ရောက်ကာ ငွေကြေးနဲ့ ရွှေတွေ၊ လက်ကိုင်ဖုန်းတွေ ယူဆောင်သွားတယ်လို့ ဒေသခံတွေက ပြောပါတယ်။

"လက်နက်ကြီး လက်နက်ငယ်တွေနဲ့လည်း အများကြီးပစ်တယ်၊  ရွာထဲမှာကျတယ်၊ ကလေးတွေထိတယ်၊ အမျိုးသမီးထိတယ်၊ နောက်ပြီးတော့ ရွာကိုရှာဖွေရေးလုပ်တယ်၊ အိမ်တွေမှာ သေတ္တာတွေ အကုန်ဖွင့်တယ်၊ ဓားတွေနဲ့ထိုးခွဲပြီး ရွှေတွေငွေတွေ ယူသွားတယ်"

အမည်မဖော်လိုတဲ့ သမီးလှကျေးရွာသားတစ်ဦး ပြောသွားတာပါ။

မနေ့ကတိုက်ပွဲတွေဖြစ်ပွားခဲ့တဲ့ သမီးလှကျေးရွာကို ရခိုင်အမျိုးသားပါတီက ရသေ့တောင်မြို့နယ် ပြည်နယ်လွှတ်တော် ကိုယ်စားလှယ် ဦးသန်းနိုင်က ဒီနေ့မနက်ပိုင်းမှာ သွားရောက်တွေဆုံခဲ့ပါတယ်။

ဒေသခံတွေနဲ့ တွေ့ဆုံခဲ့တဲ့ ပြည်နယ်လွှတ်တော် ကိုယ်စားလှယ် ဦးသန်းနိုင်က အခုလို ပြောပါတယ်။

"အိမ်ခြေ ၆၄ အိမ်ကို သူတို့က ဝင်ပြီးမွှေနောက်ပြီး ရှိတဲ့ဟာ အကုန်ယူသွားတာပေါနော်၊ ရွှေတို့၊ ငွေတို့ ပစ္စည်းတို့ပေါနော်၊ ပါသွားတဲ့ပစ္စည်းတွေကို တပ်မတော်အကြီးအကဲကို တရားဝင်စာနဲ့ တင်ပြပြီးတော့ ဒီဟာဒီဟာတွေဟာ ဘယ်သူတွေဟာတွေ ဘယ်လောက်ပါသွားတယ်ဆို စာရင်းယူထားပါတယ်၊ အဲဒါတွေကို ပါတီကိုတင်ပြပြီး ပါတီက ညှိနှိုင်းဆောင်ရွက်မှာပါ"

ဒါ့အပြင် သမီးလှကျေးရွာအတွင်း သေနတ်ကျည်အခွံတွေ၊ လက်နက်ကြီး ပေါက်ကွဲထားတဲ့ ကျည်ခွံတွေနဲ့ မပေါက်ကွဲသေးတဲ့ လက်နက်ကြီးတွေ တွေ့ခဲ့ရတယ်လို့လည်း ဦးသန်းနိုင် က ပြောပါတယ်။

ရက္ခိုင့်တပ်မတော် AA က မနေ့က တိုက်ပွဲအပါအ၀င် တပ်မတော်ဟာ ဒီလအတွင်း တပ်မတော်က ရဟတ်ယာဉ်အသုံးပြုပြီး ဗုံးကြဲတိုက်ခိုက်တာတွေ၊ လက်နက်ကြီးနဲ့ ပစ်ခတ်တာတွေ၊ ကျေးရွာတွေထဲ ၀င်ရောက်ပြီး ဒေသခံတွေကို ဖမ်းဆီးရိုက်နှက်တာတွေ၊ ရွှေငွေတွေ ယူဆောင်တာတွေ ရှိခဲ့တယ်လို့ မနေ့က ထုတ်ပြန်ခဲ့ပါတယ်။

ဒီကျေးရွာသားတွေ နဲ့ AA ရဲ့ စွပ်စွဲချက်တွေနဲ့ပတ်သက်လို့ တပ်မတော် သတင်းအမှန်ပြန်ကြားရေးအဖွဲ့ကို RFA က ဆက်သွယ်မေးမြန်းခဲ့ပါတယ်။

"စစ်ကြောင်းက ရွာဘေးကဖြတ်သွားတယ်၊ သမီးလှရွာဘေးက ရွာထဲကနေပြီးတော့ ရီမုမိုင်းနဲ့လှမ်းတိုက်တယ် ရီမုမိုင်းနဲ့ဝင်တိုက်တော့ အဲအထဲကို ရဲကတော့ ဝင်ရှင်းတာရှိတယ် နောက်ပြီးတော့ ရဲတပ်ဖွဲ့ကလည်း ဖမ်းဆီးစစ်ဆေးတာတို့ ငွေကြေးယူသွားတာတို့ မရှိဘူး၊ သို့သော်တစ်ခုရှိတာက အဲရွာထဲကတိုက်တဲ့လူတွေကလည်း AA အဖွဲ့က အရပ်ဝတ်နဲ့လူတွေ လုပ်တာဆိုတော့ သူတို့အဖွဲ့ကလူတွေ စွပ်စွဲတာဖြစ်နိုင်တယ်"

ရသေ့တောင်မြို့ သမီးလှ(ရွာသစ်)ကျေးရွာအနီးမှာ မနေ့ကဖြစ်ပွားခဲ့တဲ့ တိုက်ပွဲအခြေအနေတွေနဲ့ ပတ်သက်လို့ တပ်မတော် သတင်းမှန်ပြန်ကြားရေးအဖွဲ့က ဗိုလ်မှူးချုပ် ဇော်မင်းထွန်း ပြောသွားတာပါ။

ရခိုင်ပြည်နယ်အတွင်း အစိုးရတပ်မတော်ရဲ့ စစ်ရာဇ၀တ်ကျူးလွန်မှုတွေ၊ လူ့အခွင့်အရေး ချိုးဖောက်မှုတွေကို  လာမယ့် ဧပြီလအတွင်း နိုင်ငံတကာစစ်ခုံရုံးကို တင်ပို့သွားမယ်လို့လည်း AA အဖွဲ့က ထုတ်ပြန်ထားပါတယ်။

ဒီအပေါ်မှာ တပ်မတော် သတင်းမှန်ပြန်ကြားရေးအဖွဲ့က ဗိုလ်မှူးချုပ် ဇော်မင်းထွန်းက -----

"ခုနပြောသလို ကျနော်တို့ဆီက ဝင်ရှင်းတာမရှိဘူး၊ နယ်ခြားစောင့်ရဲက လုပ်ထုံးလုပ်နည်းအတိုင်း ရွာထဲဝင်ရှင်းတာတွေ လုပ်တာရှိတယ်၊ ကျနော်တို့ ပြောနိုင်တာက ကျနော်တို့ဆီမှာက ဒါနဲ့ပတ်သက်ပြီး ခိုင်လှုံတဲ့သက်သေရှိတယ်၊ AAအဖွဲ့ကနေ ရွာသားယောင်ဆောင်ပြီးပစ်တာ ကျနော်တို့ဆီမှာ ခိုင်လုံတဲ့ သက်သေအထောက်အထားရှိတယ်"

ဒီထုတ်ပြန်ချက်နဲ့ပတ်သက်ပြီး ရက္ခိုင့်တပ်မတော် AA ပြောရေးဆိုခွင့်ရှိသူ ခိုင်သုခကို RFA က ဆက်သွယ်မေးမြန်းခဲ့ပေမယ့် ဖုန်းလက်ခံဖြေကြားဖို့ အဆင်မပြေသေးဘူးလို့ ပြောပါတယ်။

တပ်မတော်နဲ့ AA အဖွဲ့ဟာ မနေ့က ပလက်ဝမြို့နယ် ခုံရွာဘက်မှာလည်း တိုက်ပွဲတွေဖြစ်ပွားခဲ့တယ်လို့ နှစ်ဖက်ခေါင်းဆောင်တွေက အတည်ပြုပါတယ်။

တိုက်ပွဲတွေအတွင်း နှစ်ဖက်ထိခိုက်ကျဆုံးမှုတွေနဲ့ ပတ်သက်လို့ RFA က အတည်ပြုလို့ မရသေးပါဘူး။ ပုဏ္ဏားကျွန်း၊ ရသေ့တောင်၊ ဘူးသီးတောင်၊ မောင်တော၊ ကျောက်တော် စတဲ့ မြို့နယ်တွေမှာ တိုက်ပွဲတွေကြောင့် နေရပ်စွန့်ခွာထွက်ပြေးနေရတဲ့ ဒေသခံ ၆ ထောင်ကျော် ရှိနေပြီလို့ သိရပါတယ်။

ဒီသတင်းကို RFA သတင်းထောက် ကိုကျော်လွင်ဦး ပေးပို့တာပါ။

RFA Burmese
https://www.rfa.org/burmese

သမီးလှရွာသစ်မှ ထိခိုက်ဒဏ်ရာရသူ ၅ ဦး ရသေ့တောင်ဆေးရုံသို့ရောက်၊ ဒဏ်ရာရသူ အမျိုးသား ၃ဦးမှ အမှုဖွင့်တိုင်ကြားမည်ဟုဆို

(ဓာတ်ပုံ- ရသေ့တောင်မြို့ပေါ်သို့ ဆေးကုသရန် ရောက်နေသူ ၅ ဦး)
နိရဉ္စရာ၊ ဇန်န၀ါရီ ၂၈

ဇန်န၀ါရီ ၂၆ ရက်နေ့က ရခိုင်ပြည်နယ်၊ ရသေ့တောင်မြို့နယ်၊ သမီးလှ ရွာသစ်အနီး ဖြစ်ပွားခဲ့သည့် တိုက်ပွဲအတွင်း ရွာထဲသို့ လက်နက်ကျည်ဆံများ ထိမှန်၍ ဒဏ်ရာရသူ အမျိုးသမီး ၂ ဦးနှင့် စစ်တပ်၏ ထုထောင်းရိုက်နှက်ခြင်းကို ခံခဲ့ရသည့် ကျေးရွာသား ၃ ဦး၊ စုစုပေါင်း ၅ ဦးသည် ဇန်န၀ါရီ ၂၇ ရက်နေ့က ရသေ့တောင်မြို့နယ်ဆေးရုံသို့ ဆေးကုသရန် ရောက်ရှိလာကြသည်ဟု ဆိုသည်။

၎င်းတို့မှာ ဒေါ်စံမြသွင် (၅၇)နှစ် (ဘ) ဦးမောင်သာဖြူ၊ မနွယ်နွယ်ဦး (၂၇) နှစ် (ဘ) ဦးလှထွန်း၊ မောင်ဝင်းလိူင်(၃၅) နှစ် (ဘ) ဦးမောင်လှဖြူ၊ ကိုညီပုချေ (၂၀) နှစ် (ဘ) ဦးမောင်လှဖြူနှင့် မောင်စိုးဝင်း (၁၉) နှစ် (ဘ) ဦးမောင်လှသိန်းတို့ ဖြစ်ကြသည်။

ရသေ့တောင်မြို့နယ် စစ်ဘေးရှောင်ကယ်ဆယ်ရေးအဖွဲ့ ဥက္ကဋ္ဌ ဦးကျော်သာခင်က “ အမျိုးသမီး နှစ်ဦးကတော့ တိုက်ပွဲအတွင်း မတော်တဆ တင်ပါးကို ကျည်ဆံထိမှန်ခဲ့တယ်။ ကျန်သုံးယောက်ကတော့ စစ်တပ်က စစ်ဆေးတဲ့အခါ ဒဏ်ရာ ရရှိသွားခဲ့ကြတယ်။ သူတို့ သုံးဦးကို ရသေ့တောင်မြို့မရဲစခန်းမှာ အမှုဖွင့်တော့ ရဲစခန်းမှူးက ဒီမှာ အမှုဖွင့်လို့ မရဘူးလို့ ပြောပါတယ်။ ဖြစ်တဲ့ နေရာက နယ်ခြားစောင့် စခန်းအပိုင်ဆိုတော့ နယ်ခြားစောင့် စခန်းရှိတဲ့ စေတီပြင်ကိုသွားပြီး အမှုဖွင့်ရမယ်။ ဒီနေ့ သွားပြီး အမှုဖွင့်ဖို့ အစီအစဉ်ရှိပါတယ်” ဟု ပြောသည်။

ရဲက အမှုဖွင့်မပေးသဖြင့် ဒဏ်ရာရသူများအနေဖြင့် ရသေ့တောင်မြို့နယ် ဆေးရုံတွင် ဆေးကုသရန် အခက်အခဲရှိနေသည်ဟု သိရသည်။

“ ရသေ့တောင်မြို့နယ်ဆေးရုံကတော့ ဒဏ်ရာမှာ ဆေးတွေတင်ပေးပါတယ်။ ဒါပေမယ့် အမှုဖွင့်တဲ့ ရဲက ဆေးစာမပါတဲ့ အတွက် ဆေးရုံတက်ရောက်ကုသလို့ မရဘူး။ ဒါကြောင့် သူတို့အနေနဲ့ စေတီပြင်နယ်ခြားစောင့်စခန်းကို သွားပြီး အမှုဖွင့်ဖို့ လိုအပ်ပါတယ်” ဟု ဦးကျော်သာခင်က ပြောကြားသည်။

ဖြစ်ပျက်ပုံနှင့် ပတ်သက်ပြီး ဦးခေါင်းတွင် ဒဏ်ရာရသွားသူ မောင်ဝင်းလှိုင်က “ တိုက်ပွဲ ဖြစ်တော့ ကျွန်တော်တို့က ကိုယ့်အိမ်အောက် ထမင်းချက်ခန်းမှာ ၀ပ်နေကြပါတယ်။ တိုက်ပွဲဖြစ်နေတဲ့ အချိန်မှာ စစ်သားတွေက သေနတ်တွေပစ်ပြီးရွာထဲကို ပြေးဝင်လာကြပါတယ်။ ကျွန်တေ်ာတို့အိမ်က ရွာပြင်စပ်မှာဆိုတော့ ကျွန်တော်အိမ်ကို သေနတ်နဲ့ ချိန်ထားပြီး အိမ်မှာ လူရှိလား၊ လူရှိရင် ထွက်လာဆိုပြီး ပြောပါတယ်။ ကျွန်တော်တို့က ရှိပါတယ်။ ရှိပါတယ်ဆိုပြီး လက်မြင့်ပြီး ထွက်လာတော့ စစ်သား တစ်ယောက်က နောက်ကနေ ခြေထောက်နဲ့ကန်ကျောက်လိုက်ပါတယ်။ မြေကြီးကို လဲကျသွားတဲ့အခါ တစ်ယောက်က သေနတ်ပေါင်နဲ့ ထုလိုက်တဲ့အခါ ကျွန်တော်ဦးခေါင်းမှာ နောက်စေ့မှာ ဒဏ်ရာရသွားပါတယ်။ နောက်ပိုင်း သွေးတွေထွက်တော့ စစ်သားတွေကဘဲ လာပြီး ပတ်တီးစည်း ဆေးတင်ပေးပါတယ်” ဟု ပြောသည်။

၎င်း၏ နောက်ပါ ထွက်လာသည့် ညီဖြစ်သူ ညီပုချေမှာလည်း သေနတ်ပေါင်ဖြင့် ရင်ညွှန့်ကို အထိုးခံရသဖြင့် အတွင်းဒဏ်ရာ ရရှိသွားခဲ့ကြောင်း၊ ၎င်းတို့အား ကြိုးဖြင့် ချည်နှောင်ထားပြီး စစ်ဆေးမေးမြန်းကြောင်း၊ ညနေ ၄ နာရီတွင် သာမန် အရပ်သားများဟု သိရှိသွားသဖြင့် ပြန်လည်လွတ်ပေးလိုက်ကြောင်း မောင်ဝင်းလိူင်က ပြောကြားသည်။

“ ကျွန်တော်၏ ညီမှာ မျက်ခုံးအထက်မှာ ပွန်းပဲ့ဒဏ်ရာနဲ့ နောက်တစ်ယောက်ဖြစ်တဲ့ မောင်စိုးဝင်းမှာလည်း မျက်ခုံးမှာ ပွန်းပဲ့ ဒဏ်ရာရပါတယ်။ ကျွန်တော်ညီကတော့ အတွင်းဒဏ်ရာရသွားသလား။ ဆေးရုံက စမ်းသပ် စစ်ဆေးပေးဖို့ လိုပါတယ်” ဟု ပြောကြားသည်။

ဇန်န၀ါရီ ၂၆ ရက်နေ့ နံနက် ၉ နာရီ မိနစ် ၄၀ ခန့်က သမီးလှရွာသစ် အနောက်ဘက် တံတားတည်ရှိရာ ဓနိတောစပ်တွင် မြန်မာ့တပ်မတော်နှင့် ရက္ခိုင့်တပ်မတော်တို့ ပြင်းထန်စွာ ဖြစ်ပွားခဲ့ပြီး ကျည်ဆံများ သမီးလှရွာသစ်ကျေးရွာအတွင်းထိ ကျရောက်ပေါက်ကွဲသဖြင့် အသက် (၇) နှစ်အရွယ် ကလေးငယ်တစ်ဦးတွင်လည်း ဦးခေါင်းတွင် ဒဏ်ရာရရှိခဲ့ကာ စစ်တွေမြို့ပြည်သူ့ ဆေးရုံကြီးတွင် တက်ရောက်ကုသနေရသည်။

တပ်မတော်သတင်းမှန်ပြန်ကြားရေးအဖွဲ့ ခေါင်းဆောင် ဗိုလ်မှူးချုပ် ဇော်မင်းထွန်းက စစ်ကြောင်း သမီးလှရွာသစ်ကျေးရွာအနီးက ဖြတ်သန်းစဉ် ရီမုဒ်ဖြင့်ရွာထဲမှ တိုက်ခိုက်မှု ရှိသဖြင့် ရွာထဲသို့ ၀င်ရောက်ရှင်းလင်းခဲ့ရကြောင်း၊ သို့သော်လည်း စစ်တပ်က မဟုတ်ဘဲ နယ်ခြားစောင့် ရဲတပ်ဖွဲ့တစ်ခုက ၀င်ရောက်ရှင်းလင်းခြင်းဖြစ်ကြောင်း၊ ထိုသို့ ရှင်းလင်းစဉ် လုံခြုံရေးအရ ရွာသားတစ်ချို့ကို ခေါ်ယူစစ်ဆေးမေးမြန်းမှုများရှိခဲ့ကြောင်း ဇန်န၀ါရီ ၂၇ ရက်နေ့က မေးမြန်းစဉ် နိရဉ္စရာသတင်းဌာနသို့ ပြောဆိုထားသည်။

Narinjara
https://www.facebook.com/Narinjara

သမီးလှရွာသစ် အိမ် ၆၄ ဆောင်မှ ရွှေထည်များနှင့်ပစ္စည်းများ ပျောက်ဆုံးမှုများရှိဟု ရွာသားများပြောဆို


နိရဉ္စရာ၊ ဇန်န၀ါရီ ၂၇

ရခိုင်ပြည်နယ်၊ ရသေ့တောင်မြို့နယ်မြောက်ပိုင်း၊ ဒေသခံများ အခေါ် သမီးလှရွာသစ်၊ အစိုးရအခေါ် ရက်ခုန်းတိုင်ရွာသစ် အနီးတွင် ယမန်နေ့ နံနက်က တိုက်ပွဲ ဖြစ်ပွားခဲ့ပြီးနောက် စစ်တပ်က နေအိမ်များကို တက်ရောက်ရှာဖွေပြီးနောက် လက်ဝတ်ရတနာ ရွှေထည်များ၊ အ၀တ်အထည်များနှင့် ပိုက်ဆံများ ပျောက်ဆုံးမှုများရှိကြောင်း ရွာသားများက နိရဉ္စရာ သတင်းဌာနသို့ ပြောကြားသည်။

ကျပ်ငွေ ၂၇ သိန်းနှင့် ပုဆိုး ၃ ထည်ပျောက်ဆုံးသွားခဲ့သည့် ဦးမောင်သိန်းနုက “ ကျွန်တော်မှာ ငွေ ၂၇ သိန်း ပါသွားပါတယ်။ အဲဒီပိုက်ဆံကို ခါးပတ်အိတ်ထဲ ထည့်ပြီး သေတ္တာထဲမှာ ထားတာပါ။ သေတ္တာကို ချိုးဖျက်ပြီး ယူသွားပါတယ်။ ပုဆိုးထည် ၃ ထည်လည်း ပါသွားပါတယ်။ ညနေ ၇ နာရီ အိမ်ကို ပြန်ရောက်တော့ မရှိတော့ပါ။ ကျွန်တော်တို့ ရွာသားတွေအားလုံးကို စာသင်ကျောင်းမှာ စုထားပြီး စစ်တပ် အိမ်တွေကို တစ်အိမ်တက်ဆင်းရှာဖွေပါတယ်။ အိမ်ကို ပြန်ရောက်တဲ့အခါ သေတ္တာကို ပွင့်နေပြီး ပိုက်ဆံတွေကို မတွေ့ရတော့ပါဘူး” ဟု ပြောသည်။


နောက်ရွာသား တစ်ဦးဖြစ်သူ ဦးအောင်စောလှကလည်း “ ကျွန်တော်အိမ်ကို ပြတင်းကို ဖွင့်ပြီး ၀င်တယ်။ သေတ္တာတွေ၊ဘာတွေကို ရှာဖွေရေး လုပ်ပါတယ်။ အိပ်ရာအောက်က ငွေကျပ် ရှစ်သောင်းပါသွားတယ်။ လက်စွပ်တစ်ကွင်း ပါသွားတယ်။ ငွေသား ဒင်္ဂါး တစ်ကျပ် ပါသွားတယ်။ တစ်ခြား လူတွေမှာ အများကြီး ပါသွားပါတယ်” ဟု ပြောသည်။

၎င်းပြင်သူက “ကျွန်တော်တို့သွားလို့ မရပါ။ ရွာမှာရှိတဲ့ ရဲတွေကိုတော့ တိုင်ပါတယ်။ သူတို့ သိပါတယ်။ ရဲတွေလည်း ရွာထဲမှာ ရှိပါတယ်။ သူတို့ကတော့ ကျွန်တော်တို့ ဘာမှ မသိဘူးလို့ ပြောပါတယ်” ဟု ၎င်းက ဆက်ပြောသည်။

၎င်းကျေးရွာမှ ဦးသန်းမောင်ထွန်း (၄၅) နှစ် (ဘ) ဦးထွန်းလှစိန်တွင်လည်း ရွှေ ၆ ကျပ် ပျောက်ဆုံး နေသည်ဟု ပြောကြားသည်။

“ ကျွန်တော်မှာတော့ ရွှေ ၆ ကျပ်ပါသွားပါတယ်။ စစ်သားတွေ ၀င်လာတော့ ဆင်းဆင်း ဆိုတော့ ယူဖို့ မရဘဲ အိမ်မှာထားခဲ့ရပါတယ်။ အလယ်ခန်းထဲက သေတ္တာထဲမှာ ထားခဲ့တာပါ။ သေတ္တာရဲ့ သော့ခလောက်ကို ကန့်လန့်ဖျက်ပြီး ဖွင့်သွားပါတယ်။ သေတ္တာကို ဖြိုဖျက်ပစ်ခဲ့ပါတယ်။ ရွှေ ၆ ကျပ်က ပုတီး ၂ ပင်၊ လက်ကောက် ၁၀ ကွင်း၊ နားဋောင်းတစ်ဘက်၊ လက်စွပ် တစ်ကွင်း၊ ပိုက်ဆံ ၂ သိန်းပါသွားပါတယ်။ ဖုန်း ၃ လုံးပါသွားပါတယ်” ဟု ပြောသည်။

သမီးလှရွာသစ် (ခ) ရက်ခုန်းတိုင်ရွာသစ်သို့ ယနေ့ နေ့လယ်က ရောက်ရှိနေသည့် ရသေ့တောင်ပြည်နယ် လွှတ်တော်ကိုယ်စားလှယ် ဦးဦးသန်းနိုင်က “ စာရင်းရတာက ၆၄ အိမ်စာရင်းရပါတယ်။ စာရင်း လုပ်ထား ပါတယ်။ ရွှေပါတဲ့သူတဲ့သူ ပါသွားတယ်။ ပိုက်ဆံပါတဲ့သူ ပါသွားတယ်။ တစ်ယောက်ဆိုရင် ငွေ ၂၇ သိန်းပါသွားတယ်။ တစ်ယောက်မှာ ဆိုရင် ရွှေ ၆ ကျပ်ပါသွားတယ်။ ဒီကိစ္စကို တပ်မတော် အကြီးအကဲ တွေကို တိုင်ကြားသွားပါမယ်။ ခုလို လုပ်ရပ်ဟာ ဘယ်လိုနည်းနဲ့မှ မဖြစ်သင့်ပါ။ ဒီလို လုပ်ရပ်တွေကို တပ်မတော်အကြီးအကဲတွေ သိအောင် တင်ပြသွားပါမယ်” ဟု ပြောကြားသည်။

ဦးဦးသန်းနိုင် သမီးလှရွာသစ် ဘုန်းတော်ကြီးကျောင်းသို့ ရောက်ခိုက် ၎င်းရှေ့တွင် တပ်က သိမ်းဆည်းထားသော ဖုန်း ၁၉ လုံးကို စစ်တပ်က ရွာသာများသို့ ပြန်လည် လွဲပေးခဲ့သည်ဟု ၎င်းက ပြောဆိုသည်။

ယမန်နေ့ နံနက်က တိုက်ပွဲသည် တပ်မတော်နှင့် AA တပ်ဖွဲ့တို့အကြား သမီးလှရွာသစ် အနောက်ဘက် တံတားအနီးတွင် ဖြစ်ပွားခဲ့သည်ဟု သိရသည်။ တိုက်ပွဲဖြစ်ပွားပြီးနောက် စစ်တပ်မှာ အိမ်ခြေ (၈၄) ဆောင်ရှိသည့် သမီးလှရွာသစ်အား မွေနှောက်ရှာဖွေမှုများ ပြုလုပ်ခဲ့ကြောင်း ရွာသားများ အပြောအရ သိရသည်။

တပ်မတော်သတင်းမှန်ပြန်ကြားရေးအဖွဲ့ခေါင်းဆောင် ဗိုလ်မှူးချုပ် ဇော်မင်းထွန်းအား ဆက်သွယ် မေးမြန်းရာ သူက “ ကျွန်တော်သိသလောက် တိုက်ပွဲက မနေ့မနက်က ၉ နာရီ ၄၀ မိနစ်လောက် ဖြစ်တယ်။ သမီးလှ ရွာက စစ်ကြောင်း ဖြတ်တဲ့အခါ ရွာထဲက ရီမုဒ်မိုင်းနဲ့ တိုက်ခိုက်တယ်။ အဲဒီနောက် ရွာထဲကို ၀င်ရှင်းတယ်။ ရှင်းတဲ့ အခါ တပ်က ၀င်မရှင်းဘူး။ နယ်ခြားစောင့်တပ်က အဖွဲ့တစ်ဖွဲ့ ရွာထဲကို ၀င်ရှင်းတယ်။ နယ်ခြားစောင့်ရဲလည်း လုံခြုံရေး စစ်ဆေးတာတို့ လိုအပ်တဲ့ လူတွေကို ခေါ်ယူ စစ်ဆေးမေးမြန်းတာတို့၊ လုံခြုံရေး ဆောင်ရွက်တာတို့ ရှိတယ်လို့ သိရတယ်။ ပစ္စည်းတွေဘာတွေ ယူသွားတာမရှိဘူးလို့ သိရတယ်” ဟု ပြောကြားသည်။

၎င်းပြင် ပစ္စည်းများအား ယူဆောင်ခြင်းခံရ၍ တိုင်ကြားလာပါကလည်း တပ်မတော်အနေဖြင့် လုပ်ထုံးလုပ်နည်းအတိုင်း စုံစမ်းစစ်ဆေးသွားမည်ဟု ပြောကြားသည်။

Narinjara
https://www.facebook.com/Narinjara

တိုက်ပွဲဖြစ်ခဲ့တဲ့ ရသေ့တောင်မှာ ရွှေငွေလက်ဝတ်ရတနာတွေ ပျောက်ဆုံးခဲ့တယ်လို့ တိုင်ကြား

တပ်မတော်နဲ့ အေအေတိုက်ပွဲတွေကြောင့် ထွက်ပြေးတိမ်းရှောင်နေရတဲ့ ကျေးရွာသားများ
ဇန်နဝါရီလ ၂၇ ရက်နေ့က ရသေ့တောင်မြို့နယ်၊ သမီးလှရွာသစ်အနီးမှာ တိုက်ပွဲအပြီး လုံခြုံရေးတပ်ဖွဲ့ဝင်တွေက ရွာသားတွေကို စာသင်ကျောင်းမှာစုထားပြီး တစ်အိမ်တက်ဆင်း ရှာဖွေမှုတွေ ပြုလုပ်ခဲ့ရာမှာ နေအိမ် ၆၄ အိမ်က ရွှေတွေအပြင် ငွေကြေးတချို့ ပျောက်ဆုံးခဲ့တယ်လို့ အဲ့ဒီကျေးရွာသားတွေက ပြောပါတယ်။

ရွာသားတစ်ဦးဖြစ်တဲ့ ဦးသန်းမောင်ထွန်းက လုံခြုံရေးတပ်ဖွဲ့ဝင်တွေ သူ့အိမ်ပေါ်တက်ရှာစဉ်မှာ ရွှေ ၆ ကျပ်သား နဲ့ ပိုက်ဆံ ၂ သိန်း ပါသွားတယ်လို့ ပြောပါတယ်။

ရသေ့တောင်မြို့နယ် ပြည်နယ်လွှတ်တော်ကိုယ်စားလှယ် ဦးသန်းနိုင်ကတော့ ဒီကိစ္စကိ တပ်မတော်ကာကွယ်ရေး ဦးစီးချုပ်အထိ တိုင်ကြားသွားမယ်လို့ ပြောပါတယ်။

တပ်မတော်သတင်းမှန်ပြန်ကြားရေးအဖွဲ့ တာဝန်ခံ ဗိုလ်မှူးချုပ်ဇော်မင်းထွန်းကတော့ 'ဒီကိစ္စနဲ့ ပတ်သက်ပြီး တိုင်ကြားလာမယ်ဆိုရင်တော့ တပ်မတော် လုပ်ထုံးလုပ်နည်းနဲ့အညီ စီစစ်သွားမယ်' လို့ ဘီဘီစီကို ပြောပါတယ်။

BBC Burmese
https://www.bbc.com/burmese

အမေရိကန်သံတမန်တွေကို ဗင်နီဇွဲလားက ခြိမ်းခြောက်ရင် တုံ့ပြန်မယ်လို့ အိမ်ဖြူတော်ထုတ်ပြန်

အမေရိကန်လုံခြုံရေးအကြံပေး ဂျွန်ဘိုလ်တန်
အမေရိကန်ပြည်ထောင်စု နိုင်ငံတော်လုံခြုံရေးအကြံပေး ဂျွန်ဘိုလ်တန်က အမေရိကန်သံတမန်တွေနဲ့ အတိုက်အခံခေါင်းဆောင် ဟွမ်ဂွိုက်ဒိုကို ခြိမ်းခြောက်ရင် ဗင်နီဇွဲလားအစိုးရကို ထိထိရောက်ရောက်တုံ့ပြန်သွားမယ်လို့ ပြောလိုက်ပါတယ်။

အတိုက်အခံခေါင်းဆောင် ဟွမ်ဂွိုက်ဒိုဟာ ကြားဖြတ်အစိုးရရဲ့ သမ္မတအဖြစ်နဲ့ သူ့ကိုယ်သူကြေညာထားတာဖြစ်ပြီး အမေရိကန်နဲ့ အမေရိကန်ရဲ့မဟာမိတ်နိုင်ငံပေါင်း ၂၀ ကျော်က ထောက်ခံအသိအမှတ်ပြုထားကြပါတယ်။

အမေရိကန်နဲ့ ဥရောပနိုင်ငံတွေက ရွေးကောက်ပွဲအသစ်ကို ၈ ရက်အတွင်းကျင်းပဖို့ ဗင်နီဇွဲလားအစိုးရကို ရာဇသံပေးထားပါတယ်။

ဗင်နီဇွဲလားသမ္မတ နီကိုလက်စ်မာဒူရိုက ရာဇသံပေးတာဟာ ရိုင်းစိုင်းရန်လိုတဲ့အပြုအမှုဖြစ်တယ်လို့ တုံ့ပြန်လိုက်ပြီး 'ဥရောပဟာ ရိုင်းစိုင်းရန်လိုတဲ့ ရပ်တည်ချက်မျိုး ကျင့်သုံးနေပါတယ်၊ သူတို့ဟာ သူတို့ရာဇသံကို ပြန်ရုပ်သိမ်းရပါမယ်၊ ကျွန်တော်တို့ကို ဘယ်သူကမှလာပြီး ရာဇသံပေးလို့ မရပါဘူး' လို့ ပြောပါတယ်။

ပါနားမားမှာ ရောက်နေတဲ့ ပုပ်ရဟန်းမင်းကြီး ဖရန့်ဆစ်ကတော့ ဗင်နီဇွဲလားအကျပ်အတည်းကို ငြိမ်းချမ်းပြီး တရားမျှတတဲ့နည်းလမ်းနဲ့ ဖြေရှင်းကြဖို့ တောင်းဆိုလိုက်ပြီး လူ့အခွင့်အရေးကို လေးစားလိုက်နာကြဖို့ကိုလည်း ကတ်သလစ်လူငယ် ၂ သိန်းလောက်နဲ့ တွေ့စဉ်မှာ ပြောလိုက်ပါတယ်။

'ဗင်နီဇွဲလားအခြေအနေဟာ အလွန်အန္တရာယ်ကြီးမားတဲ့ အခြေအနေကို ကျရောက်နေတဲ့အတွက် သက်ဆိုင်ရာအင်အားစု အားလုံးက လူထုမျက်နှာထောက်ထားကြဖို့' ပုပ်ရဟန်းမင်းကြီးက တိုက်တွန်းခဲ့ပါတယ်။

မစ္စတာမာဒူရိုဟာ ပြီးခဲ့တဲ့နှစ် ရွေးကောက်ပွဲတုန်းက မဲမသာမာမှုတွေနဲ့ အနိုင်ရခဲ့တယ်ဆိုပြီးတော့ ကန့်ကွက်ဆန္ဒပြမှုတွေနဲ့ ကြုံခဲ့ရတာပါ။

ဒါပေမယ့်တော့ သူဟာ ဗင်နီဇွဲလားသမ္မတအဖြစ် အခုလအစောပိုင်းတုန်းက ကျမ်းသစ္စာ ကျိန်ဆိုထားပြီးဖြစ်ပါတယ်။

BBC Burmese
https://www.bbc.com/burmese

ပီရူးနိုင်ငံတွင် ဟိုတယ်နံရံပြိုကျမှုဖြစ်ပွား ၊ လူ ၁၅ သေဆုံးပြီး ၃၀ ကျော် ဒဏ်ရာရ

အချင်းဖြစ်ပွားရာနေရာတွင် ကူညီကယ်ဆယ်မှုများပြုလုပ်နေသည်ကို တွေ့ရစဉ်(ဆင်ဟွာ)
လီမာ၊ ဇန်န၀ါရီ ၂၈ ရက်(ဆင်ဟွာ)

    ပီရူးနိုင်ငံ တောင်ပိုင်း Apurimacပြည်နယ်၌ မိုးသည်းထန်စွာရွာသွန်းမှုကြောင့် ဟိုတယ်နံရံပြိုကျမှု ဖြစ်ပွားရာ လူ ၁၅ ဦး သေဆုံးပြီး ၃၀ ကျော် ဒဏ်ရာရရှိခဲ့ကြောင်း ပီရူးနိုင်ငံ နိုင်ငံတော် ပြည်သူ့ကာကွယ်ရေးဌာန က ဇန်န၀ါရီ ၂၇ ရက်တွင် ပြောကြားခဲ့သည်။

အချင်းဖြစ်ပွားမှုသည်  Apurimac ပြည်နယ်  Abancay မြို့ရှိ   Alhambraဟိုတယ်တွင် ဖြစ်ပွားခဲ့ခြင်းဖြစ်ကြောင်း ပီရူးနိုင်ငံ ပြည်သူ့ကာကွယ်ရေးဌာန အကြီးအကဲ Jorge Chavezက ဆိုသည်။ ဇန်န၀ါရီ ၂၇ ရက် ဒေသစံတော်ချိန် ၀၀ နာရီ ၃၀ မိနစ်ခန့်က  Alhambra ဟိုတယ်တွင် လူ တစ်ရာ နီးပါး တက်ရောက်သည့် မင်္ဂလာဆောင်အခမ်းအနားကျင်းပနေစဉ် မိုးသည်းထန်စွာ ရွာသွန်း ခဲ့ခြင်းဖြစ်ကြောင်း သိရသည်။
အချင်းဖြစ်ပွားရာနေရာတွင် ကူညီကယ်ဆယ်မှုများပြုလုပ်နေသည်ကို တွေ့ရစဉ်(ဆင်ဟွာ) 
လက်ရှိတွင် ဒေသခံ ပြည်သူကာကွယ်ရေးဌာနက ကူညီကယ်ဆယ်မှုများပြုလုပ်လျက်ရှိပြီး ပျောက်ဆုံးသူများကို ရှာဖွေလျက်ရှိကြောင်း သိရသည်။

(Xinhua)
http://www.xinhuamyanmar.com

မက္ကဆီကိုတွင် ပစ်ခတ်မှုများကြောင့် အနည်းဆုံး လူ ၁၂ဦးသေဆုံး

မက္ကဆီကိုနိုင်ငံမှ ရဲတပ်ဖွဲ့ဝင်တစ်ချို့အားတွေ့ရစဉ် (ဓါတ်ပုံ-အင်တာနက်)
 မက္ကဆီကို စီးတီး၊ ဇန်နဝါရီ ၂၈ ရက် (ဆင်ဟွာ)

    မက္ကဆီကိုနိုင်ငံ တောင်ပိုင်း Guerrero ပြည်နယ် တွင် လက်နက်များကိုင်ဆောင်ထားသော အရပ်သားအုပ်စု နှစ်ခု အကြား ပစ်ခတ်မှုများဖြစ်ပွားခဲ့ရာ အနည်းဆုံး လူ ၁၂ဦးသေဆုံးပြီး အခြား ၂ဦး ထိခိုက်ဒဏ်ရာရရှိခဲ့ကြောင်း အစိုးရတာဝန်ရှိသူများက ဇန်နဝါရီ ၂၇ ရက်တွင်ပြောကြားခဲ့သည်။

သေနတ်ပစ်ခတ်မှုသည် ဇန်နဝါရီ ၂၇ ရက် မွန်းလွဲ ၃နာရီတွင် Guerrero ပြည်နယ် Chilapa စည်ပင်သာယာနယ်မြေ အတွင်းရှိ Paraiso de Tepila ဧရိယာသို့ ဦးတည်နေသော လမ်းမပေါ်၌ ဖြစ်ပွားခဲ့ကြောင်း ပြည်နယ်လုံခြုံရေးအာဏာပိုင်အဖွဲ့ ပြောရေးဆိုခွင့်ရှိသူ Roberto Alvarez ကပြောကြားခဲ့သည်။

မျက်မြင်တွေ့ရှိခဲ့သူများ၏ပြောကြားချက်အရ ပြည်သူ့အခြေပြုရဲတပ်ဖွဲ့ ဟု  ၎င်းတို့ကိုယ်ကို နာမည်ပေးထားသည့် လက်နက်များကိုင်ဆောင်ထားသော အရပ်သားအုပ်စု နှစ်ခု သည် ၂နာရီကြာ တိုက်ခိုက်ခဲ့ကြကြောင်း သိရသည်။

Alvarez က အစိုးရရှေ့နေများသည် အဆိုပါ ဖြစ်စဉ်အား စုံစမ်းစစ်ဆေးနေပြီး သက်ဆိုင်ရာ လုပ်ငန်းစဉ်များကို ဆက်လက်လုပ်ဆောင်သွားမည်ဖြစ်ကြောင်း ပြောကြားခဲ့သည်။

(Xinhua)
http://www.xinhuamyanmar.com

အင်ဒိုရေဘေး အိမ်ပေါင်းထောင်ချီ နစ်မြုပ်


အင်ဒိုနီးရှားနိုင်ငံ ဆူလာဝေစီကျွန်းမှာ ပြီးခဲ့တဲ့ သီတင်းပတ်က ရေကြီး မြေပြိုကျတာ၊ လေဆင်နှာမောင်း ၀င်ရောက်တိုက်ခတ်တာတွေ ကြုံခဲ့ရပြီးတဲ့နောက် ၊ လူ ၆၈ ယောက်ထက်မနည်းသေဆုံးပြီး၊ ၇ ထောင်ကျော် ကယ်ဆယ်ရေးစခန်းတွေမှာ ခိုလှုံနေကြရတယ်လို့ အင်ဒိုနီးရှား အာဏာပိုင်တွေက ဒီကနေ့ ပြောကြားလိုက်ပါတယ်။

ပြီးခဲ့တဲ့ သီတင်းပတ်က မိုးအကြီးအကျယ်ရွာသွန်းရာကနေ ရေကာတာ ရေလျှံခဲ့စဉ်အတွင်း ၄၇ ယောက် ဒဏ်ရာရခဲ့တဲ့တချိန်တည်းမှာပဲ၊ ပျောက်ဆုံးနေတဲ့သူ ၇ ယောက်ကို ကယ်ဆယ်ရေးအဖွဲ့တွေဟာ ဆက်လက်ရှာဖွေနေကြတယ်လို့ အင်ဒိုနီးရှားဘေးဒုက္ခကယ်ဆယ်ရေး အေဂျင်စီရဲ့ ပြောခွင့်ရကပြောပါတယ်။ ရေကြီးမှုကြောင့်အိမ်ခြေ ၅ ထောင်ကျော် ရေနစ်မြုပ်ခဲ့သလို၊ တံတားတွေ၊ ကျောင်းတွေ၊ နဲ့ ဘာသာရေး အဆောက်အအုံတွေလည်း ထိခိုက်ပျက်စီးပြီး၊ စပါးခင်းတွေလည်း ဧကထောင်နဲ့ချီပျက်ဆီးခဲ့တယ်လို့ သူကဆက်ပြောပါတယ်။

အခုအခါမှ ရေပြန်ကျသွားပြီးဖြစ်တာကြောင့် တချို့လူတွေကတော့ သူတို့ရဲ့ နေအိမ်တွေကို ပြန်နေကြပြီဖြစ်ပေမယ့်၊ လမ်းတွေ၊ အိမ်တွေမှာရှိနေတဲ့ ရွှံတွေကို ဖယ်ပစ်ဖို့အတွက် စက်ယန္တရားကြီးတွေကို သုံးပြီး ဖယ်ရှားနေရတယ်လို့ ပြောပါတယ်။ တချို့တွေကတော့ ဖြစ်သွားတဲ့ အဖြစ်အပျက်တွေအပေါ်မှာ စိတ်ဒဏ်ရာတွေရခဲ့တာကြောင့် ကယ်ဆယ်ရေးစခန်းမှာပဲ ဆက်ပြီးတော့ နေနေကြပြီး၊ အစားအစာ၊ ရေ၊ စောင် နဲ့ ကျန်းမာရေးဝန်ဆောင်မှုတွေ အရေးပေါ်လိုအပ်နေဆဲဖြစ်တယ်လို့ သူက ဆက်ပြောပါတယ်။ ဆူလာဝေစီကျွန်းမှာ ဖြစ်ခဲ့တဲ့ အဲဒီ သဘာဝဘေးဒုက္ခကြီးက အဲဒီခရိုင်ရဲ့ မြို့တော် Makassar အထိပါ ထိခိုက်မှုတွေရှိခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com

ဖိလစ်ပိုင် ဘုရားကျောင်း ပေါက်ကွဲမှု အယောက် ၂၀ သေဆုံး


ဖိလစ်ပိုင်နိုင်ငံ တောင်ပိုင်းက ခရစ်ယာန် ဘုရားရှစ်ခိုးကျောင်း တခုမှာ တနင်္ဂနွေနေ့က ဗုံးနှစ်လုံး ပေါက်ကွဲခဲ့တာကြောင့် လူပေါင်း ၂၀ သေဆုံးပြီး ၈၁ ဦး ဒဏ်ရာရရှိခဲ့ပါတယ်။ အစောပိုင်းတုန်းကတော့ လူသေဆုံးတဲ့ အရေအတွက် ကို ၂ ခါထပ် ရေတွက်မိတာတွေ ကြောင့် မှန်ကန်စွာ မပြောနိုင်ခဲ့ဘူးလို့ ရဲတပ်ဖွဲ့က ပြောပါတယ်။ အစိုးရက ထုတ်ပြန်တဲ့ ကြေညာချက်မှာ တိုက်ခိုက်သူတွေကို ချေမှုန်းဖမ်းဆီးမှာဖြစ်တယ်လို့ ကတိပေးထားပါတယ်။

တိုက်ခိုက်သူတဦးချင်းစီကို တရားရုံးတင် စစ်ဆေးပြီး ထောင်ဒဏ်အပြစ်ပေးသွားမှာ ဖြစ်တယ်လို့ အစိုးရက ပြောပါတယ်။ ဒီလုပ်ရပ်ကို ကျူးလွန်သူတွေဟာ အလွန်ရက်စက်သူတွေဖြစ်ပြီး ဒီအတွက်လည်း သနားညှာတာမှာ မဟုတ်ဘူးလို့ အစိုးရရဲ့ ထုန်ပြန်ချက်မှာ ဖေါ်ပြထားပါတယ်။

ပထမဆုံးပေါက်ကွဲခဲ့တဲ့ ဗုံးကတော့ Sulu ဒေသက Jolol မြို့က ခရစ်ယာန်ဘုရားရှစ်ခိုးကျောင်းမှာ လူတွေ စုဝေးနေချိန်အတွင်း ဖြစ်ခဲ့ပြီး စစ်တပ်နဲ့ ရဲတပ်ဖွဲ့တွေက ကူညီကယ်ဆယ်ရေးတွေလုပ်နေချိန်မှာ ဒုတိယမြောက် ဗုံး ပေါက်ကွဲခဲ့တာဖြစ်ပါတယ်။

အခုလို ဗုံးခွဲတိုက်ခို်က်မှုဟာ အကြမ်းဖက် လုပ်ရပ်ဖြစ်တယ်လို့ ဖိလစ်ပိုင် သမ္မတ Rodrigo Duterte က ရှုတ်ချ ပြောဆိုခဲ့ပါတယ်။ ကုလသမဂ္ဂအတွင်းရေးမှူးချုပ် Antonio Guterres ကလည်း အခုလို အကြမ်းဖက်တိုက်ခိုက် ကျူးလွန်သူတွေကို အမြန်ဆုံး ဖေါ်ထုတ် စစ်ဆေးအရေးယူဖို့ တောင်းဆိုခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com

ထိုင်းမှာ သေဒဏ်ချခံထားရတဲ့ မြန်မာအမျိုးသမီး

ထိုင်းနိုင်ငံ၊ ဘန်ကောက်မြို့က တရားရုံးချုပ်မြင်ကွင်း။ (သြဂုတ် ၂၅၊ ၂၀၁၇)
မူးယစ်ဆေးဝါး ဘိန်းရာဇာတို့ရဲ့ငွေမည်းတွေကို ခဝါချပေးနေတဲ့ မြန်မာနိုင်ငံသူတဦးကို ၂၀၁၇ ခုနှစ်က ဖမ်းဆီးခဲ့ပြီး ၂၀၁၉ ခုနှစ်၊ ဇန်နဝါရီလ ၂၅ ရက်နေ့ကတော့ ထိုင်းတရားရုံးကနေ သေဒဏ်အမိန့်ချလိုက်ပါတယ်။ အပြည့်အစုံကို ထိုင်းအခြေစိုက် ဗွီအိုအေသတင်းထောက် မအေးအေးမာက သတင်းပေးပို့ထားပါတယ်။

ထိုင်းနိုင်ငံ၊ ဘန်ကောက်မြို့၊ ရချဒါဖိဆစ်တရားရုံးကနေ မူးယစ်ဆေးဥပဒေ BE 2534 အရ တရားခံအဖြစ် စွဲချက်တင်ခံထားရတဲ့ မြန်မာနိုင်ငံသူ နန်းမြင့်သိန်းအေးဟာ မူးယစ်ဆေးဝါးအဖွဲ့ရဲ့ အရေးပါတဲ့ ငွေကြေးခဝါချ ပေးမှုအပြင် မြန်မာနိုင်ငံအတွင်းမှာ မူးယစ်ရာဇာတွေရဲ့ မူးယစ်ဆေး ရောင်းရငွေတွေ လွှဲပြောင်းပေးရာမှာလည်း ကြားခံအဖြစ် ဆောင်ရွက်ပေးခဲ့ကြောင်း ပြစ်မှုထင်ရှားတဲ့အတွက် သေဒဏ်ချမှတ်ခဲ့တာဖြစ်ကြောင်း ထိုင်းအာဏာပိုင်တွေက ပြောပါတယ်။

သူ့ကိုဖမ်းဆီးပြီးချိန်မှာ ထိုင်းအာဏာပိုင်တွေက ဖမ်းဝရမ်းကို ဖတ်ပြသွားပါတယ်။

ပြီးခဲ့တဲ့ ၂၀၁၇ နိုဝင်ဘာလက အခု သေဒဏ်ပေးခံရသူ အသက် ၄၃ နှစ်အရွယ် နန်းမြင့်သိန်းအေးဟာ ဘန်ကောက်မြို့မှာ ဆေးလာကုနေချိန် ဖမ်းဆီးခံခဲ့ရတာပါ။ သူစီးလာတဲ့ ဗင်ကားကို မူးယစ်တိုက်ဖျက် အရာရှိတွေက ကားတွေနဲ့ပိတ်ရပ်ခဲ့ပြီး ကားထဲကနေ ဆွဲခေါ် ဖမ်းဆီးခဲ့တာဖြစ်ပါတယ်။

သူမရဲ့လုပ်ငန်းဟာ ငွေလွှဲပြောင်း၊ ငွေလဲလုပ်ငန်းတွေဖြစ်ပြီး မူးယစ်ဆေးနဲ့ ဘာမှ မပတ် သက်ကြောင်း ငြင်းဆိုခဲ့သလို မူးယစ်ဆေးကရတဲ့ငွေတွေကို ခဝါချပေးနေသူဆိုတဲ့ စွပ်စွဲချက်ကိုလည်း ရှေ့နေနဲ့အတူ ငြင်းဆိုခဲ့ပါသေးတယ်။
နန်းမြင့်သိန်းအေး ဟာ ထိုင်း-မြန်မာနယ်စပ် မဲဆိုင်နဲ့တာချီလိတ်မှာ ဟန်ပြ စီးပွားရေးလုပ်ငန်း ရတနာဆိုင်၊ ရွှေဆိုင်နဲ့ ဟိုတယ်လ်လုပ်ငန်းတွေကိုပါ လုပ်ကိုင်နေသူဖြစ်ကြောင်း ထိုင်းအာဏာပိုင်တွေက ပြောခဲ့ပါတယ်။ ထိုင်းနိုင်ငံသူ အစိုးရအေးဂျင့်တဦးက စိတ်ကြွဆေးဝယ်ဖို့ ဘတ်ငွေ ၁၃ သန်းကို နန်းမြင့်သိန်းအေး ဖွင့်ထားတဲ့ ဘဏ်စာရင်းထဲ ငွေလွှဲပြောင်းပေးခဲ့တာကိုလည်း ထိုင်း မူးယစ်နှိမ်နင်းရေးက သက်သေအဖြစ် တရားရုံးမှာ တင်ပြခဲ့တာပါ။ သူ့ကို ထိန်းသိမ်းစစ်ဆေးအပြီးလပိုင်းအတွင်းမှာပဲ သူနဲ့ဆက်စပ်တယ်ဆိုတဲ့ မဲဆိုင်နဲ့ စမုတ်ပရကန်က မူးယစ်ရာဇာတွေကိုလည်း ဖမ်းဆီးနိုင်ခဲ့သလို သူတို့ရဲ့ပိုင်ဆိုင်မှုတွေကိုလည်း ထိုင်းအာဏာပိုင်တွေက လိုက်လံ သိမ်းဆည်းနိုင်ခဲ့ပါတယ်။

၂၀၁၇ ခုနှစ်က နန်းမြင့်သိန်းအေးကို ကိုယ်တိုင်ဖမ်းခဲ့တဲ့ ထိုင်းမူးယစ်နှိမ်နင်းရေး ဒုရဲချုပ် စုန်မိုင်ကတော့ - “အခုလို တရားခံကို ဖမ်းဆီးနိုင်ခဲ့တာဟာ မူးယစ်ရာဇာတွေရဲ့ အဓိကသွေးကြောတခုကို ဖော်ထုတ်နိုင်ခဲ့တာဖြစ်ကြောင်းနဲ့ တရားခံဟာ တနှစ်ကို ဘတ်ငွေသန်းပေါင်း ၅၀၀ အထိ မူးယစ်ဆေးဝါးက ရတဲ့ ငွေမည်းတွေကို မြန်မာနိုင်ငံထဲ ပြန်လွှဲပေးနေသူဖြစ်”…ကြောင်းကိုလည်း ပြောသွားခဲ့ပါတယ်။

မအေးအေးမာ  / ဗွီအိုအေ (မြန်မာပိုင်း)
https://burmese.voanews.com
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ