RCSS တိုက်ခိုက်သည့်အတွက် တပ်မတော်သား တချို့ သေဆုံး ဒဏ်ရာရ

RCSS/SSA တပ်ဖွဲ့ဝင်တချို့ကို တွေ့ရစဉ် ။ Photo: Kan Thar/RFA
ရှမ်းပြည်နယ်တောင်ပိုင်း မိုင်းပန်မြို့နယ်ထဲက တပ်မတော်စစ်ကြောင်းကို ရှမ်းပြည်ပြန်လည် ထူထောင်ရေးကောင်စီ RCSS/SSA အဖွဲ့က မနေ့ မနက်ပိုင်းက ပစ်ခတ်တိုက်ခိုက်တဲ့အတွက် တပ်သားတချို့ ကျဆုံးပြီး တချို့ ဒဏ်ရာ ရရှိခဲ့တယ်လို့ တပ်မတော်က သတင်းထုတ်ပြန်လိုက်ပါတယ်။

ဒဏ်ရာရရှိသူတွေကို မိုင်းပန်မြို့နယ်က တပ်မတော်ဆေးရုံကို ပို့ဆောင်ခဲ့ရတယ်လို့ တပ်မတော်ကာကွယ်ရေး ဦးစီးချုပ်ရုံးက မနေ့က ရက်စွဲနဲ့ ထုတ်ပြန်ချက်မှာ ဖော်ပြထားပါတယ်။

တပ်မတော်ဘက်က အပစ်အခတ်ရပ်စဲရေးနဲ့ ငြိမ်းချမ်းရေးဆွေးနွေးပွဲတွေ ပြုလုပ်ဖို့ အခုနှစ် ဒီဇင်ဘာ ၂၁ ရက်နေ့ကနေ ၂၀၁၉ ခုနှစ် ဧပြီ ၃၀ ရက်အထိ ၄ လကြာ စစ်တိုင်း ၅ ခုမှာ စစ်ဆင်ရေးတွေရပ်ဆိုင်းမယ်လို့ ကြေညာထားပြီးဖြစ်ကြောင်းနဲ့ ဒီကိစ္စအပေါ် တရားဥပဒေဘောင်အတွင်းမှ ပြန်လည်တုံ့ပြန်သွားမည်ဖြစ်ကြောင်း ထုတ်ပြန်ချက်မှာ ဖော်ပြထားပါတယ်။

RCSS ပြောရေးဆိုခွင့်ရှိသူ ဗိုလ်မှူးကြီး စိုင်းဦးကတော့ အဲဒီမိုင်းပန်းဒေသမှာ တပ်မတော်နဲ့ RCSS အဖွဲ့တို့ မနေ့က တိုက်ပွဲဖြစ်ပွားတာမရှိဘူးလို့ မြေပြင်တပ်ဖွဲ့ တာဝန်ရှိသူတွေက ပြောဆိုကြောင်းနဲ့ မိုင်းပန်မြို့နယ်က RCSS ဆက်ဆံရေးတာဝန်ခံကို တပ်မတော်ဘက်က ခေါ်ပြီး အဲဒီကိစ္စအပေါ် မေးမြန်းတာတွေရှိကြောင်း RFA ကို ဒီနေ့ ပြောပါတယ်။

ဒီဇင်ဘာလ ၂၇ ရက်နေ့ မနေ့ နေ့လည်ပိုင်းနဲ့ ညနေပိုင်းမှာ အဲဒီမိုင်းပန်းမြို့နယ်မှာရှိတဲ့ ပအိုဝ်းအမျိုးသား လွတ်မြောက်ရေးအဖွဲ့ချုပ် PNLO က RCSS ဘက်ကို လက်နက်ကြီးနဲ့ ၂ ကြိမ်တိုင် ပစ်ခတ်တာတွေရှိပေမဲ့ RCSS ဘက်ကတော့ တိုက်ခိုက်တာ မရှိဘူးလို့ ဗိုလ်မှူးကြီး စိုင်းဦးက ပြောပါတယ်။

တပ်မတော်ထုတ်ပြန်ချက်မှာတော့ RCSS အဖွဲ့ဟာ အဲဒီဒေသကို နယ်မြေကျော်ပြီး ၀င်ရောက်လာခဲ့တာဖြစ်ကြောင်း နဲ့ နိုဝင်ဘာ ၂၀ ရက်နေ့ကလည်း ပန်ပိရွာ ဘုန်းကြီးကျောင်းအတွက် ဟိုပုန်းကိုရင်လေး၊ ရှမ်းပြည်နယ်အစိုးရအဖွဲ့နဲ့ ဒေသခံပြည်သူတွေ လှူဒါန်းတဲ့ပစ္စည်းတွေ သယ်ဆောင်လာတဲ့ ယာဉ်တန်းကို RCSS က ပိတ်ဆို့ဟန့်တားခဲ့ တာကြောင့် တပ်က ကူညီဖို့သွားရာမှာ ပစ်ခတ်မှုတွေ လုပ်ခဲ့တယ်လို့ ဖော်ပြောထားပါတယ်။

တဆက်တည်းမှာပဲ တပ်မတော်နဲ့ ပအိုဝ်းအမျိုးသား လွတ်မြောက်ရေးအဖွဲ့ချုပ် PNLO အဖွဲ့တို့ပူးပေါင်းပြီး RCSS အဖွဲ့ကို တိုက်ခိုက်ခဲ့တယ်ဆိုပြီး ဒီဇင်ဘာလ ၂၅ ရက်နေ့ ရက်စွဲနဲ့ RCSS ထုတ်ပြန်ချက်ဟာ မဟုတ်မမှန်ကြောင်း လည်း တပ်မတော်က သတင်းထုတ်ငြင်းဆိုထားပါတယ်။

ရှမ်းပြည်နယ်မှာ NCA လက်မှတ်မထိုးရတဲ့ အဖွဲ့တွေနဲ့ တပ်မတော်တို့ တိုက်ပွဲဖြစ်ပွားခဲ့တာတွေရှိသလို NCA လက်မှတ်ထိုးထားတဲ့ RCSS နဲ့ PNLO ပအိုဝ်းအဖွဲ့တို့ကြား တိုက်ပွဲဖြစ်ပွားနေတာတွေလည်းရှိပါတယ်။

ဒီသတင်းကို RFA သတင်းထောက် ကိုသီဟထွန်းက ပေးပို့လိုက်တာပါ။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ